|
Re: نحن قادمون فى نزوعنا المرير...يا....ذراعنا الاخير ...ياوطن ... (Re: ناهد بشير الطيب)
|
لم اكمل لكم ....ماوددت فعله هناك فى الوطن (اذا اذن المولى ) ساأبحث عن كتاب الف باء الوطن واطالعه سأاركض وحينما يضايقنى حذائى سااضطر لقفذه من امامى ككرة ...واركض انا خلفه ساأذهب الى محطة المواصلات واركب من الباب اليمين للتاكسى وانزل من اليسار(بس كدة) ساالبس هناك ....احتراما .....الزى الرسمى للمدينة التى اعشقها ... سأاعيد لغتى الضائعة منى... منذ زمن ..وسااخرج حيث سافنا اللغة......
كثير هو ماسافعله هناك لى عودة بحول الله
| |
|
|
|
|
|
|
Re: نحن قادمون فى نزوعنا المرير...يا....ذراعنا الاخير ...ياوطن ... (Re: ناهد بشير الطيب)
|
Quote: اذا الموية استقرت فى مزيج شِدَرْ السكون..
ورماد مراية اتكسَّرت...
صادفت لونك ..فى طريق تبداهو خطوة اتوترت
شاتت حصايةْ الاشتعال...فلقت مسافات قرَّبت ...
اللون بشيل الريحة والنده القديم....
زى طيره بتقيس المسافة البين محطة وبين جناح بتفرو بسمات العبوس..
وتشدو من ريشةْ الشقا المكتوم كواريك الصدى الراجع من الجلسة الرهيفة..
ومن رغيفة تيبسا الغيمة وتدسها فى حشا الجدل المعلق فى مكان صورة الجبل..
وتكتمل بى حدة السَقْف العَصَرْ بطن الِحِلمْ...و يطلِّعْ الصوت فى ظلال لون الشبابيك المَقَفلة.
والمماليك البِشِفْ سلطان زمانهم منهم لون الحرس...
قرَّبت اوصل لى الجرس....مديت يمين مدسوسة من ايدا الشمال ..
الرنة ضاعت فى ضجيج لون الغبار الشرا حردان الأرض ....زى حق مودر بين بشر
طَلْقْ الغبار هو جنا الكتال النامى بين عمق وقِشِرْ...
و الارتهان لى الكلمة تحلب لونا من َضْرع المذهلل قوس قزح
وكتين يوقف ضهرو بين ِشبَْكةْ حديث يتوارى من لون البَصَرْ ..
زى ما الِشدَرْ أفراق يقوِّم بينا ...فجوات الظلال واللون ..أبيتك..
واشتهيت ألقاك فى زمن الشرود...الباقى مصلوب انتظار...
يوم الأمانى اتشبرت...
اخدت مكان اللون عِطِرْ ...شدت خيول الصوت َصُبرْ...
شبهت بيك عطر المدينة ..وقدلة الماشين...وهوجات الشوارع..
وما لقيت لونك محكر فى الطبالى..
ولا عمى الألوان ..بشيل تاريخ مكّسر ...لو سما اللوحات يزاحم راس بيوت...
نبنى فى وهج الصراع الحامى غفلة ...ونمشى فى الزمن البفوت..
ومليت مواعين ....ما اتملت...الموية والأسرار فى بير...
الضفة والانهار..مصير ...
|
شكرا شاعرنا المخضرم المكاشفى محمد بخيت وانت تمتعنا باريج القصائد عرفناك شاعرا تصافح كلماتك اعيننا وتملا فضاءاتنا بذلك القصيد والنشيد والغناء الذى يردده رائعنا وردى .....
حقيقة (عشمنا ومنانا) استمرارك هنا فى المنبر وان لاتكون مجرد سحابة شتوية تفيض ريا...ثم تعود من حيث اتت افتح لنا نوافذ شعرك لقصيدة اخرى مختلفة...... ........
..........
من شاعر شديد الاختلاف .....
كن بخير......
| |
|
|
|
|
|
|
|