أنا الآن في دارفور في نيالا

Quote: شوفي يابت الناس...نحنا كنا بنجي ل(نيالا دي) من اقصي الشمال لدارفور يعني من قريب جبل العوينات (جبل المحاميد) اصلنا يوم ما حسينا اننا او شكلنا مختلف من الناس...باهي

السنوسي بدر..
ياخي الجد (كامل دّلَّالة) أشهر خواجات المدينة ..
صاحب سينما نيالا ..
زوج عمة الوالد (أم كواكـ)..
والد يوسف كامل [صاحب شركة البريد السريع (DHL) بنيالا]....
عمروا ما حسا إنو غريب من نيالا..
لا هو لا أولادو..




ولما وافاه الأجل بلندن في 1995..
وصي إنو يدفنوهو في نيالا التركـ عشانها أهلو وميراثو..

وبرضو يا ول أبا..
جبل المحاميد يا ابن العم..
ياخي العزيز حمدي عثمان المصري [عازف بفرقة جنوب دار فور]..
والدو أشهر نجار في حينا..
برضو عمرو ما حسا بغربة في نيالا..

طيب معيقل ومنصور المفتاح..
وناس الشيباني وياسر أبو عقيلة ليبيين وفيزان (قٌح)..
نسابتنا (معرسين مننا ومعرسين منهم)..

عمرهم ما حسو بالشيء الإنت قاعد توصف فيهو ده..

الغربة يا ول أبا حالة نفسية..

هويدا قاصدة تقول رغم محاولة إنخراطها في مجتمع نيالا العجبها ..
إلا إنو شكلها بيفضحها في عيون الناس لأنها ما من ناس نيالا المعروفين..


المعني واضح ولا يحتاج لشرح..