|
Re: السنوسي بدر، أناخ بعيره عند باب المنبر (Re: Yassir Tayfour)
|
الله يا ياسر ولدنا سبحان الله امس فى بوست قلت على قولة ياسر طيفور وكان البوست بتاع السنوسى الذى قال فيه انه سوف يكشف من خانوا خليل بعدين الجماعة هرشوه قام خلى البوست ، المهم ارفع البوست القاه رجع الارشيف احترت وقلت على قولة ياسر اصلو ما اخليهو يحتل تب ، يا اخى بالغت كده عديل ، بصراحة انت و سعد تعجزو الزول من التلفونات بالرغم انها مجانية بس فارق التوقيت ، من يعز عليكم بطرفنا كلهم بخير عساك ومن يعز عليكم فى السودان و البلد وكمان البلاد البعيدة كلهم تمام ، يا اخى اليوم ظهر عبدالمحسن واحمد عبدالله و البقية تاتى ، غايتو فى ناس تانى سهر الجداد و لا نامو عليك الله خفف عليهم شوية ، ياسر ما تقوم نفسك ساكت د. السنوسى دة شايلهو العضوية الجديدة ، لكنه انسان طيب ، وجاء الى البورد فى ظروف صعبة، اما بشاشا ابومحمد ايدك و البركةو برضو سلم عليهو كمان .
| |
|
|
|
|
|
|
Re: السنوسي بدر، أناخ بعيره عند باب المنبر (Re: saadeldin abdelrahman)
|
عارف يا ياسر طيفور
Quote: ياسر طيفور [الخاساوي.. |
يوم لقيت لك في موقع خاص بشرق السودان اسمه سكناب خبر بيقول (الخاسه جدهم جعلي) فضحكته ضحك وضربت تلفون لآمونه قلت له عايزة افتح بوست اسمه يا ياسر طيفور الخاسة طلعوا قرايبك!! اها قد ما فتشت اللينك ما عرفت اجيبه ثاني.
اها طبعا بتكون تابعته صيواناتنا المفتوحة زي ما قلت وعرفت انه مافي قبيلة ( اسمها خاسة) وانما هو لفظ مسيء يقال للبني عامر. واتمنى ان تكون وعيت الدرس جيدا كزميلك الاشتر عبد العظيم.
قلت لي الكيزان بقوا مناضلين؟؟ طبعا بضراعهم زي فرحتك بالقب النابض فطالما الامر جهوية استعدوا لها.
| |
|
|
|
|
|
|
Re: السنوسي بدر، أناخ بعيره عند باب المنبر (Re: Tragie Mustafa)
|
دكتورة تراجي
Quote: يوم لقيت لك في موقع خاص بشرق السودان اسمه سكناب خبر بيقول (الخاسه جدهم جعلي) فضحكته ضحك وضربت تلفون لآمونه قلت له عايزة افتح بوست اسمه يا ياسر طيفور الخاسة طلعوا قرايبك!! |
المك نمر ظاتوو خاصاوي ليك علي أمشي الحبشة وأكتب لوحة في قبرو مكتوب عليها: هذا قبر المرحوم المك نمر الخاصاوي، المشكلة كلمة خاصة تبقى سمحة وتجو تقولو لينا الخاسه ديل ناس عنصريين وإستعلائيين.. وتجو تاني تكابسونا فيهو.. المشكلة مافي القميص يا تراجي، المشكلة في الزول اللابسو.. الزول الما متصالح مع نفسو لو وصفتو بكل ماهو جميل ما بيغير ما بداخله، وكذلك الزول المتصالح مع نفسه مهما توصفو بأقبح الأوصاف، برضو ما ما بتغير من دواخله.. التصالح مع الذات يا تراجي هو المحك.. تجي إنتي بي خلطتك التركدارفورية مبسوطة بيها وتجي أمنة صاحبتك بي خلتطها (البنوعامتعايشيمحاميدية) مبسوطة وأجي أنا بي (نقائي) العرقي كجعلي مبسوط وأعرض كمان ويجي محمد سليمان كزغاوي شجاع ومحبوب وصاحب ضراع طويل ومبسوط ويجي عبد المنعم سليمان الفحل الأعور (كبدون) وبرضو مبسوووووط وكدا، كلنا نبقى سوداني نعيشووو سواا
صدر تحت توقيعي _______ ياسر الخاساوي
| |
|
|
|
|
|
|
Re: السنوسي بدر، أناخ بعيره عند باب المنبر (Re: Yassir Tayfour)
|
الاخ العزيز ياسر طيفور.
حمد الله على السلامة.
نصيحة أخوية لك يا عزيزي.
شايف معظم الذين يرحبون بك، يرحبون بك من أجل أن تخوض لهم معاركهم العنصرية ومن أجل أن يتم أستخدامك ضد الذين يختلفون معهم. وهم طبعا لا يملكون الشجاعة أو الجرأئة لكي يخوضو حروبهم أو حتى مناقشة مواضيعهم لوحدهم. الاخ ياسر لقد تعرفت عليك من قبل في البال توك وعرفتك إنسان غير عنصري ولك مواقف مشرفة جدا. أنت تعرفت علي أيضا وتعرف أنني لا أجامل أحد. فأنا أرجوا منك هنا أن تعود كما كنت ذلك الرجل الذي كنا نعرفه في ذلك الزمن ودع الذين يريدون أن يقودو معاركهم العنصرية أن يقودوها لوحدهم.
دينق.
| |
|
|
|
|
|
|
Re: السنوسي بدر، أناخ بعيره عند باب المنبر (Re: عبد العظيم احمد)
|
Quote: الاخ العزيز ياسر طيفور.
حمد الله على السلامة.
نصيحة أخوية لك يا عزيزي.
شايف معظم الذين يرحبون بك، يرحبون بك من أجل أن تخوض لهم معاركهم العنصرية ومن أجل أن يتم أستخدامك ضد الذين يختلفون معهم. وهم طبعا لا يملكون الشجاعة أو الجرأئة لكي يخوضو حروبهم أو حتى مناقشة مواضيعهم لوحدهم. الاخ ياسر لقد تعرفت عليك من قبل في البال توك وعرفتك إنسان غير عنصري ولك مواقف مشرفة جدا. أنت تعرفت علي أيضا وتعرف أنني لا أجامل أحد. فأنا أرجوا منك هنا أن تعود كما كنت ذلك الرجل الذي كنا نعرفه في ذلك الزمن ودع الذين يريدون أن يقودو معاركهم العنصرية أن يقودوها لوحدهم.
دينق. |
الأخ دينق
كلام زى العسل
بس ما تنسى نفسك.
| |
|
|
|
|
|
|
Re: السنوسي بدر، أناخ بعيره عند باب المنبر (Re: Deng)
|
الصديق العزيز جورج يا ليت تتوقف كل المعارك العنصرية والعرقية، يا ليت! ولكن يا جوج أهلنا وشمالنا النيلي أول من تجرع ظلم هذه العصابة الحاكمة.. هؤلاء الثوار الكذبة يريدون أن يستبيحوا ديارنا ويحملونا أوزار الإنقاذ التى كانوا نواتها الأولى.. منهم من يضمر الشر لنساءنا ويحملهن إخفاق ثورة الغرابة! ومنهم من يريد إستباحت المتمة ليعيد ذلك التاريخ الخسيء! ومنهم ومنهم.. صفحات المنبر كلها بوستات تتوعَدنا.. الويل لنا من يسارنا ليميننا.. كلنا عدو.. من يريد أن يبني معنا دولة القانون الديمقراطية المدنية و العلمانية، فليسلك طريقها.. ومن يريد دولة القبلية والعنصرية، فله ما يريد ولن يجد منا غير ذلك.. هذه طبيعة الأشياء وقانون الطبيعة، لكل فعل رد فعل.. ولكل لغة، لغة تشبهها.. _____ المهم يا صديقي، كن بخير.. وأتمنى أن يتعقَل الجميع بما فيهم نفسي..
| |
|
|
|
|
|
|
Re: السنوسي بدر، أناخ بعيره عند باب المنبر (Re: Yassir Tayfour)
|
الأخ ياسر طيفور
يأخى حمد الله على عودتك
طبعاً بلا سابق معرفة !!!!
فشخصى الضعيف من الجيل الجديد على المنبر خلال فترة غيابكم
بس ترحيب معارفك ، جعلنى أستبشر خيراً بعودتك
بأن تعود للمنبر قليل من عافيته التى إفتقدها
تانى حبابك واليوم السعيد الليلة جابك يا ود طيفور
أخوك عادل سالم جمعة
| |
|
|
|
|
|
|
Re: السنوسي بدر، أناخ بعيره عند باب المنبر (Re: shaheen shaheen)
|
الصديق العزيز شاهين
Quote: هذا الوطن عيان , مريض محتاج دربات فى الوريد هذا الوطن زى الرصيف .. محتاج غسيل محتاج رياح من نوع جديد تفكير جديد ارموا البذور فى تربة الوطن الخصيب يا تربة الوطن الخصيب هل من مزيد ؟ . |
يا صديقي الوطن تتلاطه أمواج عاتية.. يتآكل من أطرافه الأربعة.. ويتآكل في دواخلنا.. وهذه أم المآسي.. ____ الشوق القديم في محلو يا شاهين
| |
|
|
|
|
|
|
|