|
|
|
 Re: مرحب حباب العمدة عباس الجاك بادي بيننا .. وشكراً شديييييد بكري (Re: GamarBoBa)
|
Quote: الحبيب الفاضل الخال والعم عباس الجاك بادي
مرحب بك في هذا الفضاء والواسع ...
نحلق فيه معاً .. نحن أبناء وطن واحد نبث همومنا لبعض ونتشاور فيما بيننا...
نختلف ونتفق في آن واحد تسوقنا وترشدنا كلمة طيبة ... |
العم عباس الجاك,,,
سعداء نحن لسعادة اخونا ودالمنسي,,
بوجودك هناوإنضمامك لسكان هذه المدينة,,
وزولا قال فيهو خالد هذا الكلام الفوق دا,,
يبقى تب ما خلى شي نقولو تانى وراه,,,
وبعد ما تكمل التراحيب هنا,,ما تتلفت
الجماعة منتظرنك بالشاى ,,هناك مع ناس
خالد وعصابته
| Quote: الف مرحب اخونا عباس |
يا قمر بوبا ودا المنسى يقول عمى وخالى
وإنت تجى تقول الأخ,,,نحن بعد دا حانطالب
بإرفاق صور الجوازات هنا...
خالص مودتى لكم.
| |
 
|
|
|
|
|
|
|
 Re: مرحب حباب العمدة عباس الجاك بادي بيننا .. وشكراً شديييييد بكري (Re: محمد عثمان محمد طه)
|
Quote: العم عباس الجاك,,,
سعداء نحن لسعادة اخونا ودالمنسي,,
بوجودك هناوإنضمامك لسكان هذه المدينة,,
وزولا قال فيهو خالد هذا الكلام الفوق دا,,
يبقى تب ما خلى شي نقولو تانى وراه,,, |
العزيز / أيمن الطيب
سلااام يا ود الطيب يا طيب والطيبة فوق لهجك
وشكراً على ترحيبك بهذا القامة ( عباس الجاك )
مرحب بالحلاوي البسر البال
مرحب بالحبيب المافيهو قول قال
ود الطيب مالك الحديث ومقال
شرفنا حضورك ياصاحب السمح والفال
تحياتي ومودتي
| |
|
|
|
|
|
|
|
|
|
Re: مرحب حباب العمدة عباس الجاك بادي بيننا .. وشكراً شديييييد بكري (Re: أبوبكر أبوالقاسم)
|
Quote: نرحب بكم الاخ عباس الجاك وحتما سيكون انضمامك للمنتدى سانحة لاثراء مواضيعه بالجميل من ثقافاتنا وتراثنا الطيب
اخي خالد
ادينا فرصة اخي خالد وخلينا نفتش العم عباس نشوف اتجاهاتو هل زول بندر ولا زول خلاء ساى .
اطيب المنى |
الأخ الفاضل / الطيب ودشيقوق
شكراً يا طيب على هذه الكلمات الطيبة في حق العم عباس الجاك
لو كنت تعني ود بندر اي من الخرطوم ؟
لا فهومن مدينة شندي رضع من ثديها الثري ونشأ فيها
وإن كنت تعني ود مدينة فكلنا أبناء مدن وما شفنا الخلاء
بالمرة لكن خبرناه متابعين لثقافات بلادنا الواسعة وعباس
حاله حالنا ولد ترعرع في مدينة شندي إلى أن غادرها لدول
الخليج
تحياتي ومودتي شيقوق وشكرا على مرورك الذي تصبغه دوماً
بقفشاتك الحبيبة للنفس ياجميل
| |
|
|
|
|
|
|
|
|
|
Re: مرحب حباب العمدة عباس الجاك بادي بيننا .. وشكراً شديييييد بكري (Re: خالد علي محجوب المنسي)
|
Quote: أهلاً بالأخ الكريم / عباس الجاك
و الجاي من طرف أخ كريم و البجي من الكريم كله كريم !!
سعدنا لسعادتك يا محجوب ، و من وصفته أنت بهذه الصفات فلا بد
أن يكون بإذن الله عند حسن الظن ، و لتتسع مساحة الجمال و العقل و الحجا هنا
يا عمدة و العمدة ... حبابك عشرة بلا كشرة .. حبابك مية بلا المنسية !! |
الشيخ الكريم والأخ الفاضل
عبدالرحمن الطقي ...
تحية طيبة سلااام يغطيك يا كريم وأصيل
أعجزت لساننا عن الرد. وهامت الكلمات شاردة لا نستطيع إليها وصولا
نقول الله جزاك الله عنّا كل خير في دنياك وأخرتك
ومشكور كتير يا الحبيب على المرور الجميل
والعمدة عباس فعلاً أضافة ولها طعمها الخاص للبورد
تحياتي الشيخ الطقي
تخريمة
تقبل سلام أخوة في سؤال عنك دوماً
خضر عبدالعظيم
ياسر يحى وياسر مولا
وإبراهيم مكي القصير
| |
|
|
|
|
|
|
|
|
|
Re: مرحب حباب العمدة عباس الجاك بادي بيننا .. وشكراً شديييييد بكري (Re: تولوس)
|
ود أخوى خالد على محجوب
كيفنك وكيف وليداتك وامهم وناسك اجمعين المعاك والعقاب الفى السودان
قمر بوبا(اشكر لك الاهداء)
ايمن الطيب
محمد عثمان طه
محمد الصائم
سمية الحسن طلحة
منى خوجلى
سلمى صبحى
الطيب شيقوق
ابوبكر ابوالقاسم
القردابى
عبدالرحمن الطقى
فيصل محمد خليل
كمبورة
تولوس
وبقية اعضاء المنبر والقراء
دا شئ جميل وبدى الواحد أمل فى انو الناس الهنا فعلا رائعين وحلوين ومتأخين
انا فرحان بهذا الترحاب..
ويطيب لى برضو ان احى الاخ بكرى ابوبكر هذا الانسان المتفرد القدر برحابة صدرو الواسع وعلمو ان يجمع هذه الكوكبة فى مساحة وجسد واحد
كلكم احبكم
احبكم
| |
|
|
|
|
|
|
|
|
|
Re: مرحب حباب العمدة عباس الجاك بادي بيننا .. وشكراً شديييييد بكري (Re: تولوس)
|
Quote: تخريمة
تقبل سلام أخوة في سؤال عنك دوماً
خضر عبدالعظيم
ياسر يحى وياسر مولا
وإبراهيم مكي القصير
|
أخي خالد محجوب
بل كلماتك الجميلة دائما هي التي تخجلنا دوما
و سلامي لهؤلاء الاحباب ، و لعلك معهم بألبانيا!
قد لا أتذكرهم جميعا ، لكن قطعا أذكر ياسر يحيى
و أخباره معي فنحن أصهاره ، و أخته زوجة ابن أختي
جمال الطيب بالدوحة ، و لعل ياسر مولا هو ياسر أحمد
من الثورة الـ 14 ، عموماً سلامي لهم جميعا و أرجو تزويدي
ببريد إلكتروني لأحدهم .
تحياتي و مودتي لك و لهم .
| |
|
|
|
|
|
|
|
|
|
Re: مرحب حباب العمدة عباس الجاك بادي بيننا .. وشكراً شديييييد بكري (Re: عبد الرحمن الطقي)
|
Quote: ود أخوى خالد على محجوب
كيفنك وكيف وليداتك وامهم وناسك اجمعين المعاك والعقاب الفى السودان |
العمدة الكريم إياك تور بقراً جواميس
يا العليك الرك
يا عقد الحديد لي الحلبي ما بتنفك
حباب العمدة حباب الشم يا البين النجوم لامع ضياك باهر
شرفتنا وإزدان بهاء المنبر بوجودك يا عمدة
أهلنا قالوا الشكرو قدامو نبذو .. لكنا والله لم نقل ألا
مافيك والفيك باين يا عمدة
كريم وهميم ولي القبائل دخري
مرحب كمان وكمان بيك بيننا سيد الساقية والساوية والحيطا
سيد العجلة البتاتّي بي قيدا
لك التحايا عطرات يا عباس العباس
| |
|
|
|
|
|
|
| |
خالد علي محجوب المنسي
GamarBoBa
أيمن الطيب
Elmosley
محمد عثمان محمد طه
محمد عبد الماجد الصايم
Muna Khugali
salma subhi
الطيب شيقوق
أبوبكر أبوالقاسم
ALGARADABI
عبد الرحمن الطقي
فيصل محمد خليل
كمبورة
تولوس
فيس بوك
تويتر
انستقرام
يوتيوب
بنتيريست