نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 عندما عضتني كلبة الجيران!
|
كل ما اذكر انني كنت امشي في ذلك الشارع الطرفي بهدوء واطمئنان، وفي بالي بعض المشاغل رغما من أنني أكاد أجزم أنني كنت أفكر جديا في وجبة الغداء.. وحبيبتي التي زعلتني وزعلتها بدون أي سبب مقنع.. وبينما أنا أفكر إذ بكلب ضال ينبح ويجري لأدخل في مطاردة بوليسية كنت أظنها أنتهت بعد أن اعتليت مسطبة عالية لأجد قريب ذاك الكلب العزيز في انتظاري ليكمل ما تبقي من مسلسل السكة وعندما غلب حماري وهدنت قليلا، أكتفى الكلب بأن يأخذ مني تذكارا ظنه عزيز وظننته لحمي، فعضني هو عضة واحدة وعضي الطبيب 24 عضة (كان كلبا رحيما).. وكنت بليدا عندما أخترت ذلك الطريق القريب.. كل الطرق تؤدي الى المنزل الا الكلب، وكل الطرق تؤدي الى قلبي الا طريقك .. أحبيبتك كما لو أنني غارق وأنت هواء عليل أشتهيه، أحبيني ولو جزاء يسيرا.. أنا عاشق غارق ومعضوض!!
|
|
 
|
|
|
|
|
|
|
 Re: عندما عضتني كلبة الجيران! (Re: حسين محي الدين)
|
بركة العضتك ياحسين إنتا الموديك تتحاوم في الحلل والشوارع شنو 
عضة الكلبة ليك ذكرتني المبرقع الموسوي قالوا كان بحب ليه جارية سوداء لدرجة إنو قال :
أحب لحبها السودان حتى / أحب لحبها سود الكلابِ
أها الكلبة العضتك كان لونها شنو ؟ ولا العضة نستك القبلها والبعدها.
أرجع وأقول ليك تستاهل هو حر السودان دا جو يحبو فيه ؟
| |
|
|
|
|
|
|
|
|
|
Re: عندما عضتني كلبة الجيران! (Re: ALazhary2)
|
Quote: بركة العضتك ياحسين إنتا الموديك تتحاوم في الحلل والشوارع شنو
|
ليه بس أنا عملت ليك شنو
بعدين انا ما اتحاومت .. أنا ماشي بيتنا العزيز
| Quote: أها الكلبة العضتك كان لونها شنو ؟ |
لونها بيجي زي خروف ناس لؤي!
| Quote: أرجع وأقول ليك تستاهل هو حر السودان دا جو يحبو فيه ؟ |
ياتو حر (الجو) و لا (الجيب) التاني أخطر وأمر..
تحياتي يا زعيم
| |
|
|
|
|
|
|
|
|
|
Re: عندما عضتني كلبة الجيران! (Re: حسين محي الدين)
|
العزيز حسين
سلامتك من الهو هو هو يا بطل ...
لو اتشجعت شوية و قلت للكلب (هو) كان فهم حالتك و حنّ عليك و قال ليك هو هو ( في لغة كلاب حلتنا الزمان يعني عليك أمان الله ) ...
سمعت قصة العزابة النط عليهم حرامي حمش ( في سرك كدا قالو الشباب كانوا مايعين شوية و كلبهم نفس العينة ) ... الكلب قال للحرامي في حنيّة شديدة ( هو هو ) الحرامي خطف الكلب و دخل يده في خشمه و قلبو زي الشراب ... الكلب استمر في النباح بالمقلوب ( وه وه ) ... بالله مش كلب شجاع ...
هو هو هو ( بلغة كلاب حلتنا الزمان يعني تعيش و تاخد غيرها) ....
| |
|
|
|
|
|
|
|
|
|
Re: عندما عضتني كلبة الجيران! (Re: أشرف البنا)
|
| Quote: بلغة شباب حلتنا الزمان |
مبالغة
العزيز أشرف
هل تعلم أنني وبعد أن ادرجت النص وقمت بعدد من الردود
تذكرت ذلك المدعو (ريكي) وأظنه قريب تلك الكلبة بأي حال من الأحوال
إلا أنه أطرش
نباح أخر صيحة
تسلم يا جميل
| |
|
|
|
|
|
|
|
|
|
Re: عندما عضتني كلبة الجيران! (Re: حسين محي الدين)
|
| Quote: أحبيبتك كما لو أنني غارق وأنت هواء عليل أشتهيه، أحبيني ولو جزاء يسيرا.. أنا عاشق غارق ومعضوض!! |
لا حولة ولا قوة إلا بالله
عليكم الله هسه الزول ده يقولوا ليهو شنو
حسين اخوي مالك ما كنتا كويس
الهبش في البص علي مسؤولية صاحبو
جميل انتا يا معضوض وما عارف عض الكلبة كان جارف
مشتاقين كتير والله
| |
|
|
|
|
|
|
|
|
|
Re: عندما عضتني كلبة الجيران! (Re: حسين محي الدين)
|
[Blueحسين
ما أظن الكلبة الحيوانة دي قريبة ريكي ... لكن بالتأكيد مكسرة فيهو ... ما تخاف بنخليهو ياخد ليك حقك ...
بالمناسبة هل كانت تلك الكلبة تلبس نظارة ؟؟؟ ( بت ريكي بالتبني فيما لم يروى على صفحات هذا المنبر )
مودتي
| |
|
|
|
|
|
|
|
|
|
Re: عندما عضتني كلبة الجيران! (Re: أشرف البنا)
|
أشرف
جابت ليها تبني
لكن تعرف حكاية الكلبة دي فيها شوية كلام
مش مفروض الزول (المعضوض) يجيب أرونيك 8 قبل ما ياخد العلاج
ويفتشو الكلبة .. وتدخل الحراسة
وفي المسافة دي يكون الزول سعر! أو ودر
السودان جميل .. ولا شنو
| |
|
|
|
|
|
|
|
|
|
Re: عندما عضتني كلبة الجيران! (Re: حسين محي الدين)
|
..
الظريف حسين
هالات من المودة
كنا منذ أمد أعضاء في جماعة أصدقاء المكفوفين
وكان رئيس المكفوفين شابا ظريفا رائعا مثقا
ففكرت في إجراء حوار معه وسألته عن المشاكل التي يواجهونها
كمكفوفين فقال لي (( الكلاب والموية المكشوحة )) ..
لكننا تخيلت أن تكون كفيفا في شارع مظلم (( للمفتحين ))
وأسودا للمكفوفين وبدلا من تضع قدمك في صدر الطريق تكون
في صدر كلب (( مطوطو )) في مكان قصي ..
وتصور الحال لو ما كنت سوداني ..
....
بس إنت في حالة الهيام والخصام ديك عرفت السكاك دا كلب كيف ؟؟
بالهوهوه ؟؟ ما كفاية أنا شفت ناس زعلانين بهوهوووو وناس تانين
زعلانيين شديد جارين ومتخيلين ساكيهم أسد وآخر وئير..
في النهاية طلع كيس نفايات كبير ملفوفة فيه كديسة كايسة المرقة ..
.
كدي شوف ناس التعداد المرو على البيت دا مسجلين في قيودهم كلب ؟؟
وعداك العيب
مودتي وتقديري
..
| |
|
|
|
|
|
|
|
|
|
Re: عندما عضتني كلبة الجيران! (Re: صلاح شكوكو)
|
الأخ صلاح ...
تحياتي و أشواقي ...
وين الغيبة دي كلها ...
تمنياتي أن تكون و الأسرة بخير ...
مع أطيب التحايا ...
حسين ...
الكلبة دي ممكن تكون بوليسية و في الحالة دي أورنيك 8 بيعملوا ليك إنت و ما بعيد يطلعوك إنت العضيت الكلبة ...
ممكن يحصل كدا في السودان و لا كيف ؟؟؟؟
| |
|
|
|
|
|
|
|
|
|
Re: عندما عضتني كلبة الجيران! (Re: أشرف البنا)
|
Quote: الكلبة دي ممكن تكون بوليسية و في الحالة دي أورنيك 8 بيعملوا ليك إنت و ما بعيد يطلعوك إنت العضيت الكلبة ...
ممكن يحصل كدا في السودان و لا كيف ؟؟؟؟ |
والله ما عندي فكرة
لكن في الحالة دي ممكن أقول ليها (الحبيبة)
أنا عاشق،غارق، معضوض، ومسجون
د. أشرف
تسلم على الحضور الزاهي
| |
|
|
|
|
|
|
|
|
|
Re: عندما عضتني كلبة الجيران! (Re: صلاح شكوكو)
|
العزيز صلاح
بيني وبينك الكلاب مقدور عليهم على الأقل في مؤثرات صوتية أقصد (كلبية) لكن (المويات) ديك قصة تانية .. وبعدين سيبك من الهيام وحاجاته لو ما عضاني كلب الا يكون نمر، شفت ليك كديسة بياخدو ليها الحقن دي كلها..
أي الشخص الحالة طبيب إمتياز ويمكن يكون خدمة وطنية لكن ... (والله شككتني في نفسي) يازول قول من باب الوقاية..
والنفايات دي منطقة عسكرية، بسم الله (محلية) يعني ممنوع التصوير والإندهاش..
تحايا عذبة يا وريف
| |
|
|
|
|
|
|
|
|
|
Re: عندما عضتني كلبة الجيران! (Re: حسين محي الدين)
|
أزهري ...
ياخي مع الإسم و الصورة بتاعت بروفايلك دي لا أم جضوم و لا أخوالها بهلول المبهول و فاخر العاتي ما بيقدروا يعضوك ...
بعدين ياخي حدد موقفك من أم جضوم لو في أي مودة ممكن نقول ( عض الحبيب ألذ من أكل الزبيب ) ...
أبو الزهور ... نحني الهامة لزعيمنا الخالد له الرحمة و لرفاقه صناع الحرية و مجد السودان ...
مودتي ...
| |
|
|
|
|
|
|
|
|
|
Re: عندما عضتني كلبة الجيران! (Re: أشرف البنا)
|
Quote: انا زول مسالم جدا بس كلبة الجيران فهمتني غلط
الله يجازيها .. وحبيبتي زعلانة نفسي ارضيها |
أعمل حسابك المرة الجاية مايحصل
العكس تزعلك الكلبة وتعضيك.....
وفي الحالة دي 24 حقنة مابتنفع.
أنا حذرتك..أخير ليك يا..حسين.
| |
|
|
|
|
|
|
|
|
|
Re: عندما عضتني كلبة الجيران! (Re: wadah beshier)
|
Quote: أعمل حسابك المرة الجاية مايحصل
العكس تزعلك الكلبة وتعضيك.....
وفي الحالة دي 24 حقنة مابتنفع.
|
يا وضاح والله بالغت
تعضي شنو ياخ
صدقني البت دي ربع ساعة بس كان بقت ملاك
قولوا ما شاء الله
تحايا مهولة
| |
|
|
|
|
|
|
| |
حسين محي الدين
كمال علي الزين
فيصل محمد خليل
emad altaib
Hassan Makkawi
ALazhary2
لؤى
أشرف البنا
عمر التاج
هاشم أحمد خلف الله
صلاح شكوكو
مامون أحمد إبراهيم
wadah beshier
فيس بوك
تويتر
انستقرام
يوتيوب
بنتيريست