|
|
 رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabir
|
هاهي مساحة افتحها لك زميلي المحترم عامر جابر لتفرغ كل مافي جوفك تجاهي مرة وأحدة بدلا عن ( الغمز واللمز) وتشتيت جهودك بين البوستات !!
( مرة يغمز الصحفية التي صعدت بسرعة الصاروخ ومرة المذيعة التي صعدت بسرعة الصاروخ) ولأني لا عندي صواريخ ولا ركّشات فعايزة أفهم الزميل مالو معاي بصراحة كده !!
المنبر ده الزول كافي خيرو شرو فيهو ولا يوم بغلط على زول ولا عندي مشكلة مع زول لكن بلاقي اسمي يتحشر لا ايدي لا كراعي في بوستات بشكل أقل مايمكن أن يوصف به انه غير مقبول !!
الأخ عامر
لا يجمعني بك سوى هذا المكان ولا أعرف عنك شئ غير بعض مداخلاتك هنا ولم أتعامل معك بلا احترام يوماً فلماذا تزج بأسمي في مداخلات بطريقة غير لائقة ؟!!
الوطن به مابه من مواجع والآم في دارفور وامدرمان والقلوب بها مابها من هموم وأشجان ومحن ووالله الحكاية ماناقصة كمان نتعرّض لبعض غمزا ولمزا من دون أسباب معلومة !!
اهو بوست كامل ايها الزميل الفاضل فقل ماعندك أو كف عن ايراد اسمي بهذه الصورة غير الكريمة !!
|
|
 
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: amir jabir)
|
الزميل المحترم عامر جابر
أهلا ومرحب بمرورك الكريم
| Quote: ولى شنوا فاتح ليكى بوست عريض طويل ...... |
فاتح البوست عشان بدل ماكل ماتدخل بوست أحد الأعضاء تخت أسمي أو وصفي فعلى الأقل ممكن تقول الفي نفسك كلو عن هذه (المذيعة والصحفية التي صعدت بسرعة الصاروخ) في بوست وأحد .. ده القصد من البوست الطويل العريض ده !!
Quote: بدل ما تفتح بوست فى حضرت الزميل المحضرم افتحى بوست ورينا تقد رحلوا ولا يا استاذة
ولية ما رحلوا وابعدو من مصر |
أنا ( واعوذ بالله من كلمة أنا) جبت ليك خبر انو الأستاذ المحامي أحمد تقد لسان تم التحفّظ عليه بواسطة السلطات المصرية وبأذن الله لما أعرف معلومة رحلوه ولا لسة برضو حاأكتبها في الجريدة وحاتلقاها زي مالقيت خبر التحفظ عليه من خبري !!
لكن ده شنو دخلو بالمذيعة والصحفية والصاروخ ممكن أفهم ؟!!!
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: خالد الطيب أحمد)
|
المحترم خالد الطيب أحمد
شكرا للحضور والتعبير عن مكنون ذاتك طالما وجدت له المساحة هنا !!
Quote: نادية ..
بعيد عن الموضوع ..
انا كنت بكره صفحة الفيديو القديمة لانها كلها فيديوهات
مسيخة وحامضة جدا ليك..
مرة عاملة شاعرة..
ومرة عاملة فنانة..
واصلا صحفية!!
حيرتينا
والله في النهاية بقيت ازوغ من اي فيديو بحرف الــ n
بس المشكلة انو الصفحة كلها
n.wmv
nn.wmv
nnn.wmv
nnnnn.wmv
nnnnnnnn.wmv
nnnnnnnnnnnnnnn.wmv
nnnnnnnnnnnnnnn.wmv
nnnnnnnnnnnnnnnnnn.wmv
nnnnnnnnnnnnnnnnnnnnn.wmv |
مع اني أصلا ماعارفة يعني شنو صفحة الفيديو القديمة دي لكن نصيبك تلقاني في كل الصفحات البتفتحها مرة ( عاملة شاعرة) ومرة فنانة .. فنانة دي جديدة لنج أنا زاتي اتفأجات بيها هسي والله لكن فنانة بتغني ولا تشكيلية ولا شنو لقيتني ؟!!
ورأيك مقدّر ومقبول ومحترم لدي ولا يمكن أن يجبرك أحدا على استساغة رؤيتي ولك أن تغلق الفيديو زي ماعايز !!
| Quote: وكلها رافعها زول واحد!!! |
أها يازميلي المحترم الذي لم أغلط في حقه مرة وأحدة لحدي هنا ومابقبل منك الكلام والتلميح الجارح ده !!
فهذه الفيديوهات التي تقول عليها رفعها مرة أخي وصديقي النبيل تمبس ومرات أخي وقريبي الصحافة تلاتين ومرات أخوة واصدقاء هنا لا استحضر اسمائهم الان .. فأي ( زول واحد) تعني ومن هو وما الذي تريد أن تصل اليه بتلميحك هذا ؟!!
Quote: عامر سلام ..جيتني في جرح..
|
وليه انتظرت لحدي ما الزميل عامر يجيك في جرح وكت شايل في نفسك ده كلو ؟!!
بركة الاتفشيت اقايتو !!
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: نادية عثمان)
|
يا نادية:
ما تخليكي متناقضة في سطرين!
قلتي في السطر الأول:
Quote: مع اني أصلا ماعارفة يعني شنو صفحة الفيديو
القديمة دي لكن نصيبك تلقاني في كل الصفحات البتفتحها |
وجيتي في السطر البعدو وقلتي:
Quote:
فهذه الفيديوهات التي تقول عليها رفعها مرة أخي وصديقي
النبيل تمبس ومرات أخي وقريبي الصحافة تلاتين ومرات أخوة
واصدقاء هنا لا استحضر اسمائهم الان .. فأي ( زول واحد)
تعني ومن هو وما الذي تريد أن تصل اليه بتلميحك هذا ؟!!
|
المهم ما علينا كتير..
أنا ما بعرف ألمح والعاوز اقولو بقولو..عينك يا تاجر
قلت رفعهم زول واحد كلهم..وقصدت بذلك بصمة الفيديو والتسمية والبرنامج المستخدم
لأني عانيت كتير جدا في المسألة دي وبقيت أتحاشي حرف الـ n لا أكثر ولا أقل
علشان ما تمشي بعيد!
ولو في نفسي حاجة صدقيني كنت كتبتها مباشرة !
مع إحترامي ليكي ولأي ممن ذكرتيهم أعلاه.
ده كل الموضوع..
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: خالد الطيب أحمد)
|
المحترم خالد الطيب
حبابك
Quote: ما تخليكي متناقضة في سطرين!
قلتي في السطر الأول: |
والله نا ولا متناقضة ولا شئ لانو ويشهد الله ببساطة ماعارفة ياتو صفحة فيديو الكلها أنا دي لكن بعرف الفيديوهات البعملوها الزملاء وينزلوها هنا في المنبر ده وديل البقصد انو رفعوها تمبس والصحافة واخرين لكن الانت بتقول عليها صفحة الفيديو دي يعميني فيها ماعارفة بتقصد بيها شنو .. قصدك صفحة الأغاني ؟!!
زميلي المحترم خالد
Quote: المهم ما علينا كتير..
أنا ما بعرف ألمح والعاوز اقولو بقولو..عينك يا تاجر
قلت رفعهم زول واحد كلهم..وقصدت بذلك بصمة الفيديو والتسمية والبرنامج المستخدم
لأني عانيت كتير جدا في المسألة دي وبقيت أتحاشي حرف الـ n لا أكثر ولا أقل
علشان ما تمشي بعيد!
ولو في نفسي حاجة صدقيني كنت كتبتها مباشرة !
مع إحترامي ليكي ولأي ممن ذكرتيهم أعلاه.
ده كل الموضوع.. |
والله أنا لو كنت شاطرة في الكمبيوتر زيك كنت فهمت يعني شنو بصمة وبرنامج وتسمية لكن ولأن (من قال لا أعرف فقد أفتى)
وريني يعني شنو كلامك وكيف يكون زول واحد ماممكن يكون اكتر من زول مستخدم ذات الطريقة .. ومنو الزول الرفعهم برضو يمكن معرفته يعني ؟!!
ومعليش لأنك عانيت بسببي دون أن يكون لي يد في ذلك !!
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: mohmed khalail)
|
المحترم محمد خليل
| Quote: لا يا اخوانا إلا نادية.. |
لا يا اخي ليست نادية بل كلو الا كل الاخوات والزميلات شقيقاتكم في المنبر
كلو الا تماضر الخنساء وآمنة مختار واشراقة مصطفي وتراجي مصطفي ولنا مهدي ود نجاة ( بيان) وانعام حيمورة وميادة وفدوى وهند وانعام عبد الحفيظ ورجاء ورواية العباسي وتماضر شيخ الدين ومنال ومني وماجد عوض خوجلي وعزاز شامي ودينا خالد ورشا ورندا حاتم وسلمي الشيخ وبتها عزة ونور تاور وشمائل وايمان احمد وصفية وناهد بشير الطيب وعواطف وسهام موسى وماما دومة وفاطنة بت عشة وعالية ومنال محمد علي ووووووووووووووكل كل الزميلات الصديقات والاخوات هناالذين لم تحضرني اسمائهن الكريمة في هذه اللحظة .. فلا أحد يرضى لشقيقاته الاهانة والتجريح ولو بالتلميح !!
وكلو الا اي عضو أخ وزميل وصديق معنا هنا في هذا الصرح الذي جمعنا اهل وأصدقاء وزملاء من شتى منافي الأرض نختلف نعم نتحاور وربما حتى ( نتشاكل) ولكن لا نستهزئ ولا نجرّح ولا نبخّس بعضاً بعضاً في غير ما داعِ لذلك !!
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: Al-Shaygi)
|
يا استاذة نادية عثمان الناس بتاعين المخابرات المصرين المسؤالين من الملف السودانى ديل من الجيزة ناس العقيد محمد صلاح الى مكتب لازغلى بعرفوا واحد واحد وهناى رسالنا زاتوا بعرفنى كويس .. وبعدين تعالى يازولة فى تحقيق صحفى مية مية عنه سودانية فاطمة عبد الرحمن تم اغتصبة وقتلت بواسطة عمروا رجائ احمد فى مارينا وبعد كتلة كويس غرق فى حوض السباحة عمروا رجائ احمد دة مهندس قريب سوزان مبارك الاسرة تسكن فى المعادى شارع (77 اسرة فاطمة ولو رحلوا بجيبك ليكى العنوان الجديد).. ومافى بلاغ اتفتح حتى الان عايزين تحقيقى صحفى منك وفى ملف كامل عن حالات الاغتصاب لسودانيات قاصرات تمت فى مصر لو تحبى تتابعى كويس خليكى من ناس حركة العدل والمساوة ديل..
ملحوطة فاطمة كانت شغالة معاهو جليست اطفال مسجلة فى الامم المتحدة دة رقم الملف بتاعة 416"2005 كويس عايزة معلومات اكتر ادينا الاميل بتاعك....
و على فكرة انا وانتى اتقابلن فى مصر كتير جدا
وعلى فكرة الصعود بسرعة الصاروخ ممكن يكون فى هبوط بسرعة الصاروخ
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: amir jabir)
|
الزميل الفاضل عامر جابر
كدي واحدة واحدة عشان أفهم حاجة !!
| Quote: يا استاذة نادية عثمان الناس بتاعين المخابرات المصرين المسؤالين من الملف السودانى ديل من الجيزة ناس العقيد محمد صلاح الى مكتب لازغلى بعرفوا واحد واحد وهناى رسالنا زاتوا بعرفنى كويس |
طيب انا دخلي بالموضوع ده شنو أفهم بس ؟!!
| Quote: وبعدين تعالى يازولة فى تحقيق صحفى مية مية عنه سودانية فاطمة عبد الرحمن تم اغتصبة وقتلت بواسطة عمروا رجائ احمد فى مارينا وبعد كتلة كويس غرق فى حوض السباحة عمروا رجائ احمد دة مهندس قريب سوزان مبارك الاسرة تسكن فى المعادى شارع (77 اسرة فاطمة ولو رحلوا بجيبك ليكى العنوان الجديد).. ومافى بلاغ اتفتح حتى الان عايزين تحقيقى صحفى منك وفى ملف كامل عن حالات الاغتصاب لسودانيات قاصرات تمت فى مصر لو تحبى تتابعى كويس خليكى من ناس حركة العدل والمساوة ديل.. |
والله لو عندك أي معلومات عن أي قضية ممكن تكون تحقيق صحفي ينبّه الناس لقضايا تتعلق بحقوق الناس وىدميتهم وطريقة التعامل معاهم في مصر ولا غيرها .. ولو عندك أي أدلة ومستندات ورسلتها لينا مالو تكون خدمت البشرية جمعاء طبعا !!
لكن حكاية خليك من حركة العدل والمساواة ( ديل) دي فكيف يعني ولشنو .. أقاطع أخبارهم قصدك ولا شنو مافاهمة ؟!!
| Quote: ملحوطة فاطمة كانت شغالة معاهو جليست اطفال مسجلة فى الامم المتحدة دة رقم الملف بتاعة 416"2005 كويس عايزة معلومات اكتر ادينا الاميل بتاعك |
ماعندي مشكلة أرسل ليك ايميلي لكن بتقدر ترسل لي صور ومستندات وادلة صالحة للنشر ؟!!
| Quote: و على فكرة انا وانتى اتقابلن فى مصر كتير جدا |
طيب ليه ماعرّفتني بنفسك موش نحنا زملاء وأعضاء في المنبر ده ؟!!
وعلى الأقل كنت قلت لى مباشرة المضايقك مني شنو والصاروخ الأنا طلعت بيهو ده شنو !!
| Quote: وعلى فكرة الصعود بسرعة الصاروخ ممكن يكون فى هبوط بسرعة الصاروخ |
برضو !!
كدي عليك الله زميلي المحترم عامر انا لى كم سنة شغالة صحافة ؟!!
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: ismeil abbas)
|
السادة المتداخلين تحياتى المنبر مليان صحفين وصحفيات وفنانين وفنانة فتحنا خشمنا مع زول قلنا شئ ..
لكن
احمد البلالى الطيب بنعرف
والاعلام السودانى والتلفزيون السودانى بنعرفو
وناس الامن بنعرفم
والمصرين بنعرفوا زول زول والناس الماتت حوادث فى شوارع المصرين ماشوية والسرق منها اعضاء ما شوية والهسى فى السجون ظلم ساى ماشوية والاغتصبوهم ما شوية
ومصر بنعرفا من ديسكوا افركان الى الكيلوا اربعة ونص نحنا وما ولدونا كبار
لمن الامن المصرى جاء يفض الاعتصام وين المراسلين بتعين الصحافة السودانية الناس الجات نحنا عارفنهم كويس
والملف دة لسع زمنوا ما جاء
قدامنا الانقاذ هسى لمن ننتهى موضوع السودانين فى مصر بجيكم بالصور والفيديو وكلوا ومن داخل المشرحة وشهادة لصحفين مصرين وسياسين ورجل شرطة وامن مصرى شاهدين..
وناسف لو جرحنا زول
__________
سلام خالد الطيب ومعاذ
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: amir jabir)
|
الزميل المحترم عامر جابر
حبابك تاني
Quote: السادة المتداخلين تحياتى المنبر مليان صحفين وصحفيات وفنانين وفنانة فتحنا خشمنا مع زول قلنا شئ ..
لكن
احمد البلالى الطيب بنعرف
والاعلام السودانى والتلفزيون السودانى بنعرفو
وناس الامن بنعرفم |
أها عشان أنا ماأفسر غلط انت او أي زول فاهم الكلام ده معناه شنو يفهّمني !!
قالوا الفهم قسم وربنا ماقسم لي أفهم كلامك معليش !!
| Quote: والمصرين بنعرفوا زول زول والناس الماتت حوادث فى شوارع المصرين ماشوية والسرق منها اعضاء ما شوية والهسى فى السجون ظلم ساى ماشوية والاغتصبوهم ما شوية |
طيب !!
| Quote: ومصر بنعرفا من ديسكوا افركان الى الكيلوا اربعة ونص نحنا وما ولدونا كبار |
أنا أقايتو يشهد الله ديسكو أفريكان يعميني فيهو ماشفتو بعيني .. لكن الكيلو أربعة ونص شفتها .. أها برضو دخلهم شنو بموضوعنا الهنا ده ؟!!
Quote: لمن الامن المصرى جاء يفض الاعتصام وين المراسلين بتعين الصحافة السودانية الناس الجات نحنا عارفنهم كويس
والملف دة لسع زمنوا ما جاء
قدامنا الانقاذ هسى لمن ننتهى موضوع السودانين فى مصر بجيكم بالصور والفيديو وكلوا ومن داخل المشرحة وشهادة لصحفين مصرين وسياسين ورجل شرطة وامن مصرى شاهدين.. |
كويس !!
| Quote: وناسف لو جرحنا زول |
أنا قايتو جرحتني (بصاروخين ) ونفسي أعرف في شنو !!
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: amir jabir)
|
نحن ناس سِنّة خِشنة شوية ماااااااا بنخش بوستات الجنس النااااااااااااعم ديل بأخوي و أخوك كِدة
لكن ...
و الشهادة لله
الأخت الفاضلة الأستاذة نادية عثمان التقيتها لأول مرة مع الأخ الأستاذ طارق الجزولي (سودانايل) يومها بعد أن إلتأم شملي معه رنّ هاتفه الجوال و قال لي و نحن جلوساً في إتحاد الكرة السوداني حيثما كان اللقاء: دي نادية عثمان بتعرفها؟
فقلت في سريرة نفسي أولاً (دي الحنكوشة الملمّعة ديك) و جهراً أردفت: أيوة ياخي دي بتكتب معانا في الأون لاين.
فقال لي: طيب رأيك شنو نمشي عليها لأنها مسافرة بعد شوية
و كان طارق راجلاً و أنا أمتطي مِركبة تصلح لأن أقدِل بيها قدام البت الحنكوشة
فقلت: يلة يا زول
و التقيناها أمام صحيفة الأضواء ووقتها كانت حبال المشانق تتدلي كخيوط العنكبوت من بين أصابع عتاهية المنبر اللوبي إياه ضدي و كل نعتٍ سيء كان يلتصق بي ، و خِفت إن أخبرتها من أكون أن تتعوذ من شيطان رجيم
و لشدما ذُهلت من تواضعها الجم و مقابلتها الكريمة و حفاوة استقبالهاو أدبها اللامتناهي و طيب معشرها و معسول حديثها
فكم هي راقية
و رايقة
ليك التحية و متابعنك في هارموني
و لا أملك إلا أن أقول لكِ:
أٌقدلي هي أقدلي
و سكِّتي الخشّامة و أنزلي في العوازل كي
و أقدِلي
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: نادية عثمان)
|
عامـر جابـر شكلك كلامك في معلومات ...او قُل إتهامات ....ما ...لزميلة نادية وكما عند مراســم الزواج الكاثوليكية .....إن كان لك إعتراض فقله الآن ...أو أصمت للأبد ........................ أنا للتوضيـح لست طرفاً فيما يجري ........إلا بحق عضويتي ...وكوني قارئ ...أبحث عن حقي في الفهم وتجاوز نقاط الهمز واللمز .........إلى ذلك الحين نادية عثمان ..صحافية ....له من الأسباب الموضوعية ما يمنحها حقها الطبيعي في الإنطلاق بسرعة الصاروخ .........وهي مهنية محترفة ...ومجتهدة .... تتحرك في مساحات إبداعها .بنشاط ...........يخلق منها إسمها الذي تبنيه بكد وإجتهاد ................
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: Ahmed musa)
|
شنو يا (مناطلي) الهامش غلبوكم رجال امدرمان في الواطــة قبلتو علي نسوان ام درمان في الاسافير؟؟؟
(شيفوا) يا جوز اللوز الاول الطيرة المبارية السيرة الاسمو عامر جابر دا بطل شغلوا وبقي قضيتوا نادية عثمان ماسك طرف توبها وجاري وراها من بوست لي بوست ويجي الواحد فيهم يتفاصح لسانه زي الكرفتة يقول ليك بعد كدا حاجة اخير انحنا ما بنتشطر علي نسوان !! ودا البتسوي فيهو دا مروة قايله يا العشا بلبن ؟ ولا التاني الشايل ( بقجة) غبينتو علي قول (طراشا) وجاي يستفرغها هنا مع رفيق سوؤا ؟ وفي النهاية اتلما المتعوس علي خايب الرجاء جاين يستعرضوا فصاحة كيبورداتهم الاسفيرية قدام اختنا الغياظة والمصرة لاخر لحظة تخاطبوا بالزميل المحترم؟؟ احترام لقاهو وين يا نادية وشافوا بي ياتو عيون الجاي يبني هرم نضاله الهلامي علي سيرة الزميلة المفضالة نادية .. يا مسكين الصحفية المتسلقة دي لما قرينا ليها في صحيفة الخرطوم الوقت داك انت ما فارز الالف من الواو الضكر يا مناطل الاسافير الجديد وشديد .
احسن تلقطوا سفنجاتكم انت والدايش داك وتلحقوا اخوانكم القطعوا وش ورموا رتينزات وفحطوا داير ما يدور .
قال شنو؟ ( الناس الماتو فى امدرمان ديل لون زى لون ودمهم زى دمنا و الشماسة بتاعين الشارع ديل اولادنا)
وما يكون لونهم زي لونكم ودمهم زي دمك والغالب علي ذكر الدماء انه ما يكون في عروقك دم بيجري لانه لو كان فعلا في دم فيك ما كنت بتسترجل علي الاخوات . يا ابو دم
ــــــــــــ
لحدي هنا يا اختنا نادية سعيك مشكور
الموضوع دا بقي يخصنا انحنا
قال ما بنتشطر علي النسوان؟
وهو مالك ومال الشطارة في الاساس
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: Maawya Hussein)
|
| Quote: احسن تلقطوا سفنجاتكم انت والدايش داك وتلحقوا اخوانكم القطعوا وش ورموا رتينزات وفحطوا داير ما يدور |
بعدين الميرى دة ما تطروش معى انا اطرشو فى مسطبة فى برنامج نجوم الغد فى اى حتة تانى وابقوا عسكرى جدا وافتحوا بوست اطرشوا فى ميرى وانتصار الحكومة ولا ناس الامن ولا لا يا زول هويا ... مش انته خلى وزير الدفاع زاتوا يقدم تقرير ويدكى لية جيبوا هنا علشان تتعلموا الميرى كويس يا بتاعين الميل الاربعين انته ووين التجريدة بعد كل مسيرة لمنطاق العمليان عايزين نشوف صيف العبور تانى فى دارفور ...
بلد تتهجم من قواة اتكونت ليها 5 سنه هجوم نهارى من غير اسناد جوى ولا مدفعية بعدية وحكومة ليه 20 سنه
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: amir jabir)
|
Quote: بعدين الميرى دة ما تطروش معى انا اطرشو فى مسطبة فى برنامج نجوم الغد فى اى حتة تانى وابقوا عسكرى جدا وافتحوا بوست اطرشوا فى ميرى وانتصار الحكومة ولا ناس الامن ولا لا يا زول هويا ... مش انته خلى وزير الدفاع زاتوا يقدم تقرير ويدكى لية جيبوا هنا علشان تتعلموا الميرى كويس يا بتاعين الميل الاربعين انته ووين التجريدة بعد كل مسيرة لمنطاق العمليان عايزين نشوف صيف العبور تانى فى دارفور ...
|
لالالا بالجد كدا انت زول طيب ساي .. وعلي ما اظن ناديه استعجلت شويه في البوست دا 
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: amir jabir)
|
| Quote: بعدين الميرى دة ما تطروش معى انا اطرشو فى مسطبة فى برنامج نجوم الغد فى اى حتة تانى وابقوا عسكرى جدا وافتحوا بوست اطرشوا فى ميرى وانتصار الحكومة ولا ناس الامن ولا لا يا زول هويا ... مش انته خلى وزير الدفاع زاتوا يقدم تقرير ويدكى لية جيبوا هنا علشان تتعلموا الميرى كويس يا بتاعين الميل الاربعين انته ووين التجريدة بعد كل مسيرة لمنطاق العمليان عايزين نشوف صيف العبور تانى فى دارفور ... |
الاخو فعلا طلع زول محترم .. ورايح ..مسكو الدرب يا اخوان.. ولا ادوهو باقي طرادته ونزلوهو هنا ..يلا يا شباب شكله انحنا مفروض نلقط سفنجاتنا ونشتت .. صاحبنا دا كفيلة بيهو اختنا نادية ... واثقين انها بتشطفوا في نص الظلط الواقف فيهو دا بي يد كيبوردها الشمال .
وخلونا نشوف مسيرتنا لمنطاق العمليان
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: نادية عثمان)
|
البت الحديقة نادية
عمك حبيب الكل ليه ستة سنة فى البنبر دا(طبعا عمك فى المنبر بس لسع صغيرون)السناريو بتاع عامر دا شفتو فى افلام اسود وابيض فى المنبر دا وفى مواقع الشات زمااان لمن كان النت شغال بالفحم الحلقة الاولى تبدأ مداقرة فى البوستات وشوت ضفارى ولو كتب حرفين بجيب اسمك بين الحروف بالشينة
الحلقة الثانية اباريك فى البوستات قبل ما تكتبى حرف تلقيه ناطى ليك فى حلقك وابلعك الكلام لمن اكرهك المنبر
وتتاوالى الاحداث الى نصل للحلقة القبل الاخيرة والتى يتداخل فيها احد الكومبارس ويعمل ليكم جلسة للمكاشفة والصلح
وفى الحلقة الاخير اطلع مكسر وباكى فيك
ولا شنو يا اساسى اصلوا اساسى زمان مثل كم مسلسل زى دا هاهاها
عشان كدا يا اختنا اتجاوزى الاخ دا وما تعبرى النضم البلا معنى دا
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: نادية عثمان)
|
الأحباب نادية وعامر..
سلام وتقدير..
أعرفكما جيدا.
نادية زميلة "الخرطوم" وصديقة سنوات وبنت بيتنا..
عامر زميل شهور جمعتنا وبرغم سوء الأوضاع وقتها (إعتصام ميدان مصطفى محمود) إلا أن المحن فعلا تجمعن المصابين.
صار صديقا لي ولكل زملائي.. وأيضا وبرغم بعدنا عن المكان الذي جمعنا إلا أن صداقتنا لم تتوقف وتواصلنا لم ينقطع.
الإثنان يملكان الكثير لتقديمه لأي مجتمع يحيط بهما..
لذلك تجدوني حقا حزينة لهذه المعاتبات التي لو كانت في مكان آخر لما تداخلت..
جو المنبر لا يصلح لأي عتاب لأنه يتحول (بقدرة قادر) إلى أهلي وزمالك (وعشان ما تزعلو هلال مريخ )
أرجو أن تتوقفا هنا والآن لقفل الطريق لأي دوري
يا عامر لو عندك اي نقد لنادية يمكن أن تضعه بطريقة سؤال مباشر. وعلى نادية الإجابة المباشرة
لكما من الود الوفير
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: نادية عثمان)
|
هذا ما خطته يد المذيعه والصحفيه والشاعره في احدي القري المجاوره
دارفور حبيبتى .. رسالة لمقبولة وابراهيم وكل أهلى فى دارفور .
يا مقبولة اسمعي قولي
انتى حبيبة
دار الفور ديارنا
الاصلو ما بنسيبها
وجعك يا هو وجعي
وانتى منى قريبة
دمك وكت يكب
شرياني فيهو حريقة
***
مقبولة الديار مخروبة
درنا عمارها
مكان كومة عويش
يا ملكة نبنى عمارة
بنات عزا مأصّل
مابندورها حقارة
الحرب اللعينة
علينا زادت نارها
إبراهيم رمادها
ونورة أخت السارة
بلدنا علينا غالى
نزيفو يا هو الحارة
الحال يا حبيبة
بدور حلول ودبارة !!
** **
دارفور وجعة فينا
وفى عيونا دموع
بس شن تجدي دمعة
وداك عمر مدفوع ؟!!
طفلا مات بيرضع
في عصير الجوع
وأم فقدت شريكها
وكم قليب مفجوع
صوت الحق خرس
وصوت الرصاص مسموع !
يا امة محمد وليك ننادى يسوع
دارفور بت تقية
وقبلة قايدة شموع
نامت تبكى حرقة
والقليب موجوع
وقّفوا دم نزيفها
وموتها ما مشروع !!
***
هاك يا غالية ايدى
تعالى منى قريب
هم دارفور نشيلو
من الشباب للشيب
ندافع عن ديارنا
وما يطولها غريب
سم الموت يضوقو
ونبقى ليهو دبيب
دارفور لينا خيرها
ونحنا ليها حبيب
ما بلد البيزحف
جاى شعرو سبيب !!
**
من ضرع المحنة
يضوق جنانا حليب
يا مقبولة بتي
المابتعرفى العيب
دارفور تبقى فرحة
والسعادة نصيب !
***
دارفور يا بلدنا
الحرب جن وجنود
كفاك وجع النزيف
حبل الصبر لي حدود
يا بت السلاطين
من جدود لجدود
يا ارض الشرافة
والكرم والجود
كفاك وجعة قليبك
والجدار مهدود
لا دمك مباح
لا بعنا كاش وعقود
لا ولدك رخيص
لا بالحرام مولود
وبت دارفور مصانة
العفة باقية خلود
من رادك مباحة
عليه سفاهتو تعود
والناشك رصاصة
نبيدو بالبارود
ومن قال غير هواك
سهمو البطش مردود !!
***
السودان ..فى احدى ايام الوجع الممتدة !!!!
المصدر
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: محمد البشرى الخضر)
|
Quote: مالك جيت ماشي فيها رافع القزاز
انا راجيك من قبيل ياخ ما داير افتي براي |
حبيب الكل وانا اخي الذي لم تلده امي , داك زمان انت ما خابره عشان كدا فتوتك ما بتفوت النجرتها في بوست الصديق الحلبي
ــــــــ
بعدين ياخي انت بالله ماسك الضغاين دي لاسع ؟ الاخ دبيب!!
يا عمك ديك شوتة مقنطرة وجات في التمنيات ..
خليك متربص واملا كراعك .. باصات الاوت دي ما حلوة في حقك
خلي عندك روح رياضية , واتقبلها زي ما اتقبلوها .. خليل وتشاد الضيعوا الاولاد .
خليك احرف من كدا واتخير اماكن اللعب النضيف , يا رشاشة
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: bashir adam abdalla)
|
Quote:
لا يا اخي ليست نادية بل كلو الا كل الاخوات والزميلات شقيقاتكم في المنبر
كلو الا تماضر الخنساء وآمنة مختار واشراقة مصطفي وتراجي مصطفي ولنا مهدي ود نجاة ( بيان) وانعام حيمورة وميادة وفدوى وهند وانعام عبد الحفيظ ورجاء ورواية العباسي وتماضر شيخ الدين ومنال ومني وماجد عوض خوجلي وعزاز شامي ودينا خالد ورشا ورندا حاتم وسلمي الشيخ وبتها عزة ونور تاور وشمائل وايمان احمد وصفية وناهد بشير الطيب وعواطف وسهام موسى وماما دومة وفاطنة بت عشة وعالية ومنال محمد علي ووووووووووووووكل كل الزميلات الصديقات والاخوات هناالذين لم تحضرني اسمائهن الكريمة في هذه اللحظة .. فلا أحد يرضى لشقيقاته الاهانة والتجريح ولو بالتلميح !!
|
شكرا يا نادية..
وهذه هي الروح التي يجب ان تسود
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: mohmed khalail)
|
العزيزة الاخت نادية
سلامات وتقدير.. نرفض اي حديث جارح وتتفيه للاخر
طيلة حياتي تجمعني علاقات وطيدة مع اخوة من غرب السودان
ومن منطقة جبال النوبة بالخصوص.. الشئ الملاحظ حولهم تقديرهم للمرأة واحترامها لابعد الحدود
عندهم القذف من جنس الكبائر ولكن هنا راينا انواع جديدة من الرجال السودانين
رجال لا يهابون الكذب والحديث الجارح وجرح مشاعر الاخرين دونما سبب واضح والتلمحيات القذرة,,,
يجب ان تتحدث عن اعمالها وشعرها بصورة موضوعية
ولكن جنس حوارات المنبر دا ما شوفتا ومن اكلنا الكسرة ما قريب
الواحد تقوليه في وجهة نظري ان خليل ابراهيم قد اخطأ
يقوليك انت عاهرة..دا ياهو الحوار الهنا..
الابن امير
لا تعتقد استخدامك للغة مستفزة جارحةيجعل منك مناضلا مرفوض تماما اي استخدام تلميحات
في اعراض الناس واتمنى الاخ بكري ينتبه لما يكتبه امير في حق اختنا نادية ونور تاور..
وعصام الكان عضام
ما تفتكر مطاردة النساء المنجزات هنا بالتتفيه سيغير اي شئ
ستعلوا قيمتهن وتهبط قيمة من يطاردهن بجارح الكلام والتتفيه..
اكتب ما تشاء بعيدا عن التتفيه والتلمحات البطالة..
واخيرا تتكون تصورات الرجال عن النساء من النساء حولهم
من يحترم النساء هذا يعني انه يحترم من يليه من النساء
لو بس اتخيلنا البنتلكم معاهم ديل امنا لا اخواتنا...
وللاخت الشاعرة الصحافية نادية كل تقدير واحترام وهي تستحق ذلك
وكوني دائما قدام يا اخية..
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: SAMIR IBRAHIM)
|
Quote: يا استاذة نادية عثمان الناس بتاعين المخابرات المصرين المسؤالين من الملف السودانى ديل من الجيزة ناس العقيد محمد صلاح الى مكتب لازغلى بعرفوا واحد واحد وهناى رسالنا زاتوا بعرفنى كويس .. وبعدين تعالى يازولة فى تحقيق صحفى مية مية عنه سودانية فاطمة عبد الرحمن تم اغتصبة وقتلت بواسطة عمروا رجائ احمد فى مارينا وبعد كتلة كويس غرق فى حوض السباحة عمروا رجائ احمد دة مهندس قريب سوزان مبارك الاسرة تسكن فى المعادى شارع (77 اسرة فاطمة ولو رحلوا بجيبك ليكى العنوان الجديد).. ومافى بلاغ اتفتح حتى الان عايزين تحقيقى صحفى منك وفى ملف كامل عن حالات الاغتصاب لسودانيات قاصرات تمت فى مصر لو تحبى تتابعى كويس خليكى من ناس حركة العدل والمساوة ديل..
ملحوطة فاطمة كانت شغالة معاهو جليست اطفال مسجلة فى الامم المتحدة دة رقم الملف بتاعة 416"2005 كويس عايزة معلومات اكتر ادينا الاميل بتاعك....
و على فكرة انا وانتى اتقابلن فى مصر كتير جدا
وعلى فكرة الصعود بسرعة الصاروخ ممكن يكون فى هبوط بسرعة الصاروخ |
دا ملاح شنو دا...؟
انت يا amir سكران ولا مالك.. مالي البوست كلو ترتحا..
قوم شوف ربك وين.. بلا عدل ومساوة.. بلا اقاشي معاك..
.
.
والله كلامك الفوق دا، لا لغة مرتب ولا حتي مضمون... انت زول طايرا ليك حمامات القول ساكت.. وما عارف التقولو..
كـــــــــــــــــوز منحط..
ما عندك موضوع وداير تعمل منك زول..
.
.
وانتي زاتك يانادية ماعندك موضوع، عاملا ليهو راس وقعر وفاتحا ليهو بوست كمان..
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: سجيمان)
|
يا سمير يا اخوي..... الزول دا ما عندو معاي اي صلة قرابة.....وانا ما بعرف اي زول بالاسم دا....وشقيقي البيكتب في المنبر بيكتب تحت اسم"المُـــــر
استاذنا الفاضل السي جي مان ...
تسلم علي الشهاده وشهاده مقدره ...
وانا زمان كتبت لي بوست طويل وعريض في الشبكة العالميه بعنوان مع التحيه والتقدير لكل الخجلانيين والخجلانات ... والبوست كان بمناسبة الناس الخجلانه من الصوره والصوت ...
تخريمه .. اختنا الفاضله الاستاذه الصحفيه الفاضله ناديه ..
انها احقاد وضغائن ونوع الهجوم المبطن ده بيكون مطبوخ في مطابخ الجهل وعدم التعليم والفراغ .. وانتي انسانه صاحبة رساله ووقتك ما ملكك انما ملك الناس البيقروا ليك كحال سمير ابراهيم ... فسيري وعين الله ترعاك واطلقي العنان لقافلتك ودعي الكلاب تنبح ...
وتتخريمه ثانيه ... بوست قريبا بعنوان عودة الامنجي النائم .... والقصه من سودانير اثيوبيا الي براطيش بوابين مصر ونهاية المطاف مناضل علي وزن مناتل ...
الله يرحم النضال ...
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: osman abdala)
|
طيب من الاخر يا جماعة احمد تقد دة قاعد فى مصر مع كامل التسهيلات الامنية والسياسية من الحكومة المصرية .. ويلعلع فى قناة الجزيرة يوم كامل ونص .. يعنى ناس الامن المصرى ديل ماعارفين احمد تقد دة بتكلم من وين.. والمصرين عارفين انو ناس العدل والمساوة جاين وعارفين جاين بى كم عربية والبركة فى الامريكان. لكن قالو وقعت البشير نحنا مع خليل يعنى من الاخر كدة نحنا لا مع الشعب دة ولا شئ ولاهم عرب ولا بتاع ولا مسلمين.. وفى عز المعركة والناس بتلملم فى الضحايا يطلع لقاء من مصر مع هناى رسلان ... وين رائ السفير السودانى فى مصر عن (( استعمال المكتب الاعلامى لحركة العدل والمساوة مصر ساحت حرب)) هسى الحكومة تقطع علاقتا مع تشاد ولا مصر بعدين المصرين عارفين احمد تقد يحمل جواز بريطانى ومحمى من السفارة البريطانية يعنى ترحيل دة حنك لينا انحنا...مش ياهم المصرين زاتو الاستضافوا د: خليل فى فندق 5 نجوم 6 يوم على نفقة المخابرات المصرية وناس هناى رسالنا ديل كانوا شغالين مراسلية((جرسونات)).. اسواء الفروض اللقاء يكون مع تقد يورينا رايوا شنوا فى دخول البلد نهارى وترويع المواطنين و استعامل الاطفال... ناس اخبار اليوم ديل متعاقدين مع الزول دة ولا شنو؟؟؟ يعنى من الاخر كدة المصرين ديل نموت ولا لا رايهم نحنا بوابين وقاعدين فى بلد ما مفروض نكون فوقا وهم اولاد الباشا..
والمصادفة الغريبة انو اللقاء تمه بسرعة وبيد سودانية علشان الخجلة تروح ونزل فى المنبر العام فى نفس الوقت النزل فوقو بوست العوض المسلمى الامن السودانى يقبض على د: خليل (( ناس الامن الكلام دة اسموا شنو مش ياهو رفع المعنويات))
ويا سمير انا شخصية مهمه ولا شئ انا موطن بسيط لا املك فى الدنياء سواء ان اكون زول محترم اكل حلال بس ...
ومافى زول متهم الزوله دة بى شئ لا سمح الله
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: نادية عثمان)
|
| Quote: ومافى زول متهم الزوله دة بى شئ لا سمح الله |
طيب يا عامــر جابــر جيتني من الآخر ..زكتر خيرك ...طيب هي فاتحة البتاع ده عشان تعرف مشكلتها شنو .وإنت بتجيب لينا في قصص بتاعة ناس أرسلان ... وجرسونات .... وشنو ليك ماعارف ...........تتهم المصريين والسودانيين والامريكان إلخ إلا نادية عثمان تبرئها عياناً بياناً وصراحةً ............طيب الأمم دي كلها لاميها هنا لشنو (الأمم بعني المصريين والسودانيين والأمريكان والبريطانيين) الشاحن بيهم البوست ده ..........
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: محمد عبد الماجد الصايم)
|
الأخ المفضال معاذ حسن
تسلم يارب وربنا يبعدك عن المشاكل المامعلوم أسبابها ان شاء الله
محمد خضر البشري
شكرا على مرورك الطيب جدا وفي اعتقادي انو مافي أي سبب ولا في داعي يخلي زميل يخاطب زميلتو بكلام نوع نسوان ويا ولية والمسميات دي اقايتو .. لكن الله غالب !!
الأخ الفاضل النبيل علاء الدين يوسف علي محمد
والله كان من أروع الأيام يوم لقائي بك في الخرطوم وفعلا الغضب الكي بوردي
قد يعطي انطباعا غير صحيح بتاتاً عن الشخصية الحقيقية لللزملاء فقد التقيت بشاب نحيل تبدو على ملامحه كل الطيبة السودانية والشهامة
وزي ماانت كنت قايلني ( بت حنكوشة وملمّعة) أنا كنت قايلاك ( رجال كبيير وسمين وعضلاتك طالعة من الفنلة وعينك حمراااء وشرارة) 
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: نادية عثمان)
|
المفضال معاوية حسين
تسلم على الحضور رغم الحيرة من عدم فهمك لمداخلات الزميل عامر ومعليش لأنك مافاهم حاجة
ولا انا فاهمة !!
المحترم أحمد موسى
شكرا على شهادتك الطيبة بحقي ووالله هذا كثير علي فاأنا مازلت بالرغم من أكثر من احدي عشر عاما في العمل الصحفي الا انني مازلتُ اتلمّس الخطى ويقيني ان لكل مجتهد نصيب وربنا بدي كل زول على قدر نيتو !!
الأخ النبيل أساسي الاساسي
والله ماعارفة أقول ليك شنو .. يارب ماأعدمك .. لكن بدون حرج ياأساسي أخوي أنا زولة ماشاطرة في النت ده ..وانت الزول البتعرف في الكمبيوتر أحسن مني وين صفحة الفيديو الكلها حرف ( الاين) دي وكيف كل حرف النون حاجاتي و فيديوهات لي دي مافهمتها ( ومن قال لا أعرف فقد أفتى) !! وقلت للزميل المحترم خالد أحمد الطيب يوريني لكن شكلو انشغل ولا حاجة ..!
الأخ المفضال عبد العظيم أحمد
والله صدقت في وصفك لشخصيتي بقولك ( زولة في حالها) لأنو ربنا فعلا خلقني زول مابحب المشاكل لكن الظاهر المشاكل بتحبني
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: نادية عثمان)
|
اخي عامر جابر
اراك اخطأت صدقني بحق الاخت ناديه عثمان هنا.
واعذريني يا ناديه للحضور لاالمتأخر فقد رايت البوست وحزنت منذ البارحه
ولكني مشغولة بقضايا اسخن.
طيب تعال اوريك ظلمته ناديه كيف في قضية العدل و المساواة دي بالذات.
اولا ناديه يعلم الله رايتها من اؤائل المعزيين في جمالي.
ورايتها وهي حزينة وكدت ارى دموعها على جمالي من بين كلماتها.
ثانيا احستت باكتابتها عن اعقتال ناس العدل و المساواة بالقاهرة
وكانها استغاثة ترسلها لنا ان نلحقهم ونفعل المستحيل لاطلاق سراحهم.
الذي اعرفه ان ناديه زولة في حالها
واعرف انني ممن طالبها في مواقف كثيرة
بمواقف اكثر صلابة ,ولكن اله لا يكلف نفسا الا وسعها.
جميعنا نعرف بطش الآمن المصري بالبشر هناك
فان قررت السير جنب الحيطه فهذا خيارها
ولا يكلف الله نفسا الا وسعها.
غبائننا تجاه النظام المصري كثيرة
ولكن دعنا نجد لها متنفس غير ناديه عثمان
ويا ناديه سامحينا عن ما مضى وعن الآتي.
وياعامر ليست نادية لوحدها اعرف كثيرين في القاهرة لا يمكنهم
كتابة كل ما يعرفونه خوف البطش.
فرجاء يا اخي ان تتحمل كلماتي
وانا وانت لازلنا في خندق واحد
فقط دعنا نركز فيمن يتسحق البهدلة فعلا وناديه عثمان ليست منهم صدقني.
ورجاء يا ناديه وعامر امسحوها لي في وشي ده غضبتكم بحق بعضكم
ويا ناديه اعذري اخيك عامر فهو حشاه محروق عن ما يحدث في السودان
وبتآمر مصري واضح.
ويلا يا عامر ننتظرك في المفيد
ويا ناديه عزي اسرة جمالي بالنيابة عني
وقولي لهم كنت اتمنى ان اتعرف عليهم في ظروف افضل ولكنها ارادة الله
ولو عندك تلفون لهم بالماسنجر بالله تكوني مشكورة.
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: Tragie Mustafa)
|
هو بالله انت اسمك عامر وانا شابكك امير امير
ما علينا
شوف يا عامر
يا اما انت تكون شايت غلط لانو حسب قراية المنبر ده
نادية دي تحديدا من الاخوات المحايدات وكافيات خيرهن شرهن
بالتالي هجمتك دي غير مبررة
او انك تكون يا معلم امنجي وعارف حاجة ما عرفنها
وفي الحالة دي مافي فرق بيناتكم
يا عامر يا صديقي
ما هكذا يظن في نادية عثمان او هكذا تعامل
يا خالد يا صديق
انت بدل ما تدي اخوك راسو شايت معاه
الغريبة انتو الاتنين احلى دارفوريين في البورد ده
مالكم يا جماعة خلاص قامة عليكم الطبلة وراسكم قفل
ككرج
| |
|
|
|
|
|
|
|
|
|
Re: رسالة من نادية المذيعة والصحفية التي (صعدت بسرعة الصاروخ) !! ..الي الزميل المحترم amir jabi (Re: القلب النابض)
|
الأخ والانسان العزيز بهاء عيسى
شكرا لكلماتك الطيبات في حق شخصي الضعيف .. ولا أظن ان أمر ترحيل الأُستاذ المحامي أحمد تقد لسان من عدمه هو سبب ( غضب) الزميل عامر جابر مني لأنه قد أتى بعدة أسباب منها ملفات بحوزة جمال مبارك وأشياء أخري تحدث عنها ولا أعلم عنها شئ !!
عامة ربنا يهدئ النفوس يارب !
المحترم حبيب الكل
تسلم يارب ووالله مداخلتك اللطيفة والخفيفة الدم ضحكتني وأزالت عني الحزن .. ماأعدمك يارب ..قول آمين
الأخ الفاضل بخاف
تسلم على المرور الطيب والله . وأنا زيك لو عرفت جمال مبارك دخلو شنو كنت ارتحت جدا !!
الكريم الأخ عثمان محمد
شكرا علي المرور الطيب ولكن الأمر لا يستدعي انسحاباً تكتيكياٍ بقدر مايحتاج الى توضيح الموقف على كل حال !!
الحبيبة والصديقة الغالية وزميلة الأيام الخرطومية الحلوة
رجاء بت عم العباسي
تسلمي على الكلام الجميل ووالله لا أحمل تجاه الزميل المحترم عامر جابر أي شئ في نفسي غير الاندهاش من مداخلته التي يذكر فيها اسمي بشكل غير مفهوم ولا معلوم وادخالي في الحديث عن ملفات غير معلومة لدي وذكر أكثر من مرة جمال مبارك بشكل محير اقايتو !!
ثم والله هسي زاتو بقى كاتلني الفضول الصحفي عشان أعرف الملفات الفي درج جمال مبارك القال عليها الزميل عامر دي فيها شنو ياربي ؟( وجه فضولي) !!
عامة ربنا يهدئ النفوس ياغالية ودائما سباقة للخير يارب
بالمناسبة العسللي انعام حيمورة وصلت القاهرة أمبارح بحمد الله ..
| |
|
|
|
|
|
|
| |
amir jabir
Ahmed musa
Al-Shaygi
معاذ حسن
mohmed khalail
محمد البشرى الخضر
ismeil abbas
علاء الدين يوسف علي محمد
Maawya Hussein
اساسي
عبد العظيم احمد
baha eassa
7abib_alkul
Bakhaf
Osama Mohammed
Raja
altahir_2
محمد فرح
محمد عادل
bashir adam abdalla
حاتم هاشم
rani
سجيمان
osman abdala
نوسة
العوض المسلمي
عصام الجيلي
محمد عبد الماجد الصايم
Tragie Mustafa
Mohammed Haroun
عبود عبد الرحيم
القلب النابض
نادر محمد الراضي
سناء عبد السيد
PLAYER
يوسف الولى
فيس بوك
تويتر
انستقرام
يوتيوب
بنتيريست