|
رابطة ابناء الباوقة والفاروق يودعون دبلوماسيي السفارة السودانية بالرياض ....( صور )
|
في ليلة مــن ليالي الرياض ( القمرية )و بحضور القنصل العـــام بالسفارة الأستـاذ احمد يوسف محمد والعميد ابراهيم منصور سوركتي والعميد محمد حمـــاد والسيد حسين احمد حسين مدير الخطوط السودانية بالمنطقة الوسطى والشرقية . اقام ابناء رابطة الباوقة والفاروق حفل وداع لكل من السيد ياسين عوض الوزير المفوض ونائب رئس البعثة واللواء تاج السر عثمان والعميد الطيب المصباح المستشار العسكري والعقيـــــد الرشيد الزين مدير ادارة الجوازات والدكتور حسب الرسول بابكر استشاري المخ والاعصاب بمجمع الرياض الطبي وكان التكريم بتشريق السيد/ محمــــــد الخليفة عثمان( اب نخاوة ) مدير وزارة المالية بولاية الخرطوم الذي يحل علينا ضيفا عزيزا هذه الايام ...
نواصل ..
ود الباوقة
|
|
|
|
|
|
|
|
الباوقه والفاروق (Re: ود الباوقة)
|
كانت احتفاليةأبناء الباوقه والفاروق كالعادة هي أمسية لقاء الأحباب وأمسية الوفاء والواجب ورد الشكر وتقدير الرجال وتثمين المواقف الاستاذ الشهم ابن المنطقة والذي حمل هموم أهله معه أينما حل الرجل الكبير محمد الخليفه عثمان أبو نخاوه كان أقل ما يكرم به ويقابل به هو هذا الاحتفال الذي اقيم علي شرفه وعلي شرف زورته المباركه فهو يستحق أكثر من ذلك لكنه جهد المقل وبليلة المبشر أما اخواننا الأعزاء بالسفارة الوزير المفوض / ياسين عوض اللواء/ تاج السر عثمان العميد/ الطيب المصباح العقيد / الرشيد الزين فهذا الكوكبة كانت لها مواقف في الرياض وكان لهم حضور مقدر ومشرف لهذا كان وداعهم تكريمهم والاحتفاء بهم واجب وكذا الآخ الغالي والشهم والنطاس البارع الذي يعمل في صمت الدكتور / حسب الرسول بابكر والذي سوف يغادر للعمل بالسودان حاملا خبراته ومؤهلاته وعلمه وتقواه وطيبته لا شك أن الاحتفاء بهذه الكوكبة يفترض أن يكون كبيرا ومحضوراوهكذا كان شكرا لبورداب الرياض الريس ابو جهينه أنت من المنطقه...رحما ونسبا وداخل البيت الاخ شتات الاخ قرشي الاخ معتصم الاخ همام كنتم حضورا جميلا وكنتم نجموما تضئ أما الدكتور كرم الله ...وكما ذكر بعض( زوار البوست) فهو يعمل بالشرقيه لكنهم لم يذكروا أنه كالغيث أينما حل نفع وأينما وجد أضاء فله الشكر علي الحضور وتكبد المشاق فهو هكذا وسوف يظل هكذا قمرا ونجما وشخصا لا تخطأه العين
| |
|
|
|
|
|
|
Re: الباوقه والفاروق (Re: علي الكرار هاشم)
|
ود الباوقة
تحياتي
و شكرا على الدعوة حقيقة أهل الباوقة و الفاروق عدديتهم قليلة بالرياض و لكن تكاتفهم يقهر كل الصعاب ...
هذه الليلة كانت خير دليل على ذلك ... فالتنظيم كان يقف شاهداً على مجهود اللجنة ..
علي الكرار
Quote: شكرا لبورداب الرياض الريس ابو جهينه أنت من المنطقه...رحما ونسبا وداخل البيت |
ما لا يعرفه الكثيرون أنني قضيت جزءا من طفولتي متنقلا بين بربر و مبيريكة نسبة للمصاهرة التي بدأها جدي رحمه الله بزواجه من بربر ( الدكة ) ثم زواج أعمامي من مبيريكة .. و زواج أبناء عمومتي من مبيريكة ثم زواج أحد أبناء مبيريكة من إبنتي .. هذا ما عناه علي الكرار صلة الرحم و النسب و هما شيئان أفتخر بهما أيما فخر ...
التحية لكل أبناء و بنات الباوقة و الفاروق ...
و ستجدوننا دوماً معكم يدا واحدة
وفقكم الله و سدد خطاكم لما فيه خير المنطقة و سكانها
دمتم
| |
|
|
|
|
|
|
Re: الباوقه والفاروق (Re: هجو الأقرع)
|
الاخ عمر ، و د الباوقه و الله ما قصرتو تب ، اهل و اجب قديم و ما غريب عليكم اكرام الرجال
شمرا ابن العم العزيز هجو الاقرع ونسال الله ان يديم الافراح علينا وعليكم ..
كتر خيرك كتير ..
ود الباوقة
| |
|
|
|
|
|
|
Re: الباوقه والفاروق (Re: ابو جهينة)
|
والله سويت ليك إسم ياريس / ود الباوقة
عموما من المشاهد يبدوا ان الحفل كان جميلا وبديع والله يديم الفرح
بعدين يا أخوى الريس ابو جهينة ده بقى فردتك على طول ياود الباوقة
الزول ده نقى !! الله يستر ما نسمعه في مقبل الأيام يقول لينا ( أحسب أن ) هي أصلا بتبدى كده !!
بدون شك ما قمامت به الباوقة والفاروق عمل كبير وشيئ جميل وجليل ..
| |
|
|
|
|
|
|
Re: الباوقه والفاروق (Re: ادم الهلباوى)
|
الفاروق ده منو ياناس الباوقة..يأخوانا المنطقة دى عندها تراث وتاريخ يشمل المعالم والناس والحياه..وناس مسؤولين عن هذا التراث الناس تجتهد فى لملمة تراث المنطقة وأخرون يطلقون أسماء جديدة!!..على العموم نحى نسيج الباوقة المتنوع من ودناقله وعنج وعرب عليقات وحسانيةوريشاب وشايقية ومناصير وميرفاب وأخيراً أهلنا النوبة الهجرة اللاحقة وفريقهم التحرير الذى مثل المنطقة فى كأس السودان..,انتم تمثلون هذا النسيج بكل مكونات المنطقة فلكم التقدير
تحياتى للجميع
| |
|
|
|
|
|
|
Re: الباوقه والفاروق (Re: ادم الهلباوى)
|
سويت ليك إسم ياريس / ود الباوقة
بعدين يا أخوى الريس ابو جهينة ده بقى فردتك على طول ياود الباوقة
الهلباوي يا اخوي اخبار جامعة المغتربين شنو ...
ود الباوقة
| |
|
|
|
|
|
|
Re: الباوقه والفاروق (Re: علي الكرار هاشم)
|
دكتور كرار التهامي كان نجما من نجوم الحفل ارتجل كلمة ضافية مؤثرة في حـــق المحتفي بهم وفي حق اعضاء رابطة ابناء الباوقة والفاروق وونحن نحسبه واحد منا فله التحية والتقدير ...
ود الباوقة
| |
|
|
|
|
|
|
Re: رابطة ابناء الباوقة والفاروق يودعون دبلوماسيي السفارة السودانية بالرياض ....( صور ) (Re: ايهاب نميري)
|
هلباوي
سلام
ود الباوقة دة فردة قبل جسم البورداب. و زول أصيل طب ...
Quote: الله يستر ما نسمعه في مقبل الأيام يقول لينا ( أحسب أن ) هي أصلا بتبدى كده !! |
ما هي التي تبدأ هكذا ؟ ما تكون إنفلونزا الطيور ؟ أم هي بادئة لحزب معين حتى نتجنبها لاحقاً ؟ أفتونا فنحن لا زلنا نمشي على السجية ...
تخريمة : جدي الأنصاري داود أبو شلاشل .. رفيق تور شين ... و جندي النجومي في توشكا .. و زميل بابكر بدري و زول خلاوي الغبش : خاتي لينا وصية محفوظة جوة العين مفادها : في الحق ما تجامل و لو أبوك
| |
|
|
|
|
|
|
الباوقه والفاروف (Re: ود الباوقة)
|
الاخ / حاتم الياس تحياتي وينك ..يازول.. ما تظهر الا مع الفاروق رغم انو الموضوع دا نوقش في بوست سابق ومناسبة اقامتها الرابطة ارجو ان نسمع منك عن تاريخ المنطقه الذي تعنيه فعلا هناك حلقات مفقوده اذا عندك معرفه لا تبخل
| |
|
|
|
|
|
|
Re: الباوقه والفاروف (Re: ود الباوقة)
|
Quote: الفاروق ده منو ياناس الباوقة.. |
اخى الكريم الأستاذ / حاتم المحترم
بالله ما عارفو ... ده ما عمك الفاروق اللما يعطش يشرب !! ...........
Quote: ما هى البتبدى كده ؟ |
اخى الكريم الريس / ابو جهينة المحترم
بت قضيم !!
| |
|
|
|
|
|
|
Re: الباوقه والفاروف (Re: ادم الهلباوى)
|
ود الباوقه دة عمل طيب واكرام لرجال قدموا ماباستطاعتهم وكانوا بحق رجال لم نسمع عنهم الا الخير
نتمنى لهم التوفيق فى حلهم وترحالهم واعمالهم الجديده ولكن ياود الباوقه والله ماعندى خبر بهذا الحفل
والا كنت مشاركا لكم مع تحياتى لجميع من شارك .
ابو ختم
| |
|
|
|
|
|
|
Re: الباوقه والفاروف (Re: الحارث سرالختم عبد الله)
|
ود الباوقه دة عمل طيب واكرام لرجال قدموا ماباستطاعتهم وكانوا بحق رجال لم نسمع عنهم الا الخير
اخي الحارث اخشى ان يذهب هؤلاء الابطال ويذهب معهم تماسك مجتمع الرياض . لقد ترك هؤلاء الاخوة الكرام سيرة حسنة وعلاقات واسعة شملت الجميع دون فرز او تمييز لاحد على الآخر . ولكن عزاؤنا في بدلائهم نسال الله ان يوفقهم ويسدد خطاهم ..
شكرا اخي حارث وكتر خيرك ...
ود الباوقة
| |
|
|
|
|
|
|
Re: الباوقه والفاروف (Re: ادم الهلباوى)
|
اخى الكريم الأستاذ / حاتم المحترم
بالله ما عارفو ... ده ما عمك الفاروق اللما يعطش يشرب !!
غايتو يا هلباوي دمك خفيف عثل وبث ....
طولنا من شوفتك .. الحي يلاقي ...
تصبح على خير ...
ود الباوقة
| |
|
|
|
|
|
|
Re: رابطة ابناء الباوقة والفاروق يودعون دبلوماسيي السفارة السودانية بالرياض ....( صور ) (Re: ahmed haneen)
|
طبعا تكريم الباوقة لناس السفارة يوحي بانو ناس الباوقة ديل مؤتمر وطني لكن حا شاهم ما كلهم مؤتمر وطني فيهم كل ألوان الطيف السياسي بما فيهم الشيوعيين و الجمهوريين وكذلك ناس حزب الأمة (ناس ودكنون) مع التسليم بأن المنطقة معقل من معاقل الاتحاديين و الختمية (ما علينا بالسياسة) لكن طبعا ناس المؤتمر الوطني بكونو عاصرين على ناسهم وكدى. على كل المبادرة طيبة وتحسب لي ناس الباوقة وإنشاء الله نشوفهم في مبادرات أهم زي مثلا تأهيل مشروع الباوقة وقد كان في يوم من الأيام انجح مشاريع مؤسسة الشمالية الزراعية على الأطلاق و اليوم حالتو حالة. أما مستشفى الباوقة الذي لم أرى في حياتي اسوأ منه في كل السودان وقد انشىء في عام 72 ايام نميري ولم تطاله يد الأصلاح حتى اليوم وحالتو تحنن العدو و ياود ابنخاوة كان بديتو في الحاجات دي تلقونا قدامكم . تحياتي عبر البوست لكل ناس الباوقة وأخص الدكتور كرم والأخ يحيا عطا الفضيل الذين لم ارهم منذ مدة طويلة. وتحياتي لود الخليفة ابنخاوة. و ياود الباوقة نحن في انتظاركم في ابها قبل السفر للسودان و الجو اروع مما تتخيلون. بالمناسبة ياود الباوقة عايزين بوست بخصوص خزان الشريك وغراق فتوار ومبيريكة و السليمانية المرتقب انا اصلو حضرت كل المساجلات التى تمت في هذا الخصوص في الخرطوم و المنطقة هناك في اجازتي الفاتت
| |
|
|
|
|
|
|
Re: رابطة ابناء الباوقة والفاروق يودعون دبلوماسيي السفارة السودانية بالرياض ....( صور ) (Re: ahmed haneen)
|
مشكور ود الباوقة على عرضك لنا هذه المعلومات القيمة عن أنشطتكم الثقافية لرابطتكم الناهضة والناشطة ..
في الحقيقة في مرة سابقة تعرفنا على منطقة الفاروق وإبنها البار محمد عثمان الخليفة ود أب نخاوة مدير عام وزارة مالية ولاية الخرطوم..
ويسرنا أن تتكتل الجهود لإعمار المنطقة التي كان يسكنها من قبل الشيخ حمزة وأولاده ورحل منها في عهد مشيخة ولده محمد ود حمزة إلى غرب النيل وأولاده العشرة ليتقاسم الأرض مع بني عمومته أولاد حمد العسيلي وذلك بعد التجريف الذي أدى إلى إنتقال معظم الأرض غرب النيل..
أما الآن بعد تنفيذ خزان الشريك .. دقش فإن منطقة الباوقة بكاملها سوف تغمرها المياه ومستقبل المنطقة كله شرق النيل حيث تمتد الأراضي حتى وادي الحمار.. ولكن هذه الأرض قد تم تخصيصها في فترة الاستعمار الانجليزي لمشيخة الميرفاب .. ولاد رحمة .. ومشيخة العبابدة ود مسعود..الذين كانوا لا يقبلون أن يزرع معهم المزارعين من الباوقة إلا تكرماً وليس اصحاب ملك ( حاريين عارية ولا أسياد حق)
أكيد ود أبنخاوة يمكنه حل هذه المعضلات المتعلقة بملكية الأرض أما التسمية لا بأس بها وبعد غياب الباوقة تحت البحيرة سوف تظل محلية الفاروق هي الوجهة وخاصة أن كثير من أبناء أرتولي الذين خرجوا غرباً في السابق أعادوا اتجاههم شرقاً..
بدون شك الناس في المنطقة لحمة واحدة من شمالها إلى جنوبها وكل ما يجمع بينهم أفضل مما يفرق وكل من يستطيع أن يمد يد العون لعريبنا الفوق الله يوفقه..
سعيدين نحن بأخباركم.. واتمنى من أهل الدوحة التي بها أكثر من مائة أسرة من مناطق الباوقة والفاروق والجول وفتوار أن يكونوا لهم رابطة .. وغيرها من المناطق لكن أهلكم في ليبيا رابطتهم كبيرة على طول الساحل الليبي.. بس ناقصاهم زيارات المسئولين الكبار..
تحياتنا لي ود النحاس...حاتم الياس .. حجر أم بلة وجاتو الموية.. ربنا يمرق أبوي البشر أبوبشرية من الغرق..
| |
|
|
|
|
|
|
Re: رابطة ابناء الباوقة والفاروق يودعون دبلوماسيي السفارة السودانية بالرياض ....( صور ) (Re: المسافر)
|
مشكور ود الباوقة على عرضك لنا هذه المعلومات القيمة عن أنشطتكم الثقافية لرابطتكم الناهضة والناشطة ..
كتر خيرك ...
سعيدين نحن بأخباركم.. واتمنى من أهل الدوحة التي بها أكثر من مائة أسرة من مناطق الباوقة والفاروق والجول وفتوار أن يكونوا لهم رابطة .. وغيرها من المناطق
اخي المسافر ..
الاربعاء الفاتت حل عليكم دكتور كرم الله على عبد الرحمن بالدوحة وقد التقى بالعديد من ابناء المنطقة وقد اثنى على فكرتك بتكوين رابطة تضم كافة ابناء المنطقة الكرام .
وهو مستعد للحضور اليكم مرة اخرى للمساعدة بدفع جهودكم في تكوين رابطـــة لابناء المنطقة المقيمين بالدوحة..
ربنا يمرق أبوي البشر أبوبشرية من الغرق..
الله اعلم يمرق ..
ود الباوقة
| |
|
|
|
|
|
|
Re: الباوقه والفاروف (Re: علي الكرار هاشم)
|
Quote: الهلباوي يا اخوي اخبار جامعة المغتربين شنو ...
ود الباوقة |
يا اخى مجلس إدارة جامعة المغتربين للمساهمة كلهم معاك !! و تجى تسالنى أنا
طيب ما تسأل البتضرع ده ما هو أصلا نائب رئيس مجلس الادارة ! يبدو إنو الكلام
القبل كده فتحت بيه ( الشنو كده ماعارف ثم التمكين ثم شنو كده ماعارف ) بدأ
يظهر فى الصورة .. بعدين تعال هنا أنا ده اصلا عارف نفسى مصنف لكن ليه ما دعيت
المكاتل / أحمد حنين ده سؤال مهم وعايز إجابة ؟!
| |
|
|
|
|
|
|
Re: رابطة ابناء الباوقة والفاروق يودعون دبلوماسيي السفارة السودانية بالرياض ....( صور ) (Re: mayada kamal)
|
ميادة
Quote: الوقاحة والتطاول مافي داعي ليه وانا ما حانزل لمستواك وارد على كلامك باسلوبك دا
وقع ليك ولا..................... |
لا ما وقع لي ..
لمن تجي تورينا سبب واحد .. يسمح ليك انت بالدخول هنا
ولا يسمح لدينق ..
والي حين ذلك انت عندي مجرد عنصرية تافهة..
يا ود الباوقة ..
انت ليك تلاتة يوم رافض ترد علي الأسئلة الفوق..
جاي الأن تدافع .. عن هذة الغبية ..
عاوز ترد ..
ابدا اولا ..
من الذي دفع تكاليف هذا التكريم ...؟؟
وكم عدد افراد ابناء الباوقة في هذا الأحتفال ..؟؟
وألا .. طم خشمك عليك .. وارقد بباقي الحساب
| |
|
|
|
|
|
|
Re: الباوقه والفاروف (Re: علي الكرار هاشم)
|
اخي الكريم على الكرار هاشم ..
اختي ميادة ..
مناسبات تكريم الابطال ستتوالى والصور ستاتي تباعا ... انتو بس تأمروا ..
شكرا لكما ...
ميادة فعلا يجب تفويت الفرصة على اعداء النجاح .. فليموتوا بغيظهم ...
ود الباوقة
| |
|
|
|
|
|
|
Re: الباوقه والفاروف (Re: ود الباوقة)
|
الريس / ود الباوقة .. تحياتى وتفاقمت إحتراماتى
سألتنى ورديت ليك .. يا أخوى مطنشنى مالك وله إقتنعت !!
بعدين يا أخوى مسعول من الخير شاعرنا عبدالله شاش مبسوط كده مالو ؟
العشاء جأء وله شنو...........................
| |
|
|
|
|
|
|
Re: الباوقه والفاروف (Re: ghariba)
|
ود الباوقه يا أنتقائى
التعبير دا شنو يا غريبة . الليلة طلعت من علبك ..
صدقني المشكلة في الكاميرا ولكن قد تداركتها والجايات تكون مية في المية ..
بس اوع تزعل يا اخي الكريم ....
ود الباوقة
| |
|
|
|
|
|
|
الباوقه والفاروف (Re: ود الباوقة)
|
الأخ الكريم / أحمد حنين لك التحية (لاحظت شوتك الضفاري)منذ بداية البوست وهو لايشبه ناس بربر الذين يجيدون التصويب والتهديف من لدن حسن عثمان ( ابو علي) وعلي جعفر حنين ونور الدين الضو. و لايشبه ناس بربر..الذين نقول عنهم انهم علموا المهدي ليس في بربر ولكن في ضواحيها بالغبش ليحرر السوادن . نحن من المناطق التي تجاوزها الناس واصبحت منسيه...(هل أقول مهمشه)...وعندما وجدنا اخينا ابو نخاوه والذي حمل هموم اهله وحاول ان يقدم لهم من موقعه ومن معارفه ... فرحنا بالرجل واحتفينا به فنحن احفاد الارابيب وملوك العبيديه والقلوباب ونحن تعودنا ان نقول للمحسن بارك الله فيك وان نودع المسافر حتى وان كان ماشى كدباس...او عطبره وكذا العائدين من الغربه كنت اتوقع ان تحركك حمية الاهل وحمية المنطقة والارحام لكنك بكل اسف آثرت ان تسود هذا الموقع الاحتفالي والذي نعرف فيه الاخرين باهلنا وناسنا وقاماتنا وكتبت فيه عبارة اقل ما توصف به أنها قبيحة وهذا القاموس معروض علي الشارع بالمجان...لكن الاذكياء يتجاهلونه فلماذا لم تتجاهله ...ياحنين اذا جمعتنا المجامع فسوف نفخر ببعضنا ولا نقبحهم ولا نصفهم بالاوصاف القبيحه فهل نتوقع منك عودة من قبيل الرجوع للحق فضيله ومن وصفته بأنه ..ابو ........ هو منك وفيك ويربطك به النسب والحسب ...فقط لا تتعجل ولك التحية
| |
|
|
|
|
|
|
Re: الباوقه والفاروف (Re: علي الكرار هاشم)
|
التحية لأبنا الباوقة وابناء الفاروق هذا العمل المقدر..
أحمد حنين..اى عمل منظم لأبناء تلك المناطق فى أى مكان هو عمل يستحق التقدير والتثمين والأشادة..وبمجرد وجود تقديرات سياسية من قبلنا أوغيرها لمعاينة الموضوع وتقييمه على اى مستوى غير ذات جدوى وتجعلنا ننصرف لأبعد من قيمة العمل الذى فى حد ذاته يعتبر عمل جيد بمجرد ان تواجد الناس فى مكان بشكل منظم لخدمة المنطقة ولانشك أطلاقاً نحن كأبناء منطقة فى المقاصد السليمة لهؤلاء الأخوة كيفما خرج عملهم أو كان فى اى مكان...سفارة أو برلمان أو حواشه..ولانملك حق اكثر من الذى يمتلكوه فى الأنتماء لقضايا المنطقة والمساهمة فيها....لهم التحية والتقدير دائماً
| |
|
|
|
|
|
|
Re: الباوقه والفاروف (Re: حاتم الياس)
|
حاتم سلامات
Quote: ولانشك أطلاقاً نحن كأبناء منطقة فى المقاصد السليمة لهؤلاء الأخوة كيفما خرج عملهم أو كان فى اى مكان...سفارة أو برلمان أو حواشه |
نحن نشك يا حاتم ..
اولا .. نحن في الرياض ..منذ اكثر من 15 عاما .. لم نسمع بأسم هذة الرابطة ..
الأ .. الأن .. اذن يا حاتم نحن اقرب للحدث منك ...
فقط طالبناهم .. ان يورونا هم منو ؟؟ وعددهم كم ؟؟؟
كان ممكن جدا .. يكون العنوان .. كألأتي ..
عضوية المؤتمر الوطني بالباوقة .. تودع فلان ..
| |
|
|
|
|
|
|
Re: الباوقه والفاروف (Re: علي الكرار هاشم)
|
اخوي
الكرار.. سلامات
اولا .. لا يحق لك ان تحدد لي ماذا اكتب .. ولا كيف اكتب
..
ثانيا
Quote: نحن من المناطق التي تجاوزها الناس واصبحت منسيه...(هل أقول مهمشه)...وعندما وجدنا اخينا ابو نخاوه والذي حمل هموم اهله وحاول ان يقدم لهم من موقعه ومن معارفه ... فرحنا بالرجل واحتفينا به فنحن احفاد الارابيب وملوك العبيديه والقلوباب
|
نحن ..
انتو منو ؟؟ وعددكم كم ..
ولا حسب الصور .. اعتبرتو بورداب الرياض من الباوقة..
Quote: لكنك بكل اسف آثرت ان تسود هذا الموقع الاحتفالي والذي نعرف فيه الاخرين باهلنا وناسنا وقاماتنا وكتبت فيه عبارة اقل ما توصف به أنها قبيحة
|
يا الكرار.. ما تتكلم ساكت .. جيب الكلمات القبيحة هنا ..
..
القبح هو ان تتكلم بلسان الأخرين .. وتعتبر نفسك ممثل للباوقة ..
| |
|
|
|
|
|
|
الباوقه والفاروف (Re: ود الباوقة)
|
حاتم الياس تحياتي لا فض فوك.. وقد عزفت اللحن الجميل.. ووقعت علي الحروف الشاعرة نحن ننظر بعين الرضا لإهلنا ونحمل لهم من الأمنيات الكثير فان تحققت فهم العشم...وإلا... يكفي أننا تمنينا لهم لك التحية
| |
|
|
|
|
|
|
Re: رابطة ابناء الباوقة والفاروق يودعون دبلوماسيي السفارة السودانية بالرياض ....( صور ) (Re: ghariba)
|
Quote: التحية لأبنا الباوقة وابناء الفاروق هذا العمل المقدر.. |
الأخ حاتم الياس ماذا ستستفيد المنطقة من تكريم عاملين بالسفارة السودانية بالرياض؟؟ يا أخي هذا دأب الكيزان ..أن يجيروا العمل العام لخدمة تنظيمهم و أهدافه و تحويل الروابط و الجمعيات و غيرها من منظمات النفع الام لمجرد لافتات يمررون أجندتهم الخاصة من خلالها..
شوف عليك الله البوست ده الذي تداعى له الكيزان تداعي الآكلة على القصعة و هم ما عندهم أي علاقة بالباوقة و لا بالأخ الفاروق.. المدعوة ميادة كمال شابكة ليك المدعو ود الباوقة يا عمر ..يا عمر هسي من وين عرفت أنو أسمو عمر؟ كان ما أمور كيزان ! و المعو صلاح غريبة عامل نفسو العمدة اللمين و هو الباوقة دي ما شافها بعينو
غايتو جنس محن.
| |
|
|
|
|
|
|
Re: رابطة ابناء الباوقة والفاروق يودعون دبلوماسيي السفارة السودانية بالرياض ....( صور ) (Re: سيف النصر محي الدين محمد أحمد)
|
سيف النصر..سلامات
يأخى الفايده بعرفوها هم ..محل ماقعدو واشتغلوا وتنظموا فى رابطة هدفها المنطقة ولاتتخيل أنو ناس الباوقة دى (سهله) ناسه يمكن أن تمرر فيهم الأجندة التى ذكرتها ببساطة...(أمكر ناس) والمكر هنا أعنى به (الفطنة) ولاغيرها....لكن هذه الرابطة رابطة أجتماعية تشمل أبناء المنطقة بالرياض وقطع شك فيها كثيرون من أبناء المنطقة من له مواقف سياسية مختلفة عن الحكومة وناس الحكومة فمابجى
أنا ,اناقش تقديراته ألأخرى للأمر من بعيد لبعيد ده فيه نوع من الوصاية الغير مستساغة من جانبى على أشخاص هم أدرى (بساحتهم ومكانهم)
لأنو بصراحة منذ فترة طويلة أنا (طلعت نهائياً) من فكرة المعارضة (التقليدية) وأجد أنها غير مجديه
بجانب أخر..ود النحاس الجد جد (المسافر) ماأتكلم وهو زعيم قطاعنا فى (الصقوره) بالتالى نحن كمان أحسن نلبدتحياتى وتقديرى
| |
|
|
|
|
|
|
Re: رابطة ابناء الباوقة والفاروق يودعون دبلوماسيي السفارة السودانية بالرياض ....( صور ) (Re: سيف النصر محي الدين محمد أحمد)
|
الاخ سيف النصر صباح الخير
Quote: المدعوة ميادة كمال شابكة ليك المدعو ود الباوقة يا عمر ..يا عمر هسي من وين عرفت أنو أسمو عمر؟ كان ما أمور كيزان ![/QUOTE]
***السميتها المدعوة دي ما سوت ليك حاجة عشان تتكلم بالغبن دا كله تجاهي.... وافتكر في اسلوب احسن من كده المفروض يسود بين الناس حتى لو انت شايف انو انا مختلفة معاك سياسيا *** وبعدين تعال هنا ياتو يوم انا قلت لي زول يافلان لو عايز تكون صادق وامين في حكمك على الناس جيب لي زول انا ندهته باسمك من باب الاحترام انا متعودة انادي الشخص يا اخ يا استاذ واذا انت بتقرا كويس انا سبقت كلمة اخ قبل اسمه الكريم عمر ** وخلي عمر انت نفسك اديناك حق الاخوة قصرنا معاك
والكيزان مااااااااااااااااااااااااالم ما ياهو جنس اسلوب حضرتك وامثالك هو البطفش الناس من المعارضة وبيخلي المناؤ ليكم يتشاف هو الصح نصيحة اخوية اتكلم بي امانة لان الكلمة امانة ستسأل عليها يوم القيامة يا اخ....
| |
|
|
|
|
|
|
Re: رابطة ابناء الباوقة والفاروق يودعون دبلوماسيي السفارة السودانية بالرياض ....( صور ) (Re: سيف النصر محي الدين محمد أحمد)
|
Quote: الأخت ميادة كمال..يا ستي ما في غبن و لا حاجة..الموضوع و ما فيهو انو كاتب البوست اسمو ود الباوقة..و انا شخصيا أول مرة اعرف انو اسمو الحقيقي (عمر) اما حكاية الكيزان(مااااااالم) دي اسألي فيها كل الشعب السوداني الفضل. |
.. والله حركــة كويسة .. الساسيين النخدددرمين زي النوعية دي .. مخدددرمين لمااان قايمه ليهم سردبــه من الخدددرمة .. بيعرفوا البيعرفوهو هم براهم .. والما بيعرف بيكون وهم .. لكن هم ما وهم .. ياخي إنت قبل كدا طلعتني ساكن في مكنفوحة وفي غبيرة .. بي ضربة كيبورد ,, التقول انا عرق بطيخ .. لمن كربناك .. ووريناك ساكنين وين قعدته تبكي .. عفارررم عليك يا مياده .. زي النوعية دي . اديها على راسه .. قال شنـو .؟؟؟ أول مرة انــا ( شخصيا) اعرف انو اسمو عمــر .. بلاي شخصيــا .. شخصيا عديل كدا ..؟ لا يا ود إنت والله فتك عديل .. بلاي شخصياً .. وكمان أول مرة تعرف ..؟ منو إنت بلاي ..؟ منو الشفيع أحمد الشيخ واللا عبد الخالق محجـوب ..؟ اكيد تكون فاكر نفسك عبد الخالق محجوب شخصياً .. قال ايه .. أنـا شخصياً.. يا ود لا .. يا مياده أقول ليك حاجة؟؟ زي النوعية دي البتجي جاريه وعامله فيها مكمله الشفتنه والساية .. ويشبكوك المدعوه .. وتبا لك .. ويا ايها الشنو كدا ما عارف .. اتفرجي واضحكي فيها بس .. يا كمان زي النوعية دي اجروها لي إن شاء الله يومين تلاتة علشان نطير ليها العباطه دي من راسه والوهم العايشه فوقو قال شنـو المدعوه ياخي ما بتخجل عليك الله .. اشتري ليك خجاله من السوق ..؟ الاسلوب دا خلوهوو زمان .. زمااااان .. الموضه الايامات دي سامي الحاج .. يللا اتلحلح معانا وامشي اكتب ليك كلمتين تلاتة كدا .. وانا بجي بصفق ليك .. انا شخصيا شفت كيف يا لقاط الطلق الفاضية .. المدعوه ميادة كمال: اها حسع دي اول مرة انا شخصيا زاتو اعرف انك اسمك ميادة شفتي كيف ..؟ وبما اني عرفت انو اسمك مياده حسسسع دي .. كنت عايز اقول ليك زي النوعية دي .. ارخيها .. لكن اقول ليك حاجة .. اديها على راسه طوالي ..
.. التحية لي ابنـاء الباوقة .. ولنا فيهم علاقات وصداقات منذ ايام بعيدة .. والكثير من المناطق المجاورة .. جمعتنا بأبناء تلك المنطقة لحظات وأيام جميلة من دراسة وتعمقت وتمددت إلى أن وصلت المد الأسري .. نشكر لأبناء الباوقة والفارق دعوتهم لنـا .. وبهم كل الحرص على دعوتهم لنا دائما سواء أن كان على النطاق الشخصي أو الممثل في مجموعة بورداب الرياض .. لكم الشكر .. واتمنى ان اسمع كل الخير عن هذه الجمعية..
| |
|
|
|
|
|
|
| |