|
|
|
 Re: هترشات الكرمبا (Re: bayan)
|
Quote: اللمين لكن ما لقيتك ختري عديل كدا
لما تفك التسجيلات مستعدين نشتريك |
انتي شفتي حاجة امانه ما في مواهب لسه ما طلعت
اما التسجيل معاكم صعب صعب مره واحده
يا بيان انا ما بقدر القى كل يوم اسمي في الصفحة الاولى
الكوز اللمين فعلته وتركته وانا عمري لا كنت مع الكيزان ولا مع غيرهم
الامنجي اللمين بي رتبة عقيد وانا عمري ما اشتغلت عسكري ولا حتى عسكري مطافي ساكت
اللمين بتاع السفارة ويعلم الله انا السفارة ما بمشي ليها الا كل سنتين لتجديد الجواز ودفع الضريبة
شفتي كيف التسجيل معاكم صعب
هلال مانشستر ومريخ ميرلاند وموردة تورتنو عايزيني لكن لحدي هسه ما اتسجلت معاهم رسمي وبلعب ودي مع ناس حزب البهجة
على أي حال شوفي مدير اعمالي ناذر الخليفة 
| |
 
|
|
|
|
|
|
|
|
Re: هترشات الكرمبا (Re: Kostawi)
|
من اجل أطفال دارفور
من اجل أطفال دارفور
من اجل أطفال دارفور
من اجل أطفال دارفور
من اجل أطفال دارفور
من اجل أطفال دارفور
من اجل أطفال دارفور
من اجل أطفال دارفور
شفت كيف يا أبو اللمين....هترشاتنا كيف بنحتاج ليها...و شكرا ليك وعلى فطنتك. ودا هو موضوع البوست! شفتا جنس الجري ده?....و الله ما عندي هدف في الدنيا دي إلا أن أرى أطفال كل السودان "يتشاركوا النبقة, و ما في طفل ما ياخد حقه"
لأنو أطفالنا يا ود اللمين ما عارفين زاتو عندهم حق.
ود اللمين و أنا في مأمورية لدارفور ...أثناء "ترحلي" من منطقة كلبوس قرب الحدود التشادية مارا بكبكابية متوجها للفاشر......"واريت" ما يقرب من عشرين "جثة"
ميتة....دفن رملا.
أديك الصورة:
لاندروفر جاري و سط صحراء.
ناس ماشا محازية طريق اللاندروفر "اللاندروفر المحازي طريق العربات الكانت بتمشي زمان" ....كل أنواع الناس و كل الأعمار.
طبعا تركت أثر "العربات الكانت بتمشي زمان -- و شكرا لها" و لكن كانت في عيون بتشوف و بتشم.... فهمت?
كل ما نملك, حينها, ثلاث علب طحنية...جركانة ماء و برميل بنزين و صف من بني الإنسان يمشون في طريق (طريق عربات ما معروفا جايا من وين و ماشا وين)....طبعا مافي شرق و لا شمال ...شرق شنو و غرب شنو?. بعدين الناس دي ماشة وين? سؤال خطأ طبعا!
?was it make any different
أمشي أمشي و إحتمال ود اللمين يعتر لي. و ألقا لي جرعة ماء ما أرباع.
| |
|
|
|
|
|
|
|
|
|
Re: هترشات الكرمبا (Re: Kostawi)
|
| Quote: شفت كيف يا أبو اللمين....هترشاتنا كيف بنحتاج ليها...و شكرا ليك وعلى فطنتك. ودا هو موضوع البوست! |
والله انا عارف دا موضوع البوست بس انا بحب اهترش و في الشغل لو ما هترشت ما بعرف اشتغل
واليوم الما اهترش فيهو تلقى الجماعة يعملوا حسابهم وطوالي اولاد بمبا يجوني ، هو في ايه يا استاذ منتش زي عوايدك ؟ وما يخلوني الا يعرفه انا مالي زهجان
| Quote: شفتا جنس الجري ده?....و الله ما عندي هدف في الدنيا دي إلا أن أرى أطفال كل السودان "يتشاركوا النبقة, و ما في طفل ما ياخد حقه" |
دي انا لمستها في كتير من مداخلاتك والله يديك العافية ويجي اليوم التشوف فيهو أولاد السودان ديل كلهم واحد | Quote: لأنو أطفالنا يا ود اللمين ما عارفين زاتو عندهم حق. |
اطفال شنو يا زول والله في ناس كبار ما عارفين عندهم حقوق ولا عارفين ابو النوم
مره عندنا واحد مشى لي ناس كدا في حي عشوائي وقال ليهم انا ح اجيب ليكم اكل وشراب ولبس ووو بس انو ادوني اساميكم كاملة ومسكهم ليك تسجيل والبعرف يكتب يوقع والبصمجي يبصم
وشال الورقة ومشى لي جماعة خيرية واتفق معاهم يزوروا المنطقة ويشوفوا حال الناس بعي عيونهم
وبعدها قام اجر ليهو صيوان كارب وساوند على حسابه الخاص وجمع ليك ناس الحله في اليوم المحدد الجماعة الخييرن جوا
مسكهم ليك خطبة عصماء عن حال اهل الحي والظروف الصعبة التي يعانون منها ووو
وتعال شوف التبرعات انهالت زي المطر
وطبعا هو رئيس اللجنة والناطق الرسمي والسكرتير الاعلامي والتنفيذي ليها كلها
بعد ما استلم ليك التبرعات جاب للغلابة ديل نصها بس ولهف الباقي !!
بعد كم يوم الجماعة حسوا انو الحاجات الجاتهم دي ما قدر الحاجات السمعوها بالميكرفون من الخيرين
بدوا ينقنقوا ويطنطنوا وفي ناس منهم مشوا لي صاحبنا دا عديل وسالوه عن بقية الحاجات
قالهم يا امه يا وهم هسه انتو كنتوا تتخيلوا تجيكم حاجات زي دي ؟
مرمين زي الروادي القديمة مافي زول جايب ليكم خبر
دا كتر خيري انا !!
وبعدين في مثل بقول بارك الله في من افاد واستفاد !!!
انا جبت ليكم حاجات ما كنتو تحلموا بيها كمان ما استفيد ؟
شفت كيف يا كوستاوي انحنا لي الان عندنا ناس كبار ما تعرف تجيب حقوقها خليك من الصغار
Quote: ......"واريت" ما يقرب من عشرين "جثة"
ميتة....دفن رملا. |
حاجة مؤلمة فعلا ومن راى ليس كمن سمع
الدنيا رمضان
ادعي معاي
قول يا رب تجنب بلادنا كل شر
يارب ينعم اهلنا في درافور بالسلام والامن الحقيقي
يارب كل مظلوم تاخد حقه من الظلمه
امين يا رب العالمين
بعدين ياخي مالك عايز تفطر بيان على دومه
بيان دي انت عارفها براك بت عز واصول
| |
|
|
|
|
|
|
|
|
|
Re: هترشات الكرمبا (Re: Kostawi)
|
من مقولات جيفارا:
(1) "أُفضلُ أن أموت واقفاً على أن أحيا راكعاً"
-------------------------------------------
(2) "يُمكنك أن تقتلع كل الزهور لكن لا يمكنك إيقاف طلعة الربيع"
------------------------------------------------
| |
|
|
|
|
|
|
| |
Kostawi
نادر السوداني
النذير حجازي
فيس بوك
تويتر
انستقرام
يوتيوب
بنتيريست