|
|
 احلام كركاسية ودوحيات وممرضة هندية تجيب الضغط......!!!!!
|
قبل يومين في زيارة علاجية للوحدة الصحية الخاصة بالشركة التي اعمل فيها في اليوم الاول لزيارة البشير الي الدوحة...ممرضة من بلاد الهند تقول ياليل يبدو انها حبت تتظارف مع ابو كراع كديس المشقوقة القاعد قدامها ده.
وقالت بلكنة انجليزية تزورها سحابة من بلاد الهند.
خلف ابتسامات الممرضات التي تشفي القلوب والجروح ديك...
وقعت فرحان بجية رئيسكم (النايس) ولاشنو..؟؟؟
Whaaaaaaaaaaaaaaat….????
|
|
 
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: عبدالكريم الامين احمد)
|
ماعارف سريع سريع شفت ليك الهندية الممطرطشة دي اثنين اثنين وسحابة سريعة من التفكير في سحب الكراع دي منها
وتقول ليها يكرووووك فطيسة يا هندوسية يا بوذية...!!! وماداير علااااجكم ده زااتو وبتمها براااي قرض وممكن كمان عرديب يا مستلبة ياعروبية وشحدت ربي سرا في ان تقع في مرمي نيران ذات يوم عشان يصقع ليها قمل الاستلاب ويقول ليها يا ناكرة زاااتك
ياربي الهندية دي بتكتب في سودانيز ولاشنو...؟؟؟ والغلغلة والكلام الخاتي الدرب ده لزومو شنو...؟؟
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: عبدالكريم الامين احمد)
|
وسريع سريع بحنبكة ووش مكرضم زادت كرضمته مع موجات الالم الشينننننن داك.....قلت ليها انتي مالك ومال رئيسنا يجي ولايمشي ولا يعرس تاني زااااتو... مالك.. ومالو..؟؟؟
اجانب شمشامين وبتاعين شمارات وما تسمعو ليكم الجزيرة جابت ليها سيرة خبر الا تتراطنو (نق نق نق نق)...اها الليلة
ماعندكم نقة الا بسير بسير بسير ..اومر بسير.... شاحد ربي اليعمرو مكنتك في ورشة جمعة بلل... يا شمشامة....!!!!
الهندية اتخلعت واندهشت من نطة الزول التقول عاضية دبيب في كركور من كراكير فريق زنقو في بومباي.. وقالت بصوت حنووون القصة شنو يا زول ومالك ....؟؟؟
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: عبدالكريم الامين احمد)
|
قصة..؟؟
يقصقصوك في جزارة كباية رزم رزم ...!!!!
وراسك شاحد ربي يعملو بيهو نيفة في انداية بت قنيرة ويمزو بيهو ناس كرجول...
قصة..؟؟؟
تعالي نوريك...!!!
بس شابكننا هيومن هيومن هيومن رايتس...اها يا داية انتي بشير ده عمل كركبة وجوطة وعمل مشاكل هيمن رايتس....!!!
اها انا القدامك ده زول ولا ما زول....؟؟؟
Yes you are zooool
بني ادم ولا ما بني ادم
Yes والله بني ادم
البتعالجي فيها دي كراع بني ادم ولا كراع كديس..... ردت الهندية
بررررري يا اتا كراااع بني ادم والله...
خلاص مادم بررري يا انا وسجمك يا اتي ...!!!
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: عبدالكريم الامين احمد)
|
بسير بسير الفالقانا بيهو من الصباح ده..... جزر ناس كتار زي كده في بلدي وبشبهوني وفيهم ناس بشبهوك عاملة عيونك المنططات ديل وشردهم من بلادهم وقال البجيهو متحزم بطلع ليييييييهو عريان..
بشير ده صحا صباااح بدري وركب دبابة و سرق الحكم الذي قاعد فيهو حسع 20 سنة ونيف وزول بقدر يقول بغم مااافي
قطع اوصال ناشف....
تعرفي الاوصال.....يوصلوك كشمير ويسلموك لجيش محمد شاحد ربي في يدهم يقطعوك حتة حتة
Really
ايووووووووووووووووووه ريلي
والمصيبة دي ياربي قاعدة تشوف تلفزيون السودان بس ولاشنو... الطرطشة شنو يا ناس..؟؟؟
ايوه ريلللي ونص وخمسة وتاني نص.
- its shameeeee
شييييييم ... يا دوبك عرفتي القصة شييييييم يشمشموك حنة فريدة الخنبة كان تقولي( البشير نايس)
قولي امين..!!!
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: عامر تيتاوى)
|
لوووووووول كيكي يا ولدي بقيت زول لبط
بس ياها حكايه الغلبتها نسيبتها تادب حماتها
الهنديه ذنبها شنو اسع ؟؟
دا ترويع وانتهاك لحقوق النساء في التعبير عن ارائهن .
وبعدين لو كان قلت للاقرع تعال وديني محل الاجتماع بالبشير بعربيته كان جاك وشالوك طب العصب دخلوك القاعه وحجزوا ليك كرسي امامي شريطه ان تقلع نعليك .
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: doma)
|
Quote: الهنديه ذنبها شنو اسع ؟؟
|
كييييييييييف ذنبها شنو يا دومة...ده كلام شنو..؟؟؟
وكيف تقول لي كسرت كراعك في شان البشير....
كراعي هينة ولا مقطوعة لينة...
ساككت بيها التراب ده كلو
شي قضارف وشي قربين وشي الروصيرص وشي كداري من حتة كده اسمها (قلي) لحدي الدمازين
وشي هناااك بلدة مطرفة كده جنب ابيي اسمها (ناما)... اجي علي اخر عمر اقطعها للبشير
خليني بالله ابرد قلبي شوية وادي الهندية دي حقها مكتفي
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: عامر تيتاوى)
|
Quote: كيكى .. كفارة وسلامات يعنى كده ماحتلعب الماتش الجاى
هندية بررررررى دى من كيرالا ولا دلهى |
هلا يا تيتا
وينك يازول انت..يعلم الله مشتاقين ياخي..
والهندية دي عامر انا شاكي تكون من بنغلور وفيها عرق بنغال (لانها غتيتة خلاصص)
الماتش الجاي في اشاعة في كركاس بدعوي من شافيز
وده ماتش الفريق التاني ماشي في السهلة فحنخليهو للدولي اوكمابو يحسمو بالفنية القاضية
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: نادر)
|
| Quote: ناديتك في بوست هجو الأقرع قبل يومين عشان تمشي للرئيس وتسألو كم سؤال من الجخانين البتخلي الناس ديل يطلعو من طورهم ويبقونا شحادين،، بس الظاهر كسرة (الكراع) شغلتك |
هلا يا نادر
وكل الشكر ياخي والتقدير
وناس هجو اليومين دي ماسكاهم ام هلا هلا وام فريحانة وماعارفين انو الغريق قدام
والماتس لسع ما احلو...
وياريت ياخي لو بدونا فرصة في البشير ده علي جنبة كان جبنا ليكم درر وخبورات السنين..
ولكن يا نادر برضو البشير ما داير دردقة فلوحده بطلع وبشوت ضفاري في اخريات ايام رقصة الجقلبة
تسلم يا نادر وفعلا ما شفت مناداتك والا لحضرنا الجمنا الظلامي هجو ومن لف لفه
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: أحمد الشايقي)
|
Quote: الهندية دي شكلها معجبة بالسودانيين وطالبة القرب,
ربك جاب ليها الكراع في محلها,
|
هلا يا احمد
قرب الهنود ما بناباهو لكن مدخلها ياخ شين المخبر والمنظر
لو قالت بدل البشير الترابي ساااكت كان الواحد ممكن يفكر في الاقتراب والتصوير
مع بني هند...
كل الشكر والحمد الله انا بخير
والهاتف بشوتو ليك بالماسنجر
وتحياتي
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: عبدالكريم الامين احمد)
|
طيب مالك عاملة كركبة ومخففة دمك وتقولي كراع ده اتكسر في فرحة البشير النايس.....!!!!
الهندية يبدو انها الكلام ده ما وقع ليها زي الناس...وزادت من مستوي العصر علي الكراع وليزيد الالم ويصبح المين الم الالم والم البني ادميين اللافين في الدنيا دي وما عارفين الحاصل في بلاد تانية من الرؤوساء والناس العاملة فيها اكابر ومهمين في نشرات الاخبار بجو نضااااااااف ولابسين شال مطرز بحرير ابن لذينة ونظارة بيرسون عشان يشوف... وجزمة قزازة وعمة صووووووووف...!!!
وما ان انتهت الممرضة من عملها الشاق الا وتواعدنا علي نخب التهاني عبر بريد ها الالكتروني في حالة القبض علي هذا البسير.... وطل منها صوت وسحابة اعتقد الان جازما بانها تهتف
لاهايي wayeeeeeeeeeee
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: خالد عبد الله محمود)
|
Quote: يعرس تالت يا عمكـ مش تاني ؟؟!!!
أنت الشق ده كان في الرجل و لا في مكان تاني ؟؟ |
مرحب وتسلم يا ابو الخلد
وبيني وبينك مع الطلاقات الكثيرة دي وعند الوقعة(دي زي عند الضربة بتاعة الرشيد بدوي)
عند الوقعة اتخيلت انو واحد من الطلاقات الكثيرة الدورت في راسنا ديك وقعت...وفي خانة فضت
والهندية دي قافلة عليها....
وياخي الاعتداء الغاشم ده انا كنت عاوز اخليهو زي ضربة اسرائيل للشرق واطلعو بعد عشرمية يوم كده
لكن تقول شنو من ود قريش ابو خشما خفيف ده
حنشوت ليك التلفون علي الماسنجر يا فردة
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: عبدالكريم الامين احمد)
|
الاخ عبد الكريم سلامات وحمد لله على السلامة
الهندية مسكينه شروبوها محايه اهاا وقعت دى ما خلتك ترجع ليها عقلا طبعا اخوات شامى كابور دهرمندرا سمع ان السودان طلع بتروله وهن عارفات ان السودانيين طيبين وما حيكون عندهم قصة كفيل وغفير عشان كده صحبتك قالت احسن تدردقك بموضوع اوكامبوا ولقتك فى الاتجاه المعاكس
مدخل : قبل شوية كنت بتكلم مع صديق عزيز وجبت ليهو سيرتك بانك عامل اليومين مهاجم خطير ومجنن الجماعة جوا وبحر وبرا ولما ذكرت اسمك قال كيف ده اخطر الناس فى الدوحة واكثر الشباب بالبعرف للجماعة وهو بيبلغك سلامه الكثير ولبقية القوى الديمقراطية(مدينق)
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: Elsiddig A. Ahmed)
|
يا سلاااام يا الصديق ياخي..
طريت زولا عزيز بالحيل وصديق نشتاق كثيرا هنا في الدوحة ومدينق كان من احد ركائز هذه المدينة العاجة باهل السودان من كل الوان الطيف..
افتقده كثيرا وافتقد تلكم الصباحات الجميلة بصحبته الي مكان عملنا في الشركة التي كنا نعمل فيها سويا
وكانت اجمل واروع الصباحات وفيها احاديث وحكاوي لن تتكرر
وبلغه ياخي سلامي الكبير واشواقي الحارة...
وقول ليهو الدوحة لا تزالwayeeeeeeeeeee
في قوتها الديمقراطية القاعدة شوكة حوت في حلق البني كوز لا بتعدي ولا بتفوت
وكل التقدير يا الصديق وتحياتي لكل الشباب في استراليا
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: عبدالكريم الامين احمد)
|
سلام يا عبد الكريم
تصور بعد 16 سنة قابلت مدينق اليوم فيس تو فيس وجلسنا قرابة 3 ساعات نتجر زكريات الماضي ومحطات الالم وانين اهات الحزن وقساوة الزمن وضياع عمرنا وتمزيق الوطن وتحويله لضيعات وكنتونات جهوية وقبلية تتقيح عنصرية و دمالة
المهم هو بيبلغ شوقه وسلامه الكثير لشخصك ولجميع القابضين على جمرة القضية
مدخل ثاني
قلت لى الممرضة جرت واطة!!!!!! اخوات دهرمندرا ديله ما عندهم ضمان يلم فيهم واحد من الجماعة وينق فيهم عرس وشغل وما فى كفيل يقومو يغيرو رايهم مرة ثانية ويقولو ليك يا كيكي انت ما فى فهم بس رئيس فى براءة ما فى كتل زول بس عشرة نفر وانا ممكن اجى اسوى خدمات كل نازحين ما فى مشكلة فلوس مافى بس انا ادخل بلد سودان
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: Safia Mohamed)
|
Quote: قلت لي شغال تنوير معرفي
حتى وانت عيان ولا دي مرضة شدييدة دايرة ليها علاج خاصة مع الم العظام
ربنا يحفظك ويقومك بالسلامة الكبيرة
والخروف على صبري اصلو متعود
بالمناسبة قول للضلامي معتز
الزول لمن تكن كرامته غالية معانها هو غالي مش |
هلا يا دكترة
وحبابك ياخي,,,
وتنوير تقيل بس ياريت يجيب مريسة تام زينو مع شعوب العالم البقت مسطحة دي
ومعتز قريش زول حاصل ليهو ارتجاج في معايير القضايا وراكب سداري مع الدقانة ديل
وماعارف القطر ماشي دغررررررري لمحطة اوكمابو...
كل الود
وفي انتظار الخروف
| |
|
|
|
|
|
|
|
|
|
Re: احلام كركاسية ودوحيات وممرضة هندية تجيب الضغط......!!!!! (Re: Elsiddig A. Ahmed)
|
| Quote: قلت لى الممرضة جرت واطة!!!!!! اخوات دهرمندرا ديله ما عندهم ضمان يلم فيهم واحد من الجماعة وينق فيهم عرس وشغل وما فى كفيل يقومو يغيرو رايهم مرة ثانية ويقولو ليك يا كيكي انت ما فى فهم بس رئيس فى براءة ما فى كتل زول بس عشرة نفر وانا ممكن اجى اسوى خدمات كل نازحين ما فى مشكلة فلوس مافى بس انا ادخل بلد سودان |
هلا يا صديق
وسعيد جدا كونك التقيت بالرائع مديينق بعد تلك السنين والونسة مع مدينق متعة وسياحة من العمق والمرح
ومحلل بارع ياخي صحبي ده...وبالجد نفتقده ونشتاقه كثيرا...(لو لاقيتو خلي يحكي ليك عن الصول الفي واو
الذي مات مرتين) في زمن نميري..
وده الخوف والله اخت دهرمندرا دي تقوم تنقض العهد وتركب سفينة (الرد الرد دوحة وسد)
فعشان كده ضروري اخوك كل يوم والتاني يعمل ليها جك اب وممكن نخوفها بانو الدقانة ديل لو الزول هز راسو
كثير ممكن يقطعو...عشان تخاف ههههه
كل التحايا والود وسلامي الحارة لمدينق
| |
|
|
|
|
|
|
| |
عبدالكريم الامين احمد
Siham Elmugammar
احمد معتصم الطيب
محمد عبد الماجد الصايم
سيف اليزل جعفر عبد الرحمن
عامر تيتاوى
حيدر حسن ميرغني
doma
خالد عبد الله محمود
Imad Khalifa
طارق جبريل
كمال سالم
ايهاب
rosemen osman
Safia Mohamed
اسماعيل عمر ابراهيم
فيس بوك
تويتر
انستقرام
يوتيوب
بنتيريست