نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
Quote: نفهم من كده انك اعلنت ترك كتابات يحي فضل كمدخل لاستلابي
وتحولت بقدرة قادر الي الارشيف بتاعي بين ليلة وضحاها...؟؟ |
كلام في غاية الغرابة!
ياخي للمرة المليون، انا رافض اي كلام عن ادب يحي خارج البوست المخصص ليحي، الورد فيهو كلامي عنك او عن يحي. كم مرة اعيد نفس الكلام؟ استلابك او اثبتناه من الارشيف، تقول لي يحي؟ واضح انك اصطكيت سلفا، او ماعارف تقول شنو ذاتو!
عشان كده، تلف او ترجع لي كلام يحي كمخرج! مخرج مافي.
رد علي كلامنا، حول ارشيفك.
وين بوستاتك النارية ضد هيمنة الجلابة ياكيكي؟
| |
 
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: Bashasha)
|
الأخ عبد الكريم تحية طيبة
شكراً لفتح بوست مخصص للأخ بشاشا وقراءته
ما يلاحظ رحابة أريحيتك وفنتازيتك الطاعمة
أم عنوان البوست لم تسر فيه كما عنونته وإنما أكثرت فيه من حشر مواضيع خارج الدائرة وهذا مانبهك إليه بشاشا مراراً
يلاحظ اعتمادك شبه الكامل على الاستعانة بما يعرف بالصديق
كنت أمني نفسي بكشف الجوانب المتناقضة لبشاشا وسبر عدم إيمانه بصدقيته والغرض الأساسي من مواقفه على العموم.
الجمهور لا يغني عن الحقيقة شيئاً ولربما أضفى شيئاً من الراحة والانتصار المتوهم
كان سينتهي البوست إلى نقطة ( المافي حاجة) إن لم يتداركه بشاشا بإيراد بوستاتك كشاهد على أغلب مواقفك وإن لم تكن كلها، والدليل على عدم كليتها التقائك مع بشاشا في الكثير ولكن الاختلاف في كيفية سبرها وهذا ما لم تشر إليه!
ربما بشاشا جنح إلى نظرية العم توم في مواجهة الكثير من من يتكئوون على الحكمة المنزوعة المواقف!
السؤال المفصل هو: ما الغرض الأساسي من فتح بوست لبشاشا؟ هل هو رد لكرامة، أم خظل في اتجاهات بشاشا، أم ماذا؟
على كل ، جهد مقدر لإعادة قراءة مواقفنا الوطنية على العموم
إذا اختتم البوست بهكذا صورة ستكون أنت الخاسر لامحالة
خارج البوست
يلاحظ أن المشاركات في أغلب بوستات المنبر حسب المزاج وليس بحثاً عن حقيقة أو تصحيحها ( صاحب البوست مثالاً).
يلاحظ التكتلات وتحديد المواقف المسبقة وتصعيد البوستات البينية خلاف غيرها
( هل الجوغة،الكم، التجاهـل و الغتاتة تغني من الحق شيئا)؟
دم بخير أخي كيكي
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: آدم صيام)
|
Quote: ربما بشاشا جنح إلى نظرية العم توم في مواجهة الكثير من من يتكئوون على الحكمة المنزوعة المواقف!
السؤال المفصل هو: ما الغرض الأساسي من فتح بوست لبشاشا؟ هل هو رد لكرامة، أم خظل في اتجاهات بشاشا، أم ماذا؟
على كل ، جهد مقدر لإعادة قراءة مواقفنا الوطنية على العموم |
.....
مرحب بالهادي صيام وحبابك..
اولا مداخلتك اعلاه نموذج صريح وواضح وجيد لما سميته (الاستعانة بصديق)..!!
في كل حروفها وحتي فنتازيا التي اوردتها بدت كمن اتية من راحة الاله الكوشي..!!
ولكن علينا مرحب بك وبكل اصدقاء بشاشا..
عن اي مواقف وطنية تتحدث انت يا رجل..؟؟؟
حددها وسميها وخليها واضحة في هذا البوست الذي يجب لمن ياتي للنقاش فيه يجب ان يكون دقيق
والا سيمر بممرمات لا تفرحه كثيرا...!!
وثايناانت يا الهادي صيام وبشاشا ..
1-ماهي قضيتي المشتركة التي تراها بيننا
وعلي اي اسس بنيت هذه القضية الافتراضية التي كنت تتوقع رويتها في ارشيفي وباي فهم حددت بان لنا قضايا مشتركة..
1-هل اللون؟
2-الجغرافية
3-الايدلوجيا
4-ام افتراضي عشوائي واختيار لوتري اللون واللحن؟؟
كيف حددت القضية واين وماهي القضية....
جاوب علي الاسئلة دي اولا قبل ان تحدثني عن مواقفي وارشيفي
..................................................................
طريقة السياحة في عقل بشاشا وهذا البوست هو خياري وانا من احدد كيف اسوح
وبالتاكيد ليس انت او احد غيرك يملك حق توطين توقعاته علي حسابي حقي المشروع..
.......
هذا البوست بكل اختصار فتح وان قراته وليس في عينك رمدا
لكتشف لك الغاية منه في كل اجزائه
زول اتهم زول بالاستلاب عبر قضية معينة
جاء الزول الاتهموهو وطالب باثبات التهمة...؟؟؟
دي ما صعبة تتفهم لاي زول بعرف فنتازيا...
وبالله تاني لو جيت جاوب علي الاسئلة الفوق دي
ومرحب بيك في اي لحظة
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: Bashasha)
|
| Quote: انا رافض اي كلام عن ادب يحي خارج البوست المخصص ليحي، |
هلا بشاشا
وده كلام كويس جدا وتثبت واضح لهروبك من الولوج انت متابطا الاستلابو متر عبر كتابات يحي
فضل لاثبات شي ذو بال في امر الاعجاب بكتابات يحي فضل...
مع انك
كنت ماخدو كنموذج لكتابات اقلية جلابية
مع انك جبت السياق بيدك الي هذا المكان حتي صحنا
Quote: اولا مرحب عودة وانت عائدا من رحلة جلب السياق..
وبشاشا جاب السياق ياعشة
اهزوجة تصلح كجلالة من جلالات المهمشين في صباحات الكراكير والخجانين الهامشية..!! |
وكده اتقطع الشك باليقين في هروبك الاول ..واستطاعتنا اثباته بطريقة يحسدنا عليها
احرف محامي في اثبات القرائن والادلة....
...وبذا يقفل ملف يحي فضل الله...لهروب ورفض الجاني الولوج عبره...!!!
وحنمشي معاك خطوة ولكن بعد الرد علي صديقك الهادي صيام ادناه
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
السلام عليكم
| Quote: ياخي للمرة المليون، انا رافض اي كلام عن ادب يحي خارج البوست المخصص ليحي، الورد فيهو كلامي عنك او عن يحي. كم مرة اعيد نفس الكلام؟ استلابك او اثبتناه من الارشيف، تقول لي يحي؟ واضح انك اصطكيت سلفا، او ماعارف تقول شنو ذاتو! |
بشاشا ازيك
بالله يا بشاشا ما تشتت لينا الكورة ساي
....
الزول ده – اللهو مستر كيكي- قاعد في المنبر ده ليهو كم سنة؟
وكتب أكتر من 10000 مداخلة
انت طول الفترة دي قاعد ما شفت عليهو اعراض ( استلاب جلابة)
فجأة ... حينما ابدى اعجابو بكتابات يحي فضل الله
صرفت ليهو هدوم (مستلب جلابة) طوالي
يعني خلينا نفهم
هو اصيب بمرض (استلاب الجلابة) بعد ما اصيب بفيروس الإعجاب بكتابات يحي فضل الله؟
والا حكاية اصابة كيكي بمرض (مستلب الجلابة) دي كانت معشعشة في دماغك من زمان ولكن ما وجدت فرصة مناسبة عشان تورينا ليها
عشان نرسى لينا على بر
نعتمد على بوست يحي فضل الله
أو نمشي كمان معاك لارشيف كيكي
.........
تخريمة:
لسه ما وريتني "حبرتجي يعني شنو"
كما أرجو أن تضيف هذه الجملة ايضاً
| Quote: واضح انك اصطكيت سلفا |
لأني لم أجد لها تخريجاً
يعني حبرتجي فهمت انها شتيمة بالرغم من اني لا أعرف معناهاالدقيق
ولكن الجملة الأخيرة دي لم أعرف حتى لو كانت شتيمة أم لا
أرجو افادتنا
.......
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: الزوول)
|
Quote: هو اصيب بمرض (استلاب الجلابة) بعد ما اصيب بفيروس الإعجاب بكتابات يحي فضل الله؟
والا حكاية اصابة كيكي بمرض (مستلب الجلابة) دي كانت معشعشة في دماغك من زمان ولكن ما وجدت فرصة مناسبة عشان تورينا ليها
عشان نرسى لينا على بر
نعتمد على بوست يحي فضل الله
أو نمشي كمان معاك لارشيف كيكي |
هلا يا الزول
وده يا الزول اسمو الاستلاب (تفصيل عند ترزي)..
يفصل كما تفصل الجلابية..او في مقولة اخري استلاب اللتيق...
محاولة اللتيق عبر كتابات يحي فضل الله..وعندما يفشل التزري ويتزاوق من الخلل في المقاسات
يذهب الي جلابية اخري..
ارضاء لنزعة المكابرة
توطين لمنهج الغوغائية
وفي كل ذلك تعرية لمهارات الترزي وادائه الاخنب...
..........
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
كيكى يا فرده سلام ولضيوفك كمان
بشاشا اشفقت عليك حقيقة ليس للبطش الفكرى من قبل الاخوان د بله او الصادق اوحتى اسئلة كيكى الحارقه والملحاحه ، اشفقت عليك يا صديقى من أن كل ما كتبوه وما سألوك عنه تجاهلته وقد كان اغلبهم
جادين ،فكقارئ لدى معزه عندك كما تخاطبنى دوما اريد منك ولو محاوله للدفاع عن اطروحاتك مع مراعاة
قدرات الشوف لى وللاخرين الاعزاء والعزيزات ؟
وتهمنى فى المساءله الجاده لطروحاتك مداخلتى الاستاذ محمد جميل احمد وددت لو اقتبستهما ووضعتهما
امامك وانا انتظر منك الرد الضافى والشافى والعزيز على ما طرحه الاخ جميل وخاصة هذه الجزيئيه
| Quote: وفي نفس الوقت لا يتوفر على رؤية متماسكة وقدرة تحليلية تركيبة عالية ـ تصلح للسجال السياسي التاريخي في هذه القضية ـ فهو لذلك يلجأ بسرعة إلى (قفة الشتايم) ويتبرع بسخاء على الجميع .... أمر آخر . أي إنسان يملك قضية ، ويدعي أنه يملك معرفة بحيثياتها ، لا بد أن تنعكس هذه المعرفة في شيئين : الأول إصدارات ومؤلفات مطردة ومتطورة في هذه القضية ، الثاني حضور ثقافي فاعل في الواقع . وصاحبنا عاطل عن هاتين الخصلتين ، اللهم إلا هنا في (كشكوش) سودانيز أون لاين .. |
واخيرا اعيد سؤالى الفطير الذى طالما سالتك له عدة مرات يا بشاشا
رؤيتك للحل شنو ؟؟
ارجوك يا بشاشا فانا من الذين إختلطت عليهم الموجهات والاغراض فى كتابتك خاصة ما قرأته لك بالامس
فى بوست الاستاذ فضيلى من سحل وبطش وسحق لعزت الماهرى وسالتقيك بهناك بخصوص هذا الشان
(سحلك وإغتيالك المتعمد والمغرض لاولاد الهامش من القبائل العربيه)
لأن ردك مهم يا بشاشا انتظره كما إنتظرك العديدون هنا وعلى رأسهم صاحب الخيط .
انتظرك .
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: فارس موسى)
|
Quote: بشاشا اشفقت عليك حقيقة ليس للبطش الفكرى من قبل الاخوان د بله او الصادق اوحتى اسئلة كيكى الحارقه والملحاحه ، اشفقت عليك يا صديقى من أن كل ما كتبوه وما سألوك عنه تجاهلته وقد كان اغلبهم
جادين ،فكقارئ لدى معزه عندك كما تخاطبنى دوما اريد منك ولو محاوله للدفاع عن اطروحاتك مع مراعاة
قدرات الشوف لى وللاخرين الاعزاء والعزيزات ؟ |
.
هلا يافارس موسي
وحبابك والله..
وهذا الاله الكوشي يا فارس رجل في غاية الغرابة النمطية
وتحليات دكتور بله
ثم تجليات الصادق
والعمق العميق للاخ جميل..
تعكس تماما حالته في كل النواحي..
وبالاضافة الي اضافات الكثير من الاخوان الذين عركوه في هذا المكان..
وما سياحتنا تلك الا تاكيد لجهد الاولين ..
غوغائية فجة
ومكابرة
وعدائية غريبة النمط وجنوح للشتم والبطش
ولكن بالتاكيد الالمي الحامي ليس مرتعا للقعونج
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
فارس موسي تحياتي،
نعم تجاهلت كل ما اتصل بادب يحي فضل الله تحديدا، لاسباب معلنة موضوعية.
بخلاف ذلك لم اتجاهل الا اوباش الجلابة، اصحاب الغرض، المرض، الحايمين هنا، بي بقج الغباين فوق النافوخ النازي عرق!
قطعا لا ارد علي اي كلب يعوي، من طرف!
اخوك رجل متمرس او خبرتو في ساحات النزال الفكري، طويلة، ماشاالله!
بنعرف نقول شنو، متين، لي منو، او زمام المبادرة دايما بيدنا والسر هنا!
اما سؤالك المقدر عن "الحل شنو" فالاجابة بسيطة، تتمثل في الاجابة علي السؤال ده:
المشكلة شنو؟
المشكلة، انو السودان الحالي، صياغة استعمارية!
الي هذا التاريخ اكتفينا بالمواصلة في التعاطي علي اساس هذه الصياغة المفخخة، دون ان ندري، بحكم التنويم المغناطيسي، اننا حقيقة نحمل بايدينا، قنبلة زمنية علي وشك الا نفجار!
الصياغة المحكمة تولت هذا الجانب تماما!
لو اتفقنا انو دي المشكلة، فالحل بسيط:
تفكيك الصياغة الحالية، الاستعمارية، اي السودان القديم، او المصري بي منطوق الاسم الرسمي، الاقتضت هيمنة اقلية بعينها، واستبدالا بصياغة بديلة، لاتهمش اي مجموعة!
اما ما اسميتو سحل وسحق لابناء الهامش، فهذه حرب، قوام جنود المركز، للاسف هم ذات ابناء الهامش!
علي كده فلا مفر من الاصطدام بابناء الهامش، البحاربو مع المركز!
الحركة الشعبية ووجهت بهذه المعضلة، ولكنها لم تترد او تاخذها الرافة في الميدان، بقاعدتا ذاتا، الحاربت في صفوف جيش المركز، كجنود!
من هؤلاء ابنوس هذا، رغم الادعاء بغير ذلك البحارب كجندي في صفوف المركز، لانو كقبلي مستفيد من تدخل المركز لصالحو في الظاهر، ضد من يسمونهم "زرقة"!!
اخيرا مافي قبائل عربية ياعزيزي في الغرب، وان كان هناك، بدو ورعاة!
وهم العروبة هذا، هو العمود الفقري، للصياغة الاستعمارية، المشار اليها، اعلاه!
اي كلام عن عروبة في عرفنا يضع قائله، طوالي، في خانة المركز، والسودان المصري القديم!
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
وانت جاي يا بشاشا تاكد ايضا وقبل الانطلاق في امرك بانك عارف الاجابات علي الاسئلة
الح اقولها ليك دي..
1-مين البحدد فهم وتعريف الجلابة..ومتي اتفقت معاك او اختلفت علي فهم لكلمة جلابة ...
2-من وين افترضت بانني عندي مشكلة مربوطة بالاثنية ضد اثنية معينة؟؟وباي الاسس حددت هذا الشي
هل اللون -الجغرافيا-الايدلوجيا
3-من اعطاك حق .تحديد الفريم او الاطر النارية او اللانارية لما اكتب هنا اوفي مكان اخر
ومتي امتلكت هذا الحق واين وكيف...؟؟؟
4-ماهي الاطر الفكرية او الفلسفية التي بموجبها تري وبقوي بانني يفترض ان انطلق (copy&past)
من عقليتك او عقلية اخريين
متي جلست امامك اصلا يا بشاشا حوار في حضرة مجلسك الالهي الكوشي
حتي تامرني وتحدد ما اكتب وما لا اكتب وباي حق امتلكت هذا الامر
هل لانك جلابي فقط كما تعتقد او لتملكك جبال معرفية تضالت امامها مقدراتي
ام نزعة ديكتاتورية وصائية الهاية ورغبة مرضية في تدجين الاشخاص...!!!
من انت يا بشاشا حتي تحدد انطلاقات ال(brain)بتاعي وباي فهم وباي الية تصدر فورمانات العمل الاسفيري تلك....
اسئلة للتامل وفي انتظار اجابات تصاحب الانطلاقة الثانية في امر الاله
العالية الامفكوية بشاشا..
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
السلام عليكم
كيكي ازيك
قلنا نذكرك
أصلو الزول ده كرهني بالله وواحد وما داير معاي أي نقاش
حتى حبرتجي رفض يوريني معناها 
ولو من باب الفائدة العلمية
أها
ما نوصيك
بالله بالمرة زولك ده لما يشرف
خليهو يجيب لينا معاه تفسير للنقد الحاد لمصطفي سيداحمد الفنان الجلابي الإنصرافي البيغني غناء انصرافي
ما فيهو أي فائدة لرعية الزعيم الكوشي من المهمشين زي عم عبدالرحيم ومش عارف ايه
ود. أحمد طراوة الشاغل المنبر ببوستات انصرافية عن الغناء السوداني
وتمبس الشغال ركيب اغاني
التي لا يمكن أن ترى محمد سليمان المهموم بقضايا المهمشين يفعلها او يقرب منها
و موضوع سميرة دنيا
وغناء الطنبور الذي يتجنب سماعة وهو يقود السيارة خوفاً أن يفقد وعيه من الطرب
خليهو يورينا الما شايفنو في غناء سميرة دنيا
وغناء الطنبور
المليان قضايا هامشية نحن ما شايفنها دي
أو بالواضح كده يورينا أن
ما يحق للآلهة الكوشيين
لا يجوز للناس الكشا مشا الزينا وزي ناس د. طراوة وعمك تمبس
.......
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: الزوول)
|
| Quote: أصلو الزول ده كرهني بالله وواحد وما داير معاي أي نقاش |
هلا يا الزول
والزول ده حرن حرون تاريخي في كل مداخل الحوار الجاد التي في كل جزئياتها قادرة علي تعريته
وطبعا ملاحظ معاك انه تغابي العرفة في اشياء عديدة وجوهرية..
وطبعا مصطفي سيد احمد-والطنبور-سميرة دينا
وجبال من المعلومات والقرائن التي تعريه موجودة في الحفظ والصون
وجرعته ستكون حبة عند اللزوم...وحبات عديدة يوماتي لمزيد من توطين التعرية في الجزء الثاني من
(سياحة الاله بشاشا)..,,!!
كذلك تلاحظ احنا فكينا اسره من امر يحي فضل الله (لتحريره) من الحجة والتلكيك
ودعوناهو للارشيف..وبصبحة باقة من الاسئلة عليه الاجابة عليها ثم سيري الكثير ممن سيفرحه
ويسر باله ...ولاهروب هذه المرة ابدا..بل هنالك اشياء اخري اكثر اثارة ومتعة وضرب ركبي تقيل
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
الاخ العزيز عبد الكريم
هذا الشيخ الستينى والامير الكوشى ذا القمصان الزاهية الالوان والاصابع المخمليه المرصعه بخواتم الاماره- اماره المهمشين -
يختال وكما الطاؤوس ويزهو ويحتفى ايما احتفاء بما صورته له ذهانيته المزمنه بانه ووحده وحصريا امتلك الحقيقه العصيه
التى استغلق فهمها على جهابذ بنو وطنه ....
لم ولن يعى مدى سهوله ان يتفتق ذهن احد غيره عبر آليات فكر محدوده ومعارف اوليه بسيطه عن ما توصل اليه من بنيات وعى
الشخصيه السودانيه وما حاق بها من تشويه وعبر قرون ترسخ فينا زمنا معملا ادواته الهدامه والتى تمخضت عنها ذاكرات جمعيه
مكرسه للارتداد المخيف لوعينا لمضارب قبيله ما او اثنيه محدده..
لذا تراه دوما محاولا جرنا عنوة لابجدياتناوالتى نعرفها تمام المعرفه وعبر خطاب مهتري تماما ومفرض فى الهزال الفكري وبعيدا جدا عن القدره على تفكيك المعانى وتحويلها لافكار خلاقه ..
المعرفه الخاليه من الدلالات العميقه ومعرفه الاسباب دون الالمام بالنتائج كارثه شديده الخطوره وتزداد خطورتها بارتباطها بقضايامصيريه
وهذا ما يفسر جنوحه الغريب نحو عنف الكلمه لانها تشكل مساحة البوح الوحيده فى غياب الفضاء المعرفى لمآلات الحاله او المفرده او الوعى
والعنف اللفظى عند بشاشانوع من اعادة تدوير ذاتى لمستهلكاته الكلاميه لضيق حيز الكلمه حال خلوها من الدلالات المعرفيه وفضائها الواسع المفضى لاتساع دائره الرؤي والافكار ومليات القراءه والاستقراء والتحليل وامتلاك ادواته .. هذا الاتساع يجعل من الافكار طيورا حيه تحل
فى سماوات الفكر , تتلاقح بالمثاقفه مع الاخر , تنفتح بالحوار ومن ثم تتمدد معرفيا .. فى مقوله بتقول ( القروش بتجيب القروش ) بالطبع هى مقوله حافده تنطلق من امثالى عند رؤية العمارات السوامق والفارهات الالمانيه فى مضامير الدائرى التالت .. لا عليك انما اردت ان
اقول ان المعرفه بتجيب المعرفه خال انفتاحها على الاخر وهذا ما يفتقده امير المهمشين
تحياتى
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: محمد حيدر المشرف)
|
Quote: لم ولن يعى مدى سهوله ان يتفتق ذهن احد غيره عبر آليات فكر محدوده ومعارف اوليه بسيطه عن ما توصل اليه من بنيات وعى
الشخصيه السودانيه وما حاق بها من تشويه وعبر قرون ترسخ فينا زمنا معملا ادواته الهدامه والتى تمخضت عنها ذاكرات جمعيه
مكرسه للارتداد المخيف لوعينا لمضارب قبيله ما او اثنيه محدده.. |
هلا يادكترة وحبابك..
وشكرا علي التحليق العميق في عقل الاله بشاشا الفارغ والمتوهم زهوا
وشكرا علي التحليق معنا في رحلة ثتبت التشريح الذي جري لفكره الخرب عبر دلائل وقرائن
وبما يسمي في لغة البوليس (بالثابتة)...
ان عاد بشاشا لدينا اليه سؤال
تاريخي نتمني ان يجيب عليه ايضا..هو
اذا افترضنا جدلا تسليمنا بامر الصراع الاثني(جلابي-عبد) حسب نظريته..!!
بشاشا ينتمي الي جلابة او كما يقول..
تحول الي مناصرة الجانب الثاني من اللون الادمي
السوال هنا..
متي تم ذلك..؟؟
واين؟؟
وتحت اشراف من السود؟
وماهي الاسباب التي جعلته يترك اهله وياتي الي السود؟؟
وهل كل من ترك اهله ونزل فيهم شتم يمكن الوثوق به في الاعتماد علي فكره؟؟
ام بشاشا حالة خاصة..!!!
وماهو الاختبار الذي اجري اليه..!! للتاكد من مصداقيته وفائه لتعاليم السود
وماهي فترة الضمان..!!لذلك الاختبار ..؟؟
هل تجاوزه ام لازال في داخله..؟؟
وعلي اي اسس تم قبوله ...!!!
ومن هم السود الذين بصموا اليه بالتحدث باسمهم..اين ومتي..؟؟؟
دي يا محمد كلها اسئلة تاتي الي المخيلة ان سلمنا جدلا بخطل نظرية بشاشا العنصرية
البغيضة...؟؟وتعكس ازمته الحقيقية وهمه الامفكوي العميق..!!
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
ود المشرف إزيك يا رفيق
شايفك كررت العباره والجمله الوصفيه دى لبشاشه كتير من باب التريقه او رد شتيمتو ليك
بحبرتجى وهى مدانه طبعا وبشاشا إنت وانا عارفين قصدو بوصفك بالحبرتجى (فكرتك الحبرتجيه )
اما دا:
| Quote: هذا الشيخ الستينى والامير الكوشى ذا القمصان الزاهية الالوان والاصابع المخمليه المرصعه بخواتم الاماره- اماره المهمشين |
غير إنو إسفاف لا يشبه لغة حوارك معلومه خاطئه فبشاشا لم يبلغ ال60 بعد يا صديقى ولا تكون حاسبها
بإنو الدخل العقد الخامس تاخ بتكشطو ستينات وكدا ؟
لا اطالبك بالإعتذار عنها وإنت عارف ليه خاصة شتيمه تجاه زول ما بفرق بين صديق فكره ولا رفيق تغيير
(بشاشا) ، لكنى اطالبك وبرجاء ان لا تتصدر بها مداخلاتك ودواسك الفكرى مع الاخ بشاشا ولك الحق
فى شتم افكارو وطروحاتو كما تشاء مثلما فعل العديدون هنا وبقسوه لم ترحمه .
ارقد زاهى الالوان .
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: فارس موسى)
|
فارس اخوى كيفنك
الزول ده وفى تقديري الخاص ضار جدا بقضيه دارفور ولولا انى لا ابنى مواقفى العامه من هموم البلد بمواقف
شخصيه لارحت نفسى تماما من عناء ان اشتم رجلا ما ايا كان ..
لكين يا فارس يعنى شنو اوباش الجلابه امثال المشرف ..
يعنى شنو حمل اكليشهات الشتم والصاقها عنوه بمن يخالفوك رؤيتك للطريق
يعنى شنواختزال مأساة هى الاكبر فى وقتنا الانى بافكار زول واحد ملم بما لم يحط به الغير علما
..
كلامك فوق العين والراس وينفذ , بس بالمره كده كلمو يخلى ذخيرتو اللغويه من الشتائم اوباش وجرقاس وعبد حبشى
ودرك سيدو واستخفافو الغريب بالناس
لانو الناس بتقدر ترد ..
تحياتى يا فارس
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
Quote: كلامك فوق العين والراس وينفذ , بس بالمره كده كلمو يخلى ذخيرتو اللغويه من الشتائم اوباش وجرقاس وعبد حبشى
ودرك سيدو واستخفافو الغريب بالناس
|
د ود المشرف شكرن لإستجابتك السريعه وكتر خيرك
أما يا صديقى بخسوس اكلم ليك بشاشا بإنو يبطل توزيع إستكراتو دى على الناس ..حلمك يا حبه !!
إنت قال ليك انا ذاتى ما مصنفنى يا اخوى انا ذاتى بشاشه وحيرانو خاتين لى إستكر
كدا راجع الإستكر بتاعة عزت وكبر ؟
يا اخوى نحن لا إيدنا لا قلمنا (كبر وعزت وشخسى الدئيف ) جنجويد وقوات مراحيل رغم رفضنا المعلن
هنا وعلى رؤوس بوستات المنبر لاٍستغلال دويلة المركز القابضه الربحيه الريعيه لاهلنا فى البطش باهلهم
وجيرانم ، لكن هل مواقفنا دى شفعت لينا ؟؟كو ودت !! لسبب واحد إنو مفروض نبطش باى جلابى وفق
منهجية بشاشا .
الفايت على ناس كتار هنا بنافحو صديقنا بشاشه وطبعن فى قلائل عارفين بشاشا شايت وين وعلى رأسهم
ومداخلاته على ما اقول شهيده إنه محمد جميل احمد .
بشاشه قضيتو ما الهامش السودانى والحته دى برضو فى زول تانى إنتبه ليها وهو خالد كودى
بشاشه راكب قضية الهامش ركشه لترجعو ونحن معاهو رابطنا بحبال اطروحات القومجيه الافركانزم
لمملكة كوش العظيمه ، عشان كده هو ناكر تماما لاى وجود عربى ثقافى ولا عرقى ودا لغرض وغرض
يا مشرف صار غير خافى ، تب مافى عرب دخلوا السودان من اى قد وتب مافى اى وجود لاى اثر ثقافى
لعرب الإسلام ذاتو النوبيين رسلو مناديبم بعد ما طردو الغزاة وإستلمو حبة مصاحف وجو وزعوها
على ولايات كوش او اى دويله نوبيه عصرئذ ودفن التاريخ والحقائق والاثار فى منهج بشاشه مقصود
ياخى انا مارق بجى اواصل بعدين .
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: فارس موسى)
|
تداعيات
========
يحيي فضل الله
===========
عميري يضمد في اخر الصيد جرح الغزال
ـــــــــــــــــــــــــــــــــ
(( اكون كضاب
لو اترددت
شان استقبلك جواي
لو قاومت حد السيف
بريقو يلخبط الهداي
صحيح قبلك
شراع الدهشة ما صفق
و لا كان العرق وداي
دي حتي الاغنيات قبلك
حروف ابياتا كانت ساي ))
عبد العزيز عبد الرحمن العميري ـ ذلك العصفور المسمي مجازا العميري ـ كما قال الشاعر ازهري الحاج ، طاقة فنية متعددة الجوانب ، قلق دائم يبحث عن جناحين يحلق بهما في سماء الحرية بين شفافية الروح و حصار الراهن اليومي ، ممثل متمرد علي الثوابت ، علي الاكلشيهات ، شاعر صاحب ذائقة خاصة ، ضجة من الصور الشعرية ، ضجة تعرف كيف تتقمص الدور
في نواصي الليل نشدتك
اقصي حته من السكون
الاحد الخامس و العشرون من يونيو العام التاسع و الثمانين من القرن المنصرم ، الاحد الذي سبق موته ، كان العميري يتجول داخل الاستديو ، استديو التلفزيون ، ليسجل اول حلقة في برنامج جديد و كان قد نجح يومها ان يسجن ثنائي النغم داخل الاستديو بعد غيبة غنائية طويلة ، تري كيف خطرت ببالك تلك الفكرة ايها المشاكس ؟ ، فكرة ان تجمع الثنائيات الغنائية ، تعطل التسجيل و تم تأجيله الي الاحد القادم ـ لكن ـ
كان العميري قد ذهب الي حيث لا رجعة مودعا صناعة الافكار الجميلة
في مايو من العام الثالث و التسعين ، امام شجرة اللبخ التي تجمل مدخل المسرح القومي سلطنا كاميرا التلفزيون علي خضرتها الداكنة من اعلي و تحركت الكاميرا الي شجرة لبخ اخري كانت قد تعرت من خضرتها و اعلنت يباسها فبدت عجفاء لا توحي بغير الموت ، عندها بدأت حديثي عن العميري في برنامجي المخصص لذكراه ، تحدثت نادية احمد بابكر ، حسبو محمد عبد الله ، خالد جاه الرسول صاحب بوفيه المسرح القومي هرب من الكاميرا من حزنه العميق تجاه هذا الفقد ، اوقفنا عدد من المارة في شارع النيل ، سألناهم عن عميري
كنت احلم بتقديم سهرة تلفزيونية عن العميري ، كنت احلم
داخل استديو اسماعيل الازهري بالاذاعة او استديو ـ الف ـ ، دارت اشرطة التسجيل داخل المكنات ، التقطنا مسامع درامية فيها ذلك الصوت العميق ، التقطت الكاميرا دوران الاشرطة ، ومن داخل الاستديو كان خطاب حسن احمد يحاول ان يحرض ذاكرته و بحزن خاص ، محمد عبد الرحيم قرني يتحدث عن العميري و متأكد ، متأكد تماما من وجوده الحي في الخواطر الجميلة ، في الغناء العذب ، في بحث عن نكتة ،في اشهار الامكانيات الجمالية ضد القبح و اعلن قرني اعجابه الشديد بروح العميري الساخرة و المتأملة ، محمد السني دفع الله يتحدث عن ـ شريط كراب الاخير ـ تلك المسرحية التي تخرج بها العميري في المعهد العالي للموسيقي و المسرح من تاليف الكاتب العالمي صموئيل بيكيت ، هكذا دائما العميري يميل الي حيث التضاد ، لم ينس السني ان يتحدث و بعذوبة عن عشق العميري للمدن ، مصطفي احمد الخليفة اقتحم الاستديو و نثر تلقائيته المميزة علي الجميع ، كانت محطة التلفزيون الاهلية قد اعلنت عن ملامح كوميديا جديدة فجرها ذلك الجيل ، من داخل الاستديو كان معتصم فضل يتحدث عن العميري ، خارج الاستديو صلاح الدين الفاضل يتداعي الي درجة البكاء امام الكاميرا ، تذكرت ان محمد نعيم سعد لم يحضر و ان الرشيد احمد عيسي متوقع حضوره ، حرضت الكاميرا علي النيل ، قذفنا علي موج النيل بعض الحجارة بحثا عن تلك الدوائر المائية التي تكثف معني الزمن
في استديو التلفزيون تحدث فاروق سليمان عن العميري ، تحدث عصام الصائغ ، في ابروف كانت اميرة عبد الرحمن العميري ـ شقيقته ـ تعجز امام الكاميرا ، تعجز عن ان تحكي نكتة من نكات عميري ، في الحتانه ابو عركي البخيت تتجاذبه الذكريات و عفاف الصادق لا تستطيع الحديث عن عميري ، و نحن نتاكد من التسجيل داخل الاستديو ، احسست بفقد حقيقي حين غني عركي هذا المطلع من اشعار عميري
(( فصلي التيبان مرايل
لي طفل قاسي العيون
و ابقي قدر الدمعة دي
و نوحي في الجنب الحنون ))
حين كان معي شكرالله خلف الله داخل مكتبة التلفزيون نحاول ان نجمع ارقام الشرائط التي تحوي روح العميري داخلها كان هنالك همس حول هذه السهرة ، تحول الهمس الي وسواس و اتفق علي مشاهدة مواد هذه السهرة و يبدو ان الاتفاق كان سريا للغاية و حين بدأنا نجهز للمونتاج فقدنا بعض الاشرطة التي كنا قد اودعناها المكتبة ، في بحثي عن الحقيقة تلك التي دائما ما تكون في التلفزيون بين القيل و القال عرفت ان شخصية مهمة في التلفزيون قد اخذ هذه الاشرطة و انكر ذلك ، هكذا اخطبوط من العراقيل ، متاريس للقبح ، كنت اتحدث في هذه السهرة المعتدي عليها عن ان العميري هو تلك الحيوية ، حيوية الروح ، انه ذلك الشفاف ، وجود في الذاكرة ، حضور في الوجدان و في ختام السهرة قرأت هذا المقطع من شعر العميري
(( اديني سمعك في الاخير
انا عمري ما فاضل كتير
شالوهو مني الامنيات
الضايعة في الوهم الكبير
و الدنيا ما تمت هناء
لسه فاضل
ناس تعاشر
وناس تضوق طعم الهناء
بكرة اجمل من ظروفنا
و لسه جايات المني ))
كنت اتحدث عن هذا التفاؤل المعترف بالموت ، تفاؤل يصر علي ان الحياة لا تتوقف كما ان الموت لايتوقف ، سمعت بعد ذلك ان السبب الاساسي في اعدام هذه السهرة هو هذه الجملة الشعرية
(( بكرة اجمل من ظروفنا
و لسه جايات المني ))
العميري يعرف كيف تكون السخرية عميقة ، يبحث دائما عن الضحكة و حين لا يجدها يتعب و لكنه لايعدم حيلة في ان يخترعها ، يعرف كيف يمارس الحياة ، ممارسة الحياة تحتاج الي بصيرة نافذة تعرف كيف تنسجم مع التناقضات ، كتلة من النشاط و الحيوية ، لايعرف فراغ الذهن ، يملأ كل الاماكن بظله المتمرد دوما علي الاصل ، قلق جدا و لكن رغم ذلك يدمن التأمل ، كنا نناقش مفهوم الحبيبة في الشعر الغنائي ، الحبيبة التي تداخلت في النسيج اليومي للحياة و حين نقول ـ اليومي ـ سرعان ما يفكر اولئك المتشاعرون و النقاد اصحاب الذائقة المرتبكة و اللغة المطلسمة انه حين يكون اليومي حاضرا في نسق القصيدة يكون الشعر غائب و تكون الشاعرية ضعيفة و لكن العميري وحده الذي يستطيع ان يرد علي ذلك
(( ليكي مليون حق تخافي
ما جبت ليكي شبط هدية
و انا طول الدنيا حافي )*)
من الابيض ـ حي القبة ـ حيث ولد العميري بعث لي شقيقه احمد العميري رسالة تضج بحزن التساؤلات
ـ (( لقد ذهب و لكن من للصغار الذين يطيرو كالنحل فوق التلال؟
من للعذاري اللواتي جعلن القلوب قوارير عطر تحفظ رائحة البرتقال ؟
من يسقي الخيل عندما يجف في رئتيها الصهيل ؟
من يضمد في اخر الصيد جرح الغزال ؟؟؟؟؟؟؟؟؟ ))
كلما احتفل الزبديون بتراكم عام في نسيج هذا الخراب
ساتذكر ان عميري وثق برحيله المتزامن جدا مع انتهاكهم ، وثق العميري برحيله ذلك التضاد الجميل مع اخطبوط القبح و الظلام
ارتعشت مني الاطراف و انا اتسامر مع عوالم خليل فرح في ديوانه المحقق من قبل الراحل المقيم و الوناس العذب علي المك و ذلك لاني اكتشف ان خليل فرح قد رحل عن هذا الدني في يوم ثلاثين يونيو من العام الثاني و الثلاثين من القرن المنصرم ، هل تراني اصطاد المصادفات كي اؤكد تشاؤمي بهذا اليوم ؟؟؟؟؟؟
ان الحزن علي العميري ، حزن يرفض الخصوصية ، انه حزن عام ، حزن رمزي جدا ، ان نحزن بفرح و نفرح بحزن هي خاصية يملكها العميري كما يملك الطفل لعبته و
(( ده كلو من السواحل ديك
و من ظلم المعدية
انا البعت الفرح لليل
و غشوني المراكبية[ ))/B]
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
Quote: عشان كده هو ناكر تماما لاى وجود عربى ثقافى ولا عرقى ودا لغرض وغرض
يا مشرف صار غير خافى ، تب مافى عرب دخلوا السودان من اى قد وتب مافى اى وجود لاى اثر ثقافى
لعرب الإسلام ذاتو النوبيين رسلو مناديبم بعد ما طردو الغزاة وإستلمو حبة مصاحف وجو وزعوها
على ولايات كوش او اى دويله نوبيه عصرئذ ودفن التاريخ والحقائق والاثار فى منهج بشاشه مقصود |
عيييييييك!
يافارس،
معني كلامك ده انت مع وهم العروبة في السودان!
طيب لو كده بتشتكو ليه من التهميش والمحارق؟ هذا الوهم هو سبب كل هذا! الطريف بعد ده كلو، الجلابة ما بععترفو بعروبة غيرم، كما لايعترف العرب بعروبة "العبد الحبشي" اي الجلابي!
نعم الثقافة العربية موجودة في السودان كوافد اجنبي، واستلاب امبريالي، مش مكون لثقافتنا الافريقية!
ونعم هناك عرب قدمو للسودان ولكن بالصورة المتداولة الان، الجعلت كل السودان جا من مكان ما في الخارج، بتاعة كيف البقارة مثلا جو من الاندلس، والجلابة من اليمن..الخ! هذا وهم!
اما كلامك عن كوش والهامش فمضحك!
كوش بالعربي معناه سودان!
لو ده حاصل باقي كلامك كلو لا معني له، غير رفضك لاصلك، كسودان، اي ذنجي، لارقشة لا دفار!
والاسلام، ايوا ما جابو العرب للسودان!
الجابوهو، هو الثقافة العربية والاسلام العربي!
احنا الجبنا الاسلام اي التوحيد، للعرب مش العكس!
وقعت من طولك ولا لسة؟
فكرك رسول الاسلام قبل اسلام القرن السابع، كان بتعبد في غار حراء، وفق ياتو دين؟
نعم اركان الاسلام الخمسة كانت موجودة من دون جزئية "محمد رسول الله" منذ اكثر من الف عام، قبل نزول الوحي، حين كانت الجزيرة العربية، مستعمرة كوشية، اتوها العرب كلاجئيين، عابدين للاصنام مما افسد عقيدة التوحيد الكوشية، النقتا، رسالة القرن السابع!
تاني وقعتا من طولك؟
طيب النقيف هنا!!
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
Quote: عيييييييك!
يافارس،
معني كلامك ده انت مع وهم العروبة في السودان
|
لا يا بشاشا تلقاها عند الما عارف قضيتو شنو !! إنت الشعوبى والقومجى ما انا ؟ انا يا صديقى
خطابى واضح وعندو سقف اخلاقى وقيمى ، انا لا اؤمن بطرحك بتاع الإزاحه والإحلال ، ونيفاشا قدامك
الدم السال للركب ذى ما بتقول ما طالبت بوضع نص يحسب كم برميل دم وقتل كم طفل من الشمال
وكم رجل مسن من الجزيره ولا سحل كم الف إمرأه من كردفان ، لكن النصوص وقفت السحل وشلالات الدم
وأعطت الجنوبيين حقوقم كلها كامله ومحروسه بالطلقه وديشم وأى جنوبى اليوم بقدل فى أى حته فى
السودان وقابض حقو وخاتى فى جيبو الخلفى ومقرض عليهو بالطلقه ، وياهو داك فاقان امون بدخل
اصبعو فى عين الدوله لأنو صار يستمتع بكامل حقو فى نقدها لانها بقت دولتو !!!
اها دا سقفنا كهامشيين ، تفكيك المركزيه القابضه دى تحت أى مسميات ديمقراطية البيوتات ولا
دبابة ابو القاسم محمد إبراهيم ولا مسدس إبراهيم شمس الدين .(السيد الصادق قال نيفاشا مؤامره عليهو )
لكن إنت سقف مطالبك شنو يا بشاشا سحل وذبح القبائل العربيه فى غرب السودان وبالمناسبه لو عدلتو
الإسم وإتفقتو عليهو إنو مافى قبائل عربيه وهى قبائل سودانيه انا معاكم تب بس انتفق على إسم
الاخرين وإذا كلهم الاخرين جنجويد يجب دفرهم لاى صحراء اخرى فى افريقيا او دفنهم احياء وإبادتهم
عرقيا ، دا واحد من مطالبك والتانى سحق الجلابه ورميهم فى البحر وتسود كوش ال هى ذى ما قلت اعلاه
السودان اوكى قولها هنا بوضوح يا بشاشا وإنت ما بتدارى الكلام ، عشان عند قول تانى يا بشاشا .
يا بشاشه المشكله ببساطه فى تقديرى البسيط (الهامش ) طبعن ما الافريقانيه إننا ما كلنا سودانيين
متساويين فى الحقوق والواجبات والجلابه إمتلكو ما بضراعم ورثوهم الالنغليز والترك الدوله ما عداهم
ثقافه ، فكره ، طرح ، دين هو جهوى وعرقى وقبلى ودى عقدة الفلم السودانى الطويل الممل والهسى
بلعب دور البتوله فيهو الكيزان ( طبعن الكيزان دى بتريح المشرف وكمال عباس وعصام جبرالله واخرين )
القال ليك منو انا موافق إنك ككوشى ولا نوبى تفرض على فهمك وتاريخك الاداك الحق بتاع الفرض شنو ؟؟
وجودك فى الارض قبلى ؟ إذا إجابتك نعم ياك الشعوبى والقومجى والعنصرى يا منقه وإذا لا بلها واشرب
مويتها اطروحتك يا صديقى لانها متوهمه وحالمه وما مرتبطه حتى باحفاد تهراقا ولو تسمو باولاد العباس
او ظل اخرين منهم نوبيين ولكنهم اليوم سودانيين وعلى دين السودان ودى ما مزايده !
خليك واقعى وإنت عارف المشلكه وين ما توسع قدها عشان بغلبك سدها ولما يغلبك سدها ما حتلقى قطعه
طولا وعرضها يكفى لإحياء سوبا دعك عن كوش ، لانو حتكون فى دولة حمدى واخرى للزغاوه وتالته للنوير ورابعه للعطاوه وخامسه للصينيين وسادسه لعيال الصادق المهدى ,
يا بشاشه ارقد شواف
ومراحب
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: فارس موسى)
|
| Quote: وين بوستاتك النارية ضد هيمنة الجلابة ياكيكي؟ |
طبعاً عزيزنا القارئ عندما تقرأ مثل هذا القول، قد يتبادر إلى ذهنك أن بشاشا من الذين يقضون سحابة يومهم في الدفاع عن أهلنا في دارفور، وأن بشاشا يخرج في المظاهرات ويمضي في المذكرات التى تدين النظام، ولا ينام حتى يكون قد جمع مبلغاً مقدراً من التبرعات لمساعدة المتضررين من أهلنا في دارفور في المعسكرات.
طيب عزيزنا القارئ وحتى لا تندهش سنسأل الأمير بشاشا سؤال واحد:
بشاشا هل خرجت في تظاهرة هن أجل دارفور؟
لن نسألك عن التبرعات ولن نسألك عن التبرعات ولن نسألك عن المذكرات، فقط مظاهرة عادية.
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: الصادق اسماعيل)
|
| Quote: طبعاً عزيزنا القارئ عندما تقرأ مثل هذا القول، قد يتبادر إلى ذهنك أن بشاشا من الذين يقضون سحابة يومهم في الدفاع عن أهلنا في دارفور، وأن بشاشا يخرج في المظاهرات ويمضي في المذكرات التى تدين النظام، ولا ينام حتى يكون قد جمع مبلغاً مقدراً من التبرعات لمساعدة المتضررين من أهلنا في دارفور في المعسكرات. |
هلا يا الصادق
ووبشاشا الذي وضع نفسه في برج عالي ويمنح نفسه حق المسائلة عن البوستات النارية
او المائية والحق في تحديد نوعية كتابة هذا او ذاك..يفضح بذاته المنتاقضة وعيه الغريب النمط..
وهذا الرجل في كل حرف من حروفه يضج مكابرة- واختلال..
والان طبعا مارس الهروب الثاني عندمااشتد حوله الحصار والتعرية والضرب الركبي التقيل...
وهنا يوجد رجل هارب مرة اخري
الرحيل عز الكوشيين، شلوم!
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
السلام عليكم
آمنت بالله
كيكي
ود الموية ده فكيتو كيفن؟
قلت لي كيف؟
Quote: وجبال من المعلومات والقرائن التي تعريه موجودة في الحفظ والصون
وجرعته ستكون حبة عند اللزوم...وحبات عديدة يوماتي لمزيد من توطين التعرية في الجزء الثاني من
(سياحة الاله بشاشا)..,,!!
كذلك تلاحظ احنا فكينا اسره من امر يحي فضل الله (لتحريره) من الحجة والتلكيك
ودعوناهو للارشيف..وبصبحة باقة من الاسئلة عليه الاجابة عليها ثم سيري الكثير ممن سيفرحه |
يظهر سياسة حبة عند اللزوم دي ما نافعة
يمكن محتاج جراحة عديل كده
......
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: الزوول)
|
هلا يا الزول
وزولنا ود الموية ذهب مع الريح..
وياخي الزول ده كرهنا (القنص الاسفيري ) ذااتو
وخلانا بالجد نحن عليهو...في مهرجان لعبة (هارب هارب دي)...
فعلا حبة عند اللزوم دي يبدو انها القشة التي قصمت ضهر ود الموية..
ولو عارفو بفرتق لغيرناها لحبتين عند اللزوم او جراحة كما قلت
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: عبدالكريم الامين احمد)
|
م. كيكى سلام
دونكم مداخله هى امتداد لمحاولتى اخضاع هذه الظاهره للدراسه ووضعها تحت مجهر التحليل
Quote: Quote:
وكنت قد
وجهت سؤالا ابجديا لبشاشا كونى ادركت انه يدور فى فلك ابجديات سنه اولى سياسه ووفكر ووعى
قلت له
Quote: ولتكن ثوره حتى النصر او القصر ..
ثم ماذا بعد؟..
كبف سيكون شكل الدوله وطبيعة الحكم ..
ما حكم الجلابه فى دولتكم المزمعه..
كان رده تماما كما توقعنا
المستهبل المشرف،
في دولة البديل، الجلابة حيكونو زي غيرم علي قدم المساواة. طبيعة الحكم تقرره الاغلبية، من خلال مؤسسات دولة ديمقراطية، لامركزية، التمثيل في اجهزتا، يكون علي اساس الثقل السكاني للولاية. لو اقليم الجلابة او الاقليم الشمالي بعادل 5% من السكان، فللجلابة 5% فقط في السلطة المركزية، مش 95% كماهو الحال الان!
Fair enogh?0
|
بالله عليكم ارأتم مثل هذا الاسهال الفكري ..
مقوم الدنيا ومقعدا عشان
(طبيعة الحكم تقرره الاغلبية، من خلال مؤسسات دولة ديمقراطية، لامركزية، التمثيل في اجهزتا، يكون علي اساس الثقل السكاني للولاية. لو اقليم الجلابة او الاقليم الشمالي بعادل 5% من السكان، فللجلابة 5% فقط في السلطة المركزية، مش 95% كماهو الحال الان!)
طيب يا مستهبل مختلف معاى فى شنو ؟ .. زمااان فى البوست ده سألتك ان كان لك اي اضافه فكريه تمثل منعطفا عما توصلت اليه الانسانيه
بعيد الاعلان عن وثيقه حقوق الانسان ..
والله يا بشاشا انا كنت قايل القبه تحتها فكى .. وبهذا البوست ايقنت اللا فكى تحت القبه ولا حاجه .. اها وبعد اجابتك دى ايقنت بعدم
وجود قبه اصلا ..
الم تدرك ان ما توصلت اليه بعناء ومكابده يراه الاخرون سهلا غير ممتنع ..
طيب انا متفق معاك ميه فى الميه فى الاهداف النهائيه والغايات .. بينما خلافنا محصور فى اي الطرق تؤدى للغايه .. تريدها حربا
ونريدها سلاما .. لا انا ولا انت يدفع فاتوره هذى الحرب , يدفعها من تتاجر باسمهم صباح مساء .. ياخى انت اكبر حبرتجى لاقانى ..
بشاشا ..
ياخى انت مستهبل شديييييييييييييييييييييييد , وشديد الاعتصام حول اناك التى لا تري الا ما تري من وعى شديد الاخصاء .. ومقرف جدا حد
القرف ..
يا ناس دارفور .. الزول ده مستهبل
ومستهبل جدا ومخادع ومريض الوعى ومصاب بانفصام فكري حاد .. فتجنبوه
وتدبروا قول فضيلى
فالخطاب البشاشى لا يسوى -امام حرف لفضيلى يسع فيما يسع السماوات والارض - غير اوهى من جناح ذبابه مريضه لا يغنيها عن السقوووووط شيئا , ولا يطعمكم من جوع ولا يأمنكم من خوف
| |
|
|
|
|
|
|
|
|
|
Re: سياحة في الوعي البشاشي الغريب الاطوار والانماط.....!! (Re: محمد حيدر المشرف)
|
| Quote: الخطاب البشاشى لا يسوى -امام حرف لفضيلى يسع فيما يسع السماوات والارض - غير اوهى من جناح ذبابه مريضه لا يغنيها عن السقوووووط شيئا , ولا يطعمكم من جوع ولا يأمنكم من خوف |
هلا يا دكتور
واسمح لي احيييك تحية خاصة وسلام ملك
لنوعية الدرش التي قمت بدرشها لهذا الرجل الاخطبوط..
ومثل بشاشا هذا هناك قولة قالها دكتور بلة هنا هي (يجب التعامل معه بالجدية)
واضيف ايضا الحسم الفكري والتعرية الضرب الاسفيري من العيار الرهيب والمحاصرة من كل الجهات
لان خطابه خطير وجرثومي اللون واللحن ولايليق بعقل معاصر في هذا القرن..
لذا تجده يهرب في هذه الزنقات ويعود مراهنا علي وهانة الذاكرة الاسفيرية هنا
ويواصل نفس نمط الغريب جدا..
قبعة عالية يا ود المشرف..
وبلاد فيها اقلام زيكم كده زي بشاشا ده ما بعيش بياكل فيها عيش ابدا
| |
|
|
|
|
|
|
| |
Bashasha
آدم صيام
عبدالكريم الامين احمد
الزوول
فارس موسى
محمد حيدر المشرف
Yahya Fadlalla
الصادق اسماعيل
فيس بوك
تويتر
انستقرام
يوتيوب
بنتيريست