|
|
|
 Re: لعب الحكم و فاز الهلال !! (Re: humida)
|
حميدة يا ظريف ..
| Quote: الحكم شال الكورة اربعة مرات دخلها بيده في القوون .. |
أنقر ياحميدة لو الزول دا زودوا ليهو شوية ما كان سواها ؟؟
ياخي دا عمل ظاهرة لمن اللاظماين ذاتو خجل ..
| Quote: وجاب قون خامس بكرشو بس خجل من الناس ما حسبو .. |
ياخي زولك دا ما عندو خجل بي هللة ،، و الله خجلت ليهو أنا دا ..
| Quote: النتيجة النهائية .. اربعة اتنين لصالح الهلال .. وموتوا بغيظكم يرحمكم الله .. |
خوجولوت .. خجلنا ليكم ..
| |
 
|
|
|
|
|
|
|
|
Re: لعب الحكم و فاز الهلال !! (Re: عبدالله كع)
|
| Quote: وكاني عصام دهب داير يموت بالمغصه لان الهلال ضرب الناس 4-2 |
عصام دهب يموت بالمغصة الجاتو من زيمبابوي ؟؟
و كأني بك يا ( كع ) و أنت تدعو لهذا الحكم( اللعاب ) بالصحة و طول العمر و أن يديمه الله تعالى لخدمة الهلال و المساكين ..
ــ
بالمناسبة عمر رحال بيسأل عنك ..
| |
|
|
|
|
|
|
|
|
|
Re: لعب الحكم و فاز الهلال !! (Re: عصام دهب)
|
الاخ عصام دهب
الزول دا اكيد بين الشوطين قابل الأرباب 
واعطاه الفيها النصيب
وفعلا الاختشوا ماتو
لكن في جنوب أفريقيا يجيبوا من الشبك بس المعز دا عاوز ليه مساعد ياي 
ابومصطفى
| |
|
|
|
|
|
|
|
|
|
Re: لعب الحكم و فاز الهلال !! (Re: keiga2000)
|
الاخ / أبو مصطفى
| Quote: الزول دا اكيد بين الشوطين قابل الأرباب |
ياخي بالعملوا دا بكون قابا الأرباب و الكاردينال و البرير و ناش شباك التذاكر ذاتهم ..
| Quote: المعز دا عاوز ليه مساعد ياي |
الخوف هناك يكون داير ليهو عشرة حكام يلعبوا معاهو !!
| |
|
|
|
|
|
|
|
|
|
Re: لعب الحكم و فاز الهلال !! (Re: keiga2000)
|
شن جاب لي جاب
يا ناس يا مريخاب
(ذو القعدة) الحريف
لي ناس ( الهضاب)
خمسة سنين معانا
بنأكلكم تراب
(كمان قول خمسة سنين وصيف بسبب التحكيم يا شداد)
جمال
هلالابي من المهد الى اللحد
| |
|
|
|
|
|
|
|
|
|
Re: لعب الحكم و فاز الهلال !! (Re: keiga2000)
|
| Quote: واعطاه الفيها النصيب |
بالله عليك يا رجال ..
وش لون حدث هذا ..
بقيت تشمت بالخليجي يا كيجا ..
علي الحرام انتو ما بتعرفوا كورة بتعريفة ..
تعال اقول ليك ..
Platinum Stars غلب الاهلي المصري اتنين واحد .. وزنقو زنقة كلب في ملف ضيق ..
Mamelodi Sundowns جاب قونيين بمساعدة الكتاحة .. ونحن جبنا اربعة اقوان بمساعدة الحكم ( عشان اريح ليك صاحبك دهب دا ) ..
وبرشلونة هسع دي مضروبة اتنين صفر ..
..
..
بس في زول بجي يقدر يقول الاهلي فريق تعبان .. ولا برشلونة ما بتعرف تلعب .. ولا الهلال ما سيد البلد ..
ياخي انتو بتلعبوا في البطولة الاقل نموا .. يعني بتاخدوا اعانة عشان تلعبوا ( راجع موقع الكاف ) ..
..
..
مريخ .. كوووول ..
| |
|
|
|
|
|
|
|
|
|
Re: لعب الحكم و فاز الهلال !! (Re: humida)
|
تعرف كل ما الواحد يحاول يتعاطف معاكم وجدانيا ويرفع معنوياتكم وانتو بتلعبوا للعام الخامس علي التوالي في بطولة المهمشين والوصايف لسانكم الطويل دا يخلينا نتراجع
انتو حكم بتسوانا دا ما ضبح الاسماعيلي عدييييييييييييييييييييل في مباراتكم في الخرطوم جايين تتكلموا عن التحكيم
موتوا بغيظكم ...الان وكالات الانباء وبكل اللغات تتناقل فوز الهلال وبقية نتائج دوري الابطال ولا حد عبر المهمشين البيلعبوا زيكم في نفس اليوم
| |
|
|
|
|
|
|
|
|
|
Re: لعب الحكم و فاز الهلال !! (Re: عصام دهب)
|
| Quote: انتو حكم بتسوانا دا ما ضبح الاسماعيلي عدييييييييييييييييييييل في مباراتكم في الخرطوم جايين تتكلموا عن التحكيم |
أفرض إنو مثلاً داك ضبح ..
لكن دا ضبح و أنسدح ( بالخليجي يا حميدة ) ..
| |
|
|
|
|
|
|
|
|
|
Re: لعب الحكم و فاز الهلال !! (Re: عصام دهب)
|
| Quote: أعطى الهلال ضربة جزاء لا وجود لها إلا في جيبه .. |
سلام اخى عصام
ليه بس كده ؟؟
ده كلام كبير وشين
قول مبروك للهلال
الف مبروك للمريخ
الف مبروك للسودان
تحياتى اسماء الجنيد / مسقط
| |
|
|
|
|
|
|
|
|
|
Re: لعب الحكم و فاز الهلال !! (Re: عصام دهب)
|
سلام أختي أسماء
الحق حق يا أسماء ، الحكم جامل الهلال هذه لا يختلف عليهم أخواننا الهلالاب أنفسهم ، و واجب علينا أن لا نهلل أو نفرح لفوز غير نستحق ، الرياضة أخلاق و تنافس شريف في المقام الأول ..
بس ما أكبر و أشنا من الشفناهو الليلة
مبروك ـ مجاملة ـ للهلال ..
الف مبروك مستحق للمريخ ..
| |
|
|
|
|
|
|
|
|
|
Re: لعب الحكم و فاز الهلال !! (Re: عصام دهب)
|
الأقوان التلاتة صاح ما في كلام
لكن عليكم الطلاق ضربة الجزاء دي حفياني ذاتو لو قام من انبراشتو العملا دي ونتل الصفارة من خشم الحكم كان ادي نفسو كرت اصفر لسوء السلوك والتمثيلية البايخة دي .
المريخ مفرح الاحباب
شبيه الريح والسحاب
مجندل الرقاب وطالع الهضاب .
| |
|
|
|
|
|
|
|
|
|
Re: لعب الحكم و فاز الهلال !! (Re: عصام دهب)
|
تصبحوا على ( حكم ) ..
بالطريقة دي أصلو ما مستبعد ..
بكرة ـ إن شاء الله ـ الواحد يصحى يلقى النتيجة ـ حسب تقرير الحكم و المراقب ـ ( ظلمطمية / صفر ) ..
الشراتيت بتقشقش ( المخاخيت ) ..
ــــ
مثل هندي
| |
|
|
|
|
|
|
|
|
|
Re: لعب الحكم و فاز الهلال !! (Re: طلحة عبدالله)
|
| Quote: لكن عليكم الطلاق ضربة الجزاء دي حفياني ذاتو لو قام من انبراشتو العملا دي ونتل الصفارة من خشم الحكم كان ادي نفسو كرت اصفر لسوء السلوك والتمثيلية البايخة دي . |
عليهم أمان يا طلحة ضربة العزاء دي :
لو كان حاكما صلاح
كان قالـوا صــاح
| |
|
|
|
|
|
|
|
|
|
Re: لعب الحكم و فاز الهلال !! (Re: Mohamed Foto7li)
|
| Quote: طيب ما تدخل تلعب معاهم |
موووووووش كفاية لعب معاهم الحكم و الأرض و الجمهور و الهوا ذاتو ..
| Quote: انشالله يادوك الجنسيه بتاعت جنوب افريقيا |
ياخي بعد تجنيس يوسف و داريو كان و زعيط و معيط شكلو الحكم ذاتو أتجنس ..
| Quote: الله ياكون في عونك |
الله يكون في عون الإملاء ..
| |
|
|
|
|
|
|
|
|
|
Re: لعب الحكم و فاز الهلال !! (Re: عصام دهب)
|
عصام دهب
لالالالالالالالاحولالالالالالا
ياعصام جيناك
الإشوف القيافة
والأناقة
والجلسة
والصورة البهجة
اقول ده عصام دهب
طلعت متعصب
حاقد وما بتشوف
حسبنا الله ونعم الوكيل
ـــــــ
وش تايب
يدعو لي عصام دهب
الحاقد الموتور
بالهداية وربنا افتح قلبو لي الهلال
| |
|
|
|
|
|
|
|
|
 Re: لعب الحكم و فاز الهلال !! (Re: سوسن عبد الله)
|
التحية والتقدير لابطال السودان هلاريخ وهم يدكون حصون الخصوم بالرباعية والثلاثية ويرفعون راية السودان عااااالية ، نحن نبحث عن نهضة الكرة السودانية فلا داعي للتعصب إخواني فمن التعصب ما قتل .
تخريمة :
ود دهب مبروك للمريخ العظيم ، بس حكاية الحكام وماأدراكما الحكام دي يجب أن نتلافاها لأن الحكام بشر يصيبون ويخطئون والهلال استحق الفوز لأنه لعب له في الشوط الثاني وما كان محتاج لحكم ليحقق له الفوز فكم مرة اخطأ الحكم لصالح المريخ وكم مرة جامل الهلال وهو شيء طبيعي في عالم الكرة أقول هذا رغم مريخيتي التي يعرفها القاصي والداني .
 معاً ضد التعصب من أجل كرة قدم حقيقية لرفعت السودان مجدداً .
مودتي
عماد
| |
|
|
|
|
|
|
|
|
|
Re: لعب الحكم و فاز الهلال !! (Re: عماد محمود علي)
|
| Quote: فلا داعي للتعصب إخواني فمن التعصب ما قتل |
تحياتي يا عماد ، و أحيي فيك هذه الروح المريخية الأصيلة ..
و صدقني أنا مثلك أهوى المريخ و أمقت التعصب مقتاً ،،
و أيضاً أمقت الظلم و لعب التلاتة ورقات .. و فتح عينك هاك قوون ..
دي مش كورة .. دي قلع عدييل كدة ..
| |
|
|
|
|
|
|
|
|
|
Re: لعب الحكم و فاز الهلال !! (Re: سوسن عبد الله)
|
يا سوسن ..
قصدك مبروك للحكم ..
ياخي بتاعت أمس دي بالذات عايزة ليها ( كفارة ) عدييل كدة ..
| Quote: وكمان مبروك للمريخ |
يستاهلوا جابوه بي عرق جبينهم ..
| Quote: بس ما تزعلو قدر دة لمن الهلال يفوز.. |
و انتي ما تفرحي قدر دة .. بفوز زي دا ..
كلامك دا قوليهو لناس ( المحلي ) ..
| |
|
|
|
|
|
|
|
|
|
Re: لعب الحكم و فاز الهلال !! (Re: محمد سنى دفع الله)
|
Quote: طلعت متعصب
حاقد وما بتشوف |
بالغت .. يا أستاذ !!
دا عشان قلت ليكم الحقيقة !!
ياخي طيب ما تزعلوا
ياخي خلاس أنتو ناس لعاااابين و أمس جبتوها إقناااع عديييل كدة ..
أقنعتوا الحكم ذات نفسو !!
ـــــــ
وش منطط عيونو :
إذ علم أن أستاذ السني ـ بكل جماله ـ هلالابي و العياذ بالله ..
اللهم أصرف عنه ( المحلي ) و أهده بهديك و أسلكه سبل المريخ و أشرح قلبه بالمحمولة جواً ..
| |
|
|
|
|
|
|
|
|
|
Re: لعب الحكم و فاز الهلال !! (Re: عصام دهب)
|
قريبي عصام دهب
مسكاقمي
تعرف الهلالاب دول كلمة الحق دي ما بيقدروا يقولوها
حسع ضربة الجزاء بتاع حفياني دي
عدوها بياتو قانون
حتى حفياني ظاااااااطو ما صدق
بس الحكم سواها واضحة
الكاش البيقلل النقاش
الهلالاب قولوا سجمي يا حكم
| |
|
|
|
|
|
|
|
|
|
Re: لعب الحكم و فاز الهلال !! (Re: حمزاوي)
|
قريبنا / حمزاوي
ار هكرفى مسكاقنا
Quote: حسع ضربة الجزاء بتاع حفياني دي
عدوها بياتو قانون |
عدوها بي قانون ( القون بقرش و الكورنر بلاش )
| Quote: بس الحكم سواها واضحة |
قلنا كدة قالوا أطلعوا من الأوف ..
| |
|
|
|
|
|
|
|
|
|
Re: لعب الحكم و فاز الهلال !! (Re: haleem)
|
و شهد شاهد من أهلها ..
عمر الفاروق فرق بين الحق و الباطل ..
| Quote: في مباراة الأمس وللأمانة والتاريخ تحامل التحكيم الأفريقي على فريق صن داونز في ركلة جزاء لا وجود لها وربما كان ايفياني يستحق عليها البطاقة الصفراء إضافة لحادثة غريبة بكل صراحة أغضبتني بالرغم من هلاليتي الصارخة وهي اللحظة التي أوقف فيها الحكم هجمة خطيرة للجنوب أفريقي بداعي إصابة لاعب من الهلال (حمودة بشير) وهنا تذكرت كيف أننا نهاجم التحكيم الإفريقي عقب كل مباراة خارجية بل ونجهز الشماعة قبل السفر بأننا نتخوف من التحكيم الإفريقي فلماذا مثلاً لا يتخوف الأفارقة كذلك عندما يلعبون ضدنا ؟؟؟ |
الهلال وثقافة الفوز .. وعلينا أن تحمّل التحكيم الإفريقي بعد اليوم !!
أهة قولكم شنو في كلام صاحبنا عمر الفارق الهلالابي الشرس دا ؟؟
ياخي أنتو فايزين دي ما عايزة ليها غلاط ..
بس خلوا عندكم ذمة ياخي ..
غايتو جنس تحكيم !!
| |
|
|
|
|
|
|
|
|
|
Re: لعب الحكم و فاز الهلال !! (Re: عصام دهب)
|
| Quote: و أنت تدعو لهذا الحكم( اللعاب ) بالصحة و طول العمر و أن يديمه الله تعالى لخدمة الهلال و المساكين |
يا له من حكم لعاب!
كان بيتفرج معاي في المباراة، هلالابي متعصب، بس زول حقاني. طول المباراة يصرخ، ما تشوت ياخ، و يعاين لي و يقول (طيب دي كان ما جابوها قون دايرين يجيبو قون متين؟)، و طبعا أنا كنت مبسوط و مطمئن لأنو المريخ خلص الموضوع من عصيرا بدري. المهم لمن شفت حالة البكا دي بقيت معاهو هلالابي (أكتر من البابا) و أقوم و أكورك ، ياخ ما تشوت شوت ياخ دا شنو دا. أها لمن جات ضربة الجزاء الغريبة المهم( قطعتها في حناني و سكتّ ساكت)، قام صاحبي قال لي بإبتسامه جبااااانه ( و الله أدانا ليها ساااكت دي) ، قلت ليهو مالو ياخ تستاهلو، كلو عشان السودان .
المهم بعد إنتهت المباراة، صاحبك رجع هلالابي أصلي و قعد يقول لي سيد البلد و سيد شنو ما عارف، قلت ليهو ( نان قبيل كان سيد اللبن؟).
* يا جمال السنوسي، هضاب شنو يا أخوانا الناس ديل إسمهم The Highlanders ديل سكان النجاد والأعالي و مرتادي القمم ما بيقدر عليهم غير الأحمر الوهاج، الدولي صاحب الكاسات العابره..المريخ العظيم! . الهضاب و المغارب sundowns دي هناك في جنوب أفريقيا.
Quote: HIGHLANDERS WIN ZIMBABWE CHAMPIONSHIP
Bulawayo club Highlanders won the premier league title in Zimbabwe on Sunday, securing the title with a 4-2 win at Hwange.
It is the fifth title in eight years for Highlanders, who moved into an unassailable position in the standings with three more matches to be played.
Highlanders needed only a single point from Sunday’s away game but jumped into a four goal lead before their hosts grabbed two late consolation goals.
Highlanders qualify to play in next year’s MTN CAF Champions League. |
http://www.cosafa.com/stories/STORY_533.html
| |
|
|
|
|
|
|
|
|
|
Re: لعب الحكم و فاز الهلال !! (Re: Samau'al Abusin)
|
فردتي الرائع / سمؤل ..
| Quote: أها لمن جات ضربة الجزاء الغريبة المهم( قطعتها في حناني و سكتّ ساكت)، قام صاحبي قال لي بإبتسامه جبااااانه ( و الله أدانا ليها ساااكت دي) ، قلت ليهو مالو ياخ تستاهلو، كلو عشان السودان |
.
يا مان أنا و كل من يعرفك يعرف إنك زول ذوق و أخو أخوان ، لكن القطعناهو في حنانا كتير ياخي ، و الشباب ديل لو الليلة مشيناها ليهم كدة بكرة يجوا يقول ليك نحنا ( أسياد المحمولة جواً ذاتو) .. عشان كدا أديهم في حنانهم و ( صهين ) ..
| Quote: بعد إنتهت المباراة، صاحبك رجع هلالابي أصلي و قعد يقول لي سيد البلد و سيد شنو ما عارف، . |
شفت كيف يا صاحبي ، عشان كدة القطع الجاف من الأول أسحن ليك ..
| Quote: قلت ليهو ( نان قبيل كان سيد اللبن؟) |
ياخي أمس سيد اللبن مع الزرة قرب يقول ( تجيبوا البلنتي و لً أبوووو.. ليكم هنا ) ..
تحياتي .. و منتظرك .. أبقى تعال ..
| |
|
|
|
|
|
|
|
|
|
Re: لعب الحكم و فاز الهلال !! (Re: سعد الطيب)
|
| Quote: انت( يابركه) رائيك شنو تقدم للجنه النحكيم يمكن نستفيدمنك فى فرمله انتصارات الهلال وتكون احسن من حكامنا السجمانين ديل ...... ولا شنو؟؟ |
يا سعد ..
صراحة السجمانين مش الحكام و بس ..
السجمانين برضو هم اللعيبة البساعدوهم الحكام ..
ولا شنو ؟؟..
| |
|
|
|
|
|
|
|
|
|
Re: لعب الحكم و فاز الهلال !! (Re: عصام دهب)
|
الرووووووووووووووووووووووووووب
والله الهلال ده يوم بكتل ليه زول
يا دهب انت ما تخليك في فطيستكم ديك مالك ومال الكلام الكبار
التكتيل ومرتضي والحسن عبد السلام هادي المكيفات ديل خليتم لي منو
عليك الله الوالي وقعت العجب في مباراة الاسماعيلي كان حسب الضربة دي لو هو الحكم
| |
|
|
|
|
|
|
|
|
|
Re: لعب الحكم و فاز الهلال !! (Re: abas)
|
| Quote: الرووووووووووووووووووووووووووب |
بصراحة دا كان لسان حال الشباب لحدى ما الحكم قام ( لعب ) معاهم ..
| Quote: والله الهلال ده يوم بكتل ليه زول |
و كان ما الحكم ـ حفظه الله ـ كان شفنا الموت الجماعي ..
| Quote: يا دهب انت ما تخليك في فطيستكم ديك مالك ومال الكلام الكبار |
ياخي الكلام الكبار دا بجيبوه من برة ، أمام كلام الفطايس دا كلام ( محلي ) ساكت ..
| |
|
|
|
|
|
|
|
|
|
Re: لعب الحكم و فاز الهلال !! (Re: أبوالزفت)
|
دهب
خلينا من ضربة الجزاء الغلط
انت بجدك ياخوى مريخابى,,,
يازول انا ما شفتك كتير متفق معاى فى ككل شىء
معقولة بس تنقلب عشان نصر فى كنفدرالية الهلال لو
اتغلب ممكن يعيد فيها,,,,,
انت اسى قونين الهواء ديل يسو ليهم شنو
الهواء دا كان جنوب افريقى
ما ياهو هواء العرضة,,,
وكمان سكت لما الهلال قلب فى الشوط الثانى,,,
ياخى نحن طلعنا منها,,,,الله يطلعكم انتو
جاينكم فى الكنفدرالية
| |
|
|
|
|
|
|
|
|
|
Re: لعب الحكم و فاز الهلال !! (Re: abuguta)
|
أب قوتة ..
| Quote: خلينا من ضربة الجزاء الغلط |
لو بقت على ضربة الجزاء و بس كان كويس ..
| Quote: انت بجدك ياخوى مريخابى,,, |
و في زول ( بجدو ) يكون غير كدة ؟؟
Quote: معقولة بس تنقلب عشان نصر فى كنفدرالية الهلال لو
اتغلب ممكن يعيد فيها,,,,, |
ياخي تنقلب ( الهوبة ) و تترمي ( الطوبة ) أنا ما ( بنقلب ) دا ريدو ساكن جوة ( القلب ) ..
| Quote: انت اسى قونين الهواء ديل يسو ليهم شنو, |
يسووا ليهم حكم رواندي ..
| Quote: وكمان سكت لما الهلال قلب فى الشوط الثانى,,, |
قصدك لما الحكم صحى ..
| Quote: ياخى نحن طلعنا منها,,,,الله يطلعكم انتو |
نحنا طالعين لـ فوق ، لكن شوف عيني المحلي طالع برة ..
| Quote: جاينكم فى الكنفدرالية |
الله يجيبكم ..
(عدل بواسطة عصام دهب on 04-28-2008, 09:10 AM)
| |
|
|
|
|
|
|
|
|
|
Re: لعب الحكم و فاز الهلال !! (Re: عصام دهب)
|
والله يا عصام دهب
| Quote: و كأني ـ به ـ الحكم و هو يهم بالتصفيق و التنطيط لفوز الهلال .. غير المستحق.. |
ما قايلاك مريخابي
خساااااااااااارة كبيرة
غايتو زقازيقابي بتغفر ليك
ما ليك حق
في الهلال
حبيبنا
ام محمد
| |
|
|
|
|
|
|
|
|
|
Re: لعب الحكم و فاز الهلال !! (Re: عصام دهب)
|
عصام دهب
طيب ياعصام الحكم هلالابي ..........تمام ياحبا
انت المزعلك شنو
ماتخليك في الانتصار بتاعكم الباهت الحزين
وبكل صراحه انتصار الهلال بالاربعه اداكم احساس الهزيمه رغم انتصاركم
ـــــــــــــــــ
تحياتنا الي الحبيب عمر رحال
| |
|
|
|
|
|
|
|
|
|
Re: لعب الحكم و فاز الهلال !! (Re: عبدالله كع)
|
غريبة ناس حاحا وتفاحه يتحدثوا عن عدالة التحكيم
كم حكم في الممتاز تم ايقافه بواسطة لجنة التحكيم بسبب محاباة المريخ ؟
والأهم عمركم شفتوا ظلم أكثر من الظلم الذي تعرض له فريق الإسماعيلي في السودان وأمام المريخ ؟
وفي ممثل أشطر من العجب ؟ اعيدوا شريط مباراة الاسماعيلي ,قبل أن توجهوا سهام الحقد والتشفي على الهلال الجميل .
| |
|
|
|
|
|
|
|
|
|
Re: لعب الحكم و فاز الهلال !! (Re: عصام دهب)
|
Quote: فوزان للزمالك والهلال وخسارة الأهلي والشبيبة بدوري افريقيا
GMT 21:00:00 2008 السبت 26 أبريل
شادي عيسى
--------------------------------------------------------------------------------
فرحة عمرو الصفتي بهدف سجله للزمالك في مرمى انتر كلوب
شادي عيسى من القاهرة و وكالات : اقترب نادى الزمالك من الوصول إلى دورى المجموعات فى بطولة أفريقيا للأندية بعد فوزه بثلاثية نظيفة على الفريق الأنجولى أنتركلوب سجلهم عمرو الصفتى وشيكابالا والنجم الصاعد محمد إبراهيم وكان نجم اللقاء هو محمود عبد الرازق "شيكابالا" الذى سجل هدفا وصنع اثنين ليقود الزمالك للفوز .وافتتح عمروالصفتي التسجيل في الدقيقة الرابعة حينما حول كرة عرضية نفذها شيكابالا من الجانب الأيمن إلى شباك الفريق الأنجولى .ضاعف شيكابالا النتيجة في الدقيقة العاشرة بتسديدة قوية قبل أن يهدي تمريرة حريرية إلى محمد إبراهيم كي يسجل الهدف الثالث في الدقيقة 26 وتعني النتيجة أن الزمالك وضع قدما في دور المجموعات من البطولة قبل مواجهة ممثل أنجولا في لقاء الإياب بعد أسبوعين.
ولم يبلغ الزمالك هذه المرحة من البطولة منذ عام 2005 حينما خرج من دور الأربعة عقب خسارته من الأهلي.وبعد اللقاء اتهم محمد حلمى لاعبى الزمالك بالانانيه فى شوط المباراه الثانى والذى مما أدى إلى عدم احراز اهداف فى هذا الشوط وكان الإداء على عكس اللعب فى الشوط الاول الذى كان يتمير باللعب من اللمسه الواحده و نقل الكره بسرعه ناحيه مرمى الخصم الا ان هذا لم ينفذ فى شوط المباراه الثانى وظهرت الانانيه واضحه على اللاعبين وان تلك النتيجه غير مطمئنه على الاطلاق .
وأكد ان عمرو زكى و طارق السيد بعيدين لفتره طويله عن المبارايات لذلك لا يلوم اى منهما ولكن لا يلتمس العذر لباقى الفريق حيث قال ان هناك بعض اللاعبين يسيطر عليهم الكسل فى الملعب مثل محمود فتح الله!! و تسبب الاجهاد فى خروج ابو العلا بديلا فى الشوط الثانى وأيضا خرج محمد عبد الله حيث كان يلعب وهوا مصاب بنزله برد.
الأهلى يخسر بهدفين مقابل هدف لبلاتينوم ستارز
تعرض النادى الأهلى لهزيمة بهدفين لهدف أمام فريق بلاتينوم الجنوب أفريقي في ذهاب دور الـ16 لدوري أبطال إفريقيا .
وكان بلاتينوم قد تقدم بهدف كوكتسو موتونج في الدقيقة 57، وتعادل عماد متعب للأهلي في الدقيقة 82، قبل أن يخطف إدوارد ويليامز هدف الفوز للفريق المضيف في الدقيقة 90. بذلك يحتاج الأهلي إلى الفوز بهدف نظيف في مباراة العودة يوم 11 مايو في القاهرة للتأهل لدوري المجموعات.
وصرح الكابتن حسام البدرى المدرب العام والقائم بمهام مدير الكرة عقب مباراة الأهلى وبلاتينيوم أن الفريق حاول اللعب بالأسلوب المعتاد والسيطرة على وسط الملعب والاعتماد على الهجمات المرتدة وأن الفريق المنافس لعب بنفس الأسلوب وتهيأت فرص هنا وهناك لكن المنافس استغل فرصه من خطأين قاتلين من خط الدفاع وكان هناك لاعبين غير موفقين وبعيدين عن مستواهم وظهرت أيضاً بعض السلبيات وفى كل الأحوال انتهى شوط ويبقى شوط آخر فى القاهرة وفريق بلاتينيوم فريق محترم يلعب كرة جيدة وبه عناصر وخطوط جيدة ..
وأشار الكابتن حسام البدرى إلى أنه لا يوجد أى قلق على لقاء العودة وأن الثقة كبيرة فى قدرة لاعبى الأهلى على تجاوز هذه المرحلة والتأهل إلى دورى المجموعات .. وأكد أن المباراة أظهرت بعض السلبيات التى سنحاول التخلص منها فى الفترة المقبلة وهو لا يريد أن يحمل الخسارة إلى لاعب معين لكن فى المجمل كانت هناك مجموعة من الأخطاء والسلبيات أثرت على أداء الأهلى وساهمت فى فوز المنافس .
الهلال يحول تأخره الى فوز على صنداونز
حول الهلال السوداني تأخره على ارضه أمام ماميلودي صنداونز الجنوب افريقي بهدفين دون مقابل الى فوز 4-2 يوم السبت في مباراة الذهاب بدور الستة عشر لدوري ابطال افريقيا لكرة القدم.
وفاجأ صنداونز مشجعي الهلال الذي تأهل للدور قبل النهائي بدوري الابطال الافريقي العام الماضي وتقدم بهدفين عبر سوربرايز موريري في الدقيقة 27 ثم جوستا دلادلا في الدقيقة 29.
لكن المهاجم النيجيري كليتشي اوسونوا قلص الفارق للهلال باحراز الهدف الاول قبل دقيقة واحدة من نهاية الشوط الاول ثم سجل مهند الطاهر هدف التعادل في الدقيقة 48 من ركلة جزاء.
ووضع النيجيري يوسف محمد الفريق السوداني في المقدمة لاول مرة في اللقاء عندما أحرز الهدف الثالث في الدقيقة 64 وبعد دقيقتين عزز اوسونوا انتصار الهلال بتسجيل الهدف الرابع.
هزيمة مذلة لشبيبة القبائل أمام كوتون سبور
مني شبيبة القبائل الجزائري بخسارة مذلة خارج ارضه أمام كوتون سبور الكاميروني بثلاثة أهداف مقابل لا شيء في مباراة الذهاب بدور الستة عشر لدوري ابطال افريقيا لكرة القدم ليصبح مهددا بالخروج مبكرا من البطولة.
افتتح جاك زوا اهداف كوتون سبور في الدقيقة 23 من ركلة جزاء وأضاف المهاجم داودا كاميلو وهو من النيجر هدفين اخرين في الدقيقتين 44 و85 من زمن اللقاء الذي أقيم بملعب اومني سبور في مدينة جاروا معقل الفريق الكاميروني.
ويتعين على شبيبة القبائل الذي فاز بدوري الدرجة الأولى الجزائري الأسبوع الماضي الفوز بفارق أربعة أهداف على الأقل في لقاء العودة بالجزائر بعد اسبوعين اذا أراد التأهل لدور المجموعات فيما يكفي كوتون سبور التعادل أو الخسارة بفارق هدفين للتأهل.
|
نقلا عن موقع ايلاف عدد اليوم
حد جاب سيرة المريخ هنا
يا عصام الكبير كبير
| |
|
|
|
|
|
|
|
|
|
Re: لعب الحكم و فاز الهلال !! (Re: عصام دهب)
|
يا عصام دهب يا وصيفابى مالك ومال الزعيم سيد البلد خليك مع الوصيف الف الرديف ومع المحموله حظا وانتو ا لمحلى ما قادرين عليه تجيبوا من بره
خليك متصالح مع نفسك وانتقد الحكم البتسوانى الذى اعطى المريخ نصرا لايستحقه فى الكونفدراليه
ولاتنسى تحامل التحكيم على هلال الساحل الذى زرزر الوصيف داخل استاده
يا عصام دهب خليك عاقل وظريف وشجع الوصيف وما تتطاول على سيد البلد
| |
|
|
|
|
|
|
|
|
|
Re: لعب الحكم و فاز الهلال !! (Re: مصطفى احمد مختار)
|
عصام دهب
والله شفت ضربة الجزاء التي غيرت مجرى المباراة
ياخي دي حكم درجة خامسه يايحسبها
وبعدين مع منو حفياني لو انا مغمض مابحسبها
لكن حق المساكين مابروح 
كتاب الاعمده من هسع بجوا يجهزوا الاعذار لمباراة الرد وربك يستر من الخمسات والستات
ابومصطفى
| |
|
|
|
|
|
|
|
|
|
المحموله حظا (Re: عصام دهب)
|
الوصيفاب يتفاخرون بالمحموله حظا
كاس سيكافا او كاس الجاعه فى الثمانينات والجفاف والتصحر ضرب افريقيا وكانت المباراه النهائيه فى ملعب ترابى وناس تنزانيا يرتدون الباتا ورغم ذلك فاز الوصيف بضربات الترجيح
كاس مانديلا انسحب كم فريق وفاز المريخ بالصدفه وبشراء الحكام والمغالطنى يا وصيفاب يسال جعفر حسين بتاع وكالة توتى ايلاند للسفر والسياحه
اما كاس دبى فهو كاس الليله الواحدهولا ازيد على ذلك
وكاس سيكافا التانى كان فضيحه بجلاجل وكانت مذبحة سيمبا التنزانى ومقتل الصحفى بواسطه جمهور المريخ وحصب الملعب بالحجاره وقرار اللجنه المنظمه برئاسة اللواء شرطه الطيب عبد الرحمن مختار الذى اعطى الكاس هديه للمريخ المهزوم بهدفين فى الملعب
وتانى قولوا المحموله جوا
تقولى شنو وتقولى منو
الوصيف القلبى رادو
| |
|
|
|
|
|
|
|
|
|
Re: المحموله حظا (Re: مصطفى احمد مختار)
|
| Quote: والله الهلال ده يوم بكتل ليه زول |
من جمهور الهلال أكييييد .
| Quote: كاس سيكافا او كاس الجاعه فى الثمانينات والجفاف والتصحر ضرب افريقيا وكانت المباراه النهائيه فى ملعب ترابى وناس تنزانيا يرتدون الباتا ورغم ذلك فاز الوصيف بضربات الترجيح |
كاس المجاعة ده ما إنتو زاااااطو لعبتو فيه ولعبتوا ضربات الجزءا ( للمعلومية أضاع طارق أحمد آدم ) ، أها ليه ما جبتوه .
| Quote: كاس مانديلا انسحب كم فريق وفاز المريخ بالصدفه وبشراء الحكام والمغالطنى يا وصيفاب يسال جعفر حسين بتاع وكالة توتى ايلاند للسفر والسياحه |
برضو لعتبو فيهو وما جبتوا التكتح ،، وشراء ذمم الحكام دي ما عملتوها وغيرتوا رقم فنائل اللاعبين ,,, أها سويتوا شنو بعد داااك !
| Quote: اما كاس دبى فهو كاس الليله الواحدهولا ازيد على ذلك |
وده برضو لعبتوا فيه بعد هزيمتكم من الاهلي المصرفي وفي نفس الاسبوع ودخلتوا مباراة الأهلي في نفس الكاس بفرصة التعادل أو الانتصار للفوزر بالكأس وتاااااني الأهلي غلبكم أثنين / صفر وبرضو الجابو حمامة . أها مالكم ما بقيتوا قدر المسئولية رغم تصريح زعيمكم الراحل الطيب عبد الله الذي قال : سيظر اليوم من البطل الحقيقي لأبطال أفريقيا وبعدها ما عرف عمتو الكبيرة دييك مشت وييين .
أها أرقد عافية ، وبرضوا بنشجعكم لما تعلبوا باسم السودااااان . بس البطولات الخارجية دي شعر ما عندكم ليه رقبة .
مودتي
عماد
| |
|
|
|
|
|
|
|
|
|
Re: المحموله حظا (Re: عماد محمود علي)
|
الأخ عصام ..
تحياتي وأحييك على هذا الصدق ..
وصراحة الحكم عملها شينة ..
وخليني أشوف أخوانا الهلالاب واحد واحد
في البوست دا ، وتابع الزوغان بتاعهم
من السؤال المحرج !!!!
الذي سيوقظهم من أحلامهم الصفرية !!!
ياسر عبد القادر كتب :
Quote: ممكن تخليك مع الهضاب والجرب والقطن والشلف مستواكم
الكبير كير ويلعب مع الكبار |
حميدة كتب :
| Quote: اخلاقيات الهلالاب تحتم عليه مباركة فوز ( الوصيف ) في البطولة الاقل نموا .. |
| Quote: Platinum Stars غلب الاهلي المصري اتنين واحد .. وزنقو زنقة كلب في ملف ضيق .. |
| Quote: بس في زول بجي يقدر يقول الاهلي فريق تعبان .. . ياخي انتو بتلعبوا في البطولة الاقل نموا .. يعني بتاخدوا اعانة عشان تلعبوا ( راجع موقع الكاف ) .. |
ياسر عبددالقادر كتب :
| Quote: في بطولة المهمشين والوصايف لسانكم الطويل دا يخلينا نتراجع |
السـؤال :
إنتو يا شباب واثقين من كلامكم دا
وما بتتراجعوا عنو ؟؟
الاجابة لو سمحتو قبل ما نجيب الارشيف ؟؟
الارشيف بتاع الهلال الكونفدرالي ، وحلم
الفرنس بالكونفدرالية ، وهلال العرب يبدأ
بالصعب .. والهلال في بطولة الدولار ..
الاجابة يا ياسر وحميدة ..!!!!
| |
|
|
|
|
|
|
| |
عصام دهب
عبدالله كع
Mohamed Doudi
humida
keiga2000
جمال السنوسي
طلحة عبدالله
سامى عتبانى
Mohamed Foto7li
محمد سنى دفع الله
Samau'al Abusin
abas
أبوالزفت
abuguta
حسين محي الدين
عوض أحمد عمر
طارق عبد اللطيف نقد
هشام المجمر
مصطفى احمد مختار
Elsamani A.Malik
فيس بوك
تويتر
انستقرام
يوتيوب
بنتيريست