|
|
|
 Re: لا لتكريم هيثم مصطفي بهذه الصفة .. (Re: طلحة عبدالله)
|
قبل قليل فقط تابعت إعلان قناة (الهلال الأزرق) أقصد النيل الأزرق وهي تروج لسهرة تكريم لاعب الهلال (المحلي جدا ) هيثم مصطفي وسمعت كيف أن الأخ رمضان أحمد السيد يتحدث عن هذا اللاعب وكأنه أسطورة الملاعب السودانية رغم أنه وطوال سنينه الطويلة في الملاعب بقي مجرد لاعب محلي يفوز مع فريقه علي جزيرة الفيل ويستأسد علي هلال كادقلي ثم يهرج وينطط ويتشعلق فرحا منبهرا في عارضة الرد كاسل حتى يتسني له ان يمتع ناظره بجمال القلعة من مكان عالي وذلك لمجرد فوزه ببطولة محلية لا تسمن ولا تغني من جوع .
ان من حق السيد رمضان أحمد السيد صاحب الجريدة الهلالية أن يبعثر أمواله ويقيم اللمات وحفلات الغناء لمن شاء من لاعبي الهلال ويفرح ويرقص معهم كما يريد ولكن ليس من حقه أن يتحفنا بعبارات من شاكلة ان هذا التكريم لنجم السودان الذي أسعد الجمهور السوداني والبرنس جاء والبرنس غاب وما شابه من هتافية مضحكة وذلك لأن النجاح الذي حققه هيثم مصطفي (ان صح التعبير والوصف ) يخصص الهلالاب وحدهم ولا علاقة للسودان به اللهم إلا اذا كان أهل أصحاب الأوهام والخزعبلات والتخيلات يعتقدون أن الهلال هو السودان .
يتبع ..
| |
 
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
عن اية قومية يتحدث رمضان أحمد السيد ..؟
ما هي النجاحات القومية التى حققها (المحلي جدا) هيثم مصطفي إن كان مع هلاله أو مع المنتخبات الوطنية حتى يفرضه علينا أهل قون كلاعب يستحق التكريم قوميا ...؟
إن هيثم مصطفي وللإمانة إن لم يتعس الجمهور القومي فهو لم يسعده أبدا .. أن صحائف هيثم ملئية بالبقع والنمش والكلف وسوء السلوك فقد إرتبط أسمه بالخنق والبصق ومطاردة المشجعين وقبقبة الحكام وسب الصحافيين وغير ذلك من السوءات التى يستحق بموجبها أن يمنع نهائيا من اللعب بشعار المنتخب ناهيك عن تقليده شارة الكابتنية ..
أن مثل هذا التكريم القومي إن كان هناك ما يستحقه فهو بلاشك اللاعب الخلوق ونجم نجوم الكرة السودانية فيصل عجب الذي حقق مع المريخ والمنتخب الوطني العديد من الإنجازات والإعجازات فهو الذي وصل المنتخب بفضل اهدافه إلى نهائيات أمم غانا بعد 32 سنة من الغياب علاوة علي فوزه ببطولة سيكافا ووصوله لنهائيات العرب ببيروت إلى جانب وصوله مع الزعيم المريخي إلى نهائي الكنفدرالية العام الماضي .
اذا كانت جماهير الهلال وجرائده ورجاله منبهرون بهيثم مصطفي المحلي ويرون انه يستحق التكريم والغناء والهجيج فلماذا لا يفعلون ذلك دون الباس الأمر ثوب القومية والإدعاء بانه نجم السودان الذي أسعد الجمهور السوداني .
قصة غريبة ياخ .
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
Quote: أن مثل هذا التكريم القومي إن كان هناك ما يستحقه فهو بلاشك اللاعب الخلوق ونجم نجوم الكرة السودانية فيصل عجب الذي حقق مع المريخ والمنتخب الوطني العديد من الإنجازات والإعجازات فهو الذي وصل المنتخب بفضل اهدافه إلى نهائيات أمم غانا بعد 32 سنة من الغياب علاوة علي فوزه ببطولة سيكافا ووصوله لنهائيات العرب ببيروت إلى جانب وصوله مع الزعيم المريخي إلى نهائي الكنفدرالية العام الماضي .
|
كويس ماجاب كاس افريقيا مالو؟ خلي الكاس قون ساي ماجابو وشابكيننا الهداف الهداف واقوانو دي قاعد يجيبا في الأهلي ولا أسيك ولا النجم الساحلي؟ ماكلها في الامل عطبرة و نيل الحصاحيصا وكان بالغ وإتقطع خلااااااص في القطن التشادي والشلف.
خلاص حنكلم ليك رمضان يكلم مزمل ابو القاسم عشان يكرم ليكم العجب كويس.
آل العجب آل
نعم ومليون نعم لتكريم سيدا
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: Elsamani A.Malik)
|
Quote:
خلاص حنكلم ليك رمضان يكلم مزمل ابو القاسم عشان يكرم ليكم العجب كويس
|
ما بتقصر يا سماني ياخ
وبلاي بالمرة تم جميلك وقول لناس رمضان ديل روقوا المنقة وختوا الكورة في بطن الواطة دي ..
الازعاج ما في ليهو داعي ياخ ولو عايزين تهججوا براكم مع لاعبكم امشوا نادي الهلال واللا انشالله الصالحية وكرموا لاعبكم وانسوا حكاية القومية دي .
الكلام دا بلاي وصلوا لرمضان وبالمرة خليهو يكلم مزمل وباقي الشباب .
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
| Quote: النجاح الذي حققه هيثم مصطفي (ان صح التعبير والوصف ) يخصص الهلالاب وحدهم ولا علاقة للسودان به |
الأخ طلحة
كنت ستبدو منطقيا أكثر، في رأيي، لو طالبت بتكريم لاعب ألعاب القوى كاكي الذي حقق إنجازا للسودان.
ولكن من الواضح أنك تعترض على التكريم لأنه لهيثم مصطفى
هل كنت ستنتقد نفس الانتقاد لو التكريم تم للاعب غير هلالي؟
أرجو الرد بكل أمانة على هذا السؤال.
وبالمناسبة "قوون" كرمت من قبل لاعبين من أندية أخرى.
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
ماسر حب الضلالاب لللخبطة والفلهمة والفهلوة والفشخرة والبوبار والسلبطة والإدعاء ..
لقد ظلوا يبحتون باظافرهم لاكثر من سبعين سنة مستعينين بكل الحيل والأساليب والاناطين والدجالين والسحرة دون حتى ان يمتعوا عيونهم بكأس برنجي صغير من الخارج ومع ذلك يقولون لك بكل فلهمة عوراء نحن فريق القرن مع انهم لا يستحقون فريق ظفر عتود* صغير ميت في الخلاء ..
يصدعون الناس صباحا ومساء في الشوارع والبيوت والأزقة والحواري والمكاتب ومواقف المواصلات وفي الحافلة والسوق والسينما بان فريقهم لم ينهزم في ملعبه ويتجاهلون أن المريخ الذي إنهزم في ملعبه وفي اي مكان تأبط البطولات اشكال والوان ومع ذلك يتواضع اهله ولا يفتحون أفواههم إلا بمقدار الإفراج عن ضحكة سخرية مكتومة علي هولاء المتفشخرين المساكين المتوهمين .
وأخيرا وليس آخرا يكذبون علي انفسهم ولاعبهم المحلي جدا هيثم مصطفي حينما يزعمون هرجا وفلهمة أنه يستحق التكريم بصفة قومية في حين يتناسون حاقدين ان من يستحق التكريم بهذه الصفة هو العجب الذي أجاد وأفاد وأبدع وامتع وسجل الأقوان وأسعد شعب السودان ..
لابد أن الهلالاب مستمرين في ضلالهم وأحلامهم ونفختهم الكذابة .
حاشية : العتود هو صغير الماعز ..
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
للمعلومية :
الفيفا يختار 14 نجما عربيا لحملة «كرة القدم تعطى الامل»
رشح المركز الإقليمي للأولمبياد الخاص الدولي لمنطقة الشرق الأوسط وشمال إفريقيا أربعة عشر لاعباً عربياً للانضمام إلى نجوم كرة القدم العالميين فى حملة تحت عنوان "كرة القدم تعطى الأمل".
وكان المركز الإقليمي للأولمبياد الخاص الدولي قد رشح اللاعبين محمد أبو تريكة وحسن شحاته "مصر"، يونس محمود "العراق"، سامي الجابر "السعودية"، إسماعيل مطر "الإمارات"، طارق التائب "ليبيا"، جوهر المنارى "تونس"، عبدالهادي المحارمة "الأردن"، مبارك بوصوفه "المغرب"، بدر المطوع "الكويت"، إياد ماندو "سوريا"، خلفان إبراهيم "قطر"، علاء حبيل "البحرين"، فيصل عجب "السودان"، الحاج عيسى "الجزائر"
خبر تناقلته وسائل الإعلام المختلفة
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
سؤال برئ
إنت مالك كنت هلالابي و لا هلالابي ..؟؟؟؟؟؟؟؟؟؟؟؟؟؟؟؟؟؟؟؟
بكرموه الهلالاب فما دخل المريخاب ....
ان شاء الله نعمل ليهو تمثال ونختو في الصالون .....
حاجة تحيير
ما منكم..... من العلمكم الكتابة في الهلال عشان الناس ( الجد جد ) تقرأ ليكم .....
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
| Quote: (ابشنب باللاي شكل لي على زوقك و كتر لي من البتعولق و البتبشتن) |
يا عــمــك
تحت الطلب
عواستنا جااااهزة
هاك
الـ 
ومعاهو الـ 
وأيضا الـ 
ومن مختاراتنا أيضا الـ 
وشوية من الـ 
مضافا إليهم الـ 
ختاما الـ 
مقرونا بـ 
مع تحيات الـ 
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
| Quote: وفتح سوق العجور ابوابه .. |
سوق العجور ده يا حبيبي أسمو ( الصدأ )....
إنت مالك ومال الهلال بالجد كده ..؟؟؟؟؟؟؟؟؟؟؟؟؟؟؟؟
موش عنك فريق ؟؟؟؟
شجعو ...... أكتب عنو ....غني ليهو ....
بيع عجور عشان تدعمو .....
لكن تفتش لي أخبار الهلال وتكتب عنها ...
شينة والله ......
فريقك ....أولى ...
يا حبيب.....
اســـــــــــــــــامة..... بث........
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
الذين يتغزلون في سماحة هيثم ووجاهته ومنجهته وبدلته الكحلية لماذا لا يرشحونه كعارض ازياء بدل ان يكذبون عليه زاعمين أنه نجم السودان ..
والذين قالوا سيدا وكريسيدا وعباس الأقرع إنشالله بس يجيب ليهم بطولة خارجية في آخر عمرو ..
والذين قالوا اي كلام أهديهم وشوش ودو كماين الخلاقات اللافة في الفاضي ديك .
وإلى هولاء وأولئك نقول بلاي ما تغشوا ود الناس بلا نجم السودان بلا بليلة .
النجم والنيزك والشهاب واية حاجة هو فيصل عجب وإن كره....
الرجرجة ..
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
نقولا نعم والف نعم وليك ياسيدا ياملهم
نقولا من الضمير والفم
عشان هلالالنا يتقدم
تتررررررم تررم ترررررم
موت بى غيظك يا مطلحه ورينى العالمى عندكم منو العجب الركبو بتتطاقش ده ولا سفارى وقمارى
هيثم الفنان يستحق التكريم وفى مهرجان اعتزاله انشاء الله عام 2020حا نجيب شلسى جد جد مش زى كذبة انترميلان بتاعة جمال الوالى
اهتفوا لسيدا
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
   
والله ياطلحه عاجبني عجب
قاعد ترج الجماعةديل رج
ياخي بتكتل ليك واحد فيهم اصلهم فريقهم المحلي دا معذبهم
هس امس مع الهدفين ديل بتكون المستشفيات اتملت بصدمات السكري وارتفاع الضغط
ياخي خليكم على فريقهم المحلي دا
مش حرام يكرموا هيثم ويخلوا فيصل العجب سيدو والشغلانية بقت وجاهة فيصل صعد المريخ المباراة النهائية وكذلك صعد الفريق القومي لنهائيات الامم الأفريقية بالأداء والأهداف وبرصيد نافس به على مستوى العالم وافريقيا والعالم العربي
وبرضو تقول لي الطياره فيها بوري
باختصار كدا الحكاية بقت وجاهات وربنا يحفظك ياعجب من عين الحساد
ابومصطفى
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
أعترف ان لهيثم مصطفي مميزات يندر أن تتوفر في لاعب كرة قدم فهو :
اذا سمع من مشجع كلام من شاكلة يازول انت خلاص انتهيت وشوف ليك شغلة تانية غير التيوة دي فانه يسكه سكا سكا ولكنه لا يلحق به ..
واذا قالت الجرايد الهلالابية أن هيثم مصطفي ما عندو حاجة غير الوجاهة فانه يصفها بصحافة الفول بلا زيت وجبنة ..
واذا تجرأ حكم وأخرج له البطاقة الصفراء فانه يشرع فورا في قبقبته وهرشه ..
وهو ايضا اي هيثم مصطفي لا يترك حقه وحق زملائه اللاعبين في اية حافز يعلن عنه ولا يتورع ان يقول لناس الإتحاد ما بنركب الطيارة .
وهذا منى للإعتماد والإعتراف ..
......... (وش كدوسو دخانو في السما)
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
يا طلحة
صباح الخير
ابدا لم تكن موفق فى هذا البوست
هيثم مصطفى صانع العاب لن يتكرر قريبا فى كرة القدم السودانية
كذلك هو قائد فذ للاعبين فى الميدان
فى كأس الامم الافريقية الاخيرة كان احسن لاعب فى المنتخب السودانى وحاز على نجومية مباراة
ربما يغيظك ان هيثم مصطفى كان سببا فى حرمان المريخ من بطولة الدورى الممتاز خمس سنوات متواصلة
و هذا انجاز يحسب له كقائد للهلال
و ربما لا تريد أن يقارن بفيصل العجب الذى تعتبره انت نجم النجوم ولك مطلق الحق فى ذلك
ولكن للجماهير الهلالية و لجمهور كرة القدم السودانية مطلق الحق ايضا فى اختيار هيثم مصطفى نجما للنجوم فلا تسلبها هذا الحق
فى لاعب تحبه و تعشق فنه
و اخيرا انبهك أن الحديث الممجوج عن الصفر الدولى و ما شابهه لن يغطى وجه الشمس لن يغطى الحقيقة
أن الهلال هو احسن فريق سودانى فى الخمس سنوات السابقة
وان هيثم مصطفى هو نجم النجوم فى آخر استقتاء جماهيرى
الصفر الدولى ماهو الا حديث العاجز و المفلس الذى يفتش فى دافتره القديمة
يا صاح الهلال اليوم يصنف و يذكر و يعامل ضمن فرق افريقيا الكبيرة
اصح من نومك يا طلحة
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
طلحة :
طيب كلامك صاح هيثم شنو البيكرموهو هوا أصلاً إنجازه شنو وجاب كم بطولة خارجية لا الإفريقية ولا العربية لا أندية ولا منتخب ..
أها يلا العجب ده جاب للمريخ ياتو كأس ؟؟؟
أوووووووووووووعك تقول لي لعبنا النهائي بعضيك في عنقرتك !!!
وأوووووعك تقول لي العجب هدّاف بديك بنية في كيانك ..
بإفتراض إنو هيثم مصفى والعجب يتساويان في عدم الإنجاز يلا تعال نوريك الفروقات السبعة ..
اول حاجة السماحة ..اااااااي الوجاهة هيثم وجيه والعجب شين كان عجبك !!!
هيثم كابتن العجب وهيثم كابتن السودان ..
هيثم سفير النوايا الحسنة وقبل كده في مواصلتكم للمحاكاة قلتو العجب سفير كمان ..
موووووووووووووت موتك ...
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
يا جماعه
حارقين رزكم في منو
طلحه ده مش الارباب الما كضاب ابي يشغلو في واحده من الجرايد
جاء الي الامارات والعين علي وجه التحديد وقاعد بس يشاكل ويسب في الهلال
عدم الموضوع مشكلة
عدم الموضوع مشكلة
عدم الموضوع مشكلة
سيييييييييييييييييييييييييدا وسيد سيداااااااااااااا كمان
البحر في ابوظبي ولا دبي قريب منك
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
| Quote: أها يلا العجب ده جاب للمريخ ياتو كأس ؟؟؟ |
تعرف يا عمر الفاروق انا كنت من زمان بحك راسي يا ربي العجب ده فاز مع المريخ بياتو كاس وانا ما عارف
وقلت لنفسي يا ولد انت غايب من السودان ليك مده بعدين الناس ديل يكونو لعب ليهم مباره وديه مع نيل الحصاحيصا بتاع النيجر علي كاس منو ما عارف
وفازوا في المباره و اعتبرو ده برضوا انجاز زي ما شابكننا كاس الشارقه وما ادراك
اها ما دام ما انت سالت السؤال وانت متابع لصيق للكره السودانيه منتظرين اخونا طلحه يجي يجاوب
و يا طلحه اعرف الاتي :
بناء علي لوائح منافاسات دوري الابطال والكونفدراليه ولو عملت مقارنه بينهم فدوري الاربعه في الابطال يساوي تقريبا النهائي في الكونفدراليه ان لم يزد عليها قليلا
اذن حتي لو اعتبرت وصول العجب للنهائي مع المريخ انجاز فوصول هيثم مع الهلال انجاز يساويه او يزيد عليه
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: Omar Bob)
|
العزيز طلحة سلامات ...
اسمح لي اختلف معاك جملةً وتفصيلاً في بوستك ده
لانو بصراحة كده في كل الناس الجارين ورا الكورة ديل
لو في واحد يستحق التكريم والإحتفاء لكان هيثم مصطفى
هذا النجم الفنان .. وعلى فكرة عارف كورتنا متخلفة ليه وما ماشة لي قدام ؟
لانو الزي هيثم ديل ما كتار أو مافي اساساً..
عشان كده يا حبيبنا طلوح خليك منصف وادي الولد حقو ..
مع خالص ودي..
وراجع ليك
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: حسين محي الدين)
|
والله يا طلحة ماشاء الله عليك ..
براك وقومت نفس الجماعة ؟؟؟
والغريبة كلهم سابوا الموضوع الأساسي
واعترضوا في حديثك عن العجوز المتهالك ..
جايييك يا حبيب ..
آل هيثم آل ..
ـــــــــــــــ
واحد مشى المطعم قاليهو :
أديني تلاتة صحفيين وعيشة زيادة !!!
هيثم دا يكون دفع لي ريري حق كم فول ؟؟
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: أبوالزفت)
|
هشام المجمر كتب :
| Quote: ولكن للجماهير الهلالية و لجمهور كرة القدم السودانية مطلق الحق ايضا فى اختيار هيثم مصطفى نجما للنجوم فلا تسلبها هذا الحق |
| Quote: وان هيثم مصطفى هو نجم النجوم فى آخر استقتاء جماهيرى |
والمعلومة خاطئة تماما لأنه سردها بشكل مشوه يحسده
عليه لاعب الهلال السابق عمر النقي في برنامج الرياضة
بالتلفزيون ..
هيثم مصطفى نجما للموسم في نظر موقع جريدة الهلال
الأولى قوون ..
وشئ طبيعي جدا جدا أن تنحاز قوون للعجوز المتهالك
هيثم مصطفى وليس لغيره ..
على الأقل يتجنب رمضان سؤ لسان هيثم مصطفى ويتجنب
وصفه بالصحفي المرتشي صراحة ..
ويبقى الهلال هو الفريق السوداني الأكثر مشاركات خارجية
والأكثر أصفار دولية ..
أصفار دولية تزيد حيثما توجه الهلال ..
يمشي سيكافا يجيب دبل زيرو ..
يمشي الكوندرالية يجي تاني الطيش ..
يمشي الأبطال يجي تاني مجموعتو وناسو بحلموا باليابان ..
ومع كل مشاركة خارجية تزيد أصفار الهلال أصقارا ..
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
| Quote: والذين قالوا سيدا وكريسيدا وعباس الأقرع إنشالله بس يجيب ليهم بطولة خارجية في آخر عمرو .. |
هههههههههههههههههههههههههههههههههههههههههه
عمر الفاروق في هيثم وجيه والعجب شين
معاك الف حق
وكمان شوف الاسم هيثم 0000 العجب
لكن العجب صاحب الارقام القياسيه في الكره السودانيه عموما
هداف السودان 0000
وهداف المريخ افريقيا 00000
وهداف الممتاز00000
من اسسوهم 000
ومن ما عرف السودان حاجه اسمه كرة قدم
مرورا بكل عباقرة وهدافي السودان
من جكسا لي كسلا 000لي قاقرين 000 لي الدحيش 000 لي النقر000وحتى هيثم طمبل
معلومة بسيطه
فيصل عجب صانع لعب وليس مهاجم
لكن يا عمران انشاء الله ما تلقى مرادك
ده شنو السويتوا ده
شكيتك علي الله
والله نشتكيك لي حقوق الانسان
يا000 جلابي يا 0000000
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طارق عبد اللطيف نقد)
|
Quote: لكن يا عمران انشاء الله ما تلقى مرادك
ده شنو السويتوا ده
شكيتك علي الله
والله نشتكيك لي حقوق الانسان
يا000 جلابي يا 0000000 |
طارق نقد كيفنكـ :
عاد (دعوتكـ) صعبة خلااااااااااص
أو تكون قاصد مُرادي في (المريخ) والمريخاب ....
...
بعدين حقوق إنسان دي ما تجيبه لينا هنا .. الحكاية كوووووووووووووورة بس ... الله ير ضى عليكـ ....
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: مزمل أبو القاسم)
|
| Quote: مقارنة العجب مع أي لاعب آخر ظالمة.. لمن يوضع محل مقارنة مع سمو الملك! |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أبو التطرف والعصبية شخشياً ...........
معقولة بس ؟؟؟؟؟؟؟؟؟
......
يا ربي هم قالوا (هداف) الموسم السابق هيثم ؟؟؟؟؟
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
الأخوة مشجعي نجمة فكتوريا
نحنا حُرين نكرم هيثم نكرم بُقة .... كل شاة معلقة من عرقوبها ...
خليكم في فريقكم وأبعدوا مننا ....
ياخ جنس تلّصق ....؟؟؟؟؟؟؟
أول مرة أشوف ناس بحتجو على فرح ناس تانيين......
كما يقول حسين ملاسي
" مـــــــــــــــــــــــــــش شـــــــــــــــــــــــــــــــــــــغــــــــــــــلــــك"
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
يا مزمل :
| Quote: ويتصدر قائمة هدافي لقاءات القمة بين أبناء جيله برصيد 7 أهداف.. |
ياخ دي خرخرة مباااااااااااااااااااالغة !!!
ده تصنيف تحفة بالجد ..
يعني أسة مثلا مثلا مثلا لو أحمد عادل صاحب ال21 ربيعاً أو أقل لو جاب هدف في المريخ يكون هو أفضل هدافي لقاءات القمة من أبناء جيله ؟
ياخ بالجد ظهرتها عاااااااااااااااااااااااملة ..
بعدين يا اللخو دحين العجب ده كان سكّيناهو قايل ما بيطلع جيل قاقرين ؟
ذكرتني اولاد المغتربين والله يا مزمل الواحد يخرخر ويقول ليهم أدوني كورتي ماشي بيتنا !!
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
| Quote: ذكرتني اولاد المغتربين والله يا مزمل الواحد يخرخر ويقول ليهم أدوني كورتي ماشي بيتنا |
والله يا ود الفاروق انا كمان بذكرني صديقي (و برضو وصيفابي)
كان بلعب معانا تنس الطاوله وعشان هو كيشه
كنت دائما بلعبو مع شقيقي الاصغر
وكالعاده كل مره مغلوب وكل مره عندو عذر جديد مره الهوا شديد و مره هو تعيان
و مرات هو ما لابس كويس ....
هيثم ده ما هداف و ده ما شغلو..في داعي للمقارنه ال في غير مكانه دي؟
| |
|
|
|
|
|
|
|
|
 Re: لا لتكريم هيثم مصطفي بهذه الصفة .. (Re: عمران حسن صالح)
|
Quote: تعال هنا و(فكـ) وهماتكـ الغاشي بيها ( الصهاينة) بي هناكـ ...
عشان يطلع ليكـ ألف واحد يقيف ليكـ في (حلقكـ) ويطلع كلامكـ ( خارم بارم) ...
مش كل مرة تكتب العايزو (في جريدتكـ ) وتمشي ... |
يا عمران ..
الصحفي المشجع دا مكانه هناك المدرجات ..
هنا ما بقدر يفكها فينا ..
تشوفه يكتب في جريدته عن المريخ تقول شيلسي الإنجليزي ما نجمة فكتوريا ..
ولا كله عند المريخاب إنجليز ..
النسمع واحد تاني يجيب سيرة الملك ..
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
Quote: العجب يتصدر قائمة هدافي الممتاز عبر التاريخ برصيد 88 هدفاً.
* ويتصدر قائمة هدافي لقاءات القمة بين أبناء جيله برصيد 7 أهداف.. مقابل هدف واحد لهيثم!
* ويتصدر قائمة هدافي السودان في بطولات الأندية الإفريقية برصيد 17 هدفا مقابل 6 أهداف لهيثم!
* ويتصدر قائمة هدافي السودان في البطولات العربية برصيد 8 أهداف.
* ويعتبر أحد أفضل هدافي المنتخب الوطني عبر التاريخ برصيد 15 هدفاً.
* العجب احتل المركز الثاني إفريقياً وعربياً والثاني عشر عالمياً حسب تصنيف الاتحاد الدولي للإحصاء والتاريخ الكروي في الموسم الماضي.
* في الموسم الماضي (موضع المقارنة) سجل العجب 11 هدفاً دولياً للمريخ والمنتخب.
* منها 6 أهداف إفريقية للمريخ (مقابل صفر لهيثم).. وخمسة أهداف للمنتخب ساهم بها بنصيب الأسد في إعادته للنهائيات الإفريقية بعد 32 عاماً من الغياب (مقابل صفر لهيثم)!
* ومع المنتخب سجل العجب خمسة أهداف في التصفيات.. (حوالي 40 في المائة من أهداف المنتخب في التصفيات الإفريقية تقريباً)!
* وسجل 16 هدفاً في الممتاز بالرغم من أنه يلعب كصانع ألعاب (مقابل 4 أهداف لهيثم)!
مقارنة العجب مع أي لاعب آخر ظالمة.. لمن يوضع محل مقارنة مع سمو الملك! |
اهاا ..
هيثم عمل شنو بالله ؟ يارشاشات اخر زمن
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: ود المايقوما)
|
استفتاء نجم الموسم اكبر فشنك في تاريخ الرياضه السودانيه
منتدي المريخ
....
كعادة صحيفة قوون تبيع الوهم كما وكيفا ولا غضاضه ولا اعتراض ولا حديث...ان كان ذلك منهجها ويدنها وغاية طموحها.... لم نعترض علي الهلال العالمي ولم نعلق علي توزيع الالقاب من فيرا ورونالدو وماشابه ولم نضحك علي احتراف كرنقو والبرنس لنادي فرنسي وعلي استدعاء حفياني الماسوره للمنتخب النيجيري فلتكبوا يا مشجعي الهلال العالمي كما تؤدون وتشاؤن واسبغوا علي فريقكم ما شئتم من الالقاب واعطوه قدر ما تستطيعوا من كاسات وبطولات حقيقيه ان وجدت- وزائفه-وهي موجوده
لكن ان تختاروا باسم جمهور الرياضه في السودان باستفتاء افتقد ابسط قواعد الاختيار واقفل الجوانب الفنيه وتعمد الترويج الخيالي وحتي لا نكون كما انتم تكتبون بلا سند وبلا منطق اعود واقول
اولا الصحيفه المنظمه للاستفتاء هي لسان حال الهلال وهي دفه التوجيه لجمهور الهلال بشتي الوسائل اليس من اطلق لقب البرنس هي الصحيفه ذاتها اليست هي من روج لاعتراف النجم الاستثنائي بنادي فرنسي اذا صحيفه قوون ليس لها الحق في تنظيم مثل هذا الاستفتاء الذي يدخل ضمن العشوائيه ولا يصب في خدمه الرياضه بالسودان
ثانيا اختيار النجم الاستثنائي جاء من الجمهور ان صح وليس من لجنه فنيه تضم خبراء اوجه النشاط الكروي فصحيفة world football تضم خبراء التدريب ويجري اختيار النجوم وفق معايير محدده
ثالثا وهي تخص الموقع الالكتروني للصحيفه فبكل بساطه يمكنك عمل نقر بالماوس علي النجم الذي اخترته 20 مره وسترتفع النسبه يعني رمضان احمد السيد وعمر طيفور ممكن براهم يشكلوا 25 الف مشترك ب 25 الف نقرة ماوس لانو الصحيح انه بمجرد نقرك للماوس يتم النظام تلقائيا بحفظ ال IPs الخاصه بالجهاز المتصل بالانترنت كما يحدث بقياس الراي العام في مواقع الجزيرة الاخباريه او ال BBC ومن ثم يرفضك المره القادمه واسالوا حسين يوسف من صحة معلوماتي الالكترونيه ولا اريد ان اطيل....فاخر من يجري استفتاء او فته هي صحيفة قوون
شويه تعصب
هل ثالثي هدافي العالم يحتاج الي استفتاء؟؟؟؟؟ مجرد سؤال
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: نيازي عبدالله مرحوم احمد)
|
طلحه عبدالله تحياتي اليك
رمضان احمد السيد صاحب العمود الركيك والاخطاء التي لا تصدر الا من جاهل دعك من صحفي وصاحب صحيفه...الصدفه التاريخيه وحدها هي من جعلته هكذا ولا اخفي عليك اني اخجل له ولكتابته ....
هيثم مصطفي نجم الهلال لا اعتراض لكن نجم الموسم في استفتاء مستحمي دا فيها راي وكلام....
جاء اختيار العجب من قبل الفيفا ليثبت ويوكد ان العجب نجم استثنائي ولاعب ذكي ولا شنو يا طلحه
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
هدية إلى مشجعي نجمة فكتوريا
الشعار الذي اختار منه أعضاء النادي المحترم الذي تأسس عام 1908 لألألألأ دقيقة 1927 لألألألألألألألأ دقيقة 1930
ما مهم المهم اعضاء النادي إختاروا الألوان من وين وهو اسمو نجمة فكتوريا ...طبعاً لازم يختاروه من شعار الملكة أو العائلة المالكة ...ماهو في النهاية "نادي ملكي " إليكم أيها المشجعين الجدد شعاركم - بعدين ما تقولوا لي فيهو لون أزرق بضحك فيكم لأنو الهلال ما كان اسمو نجمة فكتوريا -
أما لعيبتنا نكرمهم زي ما عاوزين نحن حرين ..... خليكم في ناديكم الما إتعرف اتأسس متين ده ....
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
السادة / طلحه ومزمل ابو القاسم
تحيات
Quote: * العجب يتصدر قائمة هدافي الممتاز عبر التاريخ برصيد 88 هدفاً.
* ويتصدر قائمة هدافي لقاءات القمة بين أبناء جيله برصيد 7 أهداف.. مقابل هدف واحد لهيثم!
* ويتصدر قائمة هدافي السودان في بطولات الأندية الإفريقية برصيد 17 هدفا مقابل 6 أهداف لهيثم!
* ويتصدر قائمة هدافي السودان في البطولات العربية برصيد 8 أهداف.
* ويعتبر أحد أفضل هدافي المنتخب الوطني عبر التاريخ برصيد 15 هدفاً.
* العجب احتل المركز الثاني إفريقياً وعربياً والثاني عشر عالمياً حسب تصنيف الاتحاد الدولي للإحصاء والتاريخ الكروي في الموسم الماضي.
* في الموسم الماضي (موضع المقارنة) سجل العجب 11 هدفاً دولياً للمريخ والمنتخب.
* منها 6 أهداف إفريقية للمريخ (مقابل صفر لهيثم).. وخمسة أهداف للمنتخب ساهم بها بنصيب الأسد في إعادته للنهائيات الإفريقية بعد 32 عاماً من الغياب (مقابل صفر لهيثم)!
* ومع المنتخب سجل العجب خمسة أهداف في التصفيات.. (حوالي 40 في المائة من أهداف المنتخب في التصفيات الإفريقية تقريباً)!
* وسجل 16 هدفاً في الممتاز بالرغم من أنه يلعب كصانع ألعاب (مقابل 4 أهداف لهيثم)!
! |
طلحه عليك الله خلي هيتم في حالو وشوف مزمل كاتب شنو في عجبكم يلا انت وهوواجتهدوا واعملو ليهو تكريم
دي صعبه دي ولااااااااا دايره ليها زحمه زي العاملنها دي
ارحموا انفسكم يا حبايب
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: عبدالله كع)
|
مصطفى احمد مختار كتب :
| Quote: حا نجيب شلسى جد جد مش زى كذبة انترميلان بتاعة جمال الوالى |
وكالعادة الهلالاب يبصقون على تاريخهم
وينسون كل شئ قبل أن يكتبوا ...
هاك دي يا مصطفى ( ثقافة مجانية لله لله )
قبل ما تتكلم عن لقاء الانتر ..
كلمنا عن لقاء الريال دا ..
ووضح لينا تم كيف ...
وما تزوغ زي ما زغت من كذبة الصحفي ..
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: طلحة عبدالله)
|
عيني باردة
البوست جاب ليهو جهابذة في الدوبلاج والمكساج ..
هيثم مصطفي قاعد في كرسي الملك ورجليه معلقتان في الهواء ... 
الكرسي دا ما قدرو كان تجيبوا ليهو كرسي أصغر من دا ..
ولو عايزين تتأكدوا جربوا وختوا فيهو سليل السلاطين العجب سيدو .
نسيت ان ارحب الأخ الأستاذ مزمل ابو القاسم وكل مريخاب الروعة وهلالاب اللوعة ..
| |
|
|
|
|
|
|
|
|
|
Re: لا لتكريم هيثم مصطفي بهذه الصفة .. (Re: Salwa Seyam)
|
كتب عبد اللطيف البوني وهو الهلالابي المتعصب :
Quote: جدارة فهيثم لا يملك موهبة كروية فقط انما يملك عقلاً كروياً لذلك برزت ادارته في الفريق القومي وفي الهلال فالثقافة بالنسبة للاعبي كرة القدم امر لا استغناء عنه لذلك تمكن هيثم من قلوب الجماهير رغم انه ليس من الذين يحرزون الاهداف فالنجومية دائماً مرتبطة بالهدافين فان يصبح هيثم نجماً لانه صانع العاب فهذا فتح رباني وثقافة كروية جديدة فرضها هيثم مصطفى ·
اما اللاعب الخلوق المثالي فيصل العجب فهو نجم النجوم دون شك فالموسم الماضي والذي قبله كانا موسمي العجب فقد جهز ، وصنع ، واحرز ، وابدع ، (وشنقل) الكثير من الطاولات لا بل وصلت شهرته كل الاقليم الافريقي والعربي في تقديري ان الملاعب السودانية لم تنجب لاعباً فناناً مثل العجب اقول هذا وانا الهلالابي الذي ابكاني العجب اكثر من مرة ولكن الحق يجب ان يقال والانصاف يجب ان يسود ،]BLACK] فان كان هيثم نجما للموسم فان العجب يستحق نجم نجوم الموسم ولعل آخر دليل كان اختياره كلاعب وحيد من السودان في حملة (كرة القدم تعطي الأمل) وهذه شهادة حق ، عليه فالواجب يحتم على الرياضيين في السودان ان يكرمون هذا اللاعب بما يستحق لأنه قدم السبت واتمنى ان تنبري مؤسسة رياضية للقيام بهذا الواجب وباعجل ما تيسر ·
خالد عبد الباري قسم الخالق عمره تسع سنوات وانا في الحسبه جده فأمه بنت اختي مباشرة خالد تشبع بحب المريخ من والده ولا حديث له الا عمو العجب فهو متيم بالعجب قابلته يوم الاثنين وهو يحمل عدداً من صحيفة قوون كانت مكرسة لحفل تكريم هيثم فسألته عن تكريم العجب فقال لي بعد الفوز بالكونفدرالية >في تكريم كبير للعجب< وهذه هي المناسبة التي جعلتني اكتب هذه السطور وان كنت ارى ان يكرم العجب الآن فالكونفدرالية ما معروفة ماشة وين؟! |
| |
|
|
|
|
|
|
| |
طلحة عبدالله
محمد عبد القادر
Elsamani A.Malik
محمد عبد الماجد الصايم
عمران حسن صالح
عامر تيتاوى
محمد البشرى الخضر
Osama Mohammed
عمر الفاروق
Mohamed Foto7li
مصطفى احمد مختار
keiga2000
هشام المجمر
الفاتح خليل الفكي
abas
abuguta
Omar Bob
جمال ادريس
حسين محي الدين
حسين يوسف احمد
أبوالزفت
طارق عبد اللطيف نقد
معتصم دفع الله
يسرى معتصم
waleed dawash
نيازي عبدالله مرحوم احمد
عبدالله كع
فيس بوك
تويتر
انستقرام
يوتيوب
بنتيريست