|
:عن مغني جميل كان إسمه (النعيم بورسودان) ..!!
|
(*)
كنا نتداول غناءه على ذلك (الكاسيت) ذو اللون الأسود , ..
تعرفنا عليه محض صدفة , ..
ولكنا لم نعرف حتى يومنا هذا له (إسماً ) أو (رسماً) , ..
كان صوته هو بطاقته الشخصية ,
كان صوته هو (صورته) التي تخيلناها (أسوداً وأبيض) , لشاب نحيل وسيم مرهف ,
ذلك (الكاسيت) الأسود إختفى من الأسواق , وبعده لم نعد نسمع عن (النعيم بورسودان) , سوى أنباء
متفرقة , لكثيرين إدعوا معرفة به , ..
الآن نصف شباب السودان الذين يطلون عبر أجهزة الإعلام مغنيين , ..
لم يفعلوا شيئأً , سوى إستعارة صوت الغائب (النعيم) وتقديم أغنيات جديدة على طريقته , ..
لصوت (النعيم) و (مغيب) الشمس علاقة محببة ,
لا أذكره إلا وأذكر الشمس وهي تغوص بمياه النيل , مخلفة تلك الحمرة المخيفة ,
(كاسيت) يتيم (للنعيم) بورسودان صحبني سنيناً دون أن أمله , ودون أن أكف عن الطرب إليه ,
نسيته بين طيات أغراض كثيرة خلفتها بمدينة (أم القيوين) بالإمارات ,
أغراض كثيرة ليس بينها ما هو أقيم من (أغنيات) ,
مغني جميل إسمه (النعيم بورسودان) ..!!
(عدل بواسطة كمال علي الزين on 05-23-2008, 02:35 PM)
|
|
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال ادريس)
|
Quote: الاخ كمال: اعدتناالقهقرى لسنوات جميلة، لكن انصحك باللجوء لاخونا هارون دياب اكيد حيكون عندو نسخة من شريط النعيم وكمان الفنان صلاح محمد نور وادريس الامير. |
العزيز/ كمال إدريس
كان لي شرف إجراء حوار ربما كان الأخير مع الفنان/ إدريس الأمير عقب عملية بتر الرجل التي أجريت له , إن لم تخني الذاكرة كان الحوار بصحبة الزميل والصديق / محمد عثمان يوسف تركمان (حبة) شقيق (حسن بري) ..
رحم الله إدريس الأمير الذي تعرفت عليه عن قرب وهو أحد الذين أدهشوني حقيقة , رغم حزني على حظه الذي لم يعطه حقه من الشهرة , ..
عاطر الحب ..
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
العزيز كمال على الزين ،،،
والله رجعتنا لأيام جميله جدا من النغم الجميل فى بورتسودان ،،، أغنيات كثيرة سمعناها على لسان الفنان الرائع النعيم ،،، طبعا النعيم الآن استقر بالعاصمة المثلثة وترك بورتسودان ،،، وتحديدا هو الآن يسكن فى الحتانه ،،، سآتيك بمعلومات وافره عن نشاطه الحالى فى المداخلات القادمه ،،،
إنشاء الله سأكون معك متابعا بس ما تزهج من طلتي عليك ،،،
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: محمد خليل ساني)
|
ومن منا لا يعرف هذا الفنان الذى ظل صوته محفورآ فى وجدان جميع البورتسودانيين ...
يا لجمال صوتك ايها النعيم عندما تشدو بورسودان يا جنه ويا قبله وطنا فيها الحركه دائبه طول ليلا ونهارا ..........
التحيه لهذا الفنان العملاق .....
والتحيه لك اخى كمال ........
ودمت بالف خير
حسين
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
(*)
علاقتي بهذا المغني الجميل ,
لم تتعدى ذلك (الكاسيت) العتيق الطراز ,
هي بضعة أغنيات ,
إحداها كانت مناحة رقيقة تحت إسم (شمس المغيب الباكية) ,
كان يغنيها فترى رأي العين , أدمع الشمس التي تغوص في النهر ,
تشتم رائحة جروف النيل , عند هطول المطر ,
ظلمة تلفك حين يغني (النعيم) ,
ورقة تحاصرك أنى سمعته ,
ثم حين ينادي :
(إنتو ياناس كسلا ..
من مدة بعيدة
إحنا ماشفناكم
ولا ماشفناكم
بس نار الشوق
في قلوبنا شديدة)
كلمات أجزم أنها لو ترنم بها آخر غير (النعيم) ,
لما تعدى كونه يناجي (كسلا) وأهلها ومالنا ولهم ,
ولكن (النعيم) يدلق سحر صوته ورقة بحته تلك على كلمات الأغنيات ,
فتحسها ترتطم بقلبك وتخترق نبضه , ..!!
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
الحبيب / كمال مساء جميل والله هيجت الاشجان وذكرتنا اجمل الايام
النعيم ....الجميل ولغايت مانجيك بااخبار النعيم في بورسودان ظهرت اغنية : قطار القام قطار القام خلي النعيم واقف حيران جنب الجسر ودي كانت اخر عهدي بالنعيم الجميل الذي عطر مع فاروق والمرحوم امام ابراهيم ومحمد عثمان اماني وحيدر وعادل مسلم ليالينا الساحرة في نادي الكشافة وسينما الشعب وحفلات ديم كوريا الدكاكينية ....! راجع ليك بس اديني فرصة قصييييييييييييرة .
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: haroon diyab)
|
(*)
مقدمة مقال قديم كتبته عن الراحل / إدريس الأمير لصحيفة المشاهد :
(*)
إدريس الأمير ورائعته (سواكن ) , لم يكونا كل شئ , (إدريس) نفسه كان مجموعة أشياء ..
رجلُ حاكه الله جميلاً , صوتاً وصورةً ..
يومها أرقدوه على محفة , تحت ظل راكوبة حديثة بعض الشئ ..
كان قد خرج للتو من المستشفى عقب عملية بتر رجله اليسري ..
لكنه أدهشنا بأن روحه ودعابته , لا تشي بأنه فقد شيئاً قيماً , لم يكن متأثراً وأنسحب هذا الأمر على
زوجته ووحيده , فكأنهم فقدو (ظفراً) وليست إحدى (رجليه) ..
دمع سواكن الذي تصبه اليوم على أميرها ومغنيها وعاشقها , دين تأخر رده ذهاء الخمسون عاماً ..
_______________________________________________
رحم الله إدريس الأمير وهو مكتشف (مصطفى سيدأحمد) وهي معلومة غائبة عن الكثيرين ..!!
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
(*)
كنت أتعلق على حبائل صوته ,
(النعيم) , ..
كنت أمارس حبي لها رقصاً على لحن غناه هو,
وتخرج مني كلماته الممهورة بسحر صوته الدافئ اللعين ,
تخرج مني أفضل ماعندي ,
حتى السماء تحشد الغيوم ,
ذلك النهار الذي يصدح (النعيم) منتصفاً فيه كبده كما الشمس ,
إلا أنه أكثر دفئاً ,
تعلقي بصوت (النعيم ) ,
كذكرى حب جامح , في بواكير صبا كل شئ به منتصب ,
كالسيف حاد , حدة صوت (النعيم) ,
تذكرته ولم يكن قد غاب عن مخيلتي ,
تذكرته كلما خرج علي أحدهم مستعيراً صوته وسمته ورهافتة ,
منتحلاً ذات (النعيم) , ..
كل هذا رغم أنني لم أرى هذا المغني الجميل , ولو على أغلفة الكاسيت ,
ولم أعرف عنه سوى أنه (النعيم بورسودان) ,
الذي تحدى آخرين بمقدرته على جعلي أقول :
يا .. الله .. يالجمال هذا الصوت ..!!
(عدل بواسطة كمال علي الزين on 05-23-2008, 10:40 PM)
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
(*)
تخيلته وسيماً , ليس (كوسامة عبدالحليم حافظ) ,
بل وسيم بمعناها السوداني ذاك ,
كعبدالعزيز المبارك حين كان ,
وكالراحل (خوجلي عثمان) , ..
أو ..
بالعدم مألوفاً كرمضان زايد , (الله يقطع حلاة شناتو),
أرجو أن أرى له صورة ,
وأن أزامل صوته كما في خوالي أيامي ,
دعوات للنعيم بالعودة كما كان ,
سحراً ,
سراً ,
جمالاً تتحسسه وتبحث عنه , ..!
(عدل بواسطة كمال علي الزين on 05-24-2008, 08:33 AM)
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
بورسودان ثغر بلادنا الحبيبة كان بها ندي للأدباء والفنانيين يضم كل اتجاهات الفنون والأدب والثقافة وحينما حللت بتلك المدينة الساحرة مديرا لمسرحها قدم لي نفسه رئيس اتحاد الفنانيين ونقيب المطربين وقتها وكان وسيما أنيقا في زيه حلو الضحكة والمعشر صاحب ونسة فرحة وضحكة لانهاية لها اسمو بيشبهو زول جميل بالحيل واخو اخوان وود بلد وكريم خصال يا كيمو ذكرتنا ايام لاتنسى
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: محمد سنى دفع الله)
|
Quote: بورسودان ثغر بلادنا الحبيبة كان بها ندي للأدباء والفنانيين يضم كل اتجاهات الفنون والأدب والثقافة وحينما حللت بتلك المدينة الساحرة مديرا لمسرحها قدم لي نفسه رئيس اتحاد الفنانيين ونقيب المطربين وقتها وكان وسيما أنيقا في زيه حلو الضحكة والمعشر صاحب ونسة فرحة وضحكة لانهاية لها اسمو بيشبهو زول جميل بالحيل واخو اخوان وود بلد وكريم خصال يا كيمو ذكرتنا ايام لاتنسى |
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
(*)
السني يافنان
صباحات حلوة وندية ,
تعرف فترة طويلة أنا ومحمد عبدالرحمن (الرجل الموسوعة) (بدون وجوه طبعاً)
بنتذكر في (النعيم) ده , كلما نسمع مجموعة كبيرة من الشباب إبتداءً من (شكرالله)
ومجموعة تانية , بتحاول تقدم لينا (النعيم) بشكل جديد , ..
(النعيم) ده مظلوم ولا مالو ..؟
عارف يا (السني) في بداية التسعينيات (الكاسيت) ده , إتوزع بالملايين وفي فترة وجيزة ,
وبدون شركة يعني كيري ساي , ..
ولو حسبنا توزيع الكاسيت ده في إيامنا دي , يبقى النعيم ده ملياردير أسي ..!1
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
كمال ود الزين وضيوفه الكرام سلامات
نعم استمعت لهذا الشاب الفريد من نوعه وكنت قد تنبات له بمستقبل واعد ولكن فقط شريط واحد واختفي
اضافة لرائعة كسلا هناك اغنية جميلة اخرى كنت دوما استمع اليها
تقول مقطعها مصيري كيف الليلة يالمسافر
الليل رحل وودع نجوم الخ ............
فعلا بورتسودان كانت قمة في ابراز المواهب الجميلة
في ذهمت الاحداث التى تعج بها بلادنا فقط ذكرتنا ايام نحن ونحلم بان تعود الينا يوما قبل ان نموت
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: ابوالقاسم ابراهيم الحاج)
|
Quote: كمال ود الزين وضيوفه الكرام سلامات
نعم استمعت لهذا الشاب الفريد من نوعه وكنت قد تنبات له بمستقبل واعد ولكن فقط شريط واحد واختفي
اضافة لرائعة كسلا هناك اغنية جميلة اخرى كنت دوما استمع اليها
تقول مقطعها مصيري كيف الليلة يالمسافر
الليل رحل وودع نجوم الخ ............
فعلا بورتسودان كانت قمة في ابراز المواهب الجميلة
في ذهمت الاحداث التى تعج بها بلادنا فقط ذكرتنا ايام نحن ونحلم بان تعود الينا يوما قبل ان نموت |
صباحك خير يا أبو القاسم ..
ربنا يرجعك بالسلامة لي بورسودان , ويرجع النعيم للغنا الجميل ..
النعيم وإدريس الأمير , من أجمل المغنين السودانيين في الخمسين سنة الفاتت ,
لكن حظهم عجيب , ..
النعيم ده سجل الكاسيت ده في زمن كانت التقنيات فيهو متواضعة جداً ..
فمابالك لو عمل حاجة أسي ...؟
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: Salah Abdulla)
|
Quote: الأخ كمال ..
سلامات
استمعت للأغنيتين ، وأظن أن الموضوع لا يعدو أن يكون ارتباطاً وجدانياً بالنعيم .. ذكريات وأيام جميلة ...
بقية مساهمتي ، سأحجم عنها ، حتى لا أفسد عليكم شريط ذكرياتكم..
وفي الآخر كده ... حب الناس مذاهب .. وإختلاف الرأي لا يفسد للود قضية .. |
سلامات يا أخ / صلاح
تعرف كون النعيم ده يقدر يخلق إرتباط وجداني بين مجموعة مقدرة من الناس بأغنيات لا تتعدى
البضع على كاسيت قديم إنتج في نهاية الثمانينيات وبداية التسعينيات ويظل موجود في ذاكرة ناس
كتار ده شئ ما أظنو سهل ..
وبقية المساهمة التي أحجمت عنها لا أظنها ستفسد علينا شيئاً , بل ربما تفتح أعيننا وأعين
النعيم عن ماغاب عنا , ..
ولنا في حب النعيم مذهب , ولا أظن أن الناس قد أجمعت يوماً على شئ ..
وللحقيقة ذاكرتنا حين تبحث عن بعض مامضى من جمال , لابد لها أن تستصحب من أرتبط بهذا الجمال
وإن كان فيه قبح , ..
هذا رغم أنني أجزم أنني لم أستمع لأجمل من النعيم من المغنيين الشباب ..
ومضينا في حبه ومضى بنا حبه حتى اليوم , وصار فينا جميلاً وقد يختلف حوله ..!!
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: محمد عبدالرحمن)
|
Quote: ياكمال ..اووو (على قول كيكى)..
النعيم صديق الذكريات والامسيات الجميلة ..
جاييكم احكى ليكم ..وان شاء الله (شمس مغيبكم لاتبكى)..
|
مرحبتين يا (محمد)
الأمسيات الجميلة , تختلف
والذكريات تتعد , ..
أليس غريباً أن يكون هذا (الساحر) النعيم قاسماً مشتركاً ,
بين مواضي الكثيرين , ..؟
النعيم الذي لم أراه , ولا أعرف له شكلاً ,
وربما أنت أيضاً لم ترى له شكلاً ,
عجيب أمره , ..
تواترت أنباء عنه , حين غاب , ..
بين من يقول أنه قد (جن) ,
وآخر يقول أنه قد (فقد بصره) ,
وآخرين الآن يقولون أنه موجود وبأمدرمان ,
كيف إستطاع هذا الرجل أن يجعل الناس يحبونه ويستلقطون أنباءه ,
ويفتقدون صوته , ..
لا شك أنه جميل كما أراه ..!!
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
(*)
هاتفني أحدهم من (هولندا) في مايبدو,
لم يكن صوته واضحاً , لكنني إستطعت أن أميز كلماته هذي :
إسمه (فتحي) ويعشق (النعيم) وله مع صوته ذكرى جميلة كحالنا ,
لكنه أيضاًلا يعرف عنه شيئاً , ..!!
وقد أعاده هذا (البريد) إلى ذكرى جميلة , وهو معجب بالنعيم أيضاً ,
وسبحان الذي حبب النعيم إلى خلقه ..!!
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
سلامات ياكمال
صدقني هذا المبدع يستاهل كل الكلام الحلو القلتوه فيه واكثر إستمعت الى اغنية المسافر نهاية التسعينات ودأبت على إستماع هذا الصوت الرخيم كلما تعتريني خرمة للغناء شكرا ليك كثير على الإحتفاء بمبدع كدنا أن ننساه وسط زحمة المقلدين من كل جنس
..... اطلب من الاخ يسرى معتصم ان يضع رابط للحفظ اذا كان ذلك ممكنا له الف شكر على رفد البوست بالاغنيتين الجميلتين
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: حيدر حسن ميرغني)
|
Quote: سلامات ياكمال
صدقني هذا المبدع يستاهل كل الكلام الحلو القلتوه فيه واكثر إستمعت الى اغنية المسافر نهاية التسعينات ودأبت على إستماع هذا الصوت الرخيم كلما تعتريني خرمة للغناء شكرا ليك كثير على الإحتفاء بمبدع كدنا أن ننساه وسط زحمة المقلدين من كل جنس
..... اطلب من الاخ يسرى معتصم ان يضع رابط للحفظ اذا كان ذلك ممكنا له الف شكر على رفد البوست بالاغنيتين الجميلتين |
سلامات ياحيدر
تعرف من مدة بتجي سيرة النعيم كتير في ونسات مع أصدقاء كتار , أحدهم (محمد عبدالرحمن)
كل مرة أقول ياخي أنا لسا فاكر الزول ده وعاوز أكتب عنو , مرات أنسى وأنشغل , ومرات أعتقد إنو مافي زول غيري وكم نفر كدة بعرفوهو وبتذكروهو , وأقول ياخي ما بفرض زوقي على الناس وأعمل زحمة بي بوست عن زول بحبو أنا وبس ..
من كم يوم طلع علينا واحد مغني شاب , غنى أغنية غناها النعيم وغناها بي صوت النعيم وبي طريقتو وماجاب أي حاجة من عندو , ..
حقيقة زعلتا وقلتا ياخي ما بدها أنصف الراجل ولو على حساب (السيرفر بتاع بكري) ده ..
ونتمنى أن نعود لنستمع للنعيم من جديد بأغنيات خاصة وبنفس نكهة النعيم الجميل ..
عاطر الحب ..
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: يسرى معتصم)
|
Quote: >الحبيب كيمو والأخوة المتداخلون سلام بورتسودان سر غامض فى حياتى المدينة التى أحببت أول مرة أزور بورتسودان مع والدى متعه الله بالصحة والعافية ونحن صغار كان الوالد مكلف بتحكيم مبارأة حى العرب والهلال فى الدورى طلعت درون بقون على الدمازين الشهير ومن ديك عرباوى مووت. فى كسلا يسكن جيراننا مجموعة من فنانى وعازفى الأورغن من بورتسودان منهم فائز وحافظ فظاعة وياسر أبراهيم...........
|
العزيز / يسرى , (بورسودان) لم أرها , ولم أرى (كسلا) حتى , إلا أنها مدن على أبوابها لافتات تقول :
(مبدعون كثر مروا من هنا) ..
وستظل تعطي رغم جور الزمان والقحط الذي ضرب النفوس والفؤوس ..
Quote: >طلب كيمو جاهز وطلب أخى حيدر للروابط
شمس المغيب
|
شكراً (يسرى) فهي مناحة حنينة , ..
وجمال صوت النعيم يلفها حزنا , ..
عاطر الحب ..
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: حيدر حسن ميرغني)
|
Quote: ملاحظة فى محلها ياكمال
بعدين أجمل موسيقى صاحبت اغاني مبدعي بورتسودان (حيدر/ مسلمي /النعيم) كانت طالعة من البيانو ولم يبدع قبلهم فيها اي احد حتى من
العاصمة نفسها
يعني النعيم ده لو واصل لحدي الان كان ممكن يبدع بدرجة اكبر
ليته يعلم بهذا الإحتفاء .. ويعود |
مساء الخير ياحيدر
ياليته يعود , فصوته وطريقته المحببة ولونيته التي صارت الآن ضرباً إتخذه شباب كثر , أولى بها هو ,
وكم أسعدنا (النعيم) دون أن نقول له شكراً ..
وحقيقة مع الإمكانيات التقنية المتوفرة حالياً , ستخرج أعماله بصورة أكثر جمالاً ..
عاطر الحب ..
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
العزيز كمال على الزين ،،،
قد أكون أكثر الناس سعادة فى هذا اليوم وأنا أسمع صوتا ذا جرس جميل ،،، إنه صوت الرائع المبدع النعيم أحمد إبراهيم ،،،
هذا النجم الذى لم يافل بريقه رغم مرور السنوات وبُعد المسافات ،،،
ترك مدينة الثغر الباسم بورتسودان باحثا عن لقمة العيش بعيدا عن الفن والمغنى ،،،
إرتضى أن يبتعد مكرها عن عشقه الأول والأخير ،،، الغناء ،،، اختار أن تكون أم درمان عاصمتنا الوطنية مكانا طيبا للعيش بعد سنوات بورتسودان الثرة ،،،
اليوم عزيزي كمال ،،، واليوم فقط أعدت شجون تلك الأيام الخوالى وأنا أتحدث عبر الهاتف مع هذا النجم البَرّاق ،،، صوته يحمل ذات النغمات الجميلة ونفس الملامح الرائعة التى أمتعنا بها عبر أغنيات رائعه ،،،
لقاء قصير أجريته معه عبر الهاتف سيكون مدخلا لحوارات أخرى ولمعلومات رائعة جديدة عن هذا الفارس الرائع ،،، النعيم أحمد إبراهيم ،،،
وعدتك أخى كمال ،،، وها أنا أفي بوعدي لك ،،، واشكرك على حسن الإستضافة والقبول ،،،
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: محمد خليل ساني)
|
Quote: اليوم عزيزي كمال ،،، واليوم فقط أعدت شجون تلك الأيام الخوالى وأنا أتحدث عبر الهاتف مع هذا النجم البَرّاق ،،، |
والله ياسانى اثبتا انك زول خطيررررررر مره قلتا لى جبتا الاسد من شواربه .....
عفيت منك يا صاحب ......
عارف اخر عهدى بهذا الفنان الجميل فى حفل زواج شقيقى سيف الدوله وذلك فى مطلع التسعينات .
وعلى ما اعتقد وقتها كان يعمل بالتجاره بمكتب العم الكريم حامد على شاش ولم ادرى بانه ترك بورسودان ليستقر بام درمان .... وانه ان رحل جسدآ لكنه لم يرحل روحآ وابداعآ بدواخلنا .
وعزاؤنا صوتك الجميل الذى يدغدغ وجداننا ايها الشادى الوريف .
الاخ كمال الزين ..... لايعرف الاحجار الكريمه الا امهر الصاغه .......
لك كل معانى الود
حسين
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: حسين عوضاى)
|
عزيزي كمال ،،،
هذا البوست الرائع هو ما دفعني للبحث عن هذا العلم الفنان النعيم أحمد إبراهيم ،،،
مرت سنوات طويلة منذ آخر مرة إلتقيته فيها ولعلها مناسبة فى منزلنا حيث كانت جميع مناسباتنا تحفل بهذا الحضور الطاغي للفنان النعيم ،،،
سعيت للبحث عن مدخل لأصل الى هذا الفنان بعد هذه الغيبه ،،،
لم أجد سوى صديقى وابن مدينتي بورتسودان الفنان الرائع عادل مسلم ،،، هاتفته بالأمس أسأله عن النعيم بعدما قرأت هذا البوست التذكيري بهذا البلبل الصداح ،،، أسعدني عادل مسلم بأنه على تواصل حميم معه فى كثير من المناسبات وهو من أمدني بالأمس بمعلومة أنه يسكن الحتانه ،،، لكن فى فترة سابقة بعد عودة عادل مسلم لبورتسودان بعد فترة قضاها بالخرطوم تحول النعيم الى أم درمان فى منزل بالقرب من المستشفى الصيني ،،،
حاولت طوال يوم أمس الإتصال به لمعرفة أخباره ونقلها عبر هذه المساحه لكن كل المحاولات باءت بالفشل ليكون الإنتظار ليوم جديد هو يومنا السبت ،،، ليكون اللقاء الهاتفى مترعا بكل جميل من الذكريات الرائعة الجميله خاصة وأنه كان يسكن فى ذات المنطقة التى اسكنها فى الثورة الجديده بمدينة بورتسودان المدينة الأم ،،، يتبع ،،،
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: محمد خليل ساني)
|
Quote: جايييييك يا حسين ما تستعجل ،،،
قاعد أكتب فى نص المحادثه يا بطل ،،،
باقى دقيقه وساني يجيبها ،،،
خليك قريب ،،، |
احترافيه وتلقائيه ما عاديه .
معاك مان تو مان لكن باسلوب المهره والمبدعين تمكنت من احراز هدف جميل كعادتك فى كل الملاعب
شكرآ كتير العزيز محمد خليل ...... والشكر اجزله للاخ كمال الزين الذى ارجعنا الى زكريات جميله
مع اجمل الفنانين قلبآ واداء ........
التحيه للفنان النعيم ولكل مبدعى بلادى .
حسين
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: حسين عوضاى)
|
Quote: والله ياسانى اثبتا انك زول خطيررررررر مره قلتا لى جبتا الاسد من شواربه .....
عفيت منك يا صاحب ......
عارف اخر عهدى بهذا الفنان الجميل فى حفل زواج شقيقى سيف الدوله وذلك فى مطلع التسعينات .
وعلى ما اعتقد وقتها كان يعمل بالتجاره بمكتب العم الكريم حامد على شاش ولم ادرى بانه ترك
بورسودان ليستقر بام درمان .... وانه ان رحل جسدآ لكنه لم يرحل روحآ وابداعآ بدواخلنا .
وعزاؤنا صوتك الجميل الذى يدغدغ وجداننا ايها الشادى الوريف .
الاخ كمال الزين ..... لايعرف الاحجار الكريمه الا امهر الصاغه .......
لك كل معانى الود
|
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
الاستاذ كمال الزين وضيوفو الموقرين
شدتنى هذه الإلفه التى تجاذبتموها بحميميه إفتقدناها زمانا فى البورد.
هل قرأتم محاكمات الوغد دكين عصرئذ على يد قاضى قضاة لاهاى ؟
تجذبنى الكتابه الحميمه ، اتذكرون بوست (ناسنا)؟
اتفق مع الاخ صلاح عبدالله ..
ذكرتنى اغنيات هذا الفنان الإنسان الجميل ..فنانا جميلا ايضا و (زمرة اصدقاء ) لإرتباطات وجدانيه
زمانئذ ..مافى داعى لذكر عدد السنين !! إسمه سليمان محمود من سنار المدينه والعبدلله وزمرتو
وتداعياتم كانت فى عروس النيل الازرق (سنجه)..
ارقدوا مشدنين .!
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: فارس موسى)
|
Quote: الاستاذ كمال الزين وضيوفو الموقرين
شدتنى هذه الإلفه التى تجاذبتموها بحميميه إفتقدناها زمانا فى البورد.
هل قرأتم محاكمات الوغد دكين عصرئذ على يد قاضى قضاة لاهاى ؟
تجذبنى الكتابه الحميمه ، اتذكرون بوست (ناسنا)؟
اتفق مع الاخ صلاح عبدالله ..
ذكرتنى اغنيات هذا الفنان الإنسان الجميل ..فنانا جميلا ايضا و (زمرة اصدقاء ) لإرتباطات وجدانيه
زمانئذ ..مافى داعى لذكر عدد السنين !! إسمه سليمان محمود من سنار المدينه والعبدلله وزمرتو
وتداعياتم كانت فى عروس النيل الازرق (سنجه)..
ارقدوا مشدنين .! |
العزيز / فارس
أها ياسيدي حا أفاجأك بكلام كتير عن سليمان محمود ده وذكريات كتيرة معاهو ..
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
كنت في جلسة أنس مع بعض الأخوة بمدينة الرياض.. جات سيرة الفن وأهل الفن ...ببورتسودان .. والحقيقة جات سيرة واحد صديقنا إسمه عبد العظيم الطاهر ... راجل أديب وكاتب لا يشق له غبار وشاعر من الطراز الأول .. ففاجأوني بأنه كان فنان ويمتلك خامة صوتية ما ساهلة .. وبدأت ذكرياتهم عن بورتسودان ... وجات سيرة المحتفى به .. النعيم ... وإتفقوا انه كان عبقري زمانه .. وكان متفرداً وكان قائداً لركب الغناء في الشرق .. وها أنذا أفاجأ الآن وبعد أسبوع من اليوم ببوست عن النعيم ..
دم نعيما يا نعيم .. وتشكر يا كمال ...!
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: عثمان دغيس)
|
Quote: وبدأت ذكرياتهم عن بورتسودان ... وجات سيرة المحتفى به .. النعيم ... وإتفقوا انه كان عبقري زمانه .. وكان متفرداً وكان قائداً لركب الغناء في الشرق .. وها أنذا أفاجأ الآن وبعد أسبوع من اليوم ببوست عن النعيم ..
دم نعيما يا نعيم .. وتشكر يا كمال ...! |
شكراً دغيس
والنعيم فعلاً كان متفرداً في زمانه , ..
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: Ashraf el-Halabi)
|
Quote: متذكر الشريط دا يا كمال حتى المذيع بقول فيهو (....... مع الفنان العائد النعيم) سألت: الفنان اسمه العائد النعيم !؟ قالوا لي: العائد نسبه لعودته للغناء بعد ما خلاه مدة |
والله ذاكرتك متينة يا (أشرف) اللهم لا حسد , صدقت هكذا كانت مقدمة الشريط ..
ويبدو أن (النعيم) قد تعود على الغياب فأرجوأن يكون قد تعود على العودة ..
عاطر الحب ..
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: بكري الخير)
|
Quote: ياالله
والله زمن عجيب جدا
النعيم بورتسودان الصوت الشجي
يخليك تعيش في دنيا تانية من الخيال
ربنا يديهو الصحة والعافية
مصيري كيف الليلة يا المسافر الليل رحل ودع نجومو وانا ياني المساهر
نزلو لينا الرابط بتاع باقي الشريط الرائع دا يا جماعة |
مرحبتين (بكري)
ومعك ننتظر (يسرى ) لإنزال بقية أغنيات الشريط , ..
عاطر الحب ..
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: معتصم محمد صالح)
|
Quote: سلام ياكيمو
والله رجعتني 20 سنة وفي مدينة بورتسودان وحي الموانئ تحديداً وحفل زواج صديقي عامر فضل الله وبالقرب من البحر الاحمر وصوت النعيم يتمدد في تلك الامسية المحفورة في ذاكرتي ..
لك التحايا وللمبدع يسري وللنعيييم
وفي انتظار الصور .. |
نرجو أن تتأخر الصور يا (خليل)
شكراً معتصم ..
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
يا سلام عليك يا غالى لقد ارجعتنا الى سنوات الغناء الجميل ( شمس المغيب الباكية فى كل مكان متاكية نور بديع فى الموجة والموجة زيك راحلة ) و ( لى حبيب شاغل بالى دايما محطم امالى ) النعيم احمد او النعيم بورتسودان عرفته والتقيته سواء كان فى ( ترب هدل ) او فى ( دار اتحاد الادباء والفنانين ببورتسودان ) هذا الصوت الشجى كم اطربنا اشكرك يا غالى فلقد ارجعتنا الى الزمن الجميل ليك كل ودى وخالص تقديرى واحترامى
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: بجاوى)
|
Quote: يا سلام عليك يا غالى لقد ارجعتنا الى سنوات الغناء الجميل ( شمس المغيب الباكية فى كل مكان متاكية نور بديع فى الموجة والموجة زيك راحلة ) و ( لى حبيب شاغل بالى دايما محطم امالى ) النعيم احمد او النعيم بورتسودان عرفته والتقيته سواء كان فى ( ترب هدل ) او فى ( دار اتحاد الادباء والفنانين ببورتسودان ) هذا الصوت الشجى كم اطربنا اشكرك يا غالى فلقد ارجعتنا الى الزمن الجميل ليك كل ودى وخالص تقديرى واحترامى |
صدقت يا(بجاوي) النعيم فنان جميل وصوت نادر ..
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال ادريس)
|
العزيز كمال إدريس ،،، وينك يا بطل ،،، إنت عارف أخونا كمال على الزين ده عمل حاجه لذيذه جدا ،،، البوست بتاع النعيم ده بوست الذكريات الجميله ،،، بعد غيبه حوالى 10 سنوات بحثت عن النعيم لأسترجع ذكريات الماضي الجميل ،،، يا كمال إدريس الكاميرا جاهزه وجايبها معاى نهاية الشهر ده ،،، قول إنشاء الله ،،، النعيم رسل الصوره يا شباب جاياكم بى جاااااي ،،،
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
الللللللللللللللللللللللللللله ياكمال وياساتي
والله الليلة لما سمعت انتو ياناس كسلا حسيت باحاسيس غريبة
ورجعت لبورسودان في بداية التسعينات
وبالمناسبة انا الشريط دا سمعتوا من دون مبالغة الاف المرات وفقدتو قبل فترة قريبة
وكمان الراجل الطيب دا حضرت ليه حفلات كثثثثثثثثثثثثثثثثيرة في بورسودان
حرجع ليكم بتفاصيل
والله ياكمال انا كنت مفتكر انو النعيم مافي ناس كثيرين بيعرفوه بس اندهشت للبوست دا
وبمناسبة الصورة الزول دا بيشبه عاصم البنا شديد بس مع شوية خنفسة شعر
ولي عودة
وشكرا لكم لانكم افرحتم دواخلي بالحان وذكريات شجية
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: ايوب عبدالرحيم)
|
Quote: الللللللللللللللللللللللللللله ياكمال وياساتي
والله الليلة لما سمعت انتو ياناس كسلا حسيت باحاسيس غريبة
ورجعت لبورسودان في بداية التسعينات
وبالمناسبة انا الشريط دا سمعتوا من دون مبالغة الاف المرات وفقدتو قبل فترة قريبة
وكمان الراجل الطيب دا حضرت ليه حفلات كثثثثثثثثثثثثثثثثيرة في بورسودان
حرجع ليكم بتفاصيل
والله ياكمال انا كنت مفتكر انو النعيم مافي ناس كثيرين بيعرفوه بس اندهشت للبوست دا
وبمناسبة الصورة الزول دا بيشبه عاصم البنا شديد بس مع شوية خنفسة شعر
ولي عودة
وشكرا لكم لانكم افرحتم دواخلي بالحان وذكريات شجية |
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: كمال علي الزين)
|
أخى كمال ،،،
الأخوة المتداخلون ،،،
إليكم السيرة الذاتية للنجم النعيم ،،، حسب ما أرسلها لى عبر البريد الإلكتروني ،،،
الاســـــــم :- النعيم احمد ابراهيم ( النعيم بورسودان)
الحالة الاجتماعية :- متزوج ولى ثلاثة بنات وثلاثة أولاد
( إسراء تدرس بالمستوى الرابع صيدلة جامعة الخرطوم , آلاء مدرسة العلوم الإدارية جامعة الخرطوم , أحمد , كلية القانون جامعة الخرطوم , سجود – عمادالدين - محمد بالمراحل التعليمية المختلفة) العنوان :- امدرمان – امبدة الجميعاب-منزل رقم( 979)
محل العمل :- شركة طوابق العالمية لتنمية الاستثمارات العقارية
| |
|
|
|
|
|
|
Re: :عن مغني جميل كان إسمه (النعيم بورسودان) ..!! (Re: محمد خليل ساني)
|
Quote: الاســـــــم :- النعيم احمد ابراهيم ( النعيم بورسودان)
الحالة الاجتماعية :- متزوج ولى ثلاثة بنات وثلاثة أولاد
( إسراء تدرس بالمستوى الرابع صيدلة جامعة الخرطوم , آلاء مدرسة العلوم الإدارية جامعة الخرطوم , أحمد , كلية القانون جامعة الخرطوم , سجود – عمادالدين - محمد بالمراحل التعليمية المختلفة) العنوان :- امدرمان – امبدة الجميعاب-منزل رقم( 979)
محل العمل :- شركة طوابق العالمية لتنمية الاستثمارات العقارية |
| |
|
|
|
|
|
|
|