انا احمد الله ولانى مطرطشة ولا حاجة الا بس جابنى الشمار المطروش هنا وقلت الا اشوف الزول ابو صلعه ده الطرطشة طلعت ليه وين يعنى بقت عليك اتنين... طرطشةوعدم شعر (( صلعه يعنى )) *** متاوقة اسماء الحبيبة مشتاقين يمة سبحان الله والله اللحظه الدخلت اعمل المداخلة دى تكونى انتى نزلتى مداخلتك شفتى فى طرطشة اكتر من كده ؟ دحن كلام شيخ الطاهر فينا مو صحى يا بت امى بنتشابه كتير حتى فى الاسامى نحمد سيدنا علا يا بت امى مانا مطرطشين برضو نحمد سيدنا تحياتى اسماء الجنيد/ مسقط
05-29-2008, 09:28 PM
Gazaloat
Gazaloat
تاريخ التسجيل: 05-14-2003
مجموع المشاركات: 891
انا ما مطرطشة غايتو مصره يا طارق لكن دى طراطيش ساى اول حاجه ومقدمه بسيطه انا زولة جبانه جدا وبخاف من ضلى والاعتراف بالخوف فضيلة كنت فى المدرسة الاعدادية حماكم الله عندى لوز بتجننى لما تقوم على والمضاد الحيويى بى الساعات ومشكلتى بنسا حبة نص النهار ابلع الصباح ولما يجى الليل تلتهب اللوزة زيادة وتجرسنى يقولوا لى لازم تواظبى وابدى من اول الكورس واجى ابدأ من بكره الصباح كل 8 ساعات المهم اليوم داك وزى ما قلت ليكم شوية طراطيش قررت انه اعلق الحبة فى رقبتى بى خيط وادسها طبعا من الناس .. عشان ما تكون ظاهرة والبشوفها يفتكرنى مطرطشة يعنى البسها سلسل و كل ما اتحرك حاتكشكش الورقة وبالتالى بتذكر مواعيد الحبة وحاتكم بعد عليقتها بى مدة بسيطة بس اول ما كشكشت كنت ماشة فى نص الحوش ومعانا ضيوف وفد نطة التقول ضربنى ماس كهربائى وهاك يا صرخة جونى كلهم وانا برجف كلى .. مالك؟؟ مالك؟؟؟ وارجف واكورك اقول ليهم الصرصور .. العقرب التقول شايفاه. وباقى الطرطشه ظهرت نتيجتها طبعا لكن لى هسه خجلانه من جوعارتى ديك
Quote: انا احمد الله ولانى مطرطشة ولا حاجة الا بس جابنى الشمار المطروش هنا وقلت الا اشوف الزول ابو صلعه ده الطرطشة طلعت ليه وين يعنى بقت عليك اتنين... طرطشةوعدم شعر
Quote: طرطشة علي خفيــــــــــــــــــــــــــف نوبي يالذيذ
اندنا في الرطانة مافي "مطرطش " بنقول " نوييهين" يعني "رمدان سجمان" ( اسال بت الجنيد يمكن تساعدك كصديق ولانها رطانواراب ) وبعدين فتشت في لغة صديقة للرطانة (الانكليزي بعيد عنك ) وفي موقع اليكتروني مهم للترجمةhttp://www.appliedlanguage.com/free_translation.shtml قمت كتبت "مطرطش" ودايس علي الكيبورد وكانت النتيجة [ mTrTsh] شفت كيف الانترنت "مطرطش" ؟؟؟
05-30-2008, 10:53 AM
الفاضل يسن عثمان
الفاضل يسن عثمان
تاريخ التسجيل: 04-17-2008
مجموع المشاركات: 3279
Quote: دخلت الى مبنى السفارة و فكرى يترنم باغنيات يمانى باريا الارتري الجيفارى العظيم
و بأريحية قابلت موظف الاستقبال دون ان أنظر الى لافتة المبنى تواضعا وتأدبا و طرطشتا
و مددت يدى بكرت الزيارة الخاص بى كنجم سودانى كبير و ما ساهل لموظف الاستقبال الارترى
و قلت بعنجهية و طرطشة لاتخفى على العيان
لو سمحت عاوز أقابل الملحق الثقافى
طارق يا رائع اقصد يا مطرطش بوست طرطوش جدا احتمال اكون مطرطش لكن ما قدر طرطشت زميلي في المغرب في راس السنه اتفقنا علي الاحتفال سويا بس لمن قرب الاحتفال صاحبك نكص وحنث بالاتفاق اثر تلقيه مبلغ معتبر في ذلك اليوم و قرر الاحتفال في احد المدن الجامعيه لزوم البشكرة اتظبط اناقة و باعنا و الي مقر احتفاله بتاكسي من خشم الباب و عند دخوله الي مكان الاحتفال يصادف مشكله لاحدي الزميلات و شقيقتها مع احدي الطلبه من ال شنقيط و الذي كانت لديه قناعه بان الزميلتين لا يمكن ان يكونا، سودانيات و لمن شافوا المطرطش داخل الي الحفل لم يصدقوا اسرعن اليه شاكيات من الشنقيطي و ملاحقاته و بطرطشتو ذهب ليهو محذرا اذا بالشنقيطي يضربوا ليك رؤسيه مباغته و الي المستشفي محتفلا اقصد نزيلا و انتقل الاحتفال الي سرير طرطشه بالمستشفي. مودتي
يا اخوي يا طارق بس طرطشتك دي طرطشت راس ولا طرطشت نظر عليك الله بعدين زي ما المثل بيقول الطرطشه في الكبر زي النقش على الحجر ولي عوده بطرطشه ظريفه وإلى الملتقى يا صديقي
طارق ياخى اسمعنى و خلينى من كلامك الفارغ ده ........
والله في بلد هيلي أنا اتقطعت عديييييل كلمات تقول يا ليل وبتمشي بيك دنيا تانية وبتشم فيها البلد وعرق الناس الحلويين الزيتم طالع وامالهم والامهم اشكرك عليها كتيييييييييييييييييير
وعليك الله تانى لو كتبت حاجات حلوة زى ادى منها حنان النيل شوية حنان دى لو لقت حاجة زى دى بصوتاالعجيب داك باتبدع مودتى
05-30-2008, 04:55 PM
omer osman
omer osman
تاريخ التسجيل: 06-09-2007
مجموع المشاركات: 15218
Quote: وعليك الله تانى لو كتبت حاجات حلوة زى ادى منها حنان النيل شوية حنان دى لو لقت حاجة زى دى بصوتاالعجيب داك باتبدع
الاخ الطاهر ساتى سلامات لك التحايا النواضر والحلوين الفى الصورة ربنا يخليهم ليك ويحفظهم ان شاء الله يا رب تربطنى علاقة اخوية وطيدة بالاخت حنان النيل.. الحبيبة حنان اعتزلت الفن ما يقارب ال5 سنوات تكون انت ما سمعت حسب كلامك الفوق لى طارق ده لك ولها كل التحايا
اسماء الجنيد/ مسقط
05-30-2008, 09:30 PM
الطاهر ساتي
الطاهر ساتي
تاريخ التسجيل: 02-18-2006
مجموع المشاركات: 3227
Quote: الحبيبة حنان اعتزلت الفن ما يقارب ال5 سنوات تكون انت ما سمعت حسب كلامك الفوق لى طارق ده
والله الذي لا اله الا هو اول مرة اسمع الكلام ده حنان دى - ربنايديها الصحة والعافية أرق واقوى صوت نسائي بالنسبة لى ومكتبتى عامرة باعملها حتى اخر أعمالها تجارب الطمبور ( هداوة الريف ) وغيرها
ولمن رشحت أعمال طارق لحنان كنت خاتى فى بالى تجربة هداوة الريف دى استمتع دائما باغانى الالبوم ده حنان فنانة فنانة فنانة واعتزالها خسار كبير للفن الراقي المميز وتسلم استاذة اسماء وربنا يعمر البيناتكم اكتر واكتر مودتى
05-31-2008, 00:58 AM
Omer Abdalla
Omer Abdalla
تاريخ التسجيل: 01-03-2003
مجموع المشاركات: 3083
دا أطرف بوست يمر على الواحد وقد استحقيت لقب شيخ المطرطشين يا طارق
Quote: لحدي ما وصل سنه خامسه وسادسه كان يقدل يمشي المدرسه لابي الحشوه الت الفطور وينسي شنطه القرايه الا كل مره اشيل الشنطه اجري وراهو يالحقتو يامالحقتو مدوها ليهو بالشباك ماحصل يوم اتذكر شالا ونسي الفطور ويومي انا منجضه بالسوا دي ازكو لي المدرسه وارجع القي سيد اللبن فات
ونان ماشي تسوى شنو في المدرسة يا الفالح .. غايتو أنصف من قال "الجنة تحت اقدام الأمهات" ..
ودي هدية لسوما
Quote: اول حاجه ومقدمه بسيطه انا زولة جبانه جدا وبخاف من ضلى والاعتراف بالخوف فضيلة
فالطرطشة لا تعرف الفواصل الجغرافية أو العرقية عمر
05-31-2008, 03:28 AM
اسيا ربيع
اسيا ربيع
تاريخ التسجيل: 01-20-2008
مجموع المشاركات: 1551
الطرطشة على وزن اللكلكه وربما تقرأ الكلكله وكلها أى المطرطش والملكلك وحتى المكلكل في الهم ثاوث بلغة الفرنجة وشرق بلسان العرب، والطرطشة قد يكون لها أسبابها ومسبباتها وقد تكون بس كده ، والمطرطش في الغالب يمكن يكون واحد أو واحده أو حيطه ، وقد تطرطش الكثير من الناس وشاعت الطرطشة في الكثير من الأمم والأمصار والعصور ، والطرطشة كما أثبت العلم هي غير الإندراوه ، والإندراوه كما تعلم أو لا تعلم هي خاتف لونين يعني يمكن أن تكون أكعب من الجن الكلكي عملاً بالمثل القائل "الجن بتداوي كعبه الإندراوه" وحالة كونها بهذه الكعوبية فهي قطعاً مرحلة متأخرة جداً في سلم الجنون يعني يمكن تكون الثماني بإعتبار أن السلم آخر ما أزجاه علم الموسيقى فيه هو السباعي وقد تكون المرتبة الحادية عشر في الرياضة بإعتبار أن هناك العشاري وهو غير التمساح الذي يقضى الغرض أو يستعين بورل والإندراوه قد تكون هي كذلك أخف وطأة من الجن لأنو الجن بغير الحال والجن يجعل الإنسان يقلد الحيوانات ، ففي الأولى قال الشاعر على لسان المغني "حبيبي جنني وغير حالي" ومع شديد الأسف لم يخبرنا هل التغيير كان للأحسن أم للأسواء أم من أجل التغيير وبس وفي الأخيرة قال الشاعر على أى لسان "أنا الجنيت وقلت هو" محاكياً كلب عبد الجليل. لا عليكم من خروجي عن النص فقد ذكر العلامة الدكتور الأديب أبكر آدم إسماعيل ذات مسجالة معه أن هذا يعرف بالشعبطة والتمسك بالبردعة وترك الحمار أى زي سواتي دي ، نعود والعود عود صندل وربما عود الموسيقار بشير عباس وحتى يمكن أن يكون كذلك عود كبريت وبلسان فصيح عود ثقاب شريطة أن تطلع لسانك في الثاء لغاية ما يصل شارع البوسته وتقلقل القاف قلقلة على إعتبار أنها من الحروف الحلقية محاكيا في ذلك قحة الغنماية التي سفت الدقيق فتطاير في سقف قصبتها الهوائية فأصدرت صوتاً يحاكي نطق العرب العاربة لحرف القاف. الطرطشة هي ليست كما تفعل فخوفك من الحرامي عند نوبة الحراسة حالة وقوع الخرطوش عليك من النيمة الرامية في بيت قرايبك لا علاقة له بالطرطشة فالمطرطش يمكن أن لا يخاف وليس الخوف شرطاً أساسيا من شروط الطرطشة فما تسلبط الموضوع في هذه الطرطشة فهي بريئة براءة الحرامي من وقعة الخرطوش لسؤ لفك وتعليقك ليهو في الشجرة ، أما موقف السفارة في العمارة فهذا ضرب من ضروب الطرطشة وقد تكون قرأت اليافطة حتى وظننت ظن السؤ أنها سفارة مع أنو مكتوب عليها مصنع أم ضريوه للبوب كورن ولكن برغم تووووش دخلت على أساس أنها قنصلية دولة أرتيريا ، وأرتيريا وأفريقيا وجغرافيا كلها أقف عندها كثير بعد أن سألني صديقي اللدود مصطفى ساكس هل تكتب بالألف الممدودة أم التاء المربوطة أم تترك وشأنها دون مد أو رباط ومن يومها كلما أحاول أن أكتب مثل هذه الكلمات أتعثر وأتبعثر وأتحير وهأنذا أفعل. الغريبة كمبوديا أقرب للألف الممدود من التاء المربوط وكذلك الحال بالنسبة للكوريتين ، وفي شأن الكوريتين أن كوريا الجنوبية في مباراتها الدولية في كأس الأمم الأفريقية وهي تلعب في الدور ثمن النهائي لكأس سيكافا كتبت على الشاشة منتخب ............ ضد منتخب كوريا ج ، ولأن شوح وهم ولا يفقه في الجغرافية أو الرياضة وخاصة كرة القدم سأل أحد الجالسين يا جماعة هو كورياج دي وين فظن كما ظن الكثيرون أنها koriaj أظن زودتها أكتر من اللزوم وبعض الظن إثم عديل كده
05-31-2008, 04:38 PM
abubakr
abubakr
تاريخ التسجيل: 04-22-2002
مجموع المشاركات: 16044
الشيخ أبا بكر نصباً وأبوبكر رفعاً وأبي بكر كسرا أستميحك العذر فإن لم تعذر فإنني قد فعلت شلاقة وشمشرة فلك العتبى حتى ترضى لقد جاء في كتابكم لود شيقوق ما نصه
Quote: حاشية : "هيلي" دي اين تقع من الاعراب ؟ وهل هي تبع كلام ناس تابط شرا ام فرع جديد من لغة العرريب ؟؟
وأود أن أتناول بالتعليق تفسير كلمة هيلي ، وهي لا علاقة لها بأليكس كاتب الجذور إن لم تخني الذكرة وهي عادة ما تفعل فهيلي ، كلمة مركبة أى من طبقين وعند تفتيتها وتشريحها أصبحت هي لي ونحمد الله كثيرا أنها لم تكن كما قال الجماعة هي لله ، وهي ليست كذلك فقد إفتروا على الله الكذب وهي لهم أو قل بكلام ود شيقوق هولهم ويجوز أن تكون هولم والمعني بين والله أعلم
05-31-2008, 08:13 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: الشيخ أبا بكر نصباً وأبوبكر رفعاً وأبي بكر كسرا أستميحك العذر فإن لم تعذر فإنني قد فعلت شلاقة وشمشرة فلك العتبى حتى ترضى لقد جاء في كتابكم لود شيقوق ما نصه
يا زول شيشك على الرطاني
Quote: بكلام ود شيقوق هولهم ويجوز أن تكون هولم والمعني بين والله أعلم
يطول عمرك غطست الرطاني لى اضنيهو
05-31-2008, 07:46 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: يافتان ..عايز تقول صحبي الجميل طابور خامس للعرريب؟؟
Quote:
صحبتك طابور خامس عاطفي وليس سياسي لانو كلمة طابور ما عادت محصورة على النشاط السياسي وانما طلعت من مواعينها التقليدية لتغزو الاقتصاد والدين وكذلك الاحاسيس والمشاعر العاطفية . شفت اللغة العربية كيف بتتطور ؟
انت السكرتير الثقافي بتاع الجالية في مسقط وما عارف طارق ابو صلعة يلقو ووين ؟؟؟ اها كورك هنا وقول "طارق هيلي " وبجييك ؟؟ بس قول "هيلي" برضو بجييك ...
Quote:
طارق هيلييييييييييييييييييييييييييييييييييييييييييييييي اها قصرت ؟ يا ريت تجيب مريسة ام زين.
حاشية : "هيلي" دي اين تقع من الاعراب ؟ وهل هي تبع كلام ناس تابط شرا ام فرع جديد من لغة العرريب ؟؟
راجع المامور في فقه اللغة العربية .
05-31-2008, 05:08 PM
abubakr
abubakr
تاريخ التسجيل: 04-22-2002
مجموع المشاركات: 16044
طرطش يطرطش فهو مطرطش ودى تفريعات منى اجتهاد يعنى اها نجى للفتنة حقت الطيب شيقوق ياخ انت ما عندك اصلو سر ؟ وحات خوتك المطرطشة دى القصد كان تعرف انه صحبى الجميل ما كان قصده الا الخير
المهم يا طارق المطرطش كيف احوال المطرطشين طرفكم من ربيع طه الى ابن ابى كعب ومن مامون العجيمى لاخر مطرطش فى الخرتوم النحكى ليك طرطشتى وكنت راقدة بين رحمة ايدين الاطباء قالو نرسم القلب قلت ليهم الدكاترة رسمو القلب ولقوا قلبى زايد ضرب ولمن سالونى انى مالى قلت ليهم جانا قلب سنونو صفر والقلب الابيض لليوم الاسود والقلوب شواهد والقلوب الكانوا برسموها البنات فى المناديل وفى سهم (السهم دا نازل منه دم ، يعنى تفسير واضح للاغنية المطرطشة وانا قلبى بنزف دم ) لكن قلبى ابا الا ان يتطرطش مرة اخرى ويعود الى الحياة وهو اكثر طرطشة مما كان عليه احب الله الخلى قلبى يطرطش وحتى طرطشة اخرى ما تتطرطش فى الشارع امشى بيتكم عديل
والمطرطش دا تانى وين تلقا ؟
05-31-2008, 07:29 PM
ميسرة غاندي
ميسرة غاندي
تاريخ التسجيل: 04-03-2008
مجموع المشاركات: 370
Quote: اها نجى للفتنة حقت الطيب شيقوق ياخ انت ما عندك اصلو سر ؟
وحياة الرسول كنت نائم نومة العصرية الحلوة اسمع ليك التلفون ضارب وانزعجت قلت يا ربي في خبر هام ولا حاجة؟ _ مسكت السماعة - هلو هلو هلو - ايوا نعم - معاى منو يا اخي ؟ - معاك سلمى الشيخ سلامة - يا مراحب يا اميرة كيفك انت وكيف بنتك الجميلة ؟ والله كويسة والحمد لله . اها اتصالك خير انشاء الله ؟ خير بس لقيت كلاما ما بشبهك زعلني بالحيل وقلت اوصلو ليك - كلام شنو يا ساتر ؟ لقيت الرطاني بيقطع فيك بالشين بهناك في بوست طارق الامين . اها قولي لي شن قال ؟ يا اخي ما تطلع صليبي امشى اقرا وريحني . معليش يا استاذة انا بتصرف وسامحيني لانى ما متخيل الرطاني بيمشى يتلبد في بوستات المنبر العام البعيدة منى ويجدع في كلاماتو لكن اصبري بلحقو ليك وبسود ختوتو .
يا اخي انت مالك ثقيل انا ما بهمنى تعمل معاهو ايش بس معلومة وصلتها ليك وخلاص .
تسلم انت اخوى الطاهر فعلا اعتزال حنان وتركها الساحه الفنيه ترك فراغ لا اعتقد يملأؤه الا حنان نفسها رغم انها تطل احيانا بعد ان حصرت مشاركتها الفنية فى بعض المدائح والاناشيد الدينيه
كنت مره سمعت الاستاذ وردى يردد انها لخسارة كبيره ترك حنان النيل الساحة الفنيه سالته هل ترى حسب تجربتك الطويلة ممكن وجود حنان نيل اخرى؟؟ جاوبنى وهو منفعل ..لا اعتقد لا اعتقد ولا يمكن ان تستطيع اى بنت تقليدها .. صوتها مميز وجهور.. وادلف متسائلا ليه يا جماعه تركت الساحه الفنيه فى فترة مبكرة زى دى فى حياتها .. فعلا خسارة ربنا يوفقها.. شكرا اخى الطاهر ساتى وامنياتنا للحبية حنان كل التوفيق فى حياتها..
06-01-2008, 03:28 AM
abubakr
abubakr
تاريخ التسجيل: 04-22-2002
مجموع المشاركات: 16044
الاخ طارق اولا هل للاسم اي مدلول يوحي بان الانسان المسمي طارق يجب ان يكون ذو شعر قليل؟؟؟؟ شوفت قليل دي كيف وبعدين انت السألك منو عن شعرك شابكنا مشغول بي معيط شعري وصبي مسدول الخصل يعني لو ما جبت سيرتو ما بترتاح!!!!! لكن الحاجه بخيته ربنا يديها الصحة والعافيه كتلتك بالعيون الخالق الناظر. يا خي واحد مطرطش سايق حمارو يبيع الجبن (بفتح الجيم والباء) يعني بتاع الفخار البسوو فيه القهوه أهأأأأ الراجل ده اتزنق زي زنقة نميري ايام هاشم العطافنزل الجدول ليقضي حاجته فانطلق الحمار لطرف الجدول محملا بالخرجين جبن وهو طالع ما مشكله لكن لما نزل اتخجخج الجبن فخاف الرجل خوفا شديدا لحساسية البضاعه ضد الكسر فطفق يصيح يا شيخ فلان يا شيخ فلان والحمار ماشي يا شيخ فلان وفجاة تعثر الحمار ووقع فصاح الشيخ انعل ابو شيخ فلان ؟؟؟ ولكن المفاجأه (المزاز بالداخل) لمن وصل الحمار لقي الجبن كلو سليم فصار موقفه صعب جدا مع شيخ فلان فمدد يديه امام وجهه بالطريقة الهندية ،،،،، انعل ابوي انا يا شيخ فلان .........تقول لي طرطشه.
رغم تشجيعك الكبير لطرد الخوف من داخلى و المشاركة بطرطشاتى لكنى كل ما أكتب طرطشة اجدها تفوق وصف الطرطشة لديكم لذا ساكتفى بمتابعة ابداعاتك و اشراقات المشاركين لحدى ما تصلوا مستواى فى الطرطشة و بعدين ندخل فى الجد
حزف لطرطشتى المتألقة داخلة باسم بعلنا المصون الليلة عاد لقيتو يدكم فينى كللل شى ولا العريريب اوع تطول لسانك يا شيقوق وحات الله انت طرطشتك يضربوا بيها حيطان الحلة كلها
والله يا وداعة كلامك صحي .. لكن كمان مرات البيت ذات و بطرطش قول لي كيف؟ قلت لي كيييييييييف .. تعرف تجي انت ماشي جنب بيت مطرطش ويعجبك تقوم تمشي بيتك الما مطرطش تقوم تقول اححححححححححححح وتطرطش انت.
Quote: طرطشه البيت بي بره
طرطشه الزول بي جوه
ياخي طارق يقول ليك امو تلحقو بي الشنطة وهو طابق الساندوتش وتقول لي بي جوة والله دي طرطشة في السهلة عديييييييل
06-02-2008, 09:21 PM
tayseer alnworani
tayseer alnworani
تاريخ التسجيل: 07-30-2007
مجموع المشاركات: 1500
طارق الامين ازيك يا سيدي انا صاحب اصحابك بكل الجنبات اعزهم للقلب ود الناظر او معه اخوانه باقي العصابه له حبي ثانيا عادل سعيد تقاسمنا سكن اركويت وطرطشنا خلق الله بهناك كنا بنجي مكتبك ومكاتب كتيره ومطعم القراصة عادل سعيد كانت له مارب بهناك وطرطشه
ود الناظر امير محافظة الصحافة الداخل الا باذنه والخارج منها مفقود
سلام لمربع 23 الي مربع 27 سلام تاني
06-03-2008, 05:58 AM
محمد سنى دفع الله
محمد سنى دفع الله
تاريخ التسجيل: 12-10-2005
مجموع المشاركات: 10986
طارق المطرطش طارق ميرغني المامطرطش شنو صحي حكاية اسم طارق مع الصلعة كان ما مطرطشين ساكت ـــــــــــــ اها ياطارق ناسك القاعدين تحت الكبري وبشربو في العصير وبدخنوا في الأخضر شافوا ليك الدباباتوالمدافع ةالجوطة والزمريطه *ياخوي ناس الكشه ديل جنوا ولا شنو ؟؟ # ولا شنو !ليه * جايننا بالمدافع والدبابات # ليه قايلننا عايزين نقلب النيل *هو النيل طلع الأولى ، # النيل بطلع ؟؟ انت شربتها كلها ولا شنو ؟؟ *يا خوي الناس دي طالعة ونازله # صحي ديل شنو لالالاده فيلم ما تعاين وراك ده فيلم
يا اخي السني انت لاحظت كأنو في رابط مابين صلعه،طرطشه وطارق كدي لاحظ الموسيقي بعدين شئ تاني عندكم في مجال الاعلام كتير من الطوارق مبدعين مثال طارق الامين،طارق جويلي، طارق البحر،طارق ابوشوره ،طارق كبلو وما طارق ميرغني رغم اني دارس للموسيقي من زمن اسماعيل عبدالمعين لكم ودي ودامت طرطشتكم....
06-03-2008, 07:30 AM
محمد سنى دفع الله
محمد سنى دفع الله
تاريخ التسجيل: 12-10-2005
مجموع المشاركات: 10986
ناس الجامعة المثقفين طارق ميرغني قعدت ليك في الواطة واتذكرتك بعد عصرت فوطة عقلي وخليته ناشفة من الذكريات تظهر لي صورتك الوسامه والعيونمفنقلة بدون نظارات والشعر بث شامي كابور نازل لي انفك انفك المرفوعه عزة وفنجرة وشوفة نفس وكل الطوالذكرتنهم ديل واحد بث الماصلع عندو مضاد للصلعة لكن الباقين كلهم اطرطشوا يا طارق ياصديقي كيف حال الموسيقى معاك والسمع الرهيف كان اكبر مجموعة من زواقة الموسيقى الكلاسيك في الجامعة عند الأطباء وكان ليهم مجاميع يقتنون الموسيقى السمحة شوفت الطرطشة دي كيف طرطشة ناس جامعه انتوا الطرطشة ترقياته كيف ؟؟؟
بالمناسبه انتو طارق الامين فك فينا النيران دي وزاغ وين ؟؟؟اظنو بيتمكيج للجايات؟؟؟؟ اخي السني لو بتقصد الما مصلع طارق ابو شوره فدي هبه ربانيه و مقاومه طبيعيه من الجسم ضد الكتاحه وهي خاصية تجدها عند ناس عطبره. بعدين لو حاولت تقارن بين صلعتي وصلعة طارق الامين فأنا عندي امل لكن صديقي املو زي امل عطبره. وفجأه في بوست آخر عن المبدع السني وجدت بعض الصور مأخوذه بواسطة الفنان طارق مكي علي ما اظن وهذا ايضا يمكن ضمه الي قبيلة الطوارق
وبالحسرتي حين نبهني اشقاء العريس بان مظهري غير لائق
اذ ان سرقت سروالا ابيضا طويلا مكويا ومطبقا بدلا عن الشال
هههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههه والله يا طارق بالغت عدييييييييييييييل ياخي دي طرطشة عجيبة جداً (ان شاء الله بس يكون العقد مصور فيديو) . ههههههههههههههههههههههههههاي هاي .. والله طرطشتني (بسم الله ضحكتني ) لمن طرشتني .
Quote: .هههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههه والله يا طارق بالغت عدييييييييييييييل ياخي دي طرطشة عجيبة جداً (ان شاء الله بس يكون العقد مصور فيديو) . ههههههههههههههههههههههههههاي هاي .. والله طرطشتني (بسم الله ضحكتني ) لمن طرشتني .
هو المطلوب ياحبيب
اضحك ياخ
اضحك بقوه
حد واخد منها حاقه؟؟
اضحك واتذكر انو الناس فاكاها في روحا ساي
ومن كان منا بلا طرطشه فليرمنا باي حاجه
ايوه اضحك ياخو
06-03-2008, 04:39 PM
صديق الموج
صديق الموج
تاريخ التسجيل: 03-17-2004
مجموع المشاركات: 19433
طارق اناعندى طرطشة لم تستطيع الايام الا ان تزيدها وهجا تواخيها طمسة نحن بها موسومون وكلما تقادمت السنون ارى طرطشتى تزداد بدات ببيضة ثم يرقة فشرنقة فطرطشة كاملة الى حالة الكائن الكامل الان وطرطشتى ليس بها حياء تزور فى الظلام وفى غير ذلك وما بتفرز بين كبير وصغير طارق بس افضا شوية بطرطش ليك بوستيك ده
Quote: طارق ابوعبيده يا لذيذ بطل استهبال انت انت الشاهد الوحيد تتذكر يومك الماسك العود وقاعد في حجر باليل قدام بيتكم؟؟؟ وجا واحد جاري بي عربيه مظلله مد راسو فجأه وقال ليك
قوم لف كده عامل فيها ابو اللمين؟؟ هههههههههههههههههههههههههههههههه
انت زعلان 6 شهور ياطارق
طارق طارق طارق
انت زعلت ليه؟
ههههههههههههههههه مباااااااالغه يا طارق طارق ابو عبيده اتخيت منظرك هههههههههههههه والله كتلتونى بالضحك ههههههههههههههههههههههه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة