|
|
 ابيي.......!!!!!
|
بعض المدن والمناطق ذات الصيت العالي في ردهات الراي العام عندما تحط برحالك عليها تهطل في مخيلتك
العديد من المناظر والنظريات ...فالواصل الي ابيي في ذلك الزمان لا يسعه الا ان يستدعي سيرة الخلاف والرصاص الكثير والحبر الاكثر الذي سكب في اشكال هذه المنطقة المدهشة....!!!
يمكنك ايضا ان تدلف الي التاريخ وتعانق السلطان الكبير دينق مجوك تدلف شمالا لبحث عن الناظر الكبير
بابو نمر....
ولكن بين تلكم الجغرافية المنهكة والقطاطي التي تلتف حول حامية جدرانها هي الخنادق المبنية من جوالات مليئة بالرمل تطل لتبحث عن (نامورا) تلكم البوطة او المجري المائي الشهير الذي سربت اخبار الينا في ليالي السمر مع الخال الجميل (اقور اياك) وملاح روب ودينق كوريت ويل والكثيرين من ابناء تلكم الفيافي الذين كان السمر والحديث معهم في ليالي دينقا ملي بسيرة التعايش والود والوئام...!!!
وتبحث ايضا عن تلكم النقطة التي اصاب اللغم عربة خالنا العزيز (تحسبو لعب) في مداخل ابيي ايامات السائق الاسطوري حسان بلج...!!!
ابيي وهج من الذاكرة وسيرة منطقة حطت عليها الرحال ذات يوم نحلق قليلا في هذا البوست لنريي ابيي بعيون عابر سبيل فيي واحدة من اكثر المناطق اثارة الجدل وهطولا للرصاص...
فالي ابيي ...!!!
|
|
 
|
|
|
|
|
|
|
|
Re: ابيي.......!!!!! (Re: شول اشوانق دينق)
|
| Quote: مع إنها الآن كومة رماد |
!
هلا يا شول وحبابك شديد والله
وهذا ما يؤسف له اي العزيز
وتلك المناطق لاتستحق الرصاص والقتل والتشريد والضياع
ويكفيها ما جري فيها من تهميش واهمال...
ونامورا وحوافها الخضراء يحتاج انسانها الكثير
ويجب ان يعود السلام والوئام تلكم الربوع فورا وفورا من اجل الفقراء والغلابة..
وعندما يعود ستعود الي ابيي واهلها جميعا سيرة جمالهم وروعتهم واغانيهم في ليالي النشوق
وتعود الي الراوبة طعهما المدهش وسيغني الجميع
مشار الويل
مشار الويل
دينج توج ويرا وار توج
مشار الويل دينج جيجي
مشار الويل دينج جيجي
لول لول
| |
|
|
|
|
|
|
|
|
|
Re: ابيي.......!!!!! (Re: عبدالكريم الامين احمد)
|
وقبل التحليق صوب ابيي
يجب ان يعي المركز ويعي ايضا من عليه ان يعي بان ابيي يصعب اقتلاعها من براثين وجدان اهلها واهل الفيافي المحفة بها واقصد هنا دينكا ومسيرية وكل الاثنيات التي ننعايش حولها...بتفرد به فرح به حرب به حزن به ايضا اخاء ومحبة وتاريخ وجغرافية ومناخ..
وان كان لابد من ذلك فعليهم اولا اجتثاث الجغرافية وتزوير التاريخ وتغيير المناخ وتغيير نمط ومزاج الابقار التي تحن الي احداثيات معينة في فترة معينة من مواسم السنة..!!
يجب ان تجتث تلكم (اللبخة) الكبيرة التي تظلل سوق المجلد وضارب جذورها في التاريخ فهي تجمع فقراء تلكم المناطق يجلسون حولها بكل حب واخاء وتسامح وتصاهر...
ود كور من دينكا نقوك
يعانق عبدالله خليل المزغني
يعانق ابوكويع (الاقار)
يعانق ادم دقن الاتي من قلب الجزيرة ابا
يعانقهم جميعا شروم محمد في زمانه الجميل....!!!
وعليهم ايضا اقتلاع محبة دينق مجوك من قلوب الجميع هنا
ومحبة بابو نمر من قلوب الجميع هناك..!!!
| |
|
|
|
|
|
|
|
|
|
Re: ابيي.......!!!!! (Re: شول اشوانق دينق)
|
| Quote: إنت بتجيب الكلام الدراب ده من وين ياخ |
هلا يا شول
دراب ده يا صحبي انا جبتوا بلوري بتاع دراب
كان شغال(مضول-مريال باي - يان اشويل- ابيي ) وبالعكس
ومرة مرة بمشي لحدي قوقريال واويل ...
وباقي دراب انا جبتو من اقور اياك ودينق كويت وملاح روب
وديل بنجات كبار انا اتربيت معاهم في بيت واحد
| |
|
|
|
|
|
|
|
|
|
Re: ابيي.......!!!!! (Re: shahto)
|
نعم يا شحتو
الجزيرة قبل قليل نقلت مشاهد تدمي القلب
وخلاص يا ود ابوك شالونا في الخشوم والقصة ادولت والاعلام الخارجي لمن يدخل خشمو في حاجة
فهذا يعني ان الامر جلل...
سقي الرحمن اهل تلكم الفيافي بالسلام والوئام فهم في حوجة لسلطة وادارة تعي معني انتشال المهمشين
من براثن الحرب والجهل والظلام...
وفليودع الجميع لغة الرصاص والدوشكا اللعين
| |
|
|
|
|
|
|
|
|
|
Re: ابيي.......!!!!! (Re: khaleel)
|
هاي يا خلي
وياريت يا ابو خليل يعم السلام وتلقي مساحة وزمن وتمشي تمتع روحك بالطبيعة علي اصولها
والناس الطيبة..
بلد دايرة ناس هميمة ونكران ذات وبسهولة ستتحول الي جنة نضيرة
| |
|
|
|
|
|
|
|
|
|
Re: ابيي.......!!!!! (Re: شول اشوانق دينق)
|
| Quote: إنت يا ود الأمين رابك ده وين من زمان ياخ؟ |
راب موجود يا شول من زمان(الا الغربة كراااااااج)
وتاني مفروض الناس تكون يد واحدة في وجه الذين يحبون الدماء والحروب..
وبجيك بمزاج عشان ندور بوستات ابيي دي كلها..
وفلنجلعها حملة وصيحة من اجل السلام والاخاء والمحبة..
| |
|
|
|
|
|
|
|
|
|
Re: ابيي.......!!!!! (Re: khaleel)
|
البترول ياخليل يجب ان يكون للسودان ان اردنا وطنا يحترم ثرواته..
ولكن قبل ذلك ياخلي يجب ان يسخر هذا الذهب الاسود لتنمية المنطقة التي تحتاج الي الكثير
ياخليل
مدارس
طرق
مستشفيات
بنيات تحتية
ولو صبر ولاة الامر فان ناتج السلم من زراعة وثروة حيوانية ومنتجات الغابات والسياحة
يمكن ان يدر الكثير من الاموال والاستثمارات لكل السودان ان اراد الجميع ان يعيشوا متوحدين...
هل تعلم ييا خليل ان ارض تلكم الفيافي في الستينات كانت تنتج قطن جيد التيلة وبالامطار التي تتوزع
بمهنية مطرية عالية....
الناس دي ياخلي مسلوعة ومنعولة السلطة والثروة التي تاتي علي جثث الابرياء والغلابة
| |
|
|
|
|
|
|
|
|
|
Re: ابيي.......!!!!! (Re: عبدالكريم الامين احمد)
|
سلمت يا أبيي يا درة ساكنة السودان
لا لترويع أبيي وأهلها الكرام أياً كانو ( دينكا - مسيرية)
كلنا للوطن أبناء
الله يجازي الكان السبب !!
هي قطعة غالية في وطننا الحبيب يأوي أخوتنا الكرام !
لا للحرب / لا للحرب / لا للحرب !!
نعم للسلام... نعم للسلام.... نعم للسلام ,,,
هشام
| |
|
|
|
|
|
|
|
|
 Re: ابيي.......!!!!! (Re: Hisham Ibrahim)
|
الطغمة الحاكمة في الخرطوم لا تحترم حتى العجزة والمرضي في ابيي...
احراق العجزة والمرضي ذنب لن تغتفر وجريمة نكراء تعبر عن صفحة سوداء
من تاريخ السودان وتاريخ حكم الاقليات المتغطرسة في الخرطوم.
نعم للسلام ونعم لاحترام حقوق الابرياء في الحياة ..
حكومة الجلابة في الخرطوم تكرر نفس اسلوب الحكومات التى سبقتها.
ففي أبيي تم القبض على المواطنيين المدنيين في جنح الليل واقتيادهم
الي نيمورا وقتلهم وتمثيل بجثثهم في صورة بشعة لا تعبر عن خلاف بين
مواطنيين في دولة واحدة حتى لو كانت حرب بين دولتين ليس هناك
دواعي ان يستفز مشاعرنا نحن دينكا نقوك...لنا اخوة ضباط في قوات
والشرطة السودانية مستمرين في عملهم في الشمال ويجب على الخصوم
احترام ادنى حقوق الانسان.لا دين تجيز حرق وقتل ابرياء او العجزة
والمرضي..
نحن متاكدين يوجد من استفادوا من قتل وحرق اهل أبيي من دينكا
نقوك على ايدي القوات المسلحة السودانية وهم الذين ركضوا الي أبيي
وقاموا بنهب ممتلكات اهالي أبيي وحرق سيارتهم وتدمير كل شئ واعتبرت
ممتلكاتنا غنائم في الحرب...
الرحمة والمغفرة لكل شهداءنا..
الرب يرحم ويحمي من لا دولة تحميهم..
أرض أبيي غالية الثمن لن تباع ولن تشترى
ولن تحتل لان العدو لن تستطيع ان تنقلها من مكانها
كما نقلوا الممتلكات وهم يتلذذون ويفرحون الان بالمال
الحرام ولن ينفعهم يوم القيامة ولا دين ولا رسول ينفعهم!!
تحية لارواح احباءنا الذين لن نراهم مرة اخرى.
جوك بيونق
| |
|
|
|
|
|
|
|
|
|
Re: ابيي.......!!!!! (Re: JOK BIONG)
|
| Quote: الطغمة الحاكمة في الخرطوم لا تحترم حتى العجزة والمرضي في ابيي |
هلا جوك
وكامل التعازي والرحمة للذين راحوا في هذه الاحداث الموسفة
والطغمة في الخرطوم هي السوس الذي ينخر جسد هذا البلد في كل اجزائه
ولا تريد ان تعي بان هذا الوطن قوانينه غير قوانينها ووجدانه ليس هو وجدانهم المحب للدماء والمال
وكل التحايا وسحقا للسلطان الفاسد القاتل
| |
|
|
|
|
|
|
|
|
|
Re: ابيي.......!!!!! (Re: Hisham Ibrahim)
|
Quote: سلمت يا أبيي يا درة ساكنة السودان
لا لترويع أبيي وأهلها الكرام أياً كانو ( دينكا - مسيرية) |
نعم يا هشام
وده الكلام الواقعي والمفيد الذي يجلب الاستقرار والتنمية والخير
لاهل ذلك المكان الجميل
وفلنصلي جميعا من اجل السلام وايقاف الحرب اللعينة
| |
|
|
|
|
|
|
|
|
|
Re: ابيي.......!!!!! (Re: عبدالكريم الامين احمد)
|
يا عبد الكريم
ياخ الناس ديل ما فاضيين يخلونا فى حالنا ... وياتو حال اريتو حال السرور ... حالنا الزى البلا لا مدارس ولا مستشفيات ولا يحزنون.
ياخ أهلنا لغاية هسع بيشربوا من الحفاير وبترولهم قاطع الفيافى لغاية بورتسودان ... شفته الحنك العينك يا تاجر وبعداك شبكونا المنطقة نسبتو فى البترول كم كده ما عارف ولغاية هسع مافى كان دينكاوى وللا مسيرى من الغبش ديل صادف ليهو جنيه من ده كلو...
بيتشاكلو براهم هناك (الشريكين) ويشبكونا بطيخ وكلام فارغ وأهلنا يدفعوا فى التمن وبعد ده كلو الغايزنى (المسخفين) من الدينكا والمسيرية بيطبلوا ليهم ويولعوا ليهم فى الشيشة ولمن يخسروا أهلهم ... أها جاك الكوراك ويا ريت بعد الكوراك يعملوا حاجة.
ياخ والله نحن لا نستحق ان نسمى بشر حتى.
لعن الله البترول مخلفاته
______________________________________________
معليش يا كيكى لكن بصراحة انا زهجان زهج السنين.
| |
|
|
|
|
|
|
|
|
|
Re: ابيي.......!!!!! (Re: شول اشوانق دينق)
|
| Quote: لعن الله البترول مخلفاته |
تحياتي يا شول
وعفوا علي التاخير ولكن دوما هي داخلنا مناطق الالتهاب الاحتراق
في هذا الوطن الذي صار غريبا وعجيبا وملي بالتناقض والواقع المرير...
وفلنعل يا شول السلطان المغرور الجاهل
الذي لا ينظر الا في اتجاه مصالح نخبته الضيقة
والبلاد تحترق من اقصاها الي اقصاها والنسيج يتمزق
وكل الود
ولكل تلكم الفيافي الحب الكبير
| |
|
|
|
|
|
|
| |
عبدالكريم الامين احمد
شول اشوانق دينق
shahto
khaleel
Hisham Ibrahim
JOK BIONG
فيس بوك
تويتر
انستقرام
يوتيوب
بنتيريست