|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
طائر يشدو على فنن جدد الذكرى لذي شجن قام و الأكوان صامتة و نسيج الصبح في وهن . . ويك لا تجزع لنازلة ما لطير الجو من وطن قد يراك الصبح في حلب و يراك الليل في عدن . . . ----------
هل الربيع هل أهلن به وسهلا . . ---- الشيطان و الجرة ---- أبيت في غربة لا النفس راضية بها و لا الملتقى من شيعتي كسب و لا رفيق تسر النفس طلعته و لا صديق يرى ما بي فيكتئب و من عجائب ما لقيت من زمن . . . ----- عاقبة الكذب ------ هاشم في العيد ----- حصة الفلاحة -- الدود فوق العود ------ و أخيرا (( دفتر العيــــــــــــــــــــــادة)) سبيلنا الأوحد للهروب من التسميع صباحا باكر كل يوم و التاني في المركز الصحي .. إتملينا كترة " سلفــــــا "!
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
أستاذنا الموصلي كيف القصة دي معالك
قصة «النيتو واللعيب» التي تحكي عن فتاة دميمة تدعي النيتو احتال والدها على محمد الشاطر كيما يتزوجها موهماً اياه بانها باهرة الجمال مما حدا به ان يدفع مهراً قدره قنطاراً من الذهب، وبعد ان دفع محمد الشاطر المهر تنامى الى سمعه قبح ودمامة النيتو فارسل خادمه بشارة ليتلصص حتى يأتيه بالخبر الىقين، افلح بشارة في مهمته وعاد الى سيده وكان هذا الاستجواب المضحك الظريف:
محمد الشاطر : كيف وش النيتو؟.
بشارة : كدوسك المصيتو.
محمد الشاطر : كيف عيون النيتو؟.
بشارة : كديسك الزازيتو.
محمد الشاطر : كيف خشم النيتو؟.
بشارة : كنتوش ملاحك التكيتو.
محمد الشاطر : كيف شعر النيتو؟.
بشارة : صوف كديسك البليتو.
محمد الشاطر : كيف ايد النيتو؟.
بشارة : مغيزلك التريتو.
محمد الشاطر : كيف بطن النيتو؟.
بشارة : كرتوبك الوسط الديار رميتو.
محمد الشاطر : كيف ضهر النيتو؟.
بشارة : قوسك الحنيتو.
محمد الشاطر : كيف كفل النيتو؟.
بشارة : طارك الدقيتو.
محمد الشاطر : شن يحلني من النيتو؟.
بشارة : جملك ان شديتو ومالك ان خليتو.
ما افصحك وما اوجزك يا بشارة، وبالفعل شد محمد الشاطر جمله وترك ماله وبارت النيتو.
غايتو بشارة دا بالغ مع النيتو بشتنا بشتنة السواد .
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
نشطاء الصفحة الأولى وين؟ رحاب وكده، أديني شبالك
قيام ...جلوس... جلوس ...قيام...
قيام جلوس ، جلوس قيام
همهمة من أكتر واحد مشاغب في الفصل : الليلة الحصة قيام ولا شنو؟ ينفجر الجميع ضاحكاً...
الأستاذ يتمتم...الأتكلم ده منو ؟
صنننننننننننننننننننننننننننننننننننن....كأن على رؤوسهم الطير
الأستاذ :الليلة مافي زول حا يمرق من هنا لو ما وريتوني الأتكلم ده منو؟
..... (وهو عارفو بالطبع، لكن داير يمارس تربية بدنية)
كده؟
طيب تفتيش كراسات...(يريد أن يجعل العقاب الجماعي بسبب)
يرتعد الصف الأول من الأدراج خوفاً...
سامر، أمشي جيب الصوت
حاااااااااااضر يا أستاذ
يلا وريني كراسك يا تامر...
ده شنو؟ ما حالي الواجب؟
يا استاذ ده كراس الإملاء...ما كراس الرياضيات
نفس الصوت الأول يزمجر من الخلف
الأستاذ يرمي الطبشيرة...ويتخارج يشرب ليهو سجارة برّة...
مهمهماً في الطريق....الله ينعل أبو الماهية لأبو اليوم.....
صوت من بعييييييييييييييييييييييييييييييييييييييد....
عم عبد الرحيم يا حُرّ....
مااااك حُرّ
____ من كتاب، حكاوي ليست للنشر، للكاتب العجيب، أنا
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
استاذى الموصلى
انا ما حافظ اقيف فوق ؟ الالفة دا انا عارفو قاصدنى بس عشان ابيت اديهو تسالى فى الفسحة
ان الكريم لك الربيع تحبه للحسن فيه
وتهش عند لقائه فيغيب عنك فتشتيه
واذا ما الليالي ساعفته لايدل ولايتيه
وتراه يبسم هازئاً في غمرة الخطب الكريه
واذا تحرق حاسدوه بكى ورق لحاسديه
كالورد ينفح بالشذى حتى انوف السارقيه
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
أها يا موصلي شايف الجماعة ما قصروا معاك في "يا الهي يا الهي يا مجيب الدعوات" أما العم قوقل ففتح بين هذا البوست وبين بوست مشابه افترعه الأخ ياسر الشريف قبل نحو ثلاث أعوام هذا النفاج: هذا البوست من زوجتي إلهام.. وقد وعدتها بأن يكون بإسمها وقد عترت فيه في أثناء بحثي عن هذه القصيدة التي كنت اتذكرها رهاب .. رهاب:
قال الصبي وقد رأى في الليل نجما قد تلهب أبتي بربك هاته كي ما أسر به والعب فأجبته هذا بعيد .. ليس كل مناك يطلب ومضى فلاحت دوننا سيارة للارض تنهب حمراء تتجتذب العيون كانها في الارض كوكب فدنا وقال اذا فمركبة كهذي حيث اركب فوجمت ، ثم أجبته .. يا بني النجم اقرب
عمر
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
الاخ العزيز الاستاذ يوسف وضيوفه الافاضل فكرة البوست رائعه رغم المشاركه المتأخره.. تذكرت الآن فتره خصبه,,إلا ان ذاركتى لم تسعفنى بالنصوص,بالرغم من أنى قمت بتلحين 90 فى الميه من الاناشيد فى الفتره بين ثانيه ابندائى وسادسه.. أحاول أن أتذكر رائعه إدريس جماع.. هنا صوت ينادينى.. نعم لبيك أوطانى.. دمى عزمى وصدرى كله أضواء إيمانى.. سنرفع راية المجد(.....) ... هنا صوت ينادينى.. تقدم أنت سودانى.. أرجو ان يقوم احدنا بالتذكر... كذلك نشيد صرخة لاجئ أنا لن أعيش مشردا انا لن أظل مقيدا انا لى غد وغدا سازحف ثائرا متمردا...
أماألوان العلم لونك الاخضر زرع وأخضرار ورفاء لونك الاحمر يروى من دماء الشهداء لونك الاسود رمز(م)للسابقين الأقوياء ..... الغريبه مع أننى لاأذكر النص ألا أنى أذكر تماما تلك الميم البين القوسين وسبب ذلك أنى عندما كنت أقوم بعمليه تلحين النص لم ترق لى هذه الميم لانها كانت تخرب اللحن والايقاع ,وبعد السؤال أتضح لى أنها ترمز ل مكرر وليست جزء من القصيده.. سأعود حالما أسعفتنى الذاكره
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
كنت من المحافظين ..أغلبيه الأوقات..والسبب فى ذلك أستاذ العربى فى ثانيه إبتدائى عندما قمت بتلحين نشيد النهر ,,, أنظر أخى للنهر فيه المياه تجرى تجرى على استمرار بالليل والنهار وكان اللحن حينها خاليا من الرتابه المعهوده بالنسبه للمحفوظات..فلم يرق للأستاذ حيث كان يرى أن هذا نشيد مدرسه وليس أغنيه ..فاحبطت كثيرا إلا أنى قمت بتغير اللحن كما طلب الاستاذ..ولم أعد أكرر محاولاتى الجريئه إلا فيما ندر ,خوفا من رد فعل الاستاذ.. بعض الاناشيد لحنتها بالحان الاغانى ,والآخر أعطيته لحنا خاصا بما جاد به إحساسى بالنص.. ودمت يا عزيزى
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
النخلة الحمقاء .....
ونخلة غضة الأفنان باسقة قالت لأترابها والصيف يحتضر
بئس القضاء الذي في الأرض
عندي الجمال وغيري عنده النظر
لأحبسن على نفسي عوارفها
فلا يبين لها في غيرها أثر
إني مفصلة ظلي على جسدي
فلا يكون به طول ولا قصر
ولست مثمرة إلا على ثقة
أن ليس يطرقني طير ولا بشر
عاد الربيع إلى الدنيا بموكبه
فازينت واكتست بالسندس الشجر
وظلت النخلة الحمقاء عارية
كأنها وتد في الأرض أوحجر
ولم يطق صاحب البستان رؤيتها
فاجتثها فهوت في النارتستعر
من ليس يسخو بما تسخو الحياة به
فإنه أحمق بالحرص ينتحر
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
بوست جميل جداً جداً يا أستاذ الموصلي.. رجٌعنا لأيام جميلة.
--- من الأناشيد الما بنساها..نشيد (( بيض الحمائمِ )).. لأنو عملناهو على شكل مسرحية في جمعية أدبية.. كنا كلنا لابسين أبيض...و عاملين دائرة تصغر و تكبر مع ترديدنا للنشيد.. بنفس طريقة لعبة (( فتٌحي يا وردة..غمٌضي يا وردة )).. مع فارق إننا كنا حاسين إننا بنقدم في (( بحيرة البجع )) .
-- تصدق يا موصلي بعد فتشت عنها في قوقل.. يا دوبي عرفت إنو كان المقصود بيها الممرضات في زيٌهن الأبيض؟؟!!! الظاهر ماليش في التعليم!!!! ---
بِيضُ الحَمَائِـمِ حَسْبُهُنَّ.. أَنِّي أُرَدِّدُ سَجْعَهُنَّ
رَمْـزُ السَّلاَمَـةِ وَالوَدَا عَةِ مُنْذُ بَدْءِ الخَلْقِ هُنَّ
في كُـلِّ رَوْضٍ فَـوْق َ دَا نِيَـةِ القُطُوفِ لَهُنَّ أَنَّ
وَيَمِلْنَ وَالأَغْصَـانَ مَا خَطَرَ النَّسِيمُ برَوْضِهنَّ
فَإذَا صَلاَهُـنَّ الهَجـ ـيرُ هَبَبْنَ نَحْوَ غَدِيرِهنَّ
يَهْبِطْنَ بَعْدَ الحَـوْمِ مِثْـ ـلَ الوَحْيِ لاَ تَدْرِي بهِنَّ
فَإذَا وَقَعْـنَ عَلَى الغَدِيـ ـرِ تَرَتَّـبَتْ أَسْرَابُهُنَّ
صَفَّينِ طُـولَ الضِّفَّتَيْـ ـنِ تَعَرَّجَا بِوُقُوفِهنّ
كُـلٌّ تُقَبِّـلُ رَسْمَهَـا في المَاءِ سَاعَةَ شُرْبهِنَّ
يُطْفِئْنَ حَـرَّ جُسُومِهِـنَّ بغَمْسِهِـنَّ صُدُورَهُنَّ
يَقَـعَ الرَّشَـاشُ إذَا انْتَفَضْنَ لآلِئَاً لِرُؤُوسِهِنَّ
وَيَطِرْنَ بَعْدَ الإِبْتِـرَادِ إِلى الغُصُونِ مُهُودِهِنَّ
تُنْبيكَ أَجْنِحَةٌ تُصَفِّـقُ كَيْفَ كَانَ سُرُورُهُنَّ
ويُقـرُّ عينَـكَ عَبْثُهُـنَّ إذا جثمـنَ ، بريشِهنّ
وَتَمِيلُ نَشْـوَانَاً - وَلاَ خَمْرٌ - بعَذْبِ هَدِيلِهِنَّ
وَتَخَالُهُـنَ بلاَ رُؤُوسٍ حِينَ يُقْبِـلُ لَيْلُهُنَّ
أَخْفَيْنَهَا تَحْتَ الجَنَـاحِ وَنِمْنَ مِـلْءَ جُفُونِهِنَّ
كَمْ هِجْنَـنِي ورَوَيْـتُ عَنْهُنَّ الهَدِيـلَ … فَدَيْتُهُنَّ
---
* عليكم الله شوفوا كنا راقيين كيف..!
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: mamkouna)
|
Quote: بِيضُ الحَمَائِـمِ حَسْبُهُنَّ.. أَنِّي أُرَدِّدُ سَجْعَهُنَّ
رَمْـزُ السَّلاَمَـةِ وَالوَدَا عَةِ مُنْذُ بَدْءِ الخَلْقِ هُنَّ
في كُـلِّ رَوْضٍ فَـوْق َ دَا نِيَـةِ القُطُوفِ لَهُنَّ أَنَّ
وَيَمِلْنَ وَالأَغْصَـانَ مَا خَطَرَ النَّسِيمُ برَوْضِهنَّ
فَإذَا صَلاَهُـنَّ الهَجـ ـيرُ هَبَبْنَ نَحْوَ غَدِيرِهنَّ
|
كلام يتمكن من تفكيرك واحساسك ياسلام يا ممكونه علي الهدية
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
مما أذكر
هذا هو القطار تظهر منه النار يجري على القضبان كجرية الثعبان ويحمل البضائع ويحمل المنافع
وكذلك
قاطرة الحديد تسير بالوقود تسير بالركاب والمتاع والبريد
وكذلك
تزقزق الطيور فرحانة بالنور تقول في سرور ما أجمل الضياء والولد الصغير والرجل الكبير يقول في سرور ما اجمل الضياء
وهذا جزء من كل ويمكن يكون فيه خطا المدة طالت
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
استاذنا الموصلي،، الجماعة شايفهم خلصو المقرر بتاع الابتدائي كلو بعد ده حقو نمشي المتوسط بوست جميل رجعنا لي وراء وخلانا نغني حليل زمن الصبا تصدق انا في الابتدائي كنت حافظ كتاب المطالعة اها في الامتحان الاستاذ بيديك موضوع تقراهو اها قال لي اقرا وكان الموضوع الفأر الآكول فبديت لما عاد حماد من المدرسة قدمت له امه طعاما لذيذا اها يازول الاستاذ خاتي يدو في السطر الرابع انا كنت بسمع في الصفحة الثانية ، قال ياانت بتقرا وين ؟ قلت ليهو انا مابقرا انا حافظ ههههههه يكه قال لي طالما حفظتها الله يديك العافية
كان في بيت غني ببغاء تتكلم واذا سرت تغني بعض ماكانت تعلم وترى في الدار تمشي وعلى الشباك تعلب كلما مر بقرب البيت انسان كلمته واذا اغضبها الانسان يوما شتمته
زاتووووووو
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: ALZOLZATOO)
|
Quote: صدق انا في الابتدائي كنت حافظ كتاب المطالعة اها في الامتحان الاستاذ بيديك موضوع تقراهو اها قال لي اقرا وكان الموضوع الفأر الآكول فبديت لما عاد حماد من المدرسة قدمت له امه طعاما لذيذا اها يازول الاستاذ خاتي يدو في السطر الرابع انا كنت بسمع في الصفحة الثانية ، قال ياانت بتقرا وين ؟ قلت ليهو انا مابقرا انا حافظ ههههههه يكه قال لي طالما حفظتها الله يديك العافية |
تعرف يالزول ذاتو تمنيت لو كانت لدي موهبتك هذه لتفاديت الكثير من (الجلد بصوت العنج) لكن عموما الترديف والتلحين الذي سبب الضرب الطفيف قد انقذني
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
Quote: أماألوان العلم لونك الاخضر زرع وأخضرار ورفاء لونك الاحمر يروى من دماء الشهداء لونك الاسود رمز(م)للسابقين الأقوياء
|
دة كلام يعتبر جديد .... لأنو نحن ناس:
علمي أنت رجائي .... أنت عنوان الولاء لونك الأخضر زرع .... لونك الأزرق ماء لونك الأصفر أرضٌ .... ؟؟؟؟؟؟؟؟؟؟؟؟؟؟ كم فؤادٍ هام فيك ... وشهيد يفتديك
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
Quote: نشطاء الصفحة الأولى وين؟ رحاب وكده، أديني شبالك
قيام ...جلوس... جلوس ...قيام... قيام جلوس ، جلوس قيام همهمة من أكتر واحد مشاغب في الفصل : الليلة الحصة قيام ولا شنو؟ ينفجر الجميع ضاحكاً... الأستاذ يتمتم...الأتكلم ده منو ؟ صنننننننننننننننننننننننننننننننننننن....كأن على رؤوسهم الطير الأستاذ :الليلة مافي زول حا يمرق من هنا لو ما وريتوني الأتكلم ده منو؟
..... (وهو عارفو بالطبع، لكن داير يمارس تربية بدنية)
كده؟
طيب تفتيش كراسات...(يريد أن يجعل العقاب الجماعي بسبب)
يرتعد الصف الأول من الأدراج خوفاً...
سامر، أمشي جيب الصوت
حاااااااااااضر يا أستاذ
يلا وريني كراسك يا تامر...
ده شنو؟ ما حالي الواجب؟
يا استاذ ده كراس الإملاء...ما كراس الرياضيات
نفس الصوت الأول يزمجر من الخلف
الأستاذ يرمي الطبشيرة...ويتخارج يشرب ليهو سجارة برّة...
مهمهماً في الطريق....الله ينعل أبو الماهية لأبو اليوم.....
صوت من بعييييييييييييييييييييييييييييييييييييييد....
عم عبد الرحيم يا حُرّ....
مااااك حُرّ
____ من كتاب، حكاوي ليست للنشر، للكاتب العجيب، أنا
|
انور
شبالك جاهز بالحيييل
جيب الصوت يا ولد دي ذكرتني مدرسه الشرقيه الابتدائيه للاولاد في مدني، ايوه الاولاد ما البنات، قريت فيها سنه سادسه، دي قصه تانيه، اصلو ما انسي صيتان شجر الحنه الما خمج، بلاهي تمشي تقطع صيتانك براااك و تجي، انا ما كانو بدقوني معاهم، عشان البت الوحيده الفي الفصل، لكن كانو الاولاد ديل بندقو جنس دق و في الشتاء و دااااااايما في جردل مويه بااارد تدخل فيهو يدينك قبل الضرب، ولا تتعب تردف زاتو
يا انور، قلت لي سامر و تامر؟
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Rihab Khalifa)
|
استاذ موصلي السلام عليكم ورحمة الله وبركاته لقد راودتني فكرة هذا البوست كثيرا ولكنني انشغل وهاأنت تفعل سباقا الى الخير دائما فشكرا
الله
انظر لتلك الشجرة ذات الغصون النضرة كيف نمت من بذرة و كيف صارت شجرة فانظر و قل من ذا الذي يخرج منها الثمره؟
و انظر إلى الشمس التي جذوتها مستعره فيها ضياء و بها حرارة منتشره من ذا الذي كونها في الجو مثل الشرره ؟!
و انظر إلى الليل فمن أوجد فيه قمره و زانه بأنجم كالدرر المنتشره ؟
و الطو د من طوده ؟ و البحر من ذا سجره ؟
و الريح من أرسلها ؟ و الماء من ذا فجره ؟
و انظر إلى الغيم فمن انزل منه مطره ؟ فصير الأرض به بعد اغبرار خضره ؟
و انظر إلى الروض فمن نوع فيه الزهرا
و انظر إلى المرء و قل من شق فيه بصره ؟ من ذا الذي جهزه بقوة مفتكره
ذاك هو الله الذي انعمه منهمرة ذو حكمة بالغة و قدرة مقتدره
ذاك هو الله الذي انعمه منهمرة ذو حكمة بالغة و قدرة مقتدره ____________
اشعار:الشاعر العراقي / معروف الرصافي ولد سنة 1785 في محلة الرصافة بالعاصمة العراقية ببغداد و توفى سنة 1945 و دبع ديوان ( تمائم التعليم و المعرفه) و ( الديك اخر الليل ) و ( الثعلب و الغراب ) و ( اغرودة العندليب ) و ( حق المعلم ) و كلها دواوين للاطفال . لكم محبتي _________________ رب اشرح لي صدري
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
Quote: الحصه الجايه تسميع نشيد بلدتى بلدتى بلدة نظر.... |
تلاتة من ورا يجوا يشدوا لينا الألفة (السنوسي) دة .... عشان تاني ما يجي يقول (بلدة النظر) بلدة النظر يعني شنو؟ أرجع ذاكر واحفظ تاني حتلقاها (بهجة النظر)
Quote: أنت سوداني ... وسوداني أنا
منقو قل ... لا عاش من يفصلنا |
كمل ياخي ... أنت سوداني وسوداني أنا ضمنا الوادي فمن يفصلنا نحن روحانِ حللنا بدنا منقو قل لا عاش من يفصلنا قل معي لا عاش من يفصلنا
قصيدة عظيمة لأستاذنا (رحمة الله عليه) عبداللطيف عبدالرحمن .... والإسم (منقو) كان إشارة إلى منقو زمبيري الذي زرناه في يامبيو خلال كتاب (سبل كشب العيش في السودان.
Quote: محمد الشاطر : كيف وش النيتو؟.
بشارة : كدوسك المصيتو.
محمد الشاطر : كيف عيون النيتو؟.
بشارة : كديسك الزازيتو.
محمد الشاطر : كيف خشم النيتو؟.
بشارة : كنتوش ملاحك التكيتو.
محمد الشاطر : كيف شعر النيتو؟.
بشارة : صوف كديسك البليتو.
محمد الشاطر : كيف ايد النيتو؟.
بشارة : مغيزلك التريتو.
محمد الشاطر : كيف بطن النيتو؟.
بشارة : كرتوبك الوسط الديار رميتو.
محمد الشاطر : كيف ضهر النيتو؟.
بشارة : قوسك الحنيتو.
محمد الشاطر : كيف كفل النيتو؟.
بشارة : طارك الدقيتو.
محمد الشاطر : شن يحلني من النيتو؟.
بشارة : جملك ان شديتو ومالك ان خليتو.
ما افصحك وما اوجزك يا بشارة، وبالفعل شد محمد الشاطر جمله وترك ماله وبارت النيتو.
غايتو بشارة دا بالغ مع النيتو بشتنا بشتنة السواد .
|
طبعاً بشارة بشتن النيتو بشتنة شديدة ... ولما جاء يوصف اللعيب أتى بالدرر، يعني يقول:
كيف قدم اللعيب يا بشارة؟ ................ قدم الحمام فوق الحجارة
ما دام جبت النص الأول .. يخيل لي الكتاب عندك .. يا ريت تدينا وصف اللعيب (بعد ما محمد الشاطر خلى ماله مشدّ جمله. رحمة الله على البروفيسور عبدالله الطيب
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
الحبيب الموصلي .. أرجو التحديد .في ناس حضروا الكشكول .. ومسعود ذبح الخروف والخروف ما ذبح مسعود والدود في العود .. وفي ناس حضروا منال وسهام في القطار .. وأمل وبدر .. أمل أكلت العنب وبدر ما أكل العنب ... وإنا إن نسيت في حياتي لن أنسى قصائد ذلك الزمان تنزل على النفس كالدعاش ولا يزال صداها يجوس بالنفس من أمثال بيض الحمائم حسبهن .. إني أردد سجعهن .. والثعلب المكار وعصفورتا الحجاز .....
عصفورتان في الحجاز حلتا على فنن
في خامل من الرياض، لا ند ، وحسن
بيناهما تنتجيان، سحراً على الغصن
مر على أيكهما ريح سرى من اليمن
حيا و قال: درتان وعــاء مـمـتـهــن
لقد رأيت حول صنعاء، و في ظل عدن
خمائلاً كأتها بقية من ذي يزن
الحب فيها سكر و الماء ُشهد و لبن
لم يرها الطير و لم يسمع بها إلا افتتن
هيا أركباني نأتها في ساعة من الزمن
قالت له احداهما و الطير منهن الفطن
ياريح أنت بن السبيل، ما عرفت ما السكن
هب جنة الخلد اليمن لا شيئ يعدل الوطن
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: dardiri satti)
|
موصلي ياعزيز
الموضوع الظريف ده أتذكرإفترع ليهو{ ولياب} بوست مواصلة لبوست بدأه {أهل العوض }وما عارف هل {ولياب وأهل العوض} الأعزاء لسه ناشطين في المنبر ولا زهجو وفرتقو!, عمومآ سأحاول أبحث عن البوستات دي في الإرشيف وأربطا مع البوست ده, لأنو قصائد الإبتدائي وأناشيدها التي إتنشرت في البوستين ديل كانت شجية ورجعتنا لمراتع الطفولة والصبا الباكر.
وبهذه المناسبة أسمح لي بتحية أحد الأساتذة الذين علمونا {الأناشيد القديمة}! وأحسنوا تعليمنا وتربيتنا, وهو الآن يساهم في بوستك هذا..أستاذي في مادة الفرنساوي وأبو فصلنا ((درديري ساتي )) ..إستاذي لك حبي.
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: حسن الجزولي)
|
Quote: وضوع الظريف ده أتذكرإفترع ليهو{ ولياب} بوست مواصلة لبوست بدأه {أهل العوض }وما عارف هل {ولياب وأهل العوض} الأعزاء لسه ناشطين في المنبر ولا زهجو وفرتقو!, عمومآ سأحاول أبحث عن البوستات دي في الإرشيف وأربطا مع البوست ده, لأنو قصائد الإبتدائي وأناشيدها التي إتنشرت في البوستين ديل كانت شجية ورجعتنا لمراتع الطفولة والصبا الباكر.
وبهذه المناسبة أسمح لي بتحية أحد الأساتذة الذين علمونا {الأناشيد القديمة}! وأحسنوا تعليمنا وتربيتنا, وهو الآن يساهم في بوستك هذا..أستاذي في مادة الفرنساوي وأبو فصلنا ((درديري ساتي )) ..إستاذي لك حبي.] |
الحبيب حسن شكرا للمساهمة اللطيفة ودايرين استاذك العزيز الدي شرفنا يفك لينا جوكرين تلاته
محبتي
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
طابور صفا
ايـــــــــــــــــــــــــــــــــــــــــــــــــــــــــــــــــــــنتباه
من دون مدارس خلق الله مدرستنا كان عندها طابوريين واحد الساعة ثمانية الا خمسة ( الناظر حسن محمود استيف ) كان بقفل الباب ثمانية الا عشرة و تاني ضبانة ما بتدخل و اللا تمرق اساتذة علي طلبة والطابور التاني بعد حصة الفطور
و التاني دا كان تخصص استاذ طه حسب الرسول و صوتوا الجهوري بلاش موت يا جنايز انا لمن اقول انتباه عايز اسمع 600 راجل
ايام يا موصلي
_______________ المدرسة :- الاتحاد الثانوية العامة
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
اخوى الموصلى وزواره الكرام... هل تذكرون كتاب المطالعه بالصف الثانى... كانوا بيدونا ليك فى السنه الواحده كم كتاب كده... واحد منهم انا ما انساه ...كان مكتوب بالحبر الاحمر..فيه طه القرشى مريض ...لحدى ما جو الكيزان ديل ومعاهم الترابى (التراب اللي يردموهو والمعاه) وقالوا فيه ماقالوا... وبرضو الكتاب ده كان فيه اكتشاف النار كمدخل لدراسة العلوم... و كان بيهتم بالفنون لانو فيهو رسمه لكلب ماعنده ذنب... يقوم الاستاذ يرسمه فى السبوره وينادى واحد من التلاميذوهو معصوب العينين ويمسكو الطبشيره ويقول ليه يلا ارسم الذنب ...واتخيل الباقى... ايضا كان فيهو قصة النظارة والقرد الاعمش... وبرضو... قصة الرجال البلهاء العشره اللي كانوا بيعدوا وبلقو نفسهم ناقصين...(دى ذكرتنى التعداد بتاع اليومين ديل... لبلد بتقطع من اطرافها.....انا البعدنى بعدو فى النار...)..... وتذكر برضو كان فى الصفحه الاخيره قصة الفارس والبنت الجميله...
فى نكته كان بيحكيها استاذنا ابشر الله يديهو العافية..قال كان فى مسابقه لاطول قصه وكان مدة كتابتها شهر.... وكانت المفاجأة انو بعد يوم من بداية المسابقه جا واحد ومعه زي عشرين مجلد (عينة ابو خمسمية صفحة داك) ...جا داخل ليك لناس المسابقه المنظمين .. وقال ليهم دى مشاركتى.. وفتحو ليك المجلد الاول ولقو اخينا كاتب ليك...(فى السطر الاول ركب حامد الحصان) ... وباقى الصفحه..وكل صفحات المجلدات العشرين مكتوب فيها كربكك كربكك كربكك كربكك ... والسطر الاخير من المجلد العشرين كاتب فيهو ( نزل حامد من الحصان) دي مهداه مهداه لناس الانقاذ وهم يهتمون بقشور التنميه كما يزعمون... وبعدين ياود اعمي الموصلى... كلم الجماعه ديل قول ليهم الحصه الجايه تسميع نشيد... تركت موطن ابائى على مضض مما تجرعت من هم وويلات.... والتحيه عبرك للمهندس بكرى والاخوه المنبراب لجعلهم هذا الصرح وطنا بديلا....
بدر _______________________________________________ حاشيه: كربكك كربكك كربكك : صوت حوافر الحصان وهويجري
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elsanosi Badr)
|
Quote: فى نكته كان بيحكيها استاذنا ابشر الله يديهو العافية..قال كان فى مسابقه لاطول قصه وكان مدة كتابتها شهر.... وكانت المفاجأة انو بعد يوم من بداية المسابقه جا واحد ومعه زي عشرين مجلد (عينة ابو خمسمية صفحة داك) ...جا داخل ليك لناس المسابقه المنظمين .. وقال ليهم دى مشاركتى.. وفتحو ليك المجلد الاول ولقو اخينا كاتب ليك...(فى السطر الاول ركب حامد الحصان) ... وباقى الصفحه..وكل صفحات المجلدات العشرين مكتوب فيها كربكك كربكك كربكك كربكك ... والسطر الاخير من المجلد العشرين كاتب فيهو ( نزل حامد من الحصان) دي مهداه مهداه لناس الانقاذ وهم يهتمون بقشور التنميه كما يزعمون... وبعدين ياود اعمي الموصلى... كلم الجماعه ديل قول ليهم الحصه الجايه تسميع نشيد... تركت موطن ابائى على مضض مما تجرعت من هم وويلات.... |
انا موجود بمونتريه كاليفورنيا واسرتي مقيمه بايوا حتي زمن اللحاق بي وبما انني اعيش وحدي فقد ضحكت حتي الثمالة علي كربك كربك هذه اما نشيد الموطن الذي تركناه فهنالك بعض المزايدين والابتزازيين مازالو ينتهزون الفرص ولكن هيهات هيهات لاجن ولا سحرة بقادرين علي ان يلحقوا اثره كل المحبة
| |
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
استاذنا (المدرسة اللحنية) يوسف الموصلي ... لك التحية على هذا الخيط الحنين والجميل ... تتداعى ذكريات قلما يجود بها الزمان وصلا ... تعرف الإبتدائي مرحلة جميلة وكم لي فيها من الذكريات الحبيبة وأصدقاء أتمنى ملاقاتهم مرة أخرى فيا ترى ماذا فعل الزمان بهم ؟؟؟ أجمل الأمنيات لمدرستي الإبتدائية الإمتداد (5) الإبتدائية بنين ... أذكر في تلك المدرسة كان يوم الإثنين هو يوم المناشط , وكان هناك عدد من الاساتذة أذكر منهم الاستاذ نجيب (أين هو وكيف !!! أكيد تمنياتي له بالخير الوفير وأذكر استاذ إسمه عزالعرب او حي العرب لا اعلم الاسم ولكنه من العالقين في ذاكرتي كان استاذ لطيف ومحبوب رغم ان السوط لا يفارق يده كما كان هناك استاذ يقال له استاذ السر زول جميل واخر هو الحسن او الحسين المهم هو تؤام كان يدرسنا التربية الاسلامية ويهتم بالنظافة والنظام وكان يعطينا مرادف للسورة القرآنية مثال كان يحفظنا ألم تر كيف كسيرة رهيفة جدادة سمينة تعشي فكينا , خروف جربان يكفي الحيران , وكان يحثنا على الصلاة بلا ضرب او تذمت تخيل السماحة دي , هل يستطيع استاذ التربية الاسلامية اليوم أن في نفسه هذه السماحة وهذه النقاوة ... اليوم استاذ التربية الاسلامية يخرج للمجتمع معاقيين فكريا ... نعود لأناشيد الابتدائي حيث كان النشيد يلحن في الفصل وكنا نقرأ ونلحن النشيد فنجد اننا نردده في الطريق فنحفظه والتكرار قالو بيعلم الشطار (أكيد ههههههه) كنت أحب قصائد الابتدائية من دجاجي يلقط الحبة ويجري وهو فرحان ..كأن عيونهو خرز كما كان ألوان وحتى القصيدة التي ما نسيتها(بيض الحمائم حسبهن إني اردد سجعهن ) وقد لحناها ورددناها على مسرح الاثنين بالمدرسة فكم هي جميلة تلك المرحلة ... اتواصل معك وليتني أقدر أسجل لك لحنها لترى كم نحن مااااضينا نحن اليه وفق الموضوعية وليس لإجترار الذكرى فقط !!! نعم وحقا نحن نهوي الى أسفل من قمة التفوق والمجد فالماضي جميل ومرتب ومنظم في كل شئ الخدمة المدنية الحياة العامة النظافة البلديات (أتذكر جنينة البلدية) ياااااااااااااااااااااااه لك التحية وانت تعود بنا القهقري لماضي ما فتئ يداعب رياض الذهن ومساحاته الخُضر .... مودتي للجميع . ................................................................................................حجر.
| |
|
|
|
|
|
|
|