|
|
 Re: نجوم الغد .. افــــراح عصــام تكسب (Re: jini)
|
Quote: انتو خلوها لى انا براى
جنى |
.. البوست دا يا جني كنت راجي بيهو السبتبتاع امس دا .. على اساس انو حلقة يوم الخميس اتوقعته يجيبو فيها الشغل النضيف .. طلع يوم الخميس (حنك) بس ..
انا شخصيا بخليها ليك براك لحدت الأربعاء الجاية .. ويوم الخميس الحساب يجمع ..
شكلك كدا والله ح تتقلع هنا دا قدام العضوية والمتصفحين.. 
| |
 
|
|
|
|
|
|
|
 Re: نجوم الغد .. افــــراح عصــام تكسب (Re: singawi)
|
Quote: تمبس
سلام وكلام
ياخي الكتاحة والبلاوي الماها صاحا نستنا الأفراح
أها الحاصل شنو في موضوع القطية . إن شاء الله طلعت مية المية
أسمع ...
الأمجاد بدور لونها أزرق .. سمح |
والله يا سنجاوي الكتاحة دي تنسي الزول (افراحو) مش اسمو بس ..
القطية ح ننظر ليك في امرهـا ترانـا شايفنا قاعدين برضو وفاتحين خشمنــا ..
لو ما لقينا ليك طريقة لي الأمجـــاد .. بنقلع ليك (النوبيرا) من جني 
| |
|
|
|
|
|
|
|
|
 Re: نجوم الغد .. افــــراح عصــام تكسب (Re: tmbis)
|
الاخ الفنان تمبس
لك الشكر على هذا الجمال .. والتحية كاملة للبنيات الزى الورد ديل ومزيدا من التقدم لهن..
اتمنى يا تمبس ان يتثق حسك الفنى العالى المتميذ وارائك التعيسه المزعجه تجاه القضايا العادله ..
الريح كودى ..
| |
|
|
|
|
|
|
|
|
 Re: نجوم الغد .. افــــراح عصــام تكسب (Re: الريح كودى)
|
Quote: الاخ الفنان تمبس
لك الشكر على هذا الجمال .. والتحية كاملة للبنيات الزى الورد ديل ومزيدا من التقدم لهن..
اتمنى يا تمبس ان يتثق حسك الفنى العالى المتميذ وارائك التعيسه المزعجه تجاه القضايا العادله .. |
الأخ العزيز الريح كودي ..
مليون سلام .. وتقدير.
ارائك التعيسة المزعجة دي يا الريح بالغت فيها ..
إنت عارف البزعج الواحد بالجد شنو يا كودي ..؟ تكون ماشي كويس وتجي تدخل ليك لي واحد في مكان وتديهو رائك بي صراحة في اي حاجة ما ليها علاقة بي كرة القدم .. يجي يقول ليك عيب لي الريح كاريكا عليك الله .. حسع ما اللعب من سمير غانم..
تعرف نفس الحركة دي عمله معاي خالد كودي اخوك ..
بالمناسبة اكبر انت واللا هـو .. غايتون انا بقترح عليك انو دافنشي دا الاكبر منك .. يعني بي صراحة البكر بتاعكم بلاي قول ليهو تمبس قال إنت البكر بتاع ناس البيت ..
خالد اخوك فجأة جاتو صحوة كدا .. وبطل يتابع الجداد الكان متابعو بعدما اكتشف انو جداد .. وانو هو واحد من هذه الديوك الكان لافي مع (القطيع) بتاع الجداد دا .. دخلت عليهو يوما ما بعدما عجبتني كتابتو في موقف ما .. دخلت علشان اثبت ليهو مبدا واح انو دا الخط السليم .. وكلامك دا في المليان .. وقلت ليهو خليك ثعلب واعمل ليك قفص كبير لانو بي طريقتك دي احتمال يمعطو ريشك في الحلقة الجاية ..
قال لي بالحرف مواقفك وتخاذلك وقضايا عادلة وفتح لي موال زي دا .. بل طالبني بالاعتذار العلني على رؤوس الاشهاد لاحدهم طول لسانو مترين ونص ووصفني بأوصاف جربانه جدا تبين حقيقتو .. وطبعا ما طالبني حليفة يا كودي .. والله اخوك نباذا ولسانو فلقه .. لدرجة انو الشتيمة دي زاتها ما بيعرف يكتبه هنا دا ..
وللاسف ما طالبني بالاعتذار له .. وتبيان موقفي الواضح تجاه قضيته أو كما خيل له .. اليومين دي حاتنو قرض معاهم .. إنت ذاتك حاتيهو معاهم ..
لذلك يا سيدي .. ما تشبكني قضايا عادلة .. ومصيرية وتبقى زي اخوك البكـر .. خليك يا الريح زول صغير كويس زي ما انا راسمك بالضبط ..
وبلاي عليك الله اول ما الله يفتح ليك بي حاجة بتشوفه كويسة مني .. تجي تقول لي كلامك دا ..؟؟
إن ما عندك اوتوكيت كدا مالك ..؟
زيك وزي اخوك الكبير واحد ..
إنتو الاتنين (بكـــر) واللا شنـو..؟
ياخي متع نفسك بالبنيات الغنايات ديل يا الريح .. إنت زول اضانك كويسة
خليك معانا هنا .. في المتعة دي وصوت للرقم تمنية .. علشان افراح عصام تكسب .. وخليك بلاي من الحاجات التانية دي ..
اتفقنـا ..؟
وما تنسى وصيتي لي دافنشي بلاي كلمو معاك عليك الله
| |
|
|
|
|
|
|
|
|
|
Re: نجوم الغد .. افــــراح عصــام تكسب (Re: SILVER MOON)
|
العزيز سلفر مون ..
شكرا مليون مرة .. اولا للمتابعة للبوست ..
وثانياً للتنبيه ..
للاسف الشديد ما حضرت الحلقة حقت الخميس .. ودقست اني اكلم ـ زميلنا البوردابي الأمين ـ والراجل قضاي ومتضامن معانا لي ابعد حد فيما يتعلق بي هزيمة جني ..
جيت داخل امس بكوس لي اي ملف لي حلقة الخميس بعدما رفع ضغطي عمر الفاروق وقالي افراح يوم الخميس بالغت عديل كدا ..
واهو زي ما شايف .. نحن متقدمين لحدي الآن ..
شكرا للاستاذ .. كما عودنا دائما حلقة الوصل لكل الملفات الضايعة .. شكرا انو الواحد بيدخل عليهو في اليوتيونب .. وبلقى الرائح عليهو من ملفات ..
وبالمناسبة دي بهديك (افـــراح ) من حلقة يوم الخميس .. وأكرر شكري للاستاذ والمجهود الكبير دا ..
تشكر يا استاذ .. واسمح لي ادرج الرابط الخاص بيك للمرور على اعمال نجوم الغد
http://youtube.com/watch?v=lhDadW2m6vQ
| |
|
|
|
|
|
|
| |
tmbis
الريح كودى
SILVER MOON
فيس بوك
تويتر
انستقرام
يوتيوب
بنتيريست