|
|
|
 Re: ملكة جمال التوب السوداني في المنبر (المحجبات يمتنعون) (Re: Kostawi)
|
| Quote: آآآ ى خليك كدة بس هدى ورضى لما تعملوها للمحجبات حنجى بطاقية نانسى |
الأخت الدكتورة روزمين
المحجبة
بعد التحية
لا ينقصنا إلا رؤياكم الغالية
نرجو من الله العزيز أن يحفظكم و يمتعكم بالصحة و العافية
____________________________________
يا بت رسلي التوب بلا حجاب بلا برنيطة معاكي
| |
 
|
|
|
|
|
|
|
|
Re: ملكة جمال التوب السوداني في المنبر (المحجبات يمتنعون) (Re: doma)
|
| Quote: ذوقك حلو في اختيار الاكسسوارات |
الاكسسوارات دى يادومة من زمن الغويشات بتاعة البلاستيك دييييييييييييييييك
كنت بشتريها من حلة فلاتة فى كوستى
اهاجر ليها هجرة
اها كبرت وكبرت المحبة دى معاى
لحدى مابقت قشرتى مع النسوان
------
جنى وجن الدهب
حسع عليك الله الفالصو ده كالو عيبيه لىّّ
| |
|
|
|
|
|
|
|
|
|
Re: ملكة جمال التوب السوداني في المنبر (المحجبات يمتنعون) (Re: Rawia)
|
Quote: وجاهة البنات لحدهن
تبارك الله!! |
د/ اشراقة سلامات
ياختى ده والله تواضع منك
التواضع شيمة الناس العينا ملاااااانه
تبارك الله عليك انتى والله غايتو توبك الابيض الشيفون مباااااااااااااالغه
مع الاكسسوار الاخضر دقرررررر يا يمه
عينى بارده وما شاء الله
بس كدى بينى وبينك كده بدون ما يسمع زول
الاكسسوارات المجيهه دى بتجيبيها من وين ياخية ؟
تسلمى وكل سنة وانتى طيبة
***
كوستاوى مسعول من الخير
اسامى التياب دى بتقلعا من وين ؟ وعلى اى اساس بتسمى التوب
توبى القلعتوا لى ده انا من وين ما عارفاك
وسميتو لى دور بينا البلد داك @@@
ما عارفه ياتو بلد يدور بيكم 
بصراحه التوب ده اسمو يا الاصفر ضميرك
| |
|
|
|
|
|
|
|
|
 Re: ملكة جمال التوب السوداني في المنبر (المحجبات يمتنعون) (Re: Kostawi)
|
| Quote: و الله يا راوية الله طلعكم من فلوريدا ساكت |
خردة انا هسة بعيدة من بتسبرج استنى لي ارجع عشان نشوف الحكاية دي
لكن صراحة ناسنا خاذليني طوالي كان ما الولاء الواحد كان قلب مع ناس فيلي
اها غيرنا الصورة بصورة الاديب محسن خالد
________________________________
شروق والله فتشت ليك كل صوري بالتوب لقيتها التوب نازل من راسي والتفة ظاهرة
لكن بلقى ليك لي بكرة واحدة ولو مالقيت بنزل واحدة بالتفة
انا برضو بحب التوب جدا وفي الفترة الاخيرة وبمساعدة الحبان عملت لي كولكشن بتاع تياب مابطال
بس مالاقية حتة البسهم فيها
الله يجيب السمح والمناسبات الحلوة عشان نلبس التوب
| |
|
|
|
|
|
|
|
|
|
Re: ملكة جمال التوب السوداني في المنبر (المحجبات يمتنعون) (Re: Ishraga Mustafa)
|
Quote: اكون مظيورة ياربى؟
|
اريتو ظار البنيات لى حدهن
كان كدى يانى لامه بقجة هديماتى من هسه ويا فكيك يا فينا
اطقم اكسسواراتى من هناك
واجى اقشر لى ناس دوما بى جاى
والله يا اشراقة وعلى قول دوما عندك حلاة اختيار وطقيم
غايتو ما شاء الله تبارك الله
النبى امشى اتبخرى ما تقوم تجيك جضمارة هسه وتقولى ديل ناس سوما
كوستاوى كتر خيرك مرقت لينا الجمال كلو الليله من ناس شروقه ديل
بعدين الاصفر ضميرك ده دلالة على انه الصفار الفى التوب فرض نفسو حتى على الضمير زاتوووو
| |
|
|
|
|
|
|
|
|
|
Re: ملكة جمال التوب السوداني في المنبر (المحجبات يمتنعون) (Re: عفاف ابوكشوه)
|
Quote: اريتو ظار البنيات لى حدهن
كان كدى يانى لامه بقجة هديماتى من هسه ويا فكيك يا فينا
اطقم اكسسواراتى من هناك
واجى اقشر لى ناس دوما بى جاى
|
مرحب بيك ياسومة
ومن ابريل يجى ابدى ستفى الشنطة
فيينا فى الصيف حلوة شديد
بتلبس اكسسوارات مجنونة ومظيوره معاها بتبقى الدنيا
اها مستنياك
قولى بس متين الجية وعليك علىّ ما اخلى ليك اكسسوارية حايمة فى البلد
بس ماتنسى توب الحرير التركوازى السادة {بدون نقشات وبدون فستون}- ظارى الايام دى فى توب حرير تركوازى ساااااااااادة
عندى واحد منقرش بحاجات بتلمع كدى، بتاع مناسبات يعنى
يالله من دربك ده على السوق
ودومة لمن تجىء المانيا من صينها البعيدة ديك بتجينا ولا مشينا ليها
تعالن نفكر فى الموضوع ده بجدية
ليه مايعملن النسوان اجازة براهن كدى يعنى حقت روحهن !!
اول اجازة فى فيينا ومرحب بيك ياسومة وكل ملكات جمال التوب السودانى
------
كوستاوى معزوم وبرضو دينق
وماتنسوا بالله فى ناس حلوين كدى جيبوهم معاكم ولو اتورطتوا وجبيتوهم يانى اللى بعتكم لحدائق المدينة
| |
|
|
|
|
|
|
|
|
|
Re: ملكة جمال التوب السوداني في المنبر (المحجبات يمتنعون) (Re: على محمد على بشير)
|
الكرمبا يا حبيب..
ســلامات وتحيات كتاااااارات
للأسف فات علي بوست ملكة جمال المنبر العزلتنا منه بسبب ضرورة الحجاب..
ما مشكلة.. هسع وفي بوست التياب السمحة دي نسرسب صورة يمكن تشترك..
ملحوظة هامة جدا: ياخ التياب الفوق دي اي توب أرهب (من رهيب وليس إرهاب ) من التاني
أفتخر بإمتلاكي 3 تياب. كلهم توتال لأني ما بعرف البس أي نوع تاني. بالله يا جماعة لو "أوكامبو" توتال أدوني خبر
| |
|
|
|
|
|
|
|
|
|
Re: ملكة جمال التوب السوداني في المنبر (المحجبات يمتنعون) (Re: Raja)
|
Quote: الأخ صلاح الأحمر تحية
ولدى العمرو 13 سنة عضنينو رجفن لمن شاف التوب و ست التوب
المهم بطريقتك معاه و بطريقتها معاه ،،أنا برا |
اسمع ياكوستاوي ياخوي، مافي حاجه اسمها (انا بره)، جيب الولد
وتعال اقيفوا في صف الخطاب ، واحسن تشوف ليك واسطه عشان
اضنين ولدك ديل يبطلو رجفان0
مع مودتيييييييييييييييييييييييييييييييييييييييييييي0
| |
|
|
|
|
|
|
|
|
|
Re: ملكة جمال التوب السوداني في المنبر (المحجبات يمتنعون) (Re: صلاح الأحمر)
|
الكرمبا
هكرونا و نهبونا
لكن إستعملنا معهم الخطة الكرمبليتية
و سيطرنا على الموقف و رجعنا كل التياب
علا توب أوباما!!!
بكري يبلغكم كل التحايا و الأمنيات الطيبة
و يعمل من أجلكم ليل نهار
ولا نامت أعين الجبناء
و عاش أوباما
و توب أوباما
غدا سأكمل باقي الصور إن شاء الله
عاشت ثورة أكتوبر
و عاش السودان
و رجال و نساء و شيوخ و أطفال السودان
كرمبا الأصلي
| |
|
|
|
|
|
|
| |
Ishraga Mustafa
Kostawi
doma
Rawia
Marouf Sanad
د.محمد حسن
عفاف ابوكشوه
JAD
حواء سليمان ابراهيم
صلاح الأحمر
هويدا شرف الدين
على محمد على بشير
Raja
فيس بوك
تويتر
انستقرام
يوتيوب
بنتيريست