|
|
 اللوليّــة .. الخرطوم أديس أبابا .. الركوب مجاناً
|
كلنا نحبهم كلهم
كلٌ يحبهم على شرعته والصفحة البتريحو
بعضنا يتذكر بحيرة تانا ومنبع النيل الأزرق ( والله أعلم )
بعضنا يتذكر البن ورائحة القهوة ونقرشة الفنادك
بعضنا يتذكر الويسكي والبخور وأشياء أخرى
بعضنا يتذكر ذلك .. بعضنا يتذكر غير ذلك .. وغالبيتنا تختبيء وراء أحد ذلك
لكننا
كلنا نحبهم .. ومن لا يحبهم منا لا يكرههم
سحنة رجالهم تعطينا إحساس بالوشائج القوية والمودة الخفية
إن سمعنا شدو تالاهون جيسي .. القشعريرة تقوّم لحم جلدنا
إن سمعنا صوت ( أستير أويكي ) تركبنا أم هلا هلا
بعضنا يحبهم جهراً وبعضنا سراً ( خوفاً من وزارات الداخلية )
بعضنا يحب ( جغرافيتهم ) والبعض الآخر يحب ( التاريخ )
وكل واحد يختار ( المادة ) البنجح فيها وبتخليهو سعيد
كلنا نحبهم
نحبهم ومن لا يحيهم منا فسجم خشمو وتسعين في المية من حياتو ضايع
إن شهقت فاتنة في أديس تداعت لها الخرطوم واقفة على كراع واحدة
شهقة واحدة ( بعملوها كيف والله ما عارف ) وينتصب الفوارس غابة رماح
أغلبنا زار أديس .. أو ينوي زيارتها .. وأضعف العشق أن يتمنى زيارتها
من لم يصعد لأديس أبابا فقد تمتع بأفلام وحكايات الحجيج الراجع من هناك
سر ذلك الحب أنه سيبقى إلى أن يبتلع الكون بحيرة تانا ويطوي الله النيل الأزرق
وأظن أن حبنا لهم وحبهم لنا سيرحل للدار الاخرة
ما أظن ولا حاااجة أنا متاكد ( إنتو بطريقتكم )
كلنا نحبهم
نحبهم ونحبهم والمابحبهم ماعندو سبب يخليهو يعمل كده
نحب مودتهم .. رقصهم .. عاداتهم .. قهوتهم
ونحب حبهم لنا .. ياخ بحبونا حب مبااالغة والله
أهااا بعد كده المابحبهم مش غلطان ؟؟
أثيوبيا
أبنوسة أفريقيا رغم الفقر والجفاف والتصحر تهدي السعادة
تاني ما أسمع زول يقول فاقد الشيء لا يعطيه
أثيوبيا والعشق في أعلى سطوته
ومنحني المودة عاوز يطرشق
وسعوا الورقة زحوا بعيد
|
|
 
|
|
|
|
|
|
|
 Re: اللوليّــة .. الخرطوم أديس أبابا .. الركوب مجاناً (Re: ثابت محمد)
|
الاخ العزيز/ ثابت محمد..
يااخي اللولية دي صعبة...كما قالت عنها اغاني البنات عندنا...
والله نحن بنحبهم وبنحب ال بحبهم...وهم كمان يبادلونا نفس الحب...وايش من الحب..
ده درب طويل يا اخوي والحديث فيهو ذو شجون...لكن انا لم اري شعب يحترم ويقدر الشعب السوداني مثل الشعب الحبشي...
سبق قبل كده كتب الاخ /كمال الزين ..ومحمود الخطيب واخرين في بوست جميل كان عنوانه
جنابة الحبشية..ليتك اطلعت علي هذا البوست...
ليك خالص تحياتي
وانشاءالله لنا لقاء آخر
عثمان الجيلي
| |
|
|
|
|
|
|
|
|
|
Re: اللوليّــة .. الخرطوم أديس أبابا .. الركوب مجاناً (Re: عثمان الجيلي شيخ محمد)
|
| Quote: والله نحن بنحبهم وبنحب ال بحبهم...وهم كمان يبادلونا نفس الحب |
عثمان الجيلي
يااخ الله يريحك ريحتني شديد
بوست الجنابة خليني ( أغتسل سُمبهار ) وأمشي أحتل ليك فيهو
عثمان .. عليك الله تحبهم وكلم كل زول يحبهم
حبهم شديد ياااخ . والله بستاهلو
هم ببادلونا سااااي ؟؟ .. والله بحبونا بدون مبادلة
بحكي ليك كتير
بس إنت أرجع وأنا راجيك بالمودة
| |
|
|
|
|
|
|
| |
ثابت محمد
شهاب الفاتح عثمان
الملك
rosemen osman
فيس بوك
تويتر
انستقرام
يوتيوب
بنتيريست