|
|
|
 Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: بكرى ابوبكر)
|
Quote: 900 طفل مجهول الأبوين سنوياً بشوارع الخرطوم
امدرمان: اسماعيل حسابو
كشفت احصاءات رسمية تصاعدا لافتا في نسبة الوفيات وسط الاطفال مجهولي
مجهولو الابوين
الابوين بولاية الخرطوم بلغت 82% ، واكدت انه يتم التخلي عن 900 مولود سنويا بمختلف الطرق، في وقت اصبحت دار رعاية الطفل بالمايقوما تستقبل 700 طفل مجهول، و كشف المدير السابق للدار ان غالبية الاطفال غير سودانيين.
ورسم المتحدثون في ورشة برلمانية بعنوان» مجهولو الابوين- الواقع والمستقبل» نظمتها لجنة الشؤون الاجتماعية بالتعاون مع منظمة اليونسيف بالبرلمان، أمس، صورا قاتمة عن اوضاع اولئك الاطفال الذين يعيشون في الملاجئ. واوضحت مديرة الوحدة الفنية لمشروع الرعاية الاسرية البديلة بوزارة الشؤون الاجتماعية بولاية الخرطوم، مني عبد الله، ان في ولاية الخرطوم يتم التخلي عما يزيد عن 900 طفل سنويا.
وابانت ان العام 2007 شهد استلام 589 طفلا و كفالة 220 اخرين ، بينما توفي 294 واحيل 256 الي اسر طارئة، فيما ارجع 41 الي ذويهم، في حين تم استلام 249 مولودا خلال الفترة من يناير الي مايو من العام الحالي وكفالة 147 وايجاد اسر طارئة لـ54 وتوفي 141 وتم ارجاع سبعة الي ذويهم.
واشارت المسؤولة الي ان الاحصاءات مستقاة من دراسة وبحوث اعدتها وزارتها بالتعاون مع منظمة اليونسيف، وشددت علي اعادة دمج الاطفال معلومي الوالدين مع اسرهم وايجاد نظام كفالة طويل المدي .
وذكر رئيس منظمة انا السودان، الدكتور محمد محي الدين الجميعابي، المسؤول عن رعاية دار المايقوما ان المشرحة تتلقي سنويا ما بين 300 و700 مولود مجهول، وان عشرين ضعفهم لا يذهبون الي الدار ولا المشرحة ، وشكا من شح التمويل من المؤسسات الوطنية بما فيها ديوان الزكاة الذي قال إنه اوقف دعمه ، وقال ان مشروع رعاية الدار يكلف خمسة مليارات جنيه (قديم)، ولا نجد الدعم من احد، داعيا المسؤولين الي زيارة الدار وكفالة الايتام.
وكشفت مديرة دار المايقوما السابقة، نجاة الفادني، ان غالبية الاطفال الموجودين بالملجأ من آباء غير سودانيين، داعية الي مراقبة الاجانب والمستثمرين بالبلاد.
|
هذه نتيجة طبيعية جدا جدا لما حدث ويحدث في بلادنا... والآن اذا فكرت في انتقاد النظام يطلع عشرات الشاتمين.
| |
 
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: بكرى ابوبكر)
|
أتفق مع خالد في ما قال
وأختلف مع علاء
"بالعكس اخي خالد فهذه هي مسؤلية الدولة بكل مؤسساتها الاجتماعية والخدمية ..
الوضع الاقتصادي المتردي احد العوامل التي تزيد من هذه الظاهرة .."
الدولة ما بتفلق وتداوي، الدولة هي المتسبب في كل ذلك. للبشر (من سودانيين وغيرهم) وذو القلوب الرحيمة ومنظمات المجتمع المدني دور أساسي في المساهمة في التخفيف من حدة الظاهرة وآثارها.
تذكرت قصه حكاها لي حفيد المرحومة طيبة الذكر نفيسة كامل وهي المؤسس الأول (كما أعرف) لدار المايقوما، من أن الدولة تولت (غصبها عنها) مسؤولية دار المايقوما، قال أنه من المرات النادرة التي بكت فيهاحين زارت دار المايقوما ورأت ما آلت إليه حال الأطفال المودعون هناك.
من يرمي بهذه المسؤولية لبروقراطي الدولة كمن يرمي بأطفاله للذئاب.
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: naeem ali)
|
شكرا ليك يا اخ بكري .. ويا ريت الموقع يتبني حمله لجمع الادوية وملابس الاطفال والتبرعات لمركز المايقوما ...
شبكة وطني الاخبارية :
الخبر المؤلم والمحزن الذ ي نشرته صحيفة الصحافة عن الاحصائية السنوية لعدد الاطفال المجهولي الهوية والنسب الذين عثر عليهم الناس في امكان مختلفة في العاصمة الخرطوم وقاموا بتسليمهم الي السلطات التي عادة ماتقوم بايداعهم في امكان الرعاية الاجتماعية التي تفتقر الي ابسط الخدمات والامكانيات وتلك ليست القضية بل معدومي الضمير الذين اتوا بهولاء الابرياء الي الحياة بطرق غير شرعية ثم دفعهم الخوف من العار الاجتماعي بالتخلص منهم بتلك الطريقة الغير انسانية والمخالفة ليست للقوانين الوضعية بل لكل الشرائع السماوية من هولاء الذين لايدركون ان هذه الحياة الدنيا ماهي الا برهة عابرة سيجد فيها الانسان يوما ما وفي ساعة ما لافرار منها امام ربه وامام ميزان الحساب الذي لاتختل حساباته وعندها سيكون الناس بين امرين اما النجاة بالاعمال واما العقاب والادانة والذل الابدي الذي لايتغير ولايتبدل من هولاء الذين اشتروا سخط الله بساعات رضي دنيوي زائل..في بعض افلام الدراما الاجتماعية القديمة كان بعض المذنبين يتخلصون من الابناء الغير شرعيين ويراقبوهم حتي يتاكدوا من الشخص او الجهة التي اخذتهم وتظل الام في حالة متابعة حزينة من علي البعد للابن او الابنة التي تربت في كنف الغير ثم تمر الايام والسنين وعلي حسب مجريات الاحداث تظهر الام في حياة المولود القديم بصورة درامية بعد يكبر وذلك السيناريو بكل مرارته اخف ذنبا والما للنفس الانسانية من الطريقة التي يتخلص بها البعض من مواليدهم الغير شرعيين هذه الايام بالطريقة التي نراها وتتداولها الصحف والمجلات
عن النيويورك تايمز ........ علاقه بالموضوع ............. لينك ......
والله من وراء القصد ...
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: Hani Arabi Mohamed)
|
هذا هو نظام الأحلام الذي يحكم شعباً من الحالمين، فلا القائمون بالأمر فيه تحوّطوا لعواقب ما هم مقدمون عليه ولا المأمورين خطر على قلوبهم أن هذا هو المآل وهذا هو الطوفان الذي حذرهم منه الأستاذ محمود وتلاميذه فلم يبق جانب من حياة أهل السودان إلا وأصابه التلف والعطب وأنهارت منظومة القيم التي كانت تسيّر هذه الحياة لأن الأسباب المادِّيّة الملموسة التي قوِّمتها ودعمتها وكانت لها بمثابة الآليّات لتكون فاعلة في علاقاتهم وسلوكيّاتهم انكفأ عليها رجال الهوس الديني وساحات الفداء هدماً وتدميراً . ولست أدري إن كانت قلة معرفة غرقت في ظلام الجهل ؟ أم التواء من نفس أمّارة كساها الرين فأعتمت ولم يبق فيها منفذ لنور الله !!!؟
إن أردتم إخوتي إنقاذ ما تبقى من أهلكم فعليكم تغيير هذا النظام الذي به تدار الأمور فيهم .
أبوحمـــــــــــــــــــــــــــــد
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: بكرى ابوبكر)
|
وهذا احد ثمار المشروع الاسلامي للجبهة الاسلامية
لعل وعس يختشوا و النساء اللائي يؤيدن الجبهة ان يخرسن
ان 7000 او 700 طفل من احدي المنظمات التي تعمل علي تربية الاطفال المولدين/ات خارج المؤسسة الزوجية
والان 900 طفل سنويا
وغير حالات الاغواء وممارسة الرذيلة من قبل مسئؤلي الجبهة الاسلامية مقابل الوظيفة لبعض النساء
ومعاكسة لبعض الاحيان
الدولة الدينية هذا هو مشروعها
الخراب بشكله الواضح والمخفي
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: الطيب رحمه قريمان)
|
الرقم يعتبر غير ملفت للانظار دا رقم طبيعى لو قيس بالدول العربية المنفتحة كمصر و سوريا و و الجزائر و المغرب و تونس
بعدين الناس عايزة تصل لشنو انو البنات و الاولاد بيمارسو الجنس من غير زواج طيب دى حاجة ما دايرة غلاط و لا دايرة دليل كل واحد او واحدة تعاين و لا يعاين لاصحابه/صحباتها و حا تلاقو انو اكتر من 50% من اصحابك و حوالي
25-35% من صحباتك عندها/ عنده علاقة جنسية من زواج و يمكن البنات يلاقو صعوبة شوية في معرفة صحباتهم خوفا من الفضيحة عكس الولد البيفتخر بانه عمل و عمل
و تاني حاجة لو الاعلام و الدولة و المجتمع حاولو يوقفو ممارسة الجنس ما حا يقدرو لانه الجنس حاجة فسيولجية زيها و زي التبرز و البول لا يستطيع الانسان من غيرهم
و عشان كده حقو الناس تغير مفهوم انه دا واد ولا بت حرام و يوفروا كامل الرعاية لهؤلاء الاطفال
و يجب تغيير نظرة الناس بتاعة انوالبت البتعمل كده ما كويسة
البت الما كويسة هي التى تبيع جسدها و هؤلاء هم ما يعرفون بالداعرات
و بعدين الحاصل فى السودان ده جزء من الثورة الجنسية التى تعم العالم الان من مكة المكرمة الى الفاتيكان و هي ثورة صدرت من الثفافة الغربية الطاغية على العالم بعلمها و اقتصادها و معرفتها و لا طريق لايقافها لانها هي الاقوى و الابقى
و الناس لو حاولت تشتغل بهذه المواضيع حا يكون في مزيد من القهر و مزيد منالفقر و الجهل و الاذلال و كله باسم الدين
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: بكرى ابوبكر)
|
A Kid asks: 'Daddy? How did I come into this world
The Daddy Answered: ' Well, my child, some day I'll have to tell you any way,
The Kid asked again: 'So why not today?' The Dad Respond: Please, listen carefully:
Mom and Dad met each other in an internet café. In that café, dad connected to mom.
Mom at that time made some downloads from dad's memory stick. When dad finished uploading we discovered we didn't use any firewall
Since it was too late to cancel or delete, nine months later we ended up with a virus
Regards
Elameen
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: بكرى ابوبكر)
|
بدار المايقومه الان (157) طفل...
مجهولي (الابوين)..
يحتاجوا الي دقيق ولبن وبشاكير..
وحلمات بذاذات..
وصابون بدره وديتول..
وزيت سمسم... لانو (السمسم ما كفاهم)..
وما عندهم سعيه..
ومحتاجين (حنان)..
ونظره (اخويه)..
ومحتاجين احترام..
وامل.. ونوار وكل الاصدقاء.. (اغنية مسلسل اطفال)..
ومحتاجين يحضروا اسبيستون...
مافي داعي يلعبوا بليايستيشن... بس فيهم شفع بحبوا الكوره..
محتاجين يلقوا ناس يلعبوا معاهم..
وما يقولوا ليهم (شووت يا ود الحرام)..
محتاجين (امهات بديلات)..
لانو الامهات البديلات ما صارفات ليهم خمسه وتلاته شهور..
ومرتبهم وريقات...
هل الامر يحتاج الي (جنسية) الوالده او الوالد..؟؟!!! لمجهولي الابوين..؟؟
ومن حكم ان الاب غير سوداني (هل اتاه الوحي) فعرف ان الام سودانيه..؟؟
ام ان (الانثي) شماعة الخطاء دوما...؟؟؟
وخصوصا السودانيه..
الم نتعاطف مع (الشعب الصيني الشقيق) في زلزاله الاخير...؟؟
ونتعاطف مع (اطفال غزه)..؟؟
والشيشان..؟؟
وازربيجان..؟؟
والكنغوبرازافيل..؟؟؟
وعند (الفزع) الوطني..
ابيي... دارفور.. المناصير... اطفال كجبار..
يتحول الامر (لمناقشة الظاهره)..!!!!!!!!!!!!!!!!!!!!!!!!!!!!!!!!!!!!!!!!!!!!!
ظاهره ناتجه من تفاعلات..
اجتماعيه واقتصاديه وثقافيه ودينيه وسياسيه ومراات مراات (قلة ادب ساااكت)..
يتحمل تبعاتها (وكما جرت العاده وبرطعت دون ان يسالها احد).. المجني عليه..!!!!!!!!!
لكن..........
بكره احلي
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: naeem ali)
|
Quote: بدار المايقومه الان (157) طفل...
مجهولي (الابوين)..
يحتاجوا الي دقيق ولبن وبشاكير..
وحلمات بذاذات..
وصابون بدره وديتول..
وزيت سمسم... لانو (السمسم ما كفاهم)..
وما عندهم سعيه..
ومحتاجين (حنان)..
ونظره (اخويه)..
ومحتاجين احترام..
وامل.. ونوار وكل الاصدقاء.. (اغنية مسلسل اطفال)..
ومحتاجين يحضروا اسبيستون...
مافي داعي يلعبوا بليايستيشن... بس فيهم شفع بحبوا الكوره..
محتاجين يلقوا ناس يلعبوا معاهم..
وما يقولوا ليهم (شووت يا ود الحرام)..
محتاجين (امهات بديلات)..
لانو الامهات البديلات ما صارفات ليهم خمسه وتلاته شهور..
ومرتبهم وريقات...
هل الامر يحتاج الي (جنسية) الوالده او الوالد..؟؟!!! لمجهولي الابوين..؟؟
ومن حكم ان الاب غير سوداني (هل اتاه الوحي) فعرف ان الام سودانيه..؟؟
ام ان (الانثي) شماعة الخطاء دوما...؟؟؟
وخصوصا السودانيه..
الم نتعاطف مع (الشعب الصيني الشقيق) في زلزاله الاخير...؟؟
ونتعاطف مع (اطفال غزه)..؟؟
والشيشان..؟؟
وازربيجان..؟؟
والكنغوبرازافيل..؟؟؟
وعند (الفزع) الوطني..
ابيي... دارفور.. المناصير... اطفال كجبار..
يتحول الامر (لمناقشة الظاهره)..!!!!!!!!!!!!!!!!!!!!!!!!!!!!!!!!!!!!!!!!!!!!!
ظاهره ناتجه من تفاعلات..
اجتماعيه واقتصاديه وثقافيه ودينيه وسياسيه ومراات مراات (قلة ادب ساااكت)..
يتحمل تبعاتها (وكما جرت العاده وبرطعت دون ان يسالها احد).. المجني عليه..!!!!!!!!!
لكن..........
|
شكراً يا(نعيم)
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: naeem ali)
|
| Quote: يجب وضع دراسة شاملة الجوانب من متخصصين للحد من هذه الظاهرة .. |
لا توجد أي دراسة في العالم يمكنها وضع حد لظاهرة ممارسة الجنس خارج إطار العلاقة الزوجية .. ما يحدث في السودان يحدث في جميع دول العالم سيما الدول الكبرى الفرق بيننا وبينهم أننا لا نخشى الله فحتى بعد وقوع الخطيئة يتخلى الأبوين عن المولود بالإضافة إلى أن المجتمع ينظر إليه على أنه إبن حرام .. من كانت لديه حيله فليساعد أو يتبنى مشروع لإيواء هؤلاء الأطفال ..
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: naeem ali)
|
وفى نفس الوقت
| Quote: ãÇÒäÈíمن آباء غير سودانيين |
دى نفهمها كيف ؟؟؟
يعنى خلاص عايزين يلصقوها فى الاجانب مامهم هوية الجاني بقدر حجم الضحايا والرقم الفلكي الفوق دا لو قسمناهو على السنة بيطلع معاك بمعدل 2.5 يوميا ،، شئ لا ينسكت عليهو؟؟ انا من وجهة نظري ارى:-
ان نعمل ما كان معمول به فى عهد نميري ، حيث كانت الدعارة منظمة حيث يتم تسجيل الداعرات واستخراج بطاقات خاصة بهن ويخضعن لكشف طبي دوري ،، وكانت مناطق الدعارة معروفة ومحددة ،، يعنى تمشي راسك عديل وانا اضف الى ذلك ان تتم عملية نزع الارحام منهن حتى لا يكون هناك ود حرام؟؟
طبعا الحل الانا اقترحتو اكيد فى ناس بينظروا ليهو نظرة ضيقة ، لكن والله والله كلام الشعارات والشجب والادانة دا قد يوقف الظلم وقد يوقف التهميش والاضطهاد لكنه لن يوقف الجنس انها الغريزة العمياء
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: بكرى ابوبكر)
|
الصديقة شمائل النور.. حبابك
حينما قرات مداخلتك تذكرت حكمة قديمة تقول: حينما يرفع احدهم اصبعه مشيرا الى ان هناك قمر.. كل الناس تنظر في اتجاه القمر.. عدا المجنون .. فهو ينظر في اتجاه الشخص الذي يشير باصبعه..
و كما فهمت الحكمة منذ وقت بعيد.. أن المجنون هو الأعقل.. لأنه ينظر الأسباب دون النتائج.. لأن معرفة الأسباب .. بالضرورة تقود الى معرفة النتائج .. كما حدثنا علم المنطق..
قلت من قبل برأي مطابق لرأيك.. و لازلت اتمسك به كثيرا..و أري أن الظروف الإجتماعية و الإقتصادية ..تدعو للتمسك به..
مشكلة الأطفال غير الشرعيين .. او اللقطاء كما تسميهم الذاكرة الشعبية في السودان.. ليست هي ذنب الأطفال لأنهم ناتج جانبي لمشكلة اجتماعية كبيرة..و هي مشكلة الجنس خارج اطار المؤسسة الزوجية..و قد كتبت من قبل عن ظاهرة الأمهات خارج التخطيط ..و الموضوع موجود في مكتبة الدراسات الجندرية في سودانيزاونلاين..لمن يرغب في الإطلاع عليه..
فكرة تقنين الدعارة.. كانت موجودة في عهد جعفر نميري..و كانت النساء اللائي اجبرتهن ظروفهن للعمل في هذه المهنة.. يتمتعن بالرعاية الصحية (كشف صحي منتظم للتأكد من خلوهن من الأمراض الجنسية)..و التسجيل لضبط العدد الذي يعمل في المهنة..و تخصيص اماكن معينة لمن يرغب في شراء سلعة الجنس..بالرغم من تحفظ المنظومة الأخلاقية للمهنة بتلك الكيفية.. فالشاهد يؤكد .. وفقا للإحصاءات في ذلك الزمن.. أنه لم تكن هناك ظاهرة اطفال غير شرعيين مستفحلة بالكيفية التي نراها في المجتمع السوداني اليوم..
هناك غياب الجانب التثقيفي في النواحي الجنسية..و كل ثقافتنا الجنسية في السودان تدور حول منظومة العيب.. لم تكلف نفسها في تقديم تصور علمي للمسألة الجنسية.. يعني العالم دي لو ثقفوها في معرفة الجسم الإنساني و تشريحه بصورة مبسطة.. ما كان الناس واجهت مثل هذه المشكلة..و هناك ايضا جهل تام من قبل الرجال في مراعاة استخدام العوازل الطبية..و غيرها من الإحترازات التي تقلل من وجود ظاهرة الأطفال غير الشرعيين..
نعم هناك ظروف اقتصادية.. اجبرت البعض الى الدخول في مغبة الجنس خارج اطار الزواج..و لكنى على يقين كامل أن تلك ليست هي المشكلة الأساسية.. لأن المشكلة الأساسية هي مشكلة التوعية..و ضرورة فهم الجنس بصورة علمية..
اختلف معك في نقطة نزع الأرحام من اللائي يمارسن الدعارة.. لأن هذه مسألة تحط من كرامة الإنسان..و نوع من التعذيب القاسي.. و لي سؤال: اذا قررت احداهن ترك تلك المهنة.. الأ يحق لها التمتع بحياة اسرية فيها اطفال؟..
كبر
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: Nagi Ahmed)
|
Quote: طيب يا شمائل لو اخدنا برايك و فتحنا بيوت الدعارة و ريحنا الرجال
طيب باقي البنات ديل البريحم منو ما برضو عندهن غريزة
ولا نفتح بيوت دعارة يشتغلو فيها الرجال عشان يريحو البنات ديل برضو
اسوا حاجة بيع الجسد فعشان كده خلو اي زول يعمل البريحو مش مقتنعين انه في قيامة و حساب |
ناجى احمد ،،تحايا،،
كلمة دعارة دى تشمل الرجال والنساء ، يعنى مكان الاشباع واحد للطرفين ،، ثم انو عايزة اختلف معاك فى مسالة النساء دي،، عفوا،، الجنس يسيطر على الرجال بنسبة اعلى بكتير من سيطرته على النساء ، ودائما الرجل هو البيبحث عن الجنس ولانه رجل فعملية الجنس لاتلزمه باى ملحقات اخرى فعادى ممكن ينكر الابن الذى ربما يكون من صلبه،، يعنى الرجل فى السيف سايد دائما وحتى النساء اللائي يشبعن غريزتهن بهذا الشكل دائما حريصات مايكون فى نتاج لهذه عمليات
فى رايك افضل بيع الجسد ولا افضل يكون فى طفل يطلق عليه ود حرام وهو يدري انه ود حرام كم هو معذب هذا الاحساس
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: Kabar)
|
العزيز كبر
لك التحية على التفهم، اتفق معك تماما على نقص الوعي الجنسي والثقافة ، وقالها الصادق المهدي قبلنا واعجبتني عبارته هذه (السودانيين غير مثقفين جنسيا)،، طبيعة التربية والعادات والتقاليد تحول دون حتى مناقشة موضوع كهذا،، نحن الشباب ارى ان دورنا العمل على تكسير كل القواعد،،
مسالة استئصال الرحم
فقط اردت ان اقول ان لاندع مجال لانجاب اطفال مجهولي الابوين ،، اما مسالة التوبة انى اراها ابعد من الثريا على امراة اعتادت على ممارسة الجنس ،، بحث تخرجي كان عن موضوع قريب من هذا ،، فوجدت الوحدة منهن حتى لو تابت او اصبحت كبيرة فى السن فانها لاتخرج عن هذه الدائرة فتقوم بعمل لصيق مثلا (ادارة بيوت الدعارة)
لكن فلنبدلها بالتوعية والتثقيف للرجال والحرص على استخدام العوازل وتوعية النساء باستخدام الموانع
فقط لا نريد ان نسمع ود حرام
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: بكرى ابوبكر)
|
من عجب الأشياء أن تحمل الدولة المسؤولية بهذه المبررات الواهية !! يا أخوتي هذه مسؤولية أسرية في المقام الأول والأخير الدولة لا تربي .. الدولة ترعى .. أنا لا ادافع عن الدولة أو الحكومة أو من يتولون الحكومة .. لكن هذه مبررات قد يجعلها الكثير سبباً في التمادي في هذا الخطأ ..
نعم للمواطن حقوق على الدولة كثيرة ومنها توفير العيش الكريم .. لكن أن يكون هذا تبرير لهذه الجرائم الأخلاقية فلا يعقل !! نعي أن هنالك من يضعفن أمام الحوجة ويذهبن إلى الطريق الخطأ .. ولكن نتساءل أين تربيتنا الأخلاقية والدينية التي ظل أهلنا يشنفون آذاننا بها ؟؟!! أهي تربية واهية أو وهمية .. فإذا هذا أول اختبار لقيمنا الأخلاقية وقوة تمسكنا بديننا وهذه هي نتائجنا فلا بد أن نعيد النظر فيما قيل عن أخلاق السودانيين وغيرهم من الكلام المساق ..
نسبة المنحرفين/ت أخلاقياً وذوي الدخل العالي جداً في السودان اكبر من نسبة المنحرفين/ت من ذوي الدخول الضعيفة أو الفقراء/ت .. فلا داعي للتبريرات وتعليق الأسباب كلها على الدولة ..
بالله أجيبوني هل تقوم الدولة بالتربية المنزلية ؟؟ أين ذوو البنات اللائي يخرجن من بيوتهن بالملابس المتبرجة ؟؟ هل هذا أيضاً دور الدولة ؟؟ لا تقولوا حرية شخصية ؟؟ لهذه الحرية آثار ضارة جداً بالمجتمع وبالشارع الذي تسير فيه هذه البنت ؟؟ هل تفرض الدولة على البنت أو الولد أين كان وأين يسهر وأين يمضي وقته ومن مع يمضي ويسير ومن يصاحب ؟؟
الأخت شمائل
معالجة الخطأ بالخطأ لا تجدي !!
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: يوسف الطيب)
|
يوسف الطيب
تحياتي وودي
اتفق معك فى ان المسؤولية ليست مسؤولية دولة فى المقام الاول ، المسؤولية ليست اسرية كذلك ، والتربية تلعب دور لكنه ليس بكبير حسب رايى،، المسالة فى البداية والنهاية مسالة رقابة ذاتية لا اكثر ولا اقل
فالدعارة تتداخل فيها عدة عوامل
اقتصادية
اجتماعية ونفسية بحتة
تربوية
لكنى اختلف معك فى رايك الاخير حول معالجة الخطأ بالخطأ،،، الجنس يسيطر سيطرة مغناطيسية ،، حاول اعمل مقارنة بين الارقام الحالية والارقام فى العهود السابقة ،،، وزى ماقلت ليك لو نبحنا من الليلة ليوم القيامة ونهتف وندين ونشجب ونستنكر ونبكي ،، يظل الجنس الغريزة التى لا مهرب منها
امتناني
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: بكرى ابوبكر)
|
الأخت شمائل
Quote: اتفق معك فى ان المسؤولية ليست مسؤولية دولة فى المقام الاول ، المسؤولية ليست اسرية كذلك ، والتربية تلعب دور لكنه ليس بكبير حسب رايى،، المسالة فى البداية والنهاية مسالة رقابة ذاتية لا اكثر ولا اقل
فالدعارة تتداخل فيها عدة عوامل
اقتصادية
اجتماعية ونفسية بحتة
تربوية |
كيف ليست مسؤولية أسرة كذلك ؟؟!! الأسرة فيها ينجب الطفل ويتربى ويكبر ويتلقى فيها كل احتياجاته الروحية والأخلاقية والدينية والدنيوية .. فكيف لا تكون مسؤولية أسرية في المقام الأول ؟؟
أختي الدعارة مرحلة متأخرة جداً .. أنا اتحدث عن الانفلات الأخلاقي للأسر السودانية والمبررات الأوهى من الذنب التي يعلق عليها البعض الأسباب !!
وحتى الدعارة مسوؤلية اجتماعية أولاً وأخيراً ..
| Quote: لكنى اختلف معك فى رايك الاخير حول معالجة الخطأ بالخطأ،،، الجنس يسيطر سيطرة مغناطيسية ،، حاول اعمل مقارنة بين الارقام الحالية والارقام فى العهود السابقة ،،، وزى ماقلت ليك لو نبحنا من الليلة ليوم القيامة ونهتف وندين ونشجب ونستنكر ونبكي ،، يظل الجنس الغريزة التى لا مهرب منها |
الجنس يا أختي مثله مثل ما خلق الله في الإنسان .. فمثلاً خلق الله لنا نحن الرجال شعر الرأس نحلقه نهذبه ليكن بشكل مرتب وجميل .. وخلق للرجل والمرأة الأظافر ليقوموا بتقليمها وجعلها بشكل أجمل لا أن نجعلها تنمو بدون تشذيب .. فغريزية الجنس شيء غير مختلف حوله أبداً ولكن أن نقول الجنس غريزة ونتبعها ونجاريها ؟؟!! ياستي الفساد الأخلاقي في كل الدنيا اليوم يختلف عن السابق كلية .. فلا مجال للمقارنة بين الأمس واليوم
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: يوسف الطيب)
|
الجنس غريزة مثل الاكل و الشرب و التبرز و لكنها اقوى عند بعض الاشخاص و اقل قوة عند البعض و بصراحة كده ما ممكن الزول يصبر لحدى ما يعرس
اتخيل معاي واحدة ما عرست لحد عمرها ما بقى 45 سنة و طبعا بهد ده ف السودان ما في زول بيعرسها لانه الرجال مزاجهم في البلي الصغار اها المراة ما تمارس جنس لحدى ما تموت و لا شنو
يا شمائل القال ليك منو المراة ما بتحب الجنس زي الراجل الاتنين زي بعض في الرغبة الفرق الوحيد المراة بدخل العاطفة مع الجنس عشان كده نادر ما تلقي مراة سايقة عربية و بتفتش ليها على راجل ترفعو عشان تمارس معاهو الجنس عكس الرجال البيكون على استعداد لممارسة الجنس مع اي مراة تعجبهم
دا بالاضافة لنظرة المجتمع السوداني المتشددة اتجاه المراة
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: Nagi Ahmed)
|
ناجى احمد
انا ما حابة ادخل فى مسالة مقارنة الحوجة الجنسية بالنسبة للطرفين لكن بالتاكيد المراة هى التى ستتورط اذا فعلت ذلك ، يعنى بكل برود الرجل الذى فعل فعلته ممكن يزوغ وينكر وتقع فيها المراة لوحدها لذلك المراة مهما سيطر الجنس على افكارها واصبحت منقادة له الا انها خوفا من التورط فى ملحقات للعملية اكيد ح تعمل الف حساب لكن حسب قناعتي الجنس يسيطر على الرجال اكثر من النساء
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: Ehab Eltayeb)
|
بسم الله الرحمن الرحيم
الاخ ايهب الطيب
عمري ما بكيت زي ما بكيت اليوم لما شفت الفيديو بتاعك
فعلا اطفال ابرياء الله يحاسب من كان سببا في محنتهم اطفال و كبار لما يكبروا
خلق الانسان هلوعا جزوعا اذا مسه الخير منوعا و اذا مسه الضر جزوعا
زمان كان في قانون النظام العام ( حورب هذا النظام و اعتبر تقييد للحريات و نادوا بالحرية )
حيث كان النظام يحمي و يحفظ اعراضنا في الشارع و خارج البيت حيث اقتضت الضرورة خروج البنات من
البيت لاسباب كثيرة .... الدراسه ... العمل .... الزيارات حيث كبرت العائلات و تشتت في اصقاع البلاد
حارب هذا النظام المعارضين لا لسبب الا للمعارضة دون النظر الي فائدته ......زز
حيث انتشر بالغائه التبرج و لبس الازياء المثيرة و المستفزة للرجولة
و قد ذكر لي احد الاصدقاء ان البنات كانوا بيطلعوا من بيوت اهلهم في ملابس غاية في الحشمة
يمشوا يغيروا ملابسهم في مكان خارج البيت .......
قبضت مرة بنت مع مجموعة بنات في ازياء اقل ماتوصف به انهاء ازياء عاهرات ....
كانت في واحدة تبكي بحرقة ... عشان ما يستدعوا ابوها ... عشان مايشوفها بالمنظر الهي فيه
لانها ببساطة خرجت من البيت في غاية الحشمة
و كان النظام العام يحمي اعراضنا في الخارج ......
و اذا احسنا الظن ببناتنا ؟؟؟؟؟؟؟ كان النظام درع واقي لهن من عبث الاجانب
و اصحاب القلوب المريضة و الجيوب المنتفخة بالدولارات ..... و الوعود الخدعة
بالتأشيرات و السفر لبلاد الدنيا الاكثر انفتاحا و اكثر ثراء
و في من الناس من يخاف و لا يستحي .... فقد كان النظام العام يخيف كل من تسول
له نفسه ان يركب ( يخطف ) بنت من الشارع لانه سيسأل عن علاقته بها و اثبات هل انه من محارمها
لكن الان الواحد مابستحي يعزل البنت عزل من مواقف المواصلات و يركبها معاهو قدام الناس
بدون خوف او استحاء ..... و الناس واقفة ما في زول بسألوا
في الثمانينات كان هناك مجموعة من العرب قدموا للسودان في اطار تبادل الزيارت بين بيوت الشباب العربيه
كانوا في شارع النيل ..... شاغلوا ليهم بنات في شارع النيل
شافوهم ليك اولاد ( رجال ) ضربوا ليك العرب ديل ضرب لما شافوا الموت بعيونهم
و دوهم المديرية .... الضابط زاتوا انبسط منهم .... و اطلق سراحهم لما عرف السبب
ماذا يحدث الان ..... ما شات جايات مع الاجانب زول بتكلم مافي ... العسكري زاتوا
ما بقدر يعمل حاجة لانه مكتف بقانون عقيم .....ززززز
و الله كان اخير لينا النظام العام .... ده هين ... لما الخرطوم تبقي علمانية
الله ..........لا يوريكم ..........الهجرة اولي
اللهم احفظ اعراضنا و اعراض المسلمين اللهم استر عوراتنا و عورات المسلمين
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: بكرى ابوبكر)
|
Quote: بدار المايقومه الان (157) طفل...
مجهولي (الابوين)..
يحتاجوا الي دقيق ولبن وبشاكير..
وحلمات بذاذات..
وصابون بدره وديتول..
وزيت سمسم... لانو (السمسم ما كفاهم)..
وما عندهم سعيه..
ومحتاجين (حنان)..
ونظره (اخويه)..
ومحتاجين احترام..
وامل.. ونوار وكل الاصدقاء.. (اغنية مسلسل اطفال)..
ومحتاجين يحضروا اسبيستون...
مافي داعي يلعبوا بليايستيشن... بس فيهم شفع بحبوا الكوره..
محتاجين يلقوا ناس يلعبوا معاهم..
وما يقولوا ليهم (شووت يا ود الحرام)..
محتاجين (امهات بديلات)..
لانو الامهات البديلات ما صارفات ليهم خمسه وتلاته شهور..
ومرتبهم وريقات...
هل الامر يحتاج الي (جنسية) الوالده او الوالد..؟؟!!! لمجهولي الابوين..؟؟
ومن حكم ان الاب غير سوداني (هل اتاه الوحي) فعرف ان الام سودانيه..؟؟
ام ان (الانثي) شماعة الخطاء دوما...؟؟؟
وخصوصا السودانيه..
الم نتعاطف مع (الشعب الصيني الشقيق) في زلزاله الاخير...؟؟
ونتعاطف مع (اطفال غزه)..؟؟
والشيشان..؟؟
وازربيجان..؟؟
والكنغوبرازافيل..؟؟؟
وعند (الفزع) الوطني..
ابيي... دارفور.. المناصير... اطفال كجبار..
يتحول الامر (لمناقشة الظاهره)..!!!!!!!!!!!!!!!!!!!!!!!!!!!!!!!!!!!!!!!!!!!!!
ظاهره ناتجه من تفاعلات..
اجتماعيه واقتصاديه وثقافيه ودينيه وسياسيه ومراات مراات (قلة ادب ساااكت)..
يتحمل تبعاتها (وكما جرت العاده وبرطعت دون ان يسالها احد).. المجني عليه..!!!!!!!!!
لكن..........
بكره احلي |
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: بكرى ابوبكر)
|
تحياتي،
رغبت المشاركة في هذاالموضوع الانساني الاجتماعي الحيوي الهام بما طالعته قبل عام تحديدا من مذكرات منظمة اليونيسيف وهي مذكرة إخبارية حول:
إنطلاق حملة الرعاية الأسرية البديلة للأطفال المتخلى عنهم والأيتام فى شمال السودان.
مذكرة اخبارية
أطلقت وزارة الشئون الإجتماعية بولاية الخرطوم بالإشتراك مع منظمة اليونيسف الحملة الاعلامية الرامية لمحاربة التخلى عن الأطفال المواليد و الهادفة الي تبديل نظرة الناس الى هذا الموضوع وتعزيز نظام العمل بالكفالة وهى النظام الإسلامى للرعاية المجتمعية للأطفال المستضعفين لتبدأ بذلك خطوة فى إتجاه الإبتعاد عن الرعاية المؤسسية والسعى نحو الحاق الأطفال بأسر بديلة.
لقد وجدت دراسة مشتركة بين الحكومة ومنظمة اليونيسف فى عام 2003 ان حوالى 100 من الأطفال حديثى الولادة يلقى بهم فى شوارع الخرطوم كل شهر. ويموت نصف هذا العدد فى الطرقات بينما لا يجد النصف الآخر ملاذًا غير الرعاية المؤسسية. ولقد دفعت هذه الأرقام الخطيرة كل من الوزارة واليونيسف وعدد آخر من المنظمات الى تطوير برنامج رائد للأسر البديلة والذى اصبح اليوم رسميًا سياسة جديدة لرعاية الأطفال المتخلى عنهم.
وبناءا على نظام الكفالة الإسلامية التى تطلب الى الأسرة والمجتمع تقديم الدعم لرعاية الأطفال المستضعفين، فقد تم تحديد حوالى 500 من الأسر البديلة المؤقتة التى أبدت إستعدادًا لتقديم الرعاية المؤقتة للأطفال المتخلى عنهم والذين كان يمكن ان لا يجدوا ملاذّا غير الرعاية فى المؤسسات. وسوف تتيح هذه الفترة المؤقتة للعاملين فى مجال الرعاية الاجتماعية والمنظمات الفرصة للبحث عن الأسرة الحقيقية لهؤلاء الأطفال والسعى الى اعادة ضم هؤلاء الأطفال الى أسرهم. وتم تحديد أسر بديله دائمة أيضًا لتقديم رعاية بعيدة الأمد للأطفال الذين لا يمكن إعادة ضمهم بأسرهم الحقيقية.
وأثبتت الشواهد ان هناك تحسنًا فى نمو الأطفال الذين يتم إلحاقهم بأسر بديلة – ولقد لاحظ علماء النفس تحولات بينة فى التطور الحركى واللغوى والاجتماعى للأطفال الذين تم وضعهم تحت هذا النوع من الرعاية. وأنشأت وزارة الرعاية الاجتماعية فريقًا من الخبراء بهدف تقديم الدعم المهنى للأسر البديلة ولمراقبة نوعية الرعاية المقدمة خارج المؤسسات بدقة وللتأكد من ان هؤلاء الأطفال يتمتعون بكامل حقوقهم بما يشمل الرعاية الصحية واللهو والتعليم والرعاية الإجتماعية. كما أن برنامج رعاية الأسر البديلة أكثر جدوى بعشر أضعاف من الناحية المالية من نظام الرعاية المؤسسية. ولقد وافقت وزارة الرعاية الإجتماعية أيضًا علي تقديم نظام التأمين الصحى للأطفال الذين تقوم الأسر البديلة برعايتهم.
ويركز هذا البرنامج ايضًا على موضوعات الوقاية، إذ يقوم العاملون بالرعاية الاجتماعية بالتعاون مع القابلات وقادة المجتمع والأسر نفسها على العمل من أجل تقليص خطورة التخلى عن الأطفال الذين تعانى أسرهم صعوبات تمنعها من الرعاية بأطفالها.
وسيتزامن انطلاقة هذا البرنامج مع الخطة الموضوعة لإغلاق أكبر دار للإيتام فى الخرطوم وهي "المايقوما" . لقد إستقبلت دار المايقوما فى عام 2006 حوالى 700 طفلاً إحيلوا اليها رغم القلق من نوعية الرعاية التى تقدم فيها للأطفال المتخلى عنهم – حيث ترتفع نسبة الوفيات الى 75%. وفى الثلاثة أعوام التى تلت تلك السنة وبينما كان برنامج رعاية الأسر قيد التطوير كانت ادارة الدار تتلقى دعمًا من منظمة (Hope and Homes for children) هوب أند هومز للأطفال ومنظمة أطباء بلا حدود الفرنسية (MSF) حيث تم تحويل اكثر من 2500 الى نظام الرعاية الأسرية وإزدادت اعداد الموظفين وقلت نسبة الوفيات بصورة كبيرة لتصل الى 18 بالمائة. ولكن مع ازدياد الشواهد على ان الأسر البديلة هي الاقدرعلي تقديم رعاية أفضل، فقد وطنت الحكومة نفسها على الاغلاق التدريجى لدار المايقوما.
هذه المذكرة الاخبارية كانت منذ عام وفي نفس هذا التاريخ .. فهل يا تري تم الاغلاق الفعلي لدار المايقوما..؟؟ ولماذ لا تكون هناك حملات توعوية اعلامية مستمرة تفيد بما تم انجازه و تشجع وتعين المهتمين بالامر على مواصلة جهودهم لتقديم المساعدات المرجوة..
شكرا للاخ أبو بكر على مواصلة طرحه لهذا الموضوع الانساني..
صالح كردي
| |
|
|
|
|
|
|
|
|
|
Re: 900 طفل مجهول الأبوين سنوياً بشوارع الخرطوم و اغلبهم من آباء غير سودانيين (Re: Salih Kurdi)
|
Quote: ÊÍíÇÊíQuote: بدار المايقومه الان (157) طفل...
مجهولي (الابوين)..
يحتاجوا الي دقيق ولبن وبشاكير..
وحلمات بذاذات..
وصابون بدره وديتول..
وزيت سمسم... لانو (السمسم ما كفاهم)..
وما عندهم سعيه..
ومحتاجين (حنان)..
ونظره (اخويه)..
ومحتاجين احترام..
وامل.. ونوار وكل الاصدقاء.. (اغنية مسلسل اطفال)..
ومحتاجين يحضروا اسبيستون...
مافي داعي يلعبوا بليايستيشن... بس فيهم شفع بحبوا الكوره..
محتاجين يلقوا ناس يلعبوا معاهم..
وما يقولوا ليهم (شووت يا ود الحرام)..
محتاجين (امهات بديلات)..
لانو الامهات البديلات ما صارفات ليهم خمسه وتلاته شهور..
ومرتبهم وريقات...
هل الامر يحتاج الي (جنسية) الوالده او الوالد..؟؟!!! لمجهولي الابوين..؟؟
ومن حكم ان الاب غير سوداني (هل اتاه الوحي) فعرف ان الام سودانيه..؟؟
ام ان (الانثي) شماعة الخطاء دوما...؟؟؟
وخصوصا السودانيه..
الم نتعاطف مع (الشعب الصيني الشقيق) في زلزاله الاخير...؟؟
ونتعاطف مع (اطفال غزه)..؟؟
والشيشان..؟؟
وازربيجان..؟؟
والكنغوبرازافيل..؟؟؟
وعند (الفزع) الوطني..
ابيي... دارفور.. المناصير... اطفال كجبار..
يتحول الامر (لمناقشة الظاهره)..!!!!!!!!!!!!!!!!!!!!!!!!!!!!!!!!!!!!!!!!!!!!!
ظاهره ناتجه من تفاعلات..
اجتماعيه واقتصاديه وثقافيه ودينيه وسياسيه ومراات مراات (قلة ادب ساااكت)..
يتحمل تبعاتها (وكما جرت العاده وبرطعت دون ان يسالها احد).. المجني عليه..!!!!!!!!!
لكن..........
|
| |
|
|
|
|
|
|
| |
بكرى ابوبكر
Fadl Karrar
khalid abuahmed
علاء الدين حيموره
Nasr
naeem ali
jini
Hani Arabi Mohamed
عثمان عبدالقادر
Rihab Khalifa
الطيب رحمه قريمان
walid taha
أبو عبيدة البصاص
كمال علي الزين
حيدر حسن ميرغني
Kabar
Ehab Eltayeb
Salih Kurdi
فيس بوك
تويتر
انستقرام
يوتيوب
بنتيريست