|
|
 بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!!
|
كلاي بومي - كلاي بومي
تلكم كانت كلمة السحر واهزوجة الجمهور الزائيراي في الماتش التاريخي للبوكسينغ الذي جري ما بين
(كلاي وفريزر)
وتعني بالزايكو
كلاي اقضي عليه
كلاي اقضي عليه
رياضة شاقة وعنيفة وسطع تايسون ونسيم حميد بفنيات مهارات تطرب الكثيرين...
وهنا وعلي ارض قطر يوجد بطل توشح بالميداليات في منافسات اسيا والدول العربية
سوداني الاصل يمتاز بموهبة عالية ومقدرة علي اداء هذه الرياضة المخيفة بكل خفة ورشاقة
تدهش الجميع...
انه الشاب العالي التهذيب والرقي خالد مصطفي صديق
ابن بابنوسة وابوزبد وفيافي كردفان الوضيئة,,
|
|
 
|
|
|
|
|
|
|
|
Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! (Re: عبدالكريم الامين احمد)
|
بطلنا خالد
كانت هذه هي احدي مانشتات الصحف القطرية يوم ان ابدع (سلام دنك) هكذا اسميه
ابدع في بطولة شهقت لها كل الدوحة والخليج والدول العربية البطولة العربية للملاكمة..
وكانت مباراته الاخيرة حدث ومعركة في فنون (الهوك) والبلنجة المدروسة.....
..............
...في بدايات حضوره الي هنا وهو موشحا بموهبة اخري هي الشعر كان مسابقات العشاري هي مراده الاول
واذكر اجتهاده الكبير فيها في ردهات (نادي السد القطري) ولم تكن الملاكمة قد نشطت رغبتها في داخله
لياتني هاتف ...
اليوم عندي مباراة ياعم..!!!
عشاري..!!
لا ملاكمة دقشششششش يازول...!!!
ومنها انطلقت ميداليات الذهب والفضة في ربوع وجبال وفيافي اسيا
وطقطقة الاسيويين من طرف بهوكات اغلبها تحسم الامر في الجولة الاولي
بالقاضية او الفنية...
هكذا هو ابننا خالد..
| |
|
|
|
|
|
|
|
|
|
Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! (Re: عبدالكريم الامين احمد)
|
ابو الخلد يمتاز بروح دعابة عالية ومرح متفرد والهوك البوجعو بحكيهو ليك صرة في خيط
ولكن في كل هوكاته النارية التي اخدها يحكي عن واحدة في الزمان البعيد توجعه حتي الان...
مـرة كنت فـى مـدنـى .. وكنت ساكـن وقتهـا فـى حـى نـاصـر ... وكـان يوم عيد .. ومـرقت يازول زهـجـان مـن نـاس البيـت .. ومكـسرهـم ليك كـلـهـم .. ومشيـت .. سينـمـا رودى
يا صاحـبـى الصف لمـن فايت الظـلـط ... ونحـن واقفين فـى الصـف .. أشـوف ليك واحـد من اهلنا الفلاتة ديل قصيييييييييييييير .. إنـقشط فـى الصف قـدام ... يازول زولك مفتل لكين قصييييييييييير ..
أنـا يا زول طـوالـى قلت أفضـى فيـهـو زعـلـتى ... مشـت ليـهـو .. قلت هـوى يا زول هـا .. الصف ده آخـرو هـنـاااااااااااااك ... إنت مـاشايفـو ..؟ قال لـى ياود الـعـم .. أنـا لقيت مـحـل وخشيت .. داير تقيف قـدامـى تعـال أقيف لكن مـابمشـى آخـر الصـف ..
يازول .. قبقبتو ليك قبقيبـة حـرامـى بس .. بالله ولا أبـدى أى مـقـاومـة .. وسـقـتو بعيييييييييييد قـلـت عشـان حـجـاز مـايجيـنـا ...زاتو
بالله اللحظـة الإضاريـنـا سااااااااكت مـن النـاس .. الزول ده نط .. فـوق .. وظبطـنـى ليـك بنيـة .. يمين لـمـن عينـى ولـعـت .. شفت حـاجـة زى البراق .. وقبل زاتى مـا إستوعـب الحـاصل .. ظبطـنـى ليك فـى جبهتي
ه ( لكن لليلـة .. زى بلنجـة بتاع مـدنـى ده يمين فـى الـمـلاكمـة مـا أخـدتهـا) يازول .. مشيـت مـن مـحـلـى داك البيت .. .. خـليت الفيلـم زاتو ...
والراس واااااااارم تقـول خبطـونـى بـدبشك .. يازول مشيت نـاس البيت شـافـونـى .. خـالـد مـالـك ..؟ قلت ليهـم بتاع البوكس الزفت ده .. قلت ليهـو نـازل قبال مـا أنـزل إتحـرك ..ووقعـت .. خبطت الظـلـط ..
| |
|
|
|
|
|
|
|
|
|
Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! (Re: عبدالكريم الامين احمد)
|
خالد الفزازي
صديقي
الملاكم الشاعر
فنان ومساهم في مواقع متعددة
قلت ليهو يا خالد
كل الناس في الدنيا ليها علاقة بالرياضة
الناس بتستغرب لمن اقولوا الزول ده ملاكم
لما ارتبطتت به رياضة الملاكمة من عنف
ولكنها تحولت الى رياضة بها بعض الفنون
لما ادخله لها عباقرة الملاكمين مثل كلاي وليستون
ونسيم وفزازي
طبعا واحد من ارق الناس واحلاهم
الفنان الموصلي كان ملاكما مرعبا وبطل لايشق له غبار
ولمن كان بغني حقيبة مافي راجل بفرتق ليهو حفلة
طوالي بجدعوا بالحيطه
وخالد رقيق الحاشيةوظريف وبديع النكته
وعمو كيكي من كده
عايزين شنو اجمل
| |
|
|
|
|
|
|
|
|
|
Re: بطل الملاكمة القطرية ..السوداني الاصل خالد مصطفي صديق.(خالد بومي- خالد بومي)...!!! (Re: عبدالكريم الامين احمد)
|
كيكي تحياتي
في نفس ليلة منتدى الحروف وعد أ . ود الحاوي بأن يلحن للبطل خالد مصطفى إحدى قصائده
وبي تحت تحت قال لي صاحبك دا لو ما لحنت ليهو حا يعمل لي وجع فقر ويدشدشني دشدشه أحسن يا خوي ما نتلوم.
خالد من الأبطال المتميزين ونحن اتفقنا معاهو يكون عضو دائم في ليالي منتدى الحروف عشان تاني ما نسمع كلام فارغ ونكون محميين يا جماعه
وبالمناسبة هنالك الكثير من الفنانين الذين كانوا يتميزون بالرقة والعنف
فمثلاً الفنان / إبراهيم عوض كان صعب المراس قوي الشكيمة وما في أي زول بقدر يلخبط في حفلته .
وكذلك الفنان الشعبي / فيصل الخير وفرقته كانوا يمارسون رفع الاثقال يعني ( يا تنطربوا يا تنضربوا)
وقبلهما فنان الحقيبة / محمد أحمد سرور قيل عنه أنك تلقاهو من أكثر الفنانين (أناقة ونظافة) وعصايتو في إيدو وحفلتو ما فيها أي فرفره
د . أبو قرون عبد الله أبو قرون شاعر وملحن وعسكري (صاعقة) تجده رقيقاً وعنيفاً ولكنه مبدعاً
وجمعيهم يلتقون في الفن الجميل والأداء الراقي
ولكن (أعمل حسابك)
| |
|
|
|
|
|
|
| |
عبدالكريم الامين احمد
اساسي
haroon diyab
كمبورة
كمال سالم
Mutwali Malik
محمد سنى دفع الله
محمد خليل ساني
عادل التجانى
فيس بوك
تويتر
انستقرام
يوتيوب
بنتيريست