|
|
 Re: ايمان صالح وتمبس ديل هلالاب نار منقد بس...!!! (Re: إيمان صالح)
|
يا كيكي ..
لما كنا بنلعب في الرابطة .. كان عندنا فريق ... شفت الهلال بتاع اول امس ده ..؟ ( سم سم ) والله يقدرك، تاخد ليك قونين تلاتة وتمر عشرة دقايق من الشوط الأول بعد كدا كان ( شفت الكورة ) تعال قابلني ..
المهم كنا الشحمة والنار مع فريق ( القراقير ) طبعا فريق القراقير كان بيفرخ مباشرة للموردة .. وكان معانا في الوكت داك وفي نفس المباراة دي ( هيثم شوشة ـ محمد عطا( محمدو ) .. والمدرب بتاعهم اسمو كمال ( التتر ) معروف طبعا بحبو للموردة .. وطبعا ممكن يستحمل الغلب من أي فريق .. أقول ليك حاجة..:؟
ممكن الأهلي يغلبو .. بس فريقنا ما يغلبو .. هو ما بيخاف الغلب .. بيخاف ( الباصات ) ودس الكورة البعد العشرة دقايق الأولى من الشوط التاني..
المهم..
التتر كان قاعد في نص الميدان محل اللعيبه ما بيغيرو .. بعد شوية جبنا الأول ... قام التتر اتململ .. واتحرك شوية من النص .. بعد شوية جبنا التاني .. التتر وصل خانة الجناح .. يلالا بعد كدا ( دسينا ) الكورة .. طق .. طرق .. طق .. طرق باص من لمسه واحده وخانه .. مربعات .. مثلثات .. مستطيلات .. دوائر .. المهم ربع ساعة الكورة من رجل لي رجل .. الوكت داك التتر كان بالضبط واقف .. ورا القون حقهم .. وبيكورك بي اعلى صوتو ... اتضرب كم باص كدا .. ومن النص استلم الكورة محمد حسن سعيد ( حموري ابوعنجة ) طبعا ده الموسم المشى بعديهو الهلال مباشرة ... استلم الكورة وطلع باص بالمقاس لي أمير الوسيلة .. أها امير الوسيلة ده بيحاورك في فنجان .. ده أحرف سوداني قابلني بيحاور زي الرابط الكورة في رجلو .. يلالا امير بدا يرقص ليك في الجماعة .. الأول .. التاني وماشي .. التالت والرابع .. وماشي لحدي ما بقى هو .. وحارس المرمي في انفراد تام .. إنت قايل ( التتر ) بينتظرو عشان يحاور ليهو القوون مش كدا ..؟
تعرف من ورا العراضة التتر ده اندفع .. وجازف ليك أمير بي يدينو الاتنين وقلع الكورة ..
اها شفته يا كيكي .. أنا جني وجن الهلال ده يتغلب لي .. لما اكون في مباراة للهلال في الاستاد .. بتململ .. ولو ادوني فرصة بمشي ورا القوون ..
أما في التلفزيون . فحدث ولا حرج .. ده لو قعدته حضرتها طبعا..
والله ياكيكي كان ما طلعت هلالابي .. ما عارف كان اطلع شنــو .. وشنو تاني البطلعوهو غير الهلال زاتو ..؟
|
|
 
|
|
|
|
|
| العنوان |
الكاتب |
Date |
 ايمان صالح وتمبس ديل هلالاب نار منقد بس...!!! | عبدالكريم الامين احمد | 08-20-07, 07:45 PM |
| Re: ايمان صالح وتمبس ديل هلالاب نار منقد بس...!!! | Mekki M Alhassan | 08-20-07, 08:41 PM |
| Re: ايمان صالح وتمبس ديل هلالاب نار منقد بس...!!! | عبدالكريم الامين احمد | 08-20-07, 08:48 PM |
| Re: ايمان صالح وتمبس ديل هلالاب نار منقد بس...!!! | إيمان صالح | 08-21-07, 06:57 AM |
| Re: ايمان صالح وتمبس ديل هلالاب نار منقد بس...!!! | Faisal Al Zubeir | 08-21-07, 07:17 AM |
| Re: ايمان صالح وتمبس ديل هلالاب نار منقد بس...!!! | إيمان صالح | 08-21-07, 07:24 AM |
| Re: ايمان صالح وتمبس ديل هلالاب نار منقد بس...!!! | عبدالكريم الامين احمد | 08-21-07, 05:00 PM |
| Re: ايمان صالح وتمبس ديل هلالاب نار منقد بس...!!! | tmbis | 08-21-07, 07:22 AM |
| Re: ايمان صالح وتمبس ديل هلالاب نار منقد بس...!!! | عبدالكريم الامين احمد | 08-21-07, 05:15 PM |
| Re: ايمان صالح وتمبس ديل هلالاب نار منقد بس...!!! | عبدالكريم الامين احمد | 08-21-07, 11:03 AM |
| Re: ايمان صالح وتمبس ديل هلالاب نار منقد بس...!!! | السمؤال بدرالدين | 08-21-07, 07:29 AM |
| Re: ايمان صالح وتمبس ديل هلالاب نار منقد بس...!!! | اميرة الحبر ادريس | 08-21-07, 01:26 PM |
| Re: ايمان صالح وتمبس ديل هلالاب نار منقد بس...!!! | عبدالكريم الامين احمد | 08-21-07, 05:30 PM |
| Re: ايمان صالح وتمبس ديل هلالاب نار منقد بس...!!! | Abd Alla Elhabib | 08-21-07, 05:34 PM |
| Re: ايمان صالح وتمبس ديل هلالاب نار منقد بس...!!! | عبدالكريم الامين احمد | 08-21-07, 05:41 PM |
| Re: ايمان صالح وتمبس ديل هلالاب نار منقد بس...!!! | عبدالكريم الامين احمد | 08-21-07, 05:24 PM |
| Re: ايمان صالح وتمبس ديل هلالاب نار منقد بس...!!! | Ahmed Alrayah | 08-21-07, 05:59 PM |
| Re: ايمان صالح وتمبس ديل هلالاب نار منقد بس...!!! | عبدالكريم الامين احمد | 08-21-07, 06:14 PM |
| Re: ايمان صالح وتمبس ديل هلالاب نار منقد بس...!!! | Abd Alla Elhabib | 08-21-07, 08:24 PM |
|
| |
tmbis
فيس بوك
تويتر
انستقرام
يوتيوب
بنتيريست