|
|
 بوست الشمارات وخارطة طريق البورد الجديدة لياسر طيفور
|
والله يا أبو ( تفة) تستاهل الزول يخصك بي رقمو المميز الأربعة تزعات , وحاتك كنا داخرنه لي عزيز لكن ما لقيت اعز منك يستاهل .
حمدا لله علي السلامة وبركة الشفناك طيب و ( فصيح) و ( لديح) يعني للان بكامل قواك البوردية
ياخي كدي نديك اللخبار الفاتتك يا الحبيب
تمبس !! بقي كوز رأسه عديل , خلي نزيل ألاغاني وبقي ساكي النضال المضاد وبقي مشروع شهيد , ياخي شدة ما صاحبنا جادي في موضوعه دا الجندرية , الجندرية الواحدة دي موش مستنيرة , وجندر وما جندر, اها الجندرية من شافت تمبس ماسك في مبادئه الجديدة كدا لو ما أخاف الكضب أقول ليك قاعدة تعمل ليهو في زاد المجاهد .
دكين !! دكين الواحد دا , مكنته خفت شفت فصاحته ولداحته الزمان ديك , اها طلعت إشاعات ساكت ودعاية إعلانية لا اكتر ولا اقل , تتذكر دكين الزمان داك أللمن تجي تسلم عليهو في بوسته إلا تكتب علي كي بوردك بي عود من بعيد لي بعيد , اها دكين بقي خاتي في بروفايله صورة ( جكس) ومرة مرة بقي يقيف علي الأطلال . وأخر حاجة عملها وقف في نص البورد وبطول حسه قعد يجعر لما سألناه مالك قال ( معلم الله) . دي حالة دي ؟
معتصم دفع الله , الزول الشفاف داك ياخ عرفته , ياخي مداخلاته كلها علي نسق يا رائع يا شفيفة وحضورك الأنيق والحنك بتاع قشرة العصرية وريحة ألون مان شو داك , اها معتصم دا بس زاتو خطب وبدأ في مشروع من اجل أبنائي.
طبعا خالتك طراجي وجدك بشبش كما راوحتهم , مكانك سر
سجلوا ناس كتار فيهم الكضابين وفيهم الكويسين وفيهم مقاتلي الشوارع
في ناس اختفوا معاك ولا حد سال منهم ولا سالوا في حد
خليل اغترب تشاد وزى ما جا عاد .
حبوبتك دوما راح ليها الدرب وبقت ما عارفة العنصري من المهمش وبقت مرة مع الكيزان ومرة مع الشيوعيين ومرة مع الجمهوريين ومرة مع الجلابة ومرة مع أهل الحامش و مرة تقيف براها وحاتك قربنا نقول حبوبة ما براها .
بكري سيد البورد مشي السودان , وأخر تجلياته عمل لي بورداب الخرطوم لقاء بورداب في الكرين عند ست الشاي باللقيمات .
زمان يا أبو تفة متذكر لمن كان البورد يا كيزان يا معارضة , وكان الحوار والاطروحات من اجل السودان الجديد وشديد ؟ اها يا عمك الكلام دا بقي من الأرشيف , الكلام اسع بقي عديل بين أولاد العرب وأولاد الحامش وحات الله جهجهوا ليك الديامة جنس جهجهة ما عارفين يصنفوا روحهم لي بكرة . الز تصنيف قالوا عمك عماد عبد الله لمن سألناه من الديامة , فتل شنبه وقلوظ سفته وشنق حنانها وتُف بصق , تنحنح وجهر بصوته ( أنحنا الديامة وانحنا حطب القيامة) ولم يزد عليها .
عيال قدورة بتعرفهم علي العموم لو ما بتعرفهم هم ولدين وأختهم قاعدين يكتبوا هنا , البت كَتابة كِتابة ألف وحنكها براحة وكلمات منمقة وكدا أخوها التاني ما قريت ليهو كتير واصلا مقل عندهم الاخو التالت الجاب ليهم الكفوة زول اشتر ويدينه الاتنين لفت اها بكري طرد خضر حسين خليل ,
أما ؟؟!!
ما تقول لي ما بتعرفه ؟ خضر ياخي الرادكالية والبرجوازية الصغيرة والجوابات بتاعت حبيبته ؟
؟ ياخي خليل الشيوعي كرهتنا ياخي ,
اها بكري في لحظة تجني لما ليك في خضر خليل دا خلاهو يستف شنطته سفري خمسة دقايق وخليل بقي متصفح اها الكلام دا وجع ليك الاخو الاشتر , قوم يا الاخو بي شتارتك دي وسافر بي اخوانك كولهم وبقوا متصفحين ,
أبو ساندرا الكلام ما وقع ليه اها اشتبك ليك مع بكري وفتح ليهو كم بوست ولا اسع بكري ما قراهن .
عزاز شامي , ايوااا الخاتي صورتها دكين في بروفايله بس , كرهوها الشكر زاتو , عملوا ليها بوست بتاع كسير تلج زي ما بيحصل لي كل الناس , جينا وكسرنا ركب كعادتنا دائما ورمينا الطعمية مع الرامين , اتاريهو الكلام دا ما كان عاجب اختنا في الهامش الشرقي , أتضح يا صحبي انه في شكلة حقت كريم الاساس وخلافات جزرية في مدارس الجلبطة ودهن الكركار البيتبعوها الاتنين في بوستات سابقة . وجات مستفيدة من اشتر اسرة شيخ الدين وقلبت صاج الطعمية والقصة جاطت , وكعادتنا دائما في ناس مع البطل وناس مع الخيانة , الز حاجة سليكة الشليقة أكلوها الطعمية الادفقت كلها .
اصحابنا في حزب الامة (عمهم ) الامام جهجهم ليك جنس جهجهة . ياخي من كترة ما جهجهم ليك خالد عويس , اكيد بتعرفوا ايوا الزول المتصور بي بدلة دا زاتو , اها من كترة ما اتجهجه اليوم داك شايفه ليك في الشروق لابس ليهو فنيلة سقط وبنطلون ابو تزعة جيوب داك زي حق ناس الراب بتاع مركز الخاتم عدلان . وفيهم ناس بيقولوا الاتفاق مع الحكومة سلامات واحضان وعشا ساكت وفيهم الخايفين من الامام يبقي ناطق رسمي باسم الحكومة واهو كلنا منتظرين .
شلة طراشا نكرت ليك كودي اخوان حطب بعد ما كانوا دافنينه سوا اتفرقت بيهم السبل وراحت ليهم خارطة الطريق وطلع الموضوع كله تحالف مرحلي ما جاب حق الحبر الاتكتب بيهو , اسع حاتنه قرض يا مان وكلهم بقوا شغالين ابو الدردوق لسودان جديد كله واحد حقه براهو ما بيشبه سودان جديد التاني .
المواضيع كتيرة دا القدرت احصروا ليك في البوست دا وكان اتذكرت حاجة بجيك راجع
بس خليك حريف وخلي رجلينك رقاق يا عمك
البورد بقي ما مضمون
|
|
 
|
|
|
|
|
|
|
 Re: بوست الشمارات وخارطة طريق البورد الجديدة لياسر طيفور (Re: اساسي)
|
_
ياسر أب تِفة .. ياخ (مُشتاقون)* عديل كده ..
طبعا .. يا عمكـ زيادة علي الشمارات الفوق دي أعمل حسابكـ تقول لي زول مشتاقون و بحبكـ يطلعوكـ مثليي و تسف الطعمية زي الما حاصل شيء
_
يا عمكـ شايف الجماعة روحو ليكـ البوست شمار في مرقة و الحصانو برّكـ وقفوهو ليو تاني
| |
|
|
|
|
|
|
|
|
 Re: بوست الشمارات وخارطة طريق البورد الجديدة لياسر طيفور (Re: على محمد على بشير)
|
Quote: يا اساسى
ماحكيت ليهو عن
نسرين سوركتى
وامنه عبد الكريم
والكسير الحصل هنا دا ... |
ياخي دي اتجاوزنا عنها من باب استروا اعزة قوم اتبشتنوا وشتتوا نبق
بالمناسبة يا ياسر طيفور ان حق لي ان احدثك عن تلك الحادثة اي تسجيل نسرين سوركتي (الوهمي) وما حدث فيه من بشتنة , اكتفي فقط بان اقول لك يومها تجلي ملاسي وخرج من صومعة اتزانه وطفق يهزي ( احي انا لكن !!) ولك ان تقيس ما فعله بقية النحل
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: اساسي)
|
ياسر اب تفة :
تعرف يا اساسي ياسر ده بيذكرني بي عازفين الساكس الحبش ديلك .. بحس بيهو عندو مكنة شاورما في السوق العربي ومجكس ليهو بت بيواعدا كل يوم الساعة 7 مسا تحت شجرة جهنمية !!
والله يا ياسر ياخ ليك وحشة ..
وبركة الشفناك طيب ..
واساسي نسى يحكي ليك شمار الخليلاب والزغاواب والتشاداب ..
ياخ ده شمار لذيذ جدا بحكيهو ليك بعدين ..
تخريمة :
والله يا نوبي عايز اقول ليك بحبك في الله لكن خايف من امنة مختار
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: عمر الفاروق)
|
| Quote: تعرف يا اساسي ياسر ده بيذكرني بي عازفين الساكس الحبش ديلك .. بحس بيهو عندو مكنة شاورما في السوق العربي ومجكس ليهو بت بيواعدا كل يوم الساعة 7 مسا تحت شجرة جهنمية !! |
ومن بتين كان عازف الساكس بنتظر المغارب عشان يجكس , انتوا عازف ساكسفونكم دا الا كان مولانا .
ياخي احكي ليك دي
ياسر طيفور دا زاتو , جا المنبر جديد قال اتعرف علي واحدة باكستانية معاهم في كندا اها الود عمل معاها ( ديت) زي حنك الافلام داك وداها اتعشت برياني في المطعم الهندي ودفع دم قلبه اها صحبك مرجعها البيت وواقف معاها قدام خشم بابهم نظام داير يعرف شعورها ورد فعلها تجاهو بعد العزومة القطعت دم راتبو النص , اها صاحبك قال الزولة طلعت فاصوليا للدين , صحبك جاتو الشجاعة الادبية ما عارفو اتخيل رقبتو دي كابريو ولا كروز اها جاتو الشجاعة الادبية مد قدوموا اها مع مدة قدوموا كدا والبنية بتشاور في رقبتها ابو القدح فتح الباب , صاحبنا ما بين مدة قدوموا وفتحة الباب كحل عمك , الباكستاني طلع صحابي جليل شنب عراضات عضلات تبش عروق عجور راس صهريج بزاغ موية نار , ما كضب ابو تفة ما شليق لفت راسه كدا كشف للشارع ولفا رجوله زي البرجل وفتح زي الليث الابيض لا يلوى الا علي الفرار من هذا الجزار , وحاتك الكلام دا كله حصل في رمشة عين ما انتبه الا لي شلاليفه قدامه دايرة تعتر ليهو حتي اتذكر انه ما رجعها لسع
تقول لي ساكس وشاورمة؟
لي يومنا دا صاحبنا ما مشي بي شارعهم تاني
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: اساسي)
|
| Quote: تمبس !! بقي كوز رأسه عديل |
رأسه عديل ... يا راااجل ... انت بكري ما بيشوف كتاباتك
انا غايتو قابلت تمبس اخر مرة يوم الجمعة كان حالق رأسه قزع ذي محمد نور لاعب الاتحاد
| Quote: دكين !! دكين الواحد دا |
حسع كان في داعي تجيب اسم الزفت دا ... طبعاً دكين تخصص حمام بس بعد شوية كلمات او اتصال هاتفي تطير الحمام وتقول سجمي من البورد حقكم ... طوالي يبدأ من تحت ويجي طالع لي فوق الزول دا ما تعلموه يتعامل مع الجكس كيف .
| Quote: معتصم دفع الله , الزول الشفاف داك |
لا حول ولا قوة حبيبي الليله في الكوة ... تكاثرت الظباء على خراش فلا يدري خراش ما يصيد
ناس عبدروس سافروا كوستي قالوا عندهم بكي ... وناس حليمه لقوا غنمايتهم الكانت ضايعة ... وكلتومة الساكنة جنب الجزارة رجعت شيلة بتها قالت ناقصه شبش واشارب وستيان والبيلبسوها تحت الاسكريتة ديك .
| Quote: ياخي خليل الشيوعي كرهتنا ياخي |
انت تقصد خضر حسين خليل ... الكان زمان بيكتب هنا ... البعرفو انه من اهل الحامش ولسانو اغلف من غير الناطقين بها ... وسمعت ان بكري لحقو امات طه ... وكتيرين الحاولو يرجعوه بس كترة الطباخين بيخرب الطبخة
أمبارح انا قابلت صديق الموج قال لي أنه زعلان من اساسي
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: حمزاوي)
|
| Quote: أمبارح انا قابلت صديق الموج قال لي أنه زعلان من اساسي |
والله يا حمزاوي طلعت بتاع قنابل كيف , خليتني اشحن جوالي ابو شريحة بي مية ريال واضرب لي صديق الموج , لقيته ليك ولا علي باله تقولي قال زعلان منك , المشكلة انه صديق نضام قرض المية ريال وخلا جوالي ناشف مس كول ما يعمله .
طالبك يا عمك شحن جوال
| |
|
|
|
|
|
|
|
|
 Re: بوست الشمارات وخارطة طريق البورد الجديدة لياسر طيفور (Re: اساسي)
|
غايتو يا اساسي
قرقرت كدي بي طول حسي
باقي المدير مسافر
والله لمن قربت اعفى ليك حكاية زاد المجاهد دي
لكن الكضب احسن تخافو
| Quote: دا الجندرية , الجندرية الواحدة دي موش مستنيرة , وجندر وما جندر, اها الجندرية من شافت تمبس ماسك في مبادئه الجديدة كدا لو ما أخاف الكضب أقول ليك قاعدة تعمل ليهو في زاد المجاهد |
ياسر مرحب بي عودتك ياخ
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: الجندرية)
|
Quote: غايتو يا اساسي
قرقرت كدي بي طول حسي
باقي المدير مسافر
والله لمن قربت اعفى ليك حكاية زاد المجاهد دي
لكن الكضب احسن تخافو |
والله يا الجندرية الله بخافه كان ما كدا قربت اقول ليهو الجندرية بتاعت الجندر وحنك الحدسة وكلام الحبوبات اللزيز داك بعد غزوة (لبنان) بقت من اخوات نسيبة .
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: اساسي)
|
| Quote: ( أنحنا الديامة وانحنا حطب القيامة) ولم يزد عليها |
ياخى والله الشمارات والونسة والجمجرة والقطايع بتعرف ليها تب
ما تجى تنضم لينا؟ اصلو ما دام خسرنا تمبس حقو انت تجوطا مره واحدة وتقلب معانا ... شايفك مبارى بوستاتنا و تشكر فينا ساكت ...
مراحب ياسر ... الفيك اتعرفت .. بس خوتك ما بنقدر نفارقا
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: esam gabralla)
|
Quote: ( أنحنا الديامة وانحنا حطب القيامة) ولم يزد عليها
ياخى والله الشمارات والونسة والجمجرة والقطايع بتعرف ليها تب
ما تجى تنضم لينا؟ اصلو ما دام خسرنا تمبس حقو انت تجوطا مره واحدة وتقلب معانا ... شايفك مبارى بوستاتنا و تشكر فينا ساكت .. |
وانت قايلني جاي من دي سي , يا عمك ديم القنا دا كنا لمن نجي نتفسح بنشوفوا ليك زي الهايد بارك , وخلي الزرايب ساكت
قسم بالما عامرة بينا يا ود جبر الله اخوك اتزنق جمب طرمبة الغالي زنقة ما ينساها لي يوم الدين
بعدين انتو الفضل فيكم منو زاتو عشان ينضموا ليهو ؟
وزعتوها حق الحديثة وحق الجديدة لنج واللبرالي واخرتها دايرين تغيروا اسمكم , وحاتك ما فضل ليكم عضوية تعزموها سماية الاسم الجديد
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: اساسي)
|
ومرت شهور غيابك
وفيها دخل خليل ابراهيم امدرمان فُسميت بالغزوة ..واستفاد منها الاعلام الرسالي فخسر خليل الوراهو والقدامو..
وفيها ُقتل خلقُ ُ كثيرا من افاضل الناس وبسطائهم فما قال البسطاء في ذلك إلا (حسبناالله هو نعم الوكيل)
ونزل الدمع في بيوتٍ مالها من معيل..
وفيها استعرت العنصرية في البورد واتطاقشت الشتايم وانفرزت الكيمان واخرجت الغباين ونفر العربان وتحسسوا مسدساتهم..
وفيها طلعت تراجي من بطون قبيلة الزغاوة واشرافها..
ووفيها ازدادت ام ضراع خرفاً على خرف وهطالة في فكرها وضصارت بوستاتاها المهترئة ملء السمع والبصر فحزن الناس على حالها حزناً شديداً..
وفيها جابت امنة مختار اخر ماعندها فاتهمت بت الاصول بانها تحرشت بها جنسيا وقصدت ان تفعل بها مايفعله الرجل بحليلته..
وفيها اصابني رعبُُ ُ من ما جرى في خاطر آمنة فحوقلت واستعذت بالله من شر شيطان يخرج للناس من جبال سنكات..
وفيها مات الشاعر صاحب الكمنجات الضائعة فنما اسود وجه البورد..فسال الناس الرحمة له فلايفوتك اجر الدعاء فادعو في ساعتك هذه عسى الله يتقبل دعائك فيزد في إحسانة القديم..
وفيها غابت دينا خالد وسال الناس عنها سؤال المفتقد المشتاق ومادروا انهم مايسالون إلا عن وهم في رؤوسهم ..وليس ثمة دينا خالد ولا هم يحزنون..
وفيها بلغت وهمة ام ضراع انها قالت عن دينا خالد (الحنينة) فاستفزني ذلك اللفظ كونها لاتعرف سجم رمادها عن من تتحدث عنها وكون الحنية لفظ يستوجب لقاءات ومشاهدات ومعاشرة في دنيا الناس ..فكيف بلغوا باللغة الى هذا المبلغ الضحل ليتم استخدام المفردات في غير اماكنها وتختلط بعدها دلالات اللفظ والمعاني على ذوي الذوق السليم..وحين بلغ بي الغضب مبلغة عزيت ذلك الى خرف ام ضراع الذي لايخفى عليك فراقت منقتي ..
وفيها سكت ناس حزب الامة بعد ان تصالح زعيمهم وتراضى عم فعائل اهل الانقاذ فما منحوه الذهب..
وفيها زي ماقال-ليك اساسي- جاء اشعث اغبر غريب الهيئة وارتجل حديثا اشترا لامعنى له في شان بت ابو الشام فاستغرب الناس مماقال..واوسعوه ركلاً واستخسروا فيه خوته لاشقائه واستعاذو منه بواحد احد..
وفيها انزلت آمنة مخ طار بوستا قالت فيه الجلابي الذي احببت..
فشك الناس شكا عظيما انك ذلك الجلابي المحبوب..وانزلت صورك بالابيض والاسود في بوست محبتها..
فلعمت انهم نعوك حياً بهذا الوصف.. فحزنت لك حزناً شديداً..
وفيها ربط الناس محبتها لك بظنها عن المحبة المعلوم..فقالو سجمنا ورمادنا بلاي ود طيفور طلع كده..
فإنا لله وانا اليه راجعون..
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: اساسي)
|
..
.
والله ملك الشمارات .. يا اساسي
بس ما حكيت ليهو بالزول الكتب موضوع باسمو بيحكى عن سيرتو الذاتية
ومواقف اخونا عادل وكسير التلج ..
ونسيت هجوم الهامش على الهامشية نور تاور ..
والله متعتنا شديد لكن ديل طعمهم خاص :
Quote: حبوبتك دوما راح ليها الدرب وبقت ما عارفة العنصري من المهمش وبقت مرة مع الكيزان
ومرة مع الشيوعيين ومرة مع الجمهوريين ومرة مع الجلابة ومرة مع أهل الحامش
و مرة تقيف براها وحاتك قربنا نقول حبوبة ما براها |
Quote: اصحابنا في حزب الامة (عمهم ) الامام جهجهم ليك جنس جهجهة .
ياخي من كترة ما جهجهم ليك خالد عويس , اكيد بتعرفوا ايوا الزول المتصور بي بدلة دا زاتو ,
اها من كترة ما اتجهجه اليوم داك شايفه ليك في الشروق لابس ليهو فنيلة سقط وبنطلون
ابو تزعة جيوب داك زي حق ناس الراب بتاع مركز الخاتم عدلان . |
Quote: شلة طراشا نكرت ليك كودي اخوان حطب بعد ما كانوا دافنينه سوا اتفرقت بيهم السبل
وراحت ليهم خارطة الطريق وطلع الموضوع كله تحالف مرحلي ما جاب حق الحبر الاتكتب بيهو ,
اسع حاتنه قرض يا مان وكلهم بقوا شغالين ابو الدردوق لسودان جديد كله واحد حقه براهو ما بيشبه سودان جديد التاني . |
والله يا ياسر طيفور
ترحيب موجز اخبارى زى دا عمرنا ما مر علينا
حمدالله على السلامة وولكم اون بورد ..
وليك وحشة ..
_____________
الجاتوه على منو ؟؟
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: Tabaldina)
|
Quote: والله ملك الشمارات .. يا اساسي
بس ما حكيت ليهو بالزول الكتب موضوع باسمو بيحكى عن سيرتو الذاتية
ومواقف اخونا عادل وكسير التلج ..
ونسيت هجوم الهامش على الهامشية نور تاور ..
|
لكن عليك الله الشمارات الهنا دي بتلقاها وين تاني , ياخي ديل الز ناس الواحد ما تعرفوا صحبك ولا عدوك لحدي ما تزنق
بعدين ياخي السيرة الذاتية ديك غلبتني زاتو عشان كدا عملت منها نايم ومن سيرتها
الحاجة الفاتت علي قصتك مع عرس الزميلة المشيت حضرته وجيت اشتبكت مع الجماة في صور اخت تانية
انت قايلنا بنفوت يا لذيذ
بعدين يا عمك ناس بداية الالفية ديل كلهم بقت تدق فيهم الكورة وتطلع اوت
خلي الجليي .
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: اساسي)
|
..
.
Quote: والله يا أبو ( تفة) تستاهل الزول يخصك بي رقمو المميز الأربعة تزعات ,
وحاتك كنا داخرنه لي عزيز لكن ما لقيت اعز منك يستاهل . |
ثلاث مرات اقراء فى الجملة دى وما لاقي ليها تفسير ..
اخيرا اهتدينا .. لهذه التسعات الاربع ..
Quote: اساسي
تاريخ التسجيل: 20-07-2002
مجموع المشاركات: 9999 |
اها فى الست ستات اعتزلت الملعب ..
حسي حتعمل شنو مع الرقم المميز دا ؟؟ تقعد تقراء بس ولا كيف ؟؟
_______________
والله الواحد بقي يجليها مقنطرة على قول ابرزقة
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: Tabaldina)
|
| Quote: والله الواحد بقي يجليها مقنطرة على قول ابرزقة |
سبقكـ أساسي..
لكن كلام القصير ما بينسمع؛
لامن يبقبق ليكم آل ياسر ويولع الراكوبة تاني من أول وجديد..
المشهد العام لموسم الزحف (جهوياً) بالسيسي..
يماثل فيلم العودة للجذور (سلبطة ساآآآآي) ياسر قاعد يقبقب في السنوسي ود بدر..
لامن ختيناها ليهو تِر لغاآآآآآآآآدي..
جاطت..
قال أدلجة قال.. 
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: A.Razek Althalib)
|
سلامات
أساسي يا "أساسي" إنت
مبروك التسعات الأربعة،، و عقبال "شيك" ب "ستة أرقام" قول آميييييييييييييييييييين...
سرد عجيب لكن، خير الكلام صحي ما قل و دل
إتخيل أنا ذاتيييييييي القاعدة في البورد دة ما قريت "الخبارات" الإنتا جايبا دي، شكيت محنك ياخي
ود طيفور، هو جا؟؟؟ مشتاقين و مرحب بيك و البورد دة "خرااااااب" من غيرك عديل كدة
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: نوسة)
|
| Quote: مبروك التسعات الأربعة،، و عقبال "شيك" ب "ستة أرقام" قول آميييييييييييييييييييين... |
امين ستة سنوات لي قدام ان شاء الله تكوني في اللحظة الكتبتي فيها الكلام دا جاية من المصلاية , قلبك ملان بالتقوي والايمان لحظئذٍ والملائكة الكانت حولك مرتاحة ليك عشان دعائك دا يسمع في السماء ويستفيد منه العبد الفقير الي ربه التواق الي هكذا ادعية من اخوة مؤمنين بظهر غيب لا يدري عنه شئيا
سألتك بالذي فطرك ان تداومي الدعاء لاخوك اساسي وربنا يسمع منك
وعقبال ما نبارك ليك السبعات والتمنيات والمئات
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: اساسي)
|
ـــــــــــــــ
Quote: اصحابنا في حزب الامة (عمهم ) الامام جهجهم ليك جنس جهجهة . ياخي من كترة ما جهجهم ليك خالد عويس , اكيد بتعرفوا ايوا الزول المتصور بي بدلة دا زاتو , اها من كترة ما اتجهجه اليوم داك شايفه ليك في الشروق لابس ليهو فنيلة سقط وبنطلون ابو تزعة جيوب داك زي حق ناس الراب بتاع مركز الخاتم عدلان . وفيهم ناس بيقولوا الاتفاق مع الحكومة سلامات واحضان وعشا ساكت وفيهم الخايفين من الامام يبقي ناطق رسمي باسم الحكومة واهو كلنا منتظرين .
|
اساسي سلامات ياخي :
الحكاية شنو صاحبك ابو(تفه) تلفزيون ساي ماعندو ولا ما شاف ضرب(قبة المهدي)
لكن والله شكله كدا زولك دا شغال ضرب (فتات وحوليات) .. والجابته المنبرتاني
شبعة كااااربه يدو بالصابون ما غسلها..!
والله ناس المنبر ده غريبيين شنو ..الزول قايد رسن البعير كويس لموا فيه سلام
ابو ضرب في الضهر لمن سو ليه (فلايت)... فكه الجمل بما حمل
مرحباً بعودة ياسر طيفور
تحياتي
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: doma)
|
| Quote: واآآآآآآآآآآآآآآآآآآآآآآآآآي يا مصاريني غايتو ما فضلت فيني فشفاش يا اساسي |
سلامة فشفاشك يا حبوبة دوما , لكن تصدقي اول مرة انتبه لانه ناس الاثير ديل عندهم ( معدات بايولجية ) يعيشون بها يعني ما كنت بتخيل انه شخصيات الاسافير دي بتاعين لحم ودم وقلوب وكلاوي واضنين , تصدقي لحدي قبل شوية قايلهم زي حلاوة مولد كلهم ؟ وطبعا خاتيك عروسة مولد تجي تقولي لي فشفاشي؟ انت الفشفاش دا ما ياهو الكومبرسور بتاع البني ادم ؟ باقي عندك ولدك شهادة عربية
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: emad altaib)
|
Quote: اساسي سلامات ياخي :
الحكاية شنو صاحبك ابو(تفه) تلفزيون ساي ماعندو ولا ما شاف ضرب(قبة المهدي) |
يا عمدة صحبي بي تلفزيونه , لكن التلفزيون بديهو الراي الرسمي . انحنا اصالة مننا كدا وتبرعات برضو بنديهو الراي الشعب وحديث المجالس عل وعسى يواكب ما فاته , بعدين صاحبنا الا فتة بيرقر بالكاطشوب وبعدها يجترع بيرة ساقطة من لدن الحوار صاحب البار يحمد ربه ويدعوا لسيده الامام .
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: Elawad)
|
الأساسي، السماني
داير أكتب ليك مشتاق وكده، لكن نوبي خوفني
زي ما بقولو أخوانا المسلمين: أضحك الله سنك
لكن والله الموجز الأخباري عندك
وأماني الجندرية الرافعة راية المرأة من ما كان بكري بيرمي في الساس، بقت تجهز زاد المجاهد،
كان كده الجماعة ديل ليهم حق، كلنا جلابة ونستحق الضبح؛ من عصام جبر الله وخدر في اليسار لي
ناس فرانكلي في اليمين..
قبل إسبوع وشوية لقيت ليك عصام و أمير جابر متلمين ليك في نادية، قلت: أقوم أنزل أفك لي شلوت شلوتين، عملت لي كباية شاي وجيت راجع، جيت لقيتك شغال خبت نضيف، في سري قلت إن شاء الله لا تفوت لا تموت يا اساسي.
المهم، أنا بمشي وبجيكم، لاحق أمنونة راجياني بهناك وشايلة بُقجة غبائنها يا قول بشاشا
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: Elawad)
|
لكن ما خارطة طريق ........ عجز عنها اليهود البقولو انا انا
كدى شوفنى انا المضههبة دى ... ياسر دا مش العامل راستا ؟؟
قيافة كدا ؟ كلامو جميييييييييل ؟؟
حصاد عواسة المنبر اليومى يخلو ليك والله يا اساسى ,,,,,,
بضحححححححححححححححححك .. بس انت عارف رايى فيك !
واصل واصل ما تهتم ترد على زول زول ... خليهم يطرشقوا
Quote: الشفيف دكين شكرا للاضافة
سلمت يا رائع
كن بخير
دمت |
والله دى لاكين قلبت فيها الهوبة ... كيفتنى كيف ؟؟ لقيتك خطييييييير واساسى
غايتو الله يبرد بطنك ..
Quote: وليس ثمة دينا خالد ولا هم يحزنون..
|
دكين ياخ غيير غيير ما منعتك ،، الغيرة ما باليد من حقك والله
بس ما للدرجة دى .... فعلا سياسة التطفيش بتاعتك نفعت والناس شكلها ح تصدقك !
يوم حلفت لى انك ح تثابر على المسالة دى
قلت فلتفعل ما تشاء اصلا ذمتك لستك هنا ...!!!
لكن ناس المنبر قالو لى فى الخاص  العيار ال ما يصيبش يدووش
دكونتى ؟؟
انت لى ما عايزنى اكتب فى المنبر ؟؟؟؟
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: دينا خالد)
|
دينا خالد بالجوار سلامات وكدا
Quote: دكين ياخ غيير غيير ما منعتك ،، الغيرة ما باليد من حقك والله
بس ما للدرجة دى .... فعلا سياسة التطفيش بتاعتك نفعت والناس شكلها ح تصدقك !
يوم حلفت لى انك ح تثابر على المسالة دى
قلت فلتفعل ما تشاء اصلا ذمتك لستك هنا ...!!! |
بما انه تاريخ تسجيلك في املنبر سنة 2006 اذن فايتك الكتير , الكتير جدا , ياخي اسالي ونديك الشمار اصلا انتو ما بتقروا ارشيف بكري دا .
هاك الشمار دا الما بتلقيهو بالهين ,
في اختراع قديم في البورد دا كان اسمه بت قضيم , بت قضيم دي كانت مجهجهة باكات صاحبا الوغد جهجهة ابراهيم عطا , الود من يدخل البورد ما بفتش لي زول غير بت قضيم , شفنا دردقة منه في الواطـة ما انزل الله بها من سلطان , الي درجة انه عمل البكرره معاك الان هنا . وفي لحظة تجلي مع ذاته قال هو بت قضيم دي كانت اخر مراحل الدردقة والكندكة , امانة صاحبنا ما شاف عروض في البورد دا الي درجة اني شككت ان البعض في صلاته حين يصل الي ولا الضاليين كان في ذهنه دكين , الا ان صاحبنا انهار انهيار البرجان حينما دبج اول اعتذار ما يزال للارشيف سطوته عليه
تطالعينه هنا بت قضيم ..لو اعلم من اي الافاق تهب الريح هنا صاحبنا الوغد انزل دمع اعتذاره السخين , حتي ظننا ان بالوغد رقة لم نعهدها فيه بل لم نكن نظن انه يملكها , وغدنا جبن في اول مواجه له مع (المغدورة) وطفق يولول وحات الله انا عزو !!
..
انا عزو يا كبير
ــــــــــــ
بامكانك البحث في ارشيف العام 2002 و 2003 باسم دكين وستجدي العجب وكلاتشي زاتو
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: Elawad)
|
| Quote: لو الواحد بضمن تكتب ليك بوست زي دا كل شهرين الواحد يرتاح من مصاقرة البورد. |
والله يا العوض اخوك ما عنده مشكلة يكتب ليكم كل اسبوع ملخص ما تم نشره , بس كمان انا زول انتهازي ونفعي يعني لو بضمن تجمعوا لي تبرعات زي القاعدين تجمعوها بالبي بال ديك وبلموها البورداب وترسلوها لاخوكم المحتاج لي نظرة من جيوبكم تكونوا ما قصرتوا .
طواااالي بلاش
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: Elsanosi Badr)
|
Quote: وفيها انزلت آمنة مخ طار بوستا قالت فيه الجلابي الذي احببت..
فشك الناس شكا عظيما انك ذلك الجلابي المحبوب..وانزلت صورك بالابيض والاسود في بوست محبتها..
فلعمت انهم نعوك حياً بهذا الوصف.. فحزنت لك حزناً شديداً..
وفيها ربط الناس محبتها لك بظنها عن المحبة المعلوم..فقالو سجمنا ورمادنا بلاي ود طيفور طلع كده..
فإنا لله وانا اليه راجعون.. |
________
أيام أحداث -العاشر من مايو- شفته العاشر من مايو دي جات كيف!
المهم بقرأ ليك في بوست -الحلمة والخور- وبضحك -قهقهةً شديدةً-،
صاحبي قال لي مالك يا مان بتضحك براك، جنيت؟؟؟
قلت ليهو ياخ بقرأ في كلام واحد صاحبنا إسمو دكين..
قال لي دكين بتاع البالتوك!؟
قلت ليهو ياخ بالتوك بتاع شنو، ده ما دكين الوهم داك..
المهم جاء -وقف وراي- مع الحشمة، والبورد مسموم،
وأصبح يتلو حديثك، ويضحك ثم يتمتم ويتلعثم،
وأنا أقرأ له ما صعب عليه نطقه، حتى فرغنا من حلمتك؛
فإذا به يقول لي: والله إني لأشهد الله إن صديقك هذا (بتاع سجارة)..
______
قلت ليهو لكن دي ما سجارة السرور
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: اساسي)
|
والله لكن يا اساسي ... ما تقول لي ...
لقيتك بتاع شمارات خطيييير... ياخ قطعت مصارينا بالضحك
| Quote: عزاز شامي , ايوااا الخاتي صورتها دكين في بروفايله بس , كرهوها الشكر زاتو , عملوا ليها بوست بتاع كسير تلج زي ما بيحصل لي كل الناس , جينا وكسرنا ركب كعادتنا دائما ورمينا الطعمية مع الرامين , اتاريهو الكلام دا ما كان عاجب اختنا في الهامش الشرقي , أتضح يا صحبي انه في شكلة حقت كريم الاساس وخلافات جزرية في مدارس الجلبطة ودهن الكركار البيتبعوها الاتنين في بوستات سابقة . وجات مستفيدة من اشتر اسرة شيخ الدين وقلبت صاج الطعمية والقصة جاطت , وكعادتنا دائما في ناس مع البطل وناس مع الخيانة , الز حاجة سليكة الشليقة أكلوها الطعمية الادفقت كلها . |
الكترابة ... وصاف جنس وصف
ياسر طيفور ... سلامات | Quote: قبل إسبوع وشوية لقيت ليك عصام و أمير جابر متلمين ليك في نادية، قلت: أقوم أنزل أفك لي شلوت شلوتين، عملت لي كباية شاي وجيت راجع، جيت لقيتك شغال خبت نضيف، في سري قلت إن شاء الله لا تفوت لا تموت يا اساسي. |
اساسي قام بالواجب يعني ... لكن برضو افتقدنا شلاليتك ...
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: اساسي)
|
أساسي
يا لذيذ
وممصمص { دي اوعك تقراها مستبطنآ الشتارة }
قلت
Quote: أبو ساندرا الكلام ما وقع ليه
اها اشتبك ليك مع بكري وفتح ليهو كم بوست ولا اسع بكري ما قراهن . |
يا أساسي
خاف الله
قبل ما تخاف الكذب
بكري قراها لامن آمن
بدليل إنزعاجه من بوست{ الفصل التعسفي } وما ادراك
فقام بخنقه وقتله عبر إيقاف خاصية { رد } و { أضف رد }
وترك البوست كبيت الوقف
بس لمن عمل كده كان عدد الذين تصفحوا قارب الألف
والذين تداخلوا عددهم قارب ال 100 متداخل
أما البوست الذي عقدنا فيه المقارنة بين
امل قدورة التي أنصفتها بقولك :
| Quote: البت كَتابة كِتابة ألف وحنكها براحة وكلمات منمقة وكدا |
قارناها مع آمنة الدجالة وفدوى اللطاشة
وبالإمارة قلنا من تستحق الفصل ؟
وطبعآ صاحبك ، الذي ظننا أن تحت صلعته فكي ،
لم يخذلنا وفعل ماتوقعناه بالضبط ، وداهو الخور
وهذا يؤكد غنه قرا ولكن مافهم
ثم بوست اخير بعنوان
{ غواصة في المنبر ، يابكري أضبط وأفصل }
وذلك عندما وجدنا الأخ المهندس محمد حسن قدورة متداخلآ
فإستفدنا من إسمه لفتح بوست يعيد موضوع فصل آل قدورة للصدارة
لكن صاحبك القراي سحب البوست قبل أن تسمع به اخواته
بل قبل ان يصحى بورداب امريكا وكندا وبعض بورداب الخرطوم
ووداهو الخور ، برضو
أنا شاكر لك يا سمنة و عسل
أن اتحت لي فرصة إعادة موضوع عيال قدورة إلى السطح
وأتمنى ان يرفع بكري هذا البوست كعنوان رئيس
بس صاحبك ما ح يعور عينو باصبعو
| |
|
|
|
|
|
|
|
|
 Re: بوست الشمارات وخارطة طريق البورد الجديدة لياسر طيفور (Re: اساسي)
|
..
.
| Quote: الحاجة الفاتت علي قصتك مع عرس الزميلة المشيت حضرته وجيت اشتبكت مع الجماة في صور اخت تانية |
أمنت بالله العلى العظيم ( وش مش مخلوع .. مبهوت بهتان عديل كدا )
عليك الله كوتو موتو ما تكلم نوبي
________________
يا بكرى عليك دينك وقف الماسنجر دا كفاية
مش للتعارف ؟؟ خلاص العرف زولو عرفو والما عرف ما ضرورى
يمين الشئ دا شغال شغلة بعرفوها ناس معينين
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: Tabaldina)
|
| Quote: الز تصنيف قالوا عمك عماد عبد الله لمن سألناه من الديامة , فتل شنبه وقلوظ سفته وشنق حنانها وتُف بصق , تنحنح وجهر بصوته ( أنحنا الديامة وانحنا حطب القيامة) ولم يزد عليها . |
إنا لله ..
ياسر ياخي دقيقة ..
زدت عليها و الله ..
لما زنقوني ناس الحامش شديد و راسي كبس ..
قلت ليهم : الله لا كسبكم .. يا بتاعين الضهاري .
.......
و لا كسبك يا أساسي .
بس .
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: اساسي)
|
| Quote: اصحابنا في حزب الامة (عمهم ) الامام جهجهم ليك جنس جهجهة . ياخي من كترة ما جهجهم ليك خالد عويس , اكيد بتعرفوا ايوا الزول المتصور بي بدلة دا زاتو , اها من كترة ما اتجهجه اليوم داك شايفه ليك في الشروق لابس ليهو فنيلة سقط وبنطلون ابو تزعة جيوب داك زي حق ناس الراب بتاع مركز الخاتم عدلان . وفيهم ناس بيقولوا الاتفاق مع الحكومة سلامات واحضان وعشا ساكت وفيهم الخايفين من الامام يبقي ناطق رسمي باسم الحكومة واهو كلنا منتظرين . |
| Quote: ياخي من كترة ما جهجهم ليك خالد عويس , اكيد بتعرفوا ايوا الزول المتصور بي بدلة دا زاتو , اها من كترة ما اتجهجه اليوم داك شايفه ليك في الشروق لابس ليهو فنيلة سقط وبنطلون ابو تزعة جيوب داك زي حق ناس الراب بتاع مركز الخاتم عدلان |
بس عشان يعرفو عملو فينا شنو
الله يجازيك يا أساسي ضحكتا لمن صدعتا
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: اساسي)
|
Quote: والله يا العوض اخوك ما عنده مشكلة يكتب ليكم كل اسبوع ملخص ما تم نشره , بس كمان انا زول انتهازي ونفعي يعني لو بضمن تجمعوا لي تبرعات زي القاعدين تجمعوها بالبي بال ديك وبلموها البورداب وترسلوها لاخوكم المحتاج لي نظرة من جيوبكم تكونوا ما قصرتوا .
طواااالي بلاش |
اساسي
كلامك ده والله عين العقل وانا عندي ليك اقتراح عملي عشان نختو في حيز التنفيذ والاقتراح كالاتي:
بوستك بتاع الشمارات الاسبوعي تكتبه في بوست محمد البشري بتاع اسابيع البورد
وهو يديك الفي النصيب وفق ما تتفقاو عليه وبكدا
1/ ود البشري يزيد عداد البوست وقد يؤدي هذا الي انبثاق منبر جديد من البوست خاص بود البشري
2/ انت قروشك عند شخص محدد ومعروف اذا حصلت اي شنكبه تمشي تفتح فيهو بلاغ رسمي
3/ الاهم من ده وبما انو ود البشري حيدفع ليك وفي مصلحه مشتركه فحيضمن حيادك اذا حدث لاقدر الله
(مش شغلك) اخري
ومرحبا بعوده ياسر طيفور
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: اساسي)
|
يااساسي ،،
انت برلوم ولا موية نار
غايتو الشمارات عندك وتبرطع ساكت ياحليل مجدنا الضائع هههههه يكه
بعدين الف مبروك الالفية العاشرة ِASASI 10K والله لو في كل بوست ختيت عشرة ريال كان بقيت زول تاني
شوية شوية مايسحروك زي زمان يقوم يضربك المكيف تاني وتبقى زي الكابويات كلام بالجنبة
تحياتي وعايزين نسمع صوتك
زاتووووو
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: اساسي)
|
Quote: سجلوا ناس كتار فيهم الكضابين وفيهم الكويسين وفيهم مقاتلي الشوارع
|
وفيهم المخضرمين
اساسى
والله عشان الكتابة السمحة دى والالفية الكم كدة ماعارف
داير اعصر ليك حاجة كدة
لكن ماعارفك بتقبل شنو فيزا ولا ماستر كارد ولا اميركان اكسبريس
ولا نوصى ليك بس لفاتحة كاربة من جدنا ودحسونة
| |
|
|
|
|
|
|
|
|
|
Re: بوست الشمارات وخارطة طريق البورد الجديدة لياسر طيفور (Re: اساسي)
|
الاخوة
Elsanosi Badr
Yassir Tayfour
الجندرية
عبود عبد الرحيم
jini
doma
أبو ساندرا
doma
Tabaldina
Emad Abdulla
فيصل نوبي
lana mahdi
Omar Bob
محمد البشرى الخضر
محمد عبد الماجد الصاي
ALZOLZATOO
مهند حسن
احمد التجانى احمد
بكرى الخليفة الكتيابى
سناء عبد السيد
Gaafar Ismail
بكرى الخليفة الكتيابى
ود محجوب
اشكر لكم اضافاتكم واعتذر عن طول الفترة واعتذر عن عدم الرد عليكم فرادي لانه الموضوع بقي قديم وعندنا مشروع شمارات جديد
فترقبوا
الواحد بقي يستفيد من بوستاته للدعاية للبوستات الجديدة
الواحد حاسي انه بقي مشروع ( مشاطة) بالكتابة دي
| |
|
|
|
|
|
|
| |
اساسي
محمد عبد الماجد الصايم
فيصل نوبي
شمهروش
على محمد على بشير
Maawya Hussein
عمر الفاروق
العوض المسلمي
الجندرية
معاذ حسن
A.Razek Althalib
نوسة
emad altaib
Rawia
doma
Elawad
Yassir Tayfour
دينا خالد
محمد البشرى الخضر
Elsanosi Badr
عبود عبد الرحيم
jini
أبو ساندرا
Emad Abdulla
lana mahdi
Omar Bob
ALZOLZATOO
مهند حسن
احمد التجانى احمد
بكرى الخليفة الكتيابى
سناء عبد السيد
Gaafar Ismail
ود محجوب
فيس بوك
تويتر
انستقرام
يوتيوب
بنتيريست