{{{ المره مره والعب عب }}}......وحكاية الحمى النزفية!!

مرحبا Guest
اخر زيارك لك: 03-29-2024, 08:18 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة اشراقة مصطفى(Ishraga Mustafa)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-22-2007, 10:13 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
{{{ المره مره والعب عب }}}......وحكاية الحمى النزفية!!

    _________________________________________________
    _______________________________________
    _________________________________
    ____________________________
    ____________
    ________
    _


    فوانيس
    د. إشراقه مصطفى حامد


    {المره مره والعب عب} وجدلية المساواة الاجتماعية


    {{{{المره مره والعب عب}}} احد الأمثال المتداولة والتى تعكس التعالى الثقافى الذى تنضح به مجتمعاتنا فى السودان، كثير من الامثال كنموذج يعكس الدونية التى تعامل بها شرائح معينة من المجتمع تنتمى الى إثنيات محددة، فمن اين اخذت المعايير التى تحدد افضلية مجموعة على الأخرى؟
    الموضوع يتناول التمييز الإثنى والنوعى ومدى ارتباطهما، دون الخوض فى التعريف العلمى عن ماهو التمييز النوعى والذى ببساطة يقصد به ان يتم تمييز المرأة بسبب نوعها وحتى اقرب الصورة ان تكون هناك طالبة نجيبة وذكيه ومؤهلاتها العلمية والذهنية تؤهلها ان تدرس هندسة ميكانيكة او احدى التخصصات التى صنفت فيها الادوار التى رسمت من زمن مبكر فالماكنيكة تخصص يصلح للذكور والتمريض يصلح للنساء وفى تقسيم هذه لادوار تمييز نوعى ايضا ضد الرجل.
    {المرة} او {الحرمة} او {العوين} ربما تكون مستخدمة فى العديد من مناطق السودان وليس هناك دلالة قاطعة عن ما اذا المقصود بها دائما انتقاص انسانية المرأة وذلك فى حالة استخدامها كصفة او اشارة الى انها {انثى}
    رغم ان الصفات نفسها غير مجردة من نسقها وسياقاتها الاجتماعية والاقتصادية والسياسية.
    استخدام مفردتى {مره وعب} لايمكن قراءاتها الا وفقا لبنية الثقافة السائدة من تقاليد، عادات واعراف
    ويتم التفكيك والتحليل لاوضاع {المره} و {العب} فى الدساتير السودانية، هنا تجدر الاشارة وفقا لثقافة تمجد الثقافة العربية ومنتوجها ومفاهيمها {للدم الحر} بدء من لون البشرة والشعر الاسود الطويل والفم الودعة
    وعلى هذا يتم التمييز، وتصبح {المره} المنتمية إثنيا للقبائل غير العربية معرضة لهذا التمييز المزدوج باعتبار نوعها و اصلها الإثنى..
    لاغرابة فى ذلك فى مجتمع لاتشكل فيه قضية المواطنة بمفهومها الواسع المرتكزة على اسس الديمقراطية وحقوق الانسان اذ يتساوى الجميع امام القانون بغض النظر عن اللون، العرق، الانتماء العقائدى والتوجه السياسى الخ...
    الصلة مابين {المرة} و {العب} تشير الى أزمة حقوق المواطنة فى بلد متعدد ومتنوع وتشكل النساء نصفه المهمل رغم المجهودات الجبارة التى قامت بها الحركات النسائية والنسوية داخل السودان مستفيده من إرث حركات التحرر الوطنى فى كل عالمنا النامى.
    يأتى الربط هنا مابين النوع والإثنى فى محاولة واضحة للاشارة الى إن النوع وحده ليس كافيا لقراءة وتحليل التعقيدات المتشابكة والمتداخلة وهى قضايا الديمقراطية والتنمية، فالرجل المنتمى الى إثنيات معينة لم يشفع له نوعه من التهميش ومن التعامل معه بدونية وكدرجة ثانية وربما ثالثة ولهذا يشغلنى كباحثة ان اتبحر اكثر فى قضايا النوع واخذه كا احدى ادوات التحليل وليس كل ادواته. التشابك فى العوامل التى ادت الى التعامل مع المرأة والرجل باعتبارهما درجة ثانية لاينبغى فهمهما وحصرها باعتبارها صراع مابين الرجل والمرأة إذ ان المواطنة وحقوقها لاترتبط فقط بالنساء وانما بالرجال والنساء معا عليه ينبغى بالضرورة فهم الصراع الاجتماعى باعتباره صراعا ضروريا لاجل العدالة الإجتماعية والتى ستظل غائبة الى حين يساوى الرجل الرجل وتساوى المرأة المرأة، فليس كل النساء متساويات فى الحقوق والواجبات وهذا ينطبق على الرجال بل يمكن الاشارة الى ان النساء ذات السطوة السياسية يمكنهن ان يساهمن بوعى او بدون وعى فى تهميش بنات نوعهن وتهميش بعض الرجال ايضا رغم ان سلطتها سوى كانت اقتصادية او سياسية لاتشفع لها فى كثير من الاحيان فهى تظل فى المخيخ الثقافى { كان بقت فأس مابتشق الرأس}.
    الهدف من محاولة غربلة الثقافة الموجودة تحتاج الى تغيير جزرى فى انماط الانتاج الموجودة وتفكيك لبنية المجتمع وهذا يحتاج لثورة متكاملة فى كل قضايا المجتمع وهذا لن يتم الا باعمال ادواتنا النقدية البناءة لفلفة كل ما من شأنه انتهاك انسانية المجتمعات السودانية.
    إن التغيير لايتم بعصا سحرية وانما بمشاركة النساء والمهمشين والوعى بحقوقهم والنهوض بانسانيتهم وذلك لن يتم الا بخلخلة البنية الاقتصادية كما اسلفت وبناء مؤسسات يشارك فيها الجميع نحو تحرر مجتمعاتنا من الفقر والجهل والايمان الكامل بالحقوق المدنية وذلك يحتاج الى تطوير الوعى الجمعى.
    لايمكن الحديث عن حقوق المواطنة بدون ترسيخ قيم الديمقراطية والمشاركة الشعبية فى كل مؤسسات المجتمع وتنميتها. للوصول الى ذلك لابد من مراعاة أسس المواطنة وفهمها فى إطار الليبرالية الاجتماعية بتفكيك العلاقة التى تربط {المره والعب}، هذة الادوات الفكرية والمنهجية والتى اشارت لها العديد من المراجع والدراسات تنحصر فى {الحرية،الحقوق،المساواة الاجتماعية، الذاتية السياسية، التمثيل السياسى واخيرا التقييم السياسى}- هذه الابعاد تمثل الاطار المرجعى فى تنظيم العلاقة بين الفرد والدولة وبين الافراد فيما بينهم.
    بالاشارة الى هذه الادوات المنهجية يمكننا من القاء الضوء على وضعية {المره والعب}..
    هل هناك حرية ؟ بمعنى هل يمتلكون الحق والوعى بحقوقهم والمطالبة بها؟ فى ظل الاوضاع التى نعيشها فى السودان ومن خلال قراءاة وتحليل واقعنا السياسى نجد ان أزمة الديمقراطية تنعكس على كل اوجه العلاقات الاقتصادية، الاجتماعية والثقافية فى مجتمعاتنا. غياب الحرية ادى الى غياب الوعى بالحقوق التى تؤكد على آدمية الانسان والذى انشغل بالجرى واللهث وراء المعايش الجبارة واصبح الحديث عن هذه القضايا بالنسبة للكثير ترف وبهذا عملت السلطات الديكتاتورية على تغييب وتغبيش وعى المواطن وأذكر اثناء اجراء بحثى الذى نلت بموجبه شهادة الماجستير فى عام 1997 من كلية الاعلام بجامعة فيينا والذى تركز موضوعه حول دور الراديو فى الوعى البيئى والانمائى لدى المرأة السودانية وذلك باخذ نموذجين تركزا فى اخذ مدينة وقرية كمثال وكثيرا ماواجهت بالسؤال {بيئة شنو هو نحنا قادرين ناكل} اذ غاب الوعى بالعلاقة الجزرية بين الفقر والبيئية والتنمية المستدامة، فهى بالنسبة لهم فى ظل كل ظروف القهر التى يعيشونها لاتعنى كثيرا وهنا يأتى دور منظمات المجتمع المدنى والتى ورغم مابذلته من مجهودات الى ان غيابها كبيرا كلما توغلنا تجاه الريف والمدن الصغيره ناهيك عن مناطق الصراعات والحروب. حتى حراك المنظمات الطوعية المؤمنة بحقوق المواطنة وبالدستور المدنى الذى يساوى بين الناس مرهون بغياب الديمقراطية وقبضة الدولة الحديدية على كل مامن شأنه ان يضىء.
    عليه يبقى الحديث عن المساواة الاجتماعية وغيابها بين الجنسين وفقا للدستور الموجود والتشريع المعمول به لايتجاوز حدود الضرب على حديد بارد ويحتاج تسخينه الى ان تصحو {النخب} السياسية من نومتها العميقة وهذا يحتاج الى مضاعفة العمل السياسى من قبل الذين واللآتى لهم برامج واضحة وواعية الهدف منها النهوض من كبوتنا التى طالت. بعض الدراسات التى قامت بها بعض الباحثات السودانيات والباحثين السودانين فككت منهجيا قضايا المساواة الاجتماعية الغائبة عن مجتمعاتنا. وما اقوم به ماهو الا امتداد لكل المجهودات التى بذلت ومهدت لى ولسواى الطريق للبحث والتنقيب عن {بترولنا} الداخلى.

    لنأخذ بعض الأمثال السودانية فقط كنموذج:
    لناخذ عدد من الأمثال..
    المرة كان بقت فأس مابتشق الرأس
    المره مره والعب عب ..
    و المره اضربا بي اختا
    المره شاورها وخالفها
    والمره كرعين و الحله بصل
    والعب عب و لو طالت عمامتو
    هذا يشير الى ضرورة قراءة الوضعية القانونية والمدنية التى على أساسها يتم التعامل مع افراد المجتمع وإمتلاك ادوات تحليل نقدية واعية لتفكيك تاريخنا السياسى ومؤساسا تنا القضائية /التعليمية/الاقتصادية/الإعلامية الخ.... ودون ذلك يظل القفز من الاحتياجات الاساسية للمواطن المسحوق وخاصة المنتميين الى إثنيات {لايجرى فيها الدم العربى} ضرب من ضروب اليوتوبيا السياسية.
    ان الاهتمام بعلم الاحصاء ضرورة قصوى لمعرفة كم عدد النساء فى مراكز اتخاذ القرار، لمعرفة كم عدد الرجال المنتمين الى إثنيات لاتعتبر الثقافة العربية والاسلامية مرجعية لهم؟ هذا ضرورى لمعرفة عنصرية {الدولة} السودانية وتهميشها للنساء بسبب نوعهن واصلهن ومعتقداتهن الدينية. الاحصاء كضرب من ضروب المناهج البحثية والتى لابد من دعمها بالمناهج الكيفية لمعرفة الترابط الفعلى والعلاقة مابين التمييز بسبب النوع والاصل وتدعيم ذلك بإرث العلوم الانسانية التى اكدت على هذا التداخل والترابط.
    هذا يحتاج الى الايمان المبدئى بحق المواطنين جميعا فى ان يستمتعوا بالحقوق المتساوية التى يحكمها قانون ودستور انسانى يساهموا فعليا فى وضعه.
    كذلك قيمة العمل اللامأجور وهذا ينصب فى خانة المرأة، فهى فى ثقافتنا لم تتجاوز فى اللاوعى كونها فأس ومابتشق الرأس، وخلقت لتكون ماعونا لمن لاماعون له، وننسى فى {طقشنا} لهذا الماعون بانها خلقت متساوية والتحول الذى تم لها بدأ منذ ان بدأ التعامل معها {كاماعون}_ ظل التعامل مع المرأة التى تعمل فى الحقل او كربة منزل لايتجاوز كون هذا دورها الطبيعى بل يتجاوز الامر الى تهميش ماتقوم به، فالثقافة المتجزرة فى {مخيخنا} تطال حتى الذين حاولوا ان يتغلبوا على هذه المفاهيم الا ان مواجهة الذات ضرورية للتعامل مع قيمة العمل الغير مأجور الذى تقوم به المرأة كربة منزل تحديدا، وليجرب الرجل مرة واحدة ان يقوم بهذه الاعمال وان يتم التناوب فى الادوار حتى يؤمن انه شارك فى هذا الظلم ، فليس كافيا ان يؤكد على تعب المرأة من جراء الانهاك اليومى وفقط عليه ان يحسب عدد الساعات التى تعمل فيها يوميا ودون اعتراف حتى من الشريك او الرفيق، {ما هو بشتغل وبجيب الماهية} صحيح ان هذا اعتراف بقيمة مايعمله الا ان هذا يصبح بلا قيمة معرفية ان لم يحرك ادوات نقده الذاتى لمواجهة انها تعمل بلا ماهية بالتالى ظل عملها غير مقيم لانه غير مدفوع الأجر. ربات البيوت والعمل الغير مأجور هو موضوع يحتاج كثيرا من البحث والتنقيب وتم ذكره هنا فقط كنموذج ساتناوله قريبا بالتفكيك فهو يتوهط كراسة جراحاتنا العامة.
    فى ظل غياب الديمقراطية تبقى الذاتية السياسية والتمثيل السياسى مرهونين كذلك بالحق السياسى فى التعبير والتنظيم وبالشكل الذى حتمه التطور الطبيعى لتركيبة كل مجتمع. العمل الميدانى يتيح لنا فرص انسانية نادرة الى التعلم من تجارب آل الريف والمناطق المهمشة واشير ايضا الى بحث قمت به قبل عامين فى إحدى مناطق السودان الريفية، كانت فكرة البحث عن تعزيز دور المرأة فى التنمية الريفية واثناء ورشة العمل التحضيرية والتى شارك فيها بعض من اهالى المنطقة نساء ورجالا تعلمت دروسا اخرى لاتقل عظمتها عن ماتعلمته من مناطق أخرى وتفوق كثيرا مماتعلمته فى النمسا. حين عبرت احدى النساء بان النهوض بالريف يحتاج الى النساء والرجال معا. كانت جملة عابرة ولكنها حفرت عميقا فى عقلى وانسانى ودار النقاش بينهم وكنت تلميذه صغيرة استمع اليهم. من يومها تيقنت من ان التغيير يحتاج الى تعزيز المجتمع ككل، اذ ان تدنى الخدمات الاساسية وغيابها اذ لاماء، لاكهرباء، لاشفخانة ولامدرسة فى كثير من اريافنا وهنا تحديدا اتحدث عن الريف الموجود فى غرب كوستى ومناطق النيل الابيض والجزيره {المروية} وشرق رفاعة وذلك لتجربتى الخاصة فى هذه المناطق وما اتاحه لى اهاليها من تعلم من مدارسهم الانسانية. هذه الاوليات لاتلغى ضرورة التوازن النوعى والإثنى فى كل مواقع اتخاذ القرار، فالتوازن النوعى رحلة طويلة محفوفة بالاشواك، رحلة فيها من التعب والكد والبحث الدوؤب مايجعل امكانية خلق لغة سياسية مشتركة ذات ملامح انسانية بين النساء انفسهن وبين الرجال انفسهم ومن ثمّ بين الجنسين ممكنة ويؤكد امكانيتها طلوع الشمس {مش بتطلع كل يوم أجمل}؟
    اردت ان اقول ان الاولويات ورغم تداخلها مع الخصوصيات التى تحدد مشاكل النوع تحديدا يحتاج الى تعزيز دور المجتمع وان تنهض قيم المشاركة الشعبية وان يعبر الافراد عن احتياجاتهم الحقيقية دون توصية ودون الوهم بكسبهم سياسيا لحزب معين اذ انهم الأقدر حين تتوفر لهم الماء والمأكل والمدرسة والاضاءه والعلاج- الى تحديد اختياراتهم السياسية واختيار من يمثلهم الشىء الذى يكمن ان يرسخ عميقا قيم حقوق المواطنة الفاعلة حين يتناوب افراد المجتمع فى المسئوليات السياسية وقيادة المجتمع سويا مع المواطنين بمعنى ان الحلم بان يحكم السودان إمرأة من الريف او من المناطق التى عانت من الحروب والصراعات امرا طبيعيا وان تكون رئيسة القضاء امرأة وان يتربع كوة او اوهاج على وزارة الاعلام وان تقود كلتوشة وزارة الخارجية.
    هذا وحده مايؤكد ان تركيبة المجتمع تغيرت جزريا وان تعكس لنا الجيد من الامثال الانسانية..

    فبدلا من {المره كان بقت فأس مابتشق الرأس} تصبح المره كان بقت فأس بتشق الانهار
    وبدل ماندق المرة باختها مستندين على بنية الوعى التناسلى لتصبح ان تدق الفقر بقوة إمرأة منطلقين الى بنية الوعى الخلاق.
    وبدلا عن المره شاورها وخالفها.. لنتشاور معها.. لتقول رأيها ولنخالفها وفق رؤية ولتخالفنا وفق ذات الرؤية وبالتالى نساهم فى ترسيخ قبول الآخر وقيمة مايقول.
    وبدل المره كرعين و الحله بصل ..المره انسانه والحلة- الوضع الاقتصادى هم للجنسين لتغيير تركيبة المجتمع وبنيته ومن ثم التعامل مع قيمة العمل المأجور والغير مأجور بشفافية، كوكو المكوجى الذى ظل المجتمع يهمش مايقوم به تماما مثل مايهمش قيمة عمل حواء التى اضطرتها الظروف لتعمل فى البيوت، ان يتم التعامل مع كل ذلك من رؤية قيمة العمل المأجور الذى يؤكد على حقنا الانسانى فى ان نمارس ما نقوم به باعزاز وان يتمتع كوكو بذات الحقوق التى يتمتع به مدير اى بنك، اردت فقط ان اشير الى التعامل مع العمل كقيمة انسانية لان هذا هو المخرج الأهم الذى يصحى فينا انسانيتنا وان يكون من حق بنت كوكو وابن حواء العاملة فى البيوت ان تتعلم وان تصل اعلى المراحل وان تصبح مديرة لذات البنك الذى تمتع بقيادته لسنوات طويلة احمدا واحدا، بمعنى ان التناوب لم يشمل المهمشين سوى من النساء او الرجال.
    والعب عب و لو طالت عمامتو يجب ان تصبح تاريخا لنتعلم منه العبر وندرسه لاجيالنا الجديدة وهم ينهضون بقيم المساواة الاجتماعية وهذا يحتاج الى ربما الى سنوات ضوئية تغزو القلب ليضخ دمه فى العقل الانسانى ثم المره مره والعب عب تتحول الى نهر كبير شقته المرأة بفأس التغيير جنبا الى جنب مع الرجل الواعى نحو انسانية وامومة العالم.

    ملاحظات:

    * هذا الموضوع جزء من مواضيع اخرى اخربش افكارها فى كراسة سميتها كراسة فتح الجروح ومداوتها، على امل ان استطيع تطويرها يوما ما ولهذا ارمى ببعض الأحيان برأس الفكرة سوى فى المنبر او مع بعض الذين واللآتى اتواصل معهن ومعهم لايمانى القاطع بان كل كلمة تكتب او تقال تدفع بوهج الفكرة الى عقلى وقلبى وتساعدنى الى الوصول الى رؤية واضحة يكون ساهم فيها كل من قرأ او ساهم ولو بكلمة قد نعتبرها مرات عابرة ولكن بالنسبة لى كل كلمة وكل تعليق واى شولة وموقعها يشكل اضافة قيمة.

    * لم يكتمل الموضوع ولهذا وضعته فى قالب مقال عادى دون الاشارة الى المراجع التى اعتمدتها فى منهج التحليل الا انها مكتوبة فى كراسة تفتيح الجروح، مراجع اعتمد بعضها كاطار نظرى لتحليل بعض الظواهر الموجودة عندنا هذا مع ايمانى التام ايضا ان المناهج نفسها غير محايدة وبالتالى يكون الباحث او الباخثة نفسها غير محايدة بمعنى ان مااقوم به يمثل مرجعيتى الفكرية وموقفى السياسى الواضح من بناء دولة تعتمد المواطنة والمساواة الاجتماعية مرجعية اساية فى التعامل مع المواطن السودانى. هذا لايعنى بانى لا استطيع ان اضبط التحليل منهجيا بحيث يكون موضوعيا وقابل للقراءة المغايرة والنقد البناء. لهذا يحتاج الى المزيد من ضبط المصطلحات والمراجعة المستمره.
    * الاشارة الى حكاية الحمى النزفية لم يأتى اعتباطا وربما بعد قراءة الموضوع كاملا تسطع الفكره من الاشارة اليها وتتضح العلاقة بينه وبين العنوان الاصلى للموضوع فى محاولة للاشارة الى السايسة التى صنعت تلك المفاهيم وادت الى الحمى النزفية ليس لثروتنا الحيوانية وانما لثروتنا البشرية.
    * لابد من الاشارة الى ان تناولى لهذا الموضوع والعنوان الذى اعتبره احد اصدقائى المقربين والمتابعين لكل ما اكتب واتناول بانه صادما وكان من الاجدى ان انزل الموضوع مباشرة رغم قناعته بان وضعى لهذا العنوان داخل ثلاثة اقواس يؤكد على موقفى الرافض له، اشكره لهذا التنبيه وساجتهد ان انزل الموضوع كاملا فى المرات القادمة وللمواضيع ذات الجروح الغائرة.

    * بقى ان اعتزر عن التأخير فى انزال الموضوع اذ ان الكتابة او الطباعة نفسها يحكمها المزاج ولم اتخلص من هذه العادة ويمكن ان اصحو من النوم وعقلى قلق بفكره اخرى ولا رغبة لرؤية الورق ولا القلم وربما يدخل موضوع فى وسط الجراحات المتكررة حين يعكر مزاج روحك تعليق مقصود به شخص فى بعده الخاص ولكنه عام حين استلم ايميلا ينادينى{ بائعة الشاى الحقيرة} وهنا تصحو كل جمرات كوانين بائعات الشاى فى السودان واطأها بروحى ولم ابل قروح الروح الا بالكتابة عن بائعات الشاى و سيرة الناس المنسية التى كتبتها يوم امس الشىء الذى اراحنى وحفزنى لطباعة هذا المقال الحالى الا ان وفى تأخرى فى الرد على بعض المداخلات المهمة جدا والتى اضافت لى وقتحت ذهنيتى لتناول قضايانا وتحليلها فى اطار الإرث الانسانى عموما واشير الى مداخلة الصاوى التى انارت مواطن قلقى بالمعرفة، كذلك مقال دكتور مجدى اسحاق الذى تكرمت به انعام حيموره ومن سنين بعيده تعود الى ربع قرن فتحت ذهنى الى اقصاها لرؤية مجدى اسحق وتمكنه من مناهج تحليله المقنعة. هذه الاشارة لاتقلل من مداخلات العديدين واشير الى العزيزة صفية وود الجيران {فقط على سبيل المثال}

    (عدل بواسطة Ishraga Mustafa on 12-31-2007, 02:18 PM)

                  

12-22-2007, 10:21 PM

إيمان صالح
<aإيمان صالح
تاريخ التسجيل: 11-02-2005
مجموع المشاركات: 1811

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    المره مره والعب عب

    عاد الليلة الله يدينا خيرك
    انتي ياختي شربوتكم ما كمل ولا شنو؟




    ايمان
                  

12-22-2007, 10:27 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: إيمان صالح)

    Quote: عاد الليلة الله يدينا خيرك
    انتي ياختي شربوتكم ما كمل ولا شنو؟



    والله انتى الذّ شربوت خلقو الله يا ايمان ام دما خفيف، بس عليك الله لمن الاقيك تقليهو شوية انا اصلى بريد الشربوت التقيل
    عليك النبى دلينى عليك، غايتو جنس الضحك الضحكتينى ليهو ده مافى شىء بيعادلو غير مغصتى من قصة {المرة مرة والعب عب}


    والله انتى فلتة يا ايمان؟
                  

12-22-2007, 10:34 PM

إيمان صالح
<aإيمان صالح
تاريخ التسجيل: 11-02-2005
مجموع المشاركات: 1811

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    انا اصلى بريد الشربوت التقيل

    ظااااااااااهر ياختي

    وحاة النبي انتي العسل
    ان شاء الله ربي يفرحك
    ويعدل حالك
    وييسر امورك
    وتشوفي سمح وليدك وبنيتك



    ايمان
                  

12-22-2007, 10:31 PM

كمال الدين بخيت اسماعيل

تاريخ التسجيل: 03-21-2007
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: إيمان صالح)

    عيدكم مبارك يا دكتوره.....
    جينا نتاوق بس.....
                  

12-22-2007, 10:37 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: كمال الدين بخيت اسماعيل)

    وش منتظر
    وبيدو مرق
                  

12-22-2007, 11:02 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: عبدالكريم الامين احمد)

    ووين ياكريم تنتظر من سكات؟
    انت مكانك هنا
    ماتقول ابكرينا لوترى ولا يحزنون
    ماشى ووين وناس {كنابى} الروح ديل ليهم الله وعيشة السوق يعنى ولاشنو؟!

    يعنى الراجل فيهم{{{{{ {عب} والمرة مرة وكمان {عبة، خادماية يعنى}}}}}}}
                  

12-22-2007, 10:43 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: كمال الدين بخيت اسماعيل)

    كمال الدين سلامات وعيدك مبارك

    Quote:
    جينا نتاوق بس.....


    متاووووقة ساى مابتنفع بندور رأيك فما تبخل علينا بيهو عليك قبايل العيد السعيد

    اها فى انتظارك قبال شربوت أيمان التقيل ده مايكمل
                  

12-22-2007, 10:40 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    اشراقة
    انت شربت شربوت اتراك في النمسا ولا شنو
                  

12-22-2007, 11:07 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: طارق جبريل)


    لا والله ياطارق يسمنى، تجربتى ذاتها فشلت وطلع شيتا عجيب كدى خسرت قريشاتى ساكت فى البلح اريتنى كان اكلتو ساى...
    واصلى من زمان ممغوصة من وصورة المرأة في امثالنا الشعبية
    ومن زماااااااااااان لامست العلاقة الواضحة وباينه زى شمس السودان عن العلاقة بين
    {المرة المرة والعب العب}.. يعنى بس قالوهم الاتنين جنب بعض كدى حنانا فينا؟
                  

12-22-2007, 10:43 PM

إيمان صالح
<aإيمان صالح
تاريخ التسجيل: 11-02-2005
مجموع المشاركات: 1811

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)


    الرسول شفتي الرجال ديل؟
    ياختي ده شنو هو ده؟




    ايمان
                  

12-22-2007, 11:04 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: إيمان صالح)


    ما بسألكن .. كياشة مؤسسة غايتو ..
    منو القال ليكن الشربوت التقيل فيهو الصمغ ؟؟؟
    هاكن المفيد .. عملاً لله و الرسول :
    يخف الشربوت .. فيشف , و يمزمز , و يقوم يتركز فيهو البتاع داك البيجيب التراخيم اللذيذة .
    فيا بنوتي .. أحسن الشربوت البكر هو ما خف و بزبز ..
    أمانة عليكن ما تسوطنو و تمرقن الحُتراب الحاتل تحت داك ..
    كان سوطنو , غير يسوي ليكن الحيرقان و الكوفار و الدوبال , ما بتمرقن منو بحاجة .
    أسمعن الكلام يا كيشة و بطلوا ( السواطة ) .

    نجي للمره مره , و العب عب ..
    مساء الخير يا إشراقة .. عيدك حلو رايق .
    جيبي آخرك سريع سريع , لانه الكلام كده دخل الحوش .. و فيهو نقة للطيش .
    و يا إيمان ياخي بطلي الفتاوى الشربوتية البيش ..
    جني و جن الزول الما جرب الحاجة و يقوم يدي فيها دروس عصر .

    حاضر ؟؟

                  

12-23-2007, 00:27 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Emad Abdulla)

    Quote: جيبي آخرك سريع سريع , لانه الكلام كده دخل الحوش .. و فيهو نقة للطيش .



    آخر شنو كمان يازول!!ده موضوع طويل ياعماد،طويل زى طول احزان البلد!!

    وعشان الكلام يدخل ليك الحوش جدجد تأمل فى الصورتين ديل وفكر وقلب الفكرة و{مزمزشربوتها} خفيف ولاتقيل المهم تصل معانا لقرار...





    الصورةالتانية تتبع، الاتنين بيرهقن التفكير..


    ____________________________________________________________

    كل سنةانت واسرتك بخير ربنا يخليكم لبعض
                  

12-22-2007, 11:08 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    سلامات يا دكتورة

    المرة مرة و العب عب
    المرة لو بقت فاس ما بتكسر راس
    لا تبول في شق لا تخاوي العب الشق حساي و العب نساي

    زيها وزي كتير غيرها مفاهيم مغلوطة قابعة في اللا وعي
    التعليم والتطور و الأنفتاح على العالم و الواقع المعاش أزالها عند الكثيرين
    أو على الأقل يحاولون
    لكنها موجودة عند البعض وأحيانا تطفو على السطح و تسيطر على بعض التصرفات و الأحكام

    متابعين


                  

12-22-2007, 11:23 PM

badr alkalika
<abadr alkalika
تاريخ التسجيل: 02-25-2007
مجموع المشاركات: 974

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: محمد البشرى الخضر)

    عيدك سعيد يا دكتورة وان شاءالله تكونو شربتو الشربوت وانحنا طبعا رحنا فيها ما بين النزفية والجداد

    اها نقول نفهم شنو ؟ والسهام دي ماشة وين
                  

12-23-2007, 11:17 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: badr alkalika)

    سلامات يابدر الخليفة

    كل سنة وانت طيب وبرية من الحمى النزفية

    جيب البنمبر بتاعك واقعد للنقاش ممكن نطلع بحاجة مفيدة


    وتحياتى
                  

12-23-2007, 11:13 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: محمد البشرى الخضر)

    Quote: المرة مرة و العب عب
    المرة لو بقت فاس ما بتكسر راس
    لا تبول في شق لا تخاوي العب الشق حساي و العب نساي



    محمد البشرى ود الخضر سلانات

    انت وجودك دون كل الفاتوا بتاعين الشربوت ديل مهم جدا
    اهو ختيت يدك فى اول الجرح... عاوزة اشوف الناس حاتتناول الموضوع ده كيف وبعدين بقول ليكم قولى
    ممكن يتفق معاكم وممكن لا، لكن هى محاولة للربط الجزرى مابين ال Racism and sexism



    _______________________________________________________________________________
    الشربوت ده ياربى ماعندو علاقة ببيوت {الاحرار؟}،
    والانداية ياربى فيها بنات {عرب}؟، لكن فى كل الاحوال بيمشوها اولاد {العرب} والماعرب..
    يعنى المسألة ذات صلة بالمصطلحين المذكورين اعلاها
                  

12-22-2007, 11:22 PM

wd al geran
<awd al geran
تاريخ التسجيل: 09-08-2003
مجموع المشاركات: 670

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    Quote: جني و جن الزول الما جرب الحاجة و يقوم يدي فيها دروس عصر
    تمام يا كومندان .. دا كلام تمام




    مع خالص تحياتي للدكتورة إشراقة

    (عدل بواسطة wd al geran on 12-22-2007, 11:30 PM)

                  

12-22-2007, 11:37 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: wd al geran)



    Quote: يا ناس يا إنتو تبقوا قدر النضم، ياتن كمان تخلوا


    ود الجيران يا نصيبة ..
    عيدك سعيد


                  

12-23-2007, 11:29 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Emad Abdulla)

    Quote: ود الجيران يا نصيبة ..


    ياود الجيران يحلك الله اهو لقيت رأس الخيط
    عماد وانا {اخوات} فى الانسانية يعنى لو مارجعت اللى شطبتو هو بيقول لى انا متاكده من خوتو
                  

12-23-2007, 11:25 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: wd al geran)

    wd al geran أموت واعرف عدلت شنو؟ بعدين انت ناسى فى ناس قاعدة على هبشة الماوس للكوبى!!

    والله الفضول كتلنى عديييييييييييييل.. قول لى ياwd al geran والله مابقول لى زول اصلى جنى وجن القوالات حتى اسأل عصام ده بيعرفنى كويس وعلى ضمانتو

    Quote: تمام يا كومندان .. دا كلام تمام


    هو شنو الكلام التمام؟
    قاصد {المره مره والعب عب؟}

    يالله خارج روحك وورينى عدلت شنو عليك قبايل العيد!!
                  

12-22-2007, 11:32 PM

esam gabralla

تاريخ التسجيل: 05-03-2003
مجموع المشاركات: 6116

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    اشراقة

    Quote: : جني و جن الزول الما جرب الحاجة و يقوم يدي فيها دروس عصر

    دروس عصر برضو يا كومندان؟

    يا ناس يا إنتو تبقوا قدر النضم، ياتن كمان تخلوا



    شوفي الجماعة اترصو كيف

    يا عمدة و ود الجيران , عندنا صاحبنا ما بدور الشربوت "المجهجه", من بالليل بجهز "نص" لي شربوت عيد الضحية

    يعيش تجويد الشغل
                  

12-22-2007, 11:36 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: esam gabralla)

    Quote: بالليل بجهز "نص" لي شربوت عيد الضحية


    والله عالم الشرفة ظاهرة في مداخلاتها
                  

12-23-2007, 00:04 AM

wd al geran
<awd al geran
تاريخ التسجيل: 09-08-2003
مجموع المشاركات: 670

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: عبدالكريم الامين احمد)

    عمدة وعصام وكيكي ..

    الله عالم المُداخلة ما بين الإرسال والتعديل
    ما اخدت 60 ثانية ..

    يعني الواحد ما يهظر معاكم في البلد دي؟


    كل عام وجمعكم إخوتي واخواتي بألف خير



    آمنا لكين !!
                  

12-23-2007, 11:39 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: wd al geran)

    Quote: عمدة وعصام وكيكي ..

    الله عالم المُداخلة ما بين الإرسال والتعديل
    ما اخدت 60 ثانية ..

    يعني الواحد ما يهظر معاكم في البلد دي؟


    قلت ليك ياود جيرانا فى ناس ماسكة الماوس واصبعها على كتفه اليمين، المسكين لمن جاتو قطيعة
                  

12-23-2007, 11:35 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: عبدالكريم الامين احمد)

    ياكريم ركز معانا!!

    قلت ليك ناس ابكرينا لوترى عندهم البقولو برضو فى قصتنا الفوق دى












    __________________________________________________________________________
    العيد انتهى ياكريم والوصية فى الزمة...
                  

12-23-2007, 11:32 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: esam gabralla)

    Quote: شوفي الجماعة اترصو كيف



    عليك الله ياعصام ماتبقى مسخوت شديد
    صحصح معانا شوية وقول لينا العلاقة شنو بين {المره مره والعب عب؟}

    اها الجماعة اترصوا فوق رأى/ فى نادى الفكره وحصحصة الحق!!
                  

12-22-2007, 11:39 PM

haider osman

تاريخ التسجيل: 07-27-2005
مجموع المشاركات: 2359

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    22-12-2007, 09:13 م


    هو البوست ده لحدى هسه واقف على حيله


    شايف فى شوية سنادات ..لكن برضو ما بتنفع..


    جايه امطار وسيول ...لاحوله ولاقوه...

    متاريس شديده من هسه
                  

12-23-2007, 00:17 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: haider osman)

    Quote: الرسول شفتي الرجال ديل؟
    ياختي ده شنو هو ده؟


    الحالة لسة يا ايمان الفلم مابدأ.....

    أها الشربوت ده وخليناها....شوفو لينا قصة{المرة..مرة والعب عب} دى


    حسع يا ايمان خليتينى انظر وفى ناس هنا خبرااااااااااااااااااتهم طوييييييييييييييييييلة



    لحدى ماتصبح بلقى ليكم حل
                  

12-23-2007, 01:22 AM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)


    Quote: الحالة لسة يا ايمان الفلم مابدأ.....

    أها الشربوت ده وخليناها....شوفو لينا قصة{المرة..مرة والعب عب} دى

    العزيزة د. اشراقة .. ما هو الرجالة ديل مخصوص قلبوها ليك شربوت وحلومر عشان يجهجهوا ليك الموضوع ويدردقوك و ينسوك فيلمك القنبلة الجاية تفكيها دي ..
    إن كيدهم برضو عظيم ..

    خليك في الشربوت احسن .. وعيد سعيد ..

                  

12-23-2007, 11:45 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Munir)

    Quote: إن كيدهم برضو عظيم


    وشهد شاهد من اهلهم!!

    صدقت والله يامنير لكن دى مابتفوت على..

    والحكاية متداخله
    الشربوت والحلومر مش بيعملنو {الحروم}؟ والبشربوه الرجال؟


    كل سنة وانت طيب يامنير ربنا يديك الفى مرادك يا اخوى
                  

12-23-2007, 01:15 PM

إيمان صالح
<aإيمان صالح
تاريخ التسجيل: 11-02-2005
مجموع المشاركات: 1811

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    حسع يا ايمان خليتينى انظر وفى ناس هنا خبرااااااااااااااااااتهم طوييييييييييييييييييلة

    ياختي ناوليني الفاس حقهم ده
    اوريكي الضحية الصحي صحي
    والضبيحة العلى اصولها




    ايمان
                  

12-23-2007, 00:18 AM

Abubaker Ahmed

تاريخ التسجيل: 06-14-2007
مجموع المشاركات: 1825

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: haider osman)

    Quote: قابعة في اللا وعي



    قلتا لي قابعة و لاوعي و كده ، شديدة دي يا ود البشرى



    كل عام و الجميع بخير
                  

12-23-2007, 11:46 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Abubaker Ahmed)

    ابو بكر احمد ازيك ياود امى وكل سنة وانت طيب


    ماعندك لينا رأى فوق الموضوع ده؟
                  

12-23-2007, 00:47 AM

كمال الدين بخيت اسماعيل

تاريخ التسجيل: 03-21-2007
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: haider osman)

    Quote: متاووووقة ساى مابتنفع بندور رأيك فما تبخل علينا بيهو عليك قبايل العيد السعيد


    حاضرين يا دكتوره.....
    خليني آخد نفس شويه وبجيك راجع.....دا موضوع بيذكرني بنظريه
    الخوف الاستباقي...والله اقولك.....انا غايتو بنتظر العزيزه تراجي تجي تفتح لينا السكه...او عطوفه تجيب لينا كم راس بصل نسوي بيها كرعين...اقصد حله...
                  

12-23-2007, 01:08 AM

عاطف محمد أحمد زكريا
<aعاطف محمد أحمد زكريا
تاريخ التسجيل: 12-09-2005
مجموع المشاركات: 574

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: كمال الدين بخيت اسماعيل)

    دكتورة اشراقة كل سنة وانتى طيبة
    سمعنا ب
    العبد عبد وان طالت عمامته
    والكلب كلب وان ترك النباح
    لكن المرة مرة
    دى جديدة
    هو زااااتو بزمتك هسى فى مرة عشان يقولوا ولا يعيدوا؟؟
    مع ودى
                  

12-23-2007, 08:35 AM

ريهان الريح الشاذلي
<aريهان الريح الشاذلي
تاريخ التسجيل: 02-22-2005
مجموع المشاركات: 2178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: عاطف محمد أحمد زكريا)

    Quote: كان سوطنو , غير يسوي ليكن الحيرقان و الكوفار و الدوبال


    غايتو عرفت الحيرقان والكوفار لكن الدوبال ده ما ادونا ليه..

    كل سنة وانتو كلكم طيبين
                  

12-23-2007, 08:54 AM

هاشم أحمد خلف الله
<aهاشم أحمد خلف الله
تاريخ التسجيل: 01-16-2007
مجموع المشاركات: 6449

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: ريهان الريح الشاذلي)

    اختي الغالية اشراقة كل سنة وانتي بألف خير وكل من تحبين
    الموضوع ذو شجون وانا متاكد انو صفحة واحدة ما حاتكفيه
    لذلك ارجوك ارمي طرف الخيط ونحنا نكمل معاك الباقي .
    مع خالص أمنياتي لك بحياة سعيدة بين اسرتك الصغيرة حفظها الله .
                  

12-23-2007, 12:02 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: هاشم أحمد خلف الله)

    اخوى هاشم

    عيديتك مقبولة ياود حشا امى

    اها مستنين خيطك
    خلى الخيوط تتشربك ونقعد نتفاهم نفكها كيف
    ولو القلوب اتطايبت المدى بشيل كل نساء ورجال العالم..
                  

12-23-2007, 11:59 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: ريهان الريح الشاذلي)

    ريهان قرنفلة جيلها

    فى البال ترميزك المفيد

    لمن نحلل العلاقة دى بنصل لمعنى الدوبال القال بيها اخونا عماد
    وممكن نفك كوفارة العقل المعصلج فى مفاهيم من القرون الوسطى وده بيحتاج مننا روح سلبة وتحليل رصين
    اها يا ريهان خليك معانا وماتبخلى علينا بوجهة نظرك الثمينة..
                  

12-23-2007, 11:55 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: عاطف محمد أحمد زكريا)

    Quote: هو زااااتو بزمتك هسى فى مرة عشان يقولوا ولا يعيدوا؟؟


    كل سنة وانت طيب ياعاطف...

    كيفن مافى {مرة}؟ عاد كلامك ده كان صاح ياهو البوظ نظريات العلاقة الوطيدة مابين الإثنى والنوعى!!

    فى امثال كتيرة ممكن مانكون سمعنا بيها لكن ده مابيعنى انها غير موجودة


    ماتبخل علينا بالمشاركة عليك الله ياعاطف

    الله يديك العافية ياود امى
                  

12-23-2007, 11:50 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: كمال الدين بخيت اسماعيل)

    Quote: خليني آخد نفس شويه وبجيك راجع.....دا موضوع بيذكرني بنظريه
    الخوف الاستباقي...والله اقولك.....انا غايتو بنتظر العزيزه تراجي تجي تفتح لينا السكه...او عطوفه تجيب لينا كم راس بصل نسوي بيها كرعين...اقصد حله...


    كمال الدين نهارك طيب

    اخد نفسك يا ابوى وتعال جاهز الشىء هنا فيهو جلالات جيش وعسكرية وانقلابات وقصص كتيييييييرة
    واخواتنا تراجى وعواطف عندهن المفيد الممكن يتقال فى الخصوص ده كل حسب وجهة نظرها الا فى النهاية بتكون اضافة تقود الحوار لوجهته الصحيحة

    اها ماتتاخر
                  

12-23-2007, 11:41 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: haider osman)

    حيدر عثمان سلامات وعيدك مبارك

    اختك مستنية سناداتك عشان ينعدل حالنا

    اها بتجيبهم متين؟
                  

12-23-2007, 08:54 AM

ahmed haneen
<aahmed haneen
تاريخ التسجيل: 11-20-2003
مجموع المشاركات: 7982

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    يا ام واصل

    كل سنة وانت طيبة .. وشربوتك ظابط ...

    العب عب والمرة مرة ..

    هذا جزء بسيط من امثالنا السرية ...

    التحية للحاضر الغائب .. ود بت المشرف المبدع محسن خالد
                  

12-23-2007, 12:05 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: ahmed haneen)

    Quote: هذا جزء بسيط من امثالنا السرية ...


    سلامات يا احمد حنين وكل سنة وانت طيب

    كلامك صاح والله ومحتاجين نغربلها ونشوف اسبابها ونقراها وفقا لسياقها التاريخى والاقتصادى

    اها يدك معانا...

    وفاضلابى كان مرة نزل امثال ليها علاقة بالمرأة ياريت يساعدنا وينزلها تانى,,,,
                  

12-23-2007, 10:57 AM

عمر سعد
<aعمر سعد
تاريخ التسجيل: 05-31-2007
مجموع المشاركات: 2468

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    سلام

    يا دكتورتنا
    انا عارفو دة شرك والحصيف يتكلم فى الشربوت


    لكن عموما المثل موجود واكيد افرزتو ظروف محددة ودايما المثل بيقال فى شخص واحد وبعدين يعمم

    المثل ما اتقال فى زمان بعيد بل فى زمن قريب نسبيا ما بكون فات 100 سنة كدة ومسالة العبيد دى ضاربة فى القدم

    وكان كل من يؤسر فى حرب بين اى امتين يقال لة عبد وما بيسمى اسير بغض النظر عن اللون احمر ابيض اسود

    المهم ذى ما انو فى اوروبا حاليا دعوات حرية ومساوة الا ان تلك الفترة كانت من عمايلهم وبحبو يتخلصو منها .

    فى الوطن العربى التسميات قديمة ولمن الاحباش كانو محتلين العرب قرابة مائة كانو العرب هم العبيد والاحباش الاسياد

    بعد انفلات الامر وضمور الحضارة الحبشية انقلب الامر ...............وبعد زوال الفترة الامومية الاولى وسيطرتها الاقتصادية

    انقلب الامر ايضا عليها .......................وعاد الحبيب المنتظر الان.......وجة ضاحك..........................................

    انا فى اعتقادى القوة الاقتصادية والقوة العسكرية بتادى الى فرض واقع يؤدى لمثل وامثال على طرق كثيرة

    والتاريخ ملئ بالشواهد حتى الاديان لانها قديمة تاريخيا صادفت هذا المشكل ( واقرتة بغض الطرف عنة )

    ببقى الان. وانا بغير الكثيرين بعتقد انو زمنا الان افضل من السابق والاتى سيكون افضل من هذا الزمن لتراكم

    التجربة والخبرات العلمية والاجتماعية والثقافية ....على مستوى الامثال يجب انو نقر بانها وليدة زمن محدد وتاريخ

    وثقافة محددة ..............لا يمكن ان تعمم على كل الازمان والعصور ....ببقى دورنا فى تكريس معرفى فى محتوى انسانى

    لازالة شؤائب كثيرة على عدة مستويات .........ولتكريس امثال جديدة تؤرخ لعصرنا وزمنا الذى نعيش فية الان.

    وعمل فى اطار انسانى .....لاذابة هذة الفوارق المدخلة علينا نتيجة القهر واستعباد فئة لاخرى بغض النظر عن اللون والجنس

    لذا يجب علينا قراءة المثل فى ظرفة وتاريخة ..................وتخطية ان كان سالبا بعمل.اطار انسانى ومحتوى انسانى
                  

12-23-2007, 11:17 AM

إدريس البدري
<aإدريس البدري
تاريخ التسجيل: 07-31-2006
مجموع المشاركات: 943

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: عمر سعد)

    يا دكتورة
    جيت اسلم عليك وابارك ليك العيد


    وكل عام بصحة وعافية
                  

12-23-2007, 12:13 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: إدريس البدري)

    ادريس البدرى

    كل سنة وانت طيب يا اخوى

    بس ماشى ووين ده ماممكن كدى اقعد اشرب معانا شوية من ليمون الكلام المر ده!!


    وبعدين قول لينا رأيك
                  

12-23-2007, 12:11 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: عمر سعد)

    عمر سعد يافهم!!

    اهو ده الخيط المفيد... طيب ياخى مالك ومال قصة {العوين} دى؟

    مداخلتك دى فيها اضاءات مفيدة جدا وبمزيد من الحوار بنفتح كوة فى عقولنا وبنقدر نشوف الطريق البيدلنا على كتابة حاضر انسانى وغفران مامضى ما ممكن يحصل لو ما قرينا التاريخ ده قراية صاح وبموضوعية...

    عندى مقال جاهز فى الخصوص ده لكن قلت بدل ما انزله حسع اشوف رأيكم ورؤيتكم للموضوع
    وكل مداخلة فيها اشارة ما لموضوعنا,,,

    خليك معانا ولو فرسة الحوار اتمردت ماتنسى تهدىء من روعها بس اياك من {عايرة وادوها سوط}، اها شوف ليك مثل؟

    وبعدين زى {{{{لاتشترى العبد الا والعصا معه}}}}، ده كلو محتاج لقراية وفكفكة صواميل..

    ونهارك طيب
                  

12-23-2007, 11:34 AM

العوض المسلمي
<aالعوض المسلمي
تاريخ التسجيل: 11-27-2007
مجموع المشاركات: 14076

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    الظاهر انه يومك الطويل والعجيب داك لسه مجهجه باكاتك
    وشنو يعني عب ومراه يعني خلاص شئ بتغير مافي
    واريتك قلتي المراة كان بقت فاس ما بتقطع الراس
    وزي ما قالوا الشربوت مؤثر علي الناس كلهم بعد اكلوا الضحيه

    مع تمنياتي لكم وكل عام وانتم بالف خير

    ابوتسابيح
                  

12-23-2007, 11:50 AM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: العوض المسلمي)

    شوشو ام واصل

    قلنا نسلم وكدى يابت أمى فى باقى الحبة الفاضلة من العيد ده سمح؟
                  

12-23-2007, 12:24 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: نادية عثمان)

    تسلمى ياندوية ياحبيبة

    بس ديرنك بهنا,,,,
    يدك وقلمك معانا....

    ده دور الصحافة الجادة البغوص فى اللحم الحى وتنطفو من حسكنيت اللا انسانية..وانتى كلك انسانية
    تعالى خلينا نشوف قصة الحمى النزفية دى، دايما بنكتشف الحاجات متأخر، ياختى نحنا ببنزف من ما اترفع علمنا وغنوا {يابنى السودان هذا رمزكم} وبنات السودان ياحليلن!!


    كونى بخير
                  

12-23-2007, 12:20 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: العوض المسلمي)

    أبو تسابيح كل سنة وانت وتسابيح وامها بخير وربنا يديكم العافية ويخليكم لبعض..

    Quote: واريتك قلتي المراة كان بقت فاس ما بتقطع الراس


    ماهو ده الموضوع ذاتو!!

    الفكرة قراية وتحليل كلام وامثال كتيرة بتتقال فى حياتنا وتاريخنا وبنمر فيها مرات بدون ماتوقفنا
    وبدون مايعتر لينا حجرها... اها فى امثال كتيرة قاعدة لى زى الحرقص فى عقلى، بس حرقص مابيرقص براهو... لانو بيحتاج للتفكير والحوار الجمعى...

    المرة كان بقت فأس مابتشق الرأس
    المرة بيدقوها باختها
    عايرة وادوها صوت
    المرة تبروكة تصلى وتلفها
    ومثل تانى ليهو علاقة بين المرة والحمارة

    عندى بحث عن صورة المرأة فى الأمثال السودانية نشرته قبال سنين هنا مالاقياه.. ساجتهد ان اجده لتعم الفايدة ...

    اها يا ابا تسابيح القضية تجاوزت اليوم العجيب لحكاية اعجب كتييييييير

    ونهارك طيب يا اخوى
                  

12-23-2007, 12:34 PM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)



    بالله يا اشراقه ما تحرقى لى روحى انا الشمس سيحت صنقورى
    بوستك ده ختيهو بالجنبه هسه... ده شنو ده هسه نقوم نفك فيك دبرستنا دى!!!!
    اها لسه منتظره و نشوف اخرتك شنو؟ وكان عاد وصلتو لاتفاق بالغاء العرض.. كلمونا .. خلونا نقعد لينا تحت ضل و نكب لينا ذيت سمسم فى صنقورنا!!!
                  

12-23-2007, 12:42 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Siham Elmugammar)

    Quote: اها لسه منتظره و نشوف اخرتك شنو؟ وكان عاد وصلتو لاتفاق بالغاء العرض.. كلمونا .. خلونا نقعد لينا تحت ضل و نكب لينا ذيت سمسم فى صنقورنا!!!



    كل سنة وانتى طيبة ياختى وتبرى من تسيييح الصنقور...
    الجولة الأولى انتهت بنجاح ياسهام وفى يناير بعد عودة الطرف الاساسى المفاوض حانعود لمائدتنا المستطيلة، اصلو الدوائر المستديرة دى مابتكون مفيدة ولو ما ادت الى بيان نذيعه فى تسع يونيو!!

    اها ياختى لمى طوبك بالجنبة كدى وتعالى لينا فى {تمارين يوقا لاجل الحياة} بس مستنية ممكونة تظهر
    عشان التمارين دى مهمة جدا قبال مانبدأ جولتنا التانية...والاماكن قليلة عشان كدى احجزى من حسع لانو ممكونة هى {ناظرة} مدرسة التمارين دى,,, اول مرة اشوف لى ناظرة تغييب كدى

    بس اطمنك العرض قايم قايم لامحالة...لحدى الزمن ده عليك الله ماتكملى زيت السمسم انا بموت فيهو لدرجة انى فى فترة من عمرى حظيت باسم ام سماسم الله يطرى صاحبى زوربا ابو مدى بالخير، حس اعمل شنو فى فولى ده.. الفول فولى زرعته وحدى...

    أها امشى الضل يناير مابعيد
                  

12-23-2007, 12:56 PM

العوض المسلمي
<aالعوض المسلمي
تاريخ التسجيل: 11-27-2007
مجموع المشاركات: 14076

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    اشراقه
    كيفك وكيف واصل والاموره
    وكل سنه وانشاء الله كلكم تامين ولامين ومبسوطين
    اها
    بصراحه نحن عاداتنا دي ما بنخليها والله لو المراة طلعت القمر
    ياها ذاتها الماعون الذي يجب علي ود العم ان يغطيه
    عرفه يغطيه ليه علشان اصلا في اعتقادهم ان المراة ماعون كاشف
    وكمان نحن في السودان ما عندنا تكريم للمراة
    عارفه ليه
    لاننا نعمل بالمعتقدات القبيليه والتاريخيه وما عندنا علاقه بالدين وما قال في المراة
    يعني انتي ونحن نقاتل ونكافح من اجل اشياء صعب تحقيقه الان
    وحتي المثقفين ما كان عندهم اي دور في المواضيع دي
    يعني سلبيه من المثقفين كمان

    ودمتي والاسره بالف خير
    ابوتسابيح
                  

12-24-2007, 09:10 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: العوض المسلمي)

    Quote: وحتي المثقفين ما كان عندهم اي دور في المواضيع دي
    يعني سلبيه من المثقفين كمان


    ابو تسابيح شكرا لتواجدك الايجابى ..

    شكرا للاشارة ودى بتقودنا الى اذدواجية معايير المثقف/المثقفة فى كتير من قضايانا الاجتماعية..
    ودى فيها اضاءات يمكن تناولها من زوايا مختلفة.. شكرا تانى
                  

12-23-2007, 01:12 PM

إيمان صالح
<aإيمان صالح
تاريخ التسجيل: 11-02-2005
مجموع المشاركات: 1811

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)


    الفاس يا يابا اليفلق ريسينكم الزي اللدايات ديل




    ايمان
                  

12-23-2007, 01:18 PM

Giwey
<aGiwey
تاريخ التسجيل: 09-03-2003
مجموع المشاركات: 2130

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: إيمان صالح)

    إشراقة مصطفى


    العيد الجاب الناس لينا ما جابك!!!!!!!!


    كل سنة وإنت والأسرة الكريمة بألف خير
    ومن العائدين إن شاء الله.....


    عبد الرحمن
                  

12-23-2007, 04:51 PM

ibrahim kojan
<aibrahim kojan
تاريخ التسجيل: 03-29-2007
مجموع المشاركات: 1457

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Giwey)

    اسمعي يا اشراقه هوووووووي! العنوان ده عجيب لكن انا في راي البسيط ده.. انو حاجه كلتوم في سوق مليط كانت تعمل في الجزاره..
    وسيجارتا قصبه .. في واحد عامل فيها راجل وكده.. قام قال ليها (...........)!!
    قالت ليهو والله تجي بي جاي تاني .. اكسر راسك الكبير ده بالفاس وأقسم لحمك لي كلاب الجيران...(يقال انو كلتوم كتلت ليها باحش) يعني اسد!! وكل اولاد القبيله فزوا.. ومن يومها كانت تلبس جلابيه وعمه..!وتعمل في الجزاره...اصلو ما في راجل مالي عينا..
    مداخله تانيه..
    الشربوت احسن حاجه يزيدوهو سكر وحبة خميره.. ويختو في حته دافيه يومين تلاته كده...
    بعدين يعاد تصفيتو من الحرترت..
    ويشرب علي الريق .. يفكها الله بعد داك... لانو الواحد حيكون واقف ضنب قرد.. ومولع (فوانيسو للصباح) او في روايه اخري لمباتو!!
    كل السنه وانت طيبه يا الممكن تكسري الف راس..
    كوجان
                  

12-24-2007, 08:42 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: ibrahim kojan)

    Quote: ومن يومها كانت تلبس جلابيه وعمه..!وتعمل في الجزاره...اصلو ما في راجل مالي عينا..


    إحم ياكوجانا!!

    ال sexism

    {مره} فى {زى} جزار، اها الجزار ده ما {عب}

    Quote: اسمعي يا اشراقه هوووووووي! العنوان ده عجيب


    زى عجابة{المره ولا دستة الرجال}!!

    الكوتيشن ده خليهو كدى بجيهو بروقه!!


    ______________________________________________________________________
    كيفنك؟
                  

12-24-2007, 08:33 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Giwey)

    قوى ياصاحبى الزماااااااااااااااااااان

    مستنية الاعياد الجاية عشان اجمع كل حزم مشاعرى واجيك بالعديل والزين...


    السنة الجاية عريس يا اخوى






    _______________________________________________________________________________
    كيف كان العيد وابوحراز ونيمتكم الهادلة بصوت عمنا قوى وهو يتلو القرآن فجرا؟
                  

12-24-2007, 09:36 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: إيمان صالح)

    ايمان.. قلتى لى للدايات؟

    حبوبة صحىّّّّ!!
                  

12-23-2007, 09:57 PM

انعام حيمورة
<aانعام حيمورة
تاريخ التسجيل: 06-29-2006
مجموع المشاركات: 11094

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    دكتورة كيفك ..

    قريت الكلام دا وأومن على الخاتمة .. وفعلا من هنا مفروض نبدأ ..

    Quote: أنا عنصري.........من هنا نبدأ
    مجدي اسحق
    [email protected]
    الحوار المتمدن - العدد: 1453 - 2006 / 2 / 6


    يرتفع في السودان اليوم جدلا في محاولة لرأب الصدع ولردم جسور الثقة بين أبناء الوطن الواحد الذي انهكته سنين الحرب والاقتتال.لا نختلف في ضرورة ازالة البنية الطبقبة والاقتصادية التي ساهمت في التكريس للتمايز والتنافر والتناحر العرقي ان ضرورة تغيير البنية التحتية يجب ان يواكبه تغييرا ايجابيا علي مستوي وعينا وعلي مستوي البنية الفوقية
    اننا شعب عنصري وكل منايحمل بذرة او شبهة من عنصرية.

    ان العنصرية تعيش بين مساماتنا وتختلط انفاسها مع حروفنا وكلماتنا وسلوكنا.

    تتفاوت مساحة العنصرية في دواخلنا علي مدي تمدد قيم الوعي في دواخلنا وسعينا الواعي والجاد لتجاوز ارثنا المتخلف.
    لقد ترعرعنا في أسر مشبعة بالعنصرية في كل مفاصل حياتها و ثقافتهاو سلوكها اليومي.
    ان العنصرية رغم انها تتجلي علي مستوي سلوكنا الشحصي و لكننا نستطيع ان نري كيف انه قد تصبح سلوك متجذر في وعي المجتمع ليصبغ السلوك الاجتماعي فتصبح المؤسسة عنصرية في سلوكهاو ممارساتها.
    ان السلوك العنصري قد يكون سلوكا واضحا او مستترا ونري السوك العنصري الواضح في المجتمعات المتخلفة التي لا ا يري افرادها في العنصرية سلوكامرفوضا مخجلا يستحق التبرؤ منه لذا نجد اللغة و السلوك العنصري منتشرا علي مستوي الحياة اليومية كما نراها اليوم في مجتمعنا حيث الفاظ عب عببد خدم وغيرها جزء من السلوك اليومي المقبول لقطاع واسع من مجتمعنا.
    لفقد تفتحت اعيننا علي الحياة ونحن نري التقسيم العنصري لودالبلد ود العرب والعب وتشبعنا بمفاهيم التقسيم الاخلاقي والطبقي بين اولاد البلد و العبيد.هناك المهن الهامشية والحقيرة التي ارتبطت باللون الاسود والتي يترفع منها اولاد العرب وخير مثال كان وما زال خدمة المنازل ونقل الفضلات الانسانية.علي المرأة يقع الاضهاد المزدوج فهي امرأة و خادم وتكسب بكل سهولة صفتها المذمومة بانها تمتلك اخلاق خدم وهي تعني التحلل الاجتماعي وانعدام معايير الشرف والاخلاق ولذا ليس مستغربا ان تصبح مهن الاستغلال و الاستلاب الاجتماعي مرتبطة بشريحة اجتماعية نصفها بالخدم كاقصي معان الاستلاب من خدمةالمنازل و صنع الخمور والدعارة.لذا تصبح مقبولا ان تنتقد من يتجاوز هذا التابو من الشرائح الاجتماعية الاخري منتقدا بانو دي ما شغلة اولاد عرب.
    هذا التقسيم العنصري للمواطن خلق مستويين من المواطنة لها مستويين مختلفيين من الحقوق والواجبات فحقوق اولاد العرب و اولاد البلد تختلف من حقوق العبيد حيث نجدهم مواطنيين من الدرجة التانية فحقوقهم مستباحة حتي امام القانون فما يتعرضون لهم امام البوليس قبل و بعد الاعتقال يندي له الجبين ولا يقابل بالاستنكار او الامتعاض عادة.
    التواصل الاجتماعي بين الشريحتين فيه كثير من القوانين و السلوكيات المتجذرة المغلفة بالكثير من الحذر و النفاق الاحتماعي الذي يطفو للسطح عند الاختلاف اوفي محاولات نادرة و ساذجة لتجاوز التابو.
    الزواج وقضايا الزواج بين الشريحتين تابوقد افلح القلة في مواجهته وتصبح حكاية السؤال عن العريس او العروس او البحث في جذورهم بحثا عن عرق او شبهة ارتباط عرقي مع شريحة العبيد ضرورة اجتماعية قبل اعطاء الموافقة اوالرفض عند شريحة اولادالعرب.
    هذا الواقع تؤسس له مؤسسات الدولة وادواتها التنفيذية والثقافية فقد ترعرعنا في سلطةاحادية تحكمها ثقافة البلد بلدنا ونحن اسيادها و نحن اولاد بلد نقعد نقوم علي كيفنا ثقافة لا تشتري العبد الا و العصا معه ثقافة المرة مرة والعب عب .
    تاريحنا السياسي القائم علي مقولة المؤتمر وهي تنشد امة اصلها للعرب لذا لم يكن مستغربا التعالي علي القوي السياسيةالمهمشة و دمغها بالجهل وعدم المعرفة و الانتهازية وعدم الامانة. ليصبح الوعي الاجتماعي العنصري متعايشا مع رفضهم لفكرة البلد التي رئيسها عب.ان الثقافة الشعبية مشبعة بالامثال الاغاني والنكات التي تقنن للعنصرية والتي تكرس لثقافة التعالي و الاستلاب.
    ان الوعي العنصري يفرز مستوي من الوعي الذي يبرر هذا السلوك لدي الشرائج المضطهدة (بالكسرة) ولكن في نفس الوقت يفرز وعيا سلبيا عند الشرائح المضطهدة والمقهورة ليبتج خليطا من الغضب و السلبية والعنصرية المضادة.لذا نجد مصطلحات سلبية من مندكورو و الجلابة و اولاد العربة باعتبارها صفات سلبية تمثل الخبث الظلم والخداع.

    رغم ان طرحي يعكس السلوك العنصري بين الشمال و الجنوب باعتباره الاكثر وضوحا و لكن حتما فهو لايدعي بانه السلوك العنصري الوحيد في مجتمعنا بل نستطيع ان نقول ان العنصرية تنشر في كل مستوي العلاقات الاجتماعية بين شرائح مجتمعنا المتباينة.

    ان العنصرية التي تتخلل مساماتنا من شماليين جنوبيين غرابة او من ابناء الشرق تفرز ثقافة سلبيةتحكم العلاقات الاجتماعية بين ابناءالوطن الواحد لتتعمق جذور التنافر و عدم الثقة.ان هذه الممارسات تعكس ضعف النسيج الاجتماعي وهشاشة التركيب الاجتماعي في بلدنا.
    لا احد يحلم بعصا سحرية ان تزيل كل ذرات العنصرية من مساماتنا.ولا احد ينتظر ان تزول كل ملامح العنصرية حتي نستطيع ان نعيش في وطن واحد.يمكن ان نحلم بوطن موحد يحكمه التسامح والمساواة حتي مع وجود هذا المستوي من العنصرية ولكن ما يهم الان هو الاعتراف بوجود العنصرية والالتزام بضرورة العمل لتجاوزهاباعتبارها اول خطوة في الطريق الصحيح.أنه من الاهمية بمكان ضرورة تجاوز ثقافة التجاهل و التعامي والتغابي الاجتماعي والرضا المزيف بالمسكوت عنه و تحاشى الدخول في المناطق المحرمة التي يجب ان تتعري وان نفتح كل الغرف المغلقة لضؤ الشمس القادم.

    رغم ان هذه المداخلة تتلمس ضرورة تطوبر الوعي الذاتي بداء العنصرية الذي يعيش في مسامنا ولكن الحل لن يتم علي المستوي الفردي فقط,ان الواقع يطالبن بالاعتراف بكل الاخطاء التاريخية لترميم الجسور حتي نتجاوز المرارات استنادا علي منهج الصراحة والشفافية. ان الطريق يبدأ بغربلة كل ارثنا الثقافي و الاكاديمي من شبهة العتصرية. ضرورة تفكيك البنية الاقتصادية و الاجتماعية التي تعيش علي هذا الواقع وتغذيه. ضرورة قيام المؤسسات القانونية والاجتماعية و الثقافية التي تكون مهمتها الاساسية محاربة العنصرية و التعالي واقصاء الاخر.


    الرابط :http://www.ahewar.org/debat/show.art.asp?aid=56609
    التعديل لايراد الرابط

    (عدل بواسطة انعام حيمورة on 12-23-2007, 10:01 PM)

                  

12-24-2007, 09:33 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: انعام حيمورة)

    انعام النعمة الطيبة

    شكرا كتير لمنحى الفرصة لاقرأ ماخطه صديقنا مجدى اسحق.. احد الحادبين ومن سنين بعيدة على مصلحة انسانيتنا.. مقال رصين ومفيد جدا وحايفيدنى كتير جدا فى التحليل اللاحق لمادتى فى هذا الخصوص..









    _____________________________________________________________________________
    شكرا للعولمة فى وجهها الاكثر ايجابية.. سعيدة بونستنا وانتى بتزيتى فى عربيتك مغرب اليوم بمواعيدنا.. عندكم بتكون فللت.. انتو ماعندكم حظر هواء؟ وصلتى سلامى للوليد الشغال فى الطرمبة.. فى عيونو شوق لبلد تحترم انسانيته
                  

12-23-2007, 10:11 PM

خالد العبيد
<aخالد العبيد
تاريخ التسجيل: 05-07-2003
مجموع المشاركات: 21983

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    اشراقة العزيزة
    تحياتي
    وشوق لي ايام زمان!
    في مثل سوداني بيقول:

    الراجل افجخي بصلة قبل ما يبقى أصلة!!

    شفتي التحريض والفجخي ده
    ارجع تاني ولا بتفجخوني؟

    شوق ومحبة ليك
                  

12-24-2007, 09:06 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: خالد العبيد)

    Quote: الراجل افجخي بصلة قبل ما يبقى أصلة!!


    ده بينتمى لامثال القهر والقهر المضاد...

    شكرا للاضافة ياخالد

    وعيد سعيد ياصديقى ولرقية والصغار كل المحبة
                  

12-23-2007, 10:48 PM

عمر سعد
<aعمر سعد
تاريخ التسجيل: 05-31-2007
مجموع المشاركات: 2468

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    عارفة يا دكتورة وانا صغير شوية يا دوب فى العام

    فنوى يعملو ختان لبنات اختى طبعا اعترضتة بشدة شديدة وكلمت ابو البنات قام قال لى

    كلم امهاتم اها مشيت للامهات قالو لى امك اى الحبوبة قلت ليهم سهلة غشوها

    اطلعو وتعالو وخلاص ...................اتكشفت الخطة اخر لحظة من بنت عمتى عارفة اعترضت وطردتنى من البيت وقالت لى دة ما شغل رجال كمان جاى انتة الشافع دة تورينا

    ووقع الفاس فى الراس لية لانو تدخل النساء لقهر النساء اكبر من تدخخل الرجال لقهر النساء وقيسى على ذلك ......................................................

    الامثال ما حاتنتهى لانو الوعى فى السودان مغبش واكثر الذين تخافين منهم ما يسمى بالمثقفين
    يمكن ان تعملى وسط غير المثقفين وتنجحى لكن لا يمكن العمل وسط المثقفين لانو الثقافة عندنا كلام وكلام وكلام دون تطبيق ......................

    واكثر النساء قهرا اللاتى تحت قبضة ما يسمى المثقفين وانا مسؤل عن كلامى هذا
                  

12-24-2007, 06:45 AM

رأفت ميلاد
<aرأفت ميلاد
تاريخ التسجيل: 04-03-2006
مجموع المشاركات: 7655

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: عمر سعد)

    صباح الخير يا إشراقة

    موضوعك ده من المسكوت عليه .. صم بكم .. والبفتحو .. التجاهل .. التجاهل أو العداوة .. العداوة

    جربت زمان بعنوان إستفزازى عب بى سـيدو ولا حرآ مجهجه وما هببو لى زول ..

    بجيك برواقة بعدين رغم إنى مريت بالمداخلات سريع ولقيتا معايده وحاجات زى دى ..

    فى بوست تانى بتاع عثمان رغيم خاتينى فى وشه من أمبارح رأفت ميلاد ونسة دراشة بي جاي , كيف نمجد المناقص؟ مافى زول هبشه .. لكن برجع ليه وأسخنو ومعاى مراجع المهدية .. وكتابات شوقى بدرى

    إنشاء أكون فى لب الموضوع عشان ما قريت كويس

    سلامى
                  

12-24-2007, 08:40 AM

Najlaa El Mahi

تاريخ التسجيل: 07-17-2007
مجموع المشاركات: 434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: رأفت ميلاد)

    العب عب والمره مره

    العزيزة اشراقة كل سنة وانتى والحلوين واصل ومرافىء بالف خير
    تسمرت امام موضوع هذا البوست كثيرا وطافت بى مواقف عدة وللمصادفة كانت ولا زالت تحيرنى دوما كلمة عب هذه؟؟ فمن هو العب؟ ومن هم الاخر الذى يمتطى صهوة جواد الاستعلاء والسمو؟ فاذا دلفنا الى كل البيوت سنجد دوما هناك الغرفة البعيدة التى تتوارى تحت ظلالها حبوبة خادم الله او ليمونة او جدو مكى؟؟
    اذا لماذا التوصيف بالعنصرية الى من ننتمى؟ اقول رغم التداخل الاسرى فى السودان والتزاوج والتصاهر الذى تم بين مكونات هذا الشعب لايزال هناك من يريد ردم اصولهم ويهيل عليها ترابا ثقيلا ويبنى من فوقها جدار سميك على الرغم من تماثل الملامح .
    ان اجترار الامثال واسقاطها على الواقع الان على الرغم من نحتها فى حقبة تاريخية معينة الا انها اصبحت متداولة بالوراثة فهل نحن نرث التاريخ بكل تشوهاته؟ وهل نحن ابناء ذلك التأريخ؟ و كيف لنا تخطى حدود الحاجز الفاصل المورث اذا اخذنا ما خطه مجدى اسحق فى مقاله الذى اوردته الاخت انعام فى مداخلتها؟
    Quote: لفقد تفتحت اعيننا علي الحياة ونحن نري التقسيم العنصري لودالبلد ود العرب والعب وتشبعنا بمفاهيم التقسيم الاخلاقي والطبقي بين اولاد البلد و العبيد.هناك المهن الهامشية والحقيرة التي ارتبطت باللون الاسود والتي يترفع منها اولاد العرب وخير مثال كان وما زال خدمة المنازل ونقل الفضلات الانسانية.علي المرأة يقع الاضهاد المزدوج فهي امرأة و خادم وتكسب بكل سهولة صفتها المذمومة بانها تمتلك اخلاق خدم وهي تعني التحلل الاجتماعي وانعدام معايير الشرف والاخلاق ولذا ليس مستغربا ان تصبح مهن الاستغلال و الاستلاب الاجتماعي مرتبطة بشريحة اجتماعية نصفها بالخدم كاقصي معان الاستلاب من خدمةالمنازل و صنع الخمور والدعارة.لذا تصبح مقبولا ان تنتقد من يتجاوز هذا التابو من الشرائح الاجتماعية الاخري منتقدا بانو دي ما شغلة اولاد عرب.

    المره مره تأكيد ايضا لوراثة التأريخ دون تفكير فان كانت المرأة مخلوقا غير فاعل فى المجتمعات الغابرة لنا ان نتساءل ولماذا كان اقصائها فى الاصل اكان هذا باختيارها؟ ام فرض عليها؟ ومن فرض عليها بان ينظر لها دوما كمخلوق ضعيف غير قادر على انجاز اى شىء؟
    ويبقى السؤال غارزا اظفاره الحادة فى كيف لنا نحن ابناء هذا الجيل ان نعمل على تخليصنا من افة التداول التاريخى هذه لمثل هكذا امثال هذا ان سلمنا بان هذه الامثال وليدة ظرف معين فى زمان ما كما اوجزها الاح عمر سعد؟
    اشراقة اظن ان قطار الرحلة المنهكة يسكن ذات محطاته على الرغم من تمدد مساحات البوح فى المسكوت عنه ولكن من اين لنا بالوعى القادر على تكسير تجمد الخطوط الحادة فى حياتنا؟

    بجيك راجعة

    مودتى
                  

12-24-2007, 12:49 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Najlaa El Mahi)

    *
                  

12-24-2007, 03:10 PM

wd al geran
<awd al geran
تاريخ التسجيل: 09-08-2003
مجموع المشاركات: 670

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    كيفك دكتورتنا الفاضِلة إشراقة

    اول بالتبادي إستوقفني هذا الكوتيشن:

    Quote: اظن ان قطار الرحلة المنهكة يسكن ذات محطاته على الرغم من تمدد مساحات البوح فى المسكوت عنه ولكن من اين لنا بالوعى القادر على تكسير تجمد الخطوط الحادة فى حياتنا؟
    فقلت أاكِد على روعة (هكذا) تعبير ..
    شُكراً أستاذة نجلاء.


    ثاني بالتبادي:
    Quote: ورينى عدلت شنو عليك قبايل العيد!!
    قلنا نجبر بي خاطرك ..
    فليست من هُن في مِثل مقامُكِ مِن مَن يُسفّه لهن سؤال ..

    انا ما كتب شئ ازيد مِن الكوتيشن الاخدو عصام جبرالله ..

    لكن الكوتشين دا - بعيد عنك - فيهو (طناص) عجيب
    ولعب باللُغة في مُستوياتها الشِعرية المتعددة وآفاقها
    الرمزية المفتوحة، وكما ايضاً به محمول جندري مُلتبس
    ينزع الى الإرتقاء لذات مُستوى موضوعة مُفترعك الغميس
    هذا عن المسكوت عنه مِن امثالنا الشعبية السالبة ..

    وما تاخدي في بالِك كتير
    سلِمتي ودامت ايامِك كُلها سعد أختي الفاضلة.





    يسِمّك يا تراجي كان تلقي شيتاً من الحميمية دي
                  

12-24-2007, 03:53 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: wd al geran)

    عارفة انا يااشراقة حبيبتى انو الامثال السودانية البتحقّر المرأة كتيرة لكن الغريب العرفتو انو معظم الامثال دي صاغت مفرداتها المرأة نفسها متمثلة فى حبوباتنا الزمان الكانوا بشوفوا انو جزء من تعظيم رجالهم هو ان يحقرّوا له انفسهن بفهم ولا من غير فهم مافاهمة أنا !!!!
                  

12-24-2007, 04:03 PM

wd al geran
<awd al geran
تاريخ التسجيل: 09-08-2003
مجموع المشاركات: 670

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: نادية عثمان)

    لاحول ولا قوة إلا بالله
                  

12-24-2007, 04:53 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: wd al geran)

    ود الجيران


    Quote: لاحول ولا قوة إلا بالله


    امنت بالله !!

    نعل ماعندكم عوجة اخوي ؟!!
                  

12-24-2007, 05:19 PM

wd al geran
<awd al geran
تاريخ التسجيل: 09-08-2003
مجموع المشاركات: 670

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: نادية عثمان)

    إنتي بتتكلمي معاي انا؟
                  

12-24-2007, 05:24 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: wd al geran)

    الاكرم ود الجيران
    Quote: إنتي بتتكلمي معاي انا؟


    أسفة لو ضايقك كلامي انا بس كان غرضي اطمّن انو مافي عوجة وكده
                  

12-24-2007, 05:37 PM

wd al geran
<awd al geran
تاريخ التسجيل: 09-08-2003
مجموع المشاركات: 670

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: نادية عثمان)

    Quote: أسفة لو ضايقك كلامي
    هو ضايقني ساكت؟
    ياخي كلامك دا جاب لي حُمّة عديييل ..

    يا ستي حصل خير .. وما دام الاسف.






    النقوم ننوم بعد دا
                  

12-24-2007, 05:54 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: wd al geran)

    الأكرم ود الجيران

    Quote: هو ضايقني ساكت؟
    ياخي كلامك دا جاب لي حُمّة عديييل ..

    يا ستي حصل خير .. وما دام الاسف.


    الف سلامة عليك من الحمي والله ماقصدت علا الاطمئنان وبس وتاني معليش سامحني لو ضايقتك


    Quote: النقوم ننوم بعد دا


    طيب (أبلع) حباية بندول ومعليش سامحني كان أنا السبب فى انك تنوم من الحمي من المغرب كده يعني ماقصدت ازعلك جد !!
                  

12-24-2007, 06:14 PM

انعام حيمورة
<aانعام حيمورة
تاريخ التسجيل: 06-29-2006
مجموع المشاركات: 11094

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: نادية عثمان)

    ندوية ..

    ود الجيران ناقصو المسنجر الداخلي (بس).. !!
                  

12-24-2007, 06:24 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: انعام حيمورة)

    ناعومي


    Quote: ندوية ..

    ود الجيران ناقصو المسنجر الداخلي (بس).. !



    وحاة الله يابت امي ماسويتلو شئ الله يكسّرنى لو قصدت اضايقو
                  

12-24-2007, 08:20 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: نادية عثمان)

    نادية صاحبتى السمحة!! {الله يسترنا من ديناخالد}

    يازول ماتحسسى دى حركات اولاد جيران ساى حسع لو جاء ود الحلة البعيدة بوريهو المكشم بلا بصل

    مع العلم انا ماعارفة المكشم شنو لكن ناس حلتنا كان ومازال جنهم يقولوا كدى لود الجيران البيجى من الحلة البعيدة عشان قصائدنا الحلوة
                  

12-24-2007, 08:27 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: انعام حيمورة)

    Quote: ود الجيران ناقصو المسنجر الداخلي (بس)..


    انعام ابقى دابك وداب تزييت عربيتك!!
    غايتو ود الجيران ده خط دفاع اساسى فى حركتنا الانسانية!!
                  

12-24-2007, 10:44 PM

انعام حيمورة
<aانعام حيمورة
تاريخ التسجيل: 06-29-2006
مجموع المشاركات: 11094

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    Quote: انعام ابقى دابك وداب تزييت عربيتك!!



    سعدت جدا باتصالك .. والله الكلام واقف لي في حلقي .. اسوي شنو ...

    اصلوا نحن تفاتيح خلاص .. لزوم التزييت وكدة ..

    مودتي لكي وندوية وسهران ياليل ..

    وكل سنة وانتو طيبين
                  

12-24-2007, 06:16 PM

wd al geran
<awd al geran
تاريخ التسجيل: 09-08-2003
مجموع المشاركات: 670

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: نادية عثمان)

    Quote: معليش سامحني
    لما تشوفي حلمة ودنك ..

    يا مُفترية






    ياخوانا زول اخو اخوان كِدة يجي
    يقيف معانا في الموقف العصيب دا ..

    أي زول .. إن شاالله تراجي
                  

12-24-2007, 06:36 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: wd al geran)

    ود الجيران

    Quote: لما تشوفي حلمة ودنك ..

    يا مُفترية


    أبوي قال لي لما الزول يقول ليك كده قولي ليهو .. الله يسامحك


    Quote: ياخوانا زول اخو اخوان كِدة يجي
    يقيف معانا في الموقف العصيب دا ..



    مع اني ماعارفة مالك وحاة ربي .. علا اتغظت منك عشان ماعارفاك مالك ياخ وعندي رغبة اقول ليك ..يحلك الحلا بلة بس ساي كده كان تابا كان ترضي
                  

12-24-2007, 06:46 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: نادية عثمان)

    شراقة الضوء..
    كل سنة وإنت بخير..
    ودايماً جميلة
    و
    الحمى النزفية دي إنتي لي مافي زول جاب سيرته..؟؟
    أعتقد عندها علاقة ..خطيرة..

    طيب ..
    أنا بقول الحمى النزفية....




    هبةالحسين
                  

12-24-2007, 08:15 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: هبة الحسين)

    كل سنة وانتى امورة يا هبة كتّابة ومليانة غناء ليوم جميل جاى

    صحى والله... العلاقة هى الحمى النزفية، تابعى معانا لمن البوست ده يقلب للصفحة التانية بوريكم/ن انا فكرت فيها كيف...


    خليك جنبنا تسعد عقولنا
                  

12-24-2007, 07:02 PM

wd al geran
<awd al geran
تاريخ التسجيل: 09-08-2003
مجموع المشاركات: 670

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: نادية عثمان)

    Quote: وعندي رغبة اقول ليك ..يحلك الحلا بلة بس ساي كده
    واركِز للبجيبها الريح .. تقيف إنتا ويشلها الريح ..

    وابقى العافية والدرب الوراك مسدود ..
    وشيل شيلتك ... بقيت للنُص ...
    لا حُلماً يجيب البر ...
    ولا حدود

    إنبليتا ..
    إنبليتا اخاتا الرملة
    ما تقع المكان الهش ...
    الممطورة ما بتبالي من الرش.

    هع انا اخوك يا بت الجيران ..
    وإن شا الله ندُك الشُغل ذاتو.

    اها يا زولة ..
    إنتي البلمع بلمع فوق كشافات المرسيدس دا شنو؟





    ياخوانا إنتوا إشراقة دي مشت وين؟
    لاّئن الله
                  

12-24-2007, 07:20 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: wd al geran)

    ود الجيران

    Quote: هع انا اخوك يا بت الجيران ..
    وإن شا الله ندُك الشُغل ذاتو.


    كان رفدوك بكري مابنفعك!!

    Quote: اها يا زولة ..
    إنتي البلمع بلمع فوق كشافات المرسيدس دا شنو؟


    ده (دوكو) من النوع (أبو كديس) بدلعوه بقولوا ليهو (ايشادو) بتعرفو؟
                  

12-24-2007, 07:37 PM

wd al geran
<awd al geran
تاريخ التسجيل: 09-08-2003
مجموع المشاركات: 670

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: نادية عثمان)

    Quote: بدلعوه بقولوا ليهو (ايشادو) بتعرفو؟
    الله عالِم ما بعرفوا لكن حاسي بيهو



    يا زولة كتر خيرك ..
    كدة كفاني تب.

    فُتِك بي عافية
    وان شا الله سماحتِك تدوم عليكي.



    التعديل عشان نعمِل الكسرة والضمة -
    ضمانا البلا اليخومنا.

    (عدل بواسطة wd al geran on 12-24-2007, 07:48 PM)
    (عدل بواسطة wd al geran on 12-24-2007, 07:50 PM)

                  

12-24-2007, 08:08 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: wd al geran)

    ود الجيران ونادية بت جيرانا {ده بيعنى انو بيتنا نحنا فى النص}

    كتر خيركم والله نعم الجيرة مسكتوا لى بوستينى/بوستيكم، ضحكتونى جد جد مازى ضحك {نسوان} الجنى بتاع ابوالريش التحت ده... يعنى ضحكت عشان فعلا ماسكنى ام ضحيكانه من اسبوع كدى فى محاولة للفرفشة فى السنة الجديدة باين عليها فشفاشها انتهت منو الحمى النزفية..

    Quote: التعديل عشان نعمِل الكسرة والضمة -
    ضمانا البلا اليخومنا.


    تبرى يا ودجيرانا من البلاء
    يا اخوى دايرنك تخم معانا بلاء البلاوى بتاعة تركتنا الثقافية العجيبة دى
    فخليك بالله مصحصح وماتقعد كتير جنب عمود الكهرباء يضربك ماس ولا حاجة


    نادية ... قلتى لى اسمو شنو؟ غايتو ده بحتاج ليهو فى الموضوع الجاى اللى اسمو {توسكا لمسة حنان}
                  

12-24-2007, 09:44 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    شوشو

    Quote: نادية ... قلتى لى اسمو شنو؟


    حسب سمعي قالوا (آيشااااااادو) يعنى منكير الجفون يابت امي قادر الله


    Quote: غايتو ده بحتاج ليهو فى الموضوع الجاى اللى اسمو {توسكا لمسة حنان}


    توسكاااااااااااا لمسة حنان !!

    ياربي ده كان مسلسل ولا ريحة ولا بخور تيمان ولا شنو والله نسيت لكن متذكرة توسكاااااااا لمسة حنان
                  

12-24-2007, 07:40 PM

Abureesh
<aAbureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: wd al geran)

    ســلام يا دكتورة إشـراقـة،

    عاملـة فيينـا بتاعتك الجميلـة دى.

    جيت هنا فقط لأحكى قصـة الجنى.. قالوا واحـد فلاح مشى البحر (طبعـا إيمان حتقول
    ما فلاح، قالوا ليهـا داك كان سمـاكى) المهـم.. لقى جـرة كبيـرة فى
    الشـاطئ.. قام فتحهـا.. طلع منهـا دخان كثيف ملأ الجو.. بعـد شـويـة الدخان
    إتحول لجن ضخـم ينظـر الى الفلاح المسكين.. والفلاح مرعوب وخائف..
    الجنى بعـد ما طمأنه قال ليه ياخ أسمـع.. ما حأضيـع زمنى معاك فى حكاية
    الرغبات الثلاث.. عندك رغبـة واحـدة بس.. قولهـا لى هسى وأنا أنفذهـا ليك.
    الفلاح فكـر، وضرب أخماس فى اسـداس.. بعـد شـويـة قال للجنى:
    والله أنا من زمن نفسى أحج.. لكنى أخاف من الطائرات، وبرضـو من البواخـر..
    وحزين جدا أنى ما وجدت وسيلـة تالتـة.. ورغبتى أنك تعمل كبرى بين بورسـودان
    وجـدة عشـان أمشى عليه بعربيتى!
    الجنى فكـر شـويـة.. وبعـد قبل للفلاح قاله: ياخ انت كمان ما تبالغ.. كبرى
    شنو دا من بورسـودان لجـدة.. ياخ فكر فى كميـة الحديـد، والأسمنت، والإرتفاع
    الشـاهق عشـان البواخر تمر تحته.. وعمليات النقل الضخمـة للمواد..
    لا لا لا
    دى شـوف غيرهـا..
    الفلاح فكـر تانى، بعـد شـوية قال لجنى، طيب.. لو فكيت لى حيرة العمـر حأكون
    أسعـد زول فى الدنيـا.. انا ما بعرف النسـوان لما يضحكوا يضحكوا لشنـو، ولما
    يبكـوا يبكـوا لشنـو؟ ممكن تشـرح لى دى بس وما حأسألك من أى رغبـة تانيـة.
    الجنى حك رأسـو، وبعـد شـويـة قال للفلاح: قلت لى الكبرى بتاعك داك عاوزه يبدأ من
    شمال بورتســودان، واللا من المينـاء الجنوبيـة؟
                  

12-24-2007, 08:00 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Abureesh)

    Quote: الفلاح فكـر تانى، بعـد شـوية قال لجنى، طيب.. لو فكيت لى حيرة العمـر حأكون
    أسعـد زول فى الدنيـا.. انا ما بعرف النسـوان لما يضحكوا يضحكوا لشنـو، ولما
    يبكـوا يبكـوا لشنـو؟ ممكن تشـرح لى دى بس وما حأسألك من أى رغبـة تانيـة.
    الجنى حك رأسـو، وبعـد شـويـة قال للفلاح: قلت لى الكبرى بتاعك داك عاوزه يبدأ من
    شمال بورتســودان، واللا من المينـاء الجنوبيـة؟


    ابوالريش سلامات يا اخوى

    كدى فى الاول انت احوالك مأمنة كويس؟ عشان الكلام الفوق ده بجيب الهواء والكتاحة كمان
    ماهو ده ذاتو الخلى البلد تضحك وكت مفروض تبكى وتبكى وكت مفروض تضحك...


    كل سنة وانت طيب وكلامك ده مفيد للتحليل وبيدى اشارة الى كتير من الاساطير عن المرأة
    {لابتريدوها لابتحملوا براها} ده بيشبه كلامك الفوق ده او ودعمه كدى!!
                  

12-24-2007, 08:12 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: wd al geran)

    Quote: ياخوانا إنتوا إشراقة دي مشت وين؟
    لاّئن الله


    آمنت؟
                  

12-24-2007, 08:52 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: نادية عثمان)

    Quote: عارفة انا يااشراقة حبيبتى انو الامثال السودانية البتحقّر المرأة كتيرة لكن الغريب العرفتو انو معظم الامثال دي صاغت مفرداتها المرأة نفسها متمثلة فى حبوباتنا الزمان الكانوا بشوفوا انو جزء من تعظيم رجالهم هو ان يحقرّوا له انفسهن بفهم ولا من غير فهم مافاهمة أنا !!!!


    اها ياندوية اظنى عرفت عذاب المغنى ياقول مصطفى سيد احمد/ اقصد عذاب ودجيرانا...

    العرفة المقصوده فى كلامك ده عاوزة اثبات علمى وسند واضح يؤكد لينا انو المرأة هى التى صاغت اغلب او بعض هذه الامثال، مفروض نرجع نقرأ تانى كتاب الامثال السودانية ربما نصل لنتيجة او اشارة تدلنا على من القائل بهذه الامثلة؟
    لكن كدى نجك رأسنا بالجنبة كدى.. البيكون فى يدو السلطة هو الاقدر على الصياغات.. فرضية قابلة للنفى كما قابلة للاثبات..

    من جانب اؤكد ان هناك العديد من طقوسنا زى الطهور مثلا ولا العدل بيحتفن بيهو النساء {بدون تعميم} رغم الألم ورغم ريحة الدم الكان محلو يكون فى حتتو من غير ماتفسدو موس؟
    دى قضايا متشابكة وليها بعدها الاقتصادى والاجتماعى وبالتالى تحليلها ماممكن يتم الا فى النسقين ديل..

    شكرا ومزيدا من الضوء...
                  

12-24-2007, 09:31 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Ishraga Mustafa)

    Quote: العرفة المقصوده فى كلامك ده عاوزة اثبات علمى وسند واضح يؤكد لينا انو المرأة هى التى صاغت اغلب او بعض هذه الامثال


    حبوبتي انا شخصيا ياشوشو كانت بتقول كلام وامثال ماسمعتها الا عندها ماعارفة هي العملت صياغتها ولا منو لكن فى مجملها فيها تعظيم شان الرجل بما ينتقص من قدرها هي ..ده زمان لكن هسي مثلا نساء الزمن ده عندهن برضو أمثلة تحقّر الرجل زي مثلا وعفوا للرجال ده مثل سمعتو مامن تأليفي (الراجل زي الجزمة مكان تقلعيهو تجي تلقيهو ) او شئ من هذا القبيل وأكيد انتي برضو عندك ذخيرة من الأمثال دي موش ؟
                  

12-24-2007, 08:58 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: Najlaa El Mahi)

    Quote: المره مره تأكيد ايضا لوراثة التأريخ دون تفكير فان كانت المرأة مخلوقا غير فاعل فى المجتمعات الغابرة لنا ان نتساءل ولماذا كان اقصائها فى الاصل اكان هذا باختيارها؟ ام فرض عليها؟ ومن فرض عليها بان ينظر لها دوما كمخلوق ضعيف غير قادر على انجاز اى شىء؟
    ويبقى السؤال غارزا اظفاره الحادة فى كيف لنا نحن ابناء هذا الجيل ان نعمل على تخليصنا من افة التداول التاريخى هذه لمثل هكذا امثال هذا ان سلمنا بان هذه الامثال وليدة ظرف معين فى زمان ما كما اوجزها الاح عمر سعد؟
    اشراقة اظن ان قطار الرحلة المنهكة يسكن ذات محطاته على الرغم من تمدد مساحات البوح فى المسكوت عنه ولكن من اين لنا بالوعى القادر على تكسير تجمد الخطوط الحادة فى حياتنا؟


    يدك فى موضع الجرح ياصديقتى نجلاء النجلاء..
    الرد على كلامك ده حايجىء فى المادة المكتوبة اصلا بهذا الخصوص من شهور ومحتاجة اسندها بالمزيد من المنطق العلمى...






    __________________________________________________________________________

    لمن اكون متوازنة بحس اكتر بصاحبتى ست الشاى... اتصلت بيها الليلة واتونسنا وضحكنا وحكت لى عن احوالها واحلامها..صاحبتى وكفتيرة تاريخ يؤكد بان النساء قادمات وان طالت قوانين الاجحاف
                  

12-24-2007, 09:03 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: {{{ المره مره والعب عب }}}......وحكاية الحمى النزفية!! (Re: رأفت ميلاد)

    كل سنة وانت والاسرة بخير ومعكم نضىء شموع الميلاد المجيد

    Quote: لكن برجع ليه وأسخنو ومعاى مراجع المهدية .. وكتابات شوقى بدرى


    رجعتك حاتكون اضافة لينا بلا شك، استمتع بالعيد والكعك وشجرة الميلاد وتعال مليان بالحياة..
                  


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de