|
Re: يوم اتكاسرت مع اخو الجكس ..كسر شديد.!!! (Re: خالد عبد الله محمود)
|
إنتا معليش يا أبوحميد لكن اللابتوب ده خلى بعيد، اللابتوب ده قرررب يلحق ليك كيكى أمات طه، ويخليه ينضم لمعسكر الملاليس بس ربك ستر، تعال براك يا زول، ولا كيكى يقوم عليك يديك واحد "بلنجة" يلحقك الأندرتيكر،
ألآ أولى يا كيكى ، يعنى إيه أندرتيكر دى باقى أنا كنت بعزل الجكس الأخوانو ما عندهم عضلات تبش تحسباً لمثل هذه المواقف .
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: خدر)
|
Quote: قلب الهوبه ده هو النزل لياقتكـ و خلي اخو الجكس يكسركـ |
هلا بالشمات وبمن لف لفهم.. تعرف ياخدر يادوبك عرفت السبب الرئيسي الذي منعني من تنفيذ الياااااع قبل المعركة.. فالجري الحديث قالوا (ركب) ودي من ركبة والهوبة الحديثة برضو (ركبة) من ركب...
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: Ahmed musa)
|
Quote: الاخ عبد الكريم...
موضوع شيّق جدا و مليان فضفضة كان بالصح ولا بالكذب...غايتو حاصل كان ما ليك لغيرك...!!
برااك بتدى خليل فرصة فيك و يجى يسرح بهنا.. |
يااااااا محمد عثمان يا صديقي الجميل لك العتبي حتي ترضي ومداخلتك دي مع الهوكات البتطاقش دي شفتها يادوبك حسسسع دي يعلم الله وصحبك خليل لقي فرصتو وعاوز يربط كمان بعدما سرح ومرح
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: عبدالكريم أحمد الامين)
|
Quote: هسه اخو الجكس كان اخد ليهو رقصه في الجالوه الحاره ما اخير ليهو من المضاربه ...
... |
هلا يا سمي وتقول شنو بالله مع الناس الشريرة دي..لو صبر شوية وفتح تفاوض كان (عزمناهو) في نفس اليوم داك علي جالوة رهيبة تمتص شره ده وتنفعو في باقي عمرو ده...
وحبابك يا سمي والف مرحب بمحمد فؤاد وربنا يحفظه لك مع كل الود
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: عبدالكريم الامين احمد)
|
بالله هو دا إنت يا كيكي الكان بيكسروا فيه شيء هوكات وشيء شلاليت وأم دلدوم وخنق رقبة.. تصدق كنت واقف مع (عمر طحنية) أشاهد منظر الكبع ونضحك مع بعض.. قلت لي (عمر طحنية) ما نمشي نحجز الزول دا قبل ما أبودومة يجيب خبرو.. عارف قال لي شنو؟ (ياخي دا الجكس كلو مكسر فيهو.. خليهو يكسروا علشان تاني ما يعمل فيها حبيب)!
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: عزيز عيسى)
|
Quote: (ياخي دا الجكس كلو مكسر فيهو.. خليهو يكسروا علشان تاني ما يعمل فيها حبيب)! |
اوووه عزيز بالله ده انت الكنت واقف مع الزول القلبو اسود الاسمو طحنية ده.. ياخي بالغت يا عزيز حسع انا بطلت ابقي حبيب .. لو داير يحنك مع جكسوية ساااكت بسالها ..عندك اخو..؟؟ بتقول ليه اييييي ...لكن بتسال ليييه
اقول ليها لا ساكت..وعضلاته قدر شنو.؟؟ الجكس يقول لي قدر الليلة وباكر..
اها بقول ليها يا بت الناس الله بيني وبينك وجاااو
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: Abdulbagi Mohammed)
|
Quote: اثبت يا رجل ما تشمت فينا الكدايس و الرجال مواقف في الحب ولا في الكورة ما في فرق |
هلا يا باقي واخوك ثابت برا وبحر وجوا... ومافي كديسة بتقدر تعمل سيك ميك وبس حبينا نحقق امنية الصديق عزيز وصحبو الرعديد عمر طحنية.. وهم طبعا بالتاكيد شايفين الاداء الميداني بتاعنا مع الزول الجهامة الاندر تيكر ده البنية بالبنية والهوك بالهوك والبادي اظلم
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: عبدالكريم الامين احمد)
|
كيكي صباحك ورد سعال صغير كده يا كيكي لو هسه الزول قال ليك إنو معجبه بيك ممكن تتحسب سابقه عليهو والناس يمسكوهو ليهو لليوم الأسود وبعد مايدخل ليهو في كم دشمان هنا يقوم زول يجيبها ليهو من الأرشيف ويقول ليهو مش زمان إنت قلت لكيكي كده غايتو لحدي ما تجاوب أحسن نقول معجب بكتاباتك والزول بقي يعرف المجلد زي العاش فيها بفضلك وبقي يعرف بشاشا برضو بفضلك الله لا جاب يوم شكرك إنت وتمبس وتراجي محمد
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: Mohamed Ibrahim Ahmed)
|
مرحب يا محمد ابراهيم وحبابك وياخي قلت بالجد كلام موثر وعميق واعجابك بحمل الزول مسئولية كبيرة يعلم الله واتمني ان اكون اهلا لها .. وطبعا في المنبر ده ما تستبعد اي حاجة في صفحاته عشان كده خش دوشماناتك عااادي يا زول ولكن تسلح لها بالحجة والمنطق وخلي دفاعك(كونكريت) مع رفع راية الاحترام للجميع الا لمن ابي واستكبر فهذا عليك بالبوت والنبوت والكبع الذي عليه ان ياتي من طرف
وانا ذااتي يا محمد مشترك معاك في ثنائية تراجي تمبس دي والاثنين من اعز الناس في هذا المنبر بالذات لمن يكون بالهم رايق والقعونج بتاعهم ما مضايق
والف تحية وشكر مرة اخري اخي محمد ونتمني ان نلتقي ذات يوم من ايامات هذه الدنيا ام قدود حتي نسعد بتمام معرفتك وكل الود
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: عبدالكريم الامين احمد)
|
Quote: وبس حبينا نحقق امنية الصديق عزيز وصحبو الرعديد عمر طحنية.. |
غايتو يا كيكي لو ما لحق (عمك فتريتة) سحب عكازو وتدخل بسرعة ما عارف كان حالتك تكون كيف مع باقي الهوكات اللي كان حتقع فيك؟ لكن بيني وبينك (عمر طحنية) زولا حاسد وغتيت وعايز ليك الكسر التقول عندو تار معاك.. والمصيبة التانية (عوضية شرقرق) ما حتسكت وتصم خشمها ساي بالشافتو كدا بأخوي وأخوك.. إنتظر الشمار الجاييك.. أنا بره من الموضوع!! والمرة الجاية لما تتكسر ليك في واحدة كلمني ببقى ليك (بودي قارد) علشان لو جات على الهوكات نقدر نحجز أو نشاكل (العدو) معاك.
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: عزيز عيسى)
|
Quote: لكن بيني وبينك (عمر طحنية) زولا حاسد وغتيت وعايز ليك الكسر التقول عندو تار معاك.. والمصيبة التانية (عوضية شرقرق) ما حتسكت وتصم خشمها ساي بالشافتو كدا بأخوي وأخوك.. إنتظر الشمار الجاييك.. أنا بره من الموضوع!! |
هلا ياعزيز وعمك طحينة ده انا عارفو من زمان زول غتيت وكان ممكن ادبسو ليك واجيب ليهو هواء تقيل بالذات في موضوع السكر والبنقو الببعيو تحت تحت لناس حسن عفريتة ..ولكن خليتو لانو خال الفردة حسن كبريتة اصلو وراث الغتاتة والقلب الاسود من خالو طحنية ده.. وشرقرق دي مافي ليها حل يا عزيز الا تقطع فيها باكو بتاع برنجي وتديها حق الجبنة ولو اجننت زيادة حنقطع فيها ثوب انشاء الله بتاع (ترفيلا) بس تختا سيرتنا دي واخوان الجكس تاني لو اجننوا (تطلع ليهم) شهادة مضاربة مع الاندر تيكر (دي زي الشهادة الصحية) يكحلوا في الشهادة دي طوالي يجروا واطي
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: عبدالكريم الامين احمد)
|
كيكي شكراً للكلام الطيب البيشبه السوداني الزماااان كان خلاص ضفناك للفيس بوك بتاعنا للبورد وللدشمنات ماعندنا ليها وقت ممكن تلقاني مع نوبي في برسيون بريك وومكن أمر على ناس بحر طراوه وومكن أمشي لحدي منى خوجلي في لحظه من فضلكط وودالزين برضو من الناس البتلقاني عندهم ( كمال على الزين ) وتمبس برضو دي مادايره كلام بالذات لمن يكتب عن أمدرمان وناذر الخليفه برضو بتلقاني هناك تراجي لازم الزول يمر عليها عشان يعرف الحاصل في البلد شنو بس شفت ناس قلت لي وقلت ليك ديل ما بتلقاني عندهم طبعاً بوستات كمنجات الجسد وقالت لي العزراء وتأملات في المابعرفوا شنو داك والكلام الكبار كبار ده أخوك فيهو زي الزول الجا من البلد وعاين لعمارات الخرطوم وقال بختهم يكونوا كل يوم بيأكلوا لقيمات ( زلابيه ) فديل ممكن الزوول يمر عليهم مرور الكرام إستفدت جداً من بوستك بخصوص إتجاهات الكتابه في البورد وده بيذكرني بالعزيز ود البشرى اللازم الزول يخش يشوفوا بيقول في شنو طبعاً بعد ده الواحد ما ممكن يبقي ليبرالي ولا شيعي ولا وهابي ولا إنقاذي ولا شيوعي زاتو فعشان كده البوستات الدعويه البيكتبوهو الناس ديل ما بنجي داخلين عليها أها ممكن زوول يقول يعني إنت زول فارغ وبتاع قصص وأفلام وبس الإجابه ليه ما ممكن أكون زول سوداني بس .. لحدي هسه بيؤمن بأن فطور رمضان لازم يكون قدام الباب وفي البرش شكراً ليك والشكر يصل لسيد الحته دي كترنا الشكر لمن قرب يبقي كسير تلج ( مالبوست زاتو كسير أخو الجكس )
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: Mohamed Ibrahim Ahmed)
|
Quote: خلاص ضفناك للفيس بوك بتاعنا للبورد |
هلا يا محمد وحبابي والله في الفيس بوك بتاعك.. وكده ممكن نقراء محمد وكريم نااو ار فريند وقبل فترة قلت لاحد الاخوات هنا بان الفيس بوك ده خشمو خفيف خلاص محمد وكريم بقوا اصحاب حسسسسسسسسع دي عشة ركبت صورة جديدة كلثوم وابكر ماشين السوق عواطف وهارون عرسوا امبارح وهكذا خشمو خفيف وفولة في خشمو ما بتتبلا الفيس البوك ده ومرحب بيك ومرحب بروحك الطاعمة العمقية يا صديقي واراك الحمد الله واثق الخطي وعالما بكل الدورب ونتمني لك التوفيق والانطلاق وانت لها باذن الله يا فردة
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: Fadl Karrar)
|
Quote: قصة جميلة ومؤثرة علي قدر ما فهمت من كلمات وإن إستعصي علي بعضها مثل كسر و هوك بالمناسبة حلتكم ( يعني محل كنت ساكن ) وين ؟ عشان في أسماء غريبة زي عمر طحنية ، عوضية شرقرق وعباس طرمبة؟؟؟؟ والكلام دا كان متين؟ قبل المهدية واللا بعدها بي شوية؟؟ |
هلا يا فضل وحبابك والله في مدارات الهووكات والكاسوري.. وكنت عاوز اقول ليك ياريت كنت واقف مع عمر طحينة في الزقاق الخفي عشان تشوف بيان بالعمل لمعني الهووك الاصلي والكاسوري (لكن قلت ياخي فضل ده مالو ومال البلاوي دي ياخي) الهووك يا فضل هي البنية ذات القوي الرهيبة اما الكاسوري فهو الشجار في لغة حينا اللاتيني (وده طبعا هو فريقنا او حلتنا) الملمح الرئيسي فيه كما لاحظت هو ارتباط اسامي اهله بالاشياء عمر طحنية عباس طرمبة عوض فرملة عثمان كلتش وقبل كم يوم كده ظهر اسم جديد هو (حواء اوكامبو)
شكرا يا فضل والف شكر علي التجوال في صفحات هذا الكاسوري
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: Fadl Karrar)
|
Quote: إنو أخو ( الجكس ) ما أداك فرصة للكلام ،،، نزل فيك طاخ طيخ طوخ طوالي لكن يا عزيزي - ودا من حسن حظك - لو كان نضمت معاهو بي فصاحتك دي هسه كان تكون دورة الشهيد كيكي الرياضية مدورة ليها عشرين سنة |
يا فضل ياخي بالجد ضحكت من العمق... وياخي لو ابو الشباب ده اداني فرصة للنقاش والفصاحة كانت دورتو هو هي البتكون (شغالة تش) لحدي يوم الليلة... لانو الفصاحة والنقة بتخليك تستعد بقوي ورباط خيل وكنت ح ادرخو...ادرخوا وفي النهاية هوووووووك واحد يجيب خبرو ونبقي في (كتل اخو البنية)
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: عبدالكريم الامين احمد)
|
كم فتاة مثل ليلى وفتا كابن الملوح امضيا الساعات في الشط هي تشكو وهو يشرح حتي اذا جاء العتوو فخف قلب عشق الجمال وكان اشطـح لم يدر ما قد ترسل الايام تحت ستارها ليث غضنفر كان اشنخ كره الكماة محبة في اهله فر الحبيب ب وش مشلخ فالضرب والهوكات يا كيكي بها برهان حب لو سلمت ولم تكسح بالجينز والتيشيرت كان عراكه كيكي من القوم اضحى كالملـوح
تحياتي يا كيكي و ولا يهمك الوهم ده بدل يدقك كان يقول لي اختو براوة عليك لانها عرفت تختار وطبعا يعقد ليك عشان كل ما تزرقن معاها تنادي ليك اخوها
تحية اخرى اخوك البدوي
| |
|
|
|
|
|
|
Re: يوم اتكاسرت مع اخو الجكس ..كسر شديد.!!! (Re: Mohamed Bannaga)
|
Quote: فالضرب والهوكات يا كيكي بها برهان حب لو سلمت ولم تكسح بالجينز والتيشيرت كان عراكه كيكي من القوم اضحى كالملـوح
تحياتي يا كيكي و ولا يهمك الوهم ده بدل يدقك كان يقول لي اختو براوة عليك لانها عرفت تختار وطبعا يعقد ليك عشان كل ما تزرقن معاها تنادي ليك اخوها |
بالجينز والتيشرت كان عراكه كيكي من القوم اضحي كالملوح
ياخي وضبتني وضيبة شديدة خلاص يا ود البدوي بالقصيدة دي والواحد قرب يقول اين هذا الاندتيكر الرعديد حتي انال منها هوكات وهوكات.. ويا صحبي ده لو كان عقد لي كان حسسسع اخوك بقي مرتبة بس من الدق اليوماتي الاخت تدق والاخو هوكااات واحتمال حبوبتهم ذاااتها تجي تاخد ليها باص باصين في الغنيمة دي..
وكل الود يا ود البدوي وعاملين ليك ياخ بوست استقبال قدر الضربة منتظرين تشريفك ايها الكاهن الاعظم
| |
|
|
|
|
|
|
|