|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: khaleel)
|
سلام مها
احتمال للصدف بس جاء ردي خلف مشاركات المشاركين واستعمالهم لكلمه حناكيش والتي لا احبها اطلاقا ...
لكن هذا لم يكن قصدي اطلاقا ..... انا بس كنت بتساءل هل انت مها زكريا الدرست معنا في سستر سكول ام لا وعندما رايت اسمك تذكرت ايام المدرسه ووجهك الضاحك وطفرت الي ذهني ذكريات جميله خاصه بطفولتي وبدايه شبابي وارتبطت هذه الذكريات في مخيلتي بامي رحمه الله عليها..
ارجو المعذره ان ضايقك تعليقي فهو لم يكن سوي تساوول هل انتي من اعنيها ام لا.. وفي جميع الاحوال لك سلامي....
سلمي عبد العزيز النصري
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: khaleel)
|
Quote: اللقب: maha zakaria : .
عدد البوستات: 7 تاريخ التسجيل: 21-03-2008 محل الاقامة: : عنوان مكتبتى بسودانيزاونلاين دوت كم : اكلات مفضلة: الاسم الحقيقى: التلفون: الجامعة/المعهد: الحالة الاجتماعية: Single العنوان الدائم: الفنان المفضل: اللون السياسى: النوع: Male الهوايات المفضلة: الوظيفة: تاريخ الميلاد: درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: عدد الاطفال: معلومات اضافية: مكان العمل: مكان الميلاد فى السودان: صورتى:
|
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: khaleel)
|
أنا ما متذكرة إنو أنا مليت فورم البرفايل.. عموما لو مساعدة كدة علشان أعرف املا فيه معلوماتي
سلمى ، ازيك، ياها أنا مها ، سستر سكول وإقتصاد إحصاء. ,انا كمان روحي رياضية جدا، من دفعة أكل عليها الزمن وشرب ، وبناتي ماشاءالله شوية ويدخلوا الجامعة. . وشكرا على الترحيب.
ندي أزيك ،،
أنا أبدا ما إتحسست من كلمة (حنكوشة) حسي ، لكن زمان في الجامعة لما كانوا يقولوها لي، كنت بأحس كدة بانه بيعزلوني ، (يا حنكوشة زحي بعيد ، ما حتفهمينا )
حسي ممكن أقول ليك إنها دي كلمة عنصرية شوية وفعلا ، looking back ، بأفتكر إنه الكلمة دي فعلا عزلتني شوية عن الناس في الجامعة ، ما عدا قلة ، لا زلت أعتز بصداقتهم جدا.
في دفعتنا ، يمكن كنت الوحيدة من شهادة لندن ،، لكن كان في بعضهن وبعضهم (أحنكش مني) .
سهام عارفاهم كوييييس
قولي يا سهام
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: khaleel)
|
العزيزة مها، مرحب بيك تانى،
انا هسة متين جبت سيرة الحنكشة؟ دى سلمى النصرى.
اتفق معك، اذا تعدّى استخدام كلمة "حنكوشة" (و "أغبش" -- ليه مافى "غبشاء"؟) المزاح، فانها تصبح كلمة لعزل الطالب/ة مثل الكلمات الاخرى السخيفة التى تستخدم مثلا لوصف الطلاب من خارج العاصمة...الخ) و هذا مؤسف لان ايام الجامعة كانت فرصة للتعرف على اخوة و اخوات اعزاء من جمبع انحاء السودان.
و يا ملاسى، بس علشان ما تزعل انت او هندة تزعل، حكاية اكل عليها الدهر و شرب دى جابتها شمائل و انا فقط قلت ان روحى رياضية، لكن ده لا يعنى ان دفعتنا اكل عليها الدهر و شرب! لو الحكاية كدة ناس سيف بشير و الصاوى يقولو شنو؟
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: nada ali)
|
Quote: بكري ابوبكر جميلة جميلات اقتصاد عائزة تخش ما تدخلها وينولك ثواب |
تقول من نور هي مخلوقة.. ربنا شال من احلى صفات ردم فوقا.. لاجل الجمال الفاتن.. ولانه " في الانبياء خالق مشاكل" معاَ (لتدجين) كتاحة البوست.. وتهذيب (الملافظ)، وصولا الى المشاكل السعيدة.. اوقع..D تخريمة: ---------- يا بكري مستنى شنو؟ اوعى تعمل تقيل لغاية ما يسقوك موية الغسيل.. :
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: khaleel)
|
مها زكريا لاجدال فى انك كنت احد اعمدة الجمال وال STYLE ايام دفعتنا واتفق معك انه حناكيش مصطلح غير دقيق لعزل الناس وفرز الكيمان وياما التقينا بمن كانوا مصنفين كحناكيش اسعدوا ايامنا وكانوا ومازالوا اخوة كرام واولاد بلد يعجبوك
خليل انا عاذرك لعدم تهنئتك لى بالمولود الجديد لانك مافاضى من مها زكريا دخلت فى حزيران ولا ايلول طبعا انت شايل الابريق من الالفية التانية وتعرف اسم وليد كان مرشح قوى الا شايف حظوظه تضاءلت بعد اصرارك على تهميش الامير الجديد
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: khaleel)
|
Quote: انا هسة متين جبت سيرة الحنكشة؟ دى سلمى النصرى |
هذا ما ذكرته الاخت ندي علي بصراحه ندمت اشد الندم علي دخول هذا البوست.
الاخت ندي ارجوك راجعي المداخلات بعنايه لكي تعرفي ماذا قلت..ولك الشكر.
الاخت مها ووالله لم اتفوه بكلمه حنكوشه ولا حناكيش في حياتي واكررها لك ...
في حياتي كلها...
دخولي هذاالبوست فقط كان من اجل التاكد من ان مها زكريا المذكوره هي من درست معنا في سستر سكول وللترحيب بها فبعد تفرقنا بعد امتحانات الشهاده افرح فرح شديد عنما التقي باحدي الاخوات ممن كانوا معنا, بالمدرسه حتي لو لم تكن صديقتي عن قرب... و يا مها يا اختي صحيح كلمه حنكوشه بتخلي الواحده مصنفه بطريقه مختلفه.., لكن بالنسبه لي اخذت الامر ببساطه عندما كنت بالاهليه وقبلها عنما درست خارج السودان ..بل لقد وصل الامر بزملائي علي مناداتي بالملكه اليزابيث..و اعتبرتها مزاح وانتهي الامر,
اسفه جدا علي الدخول في هذا البوست.
سلام يا مها انا لست في الخرطوم انا في مونتريال..لكي سلامي ولاسرتك.
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: elsawi)
|
Quote: حكاية اكل عليها الدهر و شرب دى جابتها شمائل و انا فقط قلت ان روحى رياضية، لكن ده لا يعنى ان دفعتنا اكل عليها الدهر و شرب! لو الحكاية كدة ناس سيف بشير و الصاوى يقولو شنو؟ |
لوووووووووووووووووووووول ندى مصطفى والله الا تعملى ليك ساتر من سبف و الصاوى ياخ بركه البوست مها الجابك مقلعه و الا زماااااااااان يا وومن الرسول فيك عاد كما اتحفتينا ... والله شوق لما الكتابة غلبتنى
منو؟ سيرت من؟ و كيف؟ ومتين؟؟ الصاااااااااااااااااااوى امييييييييييييييير والله ايام سلام ليك يا اشرف و مرحب بيك فى المنبر و فى البوست ده تحديد والله انت جبت لينا ريحة دعاش ما فى زيها تحية و سلام كبير عبرك لصديقى "الشاب الوجيه" وسلام مربع الف مره لى ماجده العسل
الصاوى الولد اشرف ده لو ما شكمته من هسه بكره ح يقول ليك يا حاج و القصه دى ما كويس لنفسيات ناس كتار هنا ياخ شوق شديد
عصام جبرالله عليك شوف البوست ده ماشى كيف؟ شوف الناس القلعت دى كيف
يا خليل اها قلت لى الحنكوش منو.. انا ما كلمتكم يا جماعة مها دى بقت اغبش منكم/ن
سيف بشير حرب الصور على و على اعدائى (وجه ضاحك قر قر قر قر)
الصاوى الرسول نزل لينا الصور الخاف منها سيف دى
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: Siham Elmugammar)
|
لا حول ولا قوة الا بالله الواحد مايدوكم ضهرو ياجماعة اكل الدهر عليها دى زعلتكم كدا ليه؟؟
اولا البوست منزلو خليل يعنى انا فهمت انو دفعة مها ،،، بعدين خليل دي يكبرني بعقدين من الزمان
ثانيا: انا قريت آداب وكنا بنتكل فى اقتصاد علىشارع النيل وكدا وقلت لنى ماعرفت مها دي
ثالثا: يا سهام المجمر انا لايماك ماجبت لى اسم الجل عندى عرس فى الايام الجاية دى وناوية على الكيرلي
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: Hussein Mallasi)
|
قال خليل اكبر منى بعقدين من الزمان ...قصد اكتر من كده شنو يا شمائل (وجه مفرفر من الضحك) اها انتى تعاين فى الفيل و تطعنى فى ضله.. ما ياها مها حايمه هنا ما تسأليها عديييييييييييل انا الحاجة الوحيده الممكن انصحك بيها لعرسك ده هى ان تلحقى شعراتك بعمل اربعه كعكعات كاربات اتنين قدام ذى انوار الفولكس فاجن و اتنين ورا واذا الحكاية ما عجبتك احولك لندى مصطفى توريك كيف تلفى القصه
اها كيف معاك؟؟؟
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: khaleel)
|
سلوم يا زولة ،، أنا أبدا ما زعلت ، ويمكن أكون لخبطت في الردود ، معليش, وعليك الله ما تتأسفي لدخول البوست دة. أنا فرحت جدا بملاقاة الناس دي كلها.
بالعكس، أنا كمان لما أشوف أو ألاقي أي زول من ناس زمان بأفرح فرح شديد. أنا متابعة المنبر دة من أكتر من سنة لأني بألقى فيه ناس زمان الزمن الجميل (زمن الزمان زين والشعر للأضنين)) الكيرلي شفتوهو في الصورة اللي نزلتها سهام من وراي
أها ،، حقو دي تكون فرصة للناس يلحقوا أخبار بعض ، ويمكن يتلاقوا (to catch up)
خليتكم بخير وعافية، بداية إسبوع وكدة
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: maha zakaria)
|
يا مها انتى جنيتى و الا شنو؟؟؟؟؟؟؟؟؟؟؟؟؟ الله يجازى محنك هسه باقى ليك لو قلنا الكلام ده هنا فى زول بيصدقو يا بت يا شمايل طالما جابت ليها مريق قصص ذى دى و تهديدات صور انسى لموضوع و ارجعى للكعات احسن ليك
مهااااااااااااا قال عشرة وشوش ضاحكة... ياخ قولى مية وش فطسان من ذكرى الريحةساااااااااااااااى ...قال ما اصلى قال والله لوووووووووووووووووووووول يا فردة
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: khaleel)
|
ياسهام المجمر اسال مها ليه انت وخليل مش القائم بالاعمال
بعدين مها طلعت ماخدة عضوية يعنى انت وخليل موضوعكم استحم
على اى حال يا مها زكريا مرحب بيك وزى ماقريتي عندى عرس فى اليومين الجايين انقذيني باسم الجل
قلت لى ياسهام كعكات ،، اها بباندات ولا لساتك ملونة ولا بنس؟؟
ملاسي البوست بقى كدا لو ماعجبك امشي اعمل شعرك كيرلي
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: Hatim Yousif)
|
شمائل و الله غتاتت مها معاك دى ما عجبتنى كدى خلينى اديها سلك اهرشها لان حالة شعرك حننتنى على خلفية بوست سابق لخليل الظاهرالكيرلى بتاع مها فشاهو شويه عشان كده قعد يغنى لينا خليل شحد والله اداه لكن نان هو اداهو ساى ما عدييييييييل كده الله فتحها عليهو
يا اشرف ياخ ما قلنا فى الماسنجر مها..الصاوى دفعتى لكن ما قدرى انا اصغر منهم!!! لكن اسوى شنو صاحبت عمك تبقى عمتك اها قول لى يا عمتى انشألله عنهاالايام ما رجعت
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: maha zakaria)
|
كيفك يا ندى
Quote: لكن ده لا يعنى ان دفعتنا اكل عليها الدهر و شرب! لو الحكاية كدة ناس سيف بشير و الصاوى يقولو شنو؟ |
انا هسع ما متذكر، الصاوي دفعتي وللا لا؟؟ اتخيل لي لا، لانو لما كنت في خامسة، سكنا في داخلية واحدة وهو كان في رابعة... لكن الما متأكد منو فعلاً هو عصام جبرالله - وما عارف ليه انت اغفلتي اسمو...
وإذا أصلو دفعتنا نحنا ذاتها أكل عليها الدهر وشرب، أمال ناس حسن عبدالسلام يقولوا ويعملوا شنو (يا حسن انت اول زول اتذكرتو من الدفع "وليس الدفعة" القدامنا... زي ناس جعفر هاشم وكدا)
ويا سهام مافي اي داعي ندى تاخد اي ساتر... عامل السن برضو ليه اثرو (يعني في علاقتو بضروس العقل وهكذا)
سيف
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: saif basheer)
|
سيف بشير يا فردة لكن كا دفعة طبعا
قبل فترة فردتى البتعرفها و مافى داعى لذكر اسمها هنا لانها جنها و جن ناس سودانيزاون لاين ديل المهم قالت لى انا ماشة معاك بيتك تعالى غاشيانى اها سقتها وقفنا نشيل حاجات من الكان القريب من البيت قام الولد قال لى اها دايره شنو ياخالة ..طبعا فلانه حدجتنى بنظره فظيعة الولد دخل الكان من هنا و انا اضنينى اتقلعن من هنا و انتهت بتهديد انها تانى ما ح تركب معاى عربية كيف يعنى اسمح لولد شنبه قام يقول لى يا خاله طبعا عارفنى قلبى ميت كنت بضحك بث
| |
|
|
|
|
|
|
Re: بكري ابوبكر جميلة جميلات اقتصاد عائزة تخش ما تدخلها وينولك ثواب (Re: khaleel)
|
يا خليل هوووي،،،، إنت لسة ما جاوبتني علي تساؤلي ،،،، حنكشة الصغرة ولا حنكشة الكبر؟؟؟؟؟؟
وبعدين انت لسة من زمن لندن؟؟ الناس بقوا يمشوا يصيفوا في بلاد تانية يا أخوي
لكن جد فايتاك سخانة معتبرة هنا.... وكمان معاها كتاحة أمبارح ،، وشوية قطع كهرباء ظريف كدة،، غايته مستمتعة في مونت كارلو أكتر من لندن..
أها يلا حأقول أنا مصيفة وين المرة دي ، لكن ما تقول لسهام لأنو إتواعدنا نمشي كلنا سوا ((((همسا ... همسا...)))) زانجبار
| |
|
|
|
|
|
|
| |