الملل فى الحياة الزوجية...من الضحية الزوج أم الزوجة؟؟

Quote: سلامات يا مريم ما فى راجل حا يفرض رايه علي زوجته وانما ابداء رايه تاني حاجة المراة عندها كامل الحق تبدى رايها فى كرش الرجل وعليه ان يعمل على ازالتها الحاجات دى معظم السودانين بيعتبروها حاجات ثانوية و دى ما الحقيقة البداخل اى زول ولا زولة يعنى بالواضح الراجل ولا المراة السمنة بتكون سبب اساسى to turn her or him off ولو الناس وصلت المرحلة دى بعد دا الا الفراق لانه الرغبة الجنسية التحكم فيها ما ارادى ودى المشكلة خاصة بالنسبة للرجل لانه هو ال active بعدين يا مريم المراة ما مفروض تزيد 20 كيلو اثناء الحمل لو بتاكل صا ح وتحرك حركتها العادية قبل الحمل واهم حاجة الكلام البتقولو ليها امها اثناء الحمل تعمل عكسه وما بتجيها عوجة

في نقطة انت ناسيها يمكن لأنك عايش في امريكا.. وهي انه الرجل السوداني بفضّل المراة السمينة، يعني الازمة الانت بتتكلم عنها دي اساسا ما بتكون موجوده.. والبشتنه كما وصفته ما موجوده.. لانه الراجل داير المراه السمينه المدهّبه المشكشكه.. المدخنه المحننه (الدخان هناك عندكم بعتبروه ريحه عفنه، موش؟) اها المعايير بتختلف..برضه في نقطة تانية انت ذكرتها يا دكتور.. ناقضته فيها نفسك.. الرجل لما يفرض انجذابه نحو زوجته ويربطه بوزنها، هنا هو فرض رأيه عليها.. واجبرها على مسألة الوزن دي.. والراجل البشوف مرته بالصوره دي، (معليش يعني) بكون زول سطحي.. وما بقدّر....

انا مع محمد الحاج في النقطة بتاعت الصداقة دي.. لكن دي بتحتاج من الرجل انه ينزل من علياؤه شويه.. يعني الراجل لو شايف المراه (الوليه) على اعتبار انها اداة طبيخ وغسيل وتفريخ، بتبقى مسألة الصداقة دي صعبة شويه.. لانه الصداقة علاقة اساسها الانطلاق من قاعدة التساوي في المكانه في المؤسسه بتاعت الزواج...

واحد فوق كتب انه المرأة مفروض تبطل نقّه.. المرأة لو بطلت نقّه، معناها يئست من ان تُسمع... ولا شنو؟