|
|
 ياخليل خلاص... انتهي ماتش صديقي التمباك!!!
|
بعد سنين طويلة ومنذ الانتباه الاولي لذلك الشي العجيب الذي هو دوما يباع في حقة دائرية الشكل
يعالج امر تسويته وغرفه ايضا بحقة صغيرة يمكن ان نطلق عليها (حقة) بكرت ومنذ السفة الاولي بصحبة
صديقي الجميل احرف سائق للعربات الضخمة التي تجوب شارع الخرطوم بورتسودان واشجع من راته عيني حتي الان...
ومنذ تلكم السفة الاولي الشهيرة التي تطورت ونمت واصبحت سفات عديدة من مدارات مختلفة ما بين تمباك
جيد الصناعة في (عبدالحق والوطنية بحري ومكوار في سنار والشايقي في مدني وجلود في ام درمان وتمباك شهير بالسوق الشعبي الخرطوم نسيت اسمه الان) الي تمباك الدوحة الذي لايسمن ولايغني عن جوع
من ميرغني واحمد سمك في مدينة خليفة تمباك بن محمود الذي كنا (لاحظ لكنا هذه) نسفه وهو مخلوطا بتمباك عماني واخر ايراني واخر نيبالي والله اعلم بجانب التمباك البتاني الشهير الذي هو قادر علي
سحق الشلاليف وتحويلها الي حكاية عالية الشنا...
اليوم واليوم فقط اصدرت قرار صعب وقاسي باعدام الكيس التمباكي الشهير الي غير رجعة باذن الله..
ولاعزاء للرفاق القدامي و(ناس جيب سفة)..ليس لدينا ما يسمي سفة الان فهي قد صارت شيئا من الماضي
وتاريخ تمباكي كبير هذا ما نتناوله هنا بتفاصيل وامكنة وشخوص كانوا زملاء مهنة وحرفاء تمباك
ونعود...
|
|
 
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
وقبل الدخول الي عوالم ذلك النبات الدارفوري المعطن بالعطرون كنت في مراحل قديمة كثير الاعجاب بسفة
كان يدنكلها الشهير (قلم) ومقدرته العالية علي توضيب السفة واخراجها بحرفنة عالية من الحقة
فتمنيت من كل دواخلي ان اصل لمستوي (قلم) هذا ولكن الرقابة المنزلية الصارمة في اسرة انصارية
عالية الالتزام تجاه ما يسمي بالتابا وقفت حجر عثر في امام تحقيق احلامي باكرا..ورغم ذلك قمنا
بمحاولات خجولة لسف سفات متفاوتة علي الطائر حينما توفر لنا تمباك (مطرف)..
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
Quote: كيكى
يعنى بعد كده الكيف مهارات فردية
ومن راسك ما من كيسك
كيكى متاكد مية فى المية سفة نهى
والجاتك فى كيسك سامحتك |
هلا تيتاوي
وفعلا يا تيتا بعد كده الخبرة والتاريخ الطويل زمنو جاء
نستفيد من المخزون التمباكي الذي شارف االعشرين سنة..
وايووه يا تيتاوي نههي وستين الف نهههي
وداعا تمباك وداعا مضر..
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
بجانب قلم كان المدهش (اونكل) اقور اياك يمتلك طريقة مميزة وحقة لاتخلو ابدا من تمباك ذو رائحة نفاذة وكان استايله هو (جدع السفة بمهارة عالية ثم توضيبها لاحقا عقب استوائها في منطقة اللثة
وفي اطار الاجرام الطفولي وجدنا في دقسات الاونكل (اقور) استنشاقات سريعة وخجولة لحقته الشهيرة
ثم سفات ذات حجم صغير علي فترات متفاوتة..
اذن اقور اياك وقلم بجانب بائع التمباك الشهير في قلب تلكم المدينة (خميس طه) الذي يتمني كل مهتم بامر هذا النبات المعطن في اقتناء( كيس له ضلا) من صناعة ذلك المريخابي الشهير بجانب بائع اخر اراد
الاستفادة من سطوة جون قرنق والحب السري الذي يكنه له الكثيريين في ذلك الزمان فاطلق علي محله
اسم محلات (قرنق)...
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عاصم ابوبكر حامد)
|
| Quote: واتمنى ان تجد البديل فى الشائ والقهوة انشاء الله ... |
والله يا عاصم بيني وينك التمباك بديلو قاسي وصعيب من اولو
فالسفة كانت دهشة وفيها مس من حاجة كده مابتكون عارفها شنو لكن سحرها لايقاوم بالساهل
فهي لاتساوي الشاي ولا القهوة..
وبالذات في بلاد الغربة فتونها بكون عالي وبتذكرك بعوالم بعيدة رغم رداءة تمباك
الدوحة وخطورته الا انك بتمارس الخيال وبتخيل نفسك (سافي سفة سيوبر) من جلود ام درمان
كية في الغربة ام دق دي
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عاصم ابوبكر حامد)
|
| Quote: وتانى كية فى السعوط كمان ... |
فعلا يا عاصم والسعوط هنا حكايتو حكاية..
اول شي بجي من وين الله اعلم في البلد ذاات المنفذ الواحد فقط تجاه السعودية
وثانيا نسبة الجينات الصعودية السودانية فيه ضئيلة جدا (يادوبك تشم ليك فيهو رائحة تمباك سوداني)..
ممكن تسميهو تمباك (هجين) زيو وزي القوات الهجين
1-خلطة سودانية
2-عمانية
3- مع زيادة مواد ما بتعرفها جاية من وين
في النهاية يطلع ليك كيس (تدفع فيهو 5 ريال) لمن راسك يسخن
وتذهب لكي تمارس الخيال واجترار التاريخ التمباكي بتاعك ما قبل الغربة..
وفعلا كية في السعوط انا خليت السعوط..
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
ذكرنا ان صديقي السائق الحريف وكيسه وارد بورتسودان (قيل ان فيها تمباك يجنن) هي بداياتي الخجولة
في صباح (عيدي) عقب وجبة اختلطت ما بين الشية والمرارة ذات العتي العالي الدسامة ..فاخرج الرجل
كيسه المدنكل واعجتني طريقته المميزة واعتناءه بادوات (تمباكه) ..لاقدم طلبا مشفوعا بحرصه العالي علي عدم سيري في هذا الطريق التمباكي الوعر الا حرصي وتعنتي جعله يرضخ للامر الواقع ..لتبداء اولي السفات وهي سفة لها طعم مميز ودوخة مميزة ولا تتكرر ولن تتكرر ابداء وتجعلك تدور وتدرو كدوريش في حلقة حديقة ملئية بالعطرون وذلك النبات الغريب,,,ومنها نومة طويلة وسبات مثل سبات اهل الكهف
لتصحو وتدبلها وتصير منذ ذلك اليوم تمباكي شهير ورجل له كيس تمباك لا يفارقك في كل الاحوال وكل البلدان (ماعدا بلاد السعودية) التي مررت بها ثلاث ليالي فاشد مااحزنني هو حوجتي لصديقي التمباك ولكن زول تقول ليهو جيب (سفة) ساكت مافي...ونعود
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
| Quote: اصدرت قرار صعب وقاسي باعدام الكيس |
| Quote: (قيل ان فيها تمباك يجنن) |
| Quote: خلاص فارقنا الكيس فراق الطريفي لجملو |
| Quote: وفعلا كية في السعوط انا خليت السعوط.. |
ذكرتني النكته المعروفه بتاعه الزول القال ساب الشاي
وبقي يباري الحله ويحكي مرددا
اها لا شاي صباح لا شاي ضحي لاشاي مغرب سوي لي شنو ولا شي
لمن قد الناس قاليهو واحد
هو قالولك بجنن؟
ما ياهو بس بسوي متل الطرطشه دي
اسي عليكم الله دا كلام زول بقدر يخلي ليهو سفه طايره
وبمناسبه طايره دي
السودانيين بسمو الزول البغازل البنات عينو طايره
اها البغازل التمباك زي كيكي دا يسموهو شنو؟؟
شلوفتو طايره؟؟
ياخوي سف سفك
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: طارق الأمين)
|
هوووي يا ابوصلعة هوووي دي (تحرشات) عنصرية ودعوة للتشنيع باصحاب الشلاليف العجيبة وغريبة
..
اعمل حسابك حسع بقبقبك وبمشي معاك لاهاي (تاامن ذاتتو)
هااا
ده كان زمان حسع خلاص يا صديقي مزقنا فاتورة التمباك
وحرم (سفة) هجين ما تخش راسي تاني..
وخليتو ليك انت والخير وعماد عبدالله ومنعم سليمان وخليل وابو ساندرا
..اقول ليك قولة...ملاسي ذااتو معاكم
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
Quote: وهو لسع بالله من زمن الكباية قول ليهو الكباية دي خلوها زززمان
خلي هو يقدر علي التمباك اولا
الكباية ساهلة |
ياكريم ..تحياتى ..
الواحد عايز يفتى فى كلامك الفوق دا لكن خايف من الهوا ..
وقبل ماافتى حقو تعرف انو اهلنا الزول لم يكونوا عايزين
ينبذوهو ويمرقو ليك من المله بقولو ليك ياخى الزول سفاق
التمباك دا ..فام الكبائر عندنا التمباك ..يعنى كلو مابفكرو
ليهو الا التمباك دا ..وواحد من اعمامنا لو انت بتسف فى مصلايتك
البتصلى فيها مابصلى ..اها بعد الكلام دا نرجع لى كلامك الفوق
حسب علمى انو الحاجتين الفوق ديل متلازمات ..يااتخلن سوا يااتواصلن
سوا ..والكلام دا عرفتو ليك من واحد صاحبنا كدا ..ايام قفلو محلات التمباك
ديك ..زهجان جدا ..قال لى اوكى التمباك دا حرام وكعب وماداير اسفو تانى
بس يشوفو لى حل لى قصة بعد مااخت الكباية دى ..لازم بعدها يكون فى حاجة
اى حاجة ...قال يعنى اقعد اطقطق اصابعى ولا كيف ؟...
طبعا انت مشكلتك ساهلة طالما تمباك بس ..خلى عزيمتك قوية ..وانا ذاتى
محتاج لى قرار زى دا عشان اتخلص من المدعو التدخين ..ربنا يتوب علينا ,,
مع الود
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: محمد عبدالرحمن)
|
Quote: بس يشوفو لى حل لى قصة بعد مااخت الكباية دى ..لازم بعدها يكون فى حاجة
اى حاجة ...قال يعنى اقعد اطقطق اصابعى ولا كيف ؟... |
فعلا يا محمد انا معاك القصة متلازمة
وللعارفين في فنون الكاسات والكبايات يدرون جيدا سر السفة الشهيرة عقب (الكباية) الاولي
او الثانية حسب الاستايل..
لكن تاكد يا محمد بانو الزول البخلي التمباك ده (ممكن يخلي اي حاجة تاني وراه)
لانو قرار صعب وقاسي وبحرق جووه القلب..
..
غايتو نشحد الله معاك انك كمان تخلي السجائر
ولو ما قدرت خليك زي (ود خالتك) بدرالدين جيب ليك سيجارة كوبية واحدة اشرب فيها
سنة كاملة
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
طيب عشان الاجيال الجايه تستفيد من تجريتك
ضع علامه صح قدام الاجابه وكده
ايهم الذ واعدل للمزاج
1_ سفه الصباح
2_ سفه النوم
3_ البعد الشاي
اي التنابك تفضل
1_ المحسي
2_نوري
3_عبد الحق
قال ليها الصعود دا بقي يعمل لي احراج مع الناس في الشغل
انا مفكر اخليهو
قالت ليهو بي فرح
ح تخلي الصعوود؟؟
قال ليها لا لا لا
ح اخلي الشغل
| Quote: ..اقول ليك قولة...ملاسي ذااتو معاكم |
هو انت غلبك تقاوم الجاتوه
الما فيهو خرمه
تقاوم الصعوووووود
قت ليك سف سفك
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: طارق الأمين)
|
| Quote: طيب عشان الاجيال الجايه تستفيد من تجريتك |
مرحب بيك يا ابوصلعة ومرحب بالاجيال القادمة والسابقة
Quote: ايهم الذ واعدل للمزاج
1_ سفه الصباح
2_ سفه النوم
3_ البعد الشاي |
والله كلهن يا طارق يا حليلهن دوام بطراهن وانت شكلك كده عاوز ترجعنا تاني
سفة الصباح دائما ليها طعم مميز ومدهشة
سفة النوم زيها مافي وفاليوم 20 لكن حذاري منها لانك ممكن تنوم بيها وبعد داك البلع بحصل
سفة ما بعد الشاي هي السبب الاول في شراب الشاي...
وبكده انا ح اخلي الشاي لانو ما شي يغري بشرابه تاني
Quote: اي التنابك تفضل
1_ المحسي
2_نوري
3_عبد الحق |
حتي زمن قريب عبدالحق كان هو حبيبي ولكن في الاجازة ظهر واحد اسمو (بوش) خطير واخطر من جورج بوش ذااتو
اذن انا افضل تمباك ميرغني بتاع الريان (بس ميرغني نقتو كثيرة) ودائما بشكر تمباكو الذي كما الراكوبة في الخريف..
Quote: هو انت غلبك تقاوم الجاتوه
الما فيهو خرمه
تقاوم الصعوووووود |
Quote: انا خليت السعوط يا طارق عشان اسف (جاتوه)
بس انت رسل لي تيراب زي بتاع اوزون داك.. |
يا طارق قلت لييك تمباك نهههي نهييي جونقاااااااا
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: Ashraf el-Halabi)
|
Quote: أووه..
زعلتي من طارق نستني أحيي الكائن الأوزوني القال ساب التمباك قال
what ساب كيكي |
هلا اشرف الحلبي ومرحب
وتصدق يا اشرف انا بعد اوزون دي بقيت زي شعبان عبدالرحيم
بحب الحلب وبكره التمباك
تحياتي يا رجل يا جميل وطارق ده اصلوا زول خشمو خفيف
وانت تاني لو عندك نعليق زي ده اكتبو قبل البوست يتكتب عشان طارق ما يخطفوا من كيبوردك
| |
|
|
|
|
|
|
|
|
(لووول)...بالغت ياخى مع قريبى دا ..يعنى البتاعه دى هى واحدة (امها وابوها )
خلاص نعمل دراسة جدوى للقصة دى .. مايكون سعرها بجيب ليهو خمسة علب من
سجايرنا ..
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: محمد عبدالرحمن)
|
| Quote: بس البتاعة دى انت متاكد انها واحده (امها وابوها) |
ايوه يامحمد
واحدة وانا متاكد من المعلومة دي تماما
انا شفتها قبل سنة في نادي الغزال وعملت فيها علامة..
قبل يومين (جيكت) لقيت علامتي قاعدة في محلها..
فدحين يا اخوي اعمل دراسة جدوتك ساكت..
ولو ما لفقت تعال استلم محلي في قصة التمباكة دي
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: محمد عبدالرحمن)
|
| Quote: ..ربنا يدينا رئاسة تحمينا وتامرنا وتنهينا |
هييع يا محمد
احنا وكت سفينا زمااان يا محمد شاورنا رئاسة ولاحزب ولابرلمان
...
ونقول امين وكلنا راجين يوم الرئاسة بتاعتك ده بفارق الصبر
حسع اليومين دي صحيك بكري الامين طالع الكفر واخر بقلاوة
وود رملية بسخن و وانت يا صحبي اقعد باري لي الراديكالية والسندكالية
لحدي ما القطر يكسح ونبقي في كلام تاني..
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: طارق الأمين)
|
عبدالكريم يا أخوي ، سلامتك ، خير .. في شنو؟
كدي قول بسم الله وخليك من الكلام البتقول فيهو ده
هو عليك الله بيتخلى ؟؟ وبعدين يتخلى ليه ؟؟؟؟
الزول بلا ( سفة) شن طعمو؟؟
خلينا من القرارات (الورطة) دي وحاول راضى (الحكومة) بس بعيداً عن (ود عماري)..
قال خلاهو قال !! لا بالله !!
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: طارق الأمين)
|
Quote: عندك اي وثائق او ادله انك خليتو
اديني كوت واحد من الارشيف يشير لذلك
عشان الناس ماتقعد تهني ساي وانت تكون
مقنطر سفتك
ارجو من الاخ بكري حسم مثل هذه الحالات وكده |
هلا هيلا هوبا
ماعندنا دليل
في مصداقية اسفيرية كيكية وبعدين الارشيف التمباكي بتاعي مسحتوا يازول
زي وزي احمد الريح او كما قال دينق
بعدين طبعا بكري ذااتو قالو تحت تحت كده (بسف) عشان كده
ما بعيدة يركبني التونسية ويلحقني الظلامي معتز قريش..
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
| Quote: ولييه ما عاوزين تشجعونا |
شروط التوبة عشرة أهما سبعة ..
1- أن تعلنها ( ودى عملتها )
2- أن تشترى كيس تمباك كبير ( وتحمله معك أينما تذهب) ولا تسفه.
3- بعد اسبوعين تمطّر ليك قدر كباية .. ولا تسف ..
4- بعد شهر من النية تشم مباشرة من الحقة ( الكبيرة) .. ولا تسف.
5- أن لا يمون البديل السجاير أو الشيشة .
6- التوقف عن شرب القهوة والاستمرار فى شراب الشاى الأخضر ..
7- ما تعمل ليها توم وشمار.. سبقناك عليها و خلينا (الستة) و ذمتها ...
8- ( بقولها ليك فى التلفون)
9- ( بقولها ليك فى أضانك)
10-( بقولها ليك فى سرى .. وتعرفها براك)
وأعلم عزيزى التائب أن الخرمة تستمر أكثر من 20 عاما ( أسأل مجرب).
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: معتصم الطاهر)
|
| Quote: 2- أن تشترى كيس تمباك كبير ( وتحمله معك أينما تذهب) ولا تسفه. |
كل الشروط يا باش علي عيني وراسي الا الشرط الفوق ده ما معانا...
اشيل كيس يعني طوالي حضور نغمة (جيب سفة) وده الكرهنا التمباك ذاااتو
ودرملية واخريين كرهونا التمباك والكيف اها كمان اشيل ليهم كيس (ابقي بوبا لو نفذت الشرط ده)..
يازول لو دي شروطك (من حسع سيدا علي ميرغني واوصل في تمبكتي وما ادوش راسي)...
غير لي الشرط ده يامعتصم بالله..!!
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
عليك الله القرار ده اخدته بمحض ارادتك أم فيه إملاءات خارجية وخليك واضح يا جميل
بعدين الزول لا يعلن تركه للتمباك بالسرعة دي ، عشان ما تورط روحك ، انا مرة خليتهو ستة شهور وبعد داك رجعت إلي قواعدي سالماً ، ولم أسلم من ألسنة الناس الذين أعلنت لهم قراري
وفي ناس كتار رجعت بعد سنين ، يعني ما تقول ماسفيت لي يومين انا خليت التمباك
في واحد ليهو 10 سنوات خلاهو وقال للآن هو خرمان
مرسل لك رطل تمباك ناشف من نوري بالبريد السريع نرجو الاستلام والإفادة
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: zuhair zenaty)
|
Quote: وفي ناس كتار رجعت بعد سنين ، يعني ما تقول ماسفيت لي يومين انا خليت التمباك
في واحد ليهو 10 سنوات خلاهو وقال للآن هو خرمان
مرسل لك رطل تمباك ناشف من نوري بالبريد السريع نرجو الاستلام والإفادة |
هلا زهير
والله انتو كلو كلو ما بتشجعو اللعبة الحلوة خوفتني عديل (انا لي اسبوع) يا زهير ولا زلت صامدا
ومبسوط تجي تقول لي 10 سنوات...
علي اي حال للضمان انا في انتظار (المرسال) وتمباك نوري
لانو الخرمة (او الظروف) ما معروفة
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: طارق جبريل)
|
الاخ عبدالكريم الامين
لا نعرف بعضنا البعض ولكن ..حكاية خليت الصعود دي خلتني استرجع ذكرياتي معاهو(اي الصعود.. أو التمباك)
انا شخصيا خليتوا سنه 1990 قبل الميلاد.. (كتيرة ولا اقسمها معاك) وكنت والله بشتري الربع من تمطيرة العصرية في كل نواحي وبقاع بيع الصعود في سوق الجلود بي ام درمان .. وكان ذلك في شهر 4 قبل رمضان بي يومين ثلاثه كده .. وحيث انني كنت امطره واصي عليه الوافدين الي مصر الشقيقة ايام الدراسة ..ولقد اصبحت خبيرا في ذلك الوقت .. حيث يوصيني الاصدقاء والاحبة ان اشتريه لهم من ام درمان وانا في طريقي عائدا مساء الي بري ..
تركت الصعود(التمباك) بعدها بلا تصريحات ..ثم ادمنت التدخين !!!
قد جيبنا.. وقد صدرنا.. قحه وبلغم!!
ولي الليلة خرمان سفه .. وماقادر القاها هنا في north amrica
عليكم الله رسلوا لي سفه واحده تكيف!..
نخلي بيها السيجاير المحاربنناهنا فيهو ده!!
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: Mekki M Alhassan)
|
Quote: ولي الليلة خرمان سفه .. وماقادر القاها هنا في north amrica
عليكم الله رسلوا لي سفه واحده تكيف!..
نخلي بيها السيجاير المحاربنناهنا فيهو ده!! |
هلا مكي
شكلك كده تمباكي قديم وخبير ولكن في (نورث امريكا) فقد ظله
وانا خليت التمباك يا مكي ولكن ممكن اعمل ليك محاولات مع القوات الصديقة ورفاق الماضي
التمباكي مثل عماد عبدالله وودرملية واخريين هنا في الدوحة لارسال (عبوة) في الدي اتش ال
قريبا,,
والف شكر وسعيد بمرورك في (ماتش التمباك بتاعي الذي انتهي)
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
Quote: لارسال (عبوة) في الدي اتش ال
قريبا,,
|
شكرا ياعزيز .. ولكن سوف تصادر من قبل سلطات الجمارك
عليه تصبح الخرمه ..
مرحلة من مراحل الغرام العزري الذي لا ينتهي بتحقيق الزواج ..
كذلك الخرمه التي لا تنتهي بدردمه سفه واحتضانها بين اللثه والشلوفه
انت سوف تلازم هذه الحاله الي ان توقف الكلام عن التمباك في الحله(زي زول النكته)
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: Mekki M Alhassan)
|
| Quote: انت سوف تلازم هذه الحاله الي ان توقف الكلام عن التمباك في الحله(زي زول النكته) |
هلا Mekki
زول النكتة الجماعة شالو حسو ساكت وهو رجل مارس التبشير العلني بترك شراب الشاي
وها انا ايضا اضرب علي صديقي التمباك (ضرب غرائب الابل) وارسله الي مذبلة التاريخ
وبنحاول ترويض الخرمة وتحويلها الي سحابة سرعان ما تنقشع زيها وزي البمبان
وسيكون شعارنا
(نو مور تمباكو)
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: Salah Abdulla)
|
Quote: فبالله خليك من (المكنات) دي
وزي ما قال ليك طارق الامين ( سف سفك). |
لييه يا ابو صلعة
بالله اوع تقعد تباري لي معتصم العجوز وطارق ال(ملاسي قانق)..
فعشان كده كلامك ده انا ح اعمل ليهو طوالي
التجاهل
التجاهل
التجاهل
لا للنصائح قد اتوا
شعارنا لازال فووووووق (نو مور تمباك اوت)
NO MORE TOMBACK OUT
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
كيكي
مبروك
بس و الله ماني متفائل أبدا
مره عم محمود (عمو) أبو شيبة بتاع الإسكول اكيد بتتذكرو
عم محمود مرة قال ساب التمباك ، و رمى كيسو و حلف يمين قدامنا إن ما ح يسف ابدا
بعد ايام كانت إجازة سنوية
رجعنا بعد 3 شهور و زولك شايل كيسو ابزرد داك الما بيقباك
ده شنو يا عمو إنت ما قلت و حلفت تسيب التمباك !
أنا و حلفت كمان ؟
أي و الله حلفت قدامي كمان !
هوي يا عمار ما تقولني حليفه ساكت !
هاك الحليفة الجدد جد الما بتعرفها و كلكم اشهدوا :
"أنا و الله ما ح اسيب التمباك طول حياتي"
*******
أهه يا عبد الكريم انا خايف ليك من جنس ده
بس سؤال :
إنت لمن تسيب سف الصعوط ، ح تسف شنو ؟؟؟؟؟؟
عمار يس النور
عاشق بخت الرضا
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عمار يس النور)
|
Quote: هاك الحليفة الجدد جد الما بتعرفها و كلكم اشهدوا :
"أنا و الله ما ح اسيب التمباك طول حياتي"
*******
أهه يا عبد الكريم انا خايف ليك من جنس ده
بس سؤال :
إنت لمن تسيب سف الصعوط ، ح تسف شنو ؟؟؟؟؟؟ |
يااااااااا
عمار
ذكرتني محمود صحبي وود كيسي وكان سفاف له ضل وتمباكي كبير
وكون محمود رجع تاني للتمباك فهو امر مخيف وغير مشجع بالنسبة لي تماما
والله يا عمار لحدي حسي ما فكرت اني اسف شنو لكن احتمال كبير
مع العولمة دي اخترع لي (تمباك) خالي عطرون لانو انا مشكلتي الاساسية هي العطرون..
ولو ناس الانقاذ ديل ادونا حتة مطرفة نسف معاهم مع السف المدور في السودان ده
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
ابني الصغير سامر احيانا تجيه حالة
تقمص لشخصية عمو عبد الكريم فبقوم
يمثل كانه عبدالكريم وبعمل انه هو
خاتي سفة
بقوم يكور تنباك وهمي في يده
وبخته في خشمه وبقول بفخر اتا
بقيت عمو عبدالكريم ......تخيلوا.
لدا سأكون اسعد زول لهدا القرار لاني سأضمن ان ولدي
ما حيكون سفاف تنباك .
مع اعتداري للسفافين بالمنبر
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: salah elamin)
|
Quote: بقوم يكور تنباك وهمي في يده
وبخته في خشمه وبقول بفخر اتا
بقيت عمو عبدالكريم ......تخيلوا |
سلام يا صلاح
سامر صحبي ياخي
وعشان سامر ده انا فكرت اسيب الشغلانة دي..
ارتدي (صديري) ومركوب وكما قال صلاح
اصبحت له سفة افتراضية وقال انو هو (عمو)
فمن اجل سامر والكثير من اصدقائي الصغار قررنا الاقلاع عن التمباك
يا طارق الامين وصلاح عبدالله وعماد وعمار ويا معتصم الطاهر يا حاقدين..
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: Salah Abdulla)
|
مدخل اول
يعني يا كريم الجكس دها كلو عرف اننا بنسف
هسع نقول شنو لي ناس نجوان ونون وسحر عبدالرحمن وعزاز شامي ومني خوجلي وغادة عبد العزيز خالد
والانصارية لنا مهدي لانو ديل بكرهو التمباك كراهية جد
مدخل تاني
عباس ابو الحرم سالناهو ايام الجامعة (عباس عائز تخلي التمباك قال ياخي العرقي انا ما عائز
اخليهو التمباك المسكين دها عمل شنو
مدخل تالت
جدي يوسف ود تاتاي ترك التمباك لمدة تلاتين عاما وقال انو تلاتين سنة وهو خرمان
مدخل رابع
حكايتي مع الصعود طالت
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: khaleel)
|
Quote: يعني يا كريم الجكس دها كلو عرف اننا بنسف
هسع نقول شنو لي ناس نجوان ونون وسحر عبدالرحمن وعزاز شامي ومني خوجلي وغادة عبد العزيز خالد
والانصارية لنا مهدي لانو ديل بكرهو التمباك كراهية جد |
تقول شنو ياخلي ياخي
بنسفو وكنا بنمطروا كمان...والواضح ما فاضح..!!!
لكن لستتك دي ليه ما فيها تراجي صحبتي؟؟؟
يابتاع دار جعل انت؟؟
ده الشخص الوحيد الذي يمكن ان يرجعني للتمباك لانو احسن زول في العالم ممكن تشيلو منو سفة
(له سفة مميزة)... بالمناسبة ده عباس بتاع (كيكي نازل)..
عباس رب الجاز
| Quote: جدي يوسف ود تاتاي ترك التمباك لمدة تلاتين عاما وقال انو تلاتين سنة وهو خرمان |
ود تاتاي ما مبشر والله والله يكافينا شر الخرمة الزي دي
خبريتك ما مطمنة ياخليل انا كنت منتظر تضامن تجي تقول لي جدك تاتاي
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
Quote: تقول شنو ياخلي ياخي
بنسفو وكنا بنمطروا كمان...والواضح ما فاضح..!!!
لكن لستتك دي ليه ما فيها تراجي صحبتي؟؟؟ |
تراجي مصطفي ما قلتها لانها هي من انصار مدرسة راسن بلا كيف اريتو بالسيف
وهي بتكون زعلانة منك لتركك التمباك لانك بدون تمباك حاتكون زول ممل وما عندك فرح معبا
سنة واحد تمانين الطيب وعمران علمنا التمباك الراجل كان زعيمنا واي حاجة بعملها
كنا بنقلدو بعقلية القطيع الراجل كان اذا شم رائحة التمباك (بستفرغ) فجاة رايتة
خاتي سفة وسط زهولي اخدت الكيس وقلدتو ومن ديك وعيييك
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: khaleel)
|
| Quote: وهي بتكون زعلانة منك لتركك التمباك لانك بدون تمباك حاتكون زول ممل وما عندك فرح معبا |
تخيل يا خلي دي الحتة الوحيدة الخايف منها
لانو التمباك كان بزبط الكيف وبخليك تجيب خبورات القضارف ذاااتها
وكون الواحد يكون ممل دي حاجة مش مزبوطة تماما...
ولكن يبقي القرار الصعب هو (نو تمباك اوت)..
...
تراجي جندرية كبيرة يا زول اعمل حسابك
| |
|
|
|
|
|
|
|
|
 Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
ياي
بالله انت بتسف ؟؟؟
وخليتو !!
عقبال ما تخلي السكه حديد
بالله يا كيكي وريني بس كيف من غير تمباك ممكن يصابحو وشك
ده ؟؟
على كل تجدني احني كامل هامتي لشرطتكم العاليه (بت هاشم) وبيد ان شروطها
صارت معلنه بمفارقتك للتمباك او مفارقتها(هذا ما اعلنته صحف المدينه -البهاء بكريه, والقريشيه ،والبدرميريه)
ويا خليل يا صاحب اوصيك بالابتعاد عن فكرة العرس كي لا تغادر اشتهاءاتك,,
كما امر صاحبك بمغادرة شئ من رغباته او ما نشهده الآن فيه،
ياخي التمباك ده مالوا عيبو لي؟؟
كيكي هل تعلم ان تركك للتمباك يساهم في زيادة الفقر والجوع لاناس يعتمدون عليه بشكل
واضح في مواردهم؟؟
((كيكي انا مش صاحبك يلا قول لي الكيس جدعتو وين؟؟))
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
كيكي إزيك ... و يا سلام على القرارات الشجاعة التي نحييك فيها
ونتمنى لك الثبات في الموقف.
قف
نقف من خلفك و نشد من أزرك و نشتت ما تبقى من كيسك إلى غير رجعة
إنتهى
فاصل
بمناسبة الصعود و السجاير بتزكر لما كنا في سنة رابعة كان في حملة قومية
للقضاء على التدخين و التمباك , كانو طابعين كمية من الملصقات و الصور
ومستعرضين فيها حالات مرضية للتمباك , وحاتك كانو جايبين واحد شلوفتو
مبرّطة و مدلدلة زي الكَفَر المنفس و كاتبين تحته حالة سرطان بسبب التمباك
المهم ولدنا الجاكم قريب و كلمتك عنو داااك متزكروا؟ طبعا سفيف درجة أولى
قام هرش لما شاف الصورة و قال تاني ما بيسف ... صاحبه اسمه عصام ابشر
لاقاهو تاني يوم و شحدو سفة , قام صاحبنا قال ليهو و الله بطلت الصعود , و عصام مفتكروا
بيكضب عليهو عشان يصبن منو الصعود , لما بقى يحلف له و داك ما مصدق قام ولدنا
ساقو وراهو الملصق بتاع الحملة و قال ليهو انا بعد ما شفت شلوفة الزول ده تاني ما بخت
لي سفة في شلوفتي .... قام عصام عاين للصورة و اتخلع في الأول لكن طبعا الخرمة تغلب الخلعة
و قام عاين لولدنا و أشر للصورة و قال : يااااخ ديل كضابين ساكت
الحمد لله لحدي هسع شلوفتنا بختمها  .... والغريبة الأيام دي قاعد معاي شافع بياكل الصعود أكل
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: غباشي)
|
Quote: كيكي إزيك ... و يا سلام على القرارات الشجاعة التي نحييك فيها
ونتمنى لك الثبات في الموقف.
قف
نقف من خلفك و نشد من أزرك و نشتت ما تبقى من كيسك إلى غير رجعة
إنتهى |
شكرا يا غباشي علي الدعم اللوجستي والمساندة وحتي الامداد بخطورة التنابيك التي بالنسبة لي صارت
من الماضي التليد
ونشكر كل المساحين السفافيين منهم وغير السفايين علي الدعم والوقوف وقفة مساح واحد
والله يهون القاسي
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: عبدالكريم الامين احمد)
|
.
سلام يا عبد الكريم
اها جيتك .. وعشان ( اغيظك ) مدنكل لي سفة من النوع أبو كديس
أنا اصلو بدون سفة لا بعرف أكتب ولا بعرف أقرأ
حتى في تمرين يوم السبت (اسأل منو شباب الرباط)
ممكن ألعب وأشوف الكورة بدون ألبس النظارات
لكن يوم افقد السفة الناس ما بشوفها خليك من الكورة
صراحة أنا ( معجب ) جدا بقرارك
وأصفه بأنه ( شجاع ) .. وشجاع جدا
لأنو انا مجرد ( الفكرة ) ما بتخيل انها ممكن تراودني
عشان كده حأكون حريص إني اتابع ( صمودك )
ولو نجحت ان شاء الله
سأجمع ( توقيعات ) من أجل ( تحريضك ) على نشر التجربة في كتاب مطبوع
سيستفيد منه 6 مليون سوداني ( آخر احصاء عن عدد متعاطي التمباك )
التدخين قدرت أوقفو بـ ( التدريج ) وبمساعدة صديقنا التمباك
( الأشياء الأخرى ) وقفتها بقرار ( شجاع ) كقرارك
اما التمباك ده ما بقدر عليهو عديل كده
ياخي أنا بنوم بسفة ( منومة ) ..
وبصحا بسفة ( منشطة )
بعد الفطور سفة .. بعد الغداء سفة ..
اي كباية موية باردة وراها سفة ..
مباريات الهلال ما بستمتع بيها إلا وأنا مدنكل سفة
برأيك .. ممكن بعد ده ( اتهور ) وأفارق حبيبي التمباك ...
تجربتك ... حتما ستفيدني
فأصمد يا أخي .. أصمد
بقولها ليك وأنا سافي
.
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: hatim ibrahim)
|
هلا حاتم صحبي
والله يا اخوي انت كلامك سمح بالحيل وبخلي الواحد (ضنبوا يرق) ويفكر يرجع تاني لمربع السفة
التي كانت صديقتي ..
وبالله ما تغيظ يااخي لانو بالكربون كل هذه الاشياء هي من كنت افعلها انا (انت يا زول قاعد تسف معانا سوي ولا ايييه يا حاتم)
متابعتكم لهذا القرار يجعلنا امام تحدي تاريخي عشان نقدم للذين ف ي قلوبهم رغبة للاقلاع عن هذا الامر
نقدم ليهم تجربة في شكل وردة ..
وتاني بنرحب بالتمباكي الكبير حاتم
ونحن السابقون وانتم اللاحقون
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: هجو الأقرع)
|
| Quote: اخى الكريم (كيكى )اول مرة فى حياتى اعرف انك كنت( بتسف ) معقول زول ظريف زيك بكون بسف ، طيب اذا انت كنت كذلك خليت للناس بدرالدين شنو،المهم ارجو مراجعة شيخك الاسفيرى ، عشان يعمل ليك حجاب ، هسع فى داعى للجرسة دى عشان يجى ابوساندرا يقول ليك كلام ذى ده . |
هلا وغلا يا هجو
وان كانت هنالك بنا بعض الظرافة فان التمباك وسفه احدي ركائزها...
واها يا هجو تاني بعد خلينا التمباك ده حنكون بتاعين مشاكل ومحن
وحرم معتز قريش عندي فيهو راي بعد ده
وح ادور ليك مشاكل المرة دي مش مع الظلاميين المساكيين
لالا
بل مع العامليين فيها ملوك النضال الاسفيري وملوك الكي بورد
ديل تعبوا معااااااااااي (لان تعليمات شيخي الاسفيري اتت عقب مزاج جبهجي)
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: Hatim Yousif)
|
خبر عاجل؟؟؟؟؟؟؟؟؟؟؟
افاد مراسلنا من حى المنصوره بالدوحه وبالشرفه المطله على جمعية المنتزه انه شاهد رجال الاطفاء يتسلقون احدى البنايات الشاهقة وذلك لمحاولة انزال رجل فى نهاية الثلاثينيات من عمره يبدو انه فى محاوله انتحارية وقد علم رجال الاطفاء يتلك المحاولة اثر مكالمه هاتفيه من زوجته ان اسباب انتحاره هى حرمانه من تناول مادة (التمباك ) وهى تبغ سودانى التركيبه.. وان الزوجه هى من حاولت زوجها مرارا لترك تلك العاده السودانيه السيئه الا ان كل محاولاتها باءت بالفشل وكانت هذه السيده تقوم برمى اكياس (التمباك) يوميا فى (الكشره) سلة المهملات .. ولكن لم تجدى نفعا وفى احدى محاولاتها الاخيره هددته بالطلاق وا حرمانه من اشياء عديده يحبها او فضحه بانه من مزاولى هذه العاده السيئه ولحب الرجل الشديد وولهه (بالتمباك) قرر الانتحار..
سودانيزاولاين..حى المنصوره/الدوحه قطر
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: sudania2000)
|
| Quote: فاذا بكيس القرف فوق مكتبتي |
هلا سودانية
ويازولة (قرف) دي كثيرة
رغم انني خليت المصيبة دي الا انني لا ابصق علي تاريخي التمباكي العامر
التمباك ما (قرف) يا دكتورة هووووي
Quote: خارج التغطية
مقدمة لنقول .. ممكن تقدم طلب بعد كدا |
طلب مشفوع بترك التمباك دي دعوة لضرب القرار السياسي للرجل
(يا زولة انا بجي بي تمباكي (شو رايكم))
| |
|
|
|
|
|
|
|
|
|
Re: ياخليل خلاص... انتهي ماتش صديقي التمباك!!! (Re: sudania2000)
|
Quote: اسفين يا كيكي
لكن انت بترد كيف قبال ما ارسل الرد
انا عدلتو بعد قريتو وعملت فيو
اسحب الكوت قبال ما نوصف بالعنصرية |
هلا سودانية
والله انتي اطيب زولة واحن اخت في الشرق الاوسط الجديد
التمباك اكبر قرف في الشرق الاوسط الجديد برضو
ياخي ده (الجدادة ) بتجري منو لكن احنا بنكابر وبندلعو لزوم الغلغلة والمحن...
وحرم البوصفك بالعنصرية انا وهو حنخش في جحر اسفيري (ضيق)
...
كل التحايا والتقدير يا سودانية
ومن هنا لمدني علي طول نقدم اوراق اعتمادنا عقب نركنا للتمباك
| |
|
|
|
|
|
|
|
عبدالكريم الامين احمد
عامر تيتاوى
عاصم ابوبكر حامد
محمد عبدالرحمن
Ashraf el-Halabi
Ishraga Mustafa
معتصم الطاهر
مهلب خلف الله القريش
طارق جبريل
Mekki M Alhassan
Emad Abdulla
أبو ساندرا
عمار يس النور
salah elamin
khaleel
فيصل عباس
غباشي
هجو الأقرع
Hatim Yousif
ضحيه ابراهيم
محمد على طه الملك
فيس بوك
تويتر
انستقرام
يوتيوب
بنتيريست