إثبات كلام صبري الشريف موجود في نهج البلاغة ..

Quote: ويا عزيزي انا ادعو للعلمانية اذا ضرتك هذه الدعوة انت ادعو للدولة الدينية وفقا للفكرة الجمهورية والمحك هو الجماهير

يظهر يا صبري حوارنا معاك كان حوار طرشان ساكت...مقالاتي عن هذا الامر قراها 70000 زائر في الحوار المتمدن..والالاف هنا في الارشيف مافي داعي نكررا كل مرة
انت مستمر في ظاهرة الاستلاب المعرفي الذى يعاني منه السودانيين
ماشي ورا مصر وسيد القمني وتنقل مقالاته التي ينقلها من كتب الفقه الاصفر وشايف نفسك نقلت حجر الرشيد ذى ما ما مشينا وراهم مع الاخوان المسلمين والشيوعيين وناصريين عبر خمس عقود من التخلف....مصر بالنسبة لي حاجة واحدة بس تمدنا بالكهرباء من السد العالي فقط لا دايرين منها فكر ولا سياسة...........
اول شروط الاستيقاط يا اخوى
ان تقرا كل اشكال الفكر السوداني وتبحث عن حل سوداني ..وانت بتقوول فرانسيس دينق قول يقصد به الممارسة الرديئة للاسلام (الاخوان المسلمين)..وعندي كتب فرانسيس دينق وبعرض في كتاب(صراع الرؤى) في البورد ده ليه شهر ما شفناك بهناك وفيه راي فرانسيس دينق عن الفكرة الجمهورية
وعلمانيتك الما عارف ليهاراس من قعر دي....ذى تلفون عادل امام في شاهد ما شافش حاجة..تتحدثو عنها وهي غير موجودة وانتهت كحقبة تاريخية تخص المسيحية والمجتمع الاوروبي ..يعني ذى الشريعة والعرب القدماء...الا تستورد ليها جماهير من اليابان
والدين يا اخوى حاضر حتى في امريكا بتاعتك دي
وصدام الحضارات حقيقة مرة نعاني منها الان
واذا قلتو تتحدوني انت وعادل بيننا الزمن
والزبد يذهب جفاء وما ينفع الناس يمكث في الارض
وانا لا يعنيني ابن عباس ولا الضحاك بن ثابت ولا نزهة المجالس وكتب الفقه العربي
يعنيني ود ضيف الله والشيخ البرعي ومحمد عثمان البرهاني وفرانسيس دينق وابيل الير ومنصور خالد
وترهاقا وعبدالله دنقس وعلي عبداللطيف ومجوك دينق وهلم جرا