سؤال للقلب....(شعر جدا حداسي قاليك)

Quote: وكيف يدرى قلبك الدلاهه اكان كل فاصله هو ماخلاها وشيل الحال والعباطه النيه عندنا ما بتلاقاها وماها الفينا محريه علا انتا وقلبك سويتوها ظاهره وحركاتكم واضحه للنفس السويه لخبطتوا الدنيا وقعدتوا فى العيك وعاك وفى منو ياربى البدأ مع البنيه

هو صحي منو البدا مع البنية

الله يجازيك يا حمووووودي البديت وما تمّيت

وانت السبب
في الجرجير دا كله

بس لو تميت(آخ؛ أعضيك كيف أنا)




تاني كاااااك

يا ود البشرى



كاك البقولوها ديل هم اللي كاك وكاك زي الدجاج
بس كاك وكاك؛ سطّوها بي مرقة دجاج
ناس السياسة من ساس لساط وبي ارتجاج
وانتو قلبتو كلمتنا الحنينة صاج
بتعوسوا في كسرة مساخ؛ تعمل معانا الانبعاج
نزعل نقوم نرميها لي كبش النعاج
حتى النعاج يقولوا لينا زيدوها موية للعلاج
أصلو الملح لما يزيد مافيش علاج
ياخي الكسرة دي سيبوها لي ناس ابتهاج
أصلو التخصص ما في زيه في علاج
خللوكم انتو في السواطة البي مزاج
سدّوا بابكم عليكم انتو بي رتاج
كلامي ما ليك بس يا عسل؛ ناس البلاج
عرايا تب من غير خجل أو اهتياج
قاعدين يقيسوا بلا خجل أو انزعاج
لما يعودوا البيت كمان آخر هياج
وأنا وأنا آخر تطفّل؛ قول تدخّل وانفراج
وأسوّي ليك وأسوي بيك أرض البلاج
ولما يعود جوة البلد صمة خشم بي انزلاج
أنا ماني قاصدك يا جميل
قاصد الناس الهناك قاعدين بعيد ومفنجلين
أمانا ما ناساً كتار؛ الناس تقول نمشي اليمين
يقولوا ليك ماشين شمال؛ الناس تقوم تمشي شمال
يقولوا ليك ماشين يمين؛ ومتحيرين ما عارفين شمالهم من يمين
انت ماك عارفني زين؛ أنا زول بحبك يا أمين
خايف عليك من كل عين
....


الباقي

بجيه تاني

فيما بعد

تصبح على خير