|
Re: مسادير يا أهل المسادير//(3).................. (Re: munswor almophtah)
|
قاعد بوسرر وأماتو نجعن منو جديا داب قرم برم الطلح حارمنو كحلا فى العيون برق السنون شالعنو داك عاشقو إستخل قيدو المتين دارعنو
راقدات باسـرَرْ نجعن كبار أُمَّاتِنْ جديات الخلا البرم الخريف ما فاتِنْ كاحلات العيون يتلاصفــن باسماتِنْ مجنون عاشِقِنْ حت إن سكن مانهاتِنْ
محمود "عربي الخلا"
| |
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
أريت البيك يزول "منصور" قنابلك يركَّنْ ولي تقنت جماعتك بي شداعة يدُكَّنْ المرض القبيل نوسربي فيا اتمكن سببو البي جمالها بنات فريقا يحَكَّنْ
محمود
حافظات للعب ورق الغرام هن شكن وقبال أرمى آس سبقنى جلن ودكن شاطبات عقلى دايما والمزاج كم عكنن وشارطات قلبى يوت عصب العشق كيف حكن
منصور
قل لهم (هاؤموا إقرأوا كتابى)
| |
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
Quote: شفنا البط بعوم والوز قفاهو بكاكى وشفنا الصيد قدل فرق الشدر متاكى شفنا القمرى طار شفنا الحبار الراكى شفنا الغيث نزل دقنا الدعاش الزاكى
منصور
|
شفنا الفي المدارس للنباغة يحاكي وشفنا الـ للجراح يشفي المريض الشاكي شفنا الفي الطعم تحلف تقول كنتاكي شفنا الناقصو في الرسمية لبس الكاكي
محمود
..
| |
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
الفخة
دوب يا الفَخة دوب وين القماري الفَرَّن ووين شدرك خَبَار نيران سمايمك اِضَرَّن هداكي المحل عندك برك واتجَرَّن وعودك باسَرَر فوقك تعُول ما كَرَّن
باكر بعد مايجيكي هطال البروق الفرّن بقومنلك شواقيراً زمان ما ورّن الزرقن صباح شال ام رويق واتقرّن وبادرلك خريف قلب الليالي الحرّن
سايق ضهري عام سالن جروف وخورّن والساري الحلوب مطراتو فاقن ودرّن اصبح رابط الضحوي البصب واتحرّن وسقايك كسر غادي وجواسرك شرّن
بعطنن فوق جواديلك تلوب وحورّن وابو الجاعورة بتدقو الكتيرها تورّن البرقة ام جرس رقت فحول وعبرّن ولي شدر العديد ناس ام قرين بتطرّن
عجبي السرحة والقش البعقرو بزرّن وبرعنو ام قريطع من جفاف ما انصرّن سماح نيلك دفر شايل قعوي وطورّن ويا بخت البشوف حزمك خضار وغدرّن هذه واحدة من روائع شاعرنا جمعة البري الكباشي والفخة هي بلدة وقرية جنوب ام بادر وهي (اضاه) ومنهل كبير ومورد مياه عندما يمتلئ في الخريف يكون ملتقي لقبائل الكبابيش والكواهلة وبني جرار وحمر وقبائل اخري خاصة في اواخر الخريف وبداية الشتاء (الدرت)
ودالمقدم
| |
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
بارك الله فيك اخى المفتاح ولا فض الله فوك
والله دائماً ما تحرك لواعج الشجن القديم فى نفوس كبلتها الليالى.
تلفونك ابى يجى معاى كلو كلو ما ادري ليش زى ما بقولو العرب .
ياخى انا تلفونى : 0097455300847 وانا مقيم فى الدوحة - قطر
تحياتى الزاكيات بلا حدود قدر ماسالن وديان هذه السارية ام تكيك.
تسلم اخى الكريم ولى عودة للمشاركة فى هذا البوست السمين والثمين.
اكرر شكرى الجزيل بلا حدود
| |
|
|
|
|
|
|
Re: مسادير يا أهل المسادير//(3).................. (Re: على احمد النعيم)
|
Quote:
عجبي السرحة والقش البعقرو بزرّن وبرعنو ام قريطع من جفاف ما انصرّن
سماح نيلك دفر شايل قعوي وطورّن ويا بخت البشوف حزمك خضار وغدرّن
|
ولقد أثار فينا حديث أخينا جمعة البري ودالكباشي شجوناً عن مناهلنا في (أب عرف) الكبير, تركناها خلافنا تسومها السوافي كيلاً نهاراً وليلاً.
فيا لإبداع الصورة وجزالة المعاني,
أحمد الشايقي
| |
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
الاخوة الاحباب منصور ود صديق اليوم الرياض مطر ودعاش وواوير وهمبريب
جمعتكم مباركة مقدما وهاكم شوارد من الدوبيت الراقي جدا ولكم مني خالص الود اخوكم عبيد
بعد ماكبرنا والقلب بي التديُّن لقّنْ
وراقن وهوننْ ؤيشاتو من داك دقّنْ
بانن لي درعاتنْ جباهن بقّنْ
وبي الحدق المزرقِنْ زعزعنو ولقّنْ
الشيخ محمد شريف
هنا اتنين عنانيف شرق
نواوير عاطفة لا ضاقنَْ سموم لا حرق
ادين مهدوله لا بتحمل غزِلْ لا طرق
وشعر من لونو دهراباً بفجو البرق
ابوالبرعي
كزيمة الدابو دايف وقرنو يا دوب مارق
ورقابة تري وتامن فصوصك زارق
لونك زي صفا السويتي شف ومطارق
وحسابي معاكي اصبح دين قيامه وفارق
حنفي
عين زينوبا ساعتي الرادو
وشعر زينوبا زي حالك الضلمه سوادو
كفل التبربولو حليبو والزول قادو
والله جدية النقا ومرح ########و
علي الشيخ
لا بتريدي لا بجاملي
لا بهمك تعب زول لا تعب لي زاملي
العزالا ياديفة البتسرح هاملي
ريدك كمّل الناس واتي راحتك كاملي
علي ابراهيم دياب
ليه يا صيدا ليه ياصيدا
مشطوب اسمي من دفتر حساب الريدا
قالت لي شان طولت طولة شديدا
اخر مرة شوقارتك معاك حميدة
ابراهيم الدلال
| |
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
red]رحلوا وقالوا يالجيلاني من العاقة قطعوا أبسَعَنة بي جيهة المخادة شفاقا وصلوا أمات قماري وختوا في الدقداقة عشاهم بالعتيم ماكشّنوا الفرطاقة
الكتراااااااااااابل
منصور لك الشكر الاف الاف وللاخوة الرائعين المتداخلين اخيرا ادريس ابراهيم وامير فتحي وعلي النعيم والشايقي وعربونكم كلمة دوبيت كاربة بعد ساعات (بسو خلوني الابربحها)لكن قبلها بديكم (كبروس حليب) وهي خريدة ومن عيون الدوبيت وهي لعمنا الشيخ جامع علي التوم وهو من اميز شعراء الدوبيت حلال الكرب الحلَّا ناس قَمَّاد يحل دعتورة من بابور جمال ؤعِماد يجينا الساري يملأ الحمرة والرّهّاد تقلب ضحوي غرب زرقينها ليهو سواد تعم القوز جميع ما تخلي لولا بلاد ونرتاح من هموم الدونكي واللعداد ؤقبل القلة تبقالهن هلاع ؤغداد ؤربي يشبع العين المساهرة رقاد اجب الدعوة يا الساجدنلَّك العٌباّد وجادول منمرس في شوفتو زيف فراد ؤعاقرو بليلة فوق الفي رقا البولاد والشيخ قسم الله ساقلو البكر ابو لُباد ؤ سالم نازلو بي راموس ابو التيلاد يارب يا مجيب لي دعوة النشاد تجمع ليّ بيهن وبي علي الاجواد ونرجع تاني نشمي جزونا ابو غراد نشيل التاية فوق زملاً عواتي غِلاد ويبقي غدانا ابو كتحة ولبنهن زاد وبي الجادول نفر بي بسطة ما بتنزاد وكيرهِن يزوم يخنِّق دُلَّق الفدَّاد واحمد جودة لف بي بندقو الصّيّاد وقدام كالج ابودكة ومعاهو رباد وقول لي موسي ارح عقباني مافي قعاد وبت الحوّة دارت الدجِّي والممداد ونلقي هناك نعوم اخوالنا والاجداد وكل البادية ناس حبجور وناس حماد وأخط التاية جنب ودعمي خال قمّاد ونبعِد من حوالي الكلهن حسّاد
| |
|
|
|
|
|
|
Re: مسادير يا أهل المسادير//(3).................. (Re: Yahia Abd El Kareem)
|
شيخ العرب والقانونيين استاذنا يحي سلام كتير من اهل البوادي لشخصكم الكريم والناقة ما دام (رهيفة) خليها وجميلك علي البوادي كثير بدوك الطوال الشّثوح مو الرّافِع رويسو الفي خبيبو بِلٌوج ومو الطيبق صديرك يا البِنَاك مَفْجُوجْ الوادي الغزير شِقلُو وعدارو بِسُوج لبعو وسوَّي طفري الهبَّر المَقْجُوج
| |
|
|
|
|
|
|
Re: مسادير يا أهل المسادير//(3).................. (Re: عبيد الطيب)
|
الحبيب الأكرم : المنصور
لك من الشكر أجزله ، وأظنني قد اشتركت منذ زمان ، لا أذكر ، فقد شغلتنا الشواغل . لك الشكر الجزيل على هذه الصفحات الناضرة . وسوف أورد هنا بيتين لشاعر البطانة " محمد أحمد أبوسن " أو " الحاردلو " ، وقد ذكر لفظاً قد يبدو غريباً على الأذان التي لم تتعود لغة وأمثال البطانة : نقطف مما كتب دكتور إبراهيم الحاردلو في مقدمة "ديوان الحاردلّو " : ....وعلى الرغم مما أصاب الشكرية عامة وقادتهم خاصة من أذى وتجريد وسجن في فترة المهدية فإن الحاردلو كان يقدر المهدي حق قدره ، ويعترف له بفضله قائداً عزيزاً قوياً فهو القائل :
كانْ المَهدي دَاكْ وَلَدَاً قَدَلْ فوقْ عِزّة حَتْ وَد البصير سَوَّانا في طيظ وِزّة
*
| |
|
|
|
|
|
|
Re: مسادير يا أهل المسادير//(3).................. (Re: عبدالله الشقليني)
|
الشقلينى
لك من السلام ما يكفيك ويرضيك
وطالما أتيت بالبطانا وبرطانة زعيمها الفصيح ذلك ود أبوسن فدعنى أتيك بالجاك جقلت سرورابى جموعى خافس و قومابى قاطع نعم كان من أساطين الهمبته وأساطين الظرف الذين يعيشون الحياة كما ينبغى وكان واصلا له عيون يعرف بها الأسرار ومناطق الكمين وكيفيته وكان يجوس ونفر من أهل صنعته بتلك البطانات بجليبهم الذى يملخونه من مرحات الغير عنوة وفتونه ويمارسون به كل أسباب الحياة ويطعمون به فرقانا وأفراد وجماعات وكانت تنكس لهم الرايات عندما يردون لعد الخندريس وكانت لهم عناية ورعاية خاصه فقد شاء القدر أن وقع فى كمين وحوكم بفترة فى السجن فأنقلب الحال بؤسا وشقاء وكان فى السجن سجانا يحاول إزلال النزلاء ولكن الجاك كان يقول له طوطين لك لمن عينك ولحاكم بلدك وأنشد كما أنشد ود أبوسن مقاربا بين الحياتين حياة الحريه والجليب والسليب وحياة السجن وأوامر سرور السجان:
شراب البيره واللبن البجيك معبور بقينا حيارى فى لفظا بقولو سرور
فيا لها من مفارقه يا الشقلينى منصور
| |
|
|
|
|
|
|
Re: مسادير يا أهل المسادير//(3).................. (Re: عبيد الطيب)
|
شوف ايامنا السجم تجارى زى الخيل
عابه هموم تكيل الدار تفيض بالحيل
شلناالفات وشلنا الجاى ولسه نشيل
ولكنا صبر مدادى حبلا متين وطويل
معذرة حدت الدرب وخرجت بالنوق من القافية فمعذرة ولعلها الطولة والانقطاعة ربطت اللسان واطلقت شيطان الهم
ساعود ياعبيد ومنصور
| |
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
Quote: راجيك آ يحى أرح عند الشقيل فى الباجا وراجيك شان تشوف بهما قرم لى نعاجا فايح ريح حزاها وفيها نار شوف عاجا وصيدا أكان جفل ريحة المسك فى عجاجا
منصور |
جيت يالحبيب ناغِم فَطوم من صاجا الليلة الوحيد جاب الخبر من " راجا " الشوق نزف مَسَكْ الجِسِم رَجرَاجا أهلاً بالمحبة الزي سيل الجبل فَجاجا
الشقليني .
| |
|
|
|
|
|
|
Re: مسادير يا أهل المسادير//(3).................. (Re: عبدالله الشقليني)
|
دوب لي رحيل ضعن ناس ام شَوايِل ؤدوب لي ليم بوادينا البِفِشُّو الصّايل ؤ دوب لي لمَّة الناس البِعدلو المايل ؤدوب لي كرفة الرَّيم والسحاب الشَّايل
بت اللَّدرَع البتَّاقا يوت من شينها وياالمفتاح بتين نرجع نحلحِلو دينها دايرين الدِّعاش وبِندور نَكِرفو قرينها ودايرين قارِص النوق البشيقنا حنينها
| |
|
|
|
|
|
|
Re: مسادير يا أهل المسادير//(3).................. (Re: بشرى مبارك ود السقاى)
|
Quote: نفسى أزوره وأسمع من كلامه الحالى وما داير أطول بس كيف أقضى ليالى بحسب فى النجوم وسادى إيد ومخالى يا رب يا كريم شد حيلى كل أوصالى |
الغنا والنميم ؤحوش بكري كلُّوتَسَالِي مابنفعنا يا السقاي متل ناس ام لهيجاًحالي ناس أبَّان شماخ والقطرة والبنقالي ليمهن ضُل ضحي لا بشقيني لا بحلالي بتين الرجعة لي العرب الهِناك حاسبالي مطروح الجبين الفي بشاشتو هِلالي فرَّ إيدينو قالدني السَّلام شاشالي بسوِّي القوق يعرجن في الكلام دوبالي
| |
|
|
|
|
|
|
Re: مسادير يا أهل المسادير//(3).................. (Re: nazar hussien)
|
Quote: نار اليشب في الجوف تهب نيرانا والمذراة بتلاكد ومن بعيد دخانا يوم سمعوبها ناس قيقرنا قالو: كفانا صورة الطيرة والطاقية دي بتحجانا |
نيران شيخن بكضب لابتجينا لابتغشانا تجر سرايا في جوف المدعين إعـلانا الناس البعــرفو الآخرة بي القمصانا حديثــن ما بنعيرو إن قيمة الضبانة
| |
|
|
|
|
|
|
Re: مسادير يا أهل المسادير//(3).................. (Re: munswor almophtah)
|
منصور سلام البوست دا يعميني الربع الفات كلو ما شفتو وكان ما اتنقل كنت رسلتلك تفتحو النسخة الرابعة:
دحين شيل شيلتك للسواقة:
Quote: مى بلد النعام العاليه زاهيه قصوره ويات من قام بروس سوالو كم مقصوره حزن النيل على الباعوها دون فاتوره حزنو كمان كتير لى الفاشر الأسطوره |
أيا بلد النعام من غيرخلاف لا شورة طعنت سنها وصبحت تعيسة صورة بعد ما كنا مسموعين نفُرضْ الشورة بقينا أهداف وللجيران ركوب ماسورة
| |
|
|
|
|
|
|
Re: مسادير يا أهل المسادير//(3).................. (Re: جلال جبريل)
|
Quote: مى بلد النعام العاليه زاهيه قصوره ويات من قام بروس سوالو كم مقصوره حزن النيل على الباعوها دون فاتوره حزنو كمان كتير لى الفاشر الأسطوره |
أن طالوا السما وحتى القمر دلوّهو ياهم البعام نفس الدرج نزلوّهو هم باعوا الزمم والتمن قبضوهو الحسرة يامنصور علي البلد باعهو
منصور كيف حالك والله مشتاقين
| |
|
|
|
|
|
|
Re: مسادير يا أهل المسادير//(3).................. (Re: Yahia Abd El Kareem)
|
عُربان عبلة أخوان فاظنة عقدوا الشّوره ركبوا ؤشدُّوا في الكاكليت أبو فاخوره ظعن السَّمحة شال وإتيامَنو البزّوُره كم جفَّل عناق الرَّيل وناس أُم شوره مُشْهادْهُن بعيد قالو العِريد ممطورة والقوز إنشبك بي الدفرة والخافوره طربان طيرها شادي القمري والزرزوره ؤبسرِّح تورها يقِنِت دقَّ ابو الجاعوره
سماحة المستشار الاستاذ يحي عبدالكريم دي هديتك من ناس البادية حليب طازج حلبتو ليك هسِّع إنت وودجبريل والمنسي وصاحب الدار المفتاح وضيوفو الكرام وكل عام انتم بألف خير محبتي
| |
|
|
|
|
|
|
|