|
|
|
 Re: ...... لــيلة القبـض علـى العــــــروس ...... (Re: salma subhi)
|
موقف لن ينساه لا العريس ولا العروس...
حدد موعد الزواج بعد أسبوع واحد فقط من الخطوبة وبسبب ضيق الوقت تمت طباعة بطاقات الدعوة بسرعة رهيبة حتى يتسنى توزيعها على المدعوين... ولم تتم حتى مراجعتها.
المهم البطاقات اتوزعت.....وكانت المفاجأة....الكرت مكتوب فيه اسم العريس صاح واسم عروس تانية بالغلط ....وكانت الطامة الكبرى.......العروس في المستشفى بعد أن سمعت الخبر وفي حالة إغماء....والعريس في ورطة .....والمدعوون يعجبوكم طبعاً.....
ودمت سالمين
| |
 
|
|
|
|
|
|
|
 Re: ...... لــيلة القبـض علـى العــــــروس ...... (Re: salma subhi)
|
البرينسيسة سلمى
صباحك سعيد سعادة العروسين في يوم العرس .
إن كان كده الواحد يمسك قوي في أم العيال .. طلبات الايام دي بقت تعجيزية عدييييل كده ، وآخر موضة بقت في الشيلة لازم يكون في موبايل وبي شريحته كمان ، ده لو كمان العروس طلبت رقم مميز كمان . إضافة إلى اللابتوب لزوم الوجاهة ، والفنانه قالت : الماعنده قرش الطلاق ورقة .
تخريمة :
زماااان الولية تقول ليها عايز أعرس تقعد تبكي وتولول ، هسه تقول ليها عايز أعرس تقول أمشي عرس كان بتقدر ، هو إنت كان عندك قدر ده ما كان بنيت أرضك القاعدة ذي الهم في القلب دي خاليها للكلاب تهوهو فيها .
مودتي
عماد
تمريرة :
في قصة برجع ليك بيها بعدين .... سمح !!!
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: عماد محمود علي)
|
الأخ الفاضل عماد
أسعدك الله وأفراد اسرتك
| Quote: إن كان كده الواحد يمسك قوي في أم العيال .. طلبات الايام دي بقت تعجيزية عدييييل كده ، |
بالضبط كداااا....
| Quote: وآخر موضة بقت في الشيلة لازم يكون في موبايل وبي شريحته كمان ، ده لو كمان العروس طلبت رقم مميز كمان . إضافة إلى اللابتوب لزوم الوجاهة |
لابتوب وموبايل بي شريحة ورقم مميز....دي عروس الكترونية.
| Quote: زماااان الولية تقول ليها عايز أعرس تقعد تبكي وتولول ، هسه تقول ليها عايز أعرس تقول أمشي عرس كان بتقدر ، هو إنت كان عندك قدر ده ما كان بنيت أرضك القاعدة ذي الهم في القلب دي خاليها للكلاب تهوهو فيها . |
صحي كلاما أبني الأرض...وبعد ما تمها اساساً حتكون نسيت انت كنت بتفكر في شنو من أصلو...
| Quote: في قصة برجع ليك بيها بعدين |
اوكي...
تقديري أخ عماد
ودمت سعيداً
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: salma subhi)
|
سلمى صبحى .. ســلام وتحيــة ..
قال الشاعر : نعيب زماننا والعيب فينا .......... فما لزماننا عيب سوانا
.. كثيرا ما يتحسر المرأ على الأيام الخوالى ، الأيام الماضية ، وكل ما تقدم الزمن ، يوصف الذى
مضى هو أفضل من الحاضر وبلا شك ، وهو كذلك ..
جلست ذات مرة وأنا أسترق السمع ، ( ليست شمشره بأسلوب الحاضر كما يسمونها ) ولكه فضولا
كان دافعه أهمية ما أثير ويثار فى تلك الجلسة الشبابية
...
كوكبة من الشباب الطامحينا..( لكنه طموح السجم والرماد ) ..يتسامرون فى أمر الزواج وما آل إليه ...
الغريب فى الأمر أن جلهم كان تواقا وشقوفا لمعرفة أهل العروس أولا وأسرتها ، قبل السؤآل عن
العروس ، ... وماهو وضع الأسره المالى والإقتصادى ، وعن ما يملكه أبوها ... تصوروا ...!!
هل سكنهم ـ فلا ـ أم عماره أم بيت عادى ..؟؟؟!! أما أن تكون خريجه وشغاله فهذا من الضروره بمكان
قلت فى نفسى ، وكانت رشفة الشاى الذى أمامى أحرقت لسانى بحرقة ما سمعت ( لأنى أبو بنيات )
..الحمد لله الذى هيأت لبنتاى ما يسألون عنه الشباب ( دون توريه وتفاخر طبعا ) ..
لأنه والله شيء مؤسف حقا ..
فى زماننا عرسنا وارتبطنا وهى لا زالت بالسنه الثانيه جامعه ، كل همنا كان كيف نرتقى وكيف نعمل
للمستقبل وكيف نكون أنفسنا ، ... وقد كان ولله الحمد من بعد ومن قبل ...
وقبل أن أبرح مكانى كان ختام ما سمعته أن تكون خريجه ومرتبها كم يعنى معرفة راتبها مثل أهمية
الشيله والمهر بالنسبه لأهل العروس ، وهؤلاء الشباب ليس لدهم مانع بأن تقوم هى بالقوامه تصوروا
وللموضوع صلة إن كان فى العمر بقية ... وخليتكم بعــــافية ...
... محمد مختار جعفر
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: salma subhi)
|
سلمى صبحي ...
تحية و إحترام ...
موضوع حيوي جداً ...
زميل لي بالعمل من باكستان ... لديه أربع بنات ... مشكلته كبيرة ... عندهم إلزاماً أن يدفع والد العروس للعريس مهراً و يكسو العريس و أهله و جيرانه ... و يحضر الذهب لبنته ... و يجهز بيت الزوجية ... يعني الله يكون في عون أبو العروس ...
عندنابقت في ظواهر غريبة و تغيرات واضحة ... يعني زي حنة العروس البيقوا يعملوا ليها حفلة و معازيم و فنان و قومة و قعدة ...زمان العروس بيحبسوها و عريسها ما بيشوفها إلا ليلة الزواج ... اليوم بتكون لافة مع العريس وراء الصالات و الفساتين و الكوافير لغاية قبل العرس بيوم و البركة في الفير أند لوفلي و أخوانه ...
يا حليل الصيوان الزمان بلونه الجميل مع الصالات الملت البلد و قدت الجيوب ...
ياخي بصراحة المسائل دي إتعقدت خالص ... يعني مع العنوسة و إضراب الشباب عن الزواج الناس عقدت المسائل بشكل مخيف بدل ما يعقلوا ...
الحل شنو ...
مودتي ...
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: أشرف البنا)
|
حقيقى تسليمي يا سلمى على الموضع اللى زى اللوز ده ،،،
كلامي اللى جاى ده ما عايز أظلم بيهو كل الأمهات وكل البنات ،،،
فى أمهات وبنات حكمه وتواضع وعيش على أرض الواقع والجود بالموجود ،،،
أما البقية و ده أصل الحكايه ،،،
أصل الموضوع وما فيه إن الأمهات كثيرا ما ينظرن الى من سبقهن فى زواج بناتهن ،،،
لذا تجد المغالاة فى كل شئ حتى أبسط الأشياء ،،،
لتدخل علينا بعض العادات الدخيلة كما ذكر الأحباب أعلاه من كماليات أصبحت من الأساسيات ،،،
طبعا كل من يفكر فى الدخول فى هذا الأمر لابد له من دخول حرب شعواء من أجل وضع بعض الأمور فى نصابها المعقول ،،،
فتيات هذا الزمان إلا من رحم ربي تجدها تسير نحو المظهر الكاذب من مظاهر الفخفخة والأبهه والتباهي ،،،
بالفصيح كده ،،، فلانه جابوا ليها كده وكده وأنا ما أقل منها ،،، هى أحسن منى فى شنو ،،،
لازم أعمل كده فى عرسي ،،، لازم يآخدنى من البيت للكوافير بعربيه شكلها كده ،،،
ولازم يبجيبني بعربيه من نوع آخر وآخر موديل بالطبع من الكوافير لزوم شوفوني ،،،
مرات البيت يكون ناقصو حاجات كتيره جدا وتجد الواحده تجرى وراء الفخفخه الفاضيه ،،،
وبعدين المسكين ده يمشي يكمل حاجاته بالدين ،،، ليه لأنه ما عمل حساب حاجات جات فجأه ،،،
والنتيجة بداية بالدين والدفع بعدين ،،، لتبدأ مرحلة جديده من النقه ،،، نعم النقه ،،،
ح تقولى لى النقه فى شنو ،،، ما العرس تم على أحلى ما يكون ،،، النقه بتجي فى حاجات البيت الناقصه ،،،
ويجوا البنات صحباتها وتحوس فى حاجه ما لاقياها وهى طبعا تكون داخله فى أظافرها ،،،
تتحمل مع أعذار والله راجلى حبيبي قال ح يجيبها من لندن ،،، وحماتي قالت لا من اليابان أحسن ،،،
الوعد يكون فى الزياره القادمه إنو يشوفو الحاجه دى عندها وهنا تبدأ النقه ،،، لازم تجيبها لى كسر رقبه كده ،،،
يا بت الحلال ما قلنا من أول ،،، تقول ليهو ما بعرف عايزاها يعني عايزاها ،،، وده معناه مزيدا من الديون ،،،
حتى تصل الحكاية الى مرحلة اللا عوده ،،،
عشان كده لازم يكون فى حل للموضوع ده ،،،
يمكن المغتربين ظروفهم تكون أحسن لكن يا شباب اللى جوه البلد هناك ح يعمل أيه دبروني ،،، مع محبتي.
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: أشرف البنا)
|
الأخ الفاضل أشرف البنا
يسعد صباحك ومساك
| Quote: عندنابقت في ظواهر غريبة و تغيرات واضحة ... يعني زي حنة العروس البيقوا يعملوا ليها حفلة و معازيم و فنان و قومة و قعدة ...زمان العروس بيحبسوها و عريسها ما بيشوفها إلا ليلة الزواج ... اليوم بتكون لافة مع العريس وراء الصالات و الفساتين و الكوافير لغاية قبل العرس بيوم و البركة في الفير أند لوفلي و أخوانه |
بالفعل بقى شئ غريب...وفقدت الحياة الكثير من رونقها وطعمها الجميل ذي حكاية انو العريس يشوف العروس طوالي مثلاً قبل الزواج...أين عامل التشويق هنا؟؟؟؟؟؟..
يمكن عجلة الحياة السريعة وتسارع الأحداث خلوا الناس بقت كده!
حكاية العروس بتلف مع العريس عشان حاجات العرس دي في ليها أسباب منهامثلاً...
- زمان معروف العريس بيسد المال وبيدي المهر وبيجيب الشلة والباقي على ناس العروس يجهزوا كل شي....صاح!!
طيب هنا بقى في حاجات كتيرة اتغيرت يا أخ أشرف..بعض العروسات بقوا ما بيعجبن إختيار العريس وأهل العريس....وانقلبت الحكاية بقت أدونا القروش في إيدنا وإحنا البنختار...ومنو اللافي ويدفع...( العريس )...ومعاه (العروسه)...والعريس محدود الدخل طبعاًفي حالة فرح لا يحس ساعتها بالأثر المترتب على كل هذا الدفع ويدفع ويدفع الى أن يدفع به الى الهاوية!!
| Quote: يا حليل الصيوان الزمان بلونه الجميل مع الصالات الملت البلد و قدت الجيوب ... |
دي الناس بقت تغني عليها وتقول....كانت لنا أيام لن ننسى ذكراها!!
حتى وإن وجدت فهي قلة قليلة مقارنة بما يحدث اليوم
| Quote: ياخي بصراحة المسائل دي إتعقدت خالص ... يعني مع العنوسة و إضراب الشباب عن الزواج الناس عقدت المسائل بشكل مخيف بدل ما يعقلوا ...الحل شنو ... |
العقدوها الناس نفسهم....إنت هسي ما ملاحظ شي !!!الوقت تحس أحياناً بقى ما فيه بركه، طعم الأكل غير طعمو زمان، الحياة اتغيرت.
إن الله لا يغيّر ما بقوم حتى يغيّروا ما بانفسهم!!
واصل معانا عسى ولعل نصل لي حل!!!
كل التقدير أخ أشرف
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: ابو جهينة)
|
الأستاذ القدير أبو جهينة
عاطر التحايا
ويا لها من مداخلة ثرية بكل معانيها ومفاهيمها ومدلولاتها التي اختلفت من جيل الى جيل
شكراً لك سيدي الفاضل أن وضعت النقاط على الحروف في كثير من الأمور.
Quote: هذا الزمان الأغبر الذي إختلط فيه حابل و نابل أشياء كثيرة ... يجب أن يتم فيه الإختيار بعقلانية قبل تحكيم ( القلب )
لو إتفق الإثنان ( القلب و العقل ) فهذا قمة النجاح و التوفيق .. |
| Quote: أسوأ شيء في هذه الأيام .. أن البعض ينطلق نحنو الزواج إنطلاقا من مفهوم ( عروس مرتاحة ) .. و مرتاحة هذه غالبا ما تكون من باب ( تأمين السكن له في منزل الزوجة ) .. |
Quote: و لا إتفاق على تفاصيل الحفل
كل ما تهتم به العروس هو كيف ستبدو بفستان الحنة .. و كيف ستكون ( الكوشة ) ..و فستان العرس .. و بعد إنقضاء أيام العسل تبحث عن شريط الزواج تدفن فيه كل زخم أيام ما قبل الزواج و أيام الزواج و تبدأ الطاحونة في ضجيجها و تصطدم العروس و العريس بمطبات لم يحسبوا حسابها جيداً و بطريقة مدروسة ..
|
وأواصل معك هذه الحكم والدرر
...
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: Baha Elhadi)
|
الاستاذ الفاضل بهاء الهادي
تحية طيبة
Quote: نحن بعيدون عن السودان
ونسمع عن العرس ما يشيب له الولدان ( الصغار ) |
ونحن كذلك نسمع عن الكثير من التغيرات الدخيلة على مجتمعنا السوداني والبتهلك جيب العريس.....لذلك طرحنا هذا الموضوع للنقاش....
والماعرس يتابع البوست ...ويشوف الحل شنو. 
تقديري
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: salma subhi)
|
سلومة
منسي
انا غايتو ما بتلوع ولا الكلام ده داخل في راسي ياخي الواحد يمد كراعو قدر لحافو وبالتاكيد ما كل اللحافات لحافات ولا تستوى قامات الارجل - قد تكون كراعك قصيرة وتجد اللحاف الاطول منك لكن مستعد لتكييف ابعاده لتناسب كراعك والعكس صحيح - ما اعنيه لو حسن الاختيار وحسنت النوايا وتحابت القلوب فكل الامور بتمشى على بركة الله .
حاشية
انت عارفة يا سلمى انا اولادي ديل رحلتهم من قرى الدندر ونقلتهم لحياتكم البندرية والحمد لله بقوا بحاكوا فيكم انتو ناس البندر في كل شيئ حتى مشية الشفقة حقت الحلال خلوها البت بقت تمشى الهوينا والولد بقى يجلس وسط الضيوف ويخلف كراع في كراع والكلمة ما يطلعها ليك الا بعد يشحتف روحك والتطلعات بقت تطلعات اولاد المغترب والام ذاتها بقت تهبش الكي بورد وتهرش بتاع البلدية اكان تاخر في نقل الزبالة( بلغة الخليجيين)
اها عندنا ود عمتنا مهذب وظريف وراقي جدا وخريج جامعة جوبا حتى عمتنا والدته راقية جدا وبحبها شديد وكنت امنى نفسي ان يتقدم هذا الولد لاي من بناتي وبالفعل عمتى رسلت لى قالت الطيب يا ولدى نحن رجاء بتك دى عايزنها لولدى فلان والله فرحت شديد وقلت ليها يا عمتو بنتى انا بيخطبوها عندك انت مش انت بتخطبي بتي .
اها انا مع الفرحة ديك مشيت اتكلمت مع بنتي وفوجئت جدا عندما قالت لى ( يعني يا بابا عايزني اترك بيتنا ده وارجع للمربع الاول اسكن في الدندر ؟) والله كلما حاولت اقنعها اخر حاجة وافقت عليها انا موافقة ولكن بشرط ان يقيم بها في الخرطوم مع العلم ان والد الولد من النوع البحب اولاده يكونوا قريبين منو ويخشى عليهم من الخرطوم .
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: osman righeem)
|
الأستاذ الفاضل osman righeem
تحية طيبة
Quote: موضوع يمس صميم برنامج حياة كل انسان
لكن اظنه دخل تاريخيا عصر الفوضي الخلاقه |
لذلك نجد عدم الإستقرار في تحديد أمور مصيرية والتضليل الذي أصاب البعض والذي تولدت منه آثار جانبية كثيرة جداً نرى ثمارها في ما يحدث الآن.
تقديري لمرورك سيدي الفاضل
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: salma subhi)
|
| Quote: هو انت بتقول الكلام ده لي الأخ خالد....ما زمان مشت امورو على بركة الله مع هنغاريا و حتكون الترتيبات الكتيرة الفوق دييك خلتو يحمد الله مية ألف مرة انو عرّس مجرية... |
اها يا سلومة شفت الاجنبيات وفيات كيف عند سامي الحاج . دى هسع اكان ............كان طلقتك وعرست زماااااااااااااان وضاربة عطورها وارياحها والتياب السمحة بس منتظرة يموت زول او يلد زول او تتكسر كراع زول عشان تقدل وتستعرض سااااااااااااااااااى .
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: salma subhi)
|
| Quote: اها يا سلومة شفت الاجنبيات وفيات كيف عند سامي الحاج . دى هسع اكان ............كان طلقتك وعرست زماااااااااااااان وضاربة عطورها وارياحها والتياب السمحة بس منتظرة يموت زول او يلد زول او تتكسر كراع زول عشان تقدل وتستعرض سااااااااااااااااااى . |
فيييييي ذمتك؟؟ واحدة غير سودانية تستحملك ؟؟؟شمال السودان البعيد دااك كان الازواج يسافرو وجنياتم في الارحام ويرجعو يلقوهم رجال واتعلمو ويمكن اشتغلو والجرف مزروع والنخل شايل ووست الكل منتظرة لا قالت اتاخر ولا اتكلمت مع المذيع في الراديو والتلفزيون .....
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: abubakr)
|
| Quote: فيييييي ذمتك؟؟ واحدة غير سودانية تستحملك ؟؟؟شمال السودان البعيد دااك كان الازواج يسافرو وجنياتم في الارحام ويرجعو يلقوهم رجال واتعلمو ويمكن اشتغلو والجرف مزروع والنخل شايل ووست الكل منتظرة لا قالت اتاخر ولا اتكلمت مع المذيع في الراديو والتلفزيون ..... |
يا عمو أبوبكر ما هو قال.....
| Quote: سااااااااااااااااااى |
وسااااااي نفت الإفتراض....
وأثبتت أنا سوداني أنا.....
تقديري
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: salma subhi)
|
عجبــــــي ثم عجبــــــي
على الأتى....
من الحاجات الجد عجيبة وبنسمعا دلوقت في الزمن ده ، إنو يكون في اتنين مخطوبين وظروفهم المادية ما بتسمح بإتمام الزواج أو حتى تكاليف المعيشة فيما بعد.
القصة وين؟؟؟؟؟؟؟؟؟؟
يجي شريك العمر ويقول لشريكة عمرو المستقبليه إحنا بالطريقة دي لا حنعرس ولا شي !!! والخطيبة تسمع في تلهف للوصول الى الحل المنشود ويقوم يقول ليها ......
عشان أمورنا تمشي ونقدر نأسس بيت ونوفر حياة كريمة عندي ليك فكرة رهيبة !!!!
وما هي الفكرة الرهيبة ؟؟؟؟؟؟؟؟؟؟؟
رأيك شنو، أتزوج واحدة غنية أو وارثة سواء كانت بكر أم ثيّب صغيرة أم كبيرة في السن لا يهم !! المهم عندها ما يكفي لتحمينا أنا وأنت من لهيب الحياة ....
هنا بقى رد الخطيبة بيختلف ....
_ في البترفض طوالي.
_ وفي البتوافق لحد ما الله يفرجها ويعرف العريس الشاطر كيف يسحب البساط من تحت أرجل التانية المخدوعة.
_ وفي البتوافق وممكن تاني أساساً ما تلقى ولا تلم في العريس ...  لأنو انشغل عنها...وانشغل بي شنو هنا كمان حالتين:
_ إما بالحياة الجديدة المريحة الخلتو ينسى خطيبتو القديمة ويقول مالي ومال الشقا.
_ أو بالعروس الجديدة الأغنتو عن انو يفكر أساساً تاني في الخطيبة.
وممكن كمان الموضوع أساساً ما ينجح ويلقى العريس نفسو ضاع لا لم في خطيبتو ولا لم في البنك المتحرك والله المستعان!!
بالمناسبة الموضوع ده حتى بعض المتزوجين بقوا يلجأوا ليه !
.....
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: salma subhi)
|
سلومة
بطلي الطيبة الكتيييييييييرة وانا اعنى ما اقول وساااااااااااااى دى لتاكيد انو الشغلانية عندها زى المودر جمل نسيبتو اكان لقاهو بشنق وبغني واكان ما لقاهو برضو بشنق وبغني _
دى يا سلومة سالفة سودانية طبعا وشائعة جدا وتعني النسيب ما بهمو ضياع حق نسيبتو كتير . وفي المثل ده بيقولوا النسيبة عندها جمل او ناقة وضاعت والناس كلها فزعت للبحث عنها والنسيب جر عكازو المضبب ولبس سيفو وراح قادل مع الفزع اها اكان لقاهو هييييييييييع بجي مبسوط يعني بسط نسيبتو وستر حالو معاها واكان ما لقاهو ما فارقش معاهو كتير.
الرطاني
Quote: واحدة غير سودانية تستحملك ؟؟؟شمال السودان البعيد دااك كان الازواج يسافرو وجنياتم في الارحام ويرجعو يلقوهم رجال واتعلمو ويمكن اشتغلو والجرف مزروع والنخل شايل ووست الكل منتظرة لا قالت اتاخر ولا اتكلمت مع المذيع في الراديو والتلفزيون .....
|
والله بالجد تاني معاك ما عندى كلام ومش كده والله السمحة ام ولدى بتخجل تمشى تقول للناس انا عايزة محل الاتصالات عشان اتصل بابو عبد الله - معانا يا سلمى انت - ولو عايزة تتصل بي بتطلع مع اى مجموعة من النسوان للمدينة بدعوى انها ماشة المستشفى لزيارة مريض اها وتغفل ليك النسوان وتزوغ على اقرب بتاع اتصالات تدخل جوة الدروة وهاك يا الحكي اللذيذ!!!! كل اخبار الاولاد تديني ليها .
سلمى فاهماني؟
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: الطيب شيقوق)
|
شكراً استاذ الطيب شيقوق على الأغنية الجميلة .....
القطار فى السودان كان له أثر كبير في وجدان الشعب السوداني ......
وكم حرّك الكثير من الدواخل وبالذات الشعراء الذين أبدعوا في ربطهم بين القطار والمحبوبة والرحلة أين كان مصبّها...
القطار فرقنا
آه حزنا ملكنا
باتصالنا الروحى برانا نحنا برعنا
الوداع ياحبيبى وربى ليك يصون
الفارقت ما لقيتا
الليلة وين يا روحى
تقديري استاذ الطيب
| |
|
|
|
|
|
|
|
|
|
Re: ...... لــيلة القبـض علـى العــــــروس ...... (Re: salma subhi)
|
استاذة سلمى
اغنية القطار دى حتما بيكون المرحوم استاذنا حسن عباس صبحي بترنم بيها لما يكون لوحده
ممكن يا سلمى تورينا فنان الوالد المفضل والاغاني الدائما بترنم بيها ؟
ومن هم اصدقاء الوالد من الشخصيات المعروفة ادبيا وثقافيا وفنيا وروحيا؟
وهل للوالد علاقات من غير السودانيين؟
في انتظار الاجوبة .
مودتي
| |
|
|
|
|
|
|
| |
salma subhi
د.محمد حسن
محمد مختار جعفر
الطيب شيقوق
أشرف البنا
محمد خليل ساني
Alsa7afa_30
awad okasha
Baha Elhadi
خالد علي محجوب المنسي
ابو جهينة
osman righeem
abubakr
محمد البشرى الخضر
mohmed khalail
فيس بوك
تويتر
انستقرام
يوتيوب
بنتيريست