الحدسة* أطول من العمر

مرحبا Guest
اخر زيارك لك: 03-28-2024, 09:05 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2008م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-26-2008, 01:55 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الحدسة* أطول من العمر

    تمتع ايامنا الحاجة ـ الله يطول عمرها ـ بحكاويها التي لا تمل عن السلف
    يا قول جدي فلان الله يرحمه
    يا قول حبوبة فلانة الله يسامحها

    ثم تعقب بتكرار " والله صحي الحدسة اطول من العمر "

    قفزت إلى ذهني فكرة هذا البوست التوثيقي لاحاديثهم ـ حديسهم ـ الباقي
    وطاف كل ما قراته عن المشافهة والتدوين

    ساكتب اهازيجهم/ن .. غزلهم/ن .. مناحتهم/ ن ...هدهداتهن .. وطرائفهم / ن والملح التي لا تنقضي

    وهذه دعوة للجميع لنوثق فيها قليلاً لاجدادنا والجدات


    ــــــــ
    * الحدسة من حديس .. حديث .. قول .. كلام

    (عدل بواسطة الجندرية on 06-09-2008, 04:04 PM)

                  

04-26-2008, 02:07 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    جدي ابراهيم ود الفكي احمد ود الفكي عوض الله

    تزوج بنت عمته حبوبة هدية
    انجبت طفلتها الوحيدة منه ثم نفرت وهجرته مدعيه انه " حلّق* " ثم أُكتشف لاحقاً ان " الحلق " المشاع مجرد حساسية عابرة
    ولكنها رفضت الرجوع له ، فتزوج عليها ولكنه لم يطيق صبراً، فطلق الزوجة الجديدة ورجع يتعلق باستار امل رضا حبوبة هدية .
    ولكنها لم تأبه واستمرت في رفضها ، يبدو انها اورثت هذه النفرة لعدد من حفيداتها بعدها ، فلم اعرف واحدة منهن رضت بالعودة ابداً وحتى اليوم .

    قضي جدي ما تبقى من حياته متنسكاً في محرابها ، ومبرحاً بنار صدها ، فاشعر قائلا :

    النجار نجرها وكسر القدوم
    والنسوان وراك حجرا وقع في روم
    وياعزرائيل تعال شيل عقابن وقوم

    النجار نجرها وكمل الصنعية
    دردم صلبها وجمل صباها هدية
    والنسوان بلاك ما عندي فيهن نية



    * الحلق : الزهري

    (عدل بواسطة الجندرية on 04-26-2008, 02:16 PM)
    (عدل بواسطة الجندرية on 04-26-2008, 03:52 PM)
    (عدل بواسطة الجندرية on 04-26-2008, 05:07 PM)

                  

04-26-2008, 02:30 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    لا اعرف ان كان جدي ابراهيم هو قائل هذه الابيات ام ظل يرويها ويرددها لانها تقوله
    لكن في الارجح انه قائلها خاصة هذه الشطرة " جمل صباها هدية"

    على طريقة زواج المسيحيين في الافلام المترجمة
    ولو كان هناك معترض فليبرز الان او فليصمت الى الابد

    (عدل بواسطة الجندرية on 04-26-2008, 05:13 PM)

                  

04-26-2008, 02:41 PM

البشير دفع الله
<aالبشير دفع الله
تاريخ التسجيل: 12-27-2007
مجموع المشاركات: 3014

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    حضور للقراءة والاستماع

    وناقل حديس ان وجدت شيئا بذاكرتي الخربة يصلح للنشر

    كل التقدير اختي الجندرية
                  

04-26-2008, 05:19 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: البشير دفع الله)

    Quote: وناقل حديس ان وجدت شيئا بذاكرتي الخربة يصلح للنشر


    شكراً لمتابعتك يا اخ البشير
    اتمنى ان تحفز حكاوي الحاجة ذاكرتك وتتحفناايضاً

    تقديري ومودتي
                  

04-26-2008, 05:31 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    رحمة الله على الحاجة زينب محمد أحمد نقد
    لقد كان لها دور كبير في تشكيل وجداني - وأخواتي - بحكاويها وامثالها
    كانت تحكي لنا عن امدرمان بمتعة و شجن تحسها بين كلماتها
    كم امتلئت عيناها بالدموع و هي تحكي عن ود البنا و شجرة ماحي بك و الملازمية و رسالة سليطين لخليفة المهدي
    حكت لنا عن بيت المال وودأرو و ابروف و أزهري و عبدالله خليل
    كانت إمراة حكيمة عركتها الحياة لها في كل موقف و مقام خبرة او قصة او مثل تحكيه

    من امثالها اللي كانت ترددها دوما ..

    - تمرق من بيتكم حزين تلقى الفرح في بيت مين
    - الحي بلز الميت و الميت يقوم يعيط
    - في سديرها ويعاين لي غيرها

    كان الله هون و الذاكرة اجادت بجيك راجع بحكاويها



    الجندرية...
    اليوم عرفت سر إنجذابي لمواضيعك و صورة بروفايلك حقيقةً تذكريني بجدتي الحاجة زينب
                  

04-26-2008, 09:04 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: محمد البشرى الخضر)

    الف رحمة ونور تنزل على الحاجة زينب

    وياريت يا ود البشرى كان قدرت ورجعت لينا بحكاويها

    لكن مكنتك دي والله ما مشت فينا
    تلاتة من وشوش اب شنب البتفتح خشمها ديك

    Quote: اليوم عرفت سر إنجذابي لمواضيعك و صورة بروفايلك حقيقةً تذكريني بجدتي الحاجة زينب


    وعشان نبري ذمتنا ، الصورة امكن لانها بتاعت ماما رقية ، لكن المواضيع دي ، هسي نجيب ليكم سيرة الجن در تعملو فيها ما بتعرفونا
    قال انجذاب قال

    (عدل بواسطة الجندرية on 04-27-2008, 09:06 AM)

                  

04-26-2008, 09:20 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    Quote: لكن مكنتك دي والله ما مشت فينا
    انا ذاتي بعد إعادة البصر كرتين لقيتا ما بتمشي
    مذكر ناوي اعدلها شغلتني الكورة, بلا ياخد المعز ياخ

    Quote: قال انجذاب قال
    بيني و بينك بالغت فيها دي
    (باقة اب شنب كلها باللاي + إتنين تلاتة المحرجين ديلك)

    (عدل بواسطة محمد البشرى الخضر on 04-26-2008, 09:20 PM)

                  

04-26-2008, 09:58 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: محمد البشرى الخضر)

    سمح بركة الاتاحت
    اتاحت دي جيب ليها قاموس عون الشريف
    يا ود ام درمان عاد
    وفي كل الاحوال حتحتاج ليه في المداخلة البعدها برضو
                  

04-26-2008, 10:13 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
حبوبة بت الشريف (Re: الجندرية)

    قالت حبوبة بت الشريف * للدكتور الذي اتى لفحصها بالمنزل وهي تلحظ بفراستها نظرة التعجب والاستغراب في عينه لتمتعها بكل ذلك الجمال ، وهي في تلك السن وقد تهدمت ذاكرتها :
    هووووي يا جنى
    مالك بتعاين فوقي ماني

    تمكة رمال مزروعة
    بي طورية مي مقروعة
    بنسف برمتي المبروعة
    ولي سيدي الرسول مودوعة .



    * حبوبة بت الشريف هي ام جدي عبد الرحمن ود علي و جدي محمد ود علي


    العايز/ة شرح ترفع يديها

    (عدل بواسطة الجندرية on 04-26-2008, 10:18 PM)

                  

04-27-2008, 10:09 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حبوبة بت الشريف (Re: الجندرية)

    هل تعرف احداكن أو احدكم كيفية التعديل لموضوع في الارشيف ؟

    فقد وقعت في خطئين واحد املائي / طباعي ، والثاني تأريخي ولا اعرف كيف اصوبهما؟

    عندما اوردت مقولات حبوبة بت الشريف في بوست اخونا نوبي عن سحرالمشاط ، كتبت( تمنة ) بدلآ عن ( تمكة) ، ثم نسبت الكلام لحبوبة البتول بت علي والأمر الذي استبنته امس من والدتي انه لوالدتها حبوبة بت الشريف.
    المهم كيف اعالج هذا الأمر ؟
                  

04-26-2008, 10:29 PM

ASHRAF TAHA
<aASHRAF TAHA
تاريخ التسجيل: 08-04-2007
مجموع المشاركات: 1017

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    ساكتب اهازيجهم .. غزلهم .. مناحتهم/ ن ...هدهدتهن... وطرائفهم / ن والملح التي لا تنقضي

    سقوط السهو
    (كنت أحب السكر بنون النسوة
    أضيف عليها قطرة خمر
    فتصبح تاءا للتأنيث
    فأشرب تاءا)
    ...
    كلامك أعجب منك
    وصورتك في مخيلتي
    مخيفة
    ياخي (ودي الغريبة بتتقال للشي والهي)
    دايرة ليك دكشنري عشان
    نخم ونصر
    ...
    وطاف كل ما قراته عن المشافهة والتدوين
    تيممي صعيدا رطبا يا أخت مريم
    ...
    النجار نجرها وكمل الصنعية
    دردم صلبها وجمل صباها هدية
    والنسوان بلاك ما عندي فيهن نية

    أريتو نجار الهنا والسرور
    قلنا زمان:
    العوين ما بتهجن
    سادات الوليدات
    أللشدايد
    سدن
    أمات الرجال
    أللمغارس
    هدن

    يقرأن قاطبة
    بـ نون النسوة
    وتاء التأنيث
    وتاء التأنيب
    و ميم
    من غيرن طظ في الدنيا

    (عدل بواسطة ASHRAF TAHA on 04-26-2008, 10:35 PM)

                  

04-26-2008, 10:46 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    Quote: وصورتك في مخيلتي
    مخيفة

    كر يا يمة
    هجمناك بهناك ومرقنا ليك وش الككو قبال ما نرحمنك ؟
    لكن ما قلنا ليك العفو في العافية

    هسي دحين العفو
    ليلنا اليل
    والنوم موت قالو
    كان حيين لي بكرة
    برجع لي كلامك المن الوزن التقيل دا

    كتير خيرك ابوي

    (عدل بواسطة الجندرية on 04-26-2008, 10:48 PM)

                  

04-26-2008, 11:01 PM

ASHRAF TAHA
<aASHRAF TAHA
تاريخ التسجيل: 08-04-2007
مجموع المشاركات: 1017

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    هسي دحين العفو
    ليلنا اليل
    والنوم موت قالو
    كان حيين لي بكرة
    ....
    ردك الزي غسيل الهدوم في الخليج ده
    تشرو من الساعة خمسة مغربية
    لحدت عشرة صباحا ما ينشف
                  

04-27-2008, 08:55 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    أشرف
    كيف اصبحت؟
    الهدوم النعل ما لبستهن مِلودحات ومشيت على الشغل؟؟



    Quote: كنت أحب السكر بنون النسوة
    أضيف عليها قطرة خمر
    فتصبح تاءا للتأنيث
    فأشرب تاءا)


    Quote: العوين ما بتهجن
    سادات الوليدات
    أللشدايد
    سدن
    أمات الرجال
    أللمغارس
    هدن

    يقرأن قاطبة
    بـ نون النسوة
    وتاء التأنيث
    وتاء التأنيب
    و ميم
    من غيرن طظ في الدنيا



    كدي وقع لينا الحديس

    دا كلام منو ؟
    وبعدين نشوف ال لاخر

    (عدل بواسطة الجندرية on 04-27-2008, 08:58 AM)

                  

04-27-2008, 10:36 AM

نورالدين بابكر بدري
<aنورالدين بابكر بدري
تاريخ التسجيل: 11-27-2007
مجموع المشاركات: 993

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    الجندية سلام

    انا عندي سؤال

    هي الحدسة ام الحسة؟

    أنا عمري كلو بسمعها من حبوبتي بتقول الحسة اطول من العمر
    ويا ولدي ما تقول ليك حسة يمسكوها ليك طول عمرك


    الله يطول عمرك يا جندرية


    نورالدين
                  

04-28-2008, 04:48 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: نورالدين بابكر بدري)

    نور الدين
    صباح الخير

    Quote: هي الحدسة ام الحسة؟

    أنا عمري كلو بسمعها من حبوبتي بتقول الحسة اطول من العمر
    ويا ولدي ما تقول ليك حسة يمسكوها ليك طول عمرك


    هي حدسة

    ويقصد بها حديث ( قول ) وايضاًحدث ( فعل / موقف)

    فيقال فلان خت الحدسة اي انه اتى فعلا منكراً سيظل يذكر به
    والله اعلم

    شكراً لمرورك
                  

04-27-2008, 01:27 PM

Safia Mohamed
<aSafia Mohamed
تاريخ التسجيل: 07-21-2007
مجموع المشاركات: 2365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    الجندرية ازيك
    دايما مبدعة في اختيارك لمواضيعك

    لكن الذاكرة بقت خربة كدي النحكي ليك ديل عالطاير
    تحكي امي انه عمات ابوها بنات الامين رحمة الله عليهن
    كانن
    نسوان شديدات ومانعات
    اها قولي كدي واحدة فيهن
    راجلا مات
    قالت جن الانصاريات يعزنها
    وقالو ليها
    ما تعملي كدة ما تصافحي الرجال وما تتزيني وما ... وما
    قامت قالت ليهن
    الزي كلامكن دة بنعرفوا من قوبل
    كان عندكن كلاما غيره قولنو
    كان ما عندكن الله يعدلها عليكن

    قوة في المواقف وابداء الراي


    وفي رواية اخرى يحكى ان جدتي لابي رحمها الله
    حبوبة جمال
    كانت مرة صعبة خلاص
    اظنها جبدتني هاهاهاه
    اها قالوا مرة من المرات
    جا
    جدي
    عملت ليه القهوة
    قام شال الفنجان كدة
    وقال ليها مالها ما زي جبنة فلانة (بيقصد واحدة في السوق)
    وحاتك جبوبتي دي
    قالو الساعة الشالت ليك الجبنة ورمتها ليك هناك
    وحلفت وقمست طول ما هي حية لا بتسوي ليه شيء ولا يقربها
    وفعلا تروي الرواية انها لحد ما ماتت ما سوت لا قهوة لا شاي لراجلا

    شفتي النسوان القويات ديل
    حاسممات في قراراتهم وشجاعات في تنفيذها
    لكن تعرفي امكن دة ليه علاقة بالتمكين الاقتصادي
    حيث تروي الرواية انها كانت تعمل في سوق النسوان بامدرمان

    وللحديث بقية
    عن الشاعرة ام الحسن يوسف بشير اخت التيجاني يوسف بشير
    وحديثها المنظوم الذي يضج معرفة وحكمة

    صفية/ ام محمد

    (عدل بواسطة Safia Mohamed on 04-27-2008, 01:46 PM)

                  

04-29-2008, 05:13 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: Safia Mohamed)

    صفوية ( عروس الجنا)
    سلام
    Quote: لكن تعرفي امكن دة ليه علاقة بالتمكين الاقتصادي
    حيث تروي الرواية انها كانت تعمل في سوق النسوان بامدرمان

    بس ياها دي الفولة زاااااااتها

    تعرفي خالتي نفورة ولانها ايضاً كانت مستقلة اقتصادياً ، ولانه البينها والبين سيد بيتها ما كانت عامرة ، ما كانت اصلا بتحرج في اطلاق جملتها الشهيرة " يا يمة خراب سيد بيتي " وكان سيد البيت حياً يرزق.

    Quote: وللحديث بقية
    عن الشاعرة ام الحسن يوسف بشير اخت التيجاني يوسف بشير
    وحديثها المنظوم الذي يضج معرفة وحكمة

    في رجاك عشان نسمع الكلام عن الست العظيمة التي انجبت الكتيابي

    محبتي
                  

04-28-2008, 08:24 AM

نادر

تاريخ التسجيل: 11-27-2002
مجموع المشاركات: 3427

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    بوست تحفة يا الجندرية
    أنا مولع بحكاوي الحبوبات والأجداد وأحاديثهم، وشغوف أيما شغف بالجلوس إليهم ومحاولة التوثيق لهم بالصور والتسجيل الصوتي، ومن هنا أدعو الجميع لمحاولة التوثيق لأجداهم وحبوباتهم، فسيأتي يوم تصبح هذه الصور والتسجيلات عملة نادرة وسيكون لها مكانة كبيرة في النفوس...

    آخر من التقيتهم خلال العطلة الماضية في السودان في أغسطس 2007م من الجيل الذي تحكي عنه هي جدة زوجتي مريم أحمد مصطفى الحسين من جهة والدها د. أحمد، تسكن مدني، رغم كبر سنها لكنها(ما شاء الله) تتمتع بصحة جيدة وذاكرة جميلة وشكل جذاب (آمل أن تستطيع مريم إنزال صورتها هنا)... للأسف جدي وجدتي لوالدي ووالدتي انتقلو للرفيق الأعلى رحمهم الله جميعاأنا صغير لذلك لم أستطع التوثيق لهم، ثم دخلت بعد الجامعة معمعة هذا الإغتراب عن الوطن فحال ذلك دون التواصل مع جيل بقية الأجداد والحبوبات إلا فيما ندر.

    فيشان كده يالجندرية أنا دحين ساكن في بوستك ده سكنة ومستمتع بالحاوي الجميلة دي آملاً أن تواصلي مع بقية الأعزاء المشاكرين هذا الحكي الجميل ..
    سعيد بالمناسبة لعودتك الجميلة لسودانيز أونلاين بعد غيبة طويلة.
    تحياتي لأسرتك الرائعة
    نادر
                  

04-29-2008, 05:20 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: نادر)

    نادر النادر

    نبدا من الاخر
    لاني بالجد سعيدة اكتر بعودتك انت ومريومة للكتابة ربنا يجمع شملنا بالغايبين / ات كلهم / ن

    Quote: أنا دحين ساكن في بوستك ده سكنة

    بما انك جليس جدود وحبوبات محترف ، وزقاتك اكيد ملااااااانه تحمد سيدك ، فالدفع هنا دبل
    سكنة مجاني مافي يا نادر

    شاكرة كتير لطلتك
                  

04-28-2008, 02:00 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    صفو عروس الجنا
    ونادرالعزيز

    بجي صادة ليكم تاني

    لكن اسمحو لي انزل مداخلة نزار حسين ( دفعتي ) في الاول
    نزار ود حبوبات وحكااااااااي التقول جد ، ومرجع في الدوبيت والاقاصيص الشعبية
    غايتو كان ما حل مشكلتو ودخل سودانيز بوستي دا الخلا عليه
    قصة حبوبة الدهيبة مع النعام ادم دي استاذنتو اخدها من ونسة المسنجر واذيعها
    وقال اذيعها لحدي ما ربنا يفرجنا


    Quote: إحتياطيا كدة أديك دي من واحدة من حبوباتي الحيات واسمها آمنة وبدلعوها بالدهيبة: قالت لما النعام جاء غنا ليها في المتمة في عرس ولدها...مادام طار جنا الوزين...يا دوبو قل نوم العين...قالت مشيت ليه وقلت ليه ...ما تقعد تغني في المتمة دي الخرطوم شن بتدوربها...ماك شايف الوزين البعوم جنبك دا...وهي كانت ناسية انو ضرير...قال ليها يا حاجة انا كان بشوف الوزين دا كان جبت سيرة طيرو دي في لساني؟
                  

04-29-2008, 05:30 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    يادفعة
    يا نزار

    الله لسه مافرجها ؟

    قت ليك
    هويد حبوبتك الدهيبة ما اعجب منو الا هويد خالتي عشة الله يحفظها ويطول في عمرها

    قااااااااعدة ـ وقد بلغ بها الضجر من جوطة شفع بناتها مبلغه ـ تنقض في مشاطها في الراكوبة ، وبتها شايلها ليها عود وتنكت هنا وبعد شوية تنكت هنا .
    قالت ليها : انت يا رباب بتفتشي لي شنو ؟
    رباب قالت ليها : بفتش لي حفرة الدخان
    قالت ليها : ما تتلقي لفحوها اولادك.

    (عدل بواسطة الجندرية on 04-29-2008, 05:35 PM)

                  

04-28-2008, 07:38 PM

Mahmoud Mustafa Mahmoud
<aMahmoud Mustafa Mahmoud
تاريخ التسجيل: 11-26-2004
مجموع المشاركات: 4325

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)



    أمانينا...

    كيفك وكيف الأولاد وأبوهم وتحايا خاصة للوالدة..

    أها قلنا نجادعك شوية..

    عندنا جداً لينا .. كان لبيباً .. أمي الله يديها العافية عندما

    تصف أحدهم بأنه "لبيب" فإن هذا يعني عندها إنه شاعر..

    وينسب لجدنا هذا قوله:

    "البارح مع ست السماحة سِهِرْ..

    وضوكَّا ألَذْ على العسل النحلتو توِرْ..

    من فُرْق الخلقلي الحب بعد ما كبِرْ..

    ضقتَ تعذُّبْ المرْقُوبْ ومابِي يقِرْ.."

    رحمه الله جدنا ود المصباح..


    فكَّ آخرو عديل جدنا في الحتة دي... صاح؟؟



    وبعدين من طرائف خالتك الوالدة..متعها الله بالصحة العافية..

    عندما شكوت لها ألم المصران...وكنت أشتغل في منظمة ..

    قالت لي : أنا قايلة مافي شي جاب ليك ألم الباطن دا

    غير ربيط المناطلين دا...هسع أكان لبستَلَكْ سروال وعراقي خفاااااااااف كدي..

    ناسك ديل بحموك تخدمْبَهِنْ؟؟؟

    لذيذة الوالدة...

    عايزاني أشتغل بالسروال والعراقي..


    وأختم بما يُنسبْ إلى جدنا الخدِرْ أبَّرِيم..ناعياً نفسه ومؤنباً لها:

    "الخدِرْ أبَّرِيم مالك بقيت مسكين..؟؟

    عملك مو سمح..والختوة زي الطين.."


    أها .. أكان طريت لي حدستن آخرة ..بجيك صادي..


    مليحيظطن سغيرة كدي:
    "البوست الليلك دا..سمح بالحيل... والله إن الزول باراهو كدي..ربما يؤدي للتهلكة..

    وحكاية التهلكة دي حا أحكيها ليك مرة تانية..

    أبو مهيار.. وينك يا معلم..؟؟؟
                  

05-02-2008, 02:15 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
كلام عبد القادر ود التاية بت كنان في الرسالة بت امنة (Re: Mahmoud Mustafa Mahmoud)

    جمعتك مباركة يا عربي

    جدك فكا اخرو ساكت !!
    Quote: البارح مع ست السماحة سِهِرْ..

    وضوكَّا ألَذْ على العسل النحلتو توِرْ..

    من فُرْق الخلقلي الحب بعد ما كبِرْ..

    ضقتَ تعذُّبْ المرْقُوبْ ومابِي يقِرْ.."


    غايتو من جنس حالتو دي و" تعذب المرقوب ومابي يقر"
    دي بس نقول شقانا نبي الله الخدر

    عاين
    اهلنا برضو بقولو لبيب للشاعر

    امي قالت
    جا جدك عبد السلام ود حسين
    ود التاية بت ود كنان * وكان لبيب ، داخل علي امك امنة بت احمد و كانت نفسانة بعمتك الرسالة
    قالت ليه : شوف سماحة بنيتي دي ما تقول فوقهابيتن

    قال ليها بالحليل سميحة وبقول فيها :

    سموك الرسالة وما رسلوك يا بنية
    شبه الصيد وقل وزادت عليه شوية

    سموك الرسالة وما رسلوك بي قوالة
    وما بياخدوك الا ابين سلاحن لالا

    دارت الايام وتزوجها ابن خاله سليمان ود كنان
    وكان صاحب مال وسلاح


    * سمعت مرة من والدي رحمه الله ان التاية بت ود كنان هي شاعرة القصيدة التي يغنيها الكابلي
    " كباس زرايب الوعر " ، ولا اعرف ان كان يقصد التاية بت ود كنان ام عبد السلام ام جدتها.
                  

04-28-2008, 10:52 PM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    وحاة الله يا أماني، انا كان ما عندي ترجمة فورية هنا (نادر) ما كان فهمته حاجه.. كان لقيتيني رافعه يدي على طول الخط...

    حبوبة القسيمة يا نادر، هدي صورتها... القسيمة بت المكي ود حاج الصدّيق... ابوها كان خليفة ختمية. .. بجي بحكي ليكم عنها وعن حبوبة ستنا اختها... وحبوبة ام روبة...




    شكرا على لمسة الوفاء الرائعة

    بنت الحسين
                  

05-03-2008, 07:49 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: مريم بنت الحسين)

    مريوم العزيزة
    Quote: كان ما عندي ترجمة فورية هنا (نادر) ما كان فهمته حاجه.. كان لقيتيني رافعه يدي على طول الخط...


    لووووووووووووول
    نادر غايتو ترجمتو موثوق فيها
    لكن برضو اسعي ليك نسخة من قاموس عون
    احتياطاً كدا وتفادياً للابتزاز بتاع القسمة الظيزى ديك ؟
    اها النقاط شغال ولا قَطَ خلاس ؟

    شكرا على صورة حبوبة القسيمة وفي رجاك عشان تجي تحكي لينا عنها وعن حبوبة ستنا وعن خالتي ام روبة
                  

04-28-2008, 10:58 PM

ASHRAF TAHA
<aASHRAF TAHA
تاريخ التسجيل: 08-04-2007
مجموع المشاركات: 1017

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    أنا ما قلت ليك: بخاف منك
    أتاريك بتذكريني الباشتمرجي
    الغيارو يبكي
    والحقنتو بتورم
    وسعالاتو كتيرة ومسيخة
    دي ليلة منو
    وداك جنى منو
    وكيف شنو كدة ما عارف
    مطيطينا مط عشان تردي !!
    موازنة هي؟؟؟؟؟؟؟؟؟؟
                  

04-29-2008, 00:15 AM

ihsan fagiri

تاريخ التسجيل: 04-08-2008
مجموع المشاركات: 2345

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: ASHRAF TAHA)

    تسجيل حضور ومتابعه

    بوست شيق وجميل

    اتمني ان اساهم فيه ببعض الحكاوي
                  

04-29-2008, 00:45 AM

غاده محمد موسى

تاريخ التسجيل: 04-07-2008
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: ihsan fagiri)
                  

04-30-2008, 01:33 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 4028

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: غاده محمد موسى)

    و الله يا جندرية بوست يثير الشجون
    داير احدس بقصة حبوبتى (منانا)..الا قنا السنسرة قبل الملاغة.
                  

05-05-2008, 10:17 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: Tagelsir Elmelik)

    كدي كدي يا ود منانا
    بركة الجيت
    باقي ملاغتكم طعمها تاني
    السنسرة الله يقطع دابرها
    لكن ما بتغلبكم

    بالجنبة كدا كل سنة وانتو طيبييييييييييين، وكل المنى الحلو ليكم


                  

05-05-2008, 02:27 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 4028

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    Quote:
    بالجنبة كدا كل سنة وانتو طيبييييييييييين، وكل المنى الحلو ليكم

    شكرا يا بت الأصول
    و ( العقبان) عندك.. قصة منانا سأرويها لعماد عبد الله ، اما رسما ، يا جابا رماها و جرى.
                  

05-04-2008, 08:33 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: غاده محمد موسى)

    غادة
    ازيك
    مالك يا بنيتي لغيتي حديس حبوبتك عن قريبتها

    " وغناي السويت فيك
    اريتني كان سويتو في عود
    يجيني الشتا ويباقلي وقود"

    عجبتني جنس عجب انا قلع شعرها من الراجل
    صلي على النبي ورجعي الكلام المسحتيهو
    وكان غلتنا عليك امسحيها ليا في وشنا دا
                  

05-04-2008, 08:25 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: ihsan fagiri)

    دكتورة احسان

    شاكرين للمتابعة
    ومترجيين المشاركة بالحكاوي

    (عدل بواسطة الجندرية on 05-04-2008, 08:27 PM)

                  

05-04-2008, 08:12 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: ASHRAF TAHA)

    اشرف

    ترست من الشفخانة؟
    ات ماك خابر الباشتمرجي بيجي في البيت زاتو ؟
    اها احسن ليك تتشجع عاد وتجي داخل بلا ما يسكوك بالحلة

    بعدين يا ابوي المط هين
    القراحة كيف ؟
                  

05-04-2008, 10:17 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    الجندرية

    والله اول مرة اقرا لي بوست من بدايتو لنهايتو والله كان فايت على والضحك شرطنى عديييييييييل كده

    بس يا جندر ورد اسم ود كنان في كتاباتك فهل لود كنان هذا اى علاقة بالشمالية؟

    ارسل لى حد من السعودية رسالة وقال لي جدنا كنان سافر صعيدكم من الشمالية وسكن قبلو في الاواسط ونسانا لكن عايزين نعرفو وين .
                  

05-04-2008, 11:02 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الطيب شيقوق)


    بت ود حامد حكت .. قالت :
    البنية جاها عريس .. عِلاّ كان سحار ..
    أها البت دارتو و وقفت ألف أحمر ..
    أمها قالتلها يا القاهر يا أم عيناً بيضا .. الراجل قالولك سحار و كعب ..
    أبداً .. راسا و ألفي سيف بس الراجل ده .. وللا تجيب لي أمها الكلام .
    أها خوفاً من الفضيحة أدتا ياهو .. شالا راجل السجم السحار داك و مشابا بلداً بعيدة خلاس .
    روح يا زمان تعال يا زمان إنتي يا البت ترسلي للمره فيشان تجي تنفّسا .. حملت من السحار داك ..
    المره مشت , و قعدت مع بنيتا تخدم فوقا لامِن تمت أربعينا .
    أها قالوا يوم قاعدات المره و بنيتا في التُكُل يعوسن .. البنية الدور جاها في العواسة ..
    في ونستا مع أمها .. قالت كدي من تحت جلابيتا ديك سلتلها ضنباً ماكن و غليد .. و لزت بيهو النار تحت الدوكة ..
    المره انقهمت .. عِلا خافت , هزت راسا كدددددي و سوّت : هممممممممم .. هأأأممم .. و مسكت خشما عليها .
    تاني يوم قالت لي بتها أنا شايلة أهلي بعد ده يا بنيتي ..
    البنية ودعت أمها و قدمتا للبحر , المره ركبت مركبا و وداعة الله عند الرسول ..
    أول ما المركب بقت في بطن البحر .. البنية في القيفة تقول لي أمها :
    إنتي يمه .. البارح مالك تقولي همممممم هأأأمممم ؟؟؟
    المره عاد ما جاتا الشداعة .. قالت ليها :
    فيشان سجمك و فيشان رمادك و في شان ضنبك داك السليتيهو لزيتيبو النار .


    .....
    هممممممممممم هأأأأممم


                  

05-05-2008, 10:38 AM

Safia Mohamed
<aSafia Mohamed
تاريخ التسجيل: 07-21-2007
مجموع المشاركات: 2365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: Emad Abdulla)

    Quote: فيشان سجمك و فيشان رمادك و في شان ضنبك داك السليتيهو لزيتيبو النار .


    وفي رواية امدرمانية اخرى قالت ليها
    عاجبني خمجك وسل ضنبك

    الجندرية سلام
                  

05-05-2008, 03:20 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 23082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: Safia Mohamed)



    الأخت جندرية
    سلامات
    عمتى بت ودعود الليل _ قالت
    فى سنة الكماج مسكونى الانجليز مع الرجال .
    كمدونى فى الزنزانة .. اها ياولدى تلاته ليالى
    جعانه .. الوجع .
    تلاته ليالى من الجوع كان لقيت لبن الحمير اشربو . وجع ..
    يازول اقولك . انا مان ساعله فى الجوع .. اول ساعله ؟
    شبعانه زعل ومراير ولهد .. اها بعد راحو الانجليز جو المطاميس
    ديل ناس منو ومنو ( ياولد النقوم اعشى بقراتى ديل )
    قر قر قر ..
                  

05-05-2008, 10:25 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: Osman Musa)

    اخونا عثمان موسى
    عمتك طلعت مناضلة من زمن الاستعمار؟
    النبي قوم انت عشي ليها بقراتها
    خليها التتم لينا القصة

    Quote: بعد راحو الانجليز جو المطاميس
    ديل ناس منو ومنو

    لوووووووووووول
    الحسبة دي ما دايرة ليها ساسويات
    في اليد الواحدة بتنحسب
    ما ناس فلان وفلان
    يقعدو اربعة سنين يمشو يجونا ناس فلان يقعدو8 سنين
    يمشو يجونا تاني ناس فلان وفلان
    اها اربعة سنين وعقب يجو ناس فلان المرة دي 16 سنة
    يمشي
    يجونا تاااااااااااااااااني ناس فلان وفلان
    يقعدو اربعة سنين يمشو يجو ناس فلان ويا النبي نوح متوالية هندسية اهاالمرة دي اظنها 32 سنة
    الله كريم بس
    بالطريقة دي بقيرات عمتك زاتن بلحقن الصح
    والبتعشيهو ما بتلقاهو
                  

05-05-2008, 10:05 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: Safia Mohamed)

    حبابك يا صفوية

    يلا كدا بقينا طالبنك تحكي الفيرشن الامدرماني كامل
    والكلام الوعديتنا بيه عن حاجة ام الحسن الكتيابي
                  

05-05-2008, 09:59 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: Emad Abdulla)

    لوووووووووووووووول يا عماد
    لكن شايفة صفية قالت في فيرشن تاني
    النبي عليك كان ما جيت تاني
    قصصك حبوباتك مامنها شبع
                  

05-05-2008, 08:19 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الطيب شيقوق)

    Quote: اسم ود كنان في كتاباتك فهل لود كنان هذا اى علاقة بالشمالية؟

    استاذ الطيب ازيك

    بالحليل عندو علاقة
    هو ما هيلنا جعليامن السافل
    جا حدانا وعرس حبوبتنا العجمية
    وقعدهناك يمشي الغرب بتجارتو ويرجع

    كتر خير يا استاذ على العبور
                  

05-05-2008, 10:38 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
اها العوم مو كدي ؟ (Re: الجندرية)

    قالت خالتي زينب الله يسامحها

    زمن الجهدية بجيو يقلعو النحاس والسلاح من اهلنا
    ويسوقو اولادهم
    بقو يسوا ليهم مطامير يدسو فيه الاولاد الصغار ويختوليهم قصب في خشم المطمورة ويردموها بالقش
    والصبيان بقعو البحر يمرقوها عوم لي اربجي بي غادي
    قالت جدي الدريري ود ابن نعوف لمن الصبيان كبسو البحر
    هو ما بعرف يعوم سمح
    قعد يكورك فيهم
    بتدورو تخلوني للجهدية
    اها العوم مو كدي
    مو كدي
    لمن مرقها بي غادي في العمارة طه

    على فكرة ولحدي وقت قريب لمن يكسرو بيت قديم ولا يحفرو ساس
    نلقى طشات النحاسو ولاالبنادق مدفونة يقولو دا داسينو كانو اسيادو من الجهدية

    (عدل بواسطة الجندرية on 05-06-2008, 06:06 PM)

                  

05-06-2008, 11:33 AM

مدثر محمد عمر
<aمدثر محمد عمر
تاريخ التسجيل: 03-11-2008
مجموع المشاركات: 1434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اها العوم مو كدي ؟ (Re: الجندرية)


    سلام... ولحبوبتي بت عبد الحميد طريقة خاصة في العيش!!
    حبوبتي التي عندما توفيت اختها وتركت اطفال صغار طلبت من زوجها ان يتزوج لانها تريد تربية ابناء اختها وهم صغار وكثر وستقصر في واجباتها وأن يطلقها لانها امرأة غيور ولا تحتمل مشاركة امراة لها في زوجها!!...

    جدنا احمد بعد ان اعياه جلب الاجاويد لبت عبد الحميد تزوج وطلقها وظل يشرب معها قهوته يوميا ويسر لها باسراره حتي توفي!!

    بت عبد الحميد لها اراضٍ واسعه لكنها تعيش علي القليل وتمنحها "تتنقدها" لمن لا يملكون ارضا من المزارعين بالنصف او الربع من المحصول ثم تخزن اخر العام ما غلته اراضيها وتقوم بتوزيعه علي الناس عندما يقترب الموسم الجديد وتصيب المزارعين الحاجه ... وقد كانت مسبقا عندما كانت تساعدها صحتها تتفقد مكان النار في معظم بيوت الحله لتتاكد انهم طبخوا شيئاً لعيالهم فهم عزيزي النفس لا يطلبون من وان بات عيالهم "القوى"....

    لبت عبد الحميد ثوبين اثنين... واحد للصلاة والخروج والاخر للبيت وتقول قولتها المشهورة لنا:
    " الشفع ديل الدلاقين دي بدورو بيها شنو؟؟... كان عارفين هدم واااااحد بوديك الاخره"!!
    بت عبد الحميد تردد ايضاً مقولتها " البني ادم عندو خِلِقتين والتالته عفريته" كناية بانك لا تستطيع ان تتنبا بسلوك الانسان دائما!!

    ولحبوبتي اسم خاص لاخي عبد الخالق.... تناديه احياناً "بحر أبيض" واحياناً "أب خمج" ويحكي احد اعمامنا من اولاد جدنا عبد السلام انها اهدته حُمار (بضم الحاء) ليذهب به الي المدرسة البعيدة في زمن كان فيه الحمار مثل البوكس او كما قال هو...

    وانا صغير كنت استغرب من ان حبوبتي لا تاكل مع ابي في مائدة... ومن ثم عرفت ان ذلك احترام للنسيب وللناس في النيل الابيض عادات وتقاليد صارمة في احترام النسيب وكما قالت لي امي انها حين ركبت اللوري استعدادا للرحيل مع ابي ان عمها وكان من امراء المهدية المعمرين رحمه الله دنا منها ثم قال لها:"يا بتي: يتغرب خيارنا ويستر حالو حالنا"

    الا اعطي الله امنة بت عبد الحميد العافية وجعل البركة في زهدها وعطائها وادبها...
                  

05-07-2008, 07:37 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اها العوم مو كدي ؟ (Re: مدثر محمد عمر)

    اخونا مدثر
    حبابك وحباب بت عبد الحميد

    Quote: جدنا احمد بعد ان اعياه جلب الاجاويد لبت عبد الحميد تزوج وطلقها وظل يشرب معها قهوته يوميا ويسر لها باسراره حتي توفي!!


    شوف ليك جمال رفقة
    ديل ناس عِظام بالجد

    Quote: الا اعطي الله امنة بت عبد الحميد العافية وجعل البركة في زهدها وعطائها وادبها...

    وات عقب ياخوي وتني لينا من قهوتها البتكيف

    شاكرين كتير
                  

05-07-2008, 10:42 AM

ايهاب
<aايهاب
تاريخ التسجيل: 05-06-2002
مجموع المشاركات: 2878

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اها العوم مو كدي ؟ (Re: الجندرية)

    تشفير تقيل
                  

05-10-2008, 11:07 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اها العوم مو كدي ؟ (Re: ايهاب)

    هوبة ازيك
    وازي سلام
    ما بقيتو اربعة
    لووووووووووووول

    عاين
    اريتو تشفير الهنا والسرور
    وشحدت ربي يكون بينتقل بالوراثة
    عشان ننووم نومة غرير العين هانيها

    (عدل بواسطة الجندرية on 05-10-2008, 11:20 AM)

                  

05-10-2008, 03:08 PM

عشة بت فاطنة
<aعشة بت فاطنة
تاريخ التسجيل: 01-06-2003
مجموع المشاركات: 4572

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اها العوم مو كدي ؟ (Re: الجندرية)

    الجندرية أمانة حديسك مو طاعم , وجنس الحدايس ديل بطرني أهلنا ناس رفاعة ،
    واصلي ومن ناحيتنا بنواصلك كان فضل فيها حديس الزايلة ام بناية قش يا قول حبوبة الحرم .
                  

05-25-2008, 08:26 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    ازيك يا عشة
    والله دخلتك فرحتني جنس فرح
    النعمني اتذكرتك يوم امي بتحكي عن الخراجة
    واتذكرت كلامك عنهم
    امي في الحقيقة كانت بتحكي عن طفولة خالي جعفر عبد الوهاب المشاغبة
    ومكاواتو لعمي بشير سعيد ، قالت لمن المواسير دخلت رفاعة جعفر بقي كل ما يشوفو
    يقول ليهو:

    المواسير حطمت امال البشير
    يا البشير قوم بيع بعر الحمير

    جعفر استاذك مش ؟
    كان جن غايتو ربنا ساكت هداهو
                  

05-25-2008, 02:29 PM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    كان نفسي أقول لك من زمان....يا جندرية...انك فتحت لنا كوة للتوثيق....لحدوسات (وهكذا كانوا
    يجمعون الحدسة ويلفظونها كذلك...وهي عندي لا تنتهي لأنني أوثق لمثل هذه الحدوسات في الذاكرة
    منذ ان كنت يافعا...وأحيانا ننسج منها بعض المسرحيات زمان المراحل الاولي في المدارس...


    ونبدأ بحبوبة الزينبية: واسمها زينب...هي لم تكن حبوبة مباشرة...ولكن قمنا ولقينا
    الكل بيقول ليها حبوبة الزينبية...وهي تاجرة...بتغزل الحرير...والفراد (جمع فردة)
    والطواقي...وتبيع هذه المنتجات في سوق شندي نهار كل أحد...
    تسافر الي شندي مع صويحباتها برا...وفي غالب الاحيان راجلة....لمسافة تبلغ تقريبا
    15- 20 كيلو مشيا علي الاقدام او يكون لأحد صويحباتها حمارا يتبادلن فيه الركوب..

    قالت يومنا النسوق معانا حمار عجبتي (وهي واحدة منهن) الحمار يحلف يابا يدخل
    في المركب ويحرر علينا الشمش...قدر ما نضربو يا الحمار داك...بس نعجتا مدخلة
    رأسها في شوال دقيق...أها يقوم كدي يجينا وليدا لي ناس شاميرا ( ومن تتحدث عنه
    هو رجل وليس وليد ولكن هكذا كن يصغرن من يعرفنه او يمت لهن بصلة ...ربما هي المحبة)

    ويشيل الحمار داك من كرعينو الورانيات...ويدفرو زي عربية الفراد الليلة (شنودة)
    وهو قبطي ينافسهن علي بيع الفراد المصنوعة (والتشبيه هنا يأتي علي سبيل الكجنة)

    بشندي لديهن تاجر معروف اسمه لودن لا تزال ذريته موجودة هناك...يعرفهن جيدا...ويعرف
    الزينبية أكثر وعلي شرفها يشتري من الاخريات بضاعتهن بأثمان مجزية...وهو كذلك قبطي
    ولما تجي سيرة شندي ....بتبدأها بي (هلة هلة...داك زمنا سمكو وليمونو يملن ماعونو)

    والخترة النقول كدي نجي مقبلين من شندي....عمكم لودن...بي باقي قريشاتنا ديك...
    لا يخلينا ليمون...ولا موز...ولا لحمة...وداك العيش الحار المن الفرن...نجي شبعانات
    شبعا جايين نشقق ( ونعترضها نحن بشقاوة) والحمار رجعتنو معاكن؟ ترد بسرعة...ها
    جنا الحمار اليكسر رقبتك...انا هسي بقول في شنو! الحمار حمارا لي...(شفتو كيف
    التنصل دا ...(زولة مبسوطة من بيعتها ومن حاجاتها الراجعة بيها ما عايزة زول
    يجيب ليها سيرة ()...


    وهذه السيرة وحده قطعا ستتصل....وفيها بعض الحدوسات التي صارت مثلا شائعا لا
    زال متداولا عند اهل تلك المنطقة ولا اعرف كيف انتشر...برغم ان هذه الحكاوي
    كانت تقال في دانقات مغلقة.


    التعديل لتصليح كلمة ذريته: كتبتها كما تنطقها الزينبية...وربما وردت
    بعض الكلمات بذات النطق...فعذرا لناس ملاسي ومن حام حولهم

    (عدل بواسطة nazar hussien on 05-25-2008, 02:48 PM)
    (عدل بواسطة nazar hussien on 05-28-2008, 07:39 AM)

                  

05-25-2008, 03:22 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: nazar hussien)

    هي يا دفعة بركة الجيت

    غايتو بوستي دا كان واطاتو صبحت كان مشكلتك دي طولت

    وكتر لينا من :
    Quote: الحدوسات التي صارت مثلا شائعا لا
    زال متداولا عند اهل تلك المنطقة ولا اعرف كيف انتشر...برغم ان هذه الحكاوي
    كانت تقال في دانقات مغلقة.
                  

05-25-2008, 04:24 PM

كمال علي الزين
<aكمال علي الزين
تاريخ التسجيل: 11-14-2006
مجموع المشاركات: 13386

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    (*)
                  

05-25-2008, 04:45 PM

كمال علي الزين
<aكمال علي الزين
تاريخ التسجيل: 11-14-2006
مجموع المشاركات: 13386

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: كمال علي الزين)

    (*)

    أم أبوي (بت أحمد عثمان زروق المغربي) , من (ناس فاس الماوراها ناس) , مات عنها جدي باكراً , عاشت

    بعده خمسون عاماً , دون أن تتخلى عن حلم عودتها إلى (المغرب) , رفضت الذهاب إلى (الحج) , رغم أن

    إسمها (شباك النبي) , قالت :

    الحجة مشية فاس ..!

    رحلت دون أن تحج إلى (فاس) , سأذهب عنها يوماً , لأجلها إلى (فاس) ..

    الأخرى لا أستطيع الحديث عنها الآن , أم أمي ( دارالسلام بت الفكي المختار ود الشيخ جادالله أبشرة ) ,

    هي التي ربتني , ونشأتني , ..

    مريضة منذ سنوات , فارقتها وهي واقفة على حيلا , ضفايرا طويلة , شلوخا عراض , جميلة كما كانت ..

    ليس هناك في نساء الكواهلة أجمل منها , سوى (حبوبة رحمة بت عبدالله ودجادالله) أم الصادق المهدي , وبت

    عمها , وشبيهتا ,..

    (بت المختار ) ما زي باقي النسوان ..

    (جندرية) من زماااان , ..

    قرت في الراهبات , وغنى ليها في عرسا (ودالماحي وبطران ) ..

    (كرومة كان في مصر) ..

    كل يوم أقول ياربي (مابترجع تاني ) زي (زمان) ..؟؟

    سنتين ماشفتها , ..

    رجعت السودان مرتين ,

    ماقدرتا أمشي ليها , ..

    قالوا قاعدة (في كرسي) , ..

    وحلقت ضفايرا ديك , ..

    وجسمها ماشي كل شوية يصغر , ..

    ياربي بلقاها (حية) , ..

    الإجازة الجاية ..؟

    وماكفاية ..

    عازا ترجع زي ماكانت , (قوية ) وتدي (الدنيا ) كلها ..

    شعورا بالإمان , ..

    ...

    ..

    .
                  

05-25-2008, 05:03 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10754

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: كمال علي الزين)

    الجندرية حلاوة لبن
    امانى ماك حكايى
    امى رحمة الله عليها
    حكت لينا قصص تحير
    اها قالت
    البنية جاها عريس والعريس كبير الكبير الله
    والبنية درفونة يا داب
    الا القهارة والعين البيضا ما بخلنها
    الابو قاعد ممحن
    والام متل الزرقوا ليها ملحة داخلة ومارقة
    اها البينة قولى كدى سوت الشاى وجابتو لابوها والعريس
    امها انهجمت النعمنو مافى نار فى البيت
    قالت ليها
    ـ الشقية جبتى النار من وين ؟
    قالت الشافعة
    ـ نفخت الهبود نعمنو النار مافيها من شريرة وبت النسا مافيهن من صغيرة
    قالو كدى عرسوا للبنية
    الا الام قالت للعريس وكان راعى
    ـ ات امشى فوق درب سعايتك وتعال لنا صادبعد تجن تعال سوقا
    الراجل اتمحن وساق سعيتو ومشى

    جا الراجل صادى
    وما دخل عليها على انه سمع حسها تنضم وتنضم ومافى زول برد عليها
    اها دخل عليها لقاها فى داب جناها تنضم معاهو
    من نحينتو قالها
    ـ امرقى امرقى جنيتى طب بكانك بيتك
    تمت وختمت وعم الزين كسر قلمك
                  

05-25-2008, 07:15 PM

حسن الجزولي
<aحسن الجزولي
تاريخ التسجيل: 12-05-2002
مجموع المشاركات: 1241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: سلمى الشيخ سلامة)

    قالو يا أماني

    في حي القلعة بأمدرمان تمت دعوة الشاعر أبو صلاح لحضور حفل زفاف .. زمان كانوا بسموها بيت اللعبة ..أثناء الحفل والغنا شغال والرقيص مدور إنتبه الشاعر لصبية مليحة كانت تجلس قدامو..سأل أصحابو قالوليهو إسمها بدور..البنية إنتبهت لنظرات أبوصلاح وماكانت تعلم من هو .. فلاحظت الحول الشهير في عيون أبو صلاح ثم ويبدو أنها نبهت صاحباتا لموضوع الحول. واستمرت بدور تسخر منو متضاحكة مع صاحباتاوأبو صلاح يمعن النظر في وسامتا بدون مايبدي أي ضيق.. بعد فترة دعيت للرقص.. وفي رقصها تتهادى وتتثنى كاشفة عن قوام أخاذ وجمال هياب..وبين الفينة والأخرى تلقي على الشاعر نظرات فاتنة من طرف الأعين.. وعندما فاض كل شئ بالشاعر لم يحتمل ..فأنشد يقول فيها على إيقاعات رقصها البديع:-

    العيون النوركن بجهرا
    غير جمالكن مين البجهرا
    يابدور القلعة وجوهرا
    عالي صدرك لي خصرك برا
    فيهو جوز رمان جل البرا

    أها شوفي {حدسة }السرور دي جابت شنو للشافعة?!

    عماد
    قلت ليا سلت ليها ضنبا عديل كدا!

    أها ياأماني أحكي ليكي قصة بت الأقباط مع العبادي?!
                  

05-25-2008, 10:26 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: حسن الجزولي)

    حضور للقراءة والاستماع

    وناقل حديس ان وجدت شيئا بذاكرتي الخربة يصلح للنشر

    كل التقدير اختي الجندرية
                  

05-26-2008, 07:11 AM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الطيب شيقوق)


    بقية حديث الزينبية:


    ببساطتها المعهودة كانت تدخل الي كل بيت وتحب جدا لمات جبنة الصباح....وهي تعرف ...توقيت كل لمة
    وتجي داخلة البيت...الفيه لمة جبنة دون ان تطرق الباب أو تستأذن أهله...لأنهم كلهم أهلها...وان كانوا لا يمتون
    لها بصلة دم...( كب اللقوم أمشي لي ناس رقية بت فاطنة ديل باقي جبنتن فيها الحدوسات....والنضم السمح...

    كيف حالكم يا ناس رقية....تقولها من بداية الزقاق ...قبل ان تصل البيت...ولا تأبه لأنهم سمعوها أم لا...
    وكعادتها دائما ما ترتدي جورسي ( وهو باروكة هذا الزمان) طويل ومضفر شعرات تغطي بها شيبا
    قد أعتلي كل رأسها....ومع ذلك لا تغطي رأسها الا في مواقف...ولرجال تعرفهم وتحترمهم......

    جاءت في احدي ايام عيد الأضحي وهو العيد الجامع لكل أهل القرية من المسافرين...كعادتها....لناس رقية بت فاطنة
    وصادف ان كان عندهم ضيوف من الرجال....مجتمعون لنفس الجبنة أم حدوسات...ودخلت عليهم حاسرة لرأسها
    المزين بالجورسي......وقبل ان تدخل ....قالت تحيتها من بداية الزقاق....وسمعتها رقية..بت فاطنة...وسبقتها علي
    الباب لتنبهها بأن تغطي رأسها...من الضيوف....ولكنها دخلت قبل ان تصل رقية بت فاطنة...الي الباب....وقالت
    سلام وهي تتفرس في وجوه الرجال رجل رجل....ولم تعرف منهم أحد ومع ذلك مضت حاسرة...في اتجاه...الراكوبة
    المقابلة لجلسة الجبنة....وقالت....الليلة يومنا خرب....آآآآآآآ رقية الهنون دا لميتيه من وين....ورقية تقول لها...خالتي
    الزينبية غطي رأسك...وتعالي اقعدي معانا اشربي الجبنة...في الضل دااااك....الجماعة ديل ماهن أغراب...ديل زملاء
    ناس عادل ولدي في الجامعة....فوافقت وجاءت الي ضل الجبنة لكنها لم تغطي رأسها....ومرة أخري نبهتها رقية باشارة
    لأن تغطي رأسها فقالت اليها ممتعضة....(أغطي رأسي من الرجال ديل....ها بت ( اسحفي ) وتقصد أزحفي ( وهي تعني
    عندنا ابعد عن طريقي زحفا)


    الرجال ناس لودن في شندي) ومن وقتها أصبحت تقال علي سبيل التندر أو التهكم...في مثل هذه المواقف...
    عندما يتسلط الاخ علي اخواته....يا بت البسي كويس...وما تطلعي كدة....تقال هذه الحدسة التي اصبحت مثلا

    فلودن مثلما ذكرنا سابقا هو رجل في نظرها يستحق الاحترام لما يقدمه لها ولصاحباتها من معروف وكرم وشهامة
    فهو ما كان يكتفي بأن يشتري منهن بضاعتهن...بل كان يعينهن علي حمل اشيائهن ويشتري لهن كل ما يحتاجنه
    من بضائع بالسوق...ويرسل ابنائه في طلب مشترياتهن من السوق...لمسافات كانت تكلفهن جهدا...وعافية...

    وسنواصل معكم في سيرة الزينبية الي ان تحل محلها الدهيبة...التي قالت انها....دخلت الخرطوم قبل ان يدخلها الصيد
    المهدي شنو الدخل الخرطوم قبالي.
                  

05-27-2008, 09:08 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: nazar hussien)

    وسنواصل معكم في سيرة الزينبية الي ان تحل محلها الدهيبة...التي قالت انها....دخلت الخرطوم قبل ان يدخلها الصيد
    المهدي شنو الدخل الخرطوم قبالي.


    لوووووووووووووووووول@ دخول الدهيبة للخرتوم

    النبي واصل
    انا بقيت منتظرة القصة دي بي فارغ الصبر
                  

05-26-2008, 04:19 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الطيب شيقوق)

    استاذ الطيب

    شكراً لمرورك مرة اخرى

    نتهز السانحة ونسأل عن اخونا البشير
    نتمناهو بخير اين ما كان
                  

05-26-2008, 04:02 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: حسن الجزولي)

    دكتور حسن
    سلامات

    والله سعيدة بشكل بهلتك على المنبر

    ربي يديم نعمو علينا وما تقطع الطلة
    Quote: أها شوفي {حدسة }السرور دي جابت شنو للشافعة?!


    اريتو حديس الهنا يا يمة
    واريت كان كل الحديس كدا

    من الصباح بسمع في بدور القلعة
    وادعو لي عادل عثمان لانه مرة نزلها في البورد وصبنتها في جهازي

    اسمع معاي وادعو ليه




    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">




    Quote: أها ياأماني أحكي ليكي قصة بت الأقباط مع العبادي?!


    دا كلامك تعال فسراع حدسنا بي قصتها
    وكان كمان عندك قصة ديك الكانت بتكشح في موية الغسيل ولا موية بلاعة هي
    لووووووووول
    المهم الحاولت تدسى

    وحاول يخفي نفسو ؟
    فيها مكاواة لذيذة

    شفناهو شفناهو
                  

05-26-2008, 10:11 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: سلمى الشيخ سلامة)

    Quote: دخل عليها لقاها فى داب جناها تنضم معاهو
    من نحينتو قالها
    ـ امرقى امرقى جنيتى طب


    سلوم الغالية

    جن السواد

    وما منو دوا اجارك الله

    هسي باقي لينا بس نطقع بالحجار

    "الجنة تحت اقدام الامهات" !!!!

    الجنة زاتها شوية والله

    الجنة جناح كبار الزوار
    ولاي حتة اسبشل كدا


    راجينك تعقبي
                  

05-26-2008, 09:07 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: كمال علي الزين)

    شكراً يا كمال على عفرته البوست الاولى
    ثم شكراً على حديسك عن حبوباتك
    بت المختار
    شفت قبل كدا بوست ليك عنها
    ربنا يرفعها ويشفاها
    ويجمعك بيها في ساعة خير
                  

05-26-2008, 10:28 AM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)


    وصل ما انقطع من حديس الزينبية

    عند دخول مذهب انصار السنة المحمدية الي القرية....تبعه بعض الظرفاء....وأغلبهم أميين ....وهدفهم من الاتباع هذا
    كما ظلوا يقولون سرا....( أنهم شبعوا في حلوقهم دي) كل ندوة بعدها شاي ولقيمات....واللبن داك ....كبايتي وكبايتك

    والعجب يوم الفطير بي اللبن....انا والحاج اخوي دا ننمغي تب....وحرم تغلبنا القومة من البرش....وشيخنا ود جابر...
    ظنوا فينا بندور ...مزيد من العلم....ونحن كلاموا داك ....غير قصير جلاليبنا ديل....ما فهمنا منو التكتح.....
    هو باقيلك آآآآ الحاج....بلا قصّير جلابيتك دي....المشرباك اللبن...وموكلاك اللقيمات شنو...وشوية شوية...بدأ الشيخ
    ود جابر يكلفهم بوعظ الناس كل حسب فهمو....وقد تم تكليف الحاج...بوعظ النساء....لغطاء الرأس...

    وهو شخصية ظريفة بطبعه ....وكثير الهظار....ولذلك رأي الشيخ ان يكلفه بوعظ النساء لتغطية...الرأس...
    وبدأ مهمته....وهو يحدث شيخه....يعني يا شيخنا...أقع الابيار....باقي ديل فيهن حريم...من طلعة الشمس
    ينشلن ودلوي ودلوك.....وهو يسأل شيخه....لكن يا مولانا كان قالن لي ....طرحنا ديل بقعن في البير...
    نشل الدلو ما بدورلو دنقير...؟ اقول ليهن شنو؟ وشيخه يقول له.....لا دي ما حجة! .....لكن (كيفم مي حجة)
    آآ شيخنا....والله الزينبية أول واحدة علا تكتحني بي واطة....وشيخه ينصحه نصحا يقنعه بأداء المهمة
    والاجر الذي ينتظره....وبدأ فعلا مهمته....حتي صار مبغوضا وهو يعلم ذلك...( ها راجل آب دقنا زي
    الزريبة دا ما تشوف شغلتك....حالك دا...لابسلك كلوش....مرسلك ود جابر...هو كان بقدر يقولنا كدي
    ما يجي براه.....ولكنه يقبل هذا الكلام....بروح طيبة ويضحك ويمشي....الا انه لا يصافح النساء...برغم
    عدم معرفته لتبرير سبب عدم المصافحة...من ناحية شرعية لما تسألو يقول ليك والله شيخنا قالنا كدي....وعرفت كل النسوة
    حتي قريباته....بعدم مصافحته للنساء...واصبح يطبقها حتي علي بناته.


    وفي احدي جولاته صادف الزينبية....في البحر التحتاني وهكذا نسميه....واردة البحر ...بحمار صاحبتها تلك
    مالية شولاتا قش...شي برسيم وشي سعدة....وهي تهم لركوب الحمار...تجيب الحمار جنب الجدول عشان تركب
    لتستفيد من علو الجدول...عشان تشب....يقوم الحمار يزوغ....يوديها محل التقا....والحاج يراغب في هذا المنظر

    فجاء اليها متبرعا.....(عمتي اقيفي النشبك) .......وبسرعة ترد عليه....( ها يشيب حاجبك...) انت السلام ما
    بتسلم داير تمسك كراعي وتشبني في الحمار...( قال ليها: والله الشب دا شيخنا ما أدانا ليه لا هسع دي....)

    زح يا ولد يدنوك للضبح ....انت وشيخك المطيميس داك...).
                  

05-27-2008, 08:34 AM

ASHRAF TAHA
<aASHRAF TAHA
تاريخ التسجيل: 08-04-2007
مجموع المشاركات: 1017

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: nazar hussien)

    Quote: انت السلام ما
    بتسلم داير تمسك كراعي وتشبني في الحمار...( قال ليها: والله الشب دا شيخنا ما أدانا ليه لا هسع دي....)


    لوووووووووول
                  

05-27-2008, 03:55 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: ASHRAF TAHA)

    Quote: انت السلام ما
    بتسلم داير تمسك كراعي وتشبني في الحمار...( قال ليها: والله الشب دا شيخنا ما أدانا ليه لا هسع دي....)




    ههههههههه

    يا يمة الزينبية ربي يوسدها الباردة
    كان جمعت بيك يا اشرف
    وخلتك دخلت الشفخانة مطامن
    يعلم الله وحشتنا
    بركة بالشوفة يا اخوي
                  

05-28-2008, 08:47 PM

ASHRAF TAHA
<aASHRAF TAHA
تاريخ التسجيل: 08-04-2007
مجموع المشاركات: 1017

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    بركة سقفكم

    المرطب ده

    الجاب نزار ود حاج الحسين

    وود عبد الله العماد ميشيل

    والله يطول عمركم
                  

05-26-2008, 10:56 AM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    Quote: * الحدسة من حديس .. حديث .. قول .. كلام

    والحدسة هى الونسة السودانية لا اليمنية. وكتب عمك بروفسور عون الشريف عن الفعل حدس:

    * حدس: حدث ( فصحى) وقع وحصل. وتحدس، تحدث، تكلم.
    نقول الحديس مطرقآ خضرا، أى ذو شجون. والسواى مو حداس.
    الحادس هو الحادث (فصحى)، الذى حصل.
    حداسة عصا صغيرة وكأن المتحدث يستعين بها فى الحديث.
    قال الشاعر:
    ودّرنا العمر سّوينا كّلو كواسة
    ضّيعنا الطبيق وقعدنا بالحدّاسا

    _____

    لو سمحتى اشرحى لينا ما تتقلين من شعر ومن نثر. لفائدة الاجيال الجديدة

    (عدل بواسطة Adil Osman on 05-26-2008, 11:45 AM)

                  

05-26-2008, 03:50 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: Adil Osman)
                  

05-27-2008, 08:22 AM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: Adil Osman)

    مواصلة ....لحديس الزينبية....



    مع المغارب: وعادة ماتأتي هي من جهة ما كان البحر...كان سوق شندي تعبانة...
    ها حريم....متلملمات كدي....برا السمبر....ماشات وين.....وترد عليها واحدة منهن....الباهي ود حاج علي...داك
    قالوا مرضان وتعبان تب فوق فراش الموت...أها وانتن ماشات لي شنو...فيكن حكيم...ها بنوت ما تنفشخن في
    قعر بيوتكن....اتلقي دا كلو من المطيريشة دي....هسع بتغز قدوما دا فوق الراجل...وتلحقو ترب أحمد...ونان أنا
    ماني حالفة....حلفا ما ينكسر علي تجيني فيكن واحدة بعد المغارب ديل اتغتن....وتقول لي الراجل.. مات .من دمها دا
    ما أخلس نعمنكن فاضيات شغلة جت عليكن...(وتلمح فيهن من تعزها...وتهدي من لهجتها....حت انت آآآ بت
    علي ماشة معاهن....ها بتي الحريم ديل بودرنك....وبتطقك عقرب في الدهاريب ديل...الموديك شنو!
    وهو زاتو من ناحية كدي الراجل دا بموت....بموت....سعيلي الله عنقريبو شايفاهو في توب البت المسنوحة
    أم قدوم دي...داكي الليلة كتلت...الكجر صبيا يجر التمساح من البحر....قالوا فد عوجة ما كانت عندو...بس
    غزة قدوم البت دي فوق سريرو اللول المستشفي....قالوا خرجت روحو.....

    مشن منها....وجاءتها احداهن مع صلاة العشاء....عمتي الراجل مات قومي ألبسي توبك...وأرح معانا البكاء
    الحرررروم ديل لاحدهن اتكسرن....والحلال دي كلها ما فضلت فيهن واحدة....الناس ديل بلوموك؟

    أم قدوم قتلتو...الله لا تغز فيها بركة...وهي تتحسس...مكان....مركوبها...اللبيض....وهو مركوب مشهور جدا
    جايبو ليها....جنايا لي ود دعاك من الجنينة...حسب قولها......فتشي لي مركوبي اللبيض...- ياهو دا آآآ عمتي
    أمشي علي التكل داك...جيبي لي قطيرة زيت في مويعين...وتستجيب محدثتها لكل طلباتها دون أن تفهم...لماذا
    مثل هذا الطلب الآن...وهي تعرف ان البكيات الناس بيمشوا ليها بي غباشن...حسب حرة...البكاء...

    البت مي غبيانة ساكت ما كانت عارفاني جاء اسوي شنو....وأقول كدي...اشيل فنيجين الزيت داك...
    وأمسح المريكيب ...الفردتين في جبيهتو...واشيل لي قبضة واطة واكتحها ...زي الضريرة...
    واودع مريكيب الله والرسول...وأقول لي البنية...أمشي شيلي المريكيب دا...وخليه في بيت البكاء..
    ولامن تجي طالعة....كوركي لي بي واحد رأسك....وقولي لي عمتي نحن راجعات ارح نوصلك فوق
    دربنا.....(.بري آ بقدر امشي في الدهريبة دي سعيلي الله) تقول ذلك بصوت اشبه الي الهمهمة...أو من يحدث نفسه

    وأستعدلت في جلستها تحكي لنا ..متيمنة قاعدة في الحلة دي امكن لي عشرين كان تلاتين سنة....في الليل ما بمشي لي .ّ..
    الي ( لي ) بكاء...مريكيبي الابيض....عزا جنس عزا....والصباح أمشي اصبح علي اهل البكا
    واجيب مريكيبي ( والحدسة....التي صارت مثلا سائرا عندنا هناك....للتي تأتي متأخرة يومين
    أو تلاتة....عن العزاء يقال لها علي سبيل اللوم ....ما كان ترسلي المريكيب
                  

05-29-2008, 10:38 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: Adil Osman)

    Quote: لو سمحتى اشرحى لينا ما تتقلين من شعر ومن نثر. لفائدة الاجيال الجديدة
    هههههههههههههه

    عادل
    بطل شعبطة في بردعة الاجيال الجديدة
    وقول بي وش البيت
    قاموس عون ما حلاني

    ما عندك مشكلة
    خت خط تحت الكلمات والعبارات التي استشكلت عليك
    ونزار دا بشرح ليك
    لوووووووووووووووول
                  

05-27-2008, 09:01 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    نزار
    ات يا يابا ودعتك لي الله والرسول
    كان طعمت البوست
    تطعم حياتك بركة الصالحين واهل الله اجمعين
                  

05-27-2008, 12:54 PM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    Quote: نزار
    ات يا يابا ودعتك لي الله والرسول
    كان طعمت البوست
    تطعم حياتك بركة الصالحين واهل الله اجمعين


    ,والله يا دفعة دعوتك دي براها....تعدل عندي الدنيا وما فيها ....نعمنك تركة صلاح...



    بالمناسبة حدوسات الدهيبة....حا تتأخر شوية لأنها لا زالت معاصرة...ربنا يديها طولة العمر....بينما الزينبية توفت
    الله يرحمها....والذاكرة لا زالت....تحتفظ لها بحدوسات كثيرة...أخشي عليها من الضياع...وطالما نحن في سيرتها
    سنواصل فيها....وبالمناسبة يا الجندرية....كثير مما اقوله ...موثق بالفيديو... او بالكاسيت .كنت معتاد أفتح الكاميرا واخليها
    شغالة في ركن دون ان ينتبه اليها أحد ....ثم اديرها لهم بعد ذلك.......وكل ما يطلبوه بعد أن يروها......
    ها زول...انت بعد تطفش الصور ديل تاني نلم فيهن وين....ولو كنت بعرف أخرج ...وأعمل مونتاج...كنت عملت فيلم
    زي العجب.... انهم ناس عظماء بجد....رجالا ونساء...ربنا يغطيهم بستره...
                  

05-27-2008, 01:50 PM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: nazar hussien)


    مواصلة
    لدي الزينبية ميزة....نبهني لها....ابن اختي وكان عمره لم يتجاوز العاشرة وقتها....قالها وهو كاره لحدوساتها
    وتبين لي فيما بعد صدق ما قال....الا ان سبب قولته..تلك .كانت بسبب كثرة المراسيل....حسب ما تبين لي... فهي دائما
    كانت توجه له الكلام في صيغة أمر....في اثناء ما هي ماضية في حكاويها...... هاك آ جنا ها...أملا الكوز دا موية لي
    حبوبتك....جيب المخدة ديك.....أمشي دكان ود اب زيد...جيب لي حبوبتك وقية بن وهكذا...

    قال لي...لما سألته عنها....داير بها شنو مكجن حكاويها المكررة....وقصصها من اي حتة بتلحقن....!!!؟

    "جيد لي أمها أم كراسعين ..."وهي تعني الرجلين الطوال" ولكن في صيغة ذم ....البنوت ديل لاحدهن بورتن
    بي فلهمتا دي....هو خاف قالولا الخرتوم بسوي في الزول كدي....

    أول عاما أول .....بّرزت هنوووووك متل الكلب الشبعان رمة....وقدر يا أخواتا ديل ما دخلن فيها....شابكاهن
    (لا.............................................. بطي دايرة تقرأ) وتقولها بنخنخة....مع ان من تتحدث عنها لا تنخنخ....

    هسع قتي لي رضت تب......بت أم زرد.....نان قايلة هنا دي الخرتوم....الصبين مالن حد ولا لن عد......

    هنا قوليلا معلم الله صلاح ده البنقل بي قليبتو من الحفر تسوي فلهمتا دي ما تلقاه لي بتا....ربنا هداها...
    بخيت وسعيد عليها....البنية تستاهل....

    وتبن لنا ان سبب كجنتها لتلك المرأة....وهي بالمناسبة كجنة لذيذة ...لا تريد منها شرا ولم يكن ذلك طبعها
    تفرح جدا....للفرح...وتتمني الخير لكل انسان لكن حدوساتها ما بتخليهن....(أمشي الخرتوم عشان السكات
    يكتلني) هناك كل زول طابل اويضتو عليه....وتشرق الشمش....سيك سيك سيك....كل بنية شايلالا فرشة
    وصباح الخير.....ونجاو...يعلم الله شبه الكدايس....

    كجنتها لتلك المرأة بدأت عندما سألتها الزينبية....انت آآآآ السرة دحين الصهيب دا في الخرتوم عندكم
    في...( وهو ناموس يأتي بكثرة في تلك القري مع بداية شق النخل...مزعج جدا...) ..لا مافي
    يا خالة....بري ما عندنا ناموس....وهي تحاكيها بذات النخنخة القبيل....انا قت ليها صهيب تقول لي ناموس

    متيمنة اتلقي عندهم علا الزول بكون سهمو قليل....الخرتوم فيها خلق السح والرح...هو الصهيب يحوق
    فيهن كيفن....

    والعجب شاهيهن....ههههه....تاخد ليها ضحكة ...موهطة....كرش كرش...عندهن شيتا ليهن...البومتو...
    المومتو....( شنو آآآآآبت) البوتوجاز....آآآي ياهو....هلا هلا ....علي كوانيننا وحطبنا...فوقن الرسول...
    يجيبولك الشاي عارفة....مواصة زرقا....انا في سني دي آآآآ بدخلو....بري آآآآ يمة....أسبروي في طرف
    توبي....ان اوجعني رأسي من الشاي.....ببلع لي حبة....ملحماهو شاي ناس الخرتوم...


    والماشي الخرطوم لا هسي يا الجندرية بنقول ليه...(.أها شيل اسبروك).....والسفر الي الخرطوم
    تحرف اخيرا الي (مستسبر) بدل مسافر....والاستسبار لا يكون الا للخرطوم حسب تلك الحدسة
    الزينبية..
                  

05-30-2008, 09:53 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    في الليل ما بمشي لي .ّ..
    الي ( لي ) بكاء...مريكيبي الابيض....عزا جنس عزا....والصباح أمشي اصبح علي اهل البكا

    عارف يا نزار
    ياريت اقدر اكتب عن (الملكة) ، ودا لقب خالتي امامة بت ود صالح
    دوماً ترد التحية على من تحيها بي " حبابك آ الملكة " حتى صارت لقباً لها
    شاركت الزينبية في مقاطعة العزاء ليلاً
    خالتي إمامة لم تُشاهد في بيت بكاليلاً حتى رحيلها من الفانية
    وتراها صباحاً وهي تقول : "الحبان كيف اصبحتو من كربة البارح"
    وكنا نحن( شابات ) الحلة خاصة في حالة وفاة احداهم / ن اثناء المسلسل
    نوشك ان نسير على دربها ونحسدها كثيراً
    لها وللزينبيةالرحمات

    واصل يا نزار في احاديسهن / م
    ترانا بقينا مطرطقين اضنينا
                  

05-27-2008, 04:53 PM

امل احمد عمر
<aامل احمد عمر
تاريخ التسجيل: 03-21-2007
مجموع المشاركات: 291

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)


    أمونة حكاوي ترد الروح .. وبوست طاعم زاد طعامة بي حكاوي نزار

    خلي بالك انا من امس قاعدة بي هنا ..

    باقي نحنا جيل الاغتراب دا .. فاقدين حكاوي ..(على وزن فاقدين حنان)لووووووول
                  

05-28-2008, 02:10 PM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: امل احمد عمر)

    مواصلة:






    " آآآآآآآآآآآآجي....يا ديلاتني.....لا تمحنا ولا تبلينا.....الراجل العر....شايل فاسو....ومتحزم قال داير يقطع شدرة سيدي
    الحسن...." وشدرة سيدي الحسن هذه شجرة...سيالة مبرزة لوحدها في كوم رملة اصغر قليلا من التل....وتسمي ناحيتها
    بالقوز الاخضر....مع ان الخضار الوحيد في ذلك القوز تمثل في بعض أغصان تلك الشجرة العجوز...ومع ذلك...وأظنه
    خوفا قديما من سيدي الحسن نالت تلك الناحية هذا الاسم....وكذلك الشجرة" والتي أعتاد الناس الكبار من جيل الزينبية دفن
    بعض القريشات....شلن...ريال....الي الطرادة الحمراء فيها...كزوارة تدفع يوم الجمعة....تبركا بهذه الشجرة....وحبا وكرامة
    لسيدي الحسن....

    والمنفنس جنبو داك منو؟ دا...المطري ود العاقب....الزول مو زولنا زول شرق....ونان زول الشرق شن عرفو بي سيدي
    الحسن وشدرتو....متيمنة ما يقطعوها....وكان يقطعوها....شعراتي ديل اصفي بيهن المريسة...

    يا مرة الزول دا مسنوح ما تمشيلو تكشفي حالك معاه.....بمشيلو... متنضرة امشيلو....والشدرة في ساحة جدودي...
    هو عندو ساحة هنا مو لقيطا جايبو البحر....ساكت....

    داكي الليلة...في شندي فضحنا فضيحة.....متنب موووووكن....وعرقو يخر....شال الصيدلي...قالوا عندك
    "طكك" وتقصد....تكك لكنها تحاكيه ..."مفردها تكة او دكة...وهاي تعادل حزام دلاقين زمان يستعمل للباسات الطويلة"

    وهي تقصد من هذه المعايرة ان من تتحدث عنه: زولا عوقة وتنبكة ساكت....هسع بتمشي توقفوا عن حدو...

    " كيف حالك آآآآ الارباب....دحين برضيك الراجل التنبكة دا يقطع راياتنا البيض وعين حبوبتك تعاين؟ في شنو
    يا الزيتبية...يقول لها وهو خالف كراعو فوق حمارو تحتو سرجا....مقيف...بي بردعة....مصنوعة من جلد....خروف

    واثنينهما يتجهان علي المتحجز علي قطع شدرة سيدي الحسن....ولما وصلاهو بادرته الزينبية.....سلام هوي....
    فاسك دي.....ما لقيت ليها شدرة غير شدرة....سيدي دي....كاريك...الحاج...والله سيدو المطيميس....عاد حالفة
    حلفا ما ينكسر علي...ووحات اسيادي علي وامحمد والحسن.....الشدرة تصلا بي فاسك....علا ايدك دي تنشل
    جت من حدها....وبكان تكتك ما تخبرو....أها عاد الليلة....النشوف فيك....بينة أهلي الصلاح....كان ما مشيت من
    هنا عريان نجل....وخلق الله ديل كلهن يتفرجو فيك....آآآ بتشوف الغسين دااااك....كدي أمش جرو...يجروك...
    من خراك....:" والرجل...بدأ مصدقا وخائف" أها خليتا آآآآعمتي....والله أنا براي من الصباح....قدر ما قربت
    علي الشدرة دي رأسي يدوش....خليتا تب....وتاني ماني جاييها....وانبسطت الزينبية دون ان تحتاج لعون
    الارباب في وقف قطع شدرة سيدي الحسن....وغادر الجميع المكان الا الزينبية....لم تغادر المكان الا بعد
    نجضت بليلتها ....ووزعتها علي العابرين ....حتي مغرب ذلك اليوم....
                  

05-31-2008, 09:50 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: امل احمد عمر)


    عارفة يا امولة
    بسطتيني زيادة بحكاية عدم طلب الشرح دي

    Quote: خلي بالك انا من امس قاعدة بي هنا ..


    خليك قريبة
    دفعتي دا يادابو بسخن بس

    تسلمي كتير
                  

06-08-2008, 12:20 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: الجندرية)

    الجندرية
    يعنى لازم تفضحى جهلى ببعض المفردات السودانية؟!
    "علم الله واسع" كما كان يقول جارنا العم المرحوم محمد عثمان فضل على.
    كنت معجبآ بيافطة بيته. اسمه. وتحت اسمه مكان عمله: وزارة التربية والتعليم.
    كان حدادآ ماهرآ. مع زملائه كانوا يصنعون المعامل المدرسية والدواليب والادراج وغيرها من مستلزمات العملية التعليمية والتربوية.

    اهديك وباقى المتداخلين والقراء هذا التراث الشعبى

    http://www.alnsri.com/upload/uploads/aljwab.mp3
                  

06-08-2008, 01:07 PM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: Adil Osman)





    مواصلة:


    الفجر نبحن بوابيره....يا الرايقة شتيلة قريرة....الفجر..نبحن بوابيره يا الرايقة شتيلة قريرة....والبنطون سادرا
    في طيه....لضفتي النيل....ومسجل...لوري ...مشحون بصل....في سباق مع صوت رزمي المكنة....وطلب...
    وهذا هو اسمه من ما خلقنا لقيناه....متحصل رسوم العبور بالبنطون....شايقي...طويل...أخضر قيافة...عمره
    وقتها كان في الخمسينات....جاء فاجا...كوم قفاف....وبراميل جاز...متجها ناحية....اللوري....في حنين...
    ودموع لم يخفها من الناس....المشلهتين كل حريص علي مغتنياته ...وبضاعته...المجلوبة ...كان من سوق
    شندي او الخرطوم....

    ازاي الحال...كيف حالك ياخي...ان شاء الله طيب....ومتين جيت....حمدالله بالسلامة....شيتا تسمعو وشيتا
    تخليه...وعرق الناس بلا استثناء يخر بأرضية البنطون....وطلب....تزداد دموعه انحدارا وهو متكيْ علي
    باب اللوري الامامي وهو يستمع الي الاغنية....حتي انتهت....دون اكتراث لواجبه في تحصيل رسوم العبور...

    مع ان الدموع عندنا ولا تزال....للرجال عيب....وهو لعمري منقصة كبيرة فينا....ومع ذلك لن يمنعك احد
    من البكاء...ولكنهم سيعيرونك ولو بعد حين....ما شفتو الراجل كيف جعر....والله قالوا جعر بي واحد رأسو
    (وهم يقصدون بها بصوت عالي) ....الغريبة دموع طلب...مافي زول بعلق عليها....وهي متكررة النزول
    كلما هبت اليه نسمة من أريج نسمات الشمال....(قالوا كان شاف ليه لوري ملان جريد نخل ساكت بدّمع)
    ولكنهم لا يعيرونه بها...الا الزينبية....التي تربطها مع طلب....علاقة اشبه بتوم وجيري...فهي أكبر منه
    بعشر سنوات او تزيد...ولكنه لا يتركها في حال سبيلها....يحاول كل جهده لاستنطاقها....

    أها استغفرت آآآآ الخليقة وجيت تكوس فيها شلن شلن....انت وكت غنا اهلك دا ببكيك قدر دا...ما تمشي تشيل
    أهلك....مودر عمرك...بالهجاير...والمكن دا مالك....وهو يكشكش.....ليتحصل قروشو....وعامل فيها ما سامع
    مشينا بلاي يا حاجة....وزحي كدي التور دا ما ينطحك يسكنك...اللاخرة....وهي تكوس,....لي مفحضتها ام
    سيور....ببطء ...متعمد حتي تضيع عليه الوقت....فاذا ما وصل البنطون الي الضفة المقصودة...فهو يعلم
    ان لا احد سيدفع اليه ....مشينا بلاي يا حاجة.....والله كان....خلست منك انت براك ما اخليك....شي أأأ يابا
    يخلسن سنونك....انا محتاجالك...والله محتاجة....لي الحكومة الشغلتك....أها هاك دا شلنك...تنشل ايدك...
    يتناوله منها ويضحك....لكن يا حاجة.....الشوال دا مو تبعك....آآآآي بلحيل....تبعي....طيب حقو وينو
    انت ماك عارفة الشوال بي عشرة قروش....لأنه شايل فرقة تلاتة أنفار....وتتناوله الزينبية ...لترفعه فوق
    رأسها....أها عندك معاي كلام تاني...أنا خالسة بي شوالي....الشلة التمسكك في نص السوق...

    دا كلو خليناه يا الزينبية....والمرة دي عفيتك....تعفيني انت. آآآآ...الهناي الباير....في اشارة لعدم زواج
    طلب....من الله خلقك....وتنبك في الحتة.. دي ..فد يوم ...اكلت حقك.....معلم الله مكنتك المدورة دي...اتلقي من
    قروشي.....وهو يحكي عنها انها ....حينما يكون معها طالبات ....من منطقتكم....بتدفع ليهن حق البنطون
    ولامن تجي توريني ليهن....لانه في الغالب ما بكونن في مكان واحد من شدة الزحمة...قال: واقصد طلب
    تمشي تأشر لي علي الواحدة جنب عينها تقررررب تقدها....ده...وده....وده....وده....ما تشيل منهن...

    وسنواصل ان شاء الله:

    وآسف جدا يا دفعة علي الانقطاع: فتشت علي البوست كم صفحة وما لقيتو
                  

06-09-2008, 03:48 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: nazar hussien)

    نزار يا ود امي
    ما بيناتنا اسف
    متى ما لقيت الفاقة تعال حدسنا بقصص حبوباتك ديل


    Quote: فتشت علي البوست كم صفحة وما لقيتو

    لكن يا اخوي بتفتش بالصفحات خبارك
    ما تكتب بس حدسة في حتة البحث دي
    وكان في اخر الدنيا بجيك نابل
    اها في رجاك ما تتعطل
                  

06-09-2008, 02:17 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الحدسة* أطول من العمر (Re: Adil Osman)

    اي والله صدقت يا عادل
    علم الله واااااااااسع

    وشكراً ليك على جواب ام النعيم
    ورد اسمعين حسن عليه

    (عدل بواسطة الجندرية on 06-09-2008, 02:20 PM)

                  

06-09-2008, 04:54 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
أريت مركوبك طاير (Re: الجندرية)

    جا عمي عباس ود عبد الرحمن داخل على حبوبة شمة وجدي احمد ود ابنعوف " الدريري"
    وقد كانا من الذين تحسبهم اغنياء من التعفف

    جدي الدريري خاتي كورة عشاهو تحت عنقريبو
    والعشا خلاس اذن
    عم عباس : هاك ياجدي المركوب دا جبتو ليك معاي من الإبيض
    جدي الدريري : كتر خير يا ود عبد الرحمن ، اها حرم كان تتعشى
    وناوله الكورة
    بعد مغادرته ، صاح لحبوبة شمة
    : شمة ما عندك شي نتعشابو ؟

    : أجي يا ود ابنعوف ، ماك خااااابر.
    وهو في شيتن في البيت غير كويرة اللبن دي ؟

    تغطي جدي بفردته وقنت
    وقال : اريت مركوبك طاير آ ود عبد الرحمن كان بيتنا القوى
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de