|
Re: الحنين البي ليه ما قدرو ... ده العمر من بشترو (Re: HAIDER ALZAIN)
|
الحنين الحنين البي ليه ما قدرو العمر من وين بيشترو ضوق وقاسي الوحدة ياقلبي الرهيف ياوليف الشوق بقيت فاقد الوليف من تناسى وضاع خلاص حبي الشريف الكلام البينا كيفن ينكرو الحنين البي من قلبي الأمين من مشاعرو السامية والريد الدفين الحنين البي لو طالت سنين ما بتمر بي خاطري لحظة تودرو وين زمان العشرة وين طيبة القلوب وين أماني عمرنا والريد الطروب المحبة البينا لو كانت ذنوب الذنب في الريدة ليه ما يغفرو
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: عامر تيتاوى)
|
Quote: ما عارف انتظر الاغنية البتمثل جرح .. والا قصتك باسلوبك الجرج في ذات نفسه؟؟
منتظرين معاك يااستاذ |
سميي ... وعزيزي الكريم ... حيدر الزين,
إن لم نتوحد ونحن نتقدم ... فلنتوحد ونحن نتراجع ... وليكن { الغناء الجميل } هو أحد مداخلنا نحو وطن نحبه... لنتقدم ... مجددا.
حيدوري ... عندي الكتير الداير أقولو ... خاصة على سبيل السياسية وموجدتنا الوطنية اللهيبة ... لكنه ... وقت الحنين قبل أن يزف ... أي قبل أن نشتريه ... ولن نستطيع.
شاكر ... وحامدا ... مرورك من هنا ... ونبقى نترافق.
مع عظيم تقديري
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: HAYDER GASIM)
|
محمد ... ود عتمان ... تسلم حبيبي,
أفردت لنا ضلعا حيويا في كونيتنا العاطفية الولوفة ... وأسمعتنا كلما وإسترجعتنا كل الصدى ... بكامل الأحاسيس الجلية وبكل الطرب الناعم والمحبة البازخة. فإستغفرنا ... وإستغرقنا ... وتوضأنا ... وصلينا على قبلة الحنين ... وإبتهلنا العمر صنعة باقية فيما إشتراءه صنيعة متحولة ... والبقاء للأصل.
شكرا ... شكرا ... شكرا ... ولك المجد والطيبوبة.
مع عظيم مودتي
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: HAYDER GASIM)
|
Quote: حيدر !!!! إنّا لله ..
عظّم اللاهو الأجر ياخي ..
..... ياخوي استفحل أمر الموت السريري أب مناحاةً غُنا ده !!! في شنو ؟؟؟ نسأل اللاهو السلامة .
|
العمدة البهي ... كيفنك,
والله أنا زاتي ما { ناقش } الحاصل شنو ... لكنه { الحنين } يقول كلمته السنينة, فيما يأتجر مقبضا { تخينا} يدل ماديا على جريمة { الهرف } ... وتقمص الأحوال الماضوية .
قلت بالموت السريري ... المكفن بالغناء, ... ولا أدري ... ماذا أقول ... أو لهذا إخترت ... الإستماع ... وبكل الحنين ... فأبشر ... بملء ضراعك.
ومودة ... بلا ساحل
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: HAYDER GASIM)
|
Quote: الزعيم حيدر جيت اسلم واسمع الغنا الرويان حنين واسئلة صعبة |
عامر ... ود تيتاوي ... تسلم عزيزي,
وينك يا راجل ... وكل الرهط الإمتدادي المبين,
عساكم بخير ... وطيبين.
ياخي والله شرفت الديار, ورويت بئر الحنين بكثير من الطبقات المدرة للحسن والجمال ... ونبقى { نغرق } وتسلم إنت ... والبطن الجابتك.
مع ظافر ودي
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: محمد الجزولي)
|
ود الجزولي ... تسلم ... حبيبي, وكل ناسكم الحلوين ومدينتكم الطيبة.
شكرا ياخي ... حضورا وكلما وإحساسا, بهذا ... فبدل أن نشتري الحنين, فسوف نبيعه ... فقط بقيمته الرمزية العالية ووفق تدفقه الطبيعي ... لنربح خواطرنا الإنسانية وتجليات أرواحنا { المعذبة }
فأطرب ... وأبقى طيب.
مع مودتي
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: HAYDER GASIM)
|
حيدر تحياتى مرّة ثانية اجد نفسى معقبا على ما تكتب الاغنية جميلة جدا والحقيقة ان معظم الاغانى السودانية جميلة ومعبرة اذا ما نظرت لها او استمعت اليها بأكثر من منظار. تستغرب كيف بعد كل العطاء الفنى هذا يجيك مشروع اصولى يهدد المجتمع المدنى ذاته. المصيبة ان المشروع نفسه ياتى به المثقف السودانى . يخيّل لى مشكلتنا اننا بنضع كل وجداننا واحاسيسنا فى الغناء للدرجة التى تمنعنا من الاستعانة بأية فضلات من هذا الوجدان( الكملان فى الفن) حينما نتجه الى الفكر والسياسة
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: طلعت الطيب)
|
Quote: ود الجزولي ... تسلم ... حبيبي,
ٍ وكل ناسكم الحلوين ومدينتكم الطيبة. |
ياحليل الناس الحلوه والمدينة الطيبة ياحيدر ياأخوي .. انا رجعت استراليا قرابة الأربعة اشهر الأن .. ياحليلنا من الدنيا ديك .. خلينا بس نموت ركن مع الطرب ده ......
وفي انتظار الإستوري .... ياحبيب ..
والود مُصفى من الغرض ..
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: HAYDER GASIM)
|
Quote: حيدر تحياتى مرّة ثانية اجد نفسى معقبا على ما تكتب الاغنية جميلة جدا والحقيقة ان معظم الاغانى السودانية جميلة ومعبرة اذا ما نظرت لها او استمعت اليها بأكثر من منظار. تستغرب كيف بعد كل العطاء الفنى هذا يجيك مشروع اصولى يهدد المجتمع المدنى ذاته. المصيبة ان المشروع نفسه ياتى به المثقف السودانى . يخيّل لى مشكلتنا اننا بنضع كل وجداننا واحاسيسنا فى الغناء للدرجة التى تمنعنا من الاستعانة بأية فضلات من هذا الوجدان( الكملان فى الفن) حينما نتجه الى الفكر والسياسة |
يعني يا طلعت ما في محنة { لوجه الله } ... لازم تنضوي تحت لواء فكرة أو آيدلوجية؟ ... أعلم أنك تعتني بالأطر الفكرية العامة والمحركة لجوهر سلوك أو تداعي ما, وسواء كان ذلك أغنية أم موقف ثقافي أم أخلاقي أم إجتماعي ... لكن الأصل في مجتمعنا السوداني وعلى خليفة تخلقه المادي والروحي, توحي بأن مجمل أشياء يمكن أن تسير على خطوط حياتها المستقلة, وليس بالضرورة إلتحاقها بإطار, لأن الأساس فى تكوين مجتمعنا هي قيم قبلية/رعوية/تقليدي زراعية ... أي كنا ولما إبتدرنا أغنية الحنين البي ليه ما قدرو ... فى خضم التعبير الموضوعي عن تلك المعطيات الإجتماعية والتاريخية ... أنظر إلى هذه الأغنية من هذه الزاوية فقط ولا أحملها إلى مصاف عام, لأن الغالب في مجتمعنا كان وما يزال وإلى حد كبير هو التعبير المحلي عن الثقافة المحلية... كل التعارض الذي قام هو نداء قومي متأخر لإعادة تأهيل الدولة السودانية, فبدل الحنين البي ليه ما قدرو أهو سمعت من طرف الأخت آسيا ربيع أغنية { طيبة} لمصطفى سيدأحمد, وكأن الإرتقاء بقيم الغناء لا تستقيم إلى بإستقامة النظرة الفلسفية والفكرية للسودان ... كده ما صاح ... بل ليت غناء الحقيبة { المتقدم على مجتمعه } وجد المعادل السياسي الذي يستوعب قيمته الإجتماعية ... فغناء الحقيبة هو نظرة واقعيه جرئية نهضت من صلب مجتمع تقليدي, وإختارت الكلمة المدوزنة تعبيرا عن إختلاجات جيل تلك المرحلة. لقد تجاوزت الحركة السياسية ركنا ضالعا فى حقيبتها الإجتماعية ... وأقصد حقيبة الفن, وإختارت أن تلج مجالها السياسي عبر النظرية والآيدلوجية ونقل التجارب والكتب والأفكار ... بدلا عن إستيعاب الخصائص التقدمية التي أفرزها مجتمعنا فى حركة تطوره الإجتماعي, ولتنضاف إليها من ثم قيم العصر وتجارب الآخرين ... المهم يا حبيب ... قدمنا العربة على الحصان ... فكان ما كان.
طلعت ... ياخي ما تحول الموضوع لي سياسة بالله ... وأهل السودان ليس صحيحا كما قلت ... أن { كملوا وجدانهم فى الغناء } ... وحيث تعلم أن كان وما يزال من يصف الغناء بالبدعة والضلال, وحيث كان الهامش القائم للفرح والغناء إستثنائيا وعلى حظوة ضئيلة من جملة النفوذات الإجتماعية للعوامل الأخرى ... وهنا بالطبع حصيلة تتسق موضوعيا مع طبيعة المجتمع الذي بدأت به الحديث ... رعوي محافظ. لهذا فأي غناء كان هو ولا بد تقدميا ...
فبالله ... { رجع } هذه الأغنية إلي نصابها وحاكمها بموجب زمنها ومحتواها العاطفي والإجتماعي والوجداني.
مع مودتي
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: HAYDER GASIM)
|
Quote: وإختارت أن تلج مجالها السياسي عبر النظرية والآيدلوجية ونقل التجارب والكتب والأفكار ... بدلا عن إستيعاب الخصائص التقدمية التي أفرزها مجتمعنا فى حركة تطوره الإجتماعي, ولتنضاف إليها من ثم قيم العصر وتجارب الآخرين |
عزيزي حيدر .. إن دفرت زول عشان يسرع بقع .. تفتكر الوقعة حتي لو قام منها بتكون بدون خدوش نفسية؟ ياخي أغاني الحقيبه دي كل المقامات الصوتية تستطيع أداءها.. وكل صنوف الإيقاعات سالكه معاها .. عارف ليه .. لانهم جوها بمزاج لا مدفورين ولا طمعانين .. الشيئ الجايى من بطن المجتمع ما بتخلي عنه المجتمع كيفما كانت المغريات .. شكرا علي الجرعة .
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: محمد على طه الملك)
|
Quote: حيدر.. سلام حنين شديد
..
قد يظلم الدرب وتضيق النفس, وقد تدفعنا امواج الاحداث الى شواطي بعيده.... لكن هذا البعد لايمحي الحنين من الوجدان.. و ماأجمل الحنين.
.. اخي.. تحيا بكم كل أرض تنزلون بها.. بس خلي طيبه ديمة فى ملامحك.
عايزه ازكرك بى طيبه. |
بت حلتنا ... أسيا ربيع ... تسلمي,
أقوم وأقع ... تحية لهذا الرابط الصحافاوي المتين, بل لهذه الإلفة التاريخية بين مربعات 22 , 23 , 27 و 25 ... نصف دائرة عجيبة ... تخلقت فيها أمجاد, وتناسلت عبرها أسر ... وتواصلت خلالها أجيال ...
إمتد هذا المحيط الجغرافي لكل الحيوز النفسية والمعنوية والإجتماعية والرياضية ... فأخذت تتفاعل على طرائقها الخاصة, وبموجب قانون تواصلها الذات/إجتماعي ... فكان من ثمار تلك المرحلة وهذه الإلفة ... نحن ... وأنتم ... وآخرين وآخرين... من تلك { الزيجات } الصحافاوية وما إنضوى في إثرها من ترب.
وإن عدت للغناء ... فسوف يحق للموصلي أن يمد رجليه ... مسيرا وعطاءا وخببا على سبيل أعرفه وتعرفينه ويعرفه التاريخ وكل متابع.
حكاية الحنين ... قائمة لذاتها ... وفي سياق موضوعها ... أغنية خالدة وموحية لمقادير أعظم فى شعورنا وبين عواطفنا, أغنية تعبر المحيطات وتحط على قلب سوداني فتزيده فرحا وعطفا وأملا وثقة ... وكده ... كفاية.
بالطبع لا تتعارض مع { طيبة } لفقيدنا المبدع مصطفي سيدأحمد, لكن تختلف المؤثرات والدوافع ... وإن كليهما يدغدغان المشاعر ويخترقان محقوباتنا العاطفية على نحو ناجز ... فقط { الحنين } طبيعية ومتولدة فى سياقها الإجتماعي, فيما { طيبة } محمولة على وشائج الآيدلوجيا والصراع الطبقي والتحميل السياسي البائن ... وهنا فرق ... وحيث لا أود أن أتوسع فيه ... طالما المجال للتطريب وتفعيل المشاعر ... وكل عشمي ... أن يفرح الناس ... كل الناس, وعلى أي أنغام يشاؤون ... ولأي كلمات يستخيرون ... فهنا تعددية فنية تستجوبها إختلافات المرامي وأحاويل الشعور.
فأبقي طيبة ... مع فارع مودتي
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: ميسرة غاندي)
|
Quote: عزيزي حيدر .. إن دفرت زول عشان يسرع بقع ..
|
يا سلااااااام ... يا محمدعلى طه الملك,
لخصت مشهد تاريخي بأسره, فأنت رائع ولا شك, ... كنت أود أن أسترسل فيما بعد , لكن إخترت أن أسكن فى هذا النص ... وبكل { أنانية } فمن الروعة ... ما قتل.
تشكر على مرورك الضافي ... ونبقى نتواصل.
مع مودتي
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: HAYDER GASIM)
|
ميسرة غاندي ... تسلم حبيبي,
ياخي والله { متلوم } معاك, لكنك عزيز على نفسي وقومي ... وما داير أخوض فى التفاصيل ولما تعلم.
عليكم الله يا فناني تورنتو وأنت منهم, أدخلوا هذه الأغنية فى برنامجكم المعتاد, فصدقوني سأطلبها منكم وبكل إلحاح ومتى إعتليتم مسرح الغناء ... كلم وليد وشنقة وعبدالله عثمان والسمري وكل عقدكم النضيد.
يسلم ... حنين ... إبنكم الأليف ... ربنا يحفظ العيال ويوفقهم.
شكرا ... ميسرة غاندي ... والبوست بوستك.
مع مودتي
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: طلعت الطيب)
|
Quote: الموضع دا بيخص اوباما يا ربي؟
|
ثروت ... ياخ خليك { حنين } شوية, أم أنك { تشك } في قطعي مع الشمولية ... أسع الجاب أوباما مع عبدالله محمد شنو؟
بعدين ياخي كده النقطع معاك شوية في عماد عبدالله ... رمانا هنا بالموت السريري, وفي أقل من أتناشر ساعة ركب الغنا السريري.
... تصدق.
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: HAYDER GASIM)
|
Quote: ]حكاية الحنين ... قائمة لذاتها ... وفي سياق موضوعها ... أغنية خالدة وموحية لمقادير أعظم فى شعورنا وبين عواطفنا, أغنية تعبر المحيطات وتحط على قلب سوداني فتزيده فرحا وعطفا وأملا وثقة ... وكده ... كفاية.
|
حقيقة اغنية تعبر المحيطات وتحط على قلوبنا ......بردا وسلاما
دمت حنية اخ حيدر
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: ناهد بشير الطيب)
|
معليش تخريمة يا حيدر قبل ايام اشتريت سىدى لكاظم الساهر من احد دكاكين العرب والايام دى مدورو فى العربية طوالى . السبب ان هناك اغنية تقول احد ابياتها : قاتلتى ترقص حافية القدمين بمدخل شريانى مما عزّز اعتقادى بأن الاغنية من شعر نزار قبانى ، فهل انا مخطىء وحواء العرب ما زالت والدة? الرجاء الافتاء
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: طلعت الطيب)
|
Quote: قاتلتى ترقص حافية القدمين بمدخل شريانى |
ما عارف والله الشاعر ... وإن تشبه نزار,
لكنه ... الحنين السوداني ... وهذا ما أعرفه, وعلى تعدد نواصي مقاماته الشعرية والنثرية.
مبلغ التطريب فى مجمل هذه الأغنية هو الأهم, حتى لا تتحول بقدرة قادرة إلى { دراسة مقارنة } comparative study ... فأطربوا ما شئتم, وتذكروا موجدة عالية في هذه الأغنية { منذ عقود آنفة } تقول:
Quote: المحبة البينا لو كانت ذنوب الذنب في الريدة ليه ما يغفرو |
... طلعت ... تسلم,
ومودتي
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: HAYDER GASIM)
|
Quote: إن لم نتوحد ونحن نتقدم ... فلنتوحد ونحن نتراجع ... وليكن { الغناء الجميل } هو أحد مداخلنا نحو وطن نحبه... لنتقدم ... مجددا.
|
هذا هو ........مانرنو اليه .......... وبالوحده يأتى السلام....وتموت الحروبات وتبقى الاغنيه هى الدفق والحنين والانشوده التى نترنمها ......فى تقدمنا ....
ودمت اخى حيدر ....محبا للوطن وللاغنيه وللذاد....وللحنين والطين ...........كن بخير ....لأن الوطن مازال بخير ..... طالما ينطق ابناءه الشهادتين......
وده العمر من بشترو.....
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: Rawia)
|
Quote: انت عماد عبد الله عاداك ولا شنو!!
|
... أفتكر ... أنا اللي عاديتو ...
ولدنا ... البهي ... الصحافة تلاتين ... تسلم,
وأستعد ... لتفرج عن تدعيات طروبة, فجهز لي بالله ... أغنية الجندول ... للأستاذ الكابلي.
سمنا فاير ... يا راجل, وأنت في خطوط هجومنا المتقدمة ... غايتو يوم بتكتل ليك زول.
... مع مودتي
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: HAYDER GASIM)
|
Quote: سميي ... وعزيزي الكريم ... حيدر الزين,
إن لم نتوحد ونحن نتقدم ... فلنتوحد ونحن نتراجع ... وليكن { الغناء الجميل } هو أحد مداخلنا نحو وطن نحبه... لنتقدم ... مجددا.
حيدوري ... عندي الكتير الداير أقولو ... خاصة على سبيل السياسية وموجدتنا الوطنية اللهيبة ... لكنه ... وقت الحنين قبل أن يزف ... أي قبل أن نشتريه ... ولن نستطيع.
شاكر ... وحامدا ... مرورك من هنا ... ونبقى نترافق.
مع عظيم تقديري |
الاستاذ حيدر قاسم تحياتي يا عزيز شاكر انا وحامد لك ماتتحفنا به من رائع الفكر ولطيف الكلمة ...
المتعة باللحن في هذا البوست لا يكملهاالا التشوق لما وعدتنا به من حكوة ما زلت بانتظارها
** السياسة لا زالت فعل يمارس للآن بمعادلة خطوة للامام خطوتان للوراء
دمت مع ودي وخالص تقديري
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: طارق جبريل)
|
Quote: الاستاذ حيدر قاسم تحياتي يا عزيز شاكر انا وحامد لك ماتتحفنا به من رائع الفكر ولطيف الكلمة ...
المتعة باللحن في هذا البوست لا يكملهاالا التشوق لما وعدتنا به من حكوة ما زلت بانتظارها
** السياسة لا زالت فعل يمارس للآن بمعادلة خطوة للامام خطوتان للوراء
دمت مع ودي وخالص تقديري |
حيدر الزين ... كيفنك, أثرت فيي بعض شجون ... خاصة حكاية { خطوة إلى الأمام وخطوتان إلى الوراء } ... وحيث هنا حصيلة توحي بأن الخطوات تجاه الوراء هي ضعف خطوات السير إلى الأمام. إذن ليس { غريبا } ما حل بمن يعتقد فى أعلاه, فهم بذات نفسهم رسموا مسار نهايتهم المحتومة... وقبل أن ينط أحدهم ليقول لي: don't judge a book by it's cover سوف أدير قرص { الحنين } ولما هو إختياري الأول ... ونرجع للموضوع ... فعليك الله يا حيدر أستأذن بعض وقتك وذهنك لسبر البعد الإجتماعي لهذه الأغنية ... فهي فى تقديري عظيمة وشجاعة ومتقدمة جددددا.
ونبقى ... نتواصل.
مع مودتي
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: HAYDER GASIM)
|
Quote: Quote: إن لم نتوحد ونحن نتقدم ... فلنتوحد ونحن نتراجع ... وليكن { الغناء الجميل } هو أحد مداخلنا نحو وطن نحبه... لنتقدم ... مجددا.
هذا هو ........مانرنو اليه .......... وبالوحده يأتى السلام....وتموت الحروبات وتبقى الاغنيه هى الدفق والحنين والانشوده التى نترنمها ......فى تقدمنا ....
ودمت اخى حيدر ....محبا للوطن وللاغنيه وللذاد....وللحنين والطين ...........كن بخير ....لأن الوطن مازال بخير ..... طالما ينطق ابناءه الشهادتين......
وده العمر من وين بشترو..... |
شكرا ... ناهد
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: HAYDER GASIM)
|
حيدر .. تحياتي ... هكذا يمضي هؤلاء ... ممكسون بتلابيب التوقد ... قابضون على جمر الشفافية ... احالوا ايامنا حنينا وتباريحا و مضوا ... يقيننا انهم في في منزلة عالية ... فمثلم لا يسعه سوى مثل هكذ المكان ... ليس لنا سوى الدعاء لهم ... والنحيب على مآل حالنا ...
* من بين الشعراء الشعبيين المعاصرين السودانيين الذين اجادوا صناعة الغناء ووضعوا لها الالحان ... ** يعمل بناءاً وفي البناء متخصص في بناء البلاط والبياض .. بدأ غناءه في مطلع الخمسينيات وله قدر مقدر من الاغنيات بدأه بفنانات الخمسينيات امثال فاطمة الحاج وحينما ينظم الاغنية يضع لها لحناً لا يعزف على اي آلة موسيقية يدندن اللحن بصوته ويوقع ايقاعه على منضدة او يفرقع اصابعه ليعطي ايقاع الاغنية ... *** امدرماني اصيل استهواه الطرب والغناء فكان دائم الحضور في منتدياته يستمع بشغف إلى من سبقوه يتعلم منهم وكان محباً لمجالس الطرب الدرجة التي تلهيه عن الذهاب الى العمل ... **** عاش فقيراً مات فقيراً غنياً بمحبة الناس الذين احبوا غناءه ... ***** رجل بسيط يحب الفقراء وحزن لرحيله الشماسة وجلساء الصوالين الادبية والمنتديات الثقافية لم يكن يحفل كثيراً بمظهره وهذه الناحية كانت سبباً في اغتياله .... ****** جاء من مشوار طويل في نهار حار السموم من غرب الحارات .. كان يحب السير .. حدثني انه ينظم الغناء وهو يسير .. يكتبه في علب الدخان .. يكتب مطالع القصائد .. يقول ان اصعب مرحلة في كتابة القصيدة هي كتابة المطلع .. جلس ليرتاح في مظلة دكان نجار بالثورة وطلب من صاحب المحل كوب ماء فلم يجب طلبه فعنف الشاب يرجوه في منحه كوب الماء .. وكلمة منه وكلمة من الجاني انتهت بضربه في رأسه ولم يكن يعلم الجاني انه ضرب شاعراً كبيراً إلا بعد ان فعل فعلته ونبهه بعض الصبية الذين حضروا المشهد انه ضرب الشاعر العظيم ... ******* بعدها بيومين فارق الحياة ...
انه عوض جبريل صاحب هذا الحنين الهادر ... رحمة الله تغشاه ..
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: awad okasha)
|
الاستاذ الجميل حيدر قاسم
خالص ودي وتقديري
اول ما قريت عنوان البوست دا وقبل ان انظر للكاتب توقفت لحظات اتنسم دعاش ود مدني وقلت ادخل اسمع الاغنية قريت اسم الكاتب قلت الله يستر بس ونقدر نسمع ونطلع بدون ما نتشالق ونتداخل .. في ارتباط دائم بيكون بين الرائحة والمكان والصوت .. الحنين البي ليه ما قدروا.. اول مرة اسمعها كانت بصوت الفنان صديق متولي وانا برلوم بالجامعة واستكشف مدينة ود مدني مدينة اول انطباع خلقته عندي البلد دي شنو المليانة شجر وخضرة كثيرة وسمحة كدي وناسها هاديين ونضاف بدون ما انسي اني انتقد جدي الاول جهارا على سوء اختياره للاقامة ..انا القادم من بيئة شبه صحراوية ...
كنا نسبح بالنيل شرق الدباغة واحد ابناء الحي مشغل كاسيت ويغسل ملابسه في النيل وقاعد يا مولاي كما خلقتني ... صوت شجي ومدينة جديدة وحياة جديدة نخطو اول خطواتنا با تجاهها ومجتمع ودود وجميل يكرم الطلاب حتي انك تشعر بالغربة عندما تعود لديارك ... الحنين يرتبط بوجداني واعبر عنه دائماً بإتجاه الامكنه فقط وود مدني لم تكن مكان فقط بل حنين لعمر كامل اضعنا اكثره بترهات سياسية في اللاجدوي ... هنا تصل الذاكرة لباب السياسة فيختلف الاحساس ويرتبط الحنين بالوجع والالم وتتداخل السياسية لتسود صفحات الذاكرة الحنينية الذاكرة السياسية المحملة دوما بالوجع والالم فنمارس الهروب الي ذواتنا حتي لا نعزف الحان جنائزية تكون نشاز بين جمال اسلوبك وصوت صديق متولي الشجي القابع في تلافيف الذكريات
دمت مع كامل الود
| |
|
|
|
|
|
|
Re: الحنين البي ليه ما قدرو ... ده العمر من بشترو (Re: HAIDER ALZAIN)
|
Quote: انه عوض جبريل صاحب هذا الحنين الهادر ... رحمة الله تغشاه .. |
شكرا ... عوض عكاشة ... وآسف لتأخير الرد عليك,
لكنك أوغظتنا على ماضي مجيد وعلى شخص كريم, فعوض جبريل يحتل ركنا مبينا فى حياتنا الشعورية, ولما إمتدت ظلاله لتسكن بكل الشجاعة والتواضع فى نبضنا الحيوي وفي كلام العشق وفي شعر المودة والصدق.
فرحمة الله عليه ... وهنا نفاج للنظر فى إعادة تأهيل وتكريم هذا الراحل الأبي المتواضع ... فأتمنى أن ننظر في مشروع من هذه الناحية, وأن نجمع منتوج هذا الشاعر ونقيم له ليالي تليق بمقدار سهرنا بإبداعه, وفرحنا بتواقع كلماته فى ضمائرنا وفي غرف إحساسنا.
تسلم ... عزيزي عوض ... وواصل تجلياتك فى هذا المشهد, وأفدنا برأيك فى المقترح أعلاه ... وعلى أمل أن تتبناه سودانيزأولاين.
... مع مودتي
| |
|
|
|
|
|
|
|