اللهمّ ياكريم ادخله مدخل صدق اللهمّ ياكريم نقّه من الذنوب كما ينقّي الثوب الأبيض اللهمّ يا كريم اغسله بالماء والثلج والبرد اللهمّ يا كريم زد في إحسانه وتجاوز عن سيئاته اللهمّ ياكريم أبدله داراً خيراً من داره وولداً خيراً من ولده وزوجاً خيراً من زوجه اللهم ياكريم واحشره مع الصديقين والشهداء اللهمّ يا كريم عبدك عثمان حسين بين يديك فارحمه واغفر له اللهم أنت أكرم منزول به أحبّه الناس؛ وأنت ربّي تحبّ خلقك وأنت خير راحم فأنت الرحمن الرحيم وأنت أكرم الأكرمين وهو ضيفك اللهمّ فارحمه واجعل قبره روضة من رياض الجنّة اللهمّ ثبّته عند السؤال واجعل له خير مآل وارحمنا إذا صرنا إلى ما صار إليه وارحم موتانا وجميع موتى المسلمين آمين أخي هرون أحسن الله عزاءك وعزاء الجميع أرجو الله أن يلهم شعب السودان؛ وأسرته وأحبابه؛ الصبر الجميل.
06-09-2008, 03:45 PM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
بين عمامة ترباس وحسين خوجلي وود الجبل، تقف العمامة البيضاء رمزا لشموخ السوداني، وتحولت وتحورت وتلونت لدى شعوب اخرى لكنها ظلت ناصعة في السودان الا عند الفنان على مهدي.
وأخيراً صادفنا بوست العمايم؛ للأستاذ كمال إدريس
هذا وسيتم التنسيق؛ بيننا
من أجل عمَّتنا العمّة
06-09-2008, 07:52 PM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
هذه سياحة تاريخية اخترتها لكم من موقع الجمال دون نت المتخصص في جمال المرأة العربية ـ بتصرف، يحكي عن تاريخ العمامة
غطّى الإنسان رأسه اتقاء لعوامل الطبيعة القاسية منذ فجر التاريخ واتخذ غطاء الرأس عند الجنسين أشكالاً متنوعة وفق واقع البيئة، وتطور العادات والتقاليد. ولعل «العمامة» ـ أو «العِمّة» ـ من أشهر أغطية الرأس المعروفة في العالم، منذ اكتشف الإنسان القماش واستخدمه لملبسه.
06-10-2008, 04:22 PM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
التي وردت في بوست الأستاذ الصحفي كمال إدريس ما يأتي:
غطّى الإنسان رأسه اتقاء لعوامل الطبيعة القاسية منذ فجر التاريخ واتخذ غطاء الرأس عند الجنسين أشكالاً متنوعة وفق واقع البيئة، وتطور العادات والتقاليد. ولعل «العمامة» ـ أو «العِمّة» ـ من أشهر أغطية الرأس المعروفة في العالم، منذ اكتشف الإنسان القماش واستخدمه لملبسه.
شكراً كمال
أنا بهبش بس؛ أدينا الإذن؛ عشان نخمش المعلومات الثرّة
06-11-2008, 07:56 PM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
قبل سنوات ثلاث، كنت في زيارة عابرة إلى جدّة؛ مررت بمستشفى الأرباب؛ بغرض سمكرة أنياب. ما تفرحوا شديد ياهلالاب؛ وبرضو الوالياب؛ عندهم العندهم. الشاهد؛ كنت مقلوز لي عمة على الأعتاب؛ لما طلعت من الموقع. ركبت خ 11 لأني كنت ماش قريب. قام وقف لي- بي سيارتو- زول عجيب؛ قال أوصّلك يا دا الحبيب؛ استغربت!؛ قدّمت ليه شكر كتير؛ لأني بس ما ماش بعيد. الزول نطق بي كلمتين، بس كلمتين؛ ما زاد عليهن شي جديد: (عشان العمة دي عندها معزّة كبيرة عندنا).
ومن بوست كمال إدريس ننقل الآتي:
بين عمامة ترباس وحسين خوجلي وود الجبل، تقف العمامة البيضاء رمزا لشموخ السوداني، وتحولت وتحورت وتلونت لدى شعوب اخرى لكنها ظلت ناصعة في السودان إلا عند الفنان على مهدي.
وعلي مهدي؛ عمامته خضراء؛ ما أجمل العمّة؛ وإن كانت خضراء؛ فهو يعتزّ بها؛ وباخضرارها.
ما همّاني المهم هي تكون فوق؛
هو علي مهدي ذاتو ما من الناس العمم
لو تابعنا تاريخه؛ أو جريه الآن؛ أكيد حتلقاه من الناس العمم؛
إذ يتميّز بأشياء تخصّه؛ وله الريادة في أشياء.
فله التحية؛ وياللا فوق عمتنا فوق
06-14-2008, 04:36 PM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
Quote: متعلقة بما استجدّ مع هذه الظاهرة من أنواع السلوك؛ فهلاّ شاركتمونا في هذه الأُمنية سواء بالمعلومات أو الخواطر أو الأسباب أو بما قيل أو كتب نثراً وشعراً والحلول.
ومن الناس العمم؛
الذين أتى بهم الدكتور يوسف؛ إلى بوست سفر الجفا
ومن
قبيلة الشعراء
تلك القمم السوامق الذين أسسوا للغناء وأرسوا دعائم النهضة الفنية للغناء السوداني .. ومن تلك القامات الشواهق ممن أضافوا إلى الأغنيه السودانية الكلمة المنغمة الراقية التي تستلهم من الشعر العربي القديم لما يحمل في معانيه الإحساس الراقي والتعبير الجميل. ومن هؤلاء الشاعر ( عبدالرحمن الريح)، ( عبيد عبدالرحمن) .. ( عتيق ) .. (العمرابي) .. ( المساح) .. (العبادي ).. (خليل فرح) ( عبدالله سليمان) .. و ( العشوق) ؛ ونجد أيضاً من رواد النغم في غناء الحقيبة على سبيل المثال لا الحصر( كرومة ) .. ( أولاد توتي ) .. (سرور ) .. ( خليل فرح ) .. (عمر البنا) .. ( عوض وإبراهيم شمبات ) ..( إبراهيم عبد الجليل و التوم عبد الجليل). وسيد عبدالعزيز.
رحمهم الله جميعاً؛ فقد أدوا ما عليهم؛ وسلكوا.
وقد نتناول بعضهم كلاً على حدة؛ في بعض الجوانب.
شكراً دكتور يوسف
06-18-2008, 05:00 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
مازالت العمه هي السائده لدي جموع السودانين رغم انها تكون صعبه علي البعض ارتدائها والبعض يري انها مقيده له في حركته ولكنها مازالت مسيطره علي زينا السوداني
06-18-2008, 08:18 PM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
مازالت العمه هي السائده لدي جموع السودانين رغم انها تكون صعبه علي البعض ارتدائها والبعض يري انها مقيده له في حركته ولكنها مازالت مسيطره علي زينا السوداني
حبيبنا العوض
هلابك يالزوم
وجيداً جيت
نورت البويست
قبّال تزور البيت
دا ظهور الصور الراكزات بالحيل
خلّت قلبي دقّ؛
وللسعد حجّيت
صورتك نوّرت أوعاك تسمع حتاحيت
Quote: موضوعك رائع وجميل
وبعدين ياخي
دا انت الجميل وجميل
لفّتك باحتراف
شوفوها كيف بتخيل
لكن دي ما معانا
نحن عايزين
الناس اللي عندهم قدرة
شوية قدرة
مثلاً زي بعض الناس في السعودية والخليج
ما يخلوها في صلاة الجمعة
ودي حاجة مرصودة؛ شفناها بعيونّا
والله طلّتك بهية وزينة
شاكرينك كتير
بس أديها قراية تانية
لأنها فوق بتطلع بي ناس فوق
وناس خلوها بتنزل بيهم تحت
06-19-2008, 05:28 PM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
العمة يا ناس ما كلام العمّة قول بعده الفعل العمة دمغة للورق العمة باسوورد المرور العمّة وقتين تلتقوا في الغربة لازم تستحوا لازم السلام حق زول همام مش زوغة زي حقة نعام العمة بالقول والفعل مش قول خلاص من غير فعل
ونواصل
06-21-2008, 12:32 PM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
Quote: العمة يا ناس ما كلام العمّة قول بعده الفعل العمة دمغة للورق العمة باسوورد المرور العمّة وقتين تلتقوا في الغربة لازم تستحوا لازم السلام حق زول همام مش زوغة زي حقة نعام العمة بالقول والفعل مش قول خلاص من غير فعل
اللّي لابس عمّة دا
المرشح(أوباما).
ترى هل سيتعاطف مع هذا الشعب الذي يتعمم بالعمامة البيضاء.
أم هل ستظلّ السياسة الأمريكية كعادتها؟
هل سيرحم اللوبي؟
وهل وهل؟
اللهم احم هذا الشعب الطيب.
هذا سؤال بريء
ونواصل مع العمة
مش قول خلاص من غير فعل
كان تلبسا أو ما تلبسا
ما يبقى كل صبحك مسا
دايرين نقب في الدنيا دي
قبال يجي علّ وعسى
نرجع لأفعالنا الزمان
شهدوبا ناس الهندسة
نبني ونشبد للأرمسا
فرحة نشيد صبح ومسا
ونواصل بإذن الله
06-21-2008, 05:32 PM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
(تابع للكلام السابق عن العمّة؛ والسلوك) يسعد صباحك يا نسا مرحب حباب يا هندسا سوداني قال شوف الرفيق قبل الطريق قبال عيونك تنعسا قبال يفوت فينا الفوات نرقد هناك في الأرمسا في زول خلد في الدنيا دي يا آمنة يا ست النسا
06-22-2008, 03:26 PM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
Quote: (تابع للكلام السابق عن العمّة؛ والسلوك) يسعد صباحك يا نسا مرحب حباب يا هندسا سوداني قال شوف الرفيق قبل الطريق قبال عيونك تنعسا قبال يفوت فينا الفوات نرقد هناك في الأرمسا في زول خلد في الدنيا دي يا آمنة يا ست النسا
هذه السير الذاتية التي ستأتي متتابعة مصورة من نشرات رسمية.
ونواصل مع الناس العمم ومع العمم الناس
06-22-2008, 07:48 PM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
سوداني قال شوف الرفيق قبل الطريق قبال عيونك تنعسا قبال يفوت فينا الفوات نرقد هناك في الأرمسا في زول خلد في الدنيا دي يا آمنة يا ست النسا مالك خباراتك بقت الشغلة في صبح ومسا ما كلموك أكل الموات فيه القسا ما قالوا ليك نيرانا مليانات نسا شيتاً نميمة؛ حبة عزيمة أو ديك تمائم تفرسا فاتونا أبواتنا الزمان ونحن رافلين في الحيا ويا الله يا ست النسا مالكم زردتوا الأبسا وين الحيا الكان مجسم في توبنا المبلّم؛ وصوت يهمسا
وعمّتنا فوق
زي ما تيبانّا فوق
06-25-2008, 08:36 PM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
حسين خوجلي يا حسين ياابني أنا بتكلم باسم عمَّتنْا العِمَّة، أصلها أكبر مني ومنك وأعلى مني ومنك، أقول يازول سوق ساي ،كلب ينبح وجمال ماشة ،إنت لا ناس الحكومة دايرينك ولا ناس المعارضة دايرينك بس عمتك شوية اقتصد فيها
Quote: فاتونا أبواتنا الزمان ونحن رافلين في الحيا ويا الله يا ست النسا مالكم زردتوا الأبسا وين الحيا الكان مجسم في توبنا المبلّم؛ وصوت يهمسا
وين الحيا الكان مجسم في توبنا المبلّم؛ وصوت يهمسا صياعنا غنّولنا في وقتاً قبيل لي فد صباع شافوه وقت الباب قسا حساه فصل الدين؛ علاّ ورسا جاريين على الماه توبنا ولا أساساً ألبسة عديل كدا من غير هدوم ديك لابسة معقول أخوي سوداني في الغربة اللئيمة يآنسا ويجيبها ديك أمراض جديدة يخانسا جبراً تموت والناس تفوت عزرائيل دا يونسا ليلك صباحك بالك مقالد أضرحة وديك أرمسا ما ضاق طعم لي دنيا الرماد طعم السعد ما اتحسّسا ما ضاق طعم شيتاً حلو دوماً دوام ما يائسا أهلوا الحنان متمزّقين لي حاله كل صبحاً مسا شايفين وداعه من دون طعم خايفين حرام دي ملامسة اللمسة بالحن والحنان لي إيده أو لي ضو جبينه آه شيتاً قسا
وعمتنا فوق
06-26-2008, 04:42 AM
عبدالفتاح أبوشيمة
عبدالفتاح أبوشيمة
تاريخ التسجيل: 04-15-2008
مجموع المشاركات: 4163
Quote: أهلوا الحنان متمزّقين لي حاله كل صبحاً مسا شايفين وداعه من دون طعم خايفين حرام دي ملامسة اللمسة بالحن والحنان لي إيده أو لي ضو جبينه آه شيتاً قسا
كيف يحمل القلب الحنين لي هيك معاملة بائسة يلطف عليك رباً كريم يا آمنة يا ست النسا ما الرقدة ديك جابت لها الضر والألم؛ أجبال كتيرة مورثة وجنينا داك من ذنب جاه القدر؛ مكتوب عليه لازم يموت مهما عملنا مؤانسة مهما عملنا ضاع الأمل والشايفه دا بس للأداء ومداقسة نعمل شنو ما خلاص بقت الباقية يا ست النسا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة