|
|
 Re: شاهين .. فريدة .. محسن . (Re: shaheen shaheen)
|
كوكا كولا (3)
هذه العبارة كانت قاصمة الظهر
- انتا حلفاوى جلف , ما متحضر .
- كيف يعنى اكون ما متحضر وانا حلفاوى ؟ نحنا الحلفاويين ناس الحضارة ذاتها , هسع متحف السودان ده فيهو تمثال لزول من اهلك ناس الجزيرة ؟ .
- غبى .. غبى .
الحكاية ليست عنصرية , رغم ان (فريدة) ارادت تصويرها كذلك وهى تعلن بيان انهاء العلاقة عبر سماعة الهاتف فى الساعة الحادية عشر ليلا بالتوقيت المحلى لمدنية (امدرمان)
- شاهين اعتبر اى حاجة بينا انتهت , وبكرة ح ارسل ليك الدبدوب مع اختى .
- هو حصل شنو يا فريدة ؟ انتى فجأة شتمتينى ونحنا قاعدين فى الكفتريا بدون اى سبب .
- عشان انتا عنصرى , كيف يعنى ما فى تمثال فى متحف السودان لواحد من اجدادى ناس الجزيرة .
- ما دى الحقيقة يا فيفيان , مش كده وبس , احتمال ذاتو وقت ما نحنا كان عندنا ممالك نوبية قديمة , انتو ما كنتو اتخلقتو .
- انتا حلفاوى جلف , ما عندك ذوق لا فى الكلام ولا حتى فى تصرفاتك .
- يا زولة اسمعى , بكرة رسلى الدبدوب , بلاش كلام فارغ .
صحيح ان العلاقة بيننا كانت قصيرة , 6 شهور فقط .. وصحيح ايضا اننى اهديتها (دبدوب) ضخم , اسود , بحجم قامة الانسان , اشتريته من (القاهرة) واعتز به كثيرا , واقول لكم اننى احببتها خلال تلك الفترة .. احببتها جدا , والدليل اننى كنت اشترى (اسكراتش) كل يوم للحديث معها حتى وقت متأخر .
الحكاية ببساطة , هو نمط الاختلاف فى مفهوم الحياة .. رغم ان فارق العمر بيننا ليس كبير , انا فى الثالثة والاربعين , وهى فى الثالثة والثلاثين .. رغم انها حذفت بعد ذلك اربع سنوات لاسباب غامضة
- كل سنة وانتى طيبة فيفيان , 23 ابريل عيد ميلادك ال 33 .
- سجمى يا يمة .. ده يا دوب يا ود الناس , عيد ميلادى ال 29 .
- لكن انتى فى اول مقابلة قلتى انك يوم 23 ابريل ح تكونى 33 سنة .
- شاهين والله كده ازعل منك , وتانى ما اتكلم معاك .. انتا بتكون سمعتا غلط .
- يا زولة ما مشكلة .. 29 , 53 , انا بحبك , عندى ليك هدية متواضعة , بره فى العربية الهدية بتاعت عيد ميلادك .. تعالى نشيلها سوا عشان عندى غضروف .
- انتا جايب لى شوال اسمنت ؟ .
- اسمنت شنو يا بت ؟ .. جايب ليك دبدوب .
- سجمى يا راجل وما قادر تشيل دبدوب ؟
- ده دبدوب ما عادى , حاجة كبيرة خالص , ولو شلتو براى مع الغضروف ممكن يجينى شلل رباعى .
حملنا (دبدوب) سويا بصعوبة شديدة .. هى من جهة القدمين وانا من جهة الراس والكتفين
- كان مفروض اشترى ليك معاهو سرير كبير عشان يرقد فيهو .. لكن معليش عيد ميلادك الجاى .
- وهسع غضروفك ده ما ح يكون عندو اثار جانبية ليلة الدخلة ؟
- لا ما تخافى .. ليلة الدخلة الناس بتنزل , ما بتشيل .
بقية الايام فى العلاقة كانت عادية .. هى مشغولة فى الامتحانات , وانا فى الاستعداد لحفلة العرس , اتصل بها بشكل يومى للسؤال عنها وعن اخبار (دبدوب) .
حتى كان يوم (الكفتريا) الشهير
- الو شاهين .. الليلة اخر يوم فى الامتحانات , لازم تعزمنى فى مكان محترم .
- خلاص يا عروسة اختارى انتى المكان .
- فى كفتريا فى بحرى اسمها الصلات الطيبة .
- دى بتاعت المعوقين ؟ .
- معوقين شنو انتا كمان ؟ .. دى كفتريا جديدة لنج , فيها صالة بلياردو , ونافورة ضخمة , ومزيكا اجنبية .
- امرنا لله .. بجيك الساعة ستة فى البيت ونتحرك من هناك .
- يا سلام عليك يا حلفاوى يا عسل .
قائمة الاسعار , هى التى حركت امعائى , وجعلتنى اشعر بالغثيان
- داير اقول ليك حاجة يا فريدة .. بس ما تفهمينى غلط , ممكن ؟ .
- يا سلام , شايف الجو الراقى ده , والناس الراقيين ديل .. داير تقول شنو يا حبيبى شوشو يا عسل ؟
- ده كلو استهبال فى استهبال .. الناس ديل حرامية , والقاعدين هنا ديل طلائع البرجوازية التافهة .. ناس بتحب الاستعراض والفشرخة الفارغة .
- شنو ؟ .
تراجعت فى مقعدها , ونظرت لى بغضب
- براحة .. يعنى عاينى قائمة الاسعار , سعر علبة مياه غازية كوكا كولا 20 جنيه , معقول الكلام ده , يعنى لو شربنا اتنين ح ندفع 40 جنيه غير البقشيش , واحنا ممكن من اقرب دكان نشترى صندوق كولا بسعر اقل من كده كتير ونشرب منه نحنا والجيران لحدى ما يجينا اسهال .
- معقول يا شاهين بتفكر بالطريقة دى ؟ .
- فيفيان لازم نكون واقعيين .. انا بالمناسبة ضد المياه الغازية والوجبات الامريكية طول الخط , دى حاجات ضارة بالصحة .. انا ضد تدويل نمط التغذية الامريكى , لانو ما مناسب معانا .. انتى عارفة القراصة بتاعتنا فى البلد عندها قيمة غذائية اكتر من سندوتشات الجماعة ديل , وفيها فيتامين A و B و C .
- يعنى عايز تعزمنى قراصة وملوحة ؟ .. انتا بتتكلم جد ? .
- والله العظيم فيها فوائد اعلى وصحية اكتر .. انا زمان كنتا يسارى للاسف الشديد , وفاهم الناس دى كويس .. ده يا فريدة راسمال طفيلى .. وغالبا ما يكون غسيل اموال , عايز يربح بسرعة عن طريق انو يصور للناس انك لازم تشترى علبة كوكا كولا لحبيبتك وتدفع فيها اضعاف سعرها الاصلى .. وده كلام خطاء .. يعنى لو كل سودانى عزم حبيبتو قراصة وتركين وبعدها كباية كركدية بيكون قدم خدمة لاطفالو الجايين لانو صحة الام بتكون حديد .. وفى نغس الوقت وفر قرشو .
تراجعت اكثر فى مقعدها
- اصلو ما معقول .. انتا بخيل للدرجة دى ؟ .
- ما حكاية بخيل .. انا مستعد هسع اديك ال 40 جنيه هدية .. انا بتكلم عن قصة انك تدفع قروش فى حاجة ضارة بالصحة .. عارفة مرة عملوا تجربة فى قزازة كولا , رموا فيها اسنان بشرية بتاعت زول ميت .. تصدقى بعد اسبوع الاسنان دى ذابت فى قزازة الكولا .
- الله يقرفك .
- ده ضحك على الدقون .. اى ناس جادة فى علاقة حبها , ما لازم تنخدع بالمظاهر .. وين الحب الرومانسى بتاع زمان ؟ بتاع شارع النيل وكيس التسالى وترمس جنينة الحيوانات وكباية الشاى , كان حب صحى , كانوا زمان عندهم عقل .. الحب يا فريدة اننا نجمع القرش فوق القرش عشان المستقبل , الله ما خلق الحب عشان ناس الكفتريات يبقوا مليونيرات على حسابنا .
ضربت حقيبتها الجلدية بعنف على سطح المنضدة الزجاجية الغاخرة
- انتا حلفاوى جلف , ما متحضر .
هنا فقدت اعصابى .. أياك وان تشتم اهلى فى حلفا الجديدة والقديمة .. هذا خط احمر .. أياك
- كيف يعنى اكون ما متحضر وانا حلفاوى ؟ نحنا الحلفاويين ناس الحضارة ذاتها , هسع متحف السودان ده فيهو تمثال لزول من اهلك ناس الجزيرة ؟ .
- غبى .. غبى .
تركتنى فى (الصلات الطيبة) وهرولت للخارج .
مرت شهور على هذه الحادثة وعلى انهاء العلاقة واستعادة (دبدوب) .. قابلتها صدفة امس فى شارع صغير يتقاطع مع شارع (البلدية) .. كانت تمسك بيد شاب طويل وغبى وله وجه مثل الحمار , كان كل منهما يمسك فى يده الاخرى زجاجة كوكا كولا من الحجم العائلى الكبير وهى تناديه بصوت مثير جنسيا
- محسن .
(انتهت) .
......
شاهين.
|
|
 
|
|
|
|
|
| العنوان |
الكاتب |
Date |
| شاهين .. فريدة .. محسن . | shaheen shaheen | 05-15-08, 10:26 AM |
| Re: شاهين .. فريدة .. محسن . | shaheen shaheen | 05-15-08, 10:34 AM |
| Re: شاهين .. فريدة .. محسن . | shaheen shaheen | 06-16-08, 04:39 PM |
| Re: شاهين .. فريدة .. محسن . | shaheen shaheen | 05-15-08, 10:49 AM |
| Re: شاهين .. فريدة .. محسن . | shaheen shaheen | 06-17-08, 01:26 PM |
| Re: شاهين .. فريدة .. محسن . | shaheen shaheen | 05-15-08, 10:49 AM |
| Re: شاهين .. فريدة .. محسن . | shaheen shaheen | 06-17-08, 02:14 PM |
| Re: شاهين .. فريدة .. محسن . | كمال سالم | 05-15-08, 12:23 PM |
| Re: شاهين .. فريدة .. محسن . | shaheen shaheen | 05-18-08, 07:54 AM |
| Re: شاهين .. فريدة .. محسن . | shaheen shaheen | 06-22-08, 01:40 PM |
| Re: شاهين .. فريدة .. محسن . | shaheen shaheen | 05-18-08, 08:06 AM |
| Re: شاهين .. فريدة .. محسن . | shaheen shaheen | 05-18-08, 08:14 AM |
| Re: شاهين .. فريدة .. محسن . | abuguta | 05-18-08, 08:36 AM |
| Re: شاهين .. فريدة .. محسن . | shaheen shaheen | 05-18-08, 12:04 PM |
| Re: شاهين .. فريدة .. محسن . | shaheen shaheen | 06-17-08, 03:29 PM |
| Re: شاهين .. فريدة .. محسن . | shaheen shaheen | 05-18-08, 01:09 PM |
| Re: شاهين .. فريدة .. محسن . | shaheen shaheen | 05-20-08, 10:29 AM |
| Re: شاهين .. فريدة .. محسن . | shaheen shaheen | 06-17-08, 03:35 PM |
| Re: شاهين .. فريدة .. محسن . | shaheen shaheen | 05-21-08, 03:12 PM |
| Re: شاهين .. فريدة .. محسن . | طارق جبريل | 05-21-08, 05:36 PM |
| Re: شاهين .. فريدة .. محسن . | shaheen shaheen | 05-22-08, 08:35 AM |
| Re: شاهين .. فريدة .. محسن . | saif basheer | 05-22-08, 10:41 AM |
| Re: شاهين .. فريدة .. محسن . | shaheen shaheen | 05-22-08, 04:32 PM |
| Re: شاهين .. فريدة .. محسن . | shaheen shaheen | 05-22-08, 07:56 PM |
| Re: شاهين .. فريدة .. محسن . | خدر | 05-22-08, 09:58 PM |
| Re: شاهين .. فريدة .. محسن . | imad braka | 05-23-08, 00:45 AM |
| Re: شاهين .. فريدة .. محسن . | saif basheer | 05-23-08, 09:51 AM |
| Re: شاهين .. فريدة .. محسن . | imad braka | 05-23-08, 01:15 PM |
| Re: شاهين .. فريدة .. محسن . | saif basheer | 06-05-08, 12:38 PM |
| Re: شاهين .. فريدة .. محسن . | shaheen shaheen | 06-05-08, 05:08 PM |
| Re: شاهين .. فريدة .. محسن . | imad braka | 05-24-08, 03:34 AM |
| Re: شاهين .. فريدة .. محسن . | shaheen shaheen | 05-25-08, 08:39 AM |
| Re: شاهين .. فريدة .. محسن . | shaheen shaheen | 06-24-08, 10:00 AM |
| Re: شاهين .. فريدة .. محسن . | shaheen shaheen | 05-25-08, 03:05 PM |
| Re: شاهين .. فريدة .. محسن . | خدر | 05-26-08, 10:48 AM |
| Re: شاهين .. فريدة .. محسن . | shaheen shaheen | 05-26-08, 02:32 PM |
| Re: شاهين .. فريدة .. محسن . | imad braka | 05-27-08, 09:04 AM |
| Re: شاهين .. فريدة .. محسن . | خدر | 05-27-08, 09:25 AM |
| Re: شاهين .. فريدة .. محسن . | ريهان الريح الشاذلي | 05-27-08, 10:01 AM |
| Re: شاهين .. فريدة .. محسن . | shaheen shaheen | 05-28-08, 02:04 PM |
| Re: شاهين .. فريدة .. محسن . | shaheen shaheen | 05-28-08, 02:27 PM |
| Re: شاهين .. فريدة .. محسن . | shaheen shaheen | 05-28-08, 02:55 PM |
| Re: شاهين .. فريدة .. محسن . | shaheen shaheen | 05-29-08, 08:28 AM |
| Re: شاهين .. فريدة .. محسن . | azhary awad elkareem | 05-29-08, 09:36 AM |
| Re: شاهين .. فريدة .. محسن . | shaheen shaheen | 05-29-08, 01:40 PM |
| Re: شاهين .. فريدة .. محسن . | imad braka | 05-30-08, 00:40 AM |
| Re: شاهين .. فريدة .. محسن . | shaheen shaheen | 06-01-08, 09:21 AM |
| Re: شاهين .. فريدة .. محسن . | Yassir Tayfour | 06-01-08, 10:46 AM |
| Re: شاهين .. فريدة .. محسن . | shaheen shaheen | 06-01-08, 01:29 PM |
| Re: شاهين .. فريدة .. محسن . | imad braka | 06-01-08, 11:38 PM |
| Re: شاهين .. فريدة .. محسن . | Sabri Elshareef | 06-02-08, 01:33 AM |
| Re: شاهين .. فريدة .. محسن . | shaheen shaheen | 06-02-08, 10:09 AM |
| Re: شاهين .. فريدة .. محسن . | shaheen shaheen | 06-24-08, 10:07 AM |
| Re: شاهين .. فريدة .. محسن . | DKEEN | 06-02-08, 10:49 AM |
| Re: شاهين .. فريدة .. محسن . | shaheen shaheen | 06-02-08, 01:50 PM |
| Re: شاهين .. فريدة .. محسن . | shaheen shaheen | 06-02-08, 04:26 PM |
| Re: شاهين .. فريدة .. محسن . | shaheen shaheen | 06-04-08, 09:17 AM |
| Re: شاهين .. فريدة .. محسن . | shaheen shaheen | 06-04-08, 03:56 PM |
| Re: شاهين .. فريدة .. محسن . | Emad Abdulla | 06-05-08, 07:30 PM |
| Re: شاهين .. فريدة .. محسن . | shaheen shaheen | 06-06-08, 03:38 PM |
| Re: شاهين .. فريدة .. محسن . | shaheen shaheen | 06-06-08, 04:15 PM |
| Re: شاهين .. فريدة .. محسن . | shaheen shaheen | 06-09-08, 08:28 AM |
| Re: شاهين .. فريدة .. محسن . | shaheen shaheen | 06-16-08, 03:13 PM |
| Re: شاهين .. فريدة .. محسن . | Walid Safwat | 06-19-08, 03:57 AM |
| Re: شاهين .. فريدة .. محسن . | Mariam Osman | 06-19-08, 10:15 AM |
| Re: شاهين .. فريدة .. محسن . | shaheen shaheen | 06-19-08, 11:03 AM |
| Re: شاهين .. فريدة .. محسن . | Mariam Osman | 06-19-08, 11:28 AM |
| Re: شاهين .. فريدة .. محسن . | shaheen shaheen | 06-19-08, 12:44 PM |
| Re: شاهين .. فريدة .. محسن . | shaheen shaheen | 06-24-08, 10:21 AM |
| Re: شاهين .. فريدة .. محسن . | rosemen osman | 06-24-08, 10:53 AM |
|
| |
shaheen shaheen
فيس بوك
تويتر
انستقرام
يوتيوب
بنتيريست