الملل فى الحياة الزوجية...من الضحية الزوج أم الزوجة؟؟

Quote: دي بس بالغت فيها..الموضوع كوم وأنت يا عمر الفاروق كوم يعني عايز تقنعنا إنك بي صلعتك دي من مواليد ما بعد 70!!! غايتو أنا جبت صورتك عشان القارئ يقرر في شأنك.

اها النجيكم تاني لي موضوعكم ده وشايف الشغلانة لسة مدوورة في موضوع الشكل والنيو لووك والسمنة !!
طيب يا سادتي يعني أسة الراجل مش برضو مفروض يكون عندو نيو لووك ؟
مش مفروض يتجنصص لي مرتو ؟
وبي نفس المعادلة فمن حق المرأة أن تطلب من زوجها أن يحلق لها (كارلويس) حين يطلب منها قص شعرها ..وان تطلب منه عمل البودرة والكريمات حين تسرق الشمس لونه كما يطلب منها وأن يلبس لها الفنيلة الكت والشورت كما يطلب منها !!!
شغلانية المطالب دي لو بقت الركيزة الأساسية في العلاقة فدي شغلانة ما بتنتهي وكل زول حا يطالب التاني بي حاجات لا ليها أول لا اخر !!!
ربما المرأة في موضوع السمنة تتمنى أن يظل زوجها بالكرش والسمنة والصلعة حتى لا تفكر فيه واحدة غيرها (غاتو انا قالت لي خليك كده بي صلعتك دي )
طييب ليييي الراجل البيقولوا عندو نخوة وغيرة عايز يقشر بي مرتو قدام المجتمع إنها سمحة وشوفوني معرس لي قنبلة ونجااااضة ونااار منقد وووووووو..
ياخ تعرفوا انا فهمي للزواج ده زي شنو ؟
الزواج ده زي البصمة ما بيتكرر عن إتنين تانيين غيركم !!!
بس !!