|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
سلاااااااااام لكل المرور بقيادة قسطنطين الفشنك ولحدود نادر ابو كدوك بتاع الكلو كلو و المسهلات : : : : :
بوب سلامات
.Quote: انا اصلا عندي نظريه مافي مهاجم او لاعب وسط متقدم بيكون مدرب ناجح |
وانا اتفق معك 100 ال 100 وده بالنتائج فى كل البطولات و الدوريات الكبيرة السابقة
Quote: انا غايتو مع هولندا قلبا وقالبا |
انت عارف هولندا حتصل النهائى مرتاحة + اليوم العصر فى واحدة من قنوات الجزيرة جابو ليك كورة الانتر و لاتسيو اظن اتلعبت قبل شهرين ياخ اشنايدر مباااالغة > انا غايتو واضعها رقم 3 بعد اسبانيا و المانيا > لكن ممكن اعدل بعد مشاهدة مباريات نصف النهائى وده من حيث التوقع لكن الامنيات غير
ويا بوب اسبانيا فريق عريق ولم يحقق كاس العالم من قبل مثل هولندا وانا شخصيا اتمنى فوز احدى هذين الفرقين العرقين > رغم انو الؤ شرات غير
تحياتى
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
يا اخوانا حكم مباراة اسبانيا و البراقواى اعتقد انو اخطأ - لم يعد ضربة الجزاء لانو حارس اسبانيا تحرك قبل ضرب الكره - قون البراقو ى صحيح لانو اللاعب الذى احرز الهدف لم يكن متسلل - ضربة جزاء مباشرة من حارس البراقواى بعد اهدار الاسبان لضربة الجزاء
اعتقد اسوى من فى هذا المونديال حتى الآن - غياب النجوم كمثال ميسى - رونالدو - كاكا - خروج ايطاليا و فرنسا من الادوار التمهيديه - غياب البرازيل و الارجنتين معا من دور الاربعة - عدم صعود مستحق لغانا لدور الاربعة - دونقا كمدرب للبرازيل - مارادونا كمدرب للارجنتين - كارثة التحكيم - هل من اتفاق او عدم اتفاق او مزيد ؟
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
Quote: ولو المانيا شالت الكاس فاننا يا براهيم متبرين ليك بسرير عشان تجي يا زول كابي الزوقة من الجوطة بتاعة الخواجات ديل.. ياخي ديل ناس صعبين جدا وجادين بصورة ماعادية وبلطشو اربعات بدون رحمة..
|
ياخ الله يستر عليهم من كجتك صورة بروفايلك دى تكج عم دهب ذاته خليها المانيا الهينة دى ياخ خلى بالك انت ح تنقل شغل ناس مايرنو للعالمية وح تكون كجاتهم عابرة للاسافير والقارات قول لابوالقوق اصحابنا اللبنانين طلعوا بعد الكورة بتاعت البرازيل زعلانين زعل شديد بس ما من هزيمة البرازيل لكن لانهم شافوا مجموعة شباب سودانيين فى القهوة بيشجعوا فى البرازيل بشراسة فالقصة دى اعتبروها تغول فى تشجيع البرازيل بدون وجه حق - مانكم بتروحوا البرازيل ولا شفنا هيك جالية سودانية ولا لكم سفارة هناك ومفروض حدكم بالتشجيع يقيف بخروج غانا بلا لمة معاكم
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: احمد التجانى احمد)
|
مساء جميل لكل المونديالاب ،،،
Quote: انت عارف هولندا حتصل النهائى مرتاحة |
شنو يا كوتش شايت فينا ضفاري ... ياخ عشان المساكين الزينا ديل خليها بدون "مرتاحة"
Quote: يا اخوانا حكم مباراة اسبانيا و البراقواى اعتقد انو اخطأ - لم يعد ضربة الجزاء لانو حارس اسبانيا تحرك قبل ضرب الكره - قون البراقو ى صحيح لانو اللاعب الذى احرز الهدف لم يكن متسلل - ضربة جزاء مباشرة من حارس البراقواى بعد اهدار الاسبان لضربة الجزاء
|
كلام سليم ولكن إعادة ضربة الجزاء للباراغواي كانت أيضاً مطلوبة لدخول لاعبي إسبانياعند تنفيذ الضربة وهو نفس سبب إعادتها لإسبانيا رغم إحرازها . والأخطاء كتيرة من الحكم والحكمين المساعدين ... يا زول أسكت ساااااااااااي التحكيم كان مهزلة كبيرة ،،، أما أسوأ ما في البطولة فأنا أوافقك في :
Quote: دونقا كمدرب للبرازيل مارادونا كمدرب للارجنتين كارثة التحكيم
|
رغم إني ما عاوزو نهائي أوروبي لكن شكلها ألمانيا ح تزعمط هولندا وتشيل الكاس يا كوتش ... يا لسخرية الأقدار إتخيل إني قلت العبارة الفوق دي في مداخلة سابقة قبل أسبوع على سبيل التهكم ... ________________________ اللهم أنصر أوروغواي ... نصراً ما يزعّل مننا عمر بوب
Quote: ياخ خلى بالك انت ح تنقل شغل ناس مايرنو للعالمية وح تكون كجاتهم عابرة للاسافير والقارات |
إن شاء الله يا أحمد التجاني الود كيكي دة تحين منه ولو لفتة للألمان عشان تأاااااااامنو !!!
مودتي للجميع ،،،
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
هلا يا نجوم وحبابكم وحباب الانتظار علي حافة الانطلاق لمباريات ليس لدينا فيها ناقة ولاجملون ولكن تواجد المرجفين من امثال ابو صلعة وتبلدينا ح يخلينا نفعل الية الكوشي موشي ونستدعي رائد العمل السفلي الرهيب قوبي عشان نكج المانيا دي كييييية في ود التجاني وتبلدينا وكوستاوي ودوما التي ظهر بانها بتمارس لعبة بلو تيكا كروية مرت علينا نحن اهل قريعتي راحت..!! ويا ود التجاني مافي شي كج البرازيل دي الا علاقتهم الازلية مع لبنان وناس نانسي اه ونص.. وبالجانب الاخر بتلقي شاكيرا متلبطين فيها ومطلعين اصلها وفصلها من زحل فده حق الغلابة والجوعي والمهمشين الدقوهم ديل..
وسنتابع ولكن قبل نتابع سنعود الي اسئلة الخبير الكروي والمايسترو كتاشا الشهير بالكوتش
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
Quote: اعتقد اسوى من فى هذا المونديال حتى الآن - غياب النجوم كمثال ميسى - رونالدو - كاكا - خروج ايطاليا و فرنسا من الادوار التمهيديه - غياب البرازيل و الارجنتين معا من دور الاربعة - عدم صعود مستحق لغانا لدور الاربعة - دونقا كمدرب للبرازيل - مارادونا كمدرب للارجنتين - كارثة التحكيم - هل من اتفاق او عدم اتفاق او مزيد ؟ |
اضف الي ذلك المستوي الرهيب الذي ظهرت به المانيا لووووووول ---------- دونقا كمدرب للبرازيل كانت كارثة وشي اقل بكثير من قامة السيليساو
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
Quote: دي لافقة مع موللر السماهو ماردونا (جامع الكور) وامس فش غبينته في ماردونا انا لو منو يسمي ماردونا سيدي العريان... |
والله يا كيكي، شجعنا الأرجنتين حد الثمآلة، لكن الحمد لله الطشّت لأنو مارادونا ونسوانو لو جرو في الشوارع ميطي، كان بكرة يجي وآحد يلملوا نسوان ويحلف طلآق لو ناس حزب المؤتمر فازوا في الإنتخابات الجاية، هو والنسوان المعاهو يجرو زي ما الله خلقهم في شارع النيل. احسن نحن بقينا مغرمين شديد بالحاجات الجآية من برّة كالمساحيق وعرض الهديمات في غير حبل الغسيل...
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
Quote: أورجواي ضد هولندا - 6 تموز (يوليو) 9:30 م ألمانيا ضد أسبانيا - 7 تموز (يوليو) 9:30 م
|
بكرة نازلين الملاعب نحن متفرجين كبار في الفرجة التي حتما ستكون كسسسسسسولة حيث لا كيس تمباك شحمان ولا تسالي من ابو الخير ولا رداء شهير ولايحزنون.. اورجواي ضد عولندا انا غايتو قررت اني اشجع الارواغوي
اسبانيا والمانيا قررت ان اشجع اسبانيا وساظل احلم مرة اخري بفاينال نوعي فيه اسبانيا ضد اورغواي عششششششان القصة تجوط وتبقي شكلها جديد المخبر والمنظر..!! رايكم شنو يا خبراء في الاقتراح ده..؟؟
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
سلااااام للمونديالاب
Quote: اضف الي ذلك المستوي الرهيب الذي ظهرت به المانيا لووووووول |
انت عارف يا كيكى برغم انو المانيا فريق كبير و بلعب بتكتيك ممتاز ومع احترامى الشديد لعشاق المانيا فى هذا الموقع بقيادة جنابو و كوستاوى و تبلدينا لكن المانيا ده كلو كلو ما قادر ابلعها ذى المريخ > لووووووووووووووولز
..............
امين ياخ الاورقواى ده لو شالت كاس العالم بتكون ده احلى نهاية لكاس العالم لكن المساله صعبة شدييييييييييييييييييييييييد
تخريمة ويا خليل و كيكى بالمناسبة ده ايميلى > [email protected] وبرضك لووووووووووووووووولز
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
Quote: ويا خليل و كيكى بالمناسبة ده ايميلى > [email protected] وبرضك لووووووووووووووووولز |
لوووووول تخيل صحبك لسسسسسسع ممارس علي غتاتة قسطنطنية وانا من امس فاتح خشم ايميلي ومنتظر ولكن لاحياة لمن تنادي وكل الدوائر الخليلية مشغولة بحديث السيلكون مع ود البشري في بوست ود الصايم.. المانيا يا كوتش انا زااتي مكجنها كجينة السوووواد ولكنها بت اللذينة السنة دي لبدت لينا في زقاق ضيق وجات بفريق ابن لذينة..
انتو مرتضي وووووووووووين ياناس هوووي الزول ده ومنذ خروج السامبا اختفي خلف كراكير هذا الاسفير وما شفنا ليهو بغم
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
Quote: انا غايتو قررت اني اشجع الارواغوي
اسبانيا والمانيا قررت ان اشجع اسبانيا وساظل احلم مرة اخري بفاينال نوعي فيه اسبانيا ضد اورغواي عششششششان القصة تجوط وتبقي شكلها جديد المخبر والمنظر..!! رايكم شنو يا خبراء في الاقتراح ده..؟؟ |
اذن متفقين 100 ال 100 يا فردة
...........
Quote: خيل صحبك لسسسسسسع ممارس علي غتاتة قسطنطنية وانا من امس فاتح خشم ايميلي ومنتظر ولكن لاحياة لمن تنادي |
تعرف انا منتظر منو هدية اسفيرية وعدنى بيها ليهو سنة كاااااااااملة > صاحبى اريتو صاحب اليابا و التابا
.............
اما بخصوص مرتضى اظنو مختفى عشان يحضر تورتة بالشكلاتة > لوووووووووووووووووووولز
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
يا كيكي شنو مطولين الغيبة كدة !!!؟ مع كامل التضامن مع (السيليستي) أولاد المدرب أوسكار تاباريز وأيضاً أولادنا السحّارين بتاعين البارشا لكن شكلو الكوت التحت دة حيفرض نفسه ،،،
Quote: والله يا كيكي لو الخجة شدييييييييييييييييييدة ما تستبعد ألمانيا تضرب هولندا وتشيل الكاس !!!!!!!!] |
مع إحتمال ثورة برتقالية لسداد دين قديم ... أما لو واصلت المجنونة لعبة السلّم والثعبان فسوف نتداعى لنهائي يعوّض الكثير من خيبات الأمل لمحبي السحر الكروي يجمع أوروغواي بإسبانيا ... وبعد داك الكاس إن شاء الله يشيلو الحكم ، البطن بتكون فيها مغسة ،،، لكن بي جاي طواحين وبي غادي مكنات ديل يفرموا أي حاجة في سكتهم ... غايتو يا كيكي شوفو لينا قوبي دة يمكن يجازفها ،،،
غايتو ... الله في !
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
Quote: مع إحتمال ثورة برتقالية لسداد دين قديم ... أما لو واصلت المجنونة لعبة السلّم والثعبان فسوف نتداعى لنهائي يعوّض الكثير من خيبات الأمل لمحبي السحر الكروي يجمع أوروغواي بإسبانيا ... وبعد داك الكاس إن شاء الله يشيلو الحكم ، البطن بتكون فيها مغسة ،،، لكن بي جاي طواحين وبي غادي مكنات ديل يفرموا أي حاجة في سكتهم ... غايتو يا كيكي شوفو لينا قوبي دة يمكن يجازفها ،،،
غايتو ... الله في |
هلا يا امين وتحياتي.. ونتمني معك ان تمارس المستديرة المجنونة لعبة السلم والثعبان وتهدينا دهشة اخري علي قارعة مونديال كيب تاون الذي هو مونديال الدهشة وفغر الافواه من الاحداث خروج البرازيل وخروج الارجتين وخروج ايطاليا وفرنسا من الدور الاول والخروج الدرامتيكي لغانا واووووووووه ياغانا.. وان اهدتنا ماتش يجمع الاسبان والاورغواي فعلا حتبرد البطن ونفش الغبينة شووووووووية ونصيح كما صاح شمشون ذات ايام بعيدة علي وعلي اعدائي.---
قوبي علي اهبة الاستعداد للمساعدة والدعم اللوجستي في خج دوري الاربعة وسيستعين بادوات موغلة في الفلكور الافريقي القديم لتحقيق هذا الغرض السامي
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
Quote: امين ياخ الاورقواى ده لو شالت كاس العالم بتكون ده احلى نهاية لكاس العالم لكن المساله صعبة شدييييييييييييييييييييييييد
|
حباب الكوتش . وينك يا مَعلَمة الله يسمع منك ، رغم إنو التلاتة الباقين ييستاهلو الكاس أكتر منها لكن إن شاء الله المجنونة تغدرهم زي ما غدرت أهل الجلد والراس ،،، ألمانيا بعد زعمطة الكبار والإمكانيات المهولة للولد شفاينشتايجر والجلاد كلوزة بستاهلو الكاس بس الله لا ضوّقو ليهم ... ما يزعلوا مننا ناس جنابو وماما دوما وشول وتبلدينا وبقية (النازيين) هولندا 10 على 10 مع العلامة الكاملة من قولة تيت وفي وجود الثعلب روبن والود شنايدر برضو بستاهلو الكاس بس يشموا قدحة ... وعمر بوب برضو راجل أخونا وبنلتقي في عشق السامبا يا سلااااااام على إسبانيا وأولادنا أولاد البرشا فيها يقدلوا بالطول والعرض ومعاهم ولدنا الجديد فيا ... هنا ما عندي مشكلة حتى لو شالوهو من الأوروغواي (رغم إني توقعت خروج الإسبان من دور ال 16) أما يا كوتش لو صدقت مع السيليستي فالواحد حيفرح عشان حاجتين : حاجة من ريحة الحبايب والتانية عشان واقف معاهم من البداية ومتخيل إنه ليهم كلمة في البطولة ______________ ومعاكم نسأل عن مرتضى وشول وبوب وبقية ال stakeholders بعد إذن الود كيكي معليش أخوكم معذّب مع الكيبورد أب كتابتن رطانة ... لووووووووووول
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
Quote: ومعاكم نسأل عن مرتضى وشول وبوب وبقية ال stakeholders بعد إذن الود كيكي |
عاد دي كلام يا امينوف انتو ياخ سياد الساس والراس وشلتو دفاع البوست شيلة رهيبة نوعتو اللعب في الوسط ولعبتو هجوم بالاطراف وكل استيك هولدر ايضا لعب ليهو زي كم دبل كيك كده وباص بالكعب ومتع الجماهير وزي ما قلت انت هذا البوست جزء اساسي من حضورنا لمونديال هذه المرة.. وياسسسسسسلام ياخي علي موندياليات الزمن القديم..كانت مثل هذه المناقشات تتم بين الاصدقاء في الدوايين ولمات الكورة في العصر والنادي بالليل... تكهنات...نقاشات... اعجاب بلعيبة..وكجينة لعيبة ومدربين وقد كانت ايضا من امتع اللحظات.. وهاهي المنافي والشواطي البعيدة تهدينا وعبر سودانيز فرصة ومتعة جديدة عن التفاكر والتحاور في امر مونديال 2010 وهي لعمري تجربة رائعة وانا بالجد استمتعت كل المتعة بكل الحروف التي كتبت هنا.. فلقد بداء المونديال بالنسبة لي من هذا البوست بوجودكم الاستيك هولدي المدهش والموغل في الدهشة
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
هلا امين تعرف اللاعبين الحسبتهم ديل كلهم كوم و الولدان تشافى و انيستا ديل كوم براااهم
تعرف تشافى ده فى مباراة البرتقال وصلتو 176 تمريرة و كلها مررها صحيحة ومنها واحدة تسببت فى القون الوحيد الذى احرزه فيا وده تقريبا لاول مرة تحدث منذ اقتراع كاس العالم
ملاحظين البوست ده من بدأ انا كنت بتغزل فى 3 ميسى و غزلنى بنسبة 100 ال 100 انيستا لعب كاس عالم ممتاز و خصوصا ضد البراقواى تشافى كاس عالم 100 ال 100
يعنى نص فيهو الجوز الفوق ده مع فيا فى الهجوم مؤهل تماما ما لم تنصاع المجنونة للطواحين او الماكينات للفوز بكاس العالم ومن بابه الواسع
غايتو البرشا مبااااالغة حتكون فى الموسم القادم خصوصا بعد انضمام فيا
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
Quote: فى ذمتك يا كيكى انتصارات المانيا دى حظوط؟؟ بتبالغ والله ياخى داالتيم الوحيد المكتمل فى الكاس تناغم وسط .. متنانة دفاع .. سرعة هجوم .. مهارات فردية .. لعب جماعى تناسق هارمونى .. لا تعرف المدافع من المهاجم .. الخ |
سـلآم تبلدينا النازي، يا اخوي الشغل كان شغل مدربين. مدرب المانيا قدر يتغلب علي مارادونا الداقس. يا اخي الشوط الأوّل كلو الأرجنتين كانت الأفضل رغم الهدف، بس بين الشوطين الألمان مشو قالوا لبعض شنو ؟؟؟ الله اعلم!!! غايتو نضمو ليهن نضمي كُتُر، وجو ودونا خور أربعات.
إن شاء الله أُخوان بنات الأصفر يودوكم وادي الحُمار...
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
سلاااااااام كيكي امين والكوتش أما الفكي الدجال خليل فله مني سلام كبير :) والله من البرازيل شتت انا كرهته الكأس غايتو املنا في هولندا وأسبانيا واحد فيهم يحسم لينا الالمان ديل ما بيرحمو كلو كلو أربعات سااااااااي لكن والله متعوني في الغنجليز والعجب الارجنتينينم عاملين فيها شفاته طلعو يحتفلو بخروج البرازيل جو الالمان وروهم النجوم عز الضهر
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: مرتضى احمد عبد القادر)
|
Quote: زمنك فات و غنايك مات |
اووووه الكرمبا الليلة قام ليك ريش وخلاص بقيت تعمل هجمات مرتدة في بوستات اهل المتعة اللاتينية اهل السامبا وسياد الساس والراس الكروي منذ عهود جول ريمية.. مافي اي مبروك مقدما ولا اي حاجة لانو كل الاناطين هنا بقيادة الجريح قسطنطين والخطير قوبي وطمروس وحتي الاخطبوط الرعديد (بول) شغاليين بيدهم وكراعهم(خجخجة) لخج هذا الكاس والعمل الطلس ملصي الشاق علي تحويله الي واحد من الفرق الاتية 1- اسبانيا 2- هولندا 3- الاورغواي
والمانيا
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
Quote: سلاااااااام كيكي امين والكوتش أما الفكي الدجال خليل فله مني سلام كبير :) والله من البرازيل شتت انا كرهته الكأس غايتو املنا في هولندا وأسبانيا واحد فيهم يحسم لينا الالمان ديل ما بيرحمو كلو كلو أربعات سااااااااي لكن والله متعوني في الغنجليز والعجب الارجنتينينم عاملين فيها شفاته طلعو يحتفلو بخروج البرازيل جو الالمان وروهم النجوم عز الضهر |
هلا يا مورتا وووينك يا رجل سالنا عنك حتي (اذارا) كما ورد في اغنية المدهش الراحل هاشم ميرغني (نسائل عنك اذارا)... وبيني وبينك ابو خليل فكي دجال وستين الف رجال ولكن قلنا مع بواقي دجلو ده يدينا دفرة في امر اخراج المانيا واصلها بايظة بايظة يا مورتا وصارت كل الاشياء طعمها ملح ملح وطير طير فلقد خرجت السامبا وملوك التيوة والسامبا رامبا ولكن نردد دوما الله في...!!
واسبانيا wayeeeeeeee هولندا wayeeeeeeeee الاروغواي ايضا wayeeeeeeeee
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
كيكى و معاوية و مرتضى و امين و خليل هاكم من موقع كووورة
Quote: في خبر ربما يفزع الكثير من مشجعي المنتخب الألماني لكرة القدم ، تكهن الأخطبوط الشهير "بول" بخسارة المنتخب الألماني أمام نظيره الأسباني في مباراة نصف نهائي بطولة كأس العالم 2010 التي تجمعهما غدا الأربعاء في جنوب أفريقيا.
وصدقت حتى الآن جميع توقعات الأخطبوط الذي ولد في إنجلترا ويعيش في مدينة أوبرهاوزن بغرب ألمانيا. وتكهن بول بفوز ألمانيا على إنجلترا والارجنتين وأستراليا كما تكهن بخسارتها أمام صربيا ضمن مونديال 2010 .
ويوضع أمام بول صندوقين زجاجيين بهما أطعمة يحتوي كل منهما على علم لاحدى الدولتين المشاركتين في المباراة.
وعندما يتوجه بول نحو أحد الصندوقين تصبح هذه بمثابة اشارة على فوز منتخب الدولة التي يوجد علمها داخل الصندوق.
ولكن المتفائلين لديهم بعض الآمال رغم تكهن بول خاصة وأن الأخطبوط كانت له دائما تكهنات سليمة خلال مباريات بطولة كأس الأمم الأوروبية عام 2008 باستثناء المباراة التي جمعت أسبانيا وألمانيا في نهائي البطولة.
وتكهن بول وقتها بفوز ألمانيا ولكن المباراة انتهت لصالح أسبانيا. |
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
ونمسي على كيكى والكوتش و مرتضى وكل الحلوين ونرحب بي ناس آخر محطة ناس كوستاوي النازيين الليلة القيدومة وما معروف درب الفرح بي وين وباكر اليوم الصعيب يا ربي ناس (فيا) مبسوطين
قلوبنا مع الود فورلان ورفاقه في الكماج المستعر أمام الطواحين الليلة ، وعافين منهم إن غرقوا أو جوا حازمنها ... حسابياً هولندا مرشحة بقوة لإلتهام الأوروغواي ولكن السيليستي لن يستسلم ونحن من خلفه ندعو له بالتوفيق
Quote: المجد والخلود للاخطبوط بول معبود الرياح.. |
>>> والله يا كيكي الألمان ديل الكج بتاعهم إلا ياخدو حقن في العضل !!! إن شاء الله بكرة ندق الكيتة ونطلع في الحيطة ونعمل الزيطة بس الله يدينا الفي مرادنا ....
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
Quote: قلوبنا مع الود فورلان ورفاقه في الكماج المستعر أمام الطواحين الليلة ، وعافين منهم إن غرقوا أو جوا حازمنها ... حسابياً هولندا مرشحة بقوة لإلتهام الأوروغواي ولكن السيليستي لن يستسلم ونحن من خلفه ندعو له بالتوفيق |
هلا يا امين والتحيات ونعم سنصلي من اجل السيليستي ونتمني ان يذهب عاليا في هذه البطولة فهو تيم يستحق وفيه بعضا من نكهة السيليساو ورحيق التانغو...ولكن وان صعدت هولندا ايضا فالتحية مرسلة اليها برتقالية فاقع لونها تسر الناظرين فشعار مرحلتنا كل القوي برلين جووووه
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
سلامات امين > ويلا امسك الكيبورد ومتابعين معاك
نتمنى انو التحكيم يتستر فى ما تبقى من مواجهات
بالمناسبة الحكومة النيجيرية بلعتو بالهنا و الشفا بعد تهديدات الفيفا
و الارجنتين تستقبل منتخبها و مارادونا بعد العودة استقبال رائع
و اوسكلارى بديلا لدونقا
وحمد الله على سلامة ظهورك يا مورتا
قسطنطين وبوب و شول وغباشى غاطسين ويييين
هولندا - اسبانيا ترشيحى للنهائى
واتمنى الاورقواى تفوز بالكاس
راجعين خليكم قراااب
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
هلا بالكوتش ،،،
Quote: هولندا - اسبانيا ترشيحى للنهائى
واتمنى الاورقواى تفوز بالكاس
|
أضحك الله سنك يا هندسة ... وشكرا ليك على (أضعف الإيمان) ، أنا الليلة كان الهولنديين جضمونا (سأستوي مع الذين لا يعلمون) وبرضو لوووووووولز لكن من بكرة الدغش إسبان حد الهذيان ... ولغاية ما يطيرو الألمان !!! ____________ الله يسترنا من التحكيم ... نفسي (غامّاني) ،،، قلب الوالد وكدة !
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: معاوية المدير)
|
من ناحية نتيجة أولادنا مستورين حتى الآن ... لكن هولندا مكرّبة النص شديد بس دفاعهم دة لو مشوا بيه الفاينال إقنعو من خيراً فيه ،،، الأوروغواي مجتهدين ولاعبين حسب إمكانياتهم بس الكويس إنو ما تاركين مساحات في المنطقة الخطرة ________________ القونين سمحات بالحيل لكن بتاع بروكهوست شكلو شال البريمو دعواتكم معانا يا معاوية والكوتش وكيكي
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
Quote: الأوروغواي مجتهدين ولاعبين حسب إمكانياتهم بس الكويس إنو ما تاركين مساحات في المنطقة الخطرة |
نعم يا امين وده السر في تفوق السيليستي فالضغط علي الخصم عندهم ببداء في اخر نقطة في خط الوسط ومطبقين دفاع المنطقة بطريقة مدهشة وسلسلة وعشان كده الحل الهولندي كان مافي ليهو طريقة الا ان ياتي من خارج الحدود وخارج الخط..
وسنعود عقب الششوط الثاني الذي بداء الان
ونشوف
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
طمعت الأوروغواي مبكراً وإندفعت للهجوم فإنكشف ظهرها في أكثر من مناسبة والطواحين لا ترحم الدخنة كبيييييييييرة يا معاوية في الهدف التاني هولندا قدمت فن جميل بعد منتصف الشوط التاني ، والأوروغواي أضفت الإثارة على نهاية المباراة غياب سواريس ولوغانو أثّر كثيراً على السيليستي ولكن رغم ذلك أهدونا فواصل من المتعة والإثارة فورلان لاعب بقامة الكبار ... حمل العبء النفسي عن كل النتخب الذي لعب بدون ضغوط حتى اللحظات الآخيرة حينما برق بعض الأمل _______________ هولندا فريق كبير ويستاهل أن يصل النهائي ... ولكن دفاعهم يحتاج لشغل كتير من أجل التتويج
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
Quote: فورلان لاعب بقامة الكبار |
نعم يا امين وفورلان جاب قوون يمكن اعتباره من احلي الاهداف في هذه البطولة ودائما القون البحي من خارج الخط لو ما لقي زول حريف زي فورلان ده ما بعانق الشباك... اومن علي الدخنة الموجودة في دفاع هولندا ولو لم يتم التعامل معها وسمكرتها فان المانشفتت او الاسبان سيعبرون خلالها الي الكاس.. ... شكرا لاوراغوي فقد لعبت ماتش كبير وهو تيم له مستقبل ويبدو انها طوبة في اولي في سبيل العودة الي الامجاد القديمة ------------- وبكرة اسبانيا والمانيا كورة يا النبي نووووح منها وفي بالتاكيد كلام كثير ونتمني الان نهائي هولندي - اسباني فهل ستتحقق احلامنا في نهاية هذا المونديال قاتل الاحلام الكبري
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
شكراً يا كوتش والأوروغواي ما قصرت تب وصولها للنهائي كان سيعد من المفاجآت في البطولة ، ولكن الأجمل إنهم كانوا بيلعبو كل كورة وكأنها الفاينال وأوسكار تاباريز أثبت أنه مدرب كبير وأعاد للذاكرة جماليات طريقة 4-3-3 التي بدأت تختفي في ظل التكتيكات الدفاعية المهيمنة في طرق اللعب زي ما قال معاوية فإن القون بتاع أب صلعة (سره منه وفيه) لكن فان بروكهوست وفورلان متعونا الليلة
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
Quote: ونتمني الان نهائي هولندي - اسباني فهل ستتحقق احلامنا في نهاية هذا المونديال قاتل الاحلام الكبري |
نعم يا كيكي نتمناها من أجل المتعة على الأقل نعيش باقي الصيف بذكريات حلوة لغاية بداية الليغا ونرجع للمتعة والدهشة مع سحرة البرشا ____________ غايتو الفي بالي ديك إن شاء الله ياخدوها حقن في العضل !!!!!!!!
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
Quote: شكلها ماشة علي خور اربعات |
الاروغواي خلاص يا معاوية مشت خور كربعو ولحقت الذينين ورغم ادائها الباهر الا انها فعلا فرطت وتساهلت في الشوط التاني وفقد اهم خصائصها هي توضيب المنطقة الخلفية فالقون الثاني بتاع الهد اتي من العمق الدفاعي وده اكبر خطاء يمكن يرتبكو دفاع بتاع اي فريق دي منطقة كوارث وخط احمر والتغطية فيها مفروض تكون بانضباط عالي .. .....
يا الكوتش مش لاحظت معاي بانو قسطنيطين رفع يدو خلاص من التنبوء بمتبقي المباريات وكب الزوقة نوهاااااااااائي
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: Kostawi)
|
Quote: غايتو الفي بالي ديك إن شاء الله ياخدوها حقن في العضل !!!!!!!! |
ياريت ياريت او كما ردد ترباس وضروري يكثروا لينا من تعبت اه...لانو بصراحة الجيرمن ديل مافي حل معاهم الا حقنة ع العضل
حبابك يا ود المكي والارجتين يا حليلها ويا حيل ميسي جور
------------------
Quote: الجيرمن و الباقي كلو الكوشة |
تا الله يا كوستاوي المانيا دي تتلطش وما تشيل الكاس ده الا تمشي تكتب في منبر ناس الزقازيق او منبر اليوم الحار... لانو قصتك معاي حتكون بايظ بوظ شديد
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: khaleel)
|
Quote: وبقت عليها شفقة بت العطى اللحقوها سجمها في المقابر. |
شكرا ... كيكي,
بس بسأل { من شدة مغستي على خروج غانا } ماااالهم ما كجروها بي فكي قووووي كده.
بت العطي { رحمها الله } ... لكن سجمها ده شنو اللحقوه ليها في المقابر؟
دي ذكرتني نكتة وحقيقية, ففي قريتنا طيبة الشيخ عبدالباقي, توفيت إمرأة أم عيال, وكانت إحدى بناتها تبكي بحرقة, لكنها كمان كانت رامية أضانا على الناس البجهزو في الجنازة, وسمعت من يقول بإحضار الريحة لتعطير الميت, فتوقفت عن البكاء وصاحت بصوت عالي, لا لا لا, ما تعملوا لي أمي ريحة ... بتسوي ليها الدبس.
فشكلنا كده حا نتدبس مع الألمان ... لا قدر الله.
بس ... إلا ... أسبانيا ... تعملا ... وتريحنا من الرايخ التالت.
... وأبقوا طيبين
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: معاوية المدير)
|
Quote: دي ذكرتني نكتة وحقيقية, ففي قريتنا طيبة الشيخ عبدالباقي, توفيت إمرأة أم عيال, وكانت إحدى بناتها تبكي بحرقة, لكنها كمان كانت رامية أضانا على الناس البجهزو في الجنازة, وسمعت من يقول بإحضار الريحة لتعطير الميت, فتوقفت عن البكاء وصاحت بصوت عالي, لا لا لا, ما تعملوا لي أمي ريحة ... بتسوي ليها الدبس. |
عارف يا حيدر، مرّة غِرِق واحد في حِلتنا. اها مرقو الجنازة ودوها الخلوة، والناس متلمين فوقها لمّة شديدة. جاء واحد كورك فوقهم: يا ناس ما تفجو للزول ده تدوهو الهواء !!! هوووووي يا ود قاسم، نحن كان قعدنا للمقالآت النفر ديل كأس العآلم بيروح مننا سآكت...
إن شاء الله احفاد هتلر يدونا الهواء باكر...
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: معاوية المدير)
|
في خبر ربما يفزع الكثير من مشجعي المنتخب الألماني لكرة القدم، تكهن الأخطبوط الشهير "باول" بخسارة المنتخب الألماني أمام نظيره الأسباني في مباراة نصف نهائي بطولة كأس العالم 2010 التي تجمعهما غداً الأربعاء في جنوب أفريقيا. وصدقت حتى الآن جميع توقعات الأخطبوط الذي ولد في إنجلترا ويعيش في حديقة حيوان مدينة أوبرهاوزن في غرب ألمانيا. وتكهن باول بفوز ألمانيا على إنجلترا والأرجنتين وأستراليا، كما تكهن بخسارتها أمام صربيا ضمن مونديال 2010. ويوضع أمام باول صندوقين زجاجيين فيهما أطعمة يحتوي كل منهما على علم لإحدى الدولتين المشاركتين في المباراة. وعندما يتوجه باول نحو أحد الصندوقين تصبح هذه بمثابة إشارة على فوز منتخب الدولة التي يوجد علمها داخل الصندوق. ولكن المتفائلين لديهم بعض الآمال رغم تكهن باول خاصة وأن الأخطبوط كانت له دائما تكهنات سليمة خلال مباريات بطولة كأس الأمم الأوروبية عام 2008، باستثناء المباراة التي جمعت أسبانيا وألمانيا في نهائي البطولة. وتكهن باول وقتها بفوز ألمانيا ولكن المباراة انتهت لصالح أسبانيا.
http://www.dw-world.de/popups/popup_imageoftheday/0,,5764813_lang_8,00.html
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
سلام حار للمونديالاب
واظنو مباراة اليوم هى مباراة مدربين من الطراز التقيل
ومن يسيطر على وسط الملعب سوف يكسب
والمانيا حتتاثر كتيرا بغياب توماس مولر الموقوف
عموما اتوقع صعود اسبانيا اذا سيطر الثنائى انيستا و تشافى على وسط الملعب كما عودانا .... وقد تشهد المباراة وقت اضافى و لربما ضربات الترجيح
نتمنى للجميع الاستمتاع رغم انو المانيا لم تعودنا يوما على المتعة
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
هلا بالكابتن كتاشا وشول ونعم اسبانيا يمكنها ان تفعلها لو زبطت خطوطها بالتحديد خط وسطها المتمكن.. والالمان ديل مافي ليهو طريقة الا ان تضرب ركب اطرافهم بالكور العكسية والهبببببببببت من العمق والسيطرة علي الوسط عبر المباغتة والمكاجمة....ولانهم لو وجدو نص الفريق الخصم فيه اقل دخنة فانهم رعاديد سيمطرون مرماك بالاربعات
المانيا
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
شوط اسباني مية مية.. ولو كان الامر بيدي لدرست خطة اسبانيا البت لذينة دي في كل كليات الكرة العالمية.. سيطرة تامة علي كل مربعات الملعب وفي كل لحظة يكون حول الكورة حوالي ستة الي اربعة لاعب اسباني ومهما كان موقع الكرة دفاعا او هجوما.. نفس المستوي مع قليلا من التركيز في التهديق والهجوم فان اسبانيا ستذهب الي المجد..
المانيا شاردة الذهن ورغم خطورة هجماتها المرتدة الا ان حضورها في الشوط الاول كان مرتبك وغير منظم وربما الضغط علي حامل الكورة من قبل الفريق الاسباني هو من جعلهم يتراجفون زي صحن الكاسترد
ونتابع
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: Kostawi)
|
اثبتت مباريات المانيا انو طريقتها في اللعب وآحدة، ويبدو إنو الإسبان إستوعبوها إستيعاب كآمل. واضخ إنو إسبانيا إعتمدت إعتماد كامل علي اللعب الجماعي، بصات قصيرة ومحاولات جآدة لفتح الكماشة الألمانية وكسر الطبلة مع الرجوع الجماعي السريع للحد من خطورة الهجمات المرتدة. بداية الشوط الثاني تنبئ بتحطيم اسطورة الدفاع الألماني، والألمان الظاهر عليهم خايفين من الـ2 الصايمة الأخدوها قبل كده.
متحكرين نحن في بنبر الشماتة...
| |
|
|
|
|
|
|
|