|
|
 Re: هذا أمر خطير !! اوقـفــوه !! (Re: haider osman)
|
الاخت مهيره
التحيات
اشكرك علي المداخله
| Quote: من ضاق سعر ومن سعر جن ومن جن كتلوه. |
والله يامهيره حا يجننونا معاهم... لا يمكن يصلوا لهذا الحد... اعوذ بالله ....
الاخ حيدر
التحيات
| Quote: لادراسات ولا يحزنون النسبة والعمولة |
طبعا الشغلانيه رجاله ساكت. ذكرتني ايام الانقاذ الاولي.
تعرق الجماعه الايام ديك ما شايفين في الدنيا إلا روحهم ومفتكرين الشفلانيه ( رجاله) طلعوا بي حاجه اسمها ( ترعة كنانه والمناقل) او حاجه زي دي! قاموا لموليك العالمين من اخر الارض، الكواريق والطوارئ والقفاف والكتاحه القايمه وحكايه اصلوا ما تصورها! قاموا فرضوا مبلغ مية جنيه للمشروع علي الكوته بتاعت البنزين ( افتكر كانت اربع جوالين)! اذكر مشيت الطلمبه اكب بنزين اول مره بعد القرار، الايام ديك ناس الأمن محتلين الطلمبات، والراجل قاعد ( وعامل ليه دفتر زي كشف البكاء) يكتب ويختم ليك في التذكره. معاي واحد فريبي قت ليه، انزل شوف (القلع الرسمي) وقدام الناس، والساعه تلاته ظهرا!! وبحكم اني كنت افندي سابق في الماليه كنت اعلم ان ما يقوم به الراجل نهب للمال بدون وجه حق. الغريبه الراجل كان قاعد والله ولا برمش ولسانه طويل جدا وخاتي الطبنجه جنبه! لمان عاين لي، فصدت اعاين للطبنجه بتاعته ( وهو لاحظ اني عاينت للطبنجه) قلت ليه بعد ما اديته المية جنيه: هو المشروع حايكتمل متين. فرد علي : العام القادم! وقام استفهمني قال لي انت ما مصدق ولا شنو! فقلت ليه: أبدا، انا بس عايز احضر افتتاحه- أديك ميه جنيه تانيه عشان تتموه في تسعه شهور!!!
بالمقارنه مع مشروعات اخري قناة السويس مثلا طولها 163 كيلو وعرضها 60 متر تموها الفرنسيين في عشر سنوات ( 1859 -1869)، كنانه والرهد ( حقيقة ما عارف طولها كم) الي اليوم ما معروف الحصل فيها شنو ولا الملايين الدفعها الشعب السوداني معروف راحت وين !! انا غايتو قلعوا مني زي عشرع الاف بضربها ونشوف التضخم وكده ونطالبها الدوله السودانيه ووزارة الماليه...!
ذكرت ليك القصه ديه عشان ننتذكر انه ناس الانقاذ ديل من يومهم الجو ( كان عندهم مسمار حالج) بفتكروا اي حاجه ممكن تعملها بالرجاله. تحكم بالرجاله، وتحفر بالرجاله ( جايبين الناس ومشغلنهم سخره) زي ما بحدث في بورما حاليا... يعني قصتهم فيها الغاء كامل للعقل وانجازات الحضاره من اليات حفر وخلافه... الان اكتشفوا طريقة ( الجمره الخبيثه) طبقوها في الكهرباء، مفتكرين انه المويه زي الكهرباء. معقول في زول ما عارف الفرق بين المويه والكهرباء بالنسبه لحياة الانسان !!! الكهرباء مما اكتشفها الانسان ما تمت ميه وعشرين سنه ولم يكن تطور الحياه قبل ذلك وكل الحضارات القامت وانهارت معتمده علي الكهرباء، اما الماء فبدونه لا توجد حياه البته!! هسي لمان كملت عليهم سبل نهب المال العام اتجهوا لاكثر القضايا حساسيه! والامر ديه لو اندفعوا فيه ( بجيب كارثه) !!!
في انجلترا مثلا ( قلعة الراسماليه) شركة المويه لا يمكن ان تقطع من اي منزل الماء! ولو الشخص ما دفع الفاتوره بتوديه المحكمه، والفرار بقطع الخدمه لازم يتخذه القاضي! وفي اغلب الاحيان يوجه القاضي بحل المشكله مع مؤسسات الضمان الاجتماعي اذا كان للشخص ظروف ماليه لا تمكنه من دفع الفواتير ولم اسمع قط باي شخص او مكان قطعت منه خدمات المياه... ياخي ديه زاته جريمه تقطع المويه عمدا من شخص لانه ما عنده قروش!! ناس الانقاذ فقدوا الاحساس تماما بقيمة حياة الانسان!!
البحصل ده والله يجنن !!
ما معقول .... ما معقول... لا يمكن يكون في شخص يفكر بالصوره ديه..
الناس ديه بتجي من وين !!!
اسف للاطاله
عسكوري
|
|
 
|
|
|
|
|
| العنوان |
الكاتب |
Date |
| هذا أمر خطير !! اوقـفــوه !! | Asskouri | 07-29-05, 07:47 AM |
| Re: هذا أمر خطير !! اوقـفــوه !! | إسماعيل التاج | 07-29-05, 08:46 AM |
| Re: هذا أمر خطير !! اوقـفــوه !! | Asskouri | 07-29-05, 08:52 AM |
| Re: هذا أمر خطير !! اوقـفــوه !! | ثروت سوار الدهب | 07-29-05, 08:52 AM |
| Re: هذا أمر خطير !! اوقـفــوه !! | Asskouri | 07-29-05, 09:39 AM |
| Re: هذا أمر خطير !! اوقـفــوه !! | بلدى يا حبوب | 07-29-05, 10:43 AM |
| Re: هذا أمر خطير !! اوقـفــوه !! | ثروت سوار الدهب | 07-29-05, 01:28 PM |
| Re: هذا أمر خطير !! اوقـفــوه !! | Asskouri | 07-29-05, 02:46 PM |
| Re: هذا أمر خطير !! اوقـفــوه !! | Asskouri | 07-29-05, 10:46 PM |
| Re: هذا أمر خطير !! اوقـفــوه !! | Elawad Eltayeb | 07-30-05, 03:35 AM |
| Re: هذا أمر خطير !! اوقـفــوه !! | Asskouri | 07-30-05, 04:16 AM |
| Re: هذا أمر خطير !! اوقـفــوه !! | Asskouri | 07-30-05, 06:21 AM |
| Re: هذا أمر خطير !! اوقـفــوه !! | Elawad Eltayeb | 07-30-05, 07:02 AM |
| Re: هذا أمر خطير !! اوقـفــوه !! | Asskouri | 07-30-05, 08:55 AM |
| Re: هذا أمر خطير !! اوقـفــوه !! | مهيرة | 07-30-05, 07:26 AM |
| Re: هذا أمر خطير !! اوقـفــوه !! | haider osman | 07-30-05, 07:25 AM |
| Re: هذا أمر خطير !! اوقـفــوه !! | Asskouri | 07-30-05, 10:38 AM |
| Re: هذا أمر خطير !! اوقـفــوه !! | Asskouri | 07-30-05, 05:04 PM |
|
| |
Asskouri
فيس بوك
تويتر
انستقرام
يوتيوب
بنتيريست