|
|
 مش شغلك.
|
سيكون هذا البوست باذن الله للحديث عن احد اشهر ضروب الادب التي بدات تنتشر في منتديات السايبر وهو ادب الاحراج او ادب الجام الحشرين .
سيكون المدخل لهذا البوست هذه العبارة الموجودة في عنوانه : مش شغلك
والتي تفسر علي عدة اوجه منها علي سبيل المثال : هذا الشيء لا يعنيك , الامر لا يخصك , لم نطلب رايك وغيرها
وبالمقابل اعتقد انها تقابل العبارة الانجليزية الشهيرة : This is not your business
المعلوم ان العبارة الواردة في العنوان قد درج علي استخدامها الخليجين في الاجمال , مع وجود عبارات دارجة اخري مثل , ما خصك , مالك صلاح , مالك دعوة وغيرها من العبارات المشابهة .
|
|
 
|
|
|
|
|
|
|
 Re: مش شغلك. (Re: اساسي)
|
جاء في الاثر السايبيري حديث لا امل من تكراره يقول : ان منتديات الانترنت فرصة ذهبية لا تقدر بثمن للنيل من الخصوم والحط من مبادئهم دون الشعور بتأنيب الضمير .
ولما كان الكثيرون يدخلون الي مواقع الحوار للكتابة والقراءة والمحاورة وابداء وجهات النظر الامر الذي يقود الي وجود وجهات نظر متباينة ومختلفة والذي يقود بالمقابل الي نشؤ تيارات فكرية مختلفة في تلك المنتديات بينها مساجلات كتابية وفكرية وغيرها بصورة دائمة ومستمرة
يحاول كل فريق ان ينال من الاخر ويظهره بمظاهر الضعف والجامه الحجة ما استطاع
وبين هذا الفريق وذاك دائما ما يكون هناك البعض الذين يجتذبهم الحوار
وهم الذين سيكونوا محور حديثنا في هذا البوست ان شاء الله
| |
|
|
|
|
|
|
|
|
|
Re: مش شغلك. (Re: اساسي)
|
هؤلاء البعض الذين اجتذبهم الحوار كما اسلفت , هم تلك الفئة التي تقلب في وجهها الطاولة دائما , فلما كانوا غير مقصودين بتلك المساجلات ولما كان دخولهم الي تلك المساجلات من باب الفضول او حب الاطلاع او البقاء علي اطلاع او من باب الشمار او من باب العلم بالشي او من نافذة الاستفادة من المساجلات الحاصلة او من باب الهتيفة والفريجة ومحبي اللعبة الحلوة
وللاسف هؤلاء هم الذين تنقلب عليهم الاوضاع في تلك المساجلات بتداخلهم في الامر اما سلبا او ايجابا وفي الحالتين هم لا يرضون احد الطرفين لذا يكونون هدفا سهل النيل منه والاقتصاص وتوجيه السهام العابرة وذلك بتعريضهم لعبارات لاذعة موجعة غالبا ما يكون الهدف منها كالذي جاء في المثل الغير سري : اضرب المربوط يخاف السايب
| |
|
|
|
|
|
|
|
|
|
Re: مش شغلك. (Re: اساسي)
|
Quote: والله إنت بقيت صعب خلاس
هسي الزول* دا ما تسترو ياخ!!
* زولنا ما الزول التاني |
ياخي زولنا طلع اشلق من سليكة شابكها ليك الشليقة لمن شالت فيها اسع كمان صادف انه لقانا فاضين شوية ومافي موضوع مثير ولسؤ حظه ماخد مني قبل كم يوم اوسكار كاحسن كاتب للشهر , فدا مدعاة لانه يكون هدف لتقيمنا ورد اعتبار لتك الجوائز التي نمنحها
ياخي الذ مافي الموضوع انه صاحبنا عامل فيها الموضوع عايدي وما مشكلة
او كما قال في اشاراته الثعلبية الي موضوع المذاكرة خاصتك
وكدا يعني
| |
|
|
|
|
|
|
|
|
 Re: مش شغلك. (Re: اساسي)
|
| Quote: او كما قال في اشاراته الثعلبية الي موضوع المذاكرة خاصتك |
يا عمك
مكنة منو ساااي
ما شفتو زاغ من قصة اللنك 
أســـاســي يا عــمــك
أنت كاتبي المفضل لـ سنة قدام
| |
|
|
|
|
|
|
|
|
|
Re: مش شغلك. (Re: محمد عبد الماجد الصايم)
|
افو يا اب شنب| Quote: ما شفتو زاغ من قصة اللنك |
كدي راجع الأسابيع النسخة الأولى ....
خليهو كلامي راجع مداخلاتك إنت البتعتذر فيها عن الغياب بحجة المذاكرة للدكتوراة او حاجة بالشكل دا
يا بياع
| |
|
|
|
|
|
|
|
|
|
Re: مش شغلك. (Re: اساسي)
|
| Quote: اضرب المربوط يخاف السايب |
يا زول السايب دي كلمة ما كويسة
_
ود البُشري انت سايب ولا مربوط ؟
| |
|
|
|
|
|
|
|
|
|
Re: مش شغلك. (Re: اساسي)
|
يا أساسي ما تفهمونا الموضوع شنو!!
الزول الأول منو والتاني منو
بس أوّع تقول لي مش شغلك
كمال
| |
|
|
|
|
|
|
|
|
|
Re: مش شغلك. (Re: اساسي)
|
اساسي الأسد...
كزول كتاب و مبدع - كما تدعي - ما في داعي تشغل نفسك بالرد على جميع المتداخلين
خليها لي انا بالمرة واتمنى انها تكون شغلي المرة دي
| |
|
|
|
|
|
|
|
|
|
Re: مش شغلك. (Re: فيصل نوبي)
|
انوم وين ياعمك
برضو ما مقتنع بإجابتك
مذكر حالك انا ايام أفت ليكم و المداخلة المميزة
والتلفونات على راس كل مداخلة و كوم التهديديات و التحانيس و الوعيد وحلايف الطلاق الكنت بتبذلها عمال على بطال
فدي اعتقد فرصة مناسبة لك تسد شوية من الدين العليك
قوم لف بلا ميد ماي داي تو معاك
| |
|
|
|
|
|
|
|
|
|
Re: مش شغلك. (Re: محمد البشرى الخضر)
|
| Quote: فدي اعتقد فرصة مناسبة لك تسد شوية من الدين العليك |
لوووووووووووووووول
يعني هسي دي رشوة عشان اعمل ليكـ بوست تلميع !!
يا عمكـ أحمد ربنا إنها جات من اساسي
_
سادسا ديكـ أظنها كانت ليكـ برضو
| |
|
|
|
|
|
|
|
|
 Re: مش شغلك. (Re: فيصل نوبي)
|
Quote: لوووووووووووووووول
يعني هسي دي رشوة عشان اعمل ليكـ بوست تلميع !! |
ياعمك اظن الوقفة ديك فكت كورتك
تلميع منو يابا
هو داك كان تلميع
خسارة تعبي كان كدا
| |
|
|
|
|
|
|
|
|
|
Re: مش شغلك. (Re: محمد البشرى الخضر)
|
Quote: تلميع منو يابا
هو داك كان تلميع
خسارة تعبي كان كدا |
هو في تلميع أحسن من الانت فيو حالياً ده
لا عليكـ الله أتعب ... أتعب
_
احمِد ربكـ انه إسمكـ ما كان في العنوان
| |
|
|
|
|
|
|
|
|
|
Re: مش شغلك. (Re: فيصل نوبي)
|
| Quote: احمِد ربكـ انه إسمكـ ما كان في العنوان |
لا ياخ انا عاوزه في العنوان
ما تسوي ليك واحد تاني يا عمك وبردو ليك الربع الجاي إن شاء الله
| |
|
|
|
|
|
|
|
|
|
Re: مش شغلك. (Re: محمد البشرى الخضر)
|
| Quote: تعرف لقيت مداخلتي الجاية رقمها مميز 5555 فقلت اعدل دي |
يعني بخلان على أساسي دا بي مداخلة
الزول فاتح ليك بوست عدييييييل
وحيستحمل رد المداخلات الذي يشبه (الطعام ذو المذاق السيء)
ولا قال شنو الزول داك
غايتو جنس غايتو
| |
|
|
|
|
|
|
|
|
|
Re: مش شغلك. (Re: بشير أحمد)
|
ريحني يا أساسي الله يريحكـ ..
عندي مرارة قايمة على من أمس ...
رغم إنو عندي احساس انت فيكـ من (الشي داكـ شوية ..)
لكنه مقبول ولا (تجاهر) به كثيراً ....
مع مراعاتنا ( لحالتكـ ) النفسية في كل (حين) و ( حين) ....
| |
|
|
|
|
|
|
|
|
|
Re: مش شغلك. (Re: اساسي)
|
لقيت فرصتك انصحك انك تحسن استغلالها
وللأمانة قصة كاتب عقاب الشهر دي قلبي كان ماكلني فيها
و اياك ان تدقس والقاك مطرف بي واحدة زي دي ح امتعك تمام
اتفضل واصل ...
| |
|
|
|
|
|
|
|
|
 Re: مش شغلك. (Re: الطاهر ساتي)
|
الطاهر يا عمك ...
عشان خاطر بروفايلك الوجيه دا خليني ارد على كلامك بجديةيستحق كيف يا الطاهر
لو كان تعليقي في مدونة او عمود مثلا يبقى معاك حق استحق يتقال لي مش شغلك
لو كان البورد اسمو ملاسييزاونلاين برضو ممكن
لكن بورد مفتوح لما اخدنا الباسويرد ما كان معاها لستة بالمواضيع النعلق عليها و نتداخل فيها و الباقي لأ
اي موضوع يطرح هنا إذا جاني مزاج اقراه واتداخل فيه يعتبر شغلي
ناهيك عن ان التعليق كان عن امر فعلا يهمني
كيف اوصف باعتباري علقت على إيقاف زملاء بأني هتيف و بائع صحف و بتاع و لا يكون شغلي
لا والله هو وغيره شغلي شاء من شاء و ابى من ابى
و الزرافات الزي دي لا تؤثر فيني ولا تخليني اغير موقفي و رؤيتي للامور
هل يا ترى لا زلت تصر اني استحق
وكدا
| |
|
|
|
|
|
|
|
|
|
Re: مش شغلك. (Re: اساسي)
|
ود البشري ياراقي
تحياتي ومثلها للوليدات
اوعك تعمل الحركة دي تاني
طبعا بعد اذن صاحب النفاج
ــــــــــ
اساسي ياحبيب
خلي الحكاية تبرد شوية
| |
|
|
|
|
|
|
|
|
|
Re: مش شغلك. (Re: بشير أحمد)
|
هلا يا بشير يا عمك
و تحاياك تصل و مثلها للكابتن في بروفايلك ما شاء الله عليه
اوعى اعمل شنو يا ابوي
هو انا عملت شنو جديد
دي طريقتي البفضلها عموما و تعليقات زي دي مرت علي قبل كدة
فما اظن تعليق جديد يغير حاجة
| |
|
|
|
|
|
|
|
|
|
Re: مش شغلك. (Re: محمد البشرى الخضر)
|
Quote: اوعى اعمل شنو يا ابوي
هو انا عملت شنو جديد
دي طريقتي البفضلها عموما و تعليقات زي دي مرت علي قبل كدة
فما اظن تعليق جديد يغير حاجة |
ود البشري ياعمك
اكيد ما ح يغير فيك حاجة ؛ومعرفتي بك ياصديقي قبل دخولي البورد
كتاباتك جميلة ومريحه جدا ؛وياعمك اتجدع علي راحتك
وجيتنا لاساسي للمزاح فقط ؛
| |
|
|
|
|
|
|
|
|
|
Re: مش شغلك. (Re: اساسي)
|
| Quote: منتديات الانترنت فرصة ذهبية لا تقدر بثمن للنيل من الخصوم والحط من مبادئهم دون الشعور بتأنيب الضمير |
الحبيب اساسي ...هذه العبارة تبين خطورة الكيبورد، وكثير من الجبناء يتخفون في الاسفير ويلبسون جلود النمور ويركبون اوجه اسود، انه زمانهم فليمرحون.
| |
|
|
|
|
|
|
|
|
|
Re: مش شغلك. (Re: اساسي)
|
و الله ما رضيناها ليك
لكن ان جيت للحق محمدة حامضة زي دي ما بتتفات
و الله يا محمد بي بوستك دا
تستحق اوسكار المحمدة سنتين قدام
| |
|
|
|
|
|
|
|
|
|
Re: مش شغلك. (Re: حمد فتح الرحمن)
|
| Quote: ان منتديات الانترنت فرصة ذهبية لا تقدر بثمن للنيل من الخصوم والحط من مبادئهم دون الشعور بتأنيب الضمير . |
من يفعل ذلك ، فهو بلا شك ( مريــــض ) ..
عبارة ( مش شغلك ) قالها ملاسي للاخ محمد البشرى ، حينما أبدى محمد وجهة نظره في موضوع ( بكل أدب وإحترام ) ..
فهذه هي طريقة ملاسي في تعامله مع الناس ، ويبدو أنه شبّ على ذلك ( لا لوم ) .. وكل إناء بما فيه ينضح ..
أتصور أن محمد الآن قد عرف كيف يتعامل مع ملاسي ....... وسنرى ..
كما أنني أشك في أن محمد البشرى قد هزته كلمات ملاسي ، وذلك ببساطة لأنها صادرة من ( ملاسي ) .. فلم الغضب ( إن وُجِد )
ولو أنها صدرت من أي شخص آخر لإختلف الأمر..
ارجعوا الى ردود ملاسي على الأعداء والأصدقاء معاً، وشوفوا !!! ( نسأل الله الشفاء ) كان لقيتو رد أحسن من ده ، تعالوا بعدها وجيبوا معاكم الكراسي والفنان ..
حبكت يعني في ردو على محمد البشرى ، واللا في حاجة تانية نحن ما عارفينها ؟؟؟
....
متابعين عشان ( نستفيد ) ..
| |
|
|
|
|
|
|
|
|
|
Re: مش شغلك. (Re: Salah Abdulla)
|
لا حولا يا ابو صلاح
دا كلام شنو الكبار دا ياخ , ما قدر دا الموضوع ما بستاهل
ومن متين كلمة ولا سخافة بتهز ليها إنسان و تخليه يغير قناعاته او طريقته
وحتى لو صدرت من غير ملاسي ما بتفرق معاي
محل ما داير اقول رايي بقوله حتى ولو ما لقى قبول من صاحب البوست او اي كان
| |
|
|
|
|
|
|
|
|
|
Re: مش شغلك. (Re: اساسي)
|
مع إنو موضوع البوست مرح و مع إنو كلمة ملاسي قوية و كان ممكن تكون مضحكة لكن بأمانة ألمتني شديد إمكن لو اتقالت لي ما كنت زعلت زي الزعلة الزعلتها. بدون مجاملة ود البشرى زول استحق الاحترام. و أنا بيني و بين نفسي قلت إما في كلام بين الأخوين ملاسي و محمد إحنا ما فاهمنو ولا غايتو ملاسي ما أداها صنة و فكر فيها قبل ما اكتبها.
مع التحايا لأساسي و ضيوفه.
| |
|
|
|
|
|
|
|
|
|
Re: مش شغلك. (Re: Elawad)
|
العوض يا عمك...| Quote: مع إنو موضوع البوست مرح |
هو كدا
اشكرك على الكلمات الطيبة بحقي لكن صدقني الأمر عادي بل و وفيه جانب ممتع ايضا
| |
|
|
|
|
|
|
|
|
|
Re: مش شغلك. (Re: محمد البشرى الخضر)
|
اخواني المتداخلين ..
اساسي الرائع .. ..
التحايا لكم جميعا .. قلتها في عدة مواقف واقولها الان ليتنا
نزرع في هذا الحوش وردا وحبا .. لماذا نزرع الورد ولانري الا شوكه؟
ان نخسر انسانا او ان نشتمه او نخطيء في حقه امر في غاية السهولة
ولايريد فنا لنفغل ذلك؟ ولكن ان نكسب صديقا او نحب احدا فهذا
هو الابداع وهو الاصعب ؟ ليتنا نحب بعضنا اولا قبل ان نقدم علي
كتابة كلمة واحدة ..
الحب في المنبر هو الشعار الذي يجب ان نرفعه .. وفي اوج خلافاتنا
يجب ان نكون في درجة كبيرة من الحب والوعي ؟؟ ليتنا نستطيع؟؟
| |
|
|
|
|
|
|
|
|
|
Re: مش شغلك. (Re: اساسي)
|
طبعا ابوحميد مشا البيت و نايم نوم الهنا
احنا لينا الله
و عيشة السوق
ان شاء الله ما ينفعك
| |
|
|
|
|
|
|
|
|
|
Re: مش شغلك. (Re: اساسي)
|
رغم أنه دا ( مش شغلي ) إلا أنني
اتوقع أن يأتي ملاسي بسادسا هنا ويقول فيها
أن يعتذر أساسي نيابةعن ملاسي لمحمد البشرى نتيجة لاصابته بنيران صديقة
| |
|
|
|
|
|
|
|
|
|
Re: مش شغلك. (Re: اساسي)
|
| Quote: This is not your business |
والله انا عاجباني العبارة دي
وعندي بت أختي بتقرأ في مدارس انجليزية
وأخوها بقرأ في مدارس عربية
كل ما يتدخل في حاجة تخصها او مع صاحباتها
تلقاها تدور ليك فيهو This is not your business
وانا كنت بتكيّف منها شديد لأنها كانت بكدا بتحسمو ليك
وهو طبعاً مرات بحاول يآخد حقو منها ويقول ليها مش شغلك
This is not your business تحس بيها أقوى من مش شغلك
غايتو في البورد دا This is not your business دي الله يسترنا منها
وانشاء الله يا اساسي ما نجيك في business بتاعك ونتلوّم تقوم تدوّر لينا
This is not your business
| |
|
|
|
|
|
|
| |
اساسي
محمد عبد الماجد الصايم
محمد البشرى الخضر
فيصل نوبي
Frankly
بشير أحمد
عمران حسن صالح
الطاهر ساتي
كمال ادريس
حمد فتح الرحمن
Elawad
عبدالكريم الامين احمد
humida
عبدالفتاح أبوشيمة
baha eassa
عمر التاج
abuguta
شمهروش
A.Razek Althalib
حيدر حسن ميرغني
انعام عبد الحفيظ
فيس بوك
تويتر
انستقرام
يوتيوب
بنتيريست