|
|
 ابوساندرا..لوماجيت البورد؟!
|
أخي وصديقي ابو "ساندرا" واخواتها الجميلات..
غبت عن البورد..
والبورد ده زي بيتنا..
زمان لما كنا صغار كمنا نزعل مرات لما ما يعجبنا كلام اهلنا..
بعمرنا وتجربتنا المحدوده واختلاف آراءنا كنا بنفتكره ظلم..
ونقوم نحرد..طبعا مافي طريقة طلوع من البيت..بس بنعمل حركات تانيه..
نوع نرقد في سريرنا ونقبل علي الحيطه..
ونوع ينادونا تعالوا يللا الغداء..
يكون الرد...
شبعانين!
ولا ماعندنا تفس..أو نفسنا مقفوله ودي علشان يعرفوا انهم سدوا نفسنا!
لكن كان دايما بنكون احنا الخسرانين..الا في أوقات بسيطه..
لأنهم هم بيتغدوا ولا يتعشوا عادي واحنا لأ..وبيعملوها وهم بيضحكوا..نوع احنا ولا هامينا!
ولأنهم برضه مابيتعاندوا..
كمان بنكون فقدنا منطقنا في شرح اسباب حردتنا وزعلنا...
انت سيد العارفين..
التواصل في الحوار هو المهم وبالدرجه الأولي..
تعال يا ابو ساندرا..لأنه البيت ده محتاجنا كلنا..
وبعدين..لو انت ماجيت راجع البورد لقامه دائمه وليست مؤقته..انا والآخرون كلنا بنحزن
ونعتبرك استغنيت عن بيتك وبسهوله....
تحياتي لك ولرشيده والبنات..
|
|
 
|
|
|
|
|
|
|
|
Re: ابوساندرا..لوماجيت البورد؟! (Re: Safia Mohamed)
|
استناذة
Quote: منى
شكرا ليك
قوية لكن
لو عارفين كدة كان استدعيناك في بوستاتنا من زمان
عموما الف حمد الله على السلامة يا ابو ساندرا
امانة ما راجياك ردود شد حيلك واعمل حساب العوينات |
كيف حالك يا صافي..
عارفه انا اتي زي اغلب الناس ما كنت عارفه ابو ساندرا متوقف لسبب معين..افتكرتها حالة
غياب وراحه..ولما شوفت بوست باسمه اول امس افتكرته مسافر..قلت انا ماعندي حظ ابوساندرا
مسافر ومابشوفه لما اصل الدوحه..
المهم الحمدلله مجهوداتك ومجهودات الجميع أثمرت عن رجوعه وكانت حملة نداء ناجحه..
ربنا يخليك يا صفيه..وفعلا عنده ردود كتيره لازم يقوم بيها..
| |
|
|
|
|
|
|
|
|
|
Re: ابوساندرا..لوماجيت البورد؟! (Re: Muna Khugali)
|
| Quote: تجي واقع يا شايب الشيريا من اول حتت (اتو) |
مبااااااااااالغة
أخوك بهناك كاتلنا بالضحك وانت نحاحي ليك بالبوستات
غايتو سناء الصباغ ما خاتية فيكم.................
_____
شكرا مني علي أوامرك المستجابة
الناس دى زعلانة ليه مش أى مكان عنده كبير؟
وانت كبيرة يا أستاذة....
| |
|
|
|
|
|
|
|
|
|
Re: ابوساندرا..لوماجيت البورد؟! (Re: عاطف مكاوى)
|
هلا يا عاطف
وجدنا ابوساندرا حيرنا وغلبنا
والدوحة كلها تكورك وتنادي فيهو
وقوات صديقة اخري برضها ما قصرت وتنادي وتنادي
وانا بيني وبين روحي قلت عجوزنا ده المرة دي جيتو قاسسسسية بالحيل
اها جات اختنا مني خوجلي الله يديها العافية
ومن اول (لو) واتو
اشوف ليك شايبي نازل الملعب
وواقع من (خمسة كروت)
ده كلام ده ياعاطف يا اخوي
تحياتي الحارة للاخت سناء الصباغ
ولها كل الود والتقدير
| |
|
|
|
|
|
|
|
|
|
Re: ابوساندرا..لوماجيت البورد؟! (Re: Muna Khugali)
|
شكرا اخت الكل منى .......لمناداتك للاخ ابوساندرا
وقد لاحظت اختفائه ...لكن ماقايلاها حرده.....يمكن لانى
ماعارفه حاجه .........
غايتوا مابنقول غير حمدلله على السلامه يابو ساندرا
وبركه الجمعت ......
وشكرا الجميلة جميلة منى .....
| |
|
|
|
|
|
|
| |
Muna Khugali
أبو ساندرا
Safia Mohamed
محمد عبد الماجد الصايم
عبدالكريم الامين احمد
كمال سالم
عاطف مكاوى
على محمد على بشير
ناهد بشير الطيب
فيس بوك
تويتر
انستقرام
يوتيوب
بنتيريست