|
تقرأ في سودانيزأونلاين يجوا يرفعوا تشادي من جنبك!
|
جوا رفعوا تشادي من محل النت الانا فيهو دا!! شايل ليهو بطاقة قال عايز "لباس" يقصد (غلاف) انتبه اليه احد رواد النت فأخبر صاحب المحل و همس له أن يعطل الرجل و ذهب للتبليغ عنه ،البطاقة كان مكتوب فيها جمهورية تشاد بلغة اجنبية و بالعربية و الصورة بها العمة المشهورة للعدل و المساواة و التشاديين حسب اقوال المبلغ.. في أثناء فترة التبليغ تلك طلب من صاحب المحل ( المكتبة) نظارة سوداء لم ننتبه الا و الرجل مرفوع في البوكس!!
|
|
|
|
|
|
|
|
Re: تقرأ في سودانيزأونلاين يجوا يرفعوا تشادي من جنبك! (Re: saadeldin abdelrahman)
|
هذا ما نوه له الاخ مشكور ثروت سوار الدهب بان التعبئه الجماهيريه و القذارة التي تمارسها الجبهة اعلاميا ستؤدي للفتك بمواطنين دلوة مجاورة فهل فتكت تشاد بالسودانين في اراضيها بعد الغزوتين؟؟؟لا. الآن ما يحدث هو التحرش بالناس حتى عندما ينطقون بلغاتهم المحليه:
Quote: جوا رفعوا تشادي من محل النت الانا فيهو دا!! شايل ليهو بطاقة قال عايز "لباس" يقصد (غلاف) انتبه اليه احد رواد النت فأخبر صاحب المحل و همس له أن يعطل الرجل و ذهب للتبليغ عنه ،البطاقة كان مكتوب فيها جمهورية تشاد بلغة اجنبية و بالعربية و الصورة بها العمة المشهورة للعدل و المساواة و التشاديين حسب اقوال المبلغ..في أثناء فترة التبليغ تلك طلب من صاحب المحل ( المكتبة) نظارة سوداء لم ننتبه الا و الرجل مرفوع في البوكس!! |
انت يا سعد الدين خلينا من ناس الحكومة انت رايك شنو؟؟؟ الا يوجد رعايا لدولة تشاد ببلادنا؟؟ اتعتقد لا يوجد طلاب؟؟؟؟
كيف درس امثال محمد نور ببلادنا؟؟؟ واين بقية بعثات طلاب تشاد؟؟؟
اوصل بهم الاجرام لهذا الحد؟؟ والي اين يلجأ مواطني تشاد ببلدنا بعض ان اغلقوا سفارتهم؟؟؟
| |
|
|
|
|
|
|
Re: تقرأ في سودانيزأونلاين يجوا يرفعوا تشادي من جنبك! (Re: Tragie Mustafa)
|
الاخ سعد الدين سلامات
هذا الذي رايتموه جزء بسيط مما قد يكون قد حصل بعيدا عن اعينكم.
ماهي الدولة الراعية للمصالح التشادية في السودان؟ المعروف في حالة قطع العلاقات الدبلوماسية بين بلدين يقوم طرف ثالث برعاية مصالح الدولة المعنية عند الدولة التي لا يوجد لها تمثيل دبلوماسي. اين وزارة الخارجية التشادية مما حدث؟ الحقوا المسكين قبل دفنه في شمال الجيلي.
شكرا سعد الدين
| |
|
|
|
|
|
|
Re: تقرأ في سودانيزأونلاين يجوا يرفعوا تشادي من جنبك! (Re: ثروت سوار الدهب)
|
Quote: انت يا سعد الدين خلينا من ناس الحكومة انت رايك شنو؟؟؟ الا يوجد رعايا لدولة تشاد ببلادنا؟؟ اتعتقد لا يوجد طلاب؟؟؟؟ |
نعم يوجد طلاب تشادين و منذ زمن بعيد. يتوافدون لدراسة في المؤسسات التعليمية السودانية.
كما يوجد مريدين و اتباع طرق صوفية يوفدون للزيارة مشايخهم و اخوانهم في العقيدة بشكل منتظم. يوجد تجار و حتى سواح في اي لحظة من الزمن في السودان. فهي علاقات وثيقة و قديمة.
سلامات تراجي
| |
|
|
|
|
|
|
Re: تقرأ في سودانيزأونلاين يجوا يرفعوا تشادي من جنبك! (Re: saadeldin abdelrahman)
|
ازيك يا أخ ثروت
Quote: الحقوا المسكين قبل دفنه في شمال الجيلي.
|
من رأيته في البوكس (عربة اللاندكروز و تعرف ب تاتشر) كان صبياَ حديث السن يشبه من رأيناهم من اطفال على شاشة التلفاز ابان احداث امدرمان يا ثروت اخوي العقل و المنطق يقول حق الانسان و الطفل قبل كل شئ، لكني انقل ما رأيته في بري- الخرطوم-السودان- افريقيا.. حيث الانسان هو ارخص سلعة للأسف الحكومة انتبهت حتى لهذا الكرت (حقوق الاطفال و الانسان) و استخدمته كأحسن ما يكون و أعلنت أنها لن تحاكم الأطفال!! شفتوا الحرفنة؟
و تجيك تراجي بأسطوانة جلابة البورد!!
والله يا تراجي أنتو اجلب ناس في البورد دا و ظهرانيه --------
جلبتوا الموت للاطفال و الأبرياء يا ناعقي الشؤم و الخراب و جاية تثكلي كمان؟
| |
|
|
|
|
|
|
Re: تقرأ في سودانيزأونلاين يجوا يرفعوا تشادي من جنبك! (Re: MAHJOOP ALI)
|
يا محجوب علي سلام على الصادقين و المخلصين للانسانيه من امثالك:
Quote: بممارسة الانقاذا لسياسة الارض المحروقة لم تترك لهولاء الاطفال ام او اب ليتولى امرهم وحتى مدارس العون الانسانى فى العراء لم تسلم من القصف , فالموت بالنسبة لهم عادة يومية وان اختلفت الجغرافيا, شقيق كارو .او الخرطوم |
امثال سعد الدين لا يعرفون بوستات شقيق كارو...خليه في اختي فلانه وخالتي علانه يرفع في بوستات فلنه يومجد علانه هنالك بتلقاه بارك ويجي يقول لك جندتوا الاطفال؟؟رد على محجوب علي الاول وعن قصف اطفال المعسكرات حتى في مدارس العون الانساني!!
| |
|
|
|
|
|
|
Re: تقرأ في سودانيزأونلاين يجوا يرفعوا تشادي من جنبك! (Re: Tragie Mustafa)
|
يا سلام على حذرناكم دي؟؟ واعلام الكرهية وكأنك تكتب باعلام المحبة:
Quote: ما يحدث الآن لا يرضي أحدا لكن الحالة الأمنية والواقع يفرض نفسه و الناس بتقول يا روح ما بعدك روح و كم حذرناكم هنا من اعلام الكراهية الذي لا زلتي تعتمديه بقولك (جلابة البورد) فلم تلقوا بالا ، فأهلكتم اطفال خليل و المواطنين و منحتم الحكومة فرصة ذهبية لتلعب لعبتها و تمثل دور الحامي.. هي الآن تشكركم على غبائكم فردوا التحية يا بتوع اعلام الكراهية! |
يازول الكراهية انتو ساسها وراسها ومؤسسين لها بهذا البورد. شكرا لكم.
| |
|
|
|
|
|
|
Re: تقرأ في سودانيزأونلاين يجوا يرفعوا تشادي من جنبك! (Re: MAHJOOP ALI)
|
الأخ محجوب تحياتي
Quote: بممارسة الانقاذا لسياسة الارض المحروقة لم تترك لهولاء الاطفال ام او اب ليتولى امرهم وحتى مدارس العون الانسانى فى العراء لم تسلم من القصف , فالموت بالنسبة لهم عادة يوميةوان اختلفت الجغرافيا, شقيق كارو .او الخرطوم |
لم يقل احدهم بأن الحكومة ملاك طاهر و لكنني انظر الى الصورة بأكملها ، الحكومة الظالمة و التي عالجت الاخطاء باخطاء لا زال الشرفاء يناضلون ضدها بالقلم و الرأي و المواقف.. على الجانب الآخر من يزعمون انهم مناضلين ثوار... من هم؟ الدباب خليل ابراهيم؟ هل هو من تراهن عليه ليعيد الحقوق؟ هل اعادت غزوة الموز اي حق؟ لقد استفادت الحكومة منهاايما فائدة و كسبت تضامن لا مثيل له.. اسألني أنا العائد من الخرطوم قبل يومين. و تقول أن الموت بالنسبة لهم عادة يومية؟! هل معنى هذا أن تدفعهم للحرب و الانقراض اطفالا و شبابا لتتخطفهم حكومة الخرطوم فإما من و إما فداء؟!! للأسف هذا حديث من يضع يده في الماء البارد. لو كانوا ابنائك لما دفعت بهم يا محجوب!
| |
|
|
|
|
|
|
Re: تقرأ في سودانيزأونلاين يجوا يرفعوا تشادي من جنبك! (Re: saadeldin abdelrahman)
|
يا سعد الدين .. خلي اعلام الكراهية الموجه دا يستمر .. وتراجي دي الايامات دي حايمه وشايله الختم بتاعه .. تكتب ليك كلام يقع في عبهـا .. تصفق ليك وتقول ليك اشكرك على هذا البوست جملة واحده ا تعجبه .. تتشتم وتطول لسانه مية متر .. ويعجبوك الكورس من خلفهـا .. لتستمر معركة الكراهية والتصنيف في سودانيزاونلاين .. دي حاجة مهمة جدا .. الواقع داك كلام تاني معظم الاحلام أو احلام اليقظة تحديدا .. بتداهم الواحد وهو صاحي .. العايز يحلم صاحي بي ظروفو .. والعايز يحلم نايم برضو بظروفو لكن حلم الجعان عيش .. دي قاعده ثابته ..
| |
|
|
|
|
|
|
Re: تقرأ في سودانيزأونلاين يجوا يرفعوا تشادي من جنبك! (Re: Seif Elyazal Burae)
|
هلا والله بأبي السيوف
تعرف لوهلة، اعتقدت أن الموضوع تمثيلية و خطرت لي نظرية المؤامرة حين رأيت ذاك الصبي مرفوع في البوكس "تاتشر".. قلت : معقول في ظرف زي ده واحد "Fugee" يطلع ليه بطاقة تشادية و يقول عايز ليها "لباس"!! "لباس" في ظرف زي ده؟!! ناس الأمن ديل بمثلوا علينا و عاملين حماة الحمى ولا شنو؟ بقت زي سؤال الثعلب بيلد ولا بيبيض.. و اجابة المسطول: والله دا مكار تتوقع منو اي حاجة! بس شكله بيشبه الجابوهم في التلفزيون شديد و الزول المبلغ قال البطاقة مكتوب فيها جمهورية تشاد و الصورة كذلك فيها العمامة المعروفة و بيني بينك الشفع الجابوهم في التلفزيون ديل مساكين و سذج و برضو تتوقع منهم اي حاجة!
| |
|
|
|
|
|
|
Re: تقرأ في سودانيزأونلاين يجوا يرفعوا تشادي من جنبك! (Re: saadeldin abdelrahman)
|
Quote: ديل بنات اصول و متربيات . |
طظ اولا في الاصول الانت بتعرفها يا سعد الدين وفي نوع التربيه البتحترمها.
وبعدين خليك من الحركات النص كم دي كمان عايزنا نبرك في بوستك الهايف ده:
Quote: شنو يا حلوين؟ كتبنا ما حدث و أختفينا نسبة لظروف السفر، استلمتوا البوست و عايزين توجهوا، جينا قلنا رأينا في الحاصل.. فكيتوا البيرق!
والله ياااااااا |
يعني انت بس البتسافر و البطير و البترك؟؟؟؟ ومافي زول عنده ظروف غيرك مش!!
قلت لي يوجهوهوا.... هو فركته شنو عشان يوجهوهه؟؟؟ ما انت كتبت بوست اخباري وتنحت!! لامن جيناك وجاءك ثروت حتى استعدلتي وبقيت عامل فيها انساني.
Quote: وين الحلوين وين راحو |
الحلوين منو الراحوا..؟؟مش كفايه تمبس بجلالة قدرة شرف!! انت عايز حلاوة اكثر من كده؟؟
نحن ماشين نحظلها لناس ثانين بكيكونوا لابدين في بوستات مهببة زي دي وبيبثوا افكار مسمومة.
| |
|
|
|
|
|
|
Re: تقرأ في سودانيزأونلاين يجوا يرفعوا تشادي من جنبك! (Re: saadeldin abdelrahman)
|
يا سعد الدين سلاااام
وعوداص حميداً وربنا يوفقك ..
قلت لي حضرت الاحداث الاخيرة!!! بختك بقيت شاهد
الزول دا لو ما زول بسيط وما فاهم ما كان جاء يلبس البطاقة بتاعتو ..
قلنا انو الناس ديل مقلبوهم
جرو حدهم حلفا الجديدة ..
ورطوهم في ام درمان بين قتيل وجريح ورايح .. زي زولك دا ..
الحمد لله الاطفال ما ح يحاكموهم ..
تسلم
ما قايلاك رجعت!!
| |
|
|
|
|
|
|
Re: تقرأ في سودانيزأونلاين يجوا يرفعوا تشادي من جنبك! (Re: القلب النابض)
|
أهلا بت كرام الناس قلبنا النابض
ازيك يا أستاذة و أحوالك؟
نعم كنت حاضراً لغزوة الموز بالخرطوم و سماها الماهي كضابة الجماعة ديل طبعا لا تعجبهم الحقيقة.. يحرقهم نور فجرها لا يقوون الا على العيش في الظلام و الأجواء المبتلة برطوبة العرقية و العمالة و الارتزاق الرخيص! هاهم الآن قد نُكبوا برغم تحذيرات الحريصين على وحدة الصف و ارواح السودانيين الابرياء من المدنيين و مجنديهم الاطفال تساقطوا كأوراق الشتاء في يد القوات النظامية إما منٌ و إما فداء! هرب الكبار ليسقطوا واحدا تلو الآخر في موسم صيد الثعالب و تركوا الصغار رهينة في الخرطوم و منحوا حكومة الوحدة الوطنية و الاحزاب السودانية فرصة للتضامن و الكسب الاعلامي المجاني على طبق من ذهب.. لم يكن هناك عدل و مساواة قط و لن تكون يوما ًعلى طريقة خليل ابراهيم و المرضى العنصريين!
تحياتي
| |
|
|
|
|
|
|
|