|
Re: أرشيف صور البروفايل (Re: Frankly)
|
الأخ فرانكلي،
شكراً لك على هذا المجهود المقدر.
سبق وأستخدمنا البنر بتاع سناء في حملة دعم شقيقة وإمتداد للحملة التي تمت هنا على موقع الفيسبوك ونال إعجاب الجميع، فشكراً لك. واستميحنا عذراًً جينا نأخد الإذن بعدما استعملناه! لكن يحدونا حسن الظن في عدم ممانعتكم. جزاك الله خير الجزاء.
| |
|
|
|
|
|
|
Re: أرشيف صور البروفايل (Re: Elawad Eltayeb)
|
الأخ العوض الطيب
بارك الله فيك
التصاميم هذه أصلاً معمولة لكي يتم استخدامها من الجميع طالما تصب في مصلحة الهدف الذي من أجله صممت
ولا حاجة لأحد من أخذ الإذن بل يسرّني انتشارها ويفرحني إن جلبت مصلحة وأثمرت ثمرة خير
تحياتي كمال
| |
|
|
|
|
|
|
Re: أرشيف صور البروفايل (Re: Frankly)
|
الاخ فرانكلي سلامات جهد مقدر و بيعكس روح مبادرة ... بس عندي تعليق على الجملة الواردة هنا
Quote: لنشعل شمعات الأمل و نطفئ ظلمات الجهل |
واقترح استبدال كلمة نطفئ في الجملة الأخيرة إلى ننير لتصبح الجملة الأخيرة: ننير ظمات الجهل
لأنو الجهل موصوف بالظلمة والظلمة ما بتنطفي و بما انو الجملة الأولى فيها معنى للنور فمن الأفضل انو نور الشموع ينير ما نخشاه من ظلمات الجهل...
مجرد اقتراح اتمنى انو ما يضايقك...
كل الود،
| |
|
|
|
|
|
|
Re: أرشيف صور البروفايل (Re: عزاز شامي)
|
فعلاً أختي الفاضلة عزاز شامي ملاحظتك في محلها وظهرت لي مباشرة عقب نشر البانر
كما وراسلني الكثير من الأخوة والأخوات معلقين ومصححين لهذه النقطة وهذا الخطأ اللغوي
ولكن سبق السيف العزل
وسيبقى دليلاً علي وعلى عدم مراجعتي
نسأل الله أن يمن بالشفاء على الأخت سناء
أشكرك قوة الملاحظة وعلى النصيحة والتي حقاً لا تضايقني
وجل من لا يسهو
تحياتي كمال
| |
|
|
|
|
|
|
Re: أرشيف صور البروفايل (Re: Frankly)
|
الأخ فرانكلى
أيها الرجل الشقيق
Quote: صورة بروفايل الأخ عادل سهل
أجمل صورة بالزي السوداني الجميل |
مشكور على الإطراء
ما أعجبنى فى هذا الإطراء عبارة "الزى السوداني الجميل "
والتى ستجلب الكثير من المشاكل فى هخذا البورد بكل أسف.
من يومين ثلاثة إستطعت الخروج بسلام من آخر مشكلة بسببها.
لكن لا أتوقع نهاية لذلك
على كل مشكور على الفكرة وبى كدة الواحد ممكن يمشى يبدل ملابسة وبجى راجع المنتدى فى أى وقت يلقاهم فى بوستك دا ويلبسهم
لك تحيتى مجدداً شيخ العرب
| |
|
|
|
|
|
|
Re: أرشيف صور البروفايل (Re: عادل سهل)
|
شيخ العرب عادل سهل
مرحباً بك وبزيّك السوداني الجميل جداً
لا عليك بمرور الزمن في المنبر ستكتسب مناعات وتقل الإنفعالات
ومشكور على إطرائك على الفكرة
اللازمة لمن يحب التغيير
تحياتي كمال
| |
|
|
|
|
|
|
اخونا كمال (Re: Frankly)
|
الاخ كمال سلامات طبعا انا لى فترة زايغ من هنا(متضامن مع استاذى محمد E سليمان المتضامن مع الاخ ادروب ) المهم قلت لازم اجى بنيولوك فشديت صورة من عندك. الصور القديمة :
| |
|
|
|
|
|
|
Re: اخونا كمال (Re: Waeil Elsayid Awad)
|
Quote: الاخ كمال سلامات طبعا انا لى فترة زايغ من هنا(متضامن مع استاذى محمد E سليمان المتضامن مع الاخ ادروب ) المهم قلت لازم اجى بنيولوك فشديت صورة من عندك.
|
الأخ الحبيب وائل السيد عوض
والله ليك وحشة ونتمنى معك عودة الأخ الحبيب محمد السن سليمان قريباً بإذن الله
يا حبيب اتفضل طوالي وصورك تلقاها هنا موجودة في الحفظ والصون لما تحتاجها
تحياتي كمال
| |
|
|
|
|
|
|
Re: أرشيف صور البروفايل (Re: Frankly)
|
الاخ كمال سلامات والله بوست توثيقى جميل جدا وعمل مقدر .. مجهود منك ولمسات فنيه لا تأتى الا من فنان واهو عرفتنا على بعض اعضاء البورد
تخريمه انت يا انور اصلو صورتك دى ما بتتغير معقولة بس تكون ما كبرت ؟ تحياتى كنق
| |
|
|
|
|
|
|
Re: أرشيف صور البروفايل (Re: soma)
|
شاعرتنا المرهفة الأخت أسماء الجنيد ألف شكر على كلماتك الطيبة والدعم المعنوي
أنور دا بجد ما اتغير
تكوني فاكرة عمل صلعة وبقى يمسح وشو من فقرتو لما يتوضا
الولد لسة شباب وشعروا ما شاب
تحياتي كمال
| |
|
|
|
|
|
|
Re: أرشيف صور البروفايل (Re: soma)
|
Quote: تخريمه انت يا انور اصلو صورتك دى ما بتتغير معقولة بس تكون ما كبرت ؟ تحياتى كنق |
الحبيبة سوما... تحيات واشواق وحاجات زي كده كتيرة... الصورة دي حكايتها حكاية، كل ما أجي أغيرها، بيظهر عارض...مرة كورضومة، مرة عالي واطي وحاجات كده... أها هاكي دي: برضو قبل العرس وإقبال على فكرة... لو دايرة بعد العرس قولي عوووك...
_______ تخريمة: ياخي ما تقولو لينا العرس ده جميل كده من زمان، تخلونا نتصور قبلو صور كتيرة كده
| |
|
|
|
|
|
|
Re: أرشيف صور البروفايل (Re: ناذر محمد الخليفة)
|
Quote: عملت شنو في موضوعك؟
نجح معاك؟ |
!!!!!!!!!!!!!!!!! فرانكلي .. زاتو بقيتوه بتاع بتاعات..غايتو ده طرفي منكم..بقيتو بتخفوا عديل .. انت لسه في اول الدرب ياكيمو لسه جاينك ناس شول واييييييك.. الليله خم وصر ، بقت محترف وكده ، والمحترفين لازم تدريبهم يكون عالي ..
اما الموضوع لو البعرفو انا ، فبقى ده شى تاني ، لانى زاتي مجربو ، بس ماتتهور مع الجماعة ديل سنارتهم غامزة طوالي.. المهم...ازيك ياهندسة وحاتك مشتاغوون عديل شوق الحسكنيت وكده.. جينا نسلم ونطمن بعد غربة وشوق.. ارجو ان تكون بخير والاسرة..
التحايا النواضر...
| |
|
|
|
|
|
|
Re: أرشيف صور البروفايل (Re: معتز تروتسكى)
|
Quote: !!!!!!!!!!!!!!!!! فرانكلي .. زاتو بقيتوه بتاع بتاعات..غايتو ده طرفي منكم..بقيتو بتخفوا عديل .. انت لسه في اول الدرب ياكيمو لسه جاينك ناس شول واييييييك.. الليله خم وصر ، بقت محترف وكده ، والمحترفين لازم تدريبهم يكون عالي ..
اما الموضوع لو البعرفو انا ، فبقى ده شى تاني ، لانى زاتي مجربو ، بس ماتتهور مع الجماعة ديل سنارتهم غامزة طوالي..
المهم...ازيك ياهندسة وحاتك مشتاغوون عديل شوق الحسكنيت وكده.. جينا نسلم ونطمن بعد غربة وشوق.. ارجو ان تكون بخير والاسرة..
التحايا النواضر... |
معتز يا دكترة
كيفك كدا وكيف الأهل والأحباب؟ إن شاء الله كله عال العال
يا أخي ما تسرح بعيد
أنا ونيذو دا عندنا موضوع كدا ما بعيد من هنا
لو الشمار كتلك اتصل بصديق أو أسال الجمهور
كيفك كدا بالله والله مشتاقون بالأكتر ح اتصل بيك قريب إن شاء الله
طبعاً عارف الظروف بقت صعبة والواحد وقتو بقى ما بتاعو براهو لكن ما نسينا الحبيايب الزيك كدا
سلام للصين وبعدد سكانها
تحياتي كمال
| |
|
|
|
|
|
|
Re: أرشيف صور البروفايل (Re: humida)
|
تسلم اخى كمال وشكرا على الكلام الجميل كتر الف خيرك يا ود البلد الاصيل.. لكن انور ده اسالنى منو انا بكون فى بلد العجم ديلك صلع وشيب[ علا لابد ساى /B]**
Quote: برضو قبل العرس وإقبال على فكرة... لو دايرة بعد العرس قولي عوووك... |
انور سلامات والله بالاكتر يا حنين.. ياخوى هى ما بعد العرس وقبولة السغنونه ده ياهو التغيير يعنى بعد اقبال ما تتعلم الكلام وتكتر الطلبات ان شاء الله ما حنلقى لينا سبيبه حايمه فى راسك وقدر البفضل بغشاه الشيب اوع تجينى ناطى وتقول لى الشيب وجاهه *** حميده سلامات يا زول يا جميل
Quote: قصدك قبل ( الورم ) .. |
ياخوى قول ما شاء الله وعينا بارده لكن بينى وبينك كان فى ورم الا من البحصل الايام دى فى حوش بكرى ده شايفاك بالحيل ميجوع... لكن ولا يهمك اضرب الطناش بس غايتو انت البعجبنى فيك بتتفشى الا انا كتير جدا بسكت والمغصة تحرسنى صباحى تحياتى لكم جميعا وسلمتم
| |
|
|
|
|
|
|
|