|
|
 السنوسي بدر، أناخ بعيره عند باب المنبر
|
نسخة بشاشية مُعدلة
صديقنا بشاشا (كجلابي) تائب، أخونا بدر السنوسي (جنجويدي) تائب..
___
بالأول لِم (البعر) من باب المنبر، عشان خاطر الزوار الكرام، وتعال أصقع (جِرَتك) هنا..
|
|
 
|
|
|
|
|
|
|
 Re: السنوسي بدر، أناخ بعيره عند باب المنبر (Re: Yassir Tayfour)
|
ياالطيفور حبابك...
خلني اللنزل الحويه واعقل القعود... واتلببك اسالمك... باقي اته ليك طوله... وبعدين بحجيك بكلام السوادنه طليق المنبر
__________________________________________________________
ازرق كركر يالنوايحك فاحن
دراع الماصع المنو المخاويل ظاحن (ضاحن)
اافو... انا اخوك آلرقيقه قصعان (الجره) ما بنعرفه
| |
|
|
|
|
|
|
|
|
 Re: السنوسي بدر، أناخ بعيره عند باب المنبر (Re: Elsanosi Badr)
|
السنوسي، بدر
| Quote: خلني اللنزل الحويه واعقل القعود... واتلببك اسالمك... باقي اته ليك طوله... وبعدين بحجيك بكلام السوادنه طليق المنبر |
علي الطلاق، البوست ده أنا فاتحو عشانك، لكن الجماعة شغلوني منك بالسلام
________
بالمناسبة يا بدر، شابك الناس يا أسود يا اسود، إنت ما تقول ليهم (عبيــــــد) عديل كده، مالك بتغتغت في الكلام؟؟؟
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: Yassir Tayfour)
|
المهم يا بدر
أي بني آدم بيرفض العنصرية، و(أي بني آدم عنصري) علي حسب رأي،
لكن التصريح بيها بيختلف من زول للتاني..
أنا القدامك ده عنصري بغيض جداً
ولكن عنصريتي ما بفكها في وش كل زول،
العنصري بكلمو بنفس العنصرية ...
أها إنت يا الحبيب، عنصريتك فاكة ساكت، وتظهر في أشكال مختلفة، شي منها فخر، والتاني هجوم،
يعني عنصريتك (فعل) وليس (رد فعل)..
_____
حا أجيب ليك كمية من النماذج...
خليك قريب
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: Yassir Tayfour)
|
كيفك يا مك نمر
ومرحبتين حبابك..
وانت من حاملى السلاح ضد حكومة السجم دى..
أعمل حسابك الكيزان ديل مايدقوا ليك الهبك وتستمر لحدى ماتلقى نفسك أقرب لمحد حامد جمعة..
بعرف أهلى الجعليين خصوصا كان زغردت ليك القلب النابض ودكتورة بيان..
مافى زول ما أسود إلا يكون هجين..
إنت شفت سلالة المك نمر وعبد الله ود سعد والله ياياسر الواحد لونة زى لداية بياعة الكسرة..
أنا شخصيا جعلى وشو مازى الدوكة بكون عندى فيهو شك..
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: Balla Musa)
|
بلة ود موسى
كيفك يا أرباب
| Quote: أنا شخصيا جعلى وشو مازى الدوكة بكون عندى فيهو شك.. |
شك إجابي ولا شك سلبي؟؟
علي حسب قناعتي يا بلة، مافي جعلي جدو النبي ولا العباس؛ وماالجعليين إلا نوبين لم يحافظو علي لغتهم..
____
المهم كلهم جلابة في (نظر) الهامش القصير
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: Yassir Tayfour)
|
| Quote: بالمناسبة يا بدر، شابك الناس يا أسود يا اسود، إنت ما تقول ليهم (عبيــــــد) عديل كده، مالك بتغتغت في الكلام؟؟ |
ياالطيفور اخوي حبابك الف...علي جملة الايمان كان تقعد في الشمله دي وتشرب ليك صليقه وتطبقها بكباية لبن...وتشم همبريب الباديه هيلنا ونعقر ليك واحد من القعدان ديل...
صلاتك علي النبي يا ود طيفور...
اولا نحنا كسوادنه كلنا سود والحمد لله (لولا سواد الليل ما طلع الفجر)...يعني اسود ما سبه بيتعقد منها الواحد...بقدر ماهي صفه للقشره الخارجيه لجلد الابن ادم السوداني...
اما كلمة عبد ياخي دي مروفوضة في كل القيم والحضارات البشريه وبالتالي اطلاقها علي شخص تعد جريمه اخلاقيه قبل ان يحاسب عليها القانون..
.
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: Elsanosi Badr)
|
البدر
| Quote: اولا نحنا كسوادنه كلنا سود والحمد لله (لولا سواد الليل ما طلع الفجر)...يعني اسود ما سبه بيتعقد منها الواحد...بقدر ماهي صفه للقشره الخارجيه لجلد الابن ادم السوداني... |
تعرف يا بدر كلامك الفوق ده ما صاح من وجهة (نظري ونظرك) كعنصريين (مع التمييز بين عنصريتي وعنصريتك)؛ زي ما قلت ليك حا أجيب ليك النماذج المتعارضة مع كلامك الفوق ده من فخر وهجوم.. كلامك ده قولو لي واحد مسلم جاي من الكاميرون -علي حد تعبيرك- شريطة أن هذا الكاميروني ما يتقدم لي قريبتكم زي ما حصل مع -سيئ الذكر-الطيب سيخة، الأهلك طلعوهو كاميروني، ورفضو يناسبوهو..
لكن هنا في البورد ما في زول بشتريهو منك..
| Quote: اما كلمة عبد ياخي دي مروفوضة في كل القيم والحضارات البشريه وبالتالي اطلاقها علي شخص تعد جريمه اخلاقيه قبل ان يحاسب عليها القانون.. |
أهااا، كدى بتخليني أغير رأي فيك، من عنصري شجاع، لعنصري جبان.. أنا القدامك ده كتبت كلام كتير عنصري، وكل رد فعل، لكن، أبداً ما نكرت ولو ودوني لقاضي عديل كده، والله لما أحوجتهم لشاهد..
______
المهم خليك قريب
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: Sabah Hussein)
|
Sabah Husien
| Quote: ياخوى الكيزان ديل بطمبرو ليك ليه انشاءالله خير. قلبتا ولاشنو؟ |
يا صباح أفرزي ياخ!
إنت قاصدة كيزان الشمال النيلي ولا عموم الكيزان؟؟؟
ماتراهم كيزان الهامش بقو مناضلين ومن الدرجة الأولي كمان..
______
المهم يا صباح، الشوق في محلو
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: Tragie Mustafa)
|
الدكتورة* تراجي مصطفي، بشحمها ولحمها
والله يا تراجي (ُمُتقريف) ليك زي (قريفة) (أخطنا) آمنة مختار في قاهرة المعز لي فنجان بُن..
أخبارك وأخبار الراليهات المدفوعة منها والمجانية..
ياخ حرام عليك شابكاني اب لسان طويل أب لسان طويل، وأنا مسكين الغنماية تاكل عشاي.. عاملة لي سمعة ساكت.
الهم بجيك في الصيوانات الفاتحاها دي، نرد الزيارة..
_______
*لقب الدكتورة ده، أصلك ما تابيهو.. نحنا كرما وإنت بتستحقي، وأحسن ليك من الألقاب المجانية البدوك ليها أخوانا في (الحامش)
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: Yassir Tayfour)
|
الاخ العزيز والصديق بدر السنوسي ليس عنصريا
ولا علاقة له بالعنصرية .
هو سليل ثقافات متنوعة ودماء متنوعة
هو بدوي ومحاميدي ودارفوري وسوداني وامازيغي وافريقي وانسان .
لا ترموا الناس بالاتهامات العشوائية
وتفسير الاخ السنوسي لكلمة اسود يوضح انه لا يقصد بها عنصرية
وان كنت اعتب عليه استخدامها في النقاش فهي من جملة الكلام الذي لا يفيد
- طالما كنا كلنا سودا - .
والف مرحب بعودتك يا طيفور.
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: Abdel Aati)
|
الأخ عادل عبد العاطي
Quote: الاخ العزيز والصديق بدر السنوسي ليس عنصريا
ولا علاقة له بالعنصرية .
هو سليل ثقافات متنوعة ودماء متنوعة
هو بدوي ومحاميدي ودارفوري وسوداني وامازيغي وافريقي وانسان .
لا ترموا الناس بالاتهامات العشوائية
وتفسير الاخ السنوسي لكلمة اسود يوضح انه لا يقصد بها عنصرية
وان كنت اعتب عليه استخدامها في النقاش فهي من جملة الكلام الذي لا يفيد
- طالما كنا كلنا سودا - . |
والله يا عادل ما عهتك هكذا..
ولكن، ينظر كل منا للأمور بزوايا متباينات.. وإن كان لعين السخط والرضى مآربهما..
____
| Quote: والف مرحب بعودتك يا طيفور. |
كتر خيرك يا عادل، أبقى طيب.
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: Tabaldina)
|
تبلدينا يا صالح
الله يسلمك يا جميل
الأساسي ما قصر معاي تب، أربعة تسعات تتطاقش؛ والأجمل من ذلك، قدر ما تقرا البوست، تضحك تاني كأنك ما قريتو أساساً، وفي كمية من العكسات والتمريرات القصيرة.. والله بوست إمتاع...
_______
والله يا صالح أنا مبسوط منك قدر بسطة الشريف من ندى القلعة، وازيد..
أبقى طيب يا شامخ زي إسمك
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: Yassir Tayfour)
|
السلام عليكم
ياسر طيفور ازيك
ياخي مشتاقون
طولت الغيبة المرة دي
.........
يا خوي
موضوعك مع السنوسي ده شكلو استحمى
وبقى سلامات ساي
ذكرتني بالزول الحضر عقدو
يلمو فيهو الناس بالمباركات يخلوه يتلفت زي مروحة التربيزة
اها وصيتي ليك
خلي بكري يغير ليك عنوان الموضوع ده لموضوع سلام وتحيات
على شاكلة جيناكم يا حبايبنا و... الخ
وتمشي تفتح موضوع تاني لعمك بدر ده
والوصية التانية
ما تحضر يوم عقدك
...........
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: Yassir Tayfour)
|
Quote:
ماتراهم كيزان الهامش بقو مناضلين ومن الدرجة الأولي كمان |
شغل الخبرة المفقود،،
يازول الحكاية ما جاطت:
الحرامي بقى بوليس،،
والبوليس بقى ينط الحيطة،،
وبتاع الهامش الفي السلطة بقى جلابي،،
والجلابي الساكن في الهامش بقى برناوي
وناس الذراع الطويلة قصروها وأندسو مع الأقزام،،
والكاتل جنب الكاتلو مات،،
وأنتو ، ناس الرقشة، رخصتوها أمجاد ،، وغبتو،،
وناس مستجدين في البورد بنبذة واحدة بقو رواد،،
وبكري يتلفت والسودان يتلفت ما عارفين يحاحو مين ولا مين ولا مين!!!!
==
ورب الناس ياطيفور ماعارفين الحكاية حدها وين!!
==
على كل حال :
جيدن جيت!!
وكان غبت زي غيبتك دي يا اللخو : إلا العفو والعافية:
يمكن نتلاقى ويمكن لا،،
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: Yassir Tayfour)
|
غايتو يا جلابة المنبر وكيزانه عملتوها واااااضحة !!
_________
طيفور (ضنب العبور)..انت جيت تانى..
بعد ما فكيت البيرق ولحقت جدك ؟
انشاء الله تكون جيت ب(نيو لوك)..حسب الموضة الأيام دى فى المنبر..
وتكون حلقت تفة الخروف..وشفت ليك حل للابتسامة العبيطة (حتى لو عملية تجميل)..
طبعا يا سنوسى..
هذا الأسلوب الذى يستخدمونه معك..
استخدموه من قبل مع أخ لنا يدعى (أدروب أبو بكر)
واصطادوه فى عبارة واحدة(كعادتهم) واتهموه بالعنصرية..
وأقاموا عليه الحد وطبقوا عليه اللائحة وطردوه من المنبر..
بالرغم من غثائهم العنصرى المدلوق على صفحة المنبر ليل نهار..
والذى تارشف وتوثق كثير منه ..
والذى يراه أمين المنبر بالتأكيد..
هؤلاء القوم يستغلون فرصة اننا لا نعرف (الشكوى)..
لأن الشكوى لغير الله مذلة..
فارس بنى خيبان هذا أكبر شخص عنصرى وعبيط فى هذا المنبر..
وقد (وثقنا) له كثير من هرائه العنصرى..
وهو على فكرة..أجبن من خلق الله..ما يقولوا ليك كان فى جيش الفتح ولا بتاع..
أتارى جيش الفتح ده..عشان كده مافتح حاجة ( ابتسامة ساخرة)
خلى اليستنانى برجع ليهو برواااااقة كالعادة..
لغير المتابعين: توثيق لهروب (فارس بنى خيبان) من المنبر..
أثر هزيمته النكراء فى هذا البوست وجرسته فى الماسينجر :
مطلوب فورا اعتذار واضح لأهل الشرق من ياسر طيفور وسعد الدين عبد الرحمن
انت قايل البوست ده اتحذف ولا شنو يا (ود محجوب) ..البوست قاااااعد فى مكتبتى..
بالله ياهو ده فارسكم المغوار..وما عندكم غيرو
كان كده الرماد كال حماد..
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: AMNA MUKHTAR)
|
ِِِِِAMNA MUKHTAR
شفتي الريده كيف!
كتبت ليك بالأخضر، عشان تكوني مميزة أكتر.. عاملة نضاراتك الكبار ديل..
والله يا آمنة أنا مبسوط منك، حتى ظننت إنني الشريف (بتاع ندى القلعة)
مبسوط منك لأنو يا أمونة الضرب (الإسفيري) الضربوك ليهو في الأيام المنصرمة دي،
مفروض ما يكون فضل فيك رويحة ولا باقي منك حاجة غير فريم( نضارة معووج)..
يا زولة إنت قاعدة تدخلي البورد ده مردفة!؟ يا حولا، علي قول بشاشا..
المهم، الشوق القديم داك، في مكانو، بل زادت عليه رأفة وحنية، أخوك إنساني جداً زي ما عارفة
_____
المهم، أخبار السفر شنو؟ ،
أقعدي شاكلي فيني كده لمان تفوتي الطيارة
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: ود محجوب)
|
يا طيفور ..
والله انت شكلك طولت من المنبر شديد ..
عنصرية شنو الجاي تقول عليها .. الموضوع قلب ( جنسي ) ..
بقى عندنا ( لــواط ) و ( مثليين ) .. وناس ( نص مكنة ) ..
وانشاء الله الفترة الجاية دايرين نفتح ( غُرزة ) .. ونجيب شوية هيروين علي كوكايين مع شوية ( باسطة ) عشان الموضوع ( الجنسي ) ..
..
..
* هذا البرنامج برعاية ( ما انتو عارفين يعني لازم اقول .. طيب امرنا لله .. هييييييييييييييييييييييييييييي ) ..
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: ود محجوب)
|
| Quote: يا حاجة امنة ما تشاغلينى ان مشغول اضبح كرامة كرامة لولدنا الجلابى المرق من تحت ضل السيف. |
ود محجوب، ما تعصر عليها والله الزولة دي (وأشار إلى الفريم المعووج) على قدر نياتا*
______
والنيتو السفر لازم يساكك الـ يو انْ
| |
|
|
|
|
|
|
|
|
|
Re: السنوسي بدر، أناخ بعيره عند باب المنبر (Re: نوسة)
|
| Quote: علي حسب قناعتي يا بلة، مافي جعلي جدو النبي ولا العباس؛ وماالجعليين إلا نوبين لم يحافظو علي لغتهم.. |
ده كلام عديل و دوغري و أظن كمان أنو صحيح بدرجة كبيرة و تدعمو الشواهد
التاريخية و الآثارية..
مرحب ياسر طيفور.
| |
|
|
|
|
|
|
| |
Yassir Tayfour
القلب النابض
Gaafar Ismail
Ahmed Abdallah
Biraima M Adam
Abdelmuhsin Said
kamalabas
Bashasha
Elsanosi Badr
حيدر حسن ميرغني
Balla Musa
Osman Musa
بكرى الخليفة الكتيابى
Elawad
Tragie Mustafa
Sabah Hussein
Abdel Aati
HAYDER GASIM
Ahmed Yousif Abu Harira
haroon diyab
على محمد على بشير
ود محجوب
معاذ حسن
saadeldin abdelrahman
A.Razek Althalib
Faisal Al Zubeir
غباشي
انعام عبد الحفيظ
Rawia
الزوول
Raja
محمد البشرى الخضر
humida
ابراهيم عدلان
نوسة
خدر
عبد العظيم احمد
فيس بوك
تويتر
انستقرام
يوتيوب
بنتيريست