|
هيثم درار يا اشراقة مصطفى نفس مواصفات روثمين.. بس ماكلها طبعاً
|
تعبنا يا شروق في بحث باص ويرد لهذه الزول التحفة هيثم.. نما الى علمنا مؤخرا انو انتي عندك خاطر عند بكري ونحنا والله هيثم ده صاحبنا وحبيبنا.. ودضكران واخو اخوان.. نحنا عارفين الضكرنة دي ما عندها معنى في بورد سايبر وانماهي من نوافع الواقع.. وعارفين خوتنا ليهو دي حاجة بتخصنا نحنا بس .. وهي للضمان كده عاجبانا ..وقضينا بيها ليال سمحة وايام مهرجان وطيران نضيف.. بس كمان ما عندنا تزكية لي الزول ده غير انو زي ما قتا ليك.. بكتب بصورة بليغة او ما بكتب دي والله ما عارف ..لانو ما لقى فرصة يكتب اصلا.. بس يعني من كترة الناس البتكتب هنا وبلاغتم الفايتة صروح الكلام؟! ما هدي ام ضراع بتبرطم بما تشاء وبما لم تشا هرجلة ونقة وقرقرابات فارغة.. واهو ديل نص الشايلين باص ويردات في البورد عاملينو لي تهنئات وفلان ولد وفلان جابو ليهو بت وفلانة نجحت وفرتكان وماعارف دي صورة هناية وانا بحب الشيخ.. خلاص يعني بقت على هيثم؟؟ بنبح في بكري ده من ايام كنا بنكتب في البورد ده بالدوز.. لا هببو ولا عبرو.. اها ياخي انا متوسم فيكي الخير وهيثم ده ضمانتي الشخصية وكده..واضمن ليكي انو ممتع ومفيد وذو فكر.. شيلي لينا طلبنا ده ومري بيهو على بكري.. صحي انا بي مقارنتو بي روثمين حاعمل ليها نفسيات بس شن نسوي.. ونسلمي مقدما على السعي الكريم
صحبك دكين.. وصاحبك قالو صاحب صاحبك.. يعني صاحب روثمين
|
|
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: محمد البشرى الخضر)
|
ياصاحبى دكين......
هيثم ده بيكتب؟ معرس؟ عندو بتين؟ طبيب؟
حلو؟ تانى شنو.....
بيقدر يرسل لى نصوصو الحلوة؟ اختك بتموت فى الكلام السمح حتى اسأل صاحبنا*
وكمان لو اتصل وكان قلبو رقيق زى صاحبتى روزمين يكون ماقصر تب
اها فوق لده كونو صاحبك- ومن طرف دكين وحاة خوتنا المابتعقيها زينة ازكيهو ليك وانا مغمضة اها شن قولك؟
------ كدى بعيدا عن هيثم اخبار العرس شنو؟ البت البتشبه روحك لسه تائهه منك؟
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: Ishraga Mustafa)
|
شرووق
Quote: هيثم ده بيكتب؟ معرس؟ عندو بتين؟ طبيب؟
حلو؟ تانى شنو.....
بيقدر يرسل لى نصوصو الحلوة؟ اختك بتموت فى الكلام السمح حتى اسأل صاحبنا* |
يعني هسي روثمين دي معرسة؟؟ ولا عندها بتين؟؟ ولا دكتورة؟؟ حلوة دي طبعا ما بقدر اسالك فيها لانها بصراحة حلوة..
اها هيثم ده غايتو ما معرس عندو بتين دي ما بضمن ليك.. حلو ..انا حانزل ليكي صورتو بكرة لامن تصبح لانو الواضة فللت شديد وانا عندي توصيل عيال للمدرسة..
Quote: اها فوق لده كونو صاحبك- ومن طرف دكين وحاة خوتنا المابتعقيها زينة ازكيهو ليك وانا مغمضة اها شن قولك؟ |
اها ده بس من طيب معدتك يا مدهشة.. وياها الحريناها فيكي وانتي قدرها .. ووحاتك محبتك دي فرحانين بيها ومتزينين ..
Quote: كدى بعيدا عن هيثم اخبار العرس شنو؟ البت البتشبه روحك لسه تائهه منك؟ |
ماكلمتك انا؟؟ موش لقيتا الليلة واحدي صحبتي عزيزة ومدهشة جابتا لينا .. وشفناها.. وبقينا عليها على بركة الله وواسطة الاصحاب.. (عيون غامزة)
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: كمال سالم)
|
سلامات يا عشا البايتات
عندما انخنا بعيرنا في هذه القرية في عهد التكوين* جبنا اصحابنا واصحاب اصحابنا كارات كارات.. بعد او قويت شوكة القرية وصار شيخها مستغنيا صارت وساطتنا ذي الواطة دي.. والا كنت قد ثنيت من اتي من لدنك هذا.. ولكن شيخ قريتنا يسمع الاشاعات ولا يسمع الحقائق فهو دائما في شك مبين في نواينا.. باننا نريد ان نكتري اسما آخرآ ونعمل تنافي مثل اولاد المصارين البيض هنا. علما انه لو كانت هذه نيتنا لفعلنا ذلك في عهد التكوين حينما التسجيل كان هاملا.. لا يحتاج لصياح على روؤس الاشهاد,
بالمرة ليت بكري يعطي ابو الحسين باسوردا..
___________________-- *من كتاب العهد االقديم ... صحاح التكوين ابو الحسين دفعتي في محد المزيكا شخص معروف ومعلوم يقطن قطر,, كان قد ظن خطأ اني لي شنة ورنة هنا..
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: د.نجاة محمود)
|
Quote: يعني هسي روثمين دي معرسة؟؟ ولا عندها بتين؟؟ ولا دكتورة؟؟ حلوة دي طبعا ما بقدر اسالك فيها لانها بصراحة حلوة.. |
دكينا
تصدق.... معرسة رجلا يسد عين الشمس- ملأ البنية لمن اترجت جبال الألب حتى ربعكم الخالى امطر... وعندها بنتين واااااااحلاة الدنيا عليهن ربنا يحفظهن
وبتحضر فى الصيدلة اها شنو ليك
وبتكتب يادكين والله كتّابة لمن الكتابة ذاتها بترتجف بين انامل روحها
----- قلت لى لقيتها- غايتو يادكين لو فى شىء بيشجعنى ازور السعودية بتكون انت واحد من تلاتة حاجات انقر الاتنين التانيات شنو؟
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: Ishraga Mustafa)
|
شكرا دكتورة شروق على الاضافات الطيبة بخصوص روزمين كنا حنجري نقطع نفس خيلنا سااااي.. الله يديم ايام سعدها وسعدك.. وسلامي يغشاها ويغشى اطفالها الحلوين وال بيتها اجمعين.. ونامل ان نرى الكتابات الجميلة تزهر هاهنا.. وحباب صحبتك..
Quote: غايتو يادكين لو فى شىء بيشجعنى ازور السعودية بتكون انت واحد من تلاتة حاجات انقر الاتنين التانيات شنو؟ |
ياسلاااام يا شروق ..والله رحمنتيني وانا القايل ما فيني عمار.. الاتنين التانيات ديل طبعا عزاز المٍـنورة والمدينة المنَورة..
انتي ياخي بدل تتعبي حالك وتجي هنا واصلا الفيزا لي هنا صعبة وفيها حرابات.. رسلي لي اجيك انا هناك.. الفيزا عليسك والتذكرة على عزاز والجية علي..
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: DKEEN)
|
Quote: ياسلاااام يا شروق ..والله رحمنتيني وانا القايل ما فيني عمار.. الاتنين التانيات ديل طبعا عزاز المٍـنورة والمدينة المنَورة.. |
عزاز المنورة والمدينة المنورة مابنابهن لكن فى حاجتين تانيات لو عرفتوهم يانى الكتبت زى دينا خالد مع بعض التعديلات... {دكين البرتقال الفيناوى} واختك اشراقه تصور وتحمض
------ الصيف الجاى عليك على اسعى لتحقيق احلامك بس شرطى ترسل القسيمة- يعنى انت وعروستك لانى خائفة عليك التوهان فى بلاد الله دى {كل اخت لابد تخاف على اخيها}
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: د.نجاة محمود)
|
دكتورة سلامات
Quote: بعد او قويت شوكة القرية وصار شيخها مستغنيا صارت وساطتنا ذي الواطة دي.. |
لووووووووووووول معليش ياستي.. قالو لي فرعون مين فرعنك قالو جماعة من المهابيل..
Quote: ولكن شيخ قريتنا يسمع الاشاعات ولا يسمع الحقائق |
شيخ القرية ضيع ولدنا قبل يومين على اثر وشاية.. ما بذل حتى مجهود التثبت.. ياخي بركة اللحدي هسي مخلي لينا باص ويرداتنا.. ياخي انتي على الاقل كان عندك خاطر عندو في يوم من الايام.. نحنا نقول شنو الاصلا ما لقينا خاطر.. الغريبة بسمع كلام ناس ساي *
دمتي رايقة يا نجاة ..ومعليش لو دامت ليك ما كانت جات لي د.نبراس
ـــــــــــــــــــ *ناس ساي ليس شخصية بوردية كمثل زول ساي..وانما المقصود بها الناس الزاحين في البورد ديل بتوعين فلانة ولدت وفلان جابو ليهو بت سماها (رمانة الوجد القديم)
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: حمد فتح الرحمن)
|
سلامات وعوافي يا بكري شوف لينا مشكلة هيثم درار دا وحلها لينا في اسرع وقت .. اها يادكين ... ياوغدانشاء الله هيثم ما يكون "فساي".. بي المناسبة انت اكبر"فساي" لانك بتهمل في حاجاتك وبتريق جمالها في سوق الله اكبر.. ياود اقعد شوية مع نفسك "نفسك موش مراية دولابك" ونجض الشغل وسيب العن(.........)ة دي واكتب لينا كويس .. عشان ما نلفا معاك ونرمي طوبتك .. بعدين طلع راسك من لباسك عشان نقرا ليك كويس.. "يعني ما تطلعوا نهائي" لكن ما تخليهو مركزية في خطابك "الضمير راجع لي لباسك" .. كرهتنا بي بوستاتك القبيحة .. هيثم تعال امرق لينا الزول دا من الادبخانة القاعد فيها..
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: DKEEN)
|
سلامات وعوافي يادكين والله انا متاسف جدا جدا علي الكلمة الظهرت فيها نقاط دي ..
Quote: العن(.........)ة دي واكتب لينا كويس .. |
اقسم بالله مي كلمتن كعبة لكن نسوي شنو مع الجماعة ديل .. علي العموم لك العتبة حتى ترضى .. وخلينا مع هيثم درار .. يابكري نحن منتظرينك .. "ماتخليهو مركزيتك" دي الظاهر ما عجبتك يا صاحبي .. طيب خليهو .. ومحبتي وشكرا
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: ودرملية)
|
Quote: اصلو انحنا اي شي بنخش فيهو بتكوجر ولاكيف؟؟ |
عاد يابكرى لابدّ من هيثم ولابدّ من ناس تانين لابقلون عن هيثم الذى لايقل عن روزمين
دكين... يا اخوى انت ماعارف قدرك ساى انت دخولك فى اى {كعبة} كتابة بتتحول الى شجن ومطر لو بتضمن لىّ انك نكتب اقدر اضمن ليك تسكع هيثم فى دروبنا الاليفة دى
------- يا اخوى كدى شوف معانا كأس اوربا ده- كل ما تقع عينى على غزالة اقول ياحليلك يا دكين قلت لىّ عاوز تجى اوربا؟ خلاص نشوف موضوع هيثم اول والباقى هين بس تضمن لىّ رجوعك للكعبة المشرقة
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: Abir Abdulla)
|
عبير عبد الله
ياخي الاخ دي ما كان في ليها اي داعي دكين كده حاف اجمل واحلى.. وبعدين انتي من الفين وتلاتة وين؟؟
Quote: انشاء اللة هيثمكم يكون مقبول مع الدفعه الجديدة دي |
هيثمنا ده ولا حيقبلوهو مع اي دفعة.. انا بكري عارفو: نفسو عاجباهو ونحنا ما عاجبنو.. والبجيهو من طرفنا بسد بابو وبستريح.. بس في شان قول (عملنا العلينا ) نزلنا بوستينا.. اداهو اداهو ما اداهو اهو بوست هيثم جاب لينا اميرة لابسة احمر وقاعدة قعدة كونتيسات..
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: DKEEN)
|
ود رملية ياسيد الوجد القديم .. اكتب كما تشاء وخلي عبء الفهم لينا.. نحنا فلتر الاحباب ضمانة لعدم تغول الظنون علينا .. انا بس ما رديت لانو القايمة طويلة وقتا ادخرك لي فيهو زايغ البوست.. ومشكور على كلماتك التافهات التي تفيض جمالا في حقي.. وصدقني الجوعان الفي يدو كي بورد زي السكين في الخرة..او كما قال حمد حاجة سهلة خلاص.. الجوع مسغبة واخو ك الايام دي جعان.. اقصد كل الايام..
دمتا عافية يا ود رملية ودام صفانا وياك وويا الحبايب جت..
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: DKEEN)
|
حبيبنا دكين
يسعد صباحك
ويفتح نفسك زى ما فتحت نفسى تعرف لى زمن بفتح البورد ده وبطنى طامه منو ومن كتابات الناس الفيه لكن ياخى فيك الخير والله بهذا السفر الجميل الذى جعلنى اكتشف الجميلة اشراقة ولاول مرة تصدق كنت قايلها من الجماعة اياهم لو ما البوست ده .... لكن اكتشفت انها انسانة جميلة بحق ..
ياخى ده بوست لينا زمن ما قرينا زيه ...
الله يديك العافية ويدى كل الشاركوا فيه والذين زادوه روعة على روعته ....
اها وهيثم كيف هسع ؟؟؟؟؟؟
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: DKEEN)
|
شروق
Quote: - كل ما تقع عينى على غزالة اقول ياحليلك يا دكين |
اخشى انو انتي عاملاني حائط بكى ساي ..وكلانا بكاي غزلان .. الواحد فيكم يتجهجه وحالو يبقى حال من شوفة الغزلان ولامن يهم لي حالو ويغلبو الدبار يقول ده دكين..
هسي بكري ده بجدع في الباص ويردات يمين وشمال .. غلبو يفك واحد لي هيثم الخلا بتاعنا ده..ولا عشان نحنا ما بنشبه.. ولايمكن ما بنشبه..
دمتي ياشروق منقة ومشرقة.. ياخي سعيك معانا ده براهو باص ويرد محبة... اصلا انا سعيك ده مستكترو في هيثم ده وكان وقفت في سعيك ده فقد ربح البيع.. بعدين هيثم شنو البنقرا ليهو في ظل بورد مليان حسس ملون احمر واخضر وساتان ورقشة ودستور.. شفتي جنس حلاة البت الوقعت لينا في بوستينا ده.. وقعت لينا من حفلة الساعة 12 بتاعة سندريلا..
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: أبو ساندرا)
|
بمناسبة الغزلان ديل يادكين
مرة اختك فى {غشامتها لمن يلذعها الجمال} قهت فى وش البنية قلت فى سرى ياحكمة الخالق- شوف بالله البت دى الملائكة هدوا فيها كيف...
الغزالة يادكبن قهت فينى- نوع القهايات ديك البتزكرك اغنية { ياغرامى الاول}
اسأل السنى دفع الله حكيت ليهو ولاحلامه القصة دى لمن مشيت الدوحة تتزكر يا السنى انا قلت ليها شنو؟
--- يابت هوووووووى اختينى- انا من ناس حواية البنتمن لناس آدم احترمت رأى وواصلت فى بحلقتها
الباقى بتموا ليك لمن تجىء اوربا يادكين ولمن بكرى يجيب لينا هيثم { اوعى هيثم ده يطلع حنكوش يادكين}
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: DKEEN)
|
Quote: Quote: غايتو يادكين لو فى شىء بيشجعنى ازور السعودية بتكون انت واحد من تلاتة حاجات انقر الاتنين التانيات شنو؟ |
غايتو فى ثلاث حاجات بتشجع السعودية تزورك ..
1- الملك فهد عاوز يلاقيك .. 2- نساء السعودية فى حوجة لفهم صحيح للجندرة ..( بالمناسبة المرأة السعودية فى عداد المثقفات العربيات والعالميات) .. 3- ( مادام عزوز ما في الثلاثة حقنك .. الثالثة حقتى انا سحبتها) والفيك اتعرفت ..
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: DKEEN)
|
شروق هسي انا لو جيت فيينا دي حاقضيها فرجة باقيلك..
Quote: انا غايتو الشىء السمح النصيحة لى الله بيعجبنى شديد |
المابعجبو الشي السمح يرمينا بي حجر حسادتو والبت والشهادة لله سمييحة .. وفيها سماحة التفاصيل.. بتعجبني السماحة الفيها موتة حيل وروقة الطلة.. البت دي طلتا رايقة ومعاكي حق تتكسري..والمابتسكر في البت دي فيهو إشكال نفسي.. تحصيل الحاصل يا شروق وجود البت دي في بوست طلب باص ويرد خطأ جسيم حننشغل بي البت وننسى قصة صاحبنا..
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: حمد فتح الرحمن)
|
Quote: واحد صحبي اسمو هيثم درار(منقة بث..وماافضلوعليك) مقدم لي بكري ده من زمن البورد كان بتكتب في الصخور عشان باص ويرد ولي هسي ما اداهو التكتح.. قال لي في بت اسمها زي سجاير الروثمن نزلت البورد جديد وانا لسع محروم.. زعلتا من بكري بصراحة وقتاادخل اشاكلو كيف يدي ناس ويخلي ناس .. بس بعد شفتاصورتك دي زعلتا من صحبي كيفن يقارن نفسو بي هذه الاشراقة..
ــــــــــــــــــــــــ صديقي هيثم درار والله اني ارثى لحالك ايها الشفيف.. معليش امسح حركات بكري دي في وشي وماتزعل من رقة قلبه تجاه هذه الروثمان كيفن ياخي بكري ما يرق قلبو انتاقايل بكري ده مصنوع من حجر النار؟؟!! |
سلام يا دكين خلى هيثم يخلى الحسادة وبعدين بكرى بديه الباسوورد شى سيجار وشى روث غايتوا؟؟ خلاص يا بكرى أديهم لكن بعد ما دكين يدينى تعويض
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: rosemen osman)
|
Quote: هسي انا لو جيت فيينا دي حاقضيها فرجة باقيلك.. |
جنس فرجه هو بس انت ماتذودها وبعدين حا اشدد حراسة علبك
بالمناسبة سمعت اغنية محمود تاور البيقول فيها انا حبى مازى غيرو دسنى فى جواك وشدد حراسة على - غايتو الحب ابو زنقة ده وفيهو حراسات مابينفع خليهو مرة مرة يشم هوى لكن كمان مايكترها كلموا بالله يا دكين - محمود تاور - اها حراسة اختك بتكون مشددة خوفا عليك من الفارسات
-------- يازول الكتابة بى كيبورد بكرى ده متعبة
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: rosemen osman)
|
المدهشة روزمين
لوووووووووولوز الناس ديل عذبوكي باين في اسمك الجميل ده.. ياستي والله اسم جميل ولايق عليك والناس بس بقرانة منو.. هيثم ده حنقسم معاهو باص ويرنا.. ارتحاو بعد ده..
Quote: بعد ما دكين يدينى تعويض |
ياستي انتي بس اشري على مبلغ التعويض وراجعي اشراقة مصطفى خليها تحصم من رصيد اجازتنا الجاية معاها في صيف جنيف..
شكرا على طلتك الجميلة في عزا هيثم درار انا ماعارف السماهو هيثم منو الجنى ده؟؟ نهائي مالايق عليهو..
| |
|
|
|
|
|
|
Re: هيثم درار يا اشراقة مصطفى نفس مواصفات روثمين.. بس ماكلها طبعاً (Re: DKEEN)
|
Quote: معتصم الطاهر سلامات
تحيات طيبات تغشاك وبورادب الدوحة الرائعين بما فيهم ذلك الوغد الذي غادر الى الديم..
واحيي فيك انتباهك العالي لمسالة الفكهنجية دي.. والمرة قالو زي طبق الفواكة المتعددة.. ما بتقدر تقول الحتة دي احلى من الحتة دي.. فكل حتة مذاق خاص مميز.. في حتة بتتاكل .. وفي حتة بتنشم.. وفي حتة تانية بتتلحس.. |
دكين
أنا ما قدرك .. بريييء و خواف
كلامك زى دا قولوا لأبو ساندرا ..
وفى حتة بتتهبش ..
| |
|
|
|
|
|
|
|