سياحة في الوعي البشاشي الغريب الاطوار والانماط.....!!

Quote: في وعي الجلابي المستلب ثقافيا، ده "ينيفورم" اسلامي، زي "الابرول" عند ميكانيكية النقل الميكنيكي! تماما، كما مستلب الجلابة بيتقمص شخصية سيده الجلابي، الجلابي بدورو يتقمص شخصية سيده العربي! من ذلك استعدادو الفطري للحديث مع اي عربي يلاقيهو، بي لهجتو او ابدا ما بي لهجة استلابو، هو، العربية! مع المصري، تلقاهو المسكين يعوج خشمو او يسو الزأزيي، للزقازيق مثلا! يلاقي السعودي، يقلب طوالي، او يسوي، "ايش لونك" او "جزاك الله" الاتوطنت الان في السودان! شخصيا لما الاقي عربي، لوما بعرفو، بدرشو انجليزي طوالي! لو بعرفو بدرشو بالدارجي بتاعنا بمافيهو الكرباوي زاتو! طبعا بسطح والمصريين بالذات بزعلو،ولكن who care؟

خوفك من مجابهة المنهج العلمي الذي يطالب دائماً بإثبات الادعاء
هو البخليك تحرف المواضيع وتشتم الناس وتشبكها عيك وعاك ...الخ وتتزاوغ من بوست لبوست حتى يصل بك الزوغان الى الهروب الكبير وهو مرحلة (كسح بشاشا )
...........
مع انو كلامك بتاع الحجاب زي عروبي يفتقر الى الواقعية والحقيقة
فالواقعية والحقيقة تقول إن النساء الجلابيات متمسكات بالتوب السوداني المختلف تماماً عن ثياب العرب ولم تلجأ الأجيال الجديدة للطرحة أو الحجاب بالطريقة المصرية الا فلساً وفقراً
وأيضاً أن الحجاب أمر ديني لا صلة له بالعرب والا كان الأتراك مستلبات ، والأندونسيات مستلبات والصيتيات المسلمات كذلك ...
هذا ليس موضوعنا وليس هذا البوست مكان نقاشه
وعشان ما اديك فرصة زوغة ده كلو انا اتنازلت عنو وعفيتو ليك
............
المهم هو موضوع البوست الأساسي
وهو موضوع أخونا كيكي
الزول ده ( الهو كيكي) انت قلت ليهو مستلب جلابة
دليلك الوحيد هو اعجابو بكتابات يحي فضل الله (وإذا عندك أدلة أخرى فآت بها)
يحيي فضل الله ده في رأيك رمز الإبداع الجلابي ، ورمز للاقلية المهيمنة
لذا فالمهمش الصادق الحقيقي، لايملك كقـــاعدة الا احتقار من يحترمه
باعتبار هؤلاء، الاوتاد المثبتة لجبال الظلم، والامطار الرافدة، لانهار الدموع، والمشارط المتسسبة في تفجير شرايين، شلالات الدم!
مش هو ده كلامك؟
إذا بكل بساطة ، اثبتو
وتلقائياً سيثبت ادعاءك بان من يعجب به مثل عبدالكريم أحمد الأمين وكل من لف لفه في اعجابه بيحيي هو بالضرورة
مستلب جلابة و وكاره زاتو برضو
صعبة دي؟
صراحة يا بشاشا
انا شاكي انك قريت ليحي فضل اي حاجة في حياتك
مش كده بس ، انا شاكي زاتو انك عارف يحيي فضل الله ده من وين
.........
وما الناس إلا هالك وأبن هالك *** وذو نسب في الهالكين عريق