|
|
|
 Re: يا ناس الخرطوم أسعار الأراضى بالخرطوم....................... (Re: munswor almophtah)
|
Quote: يا ناس الاراضي سلام
سؤال لاهل الخبرة عن اراضي سوق الجمعة باركويت، تم بيعها كاستثمار وهي شريحة على شارع افريقيا بين حديقة الطفل ومركز القلب
اسأل عن اسعارها ومستقبلها
|
الاخ الشفيع
الدكاكين دي انا كان عندي فيها واحد ودفعونا ملايين علشان البنيان في النهاية نزعوها مننا وادونا تعويضات لا تتناسب مع دكاكيننا
الله ينتقم من الكيزان دنيا واخره.
| |
 
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: munswor almophtah)
|
العزيز منصور والأعزاء زوار البوست
تحايا عطرة
اتفق مع جني في إن أسعار الأراضي في الخرطوم تحديداً ستشهد إنهيار غير مسبوق
(زي فقاعة العقارات اليابانية في تسعينات القرن الماضي) الأسباب عديدة
من بينها أن كل واحد عندو ما بين 3-5 قطع أراضي
يعني حتجي لحظة يكون فيها العرض أكثر من الطلب بكتير
كمان لا يعقل أن تكون قيمة قطعة أرض في موقع
ليس به أي خدمات ولا مصارف صحية
مطرة واحدة توقف حالو
ويكون أغلى من شقة في القاهرة أو في أي بلد آخر من الدنيا
تهافت الناس على الأراضي سببه أنها
حتى وقت قريب كانت ماعون لحفظ قيمة النقود
لكنها غير ذلك الآن
الحكومة بتمول بيها موازناتها
وكرش الفيل بتكبر
يعني تلخص السودان كلو في مدينة واحدة
وهي ليست مركز إنتاج بل أكبر مستهلك
خلل عضوي
حيجي يوم (أعتقد ليس بعيدا) ويتفاجأ الجميع
إنو العرض أضعاف الطلب ومن ثم تبدأ هجرة عكسية
في أصحاب مصلحة حريصين على استمرارية هذا الوضع غير الصحي اقتصادياً
لكن حتى متى
ديل زاتهم بعد فترة حيهجروا اموالهم لدول الجوار
أو لسوق مغاير
هنالك فئة أصبحت متحكمة في الأمر يدعمها بضع آلاف من السماسرة المتربحين
من الجلوس في ضل الشجر
وسك المغتربين وتدوير الأراضي من مالك إلى مالك
وذي ما قال منصور وجني
الله يكضب الشينة
لأن مثل هذا الإنهيار سيضر ملايين الناس
تسلموا
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: عثمان دغيس)
|
الاخ العزيز اسامة الكاشف
اولا: تحية حارة وشوق زائد
وفرصة لعودة الى حوار عميق ومفيد
أولا اتفق معك في ان الانهيار العقاري امر محتمل مثله مثل الانتعاش الاقتصادي ، ولكن هناك ثوابت ومتغيرات ومؤثرات
1/ الاستثمار العقاري في السودان لن يتعرض الى فقاعة استثمارية على الاطلاق لسببين :
اولهما، ان ما يحدث في السودان ليس استثمارا عقاريا على الاطلاق لان الاستثمار في العقار يعني في مفهومه العالمي تملك العقار وتشييده وعرضه للتملك او التملك الايجاري والايجار الخدمي في مجالات التجارة والاستثمار المالي والصناعي والسكني وبالتالي فهو مرتبط بحركة الانتاج بوجه عام متى ما انتعش الاقتصاد انتعش العقار معه والعكس صحيح.
العقار في السودان لا يدخل في النشاط الاقتصادي وليس له مساهمات حقيقية في الناتج القومي الاجمالي ولا يتاثر الا في حدود ضيقة بنظرية العرض والطلب.
2/ العقار هو سلعة المستثمرين الراسماليين بمختلف ثرواتهم وبالتالي فهم يحددون الاسعار وليس لهم هدف سوى الربخ وبالتالي فهم لا يخفضون الاسعار استجابة للقيمة الحقيقية وبسبب مقدرتهم المالية النسبية فانهم لا يستجيبون لعناصر الضغط الاستثماري المعروفة.
3/ العقار في السودان مثل الذهب والمعادن النفيسة ليس هناك مبرر لارتفاع اسعارها لكنها تستفيد من تعاقد اجتماعي باعتبارها مخزن للقيمة ليس الا
4/ الطبقة الوسيطة وذوي الياقات البيضاء هم جمهور مستخدمي العقارات ايجارا وشراء وهم لا يملكون المال الكافي لشراء الارض والعقار وهم بطبيعة عملهم ملزمون بالعيش في الخرطوم ولذلك يرفعون من الطلب باستمرار.
5/ اتجاه نمو العقار عالميا هو نقص المعروض من الاراضي بل تملكها بالكامل من قبل جهات استثمارية ويصبح الايجار وشراء الشقق هو البديل وهذا ما سيحدث في السودان مستقبلا وسيمنع من انخفاض الاسعار .
6/ انخفاض العملة المستمر في السودان يمنع انخفاض العقار وبالتالي يحمي الراسمالية بكافة طبقاتها من مخاطر انخفاض العملة او يقلل من اثارها . والراسمالية تعني كل من يملك راس مال ويشتري به عقارا.
7/ القراءة المتوقعة لا تخلو من اتجاهين في المستقبل ، حدوث نمو اقتصادي كبير وفي هذه الحالة سيرتفع سعر العقار لارتفاع معدلات الدخل او ان يحدث انهيار او انكماش اقتصادي وفي هذه الحالة سوف تهجر مدن بكاملها وليس فقط تنخفض اسعارها.
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: وضاحة)
|
التحية لكم مرة أخرى بعد غياب طويل عن هذا البوست المميز والهادف
ومن خلال هذا البوست فقد اشترينا قطع اراضي لبعض الأعضاء من سودانيز
وكان أحدهم يريد بيع قطعته لوصول معلومات مضللة اليه
فذهب ابن أختي ووقف عليها على الطبيعة
ووجدها من القطع المميزة جدا
والراجل بعد هذه المعلومات قرر أن يبنيها ويضع في ناصيتها قدرة فول
كما أن طبيباً بيطرياً ليس عضوا ولكنه يقرأ سودانيز اشترى له ابن اختي قطعة
كان ذلك قبل أربعة اشهر وهي في ابوسعد درجة ثالثة ومساحتها 216
تم الشراء بمبلغ 80 مليون والآن بسعر 100 مليون
هسي منصور المفتاح يقوم يقرا الكلام دا يقول عاوز حق السمسرة !!!!
صاحبك ابوحراز والله ما لقى الا { الفاااااااااااتحة } !!!
طبعاً الوكالة العقارية التي يملكها ابن أختي تتعامل مع ذوي الدخل المحدود كما يسمونهم
واغلب خدماتها في صالحة والقيعة ومربع 24 حي الجامعة { أم درمان الاسلامية }
وكذلك أحياء البستان والمنصورة
وعلى استعداد لتقديم اي استشارات تخص هذه المناطق { ملح ساااااااااي }
وبامكانكم الاتصال عليه لو اردتم اي خدمة او استشارة
00966912399427 { أيمن }
00966123099427
وكالة المتوكل العقارية 00 لديها مكتب بصالحة آخر محطة
ومكتب آخر بحي الجامعة مربع 24 وكلها على الشارع الرئيسي
متمنياً لكل من لم يمتلك قطعة ارض او بيت زينا كده ان يوفقه الله في تحقيق حلمه
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: Dr.Mohammed Ali Elmusharaf)
|
العزيز عبد المطلب
تحياتي لك وللأسرة ولكل ناس قطر
حقيقة تحليلك على درجة عالية من العمق ويستحق التحية
لكن أنا حاكنكش في الفقرة السابعة
والتركيز هنا على الخرطوم التي انتقل إلهيا معظم النشاط الاقتصادي السوداني
وتكرشت وترهلت حد العجب
ولو عاينت حول واستبينت 10 أشخاص ستجد سبعة منهم يمتلك كل واحد ما بين 3-5 قطع أراضي بالخرطوم
وفي خاتمة المطاف سيضطر إلى بيع اثنين إما لبناء الثالثة أو لاحتياجات الحياة
أضف أن تدهور قيمة العملة والظرف الاقتصادي القاهر وخروج بعض القوى من السوق
(مثل تجار الأثاث) سيؤدي في النهاية لضعف الطلب
ولو فرضنا أن حدث انتعاش اقتصادي
سيكون جاذباً لقطاعات عريضة إلى مواقع الانتاج
وأيضاً سيقل حجم الطلب
الأسعار الآن فلكية
قيمة أي منزل في حي متوسط بالخرطوم تتجاوز قيمة منزل مماثل بأي مدينة أخرى من العالم
على الرغم من غياب معظم الخدمات العصرية
هذا وضع غير صحي ولا بد لقوانين التطور العادية من تصحيحه
بالمقابل تعليقاً على حديثك عن الوعاء الاستثماري
الناس أيضاً تتابع وتعرف أن الذهب مثلا يحقق عائدات أعلى بكثير
وأن سوق المال والاستثمار في مجالات المضاربة ايضا تحقق عائد أعلى بكثير
لا بد من سقف تقف عنده القيمة
وبالتالي يبدأ منحناها في التراجع
هذا إذا استبعدنا عنصرا آخر مهم وهو "الأمن"
فالخرطوم عرضة لانفلاتات أمنية أكثر من غيرها من مدن السودان الأخرى
وأعتقد أن هذا سيكون ايضاً مستقبلا من عوامل الهجرة العكسية
عموما هي هواجس قصدت بطرحها التفكير بصوت عالي
وصولا إلى قناعات واضحة وربما حتى
أفهم سبب أن يكون البيت في الرياض أغلى من فلوريدا (وده بتجربة شخصية)تسلم يا حبيب
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: معاذ حسن)
|
Quote: قيمة أي منزل في حي متوسط بالخرطوم تتجاوز قيمة منزل مماثل بأي مدينة أخرى من العالم
على الرغم من غياب معظم الخدمات العصرية |
Quote:
عموما هي هواجس قصدت بطرحها التفكير بصوت عالي وصولا إلى قناعات واضحة وربما حتى
أفهم سبب أن يكون البيت في الرياض أغلى من فلوريدا (وده بتجربة شخصية) |
الفاضل اسامة
ده الخلاني افكر في بيع الشقة اعلاه الى ان ينصلح الحال وما اظن في القريب المنظور يمكن احفادنا
بنهاية العام 2012 اذا مد الله في الاجل سوف استقر في هولندا والى ان يقضي الله امرا كان مفعولا
تقديري
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: د.عبد المطلب صديق)
|
إخوتي الكرام... للأسف الشديد، لقد أصبح الاستثمار الإيجاري للعقارات المبنية في العاصمة السودانية دون جدوى اقتصادية. فقد تجد عقارا قيمته تتجاوز الـ500 ألف جنيه ولا يتجاوز إيجاره الشهري الـ1000 جنيه، أي أنه يسترجع رأسماله بعد أكثر من 40 سنة (إذا ثبتت الأسعار)، وهذا معدل لا يغري أي مستثمر. فمن الأفضل وضع هذا المبلغ في وديعة استثمارية بالعملة الصعبة. وعدم ملائمة الإيجارات لأسعار العقارات يعتبر مؤشرا حقيقيا على نزوع هذا القطاع الاقتصادي نحو الانهيار. فالمغترب الذي يشتري منزلا أو شقة، وهو لا زال يقيم في بلاد المهجر: ماذا سيفعل به؟ أليس من الأفضل أن يستثمر أمواله في الخارج حتى ولو في شكل وديعة استثمارية حيث يتثنى له شراء العقار في السودان متى ما اضطر للعودة النهائية للسودان.
يبدو أن أصحاب تبييض الأموال الذين ضاربوا في العقارات وصلوا إلى درجة التشبع، الأمر الذي ينعكس جليا في كثرة المعروض من العقارات للبيع في مقابل ندرة المشترين.
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: محمد الأمين موسى)
|
كنت أبحث عن هذا البوست من مدة اليوم فقط تحصلت عليه ربما لعدم تواجدي المستمر على النت
شكرا كتير لك منصور المفتاح لفرد هذه المساحة
كنت قد قمت بطرح بعض العقارات الخاصة بنا عبر اللنك ادناه
قطع أراضي للبيع الخرطوم عزة 1 وبحري مدينة النيل الأزرق الكورنيش
ولكن حسب راي بكري ابوبكر إنه يتعارض مع قواعد النشر داخل المنتدى لذلك فقط قد اوقف المشاركات فيه
أخ منصور لو كان تواصلي عبر ها اللنك سوف يسبب لك ولزوارك الاحراج ارجو إخطاري لتوقف عن الكتابة هنا عبر هذا الاميل [email protected] او مباشرة عبر وضع رد على هذا الموضوع
كانت هنالك توقعات كبيرة بإنهيار سوق العقار بعد الانفصال وتوقف الشمال عن الحصول على حصته من البترول ولكن لم يحدث أي تأثير بل العكس نشطت بعض المناطق،
توقعات إنهيار سوق العقار في السودان لا تنبني على إنهيار الاقتصاد بل العكس يكون العقار الملاذ الآمن للغالبية العظمى من التجار للحفاظ على التوازن التجاري وذلك المبني على الضمانات البنكية وليس على دخول عالم تجارة العقار وهذه الجزئية تأثر بشكل ايجابي على نشاط التجارة ولكن في بعض المناطق فقط.
نشاط تجارة العقار ضعيف جدا في السودان مقارنة بالدول الأخرى وذلك لقلة عدد الشركات العقارية المحفذه لدخول هذا المجال
التوسع الافقي ووجود القرى المحيطه خلقت حزام آمن لتداولات الوسط بعدها تدخل هذه المناطق داخل قاعدة الجزب وتنبني قرى ومناطق هامش جديدة.
هذه عبارة عن بعض الافكار الشخصية والمبنية على تجربة ممارسة الدخول لعالم العقار من خلال الاملاك الخاصة والمعروضة في موقعنا عبر النت http://www.swqee.com
العرض عبر الانترنت تجربة جديدة معزولة عن واقع سوق العقار الداخلي إلا ما ندر (من خلال تجربتنا تمثل ضخ إتصالات للإستفسار أكثر من ان تكون سوق ولكن على المدى القريب ستكون واحده من الاعمده الاساسية لتجارة العقار) الاحصائيات من خلال الموقع تشير إن زيارة العقار المعروض في الخرطوم كبيرة جدا ولكن زيارة الموقع من السودان ضعيفه) اذا اغلبية هذه الزيارات تتم من خارج السودان يتسيطر عليها في الاعم السعودية في منطقة الخليج دول اوربا وامريكا الشمالية. مثل هذه الاحصائيات تفيد بأن دخول النت من السودان يرتبط بفئة عمرية بعيدة في وعمرها الحالي عن العقار والتي نفسها اي هذه الفئة ستكون ضمن دائرة الاهتمام في المستقبل القريب.
نواصل
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: عثمان دغيس)
|
العزيز عبد المطلب والأخوة المتداخلون
مع إحترامي الكامل لرأيك لكن ليس الارتباط الوجداني
ببقعة ما في السودان قد ذهب مع الريح ضمن حزمة أخرى من الثوابت
فالسوداني الأخضر الفنجري
ما بدخن إلا البنسون وما يتسوك إلا بسيغنل (مرات أبوصفقة)
وما يركب إلا كريسيدا (في حال التعثر كرولا) وهكذا
لكن ديسابورا 10 ملايين سوداني
ضربوا في أصقاع الأرض خلال العقدين الماضيين
أعادت تشكيل المفاهيم والقيم والأولويات
زمان كان صحن الملاح والسلطة والتحلية موزة وكباية شاي
التحولات التي شهدها المجتمع السوداني عميقة وهذه مجرد تجليات لها
خلال عقدين آخرين (ربنا يديك ويدينا ويدي الجميع طولة العمر)
حتتفاجأ بسودان قيمي آخر
وهذا ينسحب على جميع المسلمات
كل من خرج من السودان إن عاد سيكون محمل بقيم مجتمعات أخرى
وممكن يكون ال country house أو ال summer house
أغلى عشرات المرات من وسط المدينة
وسيرتبط الناس بمواقع العمل والإنتاج أكثر من بلد "دفن الصرة"
وده ما كلام بعيد
الآن يمكن المضاربة في أسعار الأراضي
على اعتبار وجود فئة متحكمةفي السوق لها مصلحة في البيع بأسعار عالية
حفاظاً على عمولاتها العالية
أو إعادة تدوير الكتلة النقدية غسيل وتنشيف
المهم ده وضع غير صحي ونشاز
وحركة السوق التلقائية حتصححو
كمان ما تنسى دور الاستقرار السياسي في جذب الاستثمارات
والتطوير السياحي الذي يشكل أيضاً سوقاً للعقار
في عناصر أساسية غائبة
على العموم مستمع بالنقاش
تسلموا
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: اسامة الكاشف)
|
أخي العزيز اسامة الكاشف
لا شك ان التحولات القيمية بل وحتى الانماط الاستهلاكية نفسها في حالة تغيير كبير.
لكن السودان لا يسير باتجاه التطور الطبيعي بكامله لعدم وجود نسق ديموغرافي وثقافي واجتماعي متكامل، بل القوة البشرية الموجودة في حالة من التنافر القيمي والايدلوجي والعرقي، وهو ما يسمى تجملا بالتنوع ، هذا الاختلاف سيظل عامل ضعف لعدم خضوعه لطاولة التحليل والمعالجة الاقتصادية والانتاجية بهدف التوحد القيمي حتى اليوم . بل الخرطوم نفسها اتجهت نحو ثقافة الريف وليس المقصود هنا الثقافة الريفية ذات القيم النبيلة والقيم الاخلاقية لا المقصود الثقافة الريفية القائمة على سيسيولوجيا الفقر والترحال والانتقال لذلك اختفت المقاهي القديمة بثقافتها الداعمة للفن والادب " جورج مشرقي " اتيني " شيش كباب وغيره وحلت محلها ثقافة سوق الناقة وقندهار وتسويق المديدة في بري والرياض وبيع الشاي على قارعة الطريق في العمارات .
انا لا اتحدث من مفهوم عنصري صفوي تجاه الثقافة ولكن اتحدث عن القيم السلوكية السالبة التي نتجت بسبب تنامي حدة الفقر وسيطرت على المشهد الاجتماعي لتصبح واجهة للشعب السوداني كله.
بهذا المفهوم السودان امام كارثة اجتماعية كبرى وتردي ثقافي وحضاري يحتاج الى حلول استراتيجية متكاملة وعبئ ذلك يشمل كل شيء وليس العقار وحده.
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: د.عبد المطلب صديق)
|
الاخوة الافاضل اسامة وعبد المطلب
تحياتي
Quote: فالسوداني الأخضر الفنجري
ما بدخن إلا البنسون وما يتسوك إلا بسيغنل (مرات أبوصفقة)
وما يركب إلا كريسيدا (في حال التعثر كرولا) وهكذا
لكن ديسابورا 10 ملايين سوداني
ضربوا في أصقاع الأرض خلال العقدين الماضيين
أعادت تشكيل المفاهيم والقيم والأولويات |
اتفق مع الاخ اسامة بان الهجرة والانفتاح على المجتمعات وخصوصا الغربية قد غير كثير من المفاهيم
وبما ان البوست عقاري خذ مثلا الصالون في البيت لا يفتح الا للضيوف سابقا يعني استعمال 52 مرة في السنة بحساب ان كل جمعة البيت فيه ضيوف وغالبا ليس كل جمعة ضيوف
الان اصبح غرفة للمعيشة واستقبال الضيوف
تحياتي
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: Dr.Mohammed Ali Elmusharaf)
|
ناس الحكومة الليبية صرحوا أن من ضمن استثماراتهم المستقبلية
في السودان ستكون هنالك استثمارات عقارية
يعني هل نتوقع ارتفاع أسعار الأراضي؟
هل هذا الاستثمار سيكون سياحي الطابع (مجمعات سياحية وفنادق)؟
وشقق ذي العرضوها جماعة قبل فترة بالخليج (الشقة 250 - 300 ألف دولار)؟
هل سيكون لهذا التوجه (إن صدق بعد ما ليبيا تستجمع ذاتها خلال سنتين تلاتة)
هل سيكون له أثر على أسعار الأراضي؟
وهل سيتركز على الخرطوم أم نشهد هجرة عكسية نحو مدن كان ليها شنة ورنة
مدني، كوستي ، سنار ، بورتسودان، كسلاك ، القضارف.. إلخ
وهي كلها مدن نشأت عبر التاريخ لضرورات إنتاجية وتدهور حالها بسبب
تدهور المشروعات المرتبطة بها؟
معليش يا منصور.. وسعنا الماعون شوية
عشان البوست ما يكون بوست إعلاني وبس
محاولة للدردشة ورفع البوست
(يعني برضو بهمنا نعرف اتجاه الأسعار لأنها إنعكاس لأشياء أخرى تهمنا أيضاً)
تسلموا
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: عثمان دغيس)
|
الاخ اسامة
تحياتي
Quote: وهل سيتركز على الخرطوم أم نشهد هجرة عكسية نحو مدن كان ليها شنة ورنة
مدني، كوستي ، سنار ، بورتسودان، كسلاك ، القضارف.. إلخ |
اعتقد ان كل الاستثمارات وشركات تمليك الشقق سوف تكون في الخرطوم لان بها العلاج بين () والخدمات الاخرى رغم ضعفها ومن يملك المال يريد ان يتمتع بالخدمات
يمكن ان يتم تشيد بعض المدن السياحية في بورتسودان اذا اصبحت مناطق مقفولة ومخصصة للسواح وبها استثناءات لجذب السواح
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: بكري عباس علي)
|
بررررررضو طنشتونا ؟؟؟؟!
أهاهاكم دي كمان ...
قطعتين متلاصقتين في الدبلوماسي الخرطوم درجة أولى
مساحة الواحدة 431 وفاتحين على ميدانين بالجهتين
أرقام القطعتين (1552) و(1553) مربع (1 )
يكونوا بي كم ؟؟؟؟
والله غايتو ما عارف لو كمان في دي طنشتونا
إلا كان نشوف لينا بلداً تاني غير سودانيز دي ....!
ويكون الفيكم إتعرفت ..!
الدبلوماسي من 85 إلى 135 حسب الموقع والمساحه ولك أن تدرك
فأنت بين هذين الرقمين حسب السوق والمعروض يا حبيب.
منصور
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: على محمد على بشير)
|
ناس مربع 79
شهادات البحث طلعت و لكن لم تطلع للمربع بالكامل
و لكن العمل جاري لجميع شهادات البحث
المربع غير موجود بالخريطة
و لمن سألت مكتب العقار عن هذا المربع
قال لي و هو يتمطى في كرسيه
و الله المربع دا لسة مجهول الهوية
لكن لو عندك قطعة عاوز تبيعها نحنا جاهزين
خاصة انو انت مغترب و نحنا بنكرم المغتربين كرم خاص
و قام سألني عن رقم قطعتي
قلت ليهو رقمها هو : كذا كذا
قام طلع برة و جاني جاري صووووووف
قال لي : اشترينها . . لو عاوز قروشك الآن جاهزة
لمن شفتو متلهف للقطعة قلت ليهو : بجيك بعد يومين تلاتة
اها يا أخوانا يا ناس 79
امسكوا قوي . . الداهية دا شكلو واقع في حتة جامدة جدا جدا
__________________
منقول من عقار نت
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: Asim Fageary)
|
يا دكتور المشرف
ياخي العفو الشقة ما بتنفع للأسرة الممتدة
وضاحة دي عاوزة ليها فلة يرمح فيها الخيل
وحوض سباحة متحرك (الحوض نفسه عائم)
ولازم نتناول المشويات على العشاء فيهو ويكون الطباخ بيشوي ونحنا مشغلين موسيقى هادئة كدا
\لكن الشقة دي بتكون مقفولة عليك وزي الإنسان المعلب
والضيوف ما بيجوك
وناس وضاحة ديل ناس كريمين بحبوا الضيوف والزيارات والمناسبات الفيها لمة
_____________________
إنشاء الله المبررات دي كلها تكون أقنعتك
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: Asim Fageary)
|
| Quote: إنشاء الله المبررات دي كلها تكون أقنعتك |
حبيبنا فقيري
اقنعتني والله
انشاء الله وضاحة تلقى ليها بيت حدادي مدادي
وضاحة ياخي لا طمع ولا حاجة عمارة هادية في المنشية وفيها اسانسير وجرنتر واسبلت يونت وسكيورتي 179 متر طالب فيها 1000 دولار للمتر ...الان الاسعار في السوق من 1200 الى 1100 دولار للمتر ومعاك مليون ساكن عليك الله دي كتيرة وفيها طمع
غايتو لحدي بعد شهرين كان الشقة ما اتباعت بالسعر ده بعرس المرة التانية وبسكن فيها
كان عندك ترشيحات دردقيها
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: Dr.Mohammed Ali Elmusharaf)
|
الاخ محمد علي انت طالب 179 الف دولار وده مبلغ كبير وخاصه مع السعر في سوق والله انا بيتي هنا بلجيكا طابقين وثلاثه غرف في الطابق الارض ومكتب وحمامين ومطبخ وصالون والطابق الثاني ثلاثه غرف وحمام غير مشيد وحديقه وجراج والمساحه 620 متر مربع مشتريه قبل سنه سعره اكثر بقليل من سعر الشقه كدي خت الرحمن في قلبك وقول كم انا بحاول اتصل بيك علي تلفونك لاني متخوف من الاريل الاتصالات الفوق العماره الظاهر في الصوره
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: Dr.Mohammed Ali Elmusharaf)
|
الاخوان منصور ومولانا عبدالقادر
سلام كتييير والله ، طولنا شديد من البوست المفيد دة
يا عبدالقادر بستفسر من أسعار شرق النيل مربع 10 و 11
أسعارها كيف ؟
ولو داير اقايض قطعتى حقت الاندلس مربع تمانية
300 متر كيف .. ولو لقيت عرض ادفع فرق كم ؟؟
سمعت فى القطعة دى 80 مليون وقلت لو لقيت
قطعة فى واحدة من المربعين ديل ادفع فرق
تفتكر الفرق يكون كم ؟؟
مع انو مربعات 10 و 11 دى ما شهادة بحث وهى
عقودات بين المواطنين والحكومة لانها تعويضات
والسجل لسع ما فتح .. والناس متوقعة الاسعار تزيد
بعد السجل يفتح ..!
افيدنى يا الحبيب ..
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: مزمل خيرى)
|
سلام استاذ مفتاح والسلام لكل ضيوفك
معذرة ولكن خارج موضوع البوست
أقدم لك عميق اعتذاري عن عدم تمكني من لقاء الاخ خالد كودي وتسليمه اهدائي لك من اصداراتي
ويشهد اني ما استبقيت شيئا ..اتصلت كتير ولم أتلقي رد وارسلت اكتر من مسج ولم يرد عليها
وتأذيت شعوريا بشدة من تصرف الاخ كودي
لدرجة منعتني تماما من ان ارد اتصاله في يوم سفره وقبيل سفره بساعات
كنت وصلت مرحلة اني لااريد ..لااستطيع ..لااكترث .. والله الغني
هذا هو ديدني مع كل تصرف يجرح شخصي كانسان
لكن لازلت عند الوعد بارسال الاصدارة مع اول شخص اعلم بسفره اليكم
وانا لا علم لي بشخص تحديدا
فحبذا لو تعلم شخص قادر علي ان يرد تلفونه ويستلم نسخكم انت تبعته لي ويتصل علي متي ماتيسر
من المفترض كان ابلاغك هذا الكلام في رسالة داخلية ولكن تعلم محدودية سعة مسنجر بكري
لااملك هاتفك او بريدك
لك العتبي ..وهكذا عاندت الظروف .. مودتي
| |
|
|
|
|
|
|
|
|
 Re: يا ناس الخرطوم أسعار الأراضى بالخرطوم....................... (Re: هند محمد)
|
الشاعره هند محمد السلام والرحمه وكيف حالك والأهل وذلك هو
دأب وديدن الشعراء دوما ومن يدريهم لا ينبغى له ولا يستطع
أن يؤذى أحاسيسهم النبيله ومشاعرهم الجياشه وكودى ذلك هو
ليس بخالد وخالد فنان لا أظنه يفعل ذلك ولكن هذا صديقنا
عبدالعظيم لم يذهب للسودان لعشرات السنين ولربما مشغولياته
وزيارات الأهل وأعرف أنك موقف وكلمه ولم لا وأنت الشاعره
ساحرة العبارة والكلمه. خالص ودى وتحاياى لك.
ولا يهمك سأرسل شخصا آخر وسابلغك بذاك
منصور
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: munswor almophtah)
|
Quote: الشاعره هند محمد السلام والرحمه وكيف حالك والأهل وذلك هو
دأب وديدن الشعراء دوما ومن يدريهم لا ينبغى له ولا يستطع
أن يؤذى أحاسيسهم النبيله ومشاعرهم الجياشه وكودى ذلك هو
ليس بخالد وخالد فنان لا أظنه يفعل ذلك ولكن هذا صديقنا
عبدالعظيم لم يذهب للسودان لعشرات السنين ولربما مشغولياته
وزيارات الأهل وأعرف أنك موقف وكلمه ولم لا وأنت الشاعره
ساحرة العبارة والكلمه. خالص ودى وتحاياى لك.
ولا يهمك سأرسل شخصا آخر وسابلغك بذاك
|
اعتذار شديد للاخ خالد كودي .. هو خلط في التسمية ..الاخ عبد العظيم يلقب بكودي من قبل استاذ منصور ومن هنا حدث اللبث
لك العتبي يا اخي خالد كودي حتي ترضي ومعذرة فالخطأ غير مقصود والله
الاخ عبد العظيم سبب اللوم رفضك رد مكالماتي في اليوم الحددناهو للقاء وتسليمك الوصية والايام التي تليه والرسائل التي تلته
كنت اتقبل عذر لو فقط رديت المكالمات والرسائل او لو حتي قلت مابشيل الكتاب ماعندي وزن
كتاب وزنه لايتعدى 5 % من الكيلو جرام
عموما مابنعرف ظروفك وايا ماكانت ليك الشكر والمعذرة
يهمني جدا يا استاذ منصور تصلك الاصدارة ..انت اهديتني اكبر فرحة ببشارة محمد المكي
كلي امال في ان يصلكم الاهداء ..أهو ذكري بينا والحرف وامتنان
بانتظار رسول اخر ولي الشرف بالمتابعة
شكرا جميلا للتفهم وسعة الصدر
وعذرا لاي حرج هنا إن حدث .. ومعذرة للخروج عن موضوع البوست
احترامي
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: Dr.Mohammed Ali Elmusharaf)
|
منزل بالصحافة مربع 30 بناحية شارع محمد نجيب تاني مربوع من الظلط
وتالت شارع من الشارع الفاصل بين الامتداد والصحافة..(شارع محطة سبعة)
فيه تلاتة غرف وتلات برندات (همبريب ساااكت) وصالون كبير وحمامين وحوشين
ومطبخ ومخزن وسايفون ...وبي مكيفاتو وحديقتو يمين الله جوافتا تلقط.
للبيع وفورا...وللجادين...يمكنهم الاتصال بي مباشرة هنا دا...أو علي
هاتف 0097339449402 أو الاتصال بألوالد (سيد البيت) بتلقوه قاعد في
البيت....والبيت جاهز للسكن....بس الزول يجيب شنطتو ويدخل
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: Dr.Mohammed Ali Elmusharaf)
|
فى ظاهرة غريبة وفريدة على الرغم من ركود حركة السوق بصورة عامة الا ان اسعار العقارات خلال الثلاثة اشهر الماضية اذداد بوتيرة سريعة لا يقرها المنطق والعقل اذ ارتفعت الى الضعف مثنى وثلاث فى بعض المناطق ذات النشاة الجديدة فى صورة اذهلت حتى تجار الارضى واصحاب المكاتب العقارية التى ترتبط بحركة الشراء والبيع . فمثلا سعر الارض بجبرة م 19 ارتفع من مائتان وعشرون الف جنية الى ثلاثماية وخمسون الف جنية وفى جنوب الخرطوم بمنطقة الاندلس ارتفع السعر بمربع 16 من 35 الف جنية الى سبعون الف جنية على الرغم من ضعف حركة الشراء والبيع الا ان الاسعار وصلت الى ارقام خرافية لا تتناسب مع اسعار الاراضى فى تلك المناطق فى ظاهرة مخالفة لقاعدة العرض والطلب وفق ارتفاع جنونى غير مسبوق فى تاريخ العقارات من قبل حتى اراضى الحيازة ارتفعت فى صورة تعكس الاقبال على العقار بصورة قوية .
ومن الاشياء التى تدعو الى الحيرة ان اسعار العقارات ببلادنا يماثل اسعار اغلى منطقة بالعالم وهى مدينة لندن على الرغم من اختلاف الواقع والخصوصية لكل منطقة والفارق الاقتصادى الكبير , ومن المفارقات والمقارنات التى تدعو للدهشة فى الاسعار بين السودان والدول المتقدمة انه بالامكان بسعر قطعة ارض بجنوب الخرطوم شراء منزل بواشنطن العاصمة الامريكية لاكبر قوى اقتصادية فى العالم , فما هى خاصية العقارات بالسودان التى تودى بالعقار الى ارقام فلكية على الرغم من مساحات البلاد الواسعة والممتدة التى لم تستغل حتى الان فهل مرد ذلك الى ثقافة السودانيون فى الحاجة الى المساحات الواسعة والرغبة فى الحيشان الفسيحة الممتدة وعدم تفضيل البناء الراسى .
فمن الاسباب الرئيسية التى يمكن ان نجملها لهذا الارتفاع الخرافى هو عملية اكتشاف الذهب الذى در على الباحثين مليارات الجنيهات فوجد الغانمين انفسهم بين يوم وليلة انهم من اصحاب رووس الاموال واسلم شى لحفظ اموالهم العقارات دون خوف لمواصلة البحث عن الكنز المختفى داخل باطن الارض , بالاضافة الى ذلك عدم وجود خطة اسكانية قريبة بولاية الخرطوم التى شارفت على اكتمال كل مساحتها توزيعا ومن النقاط الموثرة ايضا هجرة سكان الولايات الى الخرطوم لتوفر الخدمات والامن وفرص العمل اذ ان بعض الولايات اصبحت تعانى من ضعف القوة السكانية بطريقة مخيفة فعدد سكان محافظة امبدة يساوى عدد سكان الولاية الشمالية التى اصبح عدد المنازل الخالية فى بعض مناطقها اكثر من المسكونة فلابد من العمل على تنمية الريف للهجرة المعاكسة وفك الاختناق بالعاصمة .
ونجد ان عملية ارتفاع الدولار المتوالية بسرعة قوية ادت الى ضعف الحركة التجارية بصورة عامة للروية الضبابية للعمليات التجارية المختلفة مما ادى للاضطراب وخروج كثير من رؤوس الاموال من السوق ووضع اموالهم فى العقارات والمضاربة فى الاراضى مما نتج عنه ارتفاع العقارات وجذب هذا حتى المواطن العادى لتحويل مدخراته الخاصة الى اراضى مفضلا ذلك على الاستثمار والعمل التجارى فالعقار ليس به خسارات مثل الانشطة التجارية الاخرى فهو حقا الابن البار كما يقول السعوديين فى وصفهم للعقارات وهو لا يحتاج فى ممارسته الى ايدى عاملة ولا يواجة اى تعيقدات حكومية بمثل الانشطة الاخرى .
ومن النقاط المهمة للارتفاع ان سوق العقار بالسودان اصبح سوقا جاذبا لاستثمار فيه للعائد السريع والمرتفع بصورة تندر فى اى نشاط اخر فادت مضاربات التجار وتميز السماسرة فى بعض الاحيان لبعض المناطق الى ارتفاع مناطق بصورة كبيرة دون خاصية لتلك المناطق تتناسب مع تلك الاسعار , ففى منطقة واحدة يمكن ان يسيطر عليها اربعة او خمسة تجار فيتحكمون فى الاسعار صعودا وهبوطا بمثل ما جرى فى منطقة الوداى الاخضر التى ارتفعت فى فترة قصيرة من سته الف جنية الى خمسة وعشرون الف جنية والان بدات اسعارها فى الهبوط مرة اخرى .
فلتخفيض اسعار العقارات من قبل السلطات المختصة يجب المساعدة فى بناء المجمعات السكانية وتوزيع خطط اسكانية اضافية وتخفيض الجمارك على مواد البناء بالاضافة الى توفير الخدمات وفرص العمل بالولايات لاحداث تنمية متوازنة تفضى الى توزيع سكانى متوازن
rasheed ali [[email protected]]
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: munswor almophtah)
|
سلام وتحية يا منصور وزوار البوست الكرام ...
فعلا في فترة الـ3 اشهر السابقة قفزت أسعار الأراضي بصورة محيرة ..
أراضي الخوجلاب والتي كانت ب 5 مليون قبل فترة وجيزة تعرض الآن بـ 20 مليون
وأراضي الوادي الإخضر (درجة أولى) حصلت الـ 50 مليون كما ورد الينا ..
والدرجة الثالثة في الثلاثينات
_________________________________
د. ود المشرف ياخ مشتاقون والله .. وخبرك مقطوع ..
فقدت منذ فترة كل الأرقام من موبايلي ..
ورقم د. معتصم لميت فيهو بالصدفة من د.عمار
الله يرضى عليك أجدع لي رقمك في المسنجر
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: munswor almophtah)
|
Quote: د. ود المشرف ياخ مشتاقون والله .. وخبرك مقطوع ..
فقدت منذ فترة كل الأرقام من موبايلي ..
ورقم د. معتصم لميت فيهو بالصدفة من د.عمار
الله يرضى عليك أجدع لي رقمك في المسنجر |
دكتور احمد امين
مشتاقين والله
التلفون 0502294988
انت ناوي تشتري في السودان ياززول اعقل نحنا العندنا عاوزين نبيعو
الاسعار الايام دي في العلالي عشان الدولار بعد شوية الناس بتتعود على المبالغ الكبيرة دي وكل حاجة بتبقى عادية لانو مافي امل الدولار ينزل
على العموم انا لابد بالشقة بتاعتي لحدي ما الناس تتعود وهي لا بتاكل ولا بتشرب
محبتي
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: munswor almophtah)
|
عذرا لاقتحام خصوصيتك .
عندي استفسار عن اراضي او بيوت حي الصحفيين في الوادي الاخضر
وهو بيت اشتراه احد الصحفيين ولم يستطيع تسديد باقي الاقساط فعرضه
للبيع وعايز فيه 35مليون وبقية الاقساط تساوي تقريبا 15 مليون
والبيت عبارة عن غرفة وحمام ومطبخ لا غير وطبعا السور والارض 300
مترفقط والمشكلة انو ده كلام بالتلفون ولم نشاهد الموقع وانا يا سيدي
في المملكة يعني بره السودان وعايزة راي خبير وشايفاك خبرة وطارح
مساعداتك فياريت تفيدني برايك في السعر المطروح .
فايق تقديري واحترامي
| |
|
|
|
|
|
|
| |
على محمد على بشير
احمد الزبير
munswor almophtah
الشفيع وراق عبد الرحمن
محمد الشيخ أرباب
اسامة الكاشف
د.عبد المطلب صديق
وضاحة
ابوحراز
معاذ حسن
محمد الأمين موسى
الطيب عثمان يوسف
بكري عباس علي
مهيرة
nazar hussien
Asim Fageary
ياسر نجيلة
Hatim Elmaki
مزمل خيرى
هند محمد
شكرى سليمان ماطوس
ابو تميم
الامين موسى البشاري
عمار عبدالله عبدالرحمن
الشاذلى خيرى عبد الله
Dr.Elsadig Abdalla
فيس بوك
تويتر
انستقرام
يوتيوب
بنتيريست