|
في ليلة الإسناد الزمني.... همشووووونا وماعدونا!!!
|
ليلة الاسناد الزمني هي : ليلة التعداد ،، اليوم دا اذا نايم فى الخرطوم انت مع ناس الخرطوم إذا نايم فى سنار انت من ناس سنار
حسب فهمنا لهذا الليلة ، كل زول خت في بالو انو ح يتعدا يوم الاجازة "الثلاثاء"
الاسواق والمحلات التجارية والمواصلات غلقت ابوابها وقالت هيت لك ، الكل فى انتظار العدادين "ياربي ح يجونا بنات ولا اولاد؟"
لكن اذا سالت نفسك معقولة يوم واحد يعد السودان كلو ؟؟ يعنى العدادين ديل كم وبيدوهم كم؟؟
لحد تاريخ كتابة هذا البوست ملاقاني زول تم عده
طيب ياجماعة بس سؤال ما الفهم من الاجازة خليناهو التعداد دا.
|
|
|
|
|
|
|
|
Re: في ليلة الإسناد الزمني.... همشووووونا وماعدونا!!! (Re: Shamael Elnoor)
|
Quote: الاسواق والمحلات التجارية والمواصلات غلقت ابوابها وقالت هيت لك ، الكل فى انتظار العدادين |
بالله كان داير ليك رصيد ما تلقاه
Quote: طيب ياجماعة بس سؤال ما الفهم من الاجازة خليناهو التعداد دا. |
ومين سمعك؟ قعدنا في بيوتنا لمن ملينا والواحد بقي مابقعد في البيت إلا يكون عيان
الشغله دي ما أشتغلو بينا
| |
|
|
|
|
|
|
Re: في ليلة الإسناد الزمني.... همشووووونا وماعدونا!!! (Re: Shamael Elnoor)
|
انت برضو؟؟؟ انا قايل نفسي براي ... وهذا جزء من مقال صحفي (اعددته) للنشر بالجريدة
Quote: ليلة الاسناد ... وناس (الاستعداد) !!! كلما قرع باب المنزل يهرع طفلي الذي لم يتجاوز أعوامه السبع نحو الباب وهو يهتف (ناس الاستعداد جو) !! لقد اختلط عليه الامر وحاول حسب طفولته الربط بين ليلة الاسناد وعملية التعداد ... ظل هكذا حالنا منذ صباح الثلاثاء حتي أفول شمس المغيب رغم المعاناة لانقطاع الكهرباء .بسبب الامطار والرياح .. وهو أيضا الحال ـ كما علمت بعد صلاة المغرب بالمسجد ــ في كل انحاء حي الشيخ خوجلي بالخرطوم بحري ...ومناطق اخري مثل الدناقلة ... وقبل أن يخلد ابني (محمد) للنوم سألني قائلا: يعني ما حيعدونا يا ابوي ؟؟ وما علم أنني لا أملك الاجابة علي هذا السؤال المهم جدا .. وبالطبع لم تكن هناك أي معلومات او تنويهات اعلامية لتوضيح الموقف للمواطنين او الرد علي التساؤلات التي ظلت حائرة .. بعض المواطنين في المنطقة تبرعوا باطلاق التبريرات وقالوا أن السيارات لم تكن كافية للعدادين في الخرطوم بحري .. لتنطلق اجابة عفوية من أحد الحضور قائلا : طيب ما يؤجروا الركشات الكثيرة دي؟؟!! . |
| |
|
|
|
|
|
|
|