.. . ما الذى يحدث هاهنا !!؟ باختصار شديد هو تساؤل يبحث عن اجابة يبدا التساؤل بأن قام ابناء المحس ( ود المايقوما ) بعمل بوست بعنوان ( ههههههه فقط لابناء المحس الحلوووين .. عنصرية وكده) ورغم اننى لست بمحسي ولا سكوتى ولا حلفاوى .. طالعت البوست ووجدت فيه تعليق من شخوص بعينها عن كلمة تمت ازالتها واعتقد لم يطلع عليها سوى عدد بسيط .. ثم بدا ابناء المحس فى التندر والتحدث .. فى شكل هترشات وقفشات .. شارك فيها الرناطة وغير الرطانة
حقيقة لا اتحدث عن الكلمة او الصورة موضع الحديث فقد اصبح البوست كملتقى وترجمات وحوار عن الاختلاف بين لغة الدناقلة والمحس والحلفاويين ..
ولكن الملفت ان فجاة ظهر بوست بعنوان مذكرة من الحزب الليبرالى السودانى بامريكا للاخ بكرى ابوبكر .. رجاءا اوقف هذا العبث يتحدث عن هذا البوست وبانه يسئ لاحد اعضاء الحزب .. باسم صبري ..
ومع ملاحظة ان بوست ابناء المحس كان يضم عدد من الليبراليين واصدقائهم الا فى لحظات اختفى بوست مذكرة الحزب وتلاه اختفاء بوست ابناء المحس
لا ندرى ما يدور خلف الكواليس لذا نقف لنتسأل ..
______________
حتى اتيكم
06-04-2008, 04:48 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: ما الذى يحدث هاهنا !!؟ باختصار شديد هو تساؤل يبحث عن اجابة يبدا التساؤل بأن قام ابناء المحس ( ود المايقوما ) بعمل بوست بعنوان ( ههههههه فقط لابناء المحس الحلوووين .. عنصرية وكده) ورغم اننى لست بمحسي ولا سكوتى ولا حلفاوى .. طالعت البوست ووجدت فيه تعليق من شخوص بعينها عن كلمة تمت ازالتها واعتقد لم يطلع عليها سوى عدد بسيط .. ثم بدا ابناء المحس فى التندر والتحدث .. فى شكل هترشات وقفشات .. شارك فيها الرناطة وغير الرطانة
حقيقة لا اتحدث عن الكلمة او الصورة موضع الحديث فقد اصبح البوست كملتقى وترجمات وحوار عن الاختلاف بين لغة الدناقلة والمحس والحلفاويين ..
اتفق معك فيما ذهبت اليه ان الموضوع لم يخرج من ذلك الاطار حتي عصر هذا اليوم
Quote: ولكن الملفت ان فجاة ظهر بوست بعنوان مذكرة من الحزب الليبرالى السودانى بامريكا للاخ بكرى ابوبكر .. رجاءا اوقف هذا العبث يتحدث عن هذا البوست وبانه يسئ لاحد اعضاء الحزب .. باسم صبري ..
لا اعتقد ان هنالك ناس اسمهم المحس لديهم مشكلة مع زول في الحزب اللبرالي
اغرب من غريب
06-04-2008, 07:42 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
هل الامر طبيعى فى نظركـ .. بوست الليبراليون الذى كتبه الزميل صابر عبدالهادى بعنوان : مذكرة من الحزب الليبرالي السودانى بأمريكا .. للاخ بكرى ابوبكر ..رجاءا اوقف هذا العبث يتحدث عن هذا البوست ويقول بصريح العبارة :
Quote: يتابع الحزب الليبرالي السوداني من فترة وبمزيد من ألإحباط والقلق ما يدور في هذا البوست (الفكاهي والوضيع ) في ظاهره و(المليء بكل ما بدعو للحيرة والصدمة وخيبة الأمل قبل الغضب والإشمئزاز والرثاء ... هههههه ( فقط لابناء المحس الحلووين ) عنصرية وكدهـ ذا البوست جعل من إنسانة سودانية ذات مقدار منضدد وعنق مشرئب دوما إليكم يا أهلي في شمال السودان المنكوبين بقدر مقدرتكم اللئيمة في إرسال النكات والتلذذ بها فى هذا الجو الغامق
بيان مثل هذا . او مذكرة بهذا المعنى ماذا تعنى ؟؟
______________
يا تفهموا يا الليبراليون يفهمونا ..
06-05-2008, 11:00 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: السؤال: دي نور تاور ذات السمعة التي وصلت عنان السماء؟
وكان الرد: (بدر الدين ود عمي .. أيوه)
والله يا عمك ما قصرت .. شرحت وافضت بس مجرد عتاب اخوى .. اتخيل زول يشوف تبلدينا لاول مرة ويقول دى تبلدينا السمعتو ضاربة السماء يعنى العاملين لينا بيهو ضجة .. من زواية تسائل طبيعى ومن زاوية اخرى تسائل خبيث
ونعتب على الاخوة الليبراليون .. تسرعهم واصدارهم بيان لامر بسيط يمكن التغاضى عنه خصوصا بأن مسار البوست لاحقا تغيير وصار ونسه وحديث وقفشات باللغة النوبية
ولا ارى لزوما ايضا لسحب البوست المعنى .. اما بوست الحزب الليبرالى فقد يكون اعضائهم انتبهوا لتسرعهم وسارعو بسحبه
كمتداخلة في ذلك البوست المقتول و كناطقة باللغة النوبية أأكد لك ان ما دار في ذلك البزست بعيد تمام البعد عن إي تلميحات غير كريمة ضد أي شخص.
الجملة الواردة في بوست شاهين أو بالاحرى التساؤل لا يفسر بأي حال من الأحوال بشكل سلبي.
اخوتي هنا من النوبيين ليسو قاصرين عن التعبير بالعربية بغض النظر عن اختلافنا أو اتفاقنا معهم فيما يطرحون ولكن رمي ذلك البوست وكل من تداخل فيه بأنهم يعنون به شخصا معينا فهو اتهام لا اساس له من الصحة.
سأعود بشكل موسع لانني اغادر المكتب الآن ..
كل الود،
06-05-2008, 12:36 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: ونعتب على الاخوة الليبراليون .. تسرعهم واصدارهم بيان
سؤال للاخ صابر عبد الهادي خليني اوجهو عندك هنا هل البيان المذكور و البوست المسحوب صدرا بطريقة رسمية و من الجهة المسؤولة في الحزب الليبرالي و المخول لها السلطة بذلك ام الموضوع اجتهاد شخصي من السيد صابر
العبارة الوردت في صدر البوست (يتابع الحزب الليبرالي السوداني من فترة...) غريبة جدا الا يوجد في كل الحزب من يفهم الرطانة ما دام كل الحزب كان متابع
06-05-2008, 01:04 PM
حمزاوي حمزاوي
تاريخ التسجيل: 10-10-2002
مجموع المشاركات: 11622
تبلدينا اخوي مسكاقمي غايتو شئ محير هو الحصل ايه في البوست داك بتاع ود المايقوما مجموعة تتونس بلغتهم فيها ايه مافي ناس هنا بتكتب الانجليزي والالماني واللوندي والهندي حد سأل فيهم والاخت نور تاور دي ماياها بتنا وهي نوبية وبترطن كمان مش مشكلة اها غايتو لحقنا البوست الاتخور وقرات وتابعت قبل التخوير ولم اجد اي شئ يسئ للاخت العزيزة الاستاذة نور تاور والله العظيم الذي لا اله الا هو على ما اقول شهيد لن ارضى ولن اسمح للاساءة لاخت عزيزة مثل الاستاذة نور تاور ولكن نقول ايه لا حول ولا قوة الا بالله الحزب الليبرالي دا مش اعضاءه اليتعدو على اصابع اليد الواحدة وتلقاهم متداخلين في كل بوست يخصهم ويوم مالقيناهم زادوا هو الحاصل شنو كل اتنين يتلموا ويعملوا ليهم اسم حزب ويقدونا بيه قال حزب ليبرالي قال غايتو في السودان دا في جنس مغصة الله قادر
06-05-2008, 01:25 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
والله الحق يقال دا المحيرنا زاتو وخلانا نحك الموضوع عشان نكون واضحين فى اختلافنا كما كنا واضحين فى اتفاقنا انا شخصيا زى ما قلت لا محسي لا دنقلاوى ونسه وبقينا نلطش كلمة كلمتين ونترجم من رأسنا استغربت حذف البوست وما علاقته بمذكرة الادنانة اللليبرالية
وشكرا لتفهكم وننتظر توضيح العضو اللليبرالي
_____________
مودتى
06-05-2008, 01:08 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
وحتى يأتينا الأخ صابر بالخبر اليقين و اجابة التساؤل عن ما إذا كان هذا البيان كتب بمعرفة القنوات الرسمية في الحزب الليبرالي لدي تعليق اتمنى ان يتسع صدر الاخ صابر له اذكر جيدا بوست محذوف للاخ صابر كان يخاطب بكري و يطالبه بتنظيف المنبر من الغث او شيئ من هذا القبيل و الملفت للنظر ان كاتبه كان تاريخ تسجيله لا يتعدى الأيام حينها طبعا اثار البوست ضجة واستنكار و حذف آخر الأمر وايضا كتب صابر فتشوا على عناوين بوستاتكم هنا.. بكري أدينا إجازة شوية خلينا نشيل نفسنا ..
لصابر راي في كتابة الآخرين - من حقه طبعا - المشكلة انه وعلى ضوء رايه و تفسيره يمارس نوع من الوصاية و يطالب بحذف و غيره وهذا ما اظنه صار في حالة بوست الرطانة المحذوف
قبل ان نرمي الحزب الليبرالي - يا حمزاوي - لنتاكد ان هذا البيان ليس احد ابداعات اخونا صابر وهو امر لو صح عظيم و جلل
06-05-2008, 02:21 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
الاخوة الاعزاء... اتضحت الرؤيا الآن بشكل أو بآخر وعلم الجميع مصدر الخطأ واتمني ان يفهم الاخوة في الحزب اللبرالي الشرح الذي قام به ودالصايم وعزاز...والاخ ودالمايقوما لم يكن يقصد اي اساءة ...ولم يكن هنالك اصلا داعي لكلام جارح من اللبرالي قبل تحريه معني الكلمات أو كان يمكنه الرجوع كما نوه ود البشري الي احد النوبيين لترجمة الكلمات...حتي لو طالب وقتها الاخوة في اللبرالي في نفس البوست معني الكلمات لكنا اوضحنا ما كان يلزم وقتذاك
لذا اضم صوتي مع الجميع ...لعودة ود المايقوما اولا ونتمني من الجميع ان يتحروا الدقة قبل اطلاق السهام...
شكرا جميعا
06-05-2008, 02:22 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
الاخوة الاعزاء... اتضحت الرؤيا الآن بشكل أو بآخر وعلم الجميع مصدر الخطأ واتمني ان يفهم الاخوة في الحزب اللبرالي الشرح الذي قام به ودالصايم وعزاز...والاخ ودالمايقوما لم يكن يقصد اي اساءة ...ولم يكن هنالك اصلا داعي لكلام جارح من اللبرالي قبل تحريه معني الكلمات أو كان يمكنه الرجوع كما نوه ود البشري الي احد النوبيين لترجمة الكلمات...حتي لو طالب وقتها الاخوة في اللبرالي في نفس البوست معني الكلمات لكنا اوضحنا ما كان يلزم وقتذاك
لذا اضم صوتي مع الجميع ...لعودة ود المايقوما اولا ونتمني من الجميع ان يتحروا الدقة قبل اطلاق السهام...
شكرا جميعا
06-05-2008, 03:54 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
انا تابعت البوست اياه، و رغم تسطيحتى و "اعجميتى" الا انى كنت مبسوط من الفكرة ...
لا اعتقد انو في شئ سئ اتقال ، عدد من المحترمين والمحترمات كانو متداخلين زى الصائم و عزاز وابوجهينة و غيرهم ، ما افتكر انهم يسمحو باساءة لشخص. ما ذكره الصائم هنا عادى جدا و لا يوجد ما يوحى باساءة او غيره.
اعتقد انو صابر حمل الامر اكثر مما يجب، الا اذا هو يعرف ما لا نعرف.
تحايا للجميع
06-05-2008, 04:50 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: لا اعتقد انو في شئ سئ اتقال ، عدد من المحترمين والمحترمات كانو متداخلين زى الصائم و عزاز وابوجهينة و غيرهم ، ما افتكر انهم يسمحو باساءة لشخص. ما ذكره الصائم هنا عادى جدا و لا يوجد ما يوحى باساءة او غيره.
اعتقد انو صابر حمل الامر اكثر مما يجب، الا اذا هو يعرف ما لا نعرف.
العزيز عصام جبر الله تحياتي واحتراماتي
06-05-2008, 04:58 PM
Hatim Salih Hatim Salih
تاريخ التسجيل: 11-26-2004
مجموع المشاركات: 706
حقيقي لم أفهم من الصورة الظاهرة من بوست الأخ صابر المغزى الحقيقي من وراء كتابته. فبدء أولا بكونه محبط من ما ورد في البوست من دون التوضيح و ألقى برأي يحمل الكثير من النبرة السلبية (اللئيمة، السوء، الإزدراء، الضعة، الإنكسار) و هو تعميم ينسحب على المتداخلين جميعهم و هو ما أرفضة جملة وتفصيلا لأنه مبني على (افتراضات) سيئة النية. هل يتحدث الأخ صابر اللهجة النوبية؟ إذا كانت الإجابة بـ لا فمن أين له الحكم وإن لم يكن ناطقا بها أو يفهمها فلم جنح للتفسير السيء؟
لنفترض إن أحد الأشخاص بدر منه ما يسئ باللغة النوبية، هل يعطي هذا الحق للأخ صابر بتعميم رأيه؟ وهل السيدة نور تاور عاجزة عن الرد؟ وهل هي وهي التي عهدنا منها الترفع عن صغائر الأمور ستقبل بهذا التعاطي المجحف و الإهانة بالجملة؟ في الجزئية الاخيرة الظاهرة من نص البوست في الجزء الثاني يبدو شامتا من الوضع في مناطقنا و هو شعور ساحمله الجانب الحسن من الظن، و يبدو كأنه يروج لطرح الحزب اللبرالي وهو طرح لسنا مغيبين عنه ولا عن حسن نواياه تجاه السودان بأركانه الأربعة ولكن طرح الحزب اللبرالي بشكله الرسمي لم يتعامل مع أطراف السودان بنبرة التعالي الواردة في بوست الأخ صابر. بل كان طرحا متسقا مع الوحدة السودانية وضد الجهوية و بلائاتها. أرجو صادقة ان يراجع الأخ صابر ما كتبه و يوضح لنا مسبباته لأن افتراض سوء النية المفضي لردود فعل متعصبة لا يحل الإشكال. انتمي للسودان الكبير و دمائي نوبية ولا أقبل اتهام قائلا بأن ما قلناه في اريحية هو سب أو ذم لأخت\أخ لي في هذا الوطن الكبير لما فيه من إيحاء بضعة في الأخلاق و جبن عن المواجهة. وأكرر بأننا نملك ناصية الحرف متى أردنا التعبير عن انفسنا بغض النظر عن المواقف و سواء اتفقنا أم اختلفنا يظل الاحترام.
06-05-2008, 06:11 PM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
انا عضو اللجنه التنفيذية فى الحزب الليبرالى واحد المؤسسين له فى السودان .تابعت البوست الظريف وكتبت فيه باعتبارى احد الناطقين بالغة النوبية ولم المس اى شئ يمس الاخت نور .
وارى ان الاخ صبرى قد تسرع فى اصدار هذا البيان الركيك والغير موفق .واتمنى ان يعتذر الاخ صبرى لهذا الخلط
لك الود والاحترام
06-05-2008, 06:50 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
انا عضو اللجنه التنفيذية فى الحزب الليبرالى واحد المؤسسين له فى السودان .تابعت البوست الظريف وكتبت فيه باعتبارى احد الناطقين بالغة النوبية ولم المس اى شئ يمس الاخت نور .
وارى ان الاخ صبرى قد تسرع فى اصدار هذا البيان الركيك والغير موفق .واتمنى ان يعتذر الاخ صبرى لهذا الخلط
لك الود والاحترام
وشهد شاهد من أهلها
شكرا عمار ..
وود المايقوما الراح في الركب .. مين حيعتذر ليهو .. ولا مين حيرجعو أصلا!!
06-05-2008, 06:58 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: انا عضو اللجنه التنفيذية فى الحزب الليبرالى واحد المؤسسين له فى السودان .تابعت البوست الظريف وكتبت فيه باعتبارى احد الناطقين بالغة النوبية ولم المس اى شئ يمس الاخت نور .
وارى ان الاخ صبرى قد تسرع فى اصدار هذا البيان الركيك والغير موفق .واتمنى ان يعتذر الاخ صبرى لهذا الخلط
الاخ عمار تحياتي الاخت نور تاور في لها مقامها كقيادة حزبية ونسائية الجميع يكن لها الاحترام الكافي لدي كل شعب السودان بما فيهم المحس سؤالي: .. المحس الاتكلم عنهم صبري ده وقال عندهم عقدة حرف ديل لما قاله هل كان بمثل نفسه وله بمثل اللبرالي؟؟
تحياتي مرة اخري
ودالصايم
Quote: وود المايقوما الراح في الركب .. مين حيعتذر ليهو .. ولا مين حيرجعو أصلا!!
بعد العربي الكتير الاتصرف ده يجب ان يعود ودالمايقوما محمولا علي الاعناق
بصفتي أمينا للثقافة والإعلام في المكتب التنفيذي للحزب الليبرالي السوداني أحب أن اوضح التالي :
1/ الاخ صابر عبد الهادي هو امين الاعلام لفرع الحزب الليبرالي السوداني بالولايات المتحدة الامريكية. و المذكرة المشار اليها لم ترفع باسم كل الحزب الليبرالي السوداني وانما باسم الحزب الليبرالي بالولايات المتحدة (بامريكا كما جاء في عنوان البوست). والاخ صابر مخول بموقعه هذا لاصدار بيانات باسم الفرع في امريكا؛ وفقط لفرع امريكا حق اعلان ان كان البيان يمثلهم ام لا .
2/ عن موضوع المذكرة فأنا لم اطلع على موضوع البوست قيد النقاش كما اني لا اعرف اللغة النوبية؛ ولكن حسب شهادة الاخ العزيز عمار حامد والاستاذة عزاز شامي وغيرهم/ن من المشاركين/ت فان البوست لم يكن فيه ادني اسائة للاستاذة نور تاور ولا للحزب الليبرالي؛ ولا أجد أي سبب يدعوني لعدم تصديقهم/ن.
3/اعتذر باسمي وباسم الحزب الليبرالي السوداني عن اي تعبير جارح او تعميم مخل لحق بحق المشاركين في البوست او اهلنا النوبيين وورد في مذكرة الحزب الليبرالي السوداني بامريكا .
4/ للحزب الليبرالي وجود جيد وسط اهلنا النوبيين؛ ومن مؤسسيه عدد وفير من النوبيات والنوبيين وعلى رأسهم الاستاذة هندا حسن والاستاذ عمار حامد وغيرهم وغيرهن؛ وليس هناك اي صراع ولا يمكن ان يكون بين الحزب الليبرالي كمؤسسة وبين اي مجموعة من ابناء قومية معينة مهما كانت في السودان؛ وعلى وجه الخصوص أبناء أهلنا النوبيين وهم اناس ليبراليين بالفطرة.
5/ مواقف الحزب الليبرالي تجاه القضية النوبية وتجاه قضايا مواطني النوبة الشمالية ومطالبهم العادلة وحقوقهم المنتقصة من قبل الدولة المركزية السودانية هي جزء من التزامه الوطني والاجتماعي تجاه كل المواطنين في السودان وهي لا تقبل المزايدة عليها او المزايدة بها؛ وهي ليست محل من او اذي من قبل الحزب وانما هي من صميم واجبه ومسؤولياته الوطنية.
6/ المسؤولية دائما فردية؛ فاذا كان هناك خطاب غير مسؤول في البوست المشار اليه او غيره فيجب دائما الاشارة الى الفرد المحدد وتحديد مقولته المُعترض عليها بالضبط بدلا من تعميم المسؤولية والقاء الكلام بعمومية.
7/ الاستاذة نور تاور مناضلة عظيمة ولن يضيرها اي ساقط قول او استهزاء يحاول النيل منها كما رأينا كثيرا في هذا المنبر؛ وهي اكبر من ان ترد على ما يواجهها من هجوم مقذع وشخصي في هذا المنبر؛ ونرجو من الجميع تفهم حساسية بعض الليبراليين من كمية الهجوم المكثف الذي تجاوز كل حدود في التعامل معها؛ والذي كما وضح من الشهادات المختلفة لم يكن منه شيء في البوست المذكور.
8/ الحزب الليبرالي حزب واعد ولن يقلل من شأنه تهجمات امثال المدعو حمزاوي والذي جعل من التندر على الحزب الليبرالي واستخدام اساليب السياسة القذرة واحدا من همومه عندما لا يكون شغالا بالفارغة؛ وممارسات حمزاوي او غيره لا تُحسب على أي شخص آخر غيره وغير حزبه السياسي إن كان له حزب وسط النشطين.
مع الشكر لجميع من اهتم وناقش وسأل عن رأينا
عادل عبد العاطي أمين الثقافة والإعلام عضو المكتب التنفيذي للحزب الليبرالي السوداني
5/6/2008
06-06-2008, 00:21 AM
عمار محمد حامد عمار محمد حامد
تاريخ التسجيل: 03-21-2008
مجموع المشاركات: 650
Quote: انا عضو اللجنه التنفيذية فى الحزب الليبرالى واحد المؤسسين له فى السودان .تابعت البوست الظريف وكتبت فيه باعتبارى احد الناطقين بالغة النوبية ولم المس اى شئ يمس الاخت نور .
وارى ان الاخ صبرى قد تسرع فى اصدار هذا البيان الركيك والغير موفق .واتمنى ان يعتذر الاخ صبرى لهذا الخلط
لك الود والاحترام
06-05-2008, 09:18 PM
Saber Abdelhadi Saber Abdelhadi
تاريخ التسجيل: 07-15-2007
مجموع المشاركات: 1397
اشكرك على التوضيح و أكرر احترامي للحزب اللبرالي و أعضاءه الكرام ولا أشكك لحظة في اتساع افقه ليشمل جميع اطراف هذا الوطن.
_______________________ الأخ صابر،
سلامات،
Quote: واحد يجيب البوست المحذوف ومن أوله "المداخلة المنقولة عن بوست شاهين والتشطيب المعمول بالقلم والتعليق على ذلك من ود المايقوما عشان نتناقش
البينة على من اعدى و من الحري بك انت ان تأتي بالمداخلة التي اثارت حفيظتك و غيرها مما قلت انك كنت تراقبه منذ فترة كما تفضلت في البيان الصادر عن مكتب الحزب في امريكا.
انزل الصورة و احضر أي مداخلة التبس عليك فهمها أو ظننت ان بها ما يمس الاخت نور وسنترجمها لك كلمة كلمة و ننزلها لك منطوقة بكل اللهجات من حلفا لنهاية المحس لتكون في متناول يدك و تسأل عنها من تثق به من الناطقين بالرطانة.
Quote: هذا السوء و هذا الازدراء الذي رفضتموه لأول خروج في مواجهة اللسان الفصيح ولا زلتم تشعرون امامه بالضعة و الانكسار...
وبعد الانتهاء من إثبات حسن النيةفي مداخلات الاخوة ، سنعود بشكل منفصل لمناقشة ما ورد بخصوص رأيك الشخصي في النوبيين و وكونهم يشعرون بالانكسار و الضعة تجاه (اللسان الفصيح) وهو امر يدعو للعجب كوننا نعتز جدا بنوبيتنا و لهجتنا و نصر على التحدث بها برغم كل المحاولات الداعية لطمس هويتنا ورفضنا (الفصاحة) برغم الضرب في المدارس و السخرية من الآخرين.
اخوتنا الناطقين (باللسان الفصيح) جاورناهم و صاهرناهم واصطففنا معهم وقت الشدة واقتسمنا الحلوة و المرة كما هو حال الأخوة..
لا اعلم مدى معرفتك بالإرث النوبي بشكل عام، ولكن أود التأكيد لك بأننا قد نشعر بكثير من الغبن جراء التهميش ضد منطقتنا ولكننا أبدا لم و لن نشعر بالدونية ناهيك عن الضعة و الانكسار.
نحن من رحم حضارة ضاربة في العمق يا سيدي ولم يعتد الملوك على الانحناء...
كل الود،
06-05-2008, 10:19 PM
Saber Abdelhadi Saber Abdelhadi
تاريخ التسجيل: 07-15-2007
مجموع المشاركات: 1397
Quote: وسنترجمها لك كلمة كلمة و ننزلها لك منطوقة بكل اللهجات من حلفا لنهاية المحس لتكون في متناول يدك و تسأل عنها من تثق به من الناطقين بالرطانة.
الأخت عزاز .. سلامات مافي واحد فيكم فكّر مرة إنو أنا قد أكون رطاني myself .. وبعدين ود المايقوما هو نفسه فاهم عمل شنو وقال شنو .. ماتبقوا ملكيين أكتر من الملك وإنتو ما فاهمين حاجة .. يبدو إنكم العايزين ترجمان .. وده كلو كان مجرد عتاب لأهلي عندما رأيتهم يتخطون الحد المسموح به .. وكما قلت في بوست آخر فإيقاف ود المايقوما كان آخر شيء نريده .. تبلدينا أنا عارف الشرك الناصبو هنا ده لى شنو .. متابعو من أول ما كتبت البوست .. وبختك ياعم أهو بوستيك ح يقلب الحكومة ..
جميل جدا لو انت رطاني معناه ما نتعب كتير في تفسير مخارج الحروف و نجيب لينك صفحة نبته ولا نهديك كتاب كبر عن اللغة النوبية.
طيب يا سيدي، مش كان من الأفضل تتداخل بشكل مباشر في البوست و توضح وجهة نظرك اللي انت شفتها براك؟ ه عدمت كل الحيل لتنشر بيان حدادي مدادي في كلمة (وراد جدا) انك فسرتها غلط؟
لست ملكية اكثر من الملك .. رأيك في البيان يشمل كل المتداخلين و أنا من المتداخلين و بالتالي الموضوع يمسني بأكثر من طريقة:
أولا، مشاركتي في اساءة غير كريمة أو عنصرية تجاه أي شخص و بالذات نور تاور.
ثانيا، سكوتي في حال علمي عن الاساءة و بالذات العنصرية وأن أرضى أن بذكر شخص بما يكره وبلغة لا يفقها و بذلك احرمه من الدفاع عن نفسه.. هذه خسة ولا أرتضيها لنفسي .
Quote: وبعدين ود المايقوما هو نفسه فاهم عمل شنو وقال شنو
واتتك الشجاعة لإصدار بيان ولا أظن أنه تنقصك الشجاعة بان تاتي بالكلام بشكل واضح و ترد على الاستفسارات بدل الركون لكلام (هو فاهم عمل شنو) وخلافه لانو الكلام ماسينا كلنا وود المايقوما ما حاضر علشان يوضح الحاصل شنو...
نقيد الإهانو دي ضد مجهول يعني؟ نتشتم بالمانشتات و نقعد ساكتين؟ دي ما بتحصل إلا لو شالوني انا زاتي للصالح العام بتاع البورد ...
عندك كلام اتفضل جيبة و معاك للنهاية يا اعتذرت انت يا اعتذرنا احنا ...
كل الود،
06-05-2008, 10:40 PM
Saber Abdelhadi Saber Abdelhadi
تاريخ التسجيل: 07-15-2007
مجموع المشاركات: 1397
طيّب يا سيدة عزاز.. الأخ ود المايقوما في أول لإفتتاحيته للبوست نقل مداخلة بدرالدين محمود من بوست الأخ شاهين شاهين والرد عليها من الأخ عبد الوهاب همت كالتالي:
والله الليلة ضحكت لما إدردقت .. ورينا ده معناهو شنو ...؟؟ ولزوم الضحك مع الدردقة شنو إذا كان الأمر سؤال وجواب (عادي) زي ما جو ناس عادل إمام ديل وقالوا ..؟؟
قرأت ما ورد في الرابط الذي اوردته وحقيقي لم اجد أي نوع من الاساءة. مأخذي بعد تطور الاحداث بهذا الشكل و العقلية المتوجسة هو ورود السؤال بالرطانة من الاساس لانو يبدو انو احنا مشكوك فينا مشكوك فينا ان شاء قرينا ليكم قرآن هنا!!
أما بخصوص ود المايقوما المأسوف على شباب باسورده بلا ذنب، فما دام حذف اسم السيدة نور تاور معناها هو ما قاصد السؤال في السياق اللي اتقالت فيه ولو انت سمعت ليك حبوبة بتسأل عن اي شيء ما بتعرفه و خاصة حاجات المدنية دائما بتقول (سماقو) يعني المفردة في حد ذاتها فكاهية وما محتاج إعادة اختراع في الكوميديا... أمي أي شيء بتسمع عنه و ما شافته بتقول عليه سماقو... ده هو اللاب توب سماقو؟ ده هو الموبايل سماقو؟ ده هو ATM سماقو؟ ده هو عمرو خالد سماقو؟ وسماقو ككطن تفسر بذي السماوات كناية عن العلو أو تحريف لكلمة (ذي السمعة) و برضو بتعني الصيت ...
اها، وريني الاساءة هنا؟
وبعدين بعد المداخلة الأولى، باقي السلامات و التحيات دي علاقتها شنو بمتن البوست الي انت افترضت فيهو سوء النية؟ ليه ما جيت و قلت رأيك؟
و صدقني لو كنت جيت و قلت رأيك صدقني بقولها ليك و انا مغمضة عيوني انو الاعتذار كان بيجيك مني أنا اول واحدة و كنا حنوضح اللبس و نواصل سلاماتنا و كعوجة كي بورداتنا ويا دار ما دخلك شر...
انت آخر مرة سمعت ليك كلام رطانة متين؟
06-05-2008, 09:51 PM
خالد حاكم خالد حاكم
تاريخ التسجيل: 08-25-2007
مجموع المشاركات: 3434
Quote: والله يا عمك ما قصرت .. شرحت وافضت بس مجرد عتاب اخوى .. اتخيل زول يشوف تبلدينا لاول مرة ويقول دى تبلدينا السمعتو ضاربة السماء يعنى العاملين لينا بيهو ضجة .. من زواية تسائل طبيعى ومن زاوية اخرى تسائل خبيث
الاخ تبلدينا سلامات زى ما شرح اخونا ود صائم السؤال كان عادى والرد عليه كان عادى اكتر منه , بالاضافة لذلك اصلا الكلام ده ما ورد فى البوست المحذوف بتاع ود المايقوما وود المايقوما ما عندو علاقة بالموضوع لا من قريب ولا من بعيد , صاحب السؤال اخونا بدرالدين وصاحب الاجابة اخونا عبدالوهاب همت زى ما مثبت فى بوست شاهين , فصابر عبد الهادى كان من الاولى يناقش الموضوع ده فى البوست المعنى ويسال همت وبدرالدين من معنى المداخلات التى وردت باللغة النوبية , بدل الكلام الفارغ اللى بيسوى فيه ده !!! يا صابر عبد الهادى انت مطالب بالاعتذار لنا جميعا نحن النوبيين وليس ود المايقوما فقط على كلامك القبيح فى حقنا !
06-05-2008, 10:30 PM
BADRELDIN MAHMOUD BADRELDIN MAHMOUD
تاريخ التسجيل: 01-14-2008
مجموع المشاركات: 263
Quote: تبلدينا أنا عارف الشرك الناصبو هنا ده لى شنو .. متابعو من أول ما كتبت البوست .. وبختك ياعم أهو بوستيك ح يقلب الحكومة ..
الاخ صابر عبدالهادى .. سمعت بالجا يكحلها عماها.. اولا ليست بيننا سابق معرفة ولا عداء فكرى او شخصى .. حتى استهدفك شخصا او كياناً حتى اننى لا اذكرك ولا اعرف اسمك بدليل كنت اقرائك صبري وليس صابر ثانيا لا اجيد فن المؤامرات وحبك الشراك حتى انصب لك فخاً او لغيركـ ثالثا لا معرفة لى بلغة النوبة بتاتاً فقد كنت مجرد مطالع للبوست وان كنت تذكر كنت اشتم اصدقائى الرطانة ( مزحاً) بعنصريتهم وحديثهم الغير مفهوم بالنسبة لى واسال عن الترجمة بل صرت اترجم بالبديهة وتحليل التعابير . رابعا لم تكن لى خلفية عن ما ورد فى بوست ندوة الاستاذة نور تاور الا بعد ترجمه الاخ ود الصايم هنا خامسا لم انتبه لتعليق الاخوة من ابناء المحس وحلفا عن الستاذة نور تاور الا بعد اطلاعى على مذكرتكم الحزبية. سادسا لا ارضى فى كلمة تمس الاستاذة نور تاور لايمانى بفكرها وعقليتها ومعرفتى الشخصية بها سابعا .. ليس لى عداء مع الحزب الليبرالي حتى اسبب فى شرك او فتنة حيث اننى اصنف صديق ليبرالى ان لم اكن وصديق شخصى للاخ عادل عبدالعاطى وليس من داع ان اهز موقف الحزب بهكذا حوار . ثامنا.. كما قلت تسالت باندهاش عن حذف مذكرتكم وتلاها حذف بوست ابناء المحس الذى لم اجد فيه مع معرفتى المعدودة للهجتهم.. تاسعا قبل شرح الاخوة اوضحت ان التعبير يشتمل حسن النية وسوء النية وختاما خلصت الى كفه حسن النية ترحج ولست بعلم بوبواطن وخفايا الامور وانما الاعمال بالنيات ولكل امرئ ما نوى.. عاشرا لن يقلب مجرد راى او تساؤل الحكومة ولكن ارادة الشعوب تفعل ..!! ولا ادرى ما علاقة انقلاب الحكومة بهذا النقاش وتلك المذكرة التى اصدرتها بتهور ودون تفكير ووعى كما فعل خليل ابراهيم عند غزو امدرمان ..
اخرا : تحدث وتدور فى هذا الوطن الاسفيري اشياء يكفل لى حق الاستفسار والسؤال الالمام بها لمجرد المعرفة والعلم بالشئ وليس لامر فى نفس يعقوب كما تدعى .. وهذا حق كفله لى البحث عن المعرفة وحتى لو بدافع الفضول والتحرى .. اخيراً .. ان كنت متابع لذلك البوست منذ فترة بقلق واحباط .. كان من الاحرى ان تكون اعلامياً كفء وتحتفظ به كدليل دامغ وداعم لمذكرتك التى صدرت بدون رائ اخر من الحزب وان كنت عنونتها ( يتابع الحزب اللليبرالي .... الخ )
ختاماً اعتقد انك مطالب بأعتذار للحزب الليبرالي على تصرفك الغير مسؤول ولابناء المحس للاساءات والتعابير التى ورد فى مذكرتكم المشينة ولشخصى الضعيف لاتهامك وقذفك الغير مؤسس .. فهل انت فاعل ؟؟ وتذكر اننى احضرت جزاءا من المذكرة وتغاضيت عن الجزئية اللخيرة فقد تدافع عنك قليلاً وتقرب وجهة نظرك )
الاخ الفاضل عادل عبدالعاطى .. نشكر لكم كثير تفضلكم بالتوضيح الرسمى توضيحكم لكل ما ورد اعلاه فى شأن هذا الحوار وموقفكم كحزب وما دار عنه وفيه واراء البعض وارائكم عن عضويتكم ولكننى مرة اخرى اقف متسائلا واتمنى ان لا يكون تسائلا مرفوضا او مؤامرة كما تفضل العضو المحترم بوصفها ضمنيا .. قلت
Quote: و المذكرة المشار اليها لم ترفع باسم كل الحزب الليبرالي السوداني وانما باسم الحزب الليبرالي بالولايات المتحدة.
فقد استهل العضو المحترم مذكرته قائلا : يتابع الحزب الليبرالي السودانى .. الخ ولم يشير الى امريكا الا فى عنوان البوست الذى لا يعتبر من ضمن المذكرة .. وختمها بـ ( نحن فى الحزب الليبرالي السودانى تحت القيادة الواعية ..الخ ) فهل يحق لكل عضو للحزب فى اى بقعة فى العالم ان يصدر بياناً او مذكرة بدون الرجوع الى المركزية الاعلامية اوالحزبية؟؟ الا ترى معى بأن عضوية هذا التنظيم صارت تصدر اراء ومواقف ومذكرات وبيانات غير مؤسسه اصبحت تضعف من هذا الكيان وتزرع الخلل والشكك فيه وليس هذه المره الاولى فقد سبق ومنذ ايام قلائل ان صدر رائ وموقف اضطررتم لان توضحوا رأيكم فيه ونفيه واعتباره رائيا شخصياً لا علاقة للحزب به وما زالت تتكرر القرارات الفردية بدون اتفاق او توحيد او تلاقح ؟؟
فهلا تفضلتم بالتعقيب
ودمت سماقو
الاخوة الرطانة الافاضل .. ابوشيمة عمار حاكم قمربوبا عصام بدر الدين ودالصايم - الا زلت تظن ان الامر لا يستحق ؟ - ودالبشرى حاتم عم حمزاوى والنوبية الفاضلة عـُزاز .. لكم الود لتوضيحكم ونقاشكم .. وكما قلت لا علم لنا بما لا نعلم وحسن النية متوفر .. ولم يكن تسائلنا هذا لمعرفة بخبايا الامور .. وفضول لمعرفة معان بسيطة من لهجة تلك البقعة من السودان..
دمتم سماقو ..
_______________
فيما اعتقد ان هذا البوست التساؤلي حصل متسائله على تفسيره .. ويترك امر الخفايا لعليم مقتدر .. وان كان هناك توضيح مرتقب من الاخ بكرى ابوبكر فيما يختص بحذف البوستات بصورة عشوائية وقبل ان يترك للاعضاء الافاضل المعرفة بما يدور فى كثير من الاحيان ..
06-06-2008, 01:25 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25074
Quote: وكما قلت لا علم لنا بما لا نعلم وحسن النية متوفر .. ولم يكن تسائلنا هذا لمعرفة بخبايا الامور .. وفضول لمعرفة معان بسيطة من لهجة تلك البقعة من السودان
ياحبيب والله انا بالذات اقدر لك ذلك
الجاتك فى حب اهلنا سامحتك
06-06-2008, 05:06 AM
BADRELDIN MAHMOUD BADRELDIN MAHMOUD
تاريخ التسجيل: 01-14-2008
مجموع المشاركات: 263
Quote: فيما اعتقد ان هذا البوست التساؤلي حصل متسائله على تفسيره .. ويترك امر الخفايا لعليم مقتدر .. وان كان هناك توضيح مرتقب من الاخ بكرى ابوبكر فيما يختص بحذف البوستات بصورة عشوائية وقبل ان يترك للاعضاء الافاضل المعرفة بما يدور فى كثير من الاحيان ..
مثلك تماما تبلدينا وصلنا للنائج المطلوبة ومحاولة المواصلة في النقاش اكثر لن يفيد في شيئ
شكرا الاخ عادل عبدالعاطي للتوضيح ...وكنت اعتقد انه يكفي الا ان فرع امريكا لا زال عند رأيه ...يبقي انت وفرع امريكا مختلفين الان
صبري عبدالهادي ان كنت ما زلت مصرا علي موقفك ان هنالك خطأ بدر من الاخ ودالمايقوما يستحق تلك الكلمات الجارحة في حق المحس فلك الخيار لكننا تيقنا تماما ان ود المايقوما لم يخطئ. شخصيا ومنذ الرجوع للبوست الذي تداخل فيه همت كنت علي يقين ان ود المايقوما لم يخطئ في شيء.
فليكن همنا الآن عودة ود المايقوما
شكرا للجميع مع ودنا واحترامنا
06-06-2008, 08:39 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: 1/ الاخ صابر عبد الهادي هو امين الاعلام لفرع الحزب الليبرالي السوداني بالولايات المتحدة الامريكية. و المذكرة المشار اليها لم ترفع باسم كل الحزب الليبرالي السوداني وانما باسم الحزب الليبرالي بالولايات المتحدة (بامريكا كما جاء في عنوان البوست). والاخ صابر مخول بموقعه هذا لاصدار بيانات باسم الفرع في امريكا؛ وفقط لفرع امريكا حق اعلان ان كان البيان يمثلهم ام لا .
في انتظار سماع رأي اعضاء فرع الحزب بامريكا الباقين
06-06-2008, 10:08 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
الرجاء لمن له نسخة من البوست أن يأتى بحديث ود المايقوما في اول البوست المحذوف والرجاء ممن يعرف السبب في نقل المداخلة عنها لذلك البوست المحذوف ان ينورنا بالسبب .
06-07-2008, 00:19 AM
خالد حاكم خالد حاكم
تاريخ التسجيل: 08-25-2007
مجموع المشاركات: 3434
الاخ عادل عبد العاطى سلامات معناها يا بدرالدين يا ابن عمى هى ذاتها والضمير هنا راجع للاخت نور تاور لانو السؤال كان بالله دى هى نور تاور صاحبة السمعة الكبيرة؟
06-07-2008, 01:17 AM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
Quote: الاخ عادل عبد العاطى سلامات معناها يا بدرالدين يا ابن عمى هى ذاتها والضمير هنا راجع للاخت نور تاور لانو السؤال كان بالله دى هى نور تاور صاحبة السمعة الكبيرة
شكرا على الترجمة .
06-07-2008, 01:15 AM
BADRELDIN MAHMOUD BADRELDIN MAHMOUD
تاريخ التسجيل: 01-14-2008
مجموع المشاركات: 263
Quote: الاخ عادل .....لقد اعطيتم الموضوع اكثر مما يستحق....
هل نحن من أعطينا الموضوع اكثر ما يستحق ؟؟ كتب الاخ صابر بوستا تم سحبه وسحب البوست الذي اشار اليه فتح الاخ تبلدينا بوستا هو الحالي تسائل فيه عن الحاصل قمنا انا والاخ عمار محمد حامد بايضاح وجهة نظر الحزب الليبرالي فيه .
كان ينبغي ان ينتهى الحوار هنا ولكن ادخل للصفحة الرئيسية لتجد كم من البوستات قد فتحت في هدا الامر بوست الاخ دكين وبوست المدعو بشاشه فيها اساءات مباشرة للحزب الليبرالي وعموم الليبراليين
طالبنا بعودة الاخ ود المايقوما اصلاحا للحال وكتب الاخ عمار بوستا راقيا عن اطروحات الحزب الليبرالي لمعالجة قضايا النوبة والنوبيين فتم تجاهل كل هدا واتهامنا باننا لنا بيوت اشباح وغيره من الكلام غيرؤ المسؤول
اذا كان هناك من يرغب في سحل الحزب الليبرالي او اعضائه لأي سبب ويريد ان يستخدم هذه القضية جسرا فيحق لنا اذن ان نرجع للموضوع لنعرف تفاصيله بعد ان كنا نريد اطفائه .
لك ودي .
06-07-2008, 02:15 AM
Bashasha Bashasha
تاريخ التسجيل: 10-08-2003
مجموع المشاركات: 25803
مالك يا ريتشارد كمبل يا يا وليد دارفور شايل لينا عنوانك دا ولاصقو فى اى مكان ؟؟ هل تفتقد فى بوستيك قلة المشاركين ام القراء ؟؟ ارجح الاولى ..
حسناً سوف ازيدهم عليكـ .. وأقول بملء الفم لعموم ابناء المحس والنوبة جمعاء لو خلوك فى الجزئية دى وما نتفوا ريشك يكونوا اتلوموا مع الليبراليون وعادل والعضو المحترم..
Quote: يعني في الاساس، بوست ود المايقوما المسكين، الموقوف بي سبب "ليبرو"، كان بوست ونسة فارغة، لعدد من الجلابيات والجلابة الفارغين، باللغة النوبية
طلعت لهجة النوبة ونسه فارغة وهم مجرد جلابة وجلابيات فارغات ( أها خم وصًر ) ودى على وزنة البكاء بحرروا ناسو ..
الاخ عادل عبدالعاطى..
وفعلاً كان ينبغى ان ينتهى الحوار بانتهاء التسال كما اوضحت اعلاه .. ومثلك تماما اندهشت لعدد الهجوم واستغلال التسأل فى مهاجمة الحزب الليبرالي وصدقنى لم اكن اتوقع ان يسيرالامر الى هذا المنحنى ..وهذه عقلية الشعب السودانى التقليد وحك الحوار حتى يجيب الدم .. كان تساؤل ( ما بين الليبراليون .. وابناء المحس ) هو استغراب واندهاش وعتاب للااخ بكرى ابوبكر فى اسلوب حذف البوستات وكيفية تحديدها ما يحذف وما لايحذف والأسس .. ولم يكن المغزى هو استخدام هذا الامر الذى اثرته - بلا قصد - فى تسجيل ضربات وهجمات واساءات للحزب الليبرالي .. وعموم اعضائه ..
ولقد اخذ الموضوع اكثر مما يستحق تماما خصوصا بعد توضيحكم الشافى والوافي اما موقف اخيهم العضو المحترم فقد صار موقفا شخصيا.. اما عودة الاخ ود المايقوما فهى مطالبة منا جميعاً ومناشدة لبكرى لتصحيح هذا الخطأ المتسرع ..
كما اود ان عتذر لكم وللحزب الليبرالي عن هذه السهام التى اصابتكم وتلك الإساءات والاحاديث الغير مسؤولة والتى طالتكم نتيجة لتسألنا الطبيعى والاستفساري .. ومحاولة البعض استغلال هذاالامر كوسيلة للهجوم على الكيان الليبرالي واعضائه وشخصكم الكريم الذى يجد منى كل التقدير والإحترام؛
ولكم منى العتبى والمعذرة ..
_____________
عقلية ببغائية تعرف بالسودانية تعشق التقليد..
06-07-2008, 04:55 AM
Balla Musa Balla Musa
تاريخ التسجيل: 12-30-2004
مجموع المشاركات: 15238
دى اسمها قطيعه والعياذ بالله يعنى لو كان البوست كلو كلام وما فيهو قطيعه كان مشى عادى لكن قطيعه وبالرطانه... من المستحيل ايراد حسن النيه فى كلام بالشكل ده اتخيل لو قلته لى سودانى معاك وفى خواجه جنبكم ( الman ده لابس حلو ) الخواجه المابيعرف عربى حيقول شنو وبعدين مش غريبه ونسه بالرطانه فى منبر لغتو عربى نور تاور وبدر الدين يستحقو اعتزار و تحياتى
06-07-2008, 05:38 AM
Bashasha Bashasha
تاريخ التسجيل: 10-08-2003
مجموع المشاركات: 25803
ابدا يا بشاشا لكن الكلام ( باى لغه ) لمن يجيبو فيهو سيره الناس ( اى ناس ) بالخير او بالشر بيكون قطيعه واكيد انته اعلم منى بالحديث الشريف الوضح فيهو الرسول الكريم معانى الغيبه والنميمه والبهتان
06-07-2008, 06:18 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: ابدا يا بشاشا لكن الكلام ( باى لغه ) لمن يجيبو فيهو سيره الناس ( اى ناس ) بالخير او بالشر بيكون قطيعه واكيد انته اعلم منى بالحديث الشريف الوضح فيهو الرسول الكريم معانى الغيبه والنميمه والبهتان
يوسف الولي،
ما مععني قطيعة؟
كلام منشور في مكان يكون قطيعة؟ لو كده كلامك ده زاتو قطيعة!
طبعا لانو بالعربي ماقطيعة!
نمرة اتنين، الزولة من المفترض زعيمة حزب والمنبر ده للصراع الفكري، والحزب اسمو الليبرالي، مش طالبان.
مامعني قطيعة لو كلامي ده صاح؟ الفرق شنو بين ناس درق سيدو او بلطجية الليبرالي الطيور ديل؟
لماذا التكميم للافواه والارهاب للناخبين، والاعتداء علي حقهم في التعبير؟ بالله صلاح قوش ما عمل كده! ادوهم بالبرطوش السياسيين، ولا ما حيدوكم اعتبار قط!
06-07-2008, 07:16 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
.. . .. . ودينى يا بشاشا انت زول عندكـ شيزوفرينيا وبتتكلم زى الزول المخبول او خت الكاس وصنغر فى الكمبيوتر مرة تقول دا ونسة فارغة من جلابة نوبيون فارغين ومرة تقول ما قطيعة بتونسوا عادى تجى تانى تقول دى ونسه فارغة وترجع تردد دى ونسه عادية وتانى تجى تقول ونسة بريئة تقول الكلام بالعربي ما قطيعة وضمنياً تشير بأن بالرطانة قطيعة يااخ ما تركز ليك على راى
انحنا هنا بنبيع بطيخ ما بنقراء قفى جهلك دا ..؟؟
Quote: يعني في الاساس، بوست ود المايقوما المسكين، الموقوف بي سبب "ليبرو"، كان بوست ونسة فارغة، لعدد من الجلابيات والجلابة الفارغين، باللغة النوبية!
Quote: اعلاه، البيان بتكلم عن ونسة عادية، قائلا: الحزب، يتابع بمزيد من الاحباط والقلق! عييييييييك!
Quote: يا اعزائي، ماتنسو، الحزب البتابع ونسة عادية بالحزن والاسي،
Quote: ليبرو" افتكر الونسة البريئة الكانت دايرة في بوست ود المايقوما الموقوف، باللغة النوبية، كانت "قطيعة" في "زعيمة" الحزب المفترضة،
Quote: هل تناول الناخبين سيرة "زعيم" تنظيم، ليبرالي افتراضا، جريمة، تستدعي تدبيج البايانا، ام وراء هذا السلوك الساذج ما وراه؟
Quote: لمجرد انو الكلام ما بالعربي يبقي قطيعة؟
Quote: لماذا التكميم للافواه والارهاب للناخبين، والاعتداء علي حقهم في التعبير؟
Quote: كلام منشور في مكان يكون قطيعة؟ لو كده كلامك ده زاتو قطيعة!
Quote: نمرة اتنين، الزولة من المفترض زعيمة حزب والمنبر ده للصراع الفكري، والحزب اسمو الليبرالي، مش طالبان.
انت بالضبط عايز تقول شنو ؟؟ عشان انت ما مركز وداخل فى حالة من التناقض والانفصام وما عارف انت عايز تقول شنو ؟؟ وفقدت القدرة عن للتعبير عن اشيائك وارائك .. اجاوب نيابة عنك: انت ايها الهارب انت ما عندك موضوع .. انت جاى .. لقيت ليك خيط وجسر فى امر يقبع فى نفسك الذئبية الافعوانية* يعتبر فرصة تقتنص فيها من الحزب الليبرالي السودانى وتسئ فيه لرئيس الحزب الليبرالى السيدة نور تاور .. وتتأرجز** وتشتم به على الاخ عادل عبدالعاطى.. وتتجارى هنا وهناك كالذى فقد نقطة الإرتكاز ومحور الانطلاق عايز تطلعها السيدة نور تاور زوله ما تستحق؟؟ ودى هنا نظرة استعلائية بنفس مفهومك للتساؤل المطروح .. وعايز تفتج جبهة وجدتها ضدك كرهك الازلى للاخ عادل عبدالعاطى مش دا الكلام .. طيب ياخى ما تكون صريح وبطل لف ودوران والسطرين السوداويين البتختهم لينا زى كتابة المشعوذين دى ..
أيها الأخوة الكرام مسكاقجلو كدي خلونا من ما كتبه الاخ صابر ممكن نعتبره ذلة لسان أو عدم معرفة باللغة النوبية ( الرطانة ) المهم في الموضوع ما يسمى بالحزب الليبرالي هل في السودان حزب بهذا الاسم ( الحزب الليبرالي ) أسمع جعجعة ولا أرى طحناً غايتو في السودان بقينا نسمع جنس حاجات غايتو جنس مغصة الله قادر
Quote: ودينى يا بشاشا انت زول عندكـ شيزوفرينيا وبتتكلم زى الزول المخبول او خت الكاس وصنغر فى الكمبيوتر مرة تقول دا ونسة فارغة من جلابة نوبيون فارغين ومرة تقول ما قطيعة بتونسوا عادى تجى تانى تقول دى ونسه فارغة وترجع تردد دى ونسه عادية وتانى تجى تقول ونسة بريئة تقول الكلام بالعربي ما قطيعة وضمنياً تشير بأن بالرطانة قطيعة يااخ ما تركز ليك على راى
انحنا هنا بنبيع بطيخ ما بنقراء قفى جهلك دا ..؟؟
لو قرأت ردك هذا لكفيتني سؤال بشاشا عن العلة التي به.
شكرا يا تبلدينا ... حقيقي شكرا!
06-07-2008, 08:54 AM
DKEEN DKEEN
تاريخ التسجيل: 11-30-2002
مجموع المشاركات: 6772
Quote: بصفتي أمينا للثقافة والإعلام في المكتب التنفيذي للحزب الليبرالي السوداني أحب أن اوضح التالي :
1/ الاخ صابر عبد الهادي هو امين الاعلام لفرع الحزب الليبرالي السوداني بالولايات المتحدة الامريكية. و المذكرة المشار اليها لم ترفع باسم كل الحزب الليبرالي السوداني وانما باسم الحزب الليبرالي بالولايات المتحدة (بامريكا كما جاء في عنوان البوست). والاخ صابر مخول بموقعه هذا لاصدار بيانات باسم الفرع في امريكا؛ وفقط لفرع امريكا حق اعلان ان كان البيان يمثلهم ام لا .
2/ عن موضوع المذكرة فأنا لم اطلع على موضوع البوست قيد النقاش كما اني لا اعرف اللغة النوبية؛ ولكن حسب شهادة الاخ العزيز عمار حامد والاستاذة عزاز شامي وغيرهم/ن من المشاركين/ت فان البوست لم يكن فيه ادني اسائة للاستاذة نور تاور ولا للحزب الليبرالي؛ ولا أجد أي سبب يدعوني لعدم تصديقهم/ن.
3/اعتذر باسمي وباسم الحزب الليبرالي السوداني عن اي تعبير جارح او تعميم مخل لحق بحق المشاركين في البوست او اهلنا النوبيين وورد في مذكرة الحزب الليبرالي السوداني بامريكا .
4/ للحزب الليبرالي وجود جيد وسط اهلنا النوبيين؛ ومن مؤسسيه عدد وفير من النوبيات والنوبيين وعلى رأسهم الاستاذة هندا حسن والاستاذ عمار حامد وغيرهم وغيرهن؛ وليس هناك اي صراع ولا يمكن ان يكون بين الحزب الليبرالي كمؤسسة وبين اي مجموعة من ابناء قومية معينة مهما كانت في السودان؛ وعلى وجه الخصوص أبناء أهلنا النوبيين وهم اناس ليبراليين بالفطرة.
5/ مواقف الحزب الليبرالي تجاه القضية النوبية وتجاه قضايا مواطني النوبة الشمالية ومطالبهم العادلة وحقوقهم المنتقصة من قبل الدولة المركزية السودانية هي جزء من التزامه الوطني والاجتماعي تجاه كل المواطنين في السودان وهي لا تقبل المزايدة عليها او المزايدة بها؛ وهي ليست محل من او اذي من قبل الحزب وانما هي من صميم واجبه ومسؤولياته الوطنية.
6/ المسؤولية دائما فردية؛ فاذا كان هناك خطاب غير مسؤول في البوست المشار اليه او غيره فيجب دائما الاشارة الى الفرد المحدد وتحديد مقولته المُعترض عليها بالضبط بدلا من تعميم المسؤولية والقاء الكلام بعمومية.
7/ الاستاذة نور تاور مناضلة عظيمة ولن يضيرها اي ساقط قول او استهزاء يحاول النيل منها كما رأينا كثيرا في هذا المنبر؛ وهي اكبر من ان ترد على ما يواجهها من هجوم مقذع وشخصي في هذا المنبر؛ ونرجو من الجميع تفهم حساسية بعض الليبراليين من كمية الهجوم المكثف الذي تجاوز كل حدود في التعامل معها؛ والذي كما وضح من الشهادات المختلفة لم يكن منه شيء في البوست المذكور.
8/ الحزب الليبرالي حزب واعد ولن يقلل من شأنه تهجمات امثال المدعو حمزاوي والذي جعل من التندر على الحزب الليبرالي واستخدام اساليب السياسة القذرة واحدا من همومه عندما لا يكون شغالا بالفارغة؛ وممارسات حمزاوي او غيره لا تُحسب على أي شخص آخر غيره وغير حزبه السياسي إن كان له حزب وسط النشطين.
مع الشكر لجميع من اهتم وناقش وسأل عن رأينا
عادل عبد العاطي أمين الثقافة والإعلام عضو المكتب التنفيذي للحزب الليبرالي السوداني
5/6/2008
06-07-2008, 04:37 PM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
تبلدينا معليش ما تزعل منّي نحن دايرين حقّنا من الزول دا لكن خلينا عشان الكلام اللي مس الرطّانة نبدأ بيك انت؛ ياحبيبي الرطانة ديل هم الناس اللي علّموا اللغة العربية لي كل السودان. صابر دا خليه بعدين؛ منتظرينه يمكن يعتذر ويعمل بوست يحاول يرجع لينا ود المايقوما.
وانت يا تبلدينا كن شجرة تظلل قبل أن تلسع بالرقراق وكن شجرة تروي العطش قبل أن تحدث الطفش فهي شجرة يجتمع في ظلها الناس لحل النزاعات وليس لإشعال الفتن ولو ما عاجبك كلامي دا يا أخي غير الصورة بتاعة الشجرة دي إياك أعني واسمعي يا جارة كتّر خيرك ما قصرت فتحت بوست يمكن يعمل نتيجة لعودة الزميل المظلوم (من صبري) ود المايقوما لكن الموضوع ما شايفو لله في لله إما أن يكون التعبير خانك أو في حاجة بينك وبين المحس أو بينك وبين الليبرالي؛ ليش أولاً في أخطاء لغوية وإملائية كبيرة؛ مش ربكة كيبورد؛ فالعنوان فيه خطأ كبير دا غير خداع النظر اللي في الرناطة. أي السبب هذا الارتباك فالفي قلبو حرقص براه برقص السبب الثاني طريقة صياغة البوست بجيك تاني
06-07-2008, 07:25 PM
عبدالفتاح أبوشيمة عبدالفتاح أبوشيمة
تاريخ التسجيل: 04-15-2008
مجموع المشاركات: 4163
اندهش حقا الى ما آل الية الحزب الليبرالى وعدم التوفيق تماما فى تعاطية مع سودانيز اون لاين ويذيد اندهاشى برغم وجود عضوية مميزة بهذا الحزب الصغير عمرا وكبير موقفا فما ذال يحتاج لوقفة جادة لمراجعة تعاطية مع الاعلام واعطاء الحزب كينونتة وحجمة الذى يستحق
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عبد الماجد الصايم
GamarBoBa
محمد البشرى الخضر
BADRELDIN MAHMOUD
عبدالفتاح أبوشيمة
Hatim Salih
عمار محمد حامد
Abdel Aati
Saber Abdelhadi
حيدر حسن ميرغني
فيصل محمد خليل
الطاهر ساتي
Sayed Bekab
محمد عادل
Bashasha
Balla Musa
يوسف الولى
-1.jpg)
معاوية الطيب
فيس بوك
تويتر
انستقرام
يوتيوب
بنتيريست