|
|
 مبروك ... مازدا مدرباً للفريق القومي
|
Quote: قرر سكرتير اتحاد كرة القدم السوداني في اجتماع مطول للجنة الطواريء الخاصة باعداد المنتخب الوطني الاول لكرة القدم عقد امس والذي ضم الي جانبه المدربين احمد بابكر الفكي والمدرب امين زكي والطريفي احمد الصديق وطارق عطا حيث تم التأمين علي اصدار بيان اليوم حول مصير اعداد المنتخب لمباراته المرتقبة امام رواندا هذا وتفيد متابعات قوون من داخل الاجتماع ان الاجتماع توصل الي قرار نهائى بالتمسك بالجهازين الاداري والفني بقيادة الاستاذ اسامة عطا المنان والمدرب محمد عبد الله مازدا وتكليفهم رسميا للاشراف علي المنتخب كانقاذ للموقف في اعقاب استقالاتهم الاخيرة وسيعلن السكرتير من خلال بيانه موعد وتاريخ تجمع اللاعبين وتحديد المعسكر بالاضافة الي اصدار القائمة الجديدة للاعبين·
|
الخبر ورد بجريدة قون
|
|
 
|
|
|
|
|
|
|
|
Re: مبروك ... مازدا مدرباً للفريق القومي (Re: Nasruddin Al Basheer)
|
فيها أيه أربع مباريات متتالية ننهزم
وما نحرز هدف واحد في مرمى خصومنا؟
الأهداف دي مسألة قسمة ونصيب
إذا ربنا رايد لينا نجيب قون كنا جبناهو.
وربنا لما يقول للقون كون، بكون حتى لو كان في مرماك..
نرجو من الناس أن يوحدوا الله ويصبروا على مازدا
فالفرج قريب إن شاء الله.. وإن ينصركم الله فلا غالب لكم..
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: Elsamani A.Malik)
|
Quote: تاااني مازدا
والله المنتخب دا الله يكون في عونو. مساعد مدرب الوصيف مدربا للمنتخب الوطني الاول.
والله دي ماتحصل الا في السودان.
|
في السودان كل شيء جايز يا السماني
هنا ما غريب عندنا إلا الشيطان..
مدرب فريقو ما مقتنع بيهو مدرب أول
ومستعين بيهو كمساعد مدرب لزوم الترجمة
يجينا شداد ويصر عيهو عشان يزيد ضغطنا..
غايتو ربنا يجازي اللي كان السبب..
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: محمد البشرى الخضر)
|
| Quote: ما عارف ليه لما قريت خبرك دا جات على بالي حكاية العمارة و قصة استراحة محارب |
تصدق يا ود البشرى أنا كنت مراهن على عودة مازدا لتدريب المنتخب.
لأن الاتحاد العام لم يبحث عن مدرب بعد مازدا وهو كذلك غير مستعد
لدفع راتب مدرب أجنبي عشان كده الجماعة قالوا ما بنلقى لينا مدرب
ملح غير مازدا ده، ومسألة استقالة الجهاز الفني والإداري كانت تمثيلية
أريد بها امتصاص غضب الجماهير وفي النهاية تكرر سيناريو العمارة
ساجدة والوزير الحرامي الذي تمت ترقيته بعد أن أداها صنّة..
عجبي منك يا سودان..
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: ممدوح عثمان)
|
Quote: غايتوا لو الخبر ده صحيح يبقى كارثة
|
الخبر صحيح يا ممدوح ومنشور في أكتر من جريدة.
| Quote: لكن حنعمل شنو ما باليد حيله .. وأمرنا لله |
أيو نحن عاوزين زي مشاعرك دي
توحيد الله والتسليم بقضائه وقدره
عند الكوارث والمحن.. نسأل الله اللطف والستر..
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: Naji A.Moniem)
|
Quote: معقولة بتقول لينا مبروك!!
وكمان نصبر!! اكتر من الصبرناهو ده تانى صبر نجيبو من وين
غايتو يازول بكده انا قنعت من خيراً من المنتخب
صدقنى البوست ده حينقلب بوست تعزية
ياخى الصبر الصبرو السعودى عليهو كفاية |
تحياتي يا ناجي وعساك بخير
عاد نقول شنو يا اخوي؟
أي زول بعينوهو بقولوا ليهو مبروك
وتانياً غير نصبر ما عندنا حل، مكتوب علينا نصبر
عن الإخفاقات السياسية والرياضية وغيرها..
أنا شخصياً لا أرجى خير من المنتخب، بس نسأل الله
أن يلطف بشباكنا من توالي التلاتات..
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: haroon diyab)
|
Quote: يعني خلونا نزغرد
وبقينا زي الحريم
تجي تجيب لينا خبر السجم والرماد ده
عليك الله شداد ده لو عنده دم يسوق الجهاز الاداري والفني بتاعه ده ويطلب حق اللجوء لاي دولة تانية
ياخي حرام عليكم فضحتونا ....بس نقول شنو ....الاختشوا مااااااااااااااااتوا
|
الأخ العزيز هارون دياب
استقالة القدح كانت زعلة منو
وبعد الزعلة فكت رجعت ريمة لقديمها
لكن إذا كنت منتظر استقالة من أبو القدح
فسوف يطول انتظارك..
طبعاً شداد ما شاعر بإنو هو آفة الكرة السودانية
لأنو بعتبر الصحافة الرياضية والإداريين واللاعبين
الأميين وناس زعيط ومعيط هم سبب البلاوي..
خلونا نقول اللهم لا نسألك رد القضاء
ولكن نسألك اللطف فيه..
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: ALGARADABI)
|
Quote: ياخ أنا كلمتك وقلت ليك الزول ده أطلق شوطو
والله في الغربة دي السكري و الضغط أصلو ماعايزين سبب
أعمل حسابك يا حبيب انتا غالي علينا
|
نوع شداد ده يا قردابي بيعمل جلطة أو سكتة قلبية
والظاهر ضحاياهو حايكونوا كتيرين، أغلبهم أسياد بلد
وغير نتأقلم مع الوضع حانروح في حق الله.. Quote: لكن سؤال:
لو شداد مجنون ماذدا ده ما قالو ود المدن الواعي الدارس الكتاب
ما عارف احساس الناس شنو تجاهو؟؟؟ |
مازدا عارف كلو شيء، أكتر من يقذفوا بيتو وعربيتو
بالحجار يعملوا ليهو شنو أكتر من كده؟
بس هو المسكين لو ما رضخ لأوامر شداد حايفقد منصبو
في لجنة التدريب المركزية التابعة للاتحاد العام
وإنت عارف السودانيين من أجل الكنكشة في المناصب،
الواحد ممكن يكتل أخو بأعصاب باردة..
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: Nasruddin Al Basheer)
|
القردابي
مساء الخير
Quote: لكن سؤال:
لو شداد مجنون ماذدا ده ما قالو ود المدن الواعي الدارس الكتاب
ما عارف احساس الناس شنو تجاهو؟؟؟ |
المصريين عندهم مثل بقول : عالم تخاف ماتختشيش....!
لكن ناسنا ديل
لاتخاف ولاتختشيش...
دم القرادة عدييييييييييييييييييييييييل .
جاتنا نيلة في حظنا الهباب
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: عبد اللطيف السيدح)
|
Quote: اذاًً اقم يا صديقي نصر الدين
علي الفريق القومي مأتماً وعويلاً
اتحاد شداد مصر علي ابقاء الكدر والاحزان ومازدا
الناس ديل ما دايرين ( ينقلعوا) بلغة الخليجيين
بالله تكفو حلو عننا |
عبد اللطيف السيدح رفيق الزمن الجميل
مرحباً بك في هذا الفضاء الأوسع وسعداء بطلّتك
مأتم الفريق القومي أقمناه عندما انهزم ثلاث مرات
بثلاثة أهداف نظيفة في كل مباراة في أمم أفريقيا وصرنا مضحكة للمصريين
ولكن المكابرين يعتبرون أن مجرد تأهلنا مع الكبار هو إنجاز لنا
مع العلم نحن صعدنا لأننا صنفنا مع مجموعة ضعيفة وليس لأن
منتخبنا هو أفضل المنتخبات، رغم تصدرنا لمجموعتنا..
وشداد لن يذهب إلا بسقوطه وسقوط اتحاده الهزيل، لكن حتى الآن
لم يظهر في الساحة من يرغب في حمل الراية من بعده.
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: عبود عبد الرحيم)
|
Quote:
عندما أعلن مازدا استقالته .. كتبت هنا في المنبر أن خبر الغد هو تمسك اتحاد شداد بمازدا
وصدقت توقعاتنا الان
|
نعم يا عبود، كثيرون كانوا واثقين من عودة مازدا لأن شداد لا يفعل
إلا ما هو عكس رغبة الناس، والدليل صبره على المدرب الفاشل هزايميك
رغم النتائج السيئة للمنتخب والاعتراضات الكثيرة عليه..
شداد يعتبر أن استقالة مازدا وذهابه هي هزيمة لاتحاده، لذلك كانت
عودة مازدا مسألة وقت ليس إلا وقد تحققت العودة بعد نسيان الناس
لشيء اسمه المنتخب السوداني...
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: Nasruddin Al Basheer)
|
نصر الدين
وسنظل نردد معك
خلونا نقول اللهم لا نسألك رد القضاء
ولكن نسألك اللطف فيه..
خلونا نقول اللهم لا نسألك رد القضاء
ولكن نسألك اللطف فيه..
خلونا نقول اللهم لا نسألك رد القضاء
ولكن نسألك اللطف فيه..
خلونا نقول اللهم لا نسألك رد القضاء
ولكن نسألك اللطف فيه..
خلونا نقول اللهم لا نسألك رد القضاء
ولكن نسألك اللطف فيه..
خلونا نقول اللهم لا نسألك رد القضاء
ولكن نسألك اللطف فيه..
خلونا نقول اللهم لا نسألك رد القضاء
ولكن نسألك اللطف فيه..
خلونا نقول اللهم لا نسألك رد القضاء
ولكن نسألك اللطف فيه..
خلونا نقول اللهم لا نسألك رد القضاء
ولكن نسألك اللطف فيه..
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: haroon diyab)
|
Quote: نصر الدين
وسنظل نردد معك
خلونا نقول اللهم لا نسألك رد القضاء
ولكن نسألك اللطف فيه..
|
يا هارون واحد حلفاوي من أهلك، سمع الإمام في بداية عهد الإنقاذ
بيدعو في خطبة الجمعة: اللهم لا تسلط علينا بذنوبنا من لا يخافك
ولا يرحمنا.. فقام طوالي قاطعو (يا مولانا بالله عليك سيب اللف والدوران
بتاعك ده، هو من ناحية سلّت سلّت (سلط)، فعليك الله يا مولانا أدعو ربنا
يغتس حجر الإنقاذ وسيب اللف والدوران بتاعك)..
نحن هنا بنعمل بديبلوماسية الإمام ونقول اللهم لا نسألك رد القضاء
ولكن نسألك اللطف فيه..
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: عبود عبد الرحيم)
|
نصرالدين
السلام عليكم ورحمة الله تعالى وبركاته
ان شاء الله تكون انت والاسرة بخير
ولا نفقد سوى عدم رؤياكم الغالية
اخي كيف عامل مع الغربة البطالة والسخانة الشديدة
اما الأحوال عندنا في السودان فهي بخير
امبارح الفتريتة سعرها طار السما
اها وزيت السمسم وصل لي ستة الف الرطل
اها كان عندكم زيت سمسم رسلوا لينا منو باغة
اها وكان لقيت زول جاي رسل لينا معاهو شريط دايرين نسمع حس الوليدات
اها سلم علي الجماعة كلهم
وعليك الله ما تقطع الجوابات
اها في خبر داير اكلمك بيهو الا قلت بعد تجي..سمح؟
ضروري
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: عبد اللطيف السيدح)
|
عبد اللطيف
كيف احوالك يا حبيب
اخونا نصر الدين، ود التبخ دا، زول اخونا الا بس عيبو واحد
انك تحبو غصباً عنك
عشان كدا الواحد خايف عليهو من الضغط والذي منو..
ثم
بعدين مازدا دا ساكن في حلة اولاد عمتنا في شارع واحد وكدا
وعندهم عربية سمحة انا يوم لقيتا واقفة قدام البيت..
عجبتني والله
اها عليك الله قول لي نادية عثمان شوفي لينا معاك طريقة في القناة الجديدة
وسلم على العيال
وما تنقطع
**
الفتريتة وزيت السمسم عاملين دوبلير،
نعمين زمان كنا بناكل كسرة الفتريتة بي الطماطم بي البصل...هيششششششش اه، بي زيت السمسم
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: عادل فضل المولى)
|
Quote: نصرالدين
السلام عليكم ورحمة الله تعالى وبركاته
ان شاء الله تكون انت والاسرة بخير
ولا نفقد سوى عدم رؤياكم الغالية
اخي كيف عامل مع الغربة البطالة والسخانة الشديدة
اما الأحوال عندنا في السودان فهي بخير
امبارح الفتريتة سعرها طار السما
اها وزيت السمسم وصل لي ستة الف الرطل
اها كان عندكم زيت سمسم رسلوا لينا منو باغة
اها وكان لقيت زول جاي رسل لينا معاهو شريط دايرين نسمع حس الوليدات
اها سلم علي الجماعة كلهم
وعليك الله ما تقطع الجوابات
اها في خبر داير اكلمك بيهو الا قلت بعد تجي..سمح؟
ضروري |
تعرف يا عادل لو كل المريخاب بقولوا النصيحة زيك كده
ما كان زيت السمسم وصل ستة ألف، أقصد ما كان فريقنا
القومي بقى ملشطة في أمم أفريقيا وأخد 3 حبات في الفطور
و3 في الغداء و3 في العشاء..
يا اخي نحن في النشرة الرياضية تقوم تعملها لي نشرة اقتصادية؟
عاش الهلال حراً أبياً
وعاش حزب الأمة (الإصلاح والتجديد)
وعاش تحالف قوى الشعب العاملة..
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: عبود عبد الرحيم)
|
Quote: وكمان مازدا بسمع كلام الاتحاد ... وناجح في موازنة الهلال والمريخ ... وبيعرف متين يقول آه ومتين يقول لأ ... لاتحاد شداد الآمر الناهي في الكورة السودانية ..
|
كل ما ذكرته من أسباب يا عبود هي فعلاً اللي بتخلّي الاتحاد العام يتمسك
بمازدا ويجبره على سحب استقالته..
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: Nasruddin Al Basheer)
|
نصر الدين سلامات يا حبيب
الله يبارك فيك ..........
Quote: فيها أيه أربع مباريات متتالية ننهزم
وما نحرز هدف واحد في مرمى خصومنا؟
الأهداف دي مسألة قسمة ونصيب
إذا ربنا رايد لينا نجيب قون كنا جبناهو.
وربنا لما يقول للقون كون، بكون حتى لو كان في مرماك..
نرجو من الناس أن يوحدوا الله ويصبروا على مازدا
فالفرج قريب إن شاء الله.. وإن ينصركم الله فلا غالب لكم.. |
ما اصلو المدرب الناجح بتكون محاولاته كتيرة وكثفه
لابد من المحاولة وتكرارها اكتر من 732 مرة ولابد من الصبر وبعدين انشالله النتائج
(بس للاسف نحنا ماحا حنضر النتائج التمام يامان ) امكن اولاد اولادنا .....امكن
مع المدرب القدير ماذدا واتحاد شداد المتين فلازم نصبر
يا نصر الدين سيدنا ايوب سوداني ؟؟
ـــــــــــــــــــــــــــــــ
عادي........ ولاحاجه اربعه ولا اربعيه
| |
|
|
|
|
|
|
|
|
|
Re: مبروك ... مازدا مدرباً للفريق القومي (Re: عبدالله كع)
|
Quote: يا نصر الدين سيدنا ايوب سوداني ؟؟
|
تحياتي يا عبد الله كع
السودانيين كلهم بقوا أيوب، صابرين على الفقر والعدم
وتدني الخدمات والصحة وانهيار الخدمة المدنية وفشل
السياسة والسياسيين، واتجهنا للرياضة عشان ما نصاب بالضغط والسكري
لكن يظهر إنو يا دوب جينا للضغط والسكري..
مازدا يسهم مع غيره من المسؤولين في تعذيب السودانيين..
ربنا يسامحو..
| |
|
|
|
|
|
|
| |
Nasruddin Al Basheer
Elsamani A.Malik
محمد البشرى الخضر
Naji A.Moniem
ممدوح عثمان
mo
طارق عبد اللطيف نقد
haroon diyab
ALGARADABI
Mohamed Foto7li
عادل خياري
عبد اللطيف السيدح
عبود عبد الرحيم
عادل فضل المولى
عبدالله كع
فيس بوك
تويتر
انستقرام
يوتيوب
بنتيريست